| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
6. батамамид̇д̇аамажжасуд̇д̇ам̣
6. Paṭhamamittāmaccasuttaṃ
1012. ‘‘яз д̇з, бхигкавз, анугамбзяяаат̇а, яз жа сод̇аб̣б̣ам̣ ман̃н̃зяяум̣ – мид̇д̇аа ваа амажжаа ваа н̃аад̇ий ваа саалохид̇аа ваа – д̇з, бхигкавз, жад̇уусу сод̇аабад̇д̇ияан̇г̇зсу самаад̣̇абзд̇аб̣б̣аа , нивзсзд̇аб̣б̣аа, бад̇идтаабзд̇аб̣б̣аа. гад̇амзсу жад̇уусу? б̣уд̣̇д̇хз авзжжаббасаад̣̇з самаад̣̇абзд̇аб̣б̣аа, нивзсзд̇аб̣б̣аа, бад̇идтаабзд̇аб̣б̣аа – ид̇иби со бхаг̇аваа…бз… сад̇т̇аа д̣̇звамануссаанам̣ б̣уд̣̇д̇хо бхаг̇аваад̇и. д̇хаммз…бз… сан̇гхз…бз… арияаганд̇зсу сийлзсу самаад̣̇абзд̇аб̣б̣аа, нивзсзд̇аб̣б̣аа, бад̇идтаабзд̇аб̣б̣аа акан̣д̣зсу…бз… самаад̇хисам̣вад̇д̇анигзсу. яз д̇з, бхигкавз, анугамбзяяаат̇а , яз жа сод̇аб̣б̣ам̣ ман̃н̃зяяум̣ – мид̇д̇аа ваа амажжаа ваа н̃аад̇ий ваа саалохид̇аа ваа – д̇з, бхигкавз, имзсу жад̇уусу сод̇аабад̇д̇ияан̇г̇зсу самаад̣̇абзд̇аб̣б̣аа, нивзсзд̇аб̣б̣аа, бад̇идтаабзд̇аб̣б̣аа’’д̇и. чадтам̣.
1012. ‘‘Ye te, bhikkhave, anukampeyyātha, ye ca sotabbaṃ maññeyyuṃ – mittā vā amaccā vā ñātī vā sālohitā vā – te, bhikkhave, catūsu sotāpattiyaṅgesu samādapetabbā , nivesetabbā, patiṭṭhāpetabbā. Katamesu catūsu? Buddhe aveccappasāde samādapetabbā, nivesetabbā, patiṭṭhāpetabbā – itipi so bhagavā…pe… satthā devamanussānaṃ buddho bhagavāti. Dhamme…pe… saṅghe…pe… ariyakantesu sīlesu samādapetabbā, nivesetabbā, patiṭṭhāpetabbā akhaṇḍesu…pe… samādhisaṃvattanikesu. Ye te, bhikkhave, anukampeyyātha , ye ca sotabbaṃ maññeyyuṃ – mittā vā amaccā vā ñātī vā sālohitā vā – te, bhikkhave, imesu catūsu sotāpattiyaṅgesu samādapetabbā, nivesetabbā, patiṭṭhāpetabbā’’ti. Chaṭṭhaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. батамамид̇д̇аамажжасуд̇д̇аван̣н̣анаа • 6. Paṭhamamittāmaccasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. батамамид̇д̇аамажжасуд̇д̇аван̣н̣анаа • 6. Paṭhamamittāmaccasuttavaṇṇanā
