| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
४. देवतावग्गो
4. Devatāvaggo
५. पठममित्तसुत्तवण्णना
5. Paṭhamamittasuttavaṇṇanā
३६. चतुत्थस्स पञ्चमे दुद्ददन्ति दुप्परिच्चजं महारहं भण्डकं। दुक्करं करोतीति कातुं असुकरं कम्मं करोति। दुक्खमं खमतीति सहायस्स अत्थाय दुरधिवासं अधिवासेति। गुय्हमस्स आविकरोतीति अत्तनो गुय्हं तस्स आविकरोति। गुय्हमस्स परिगुहतीति तस्स गुय्हं अञ्ञेसं नाचिक्खति। खीणेन नातिमञ्ञतीति तस्स भोगे खीणे तेन खयेन तं नातिमञ्ञति, तस्मिं ओमानं अत्तनि च अतिमानं न करोति।
36. Catutthassa pañcame duddadanti duppariccajaṃ mahārahaṃ bhaṇḍakaṃ. Dukkaraṃ karotīti kātuṃ asukaraṃ kammaṃ karoti. Dukkhamaṃ khamatīti sahāyassa atthāya duradhivāsaṃ adhivāseti. Guyhamassa āvikarotīti attano guyhaṃ tassa āvikaroti. Guyhamassa pariguhatīti tassa guyhaṃ aññesaṃ nācikkhati. Khīṇena nātimaññatīti tassa bhoge khīṇe tena khayena taṃ nātimaññati, tasmiṃ omānaṃ attani ca atimānaṃ na karoti.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ५. पठममित्तसुत्तं • 5. Paṭhamamittasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / ५. पठममित्तसुत्तवण्णना • 5. Paṭhamamittasuttavaṇṇanā
