| Library / Tipiṭaka / তিপিটক • Tipiṭaka / ৰিমানৰত্থুপাল়ি • Vimānavatthupāḷi |
১০. পঠমনাগৰিমানৰত্থু
10. Paṭhamanāgavimānavatthu
৯৬১.
961.
‘‘সুসুক্কখন্ধং অভিরুয্হ নাগং, অকাচিনং দন্তিং বলিং মহাজৰং।
‘‘Susukkakhandhaṃ abhiruyha nāgaṃ, akācinaṃ dantiṃ baliṃ mahājavaṃ;
অভিরুয্হ গজৰরং 1 সুকপ্পিতং, ইধাগমা ৰেহাযসং অন্তলিক্খে॥
Abhiruyha gajavaraṃ 2 sukappitaṃ, idhāgamā vehāyasaṃ antalikkhe.
৯৬২.
962.
‘‘নাগস্স দন্তেসু দুৰেসু নিম্মিতা, অচ্ছোদকা পদুমিনিযো সুফুল্লা।
‘‘Nāgassa dantesu duvesu nimmitā, acchodakā paduminiyo suphullā;
পদুমেসু চ তুরিযগণা পৰজ্জরে, ইমা চ নচ্চন্তি মনোহরাযো॥
Padumesu ca turiyagaṇā pavajjare, imā ca naccanti manoharāyo.
৯৬৩.
963.
‘‘দেৰিদ্ধিপত্তোসি মহানুভাৰো, মনুস্সভূতো কিমকাসি পুঞ্ঞং।
‘‘Deviddhipattosi mahānubhāvo, manussabhūto kimakāsi puññaṃ;
কেনাসি এৰং জলিতানুভাৰো, ৰণ্ণো চ তে সব্বদিসা পভাসতী’’তি॥
Kenāsi evaṃ jalitānubhāvo, vaṇṇo ca te sabbadisā pabhāsatī’’ti.
৯৬৪.
964.
সো দেৰপুত্তো অত্তমনো, মোগ্গল্লানেন পুচ্ছিতো।
So devaputto attamano, moggallānena pucchito;
পঞ্হং পুট্ঠো ৰিযাকাসি, যস্স কম্মস্সিদং ফলং॥
Pañhaṃ puṭṭho viyākāsi, yassa kammassidaṃ phalaṃ.
৯৬৫.
965.
থূপস্মিং অভিরোপেসিং, পসন্নো সেহি পাণিভি॥
Thūpasmiṃ abhiropesiṃ, pasanno sehi pāṇibhi.
৯৬৬.
966.
‘‘তেন মেতাদিসো ৰণ্ণো…পে॰…ৰণ্ণো চ মে সব্বদিসা পভাসতী’’তি॥
‘‘Tena metādiso vaṇṇo…pe…vaṇṇo ca me sabbadisā pabhāsatī’’ti.
পঠমনাগৰিমানং দসমং।
Paṭhamanāgavimānaṃ dasamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / ৰিমানৰত্থু-অট্ঠকথা • Vimānavatthu-aṭṭhakathā / ১০. পঠমনাগৰিমানৰণ্ণনা • 10. Paṭhamanāgavimānavaṇṇanā
