| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๖. ปฐมมิตฺตามจฺจสุตฺตํ
6. Paṭhamamittāmaccasuttaṃ
๑๐๑๒. ‘‘เย เต, ภิกฺขเว, อนุกเมฺปยฺยาถ, เย จ โสตพฺพํ มเญฺญยฺยุํ – มิตฺตา วา อมจฺจา วา ญาตี วา สาโลหิตา วา – เต, ภิกฺขเว, จตูสุ โสตาปตฺติยเงฺคสุ สมาทเปตพฺพา , นิเวเสตพฺพา, ปติฎฺฐาเปตพฺพาฯ กตเมสุ จตูสุ? พุเทฺธ อเวจฺจปฺปสาเท สมาทเปตพฺพา, นิเวเสตพฺพา, ปติฎฺฐาเปตพฺพา – อิติปิ โส ภควา…เป.… สตฺถา เทวมนุสฺสานํ พุโทฺธ ภควาติฯ ธเมฺม…เป.… สเงฺฆ…เป.… อริยกเนฺตสุ สีเลสุ สมาทเปตพฺพา, นิเวเสตพฺพา, ปติฎฺฐาเปตพฺพา อขเณฺฑสุ…เป.… สมาธิสํวตฺตนิเกสุฯ เย เต, ภิกฺขเว, อนุกเมฺปยฺยาถ , เย จ โสตพฺพํ มเญฺญยฺยุํ – มิตฺตา วา อมจฺจา วา ญาตี วา สาโลหิตา วา – เต, ภิกฺขเว, อิเมสุ จตูสุ โสตาปตฺติยเงฺคสุ สมาทเปตพฺพา, นิเวเสตพฺพา, ปติฎฺฐาเปตพฺพา’’ติฯ ฉฎฺฐํฯ
1012. ‘‘Ye te, bhikkhave, anukampeyyātha, ye ca sotabbaṃ maññeyyuṃ – mittā vā amaccā vā ñātī vā sālohitā vā – te, bhikkhave, catūsu sotāpattiyaṅgesu samādapetabbā , nivesetabbā, patiṭṭhāpetabbā. Katamesu catūsu? Buddhe aveccappasāde samādapetabbā, nivesetabbā, patiṭṭhāpetabbā – itipi so bhagavā…pe… satthā devamanussānaṃ buddho bhagavāti. Dhamme…pe… saṅghe…pe… ariyakantesu sīlesu samādapetabbā, nivesetabbā, patiṭṭhāpetabbā akhaṇḍesu…pe… samādhisaṃvattanikesu. Ye te, bhikkhave, anukampeyyātha , ye ca sotabbaṃ maññeyyuṃ – mittā vā amaccā vā ñātī vā sālohitā vā – te, bhikkhave, imesu catūsu sotāpattiyaṅgesu samādapetabbā, nivesetabbā, patiṭṭhāpetabbā’’ti. Chaṭṭhaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๖. ปฐมมิตฺตามจฺจสุตฺตวณฺณนา • 6. Paṭhamamittāmaccasuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๖. ปฐมมิตฺตามจฺจสุตฺตวณฺณนา • 6. Paṭhamamittāmaccasuttavaṇṇanā
