| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
6. பட²மமித்தாமச்சஸுத்தங்
6. Paṭhamamittāmaccasuttaṃ
1012. ‘‘யே தே, பி⁴க்க²வே, அனுகம்பெய்யாத², யே ச ஸோதப்³ப³ங் மஞ்ஞெய்யுங் – மித்தா வா அமச்சா வா ஞாதீ வா ஸாலோஹிதா வா – தே, பி⁴க்க²வே, சதூஸு ஸோதாபத்தியங்கே³ஸு ஸமாத³பேதப்³பா³ , நிவேஸேதப்³பா³, பதிட்டா²பேதப்³பா³. கதமேஸு சதூஸு? பு³த்³தே⁴ அவேச்சப்பஸாதே³ ஸமாத³பேதப்³பா³, நிவேஸேதப்³பா³, பதிட்டா²பேதப்³பா³ – இதிபி ஸோ ப⁴க³வா…பே॰… ஸத்தா² தே³வமனுஸ்ஸானங் பு³த்³தோ⁴ ப⁴க³வாதி. த⁴ம்மே…பே॰… ஸங்கே⁴…பே॰… அரியகந்தேஸு ஸீலேஸு ஸமாத³பேதப்³பா³, நிவேஸேதப்³பா³, பதிட்டா²பேதப்³பா³ அக²ண்டே³ஸு…பே॰… ஸமாதி⁴ஸங்வத்தனிகேஸு. யே தே, பி⁴க்க²வே, அனுகம்பெய்யாத² , யே ச ஸோதப்³ப³ங் மஞ்ஞெய்யுங் – மித்தா வா அமச்சா வா ஞாதீ வா ஸாலோஹிதா வா – தே, பி⁴க்க²வே, இமேஸு சதூஸு ஸோதாபத்தியங்கே³ஸு ஸமாத³பேதப்³பா³, நிவேஸேதப்³பா³, பதிட்டா²பேதப்³பா³’’தி. ச²ட்ட²ங்.
1012. ‘‘Ye te, bhikkhave, anukampeyyātha, ye ca sotabbaṃ maññeyyuṃ – mittā vā amaccā vā ñātī vā sālohitā vā – te, bhikkhave, catūsu sotāpattiyaṅgesu samādapetabbā , nivesetabbā, patiṭṭhāpetabbā. Katamesu catūsu? Buddhe aveccappasāde samādapetabbā, nivesetabbā, patiṭṭhāpetabbā – itipi so bhagavā…pe… satthā devamanussānaṃ buddho bhagavāti. Dhamme…pe… saṅghe…pe… ariyakantesu sīlesu samādapetabbā, nivesetabbā, patiṭṭhāpetabbā akhaṇḍesu…pe… samādhisaṃvattanikesu. Ye te, bhikkhave, anukampeyyātha , ye ca sotabbaṃ maññeyyuṃ – mittā vā amaccā vā ñātī vā sālohitā vā – te, bhikkhave, imesu catūsu sotāpattiyaṅgesu samādapetabbā, nivesetabbā, patiṭṭhāpetabbā’’ti. Chaṭṭhaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 6. பட²மமித்தாமச்சஸுத்தவண்ணனா • 6. Paṭhamamittāmaccasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 6. பட²மமித்தாமச்சஸுத்தவண்ணனா • 6. Paṭhamamittāmaccasuttavaṇṇanā
