| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༦. པཋམམིཏྟཱམཙྩསུཏྟཾ
6. Paṭhamamittāmaccasuttaṃ
༡༠༡༢. ‘‘ཡེ ཏེ, བྷིཀྑཝེ, ཨནུཀམྤེཡྻཱཐ, ཡེ ཙ སོཏབྦཾ མཉྙེཡྻུཾ – མིཏྟཱ ཝཱ ཨམཙྩཱ ཝཱ ཉཱཏཱི ཝཱ སཱལོཧིཏཱ ཝཱ – ཏེ, བྷིཀྑཝེ, ཙཏཱུསུ སོཏཱཔཏྟིཡངྒེསུ སམཱདཔེཏབྦཱ , ནིཝེསེཏབྦཱ, པཏིཊྛཱཔེཏབྦཱ། ཀཏམེསུ ཙཏཱུསུ? བུདྡྷེ ཨཝེཙྩཔྤསཱདེ སམཱདཔེཏབྦཱ, ནིཝེསེཏབྦཱ, པཏིཊྛཱཔེཏབྦཱ – ཨིཏིཔི སོ བྷགཝཱ…པེ॰… སཏྠཱ དེཝམནུསྶཱནཾ བུདྡྷོ བྷགཝཱཏི། དྷམྨེ…པེ॰… སངྒྷེ…པེ॰… ཨརིཡཀནྟེསུ སཱིལེསུ སམཱདཔེཏབྦཱ, ནིཝེསེཏབྦཱ, པཏིཊྛཱཔེཏབྦཱ ཨཁཎྜེསུ…པེ॰… སམཱདྷིསཾཝཏྟནིཀེསུ། ཡེ ཏེ, བྷིཀྑཝེ, ཨནུཀམྤེཡྻཱཐ , ཡེ ཙ སོཏབྦཾ མཉྙེཡྻུཾ – མིཏྟཱ ཝཱ ཨམཙྩཱ ཝཱ ཉཱཏཱི ཝཱ སཱལོཧིཏཱ ཝཱ – ཏེ, བྷིཀྑཝེ, ཨིམེསུ ཙཏཱུསུ སོཏཱཔཏྟིཡངྒེསུ སམཱདཔེཏབྦཱ, ནིཝེསེཏབྦཱ, པཏིཊྛཱཔེཏབྦཱ’’ཏི། ཚཊྛཾ།
1012. ‘‘Ye te, bhikkhave, anukampeyyātha, ye ca sotabbaṃ maññeyyuṃ – mittā vā amaccā vā ñātī vā sālohitā vā – te, bhikkhave, catūsu sotāpattiyaṅgesu samādapetabbā , nivesetabbā, patiṭṭhāpetabbā. Katamesu catūsu? Buddhe aveccappasāde samādapetabbā, nivesetabbā, patiṭṭhāpetabbā – itipi so bhagavā…pe… satthā devamanussānaṃ buddho bhagavāti. Dhamme…pe… saṅghe…pe… ariyakantesu sīlesu samādapetabbā, nivesetabbā, patiṭṭhāpetabbā akhaṇḍesu…pe… samādhisaṃvattanikesu. Ye te, bhikkhave, anukampeyyātha , ye ca sotabbaṃ maññeyyuṃ – mittā vā amaccā vā ñātī vā sālohitā vā – te, bhikkhave, imesu catūsu sotāpattiyaṅgesu samādapetabbā, nivesetabbā, patiṭṭhāpetabbā’’ti. Chaṭṭhaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༦. པཋམམིཏྟཱམཙྩསུཏྟཝཎྞནཱ • 6. Paṭhamamittāmaccasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༦. པཋམམིཏྟཱམཙྩསུཏྟཝཎྞནཱ • 6. Paṭhamamittāmaccasuttavaṇṇanā
