| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
8. батаманагуханасуд̇д̇аван̣н̣анаа
8. Paṭhamanakuhanasuttavaṇṇanā
35. адтамз наяид̣̇анд̇и зд̇т̇а наид̇и бадисзд̇хз нибаад̇о, д̇асса ‘‘вуссад̇ий’’д̇и иминаа самб̣анд̇хо, яагааро бад̣̇асанд̇хигаро. ид̣̇ам̣-сад̣̇д̣̇о ‘‘згамид̣̇аахам̣, бхигкавз, самаяам̣ уггадтааяам̣ вихараами субхаг̇аванз сааларааж̇амуулз’’д̇иаад̣̇ийсу (ма. ни. 1.501) нибаад̇амад̇д̇ам̣. ‘‘ид̣̇ам̣ ко д̇ам̣, бхигкавз, аббамад̇д̇агам̣ орамад̇д̇агам̣ сийламад̇д̇ага’’нд̇иаад̣̇ийсу (д̣̇ий. ни. 1.27) яат̇аавуд̇д̇з аасаннабажжагкз ааг̇ад̇о.
35. Aṭṭhame nayidanti ettha naiti paṭisedhe nipāto, tassa ‘‘vussatī’’ti iminā sambandho, yakāro padasandhikaro. Idaṃ-saddo ‘‘ekamidāhaṃ, bhikkhave, samayaṃ ukkaṭṭhāyaṃ viharāmi subhagavane sālarājamūle’’tiādīsu (ma. ni. 1.501) nipātamattaṃ. ‘‘Idaṃ kho taṃ, bhikkhave, appamattakaṃ oramattakaṃ sīlamattaka’’ntiādīsu (dī. ni. 1.27) yathāvutte āsannapaccakkhe āgato.
‘‘ид̣̇ан̃хи д̇ам̣ ж̇зд̇аванам̣, исисан̇гханисзвид̇ам̣;
‘‘Idañhi taṃ jetavanaṃ, isisaṅghanisevitaṃ;
аавуд̇т̇ам̣ д̇хаммарааж̇зна, бийд̇исан̃ж̇ананам̣ мамаа’’д̇и. –
Āvutthaṃ dhammarājena, pītisañjananaṃ mamā’’ti. –
аад̣̇ийсу (сам̣. ни. 1.48) вагкамаанз аасаннабажжагкз. ид̇хааби вагкамаанзязва аасаннабажжагкз д̣̇адтаб̣б̣о.
Ādīsu (saṃ. ni. 1.48) vakkhamāne āsannapaccakkhe. Idhāpi vakkhamāneyeva āsannapaccakkhe daṭṭhabbo.
б̣рахмажарияа-сад̣̇д̣̇о –
Brahmacariya-saddo –
‘‘гим̣ д̇з вад̇ам̣ гим̣ бана б̣рахмажарияам̣,
‘‘Kiṃ te vataṃ kiṃ pana brahmacariyaṃ,
гисса сужин̣н̣асса аяам̣ вибааго;
Kissa suciṇṇassa ayaṃ vipāko;
ид̣̇д̇хий ж̇уд̇ий б̣алавийрияуубабад̇д̇и,
Iddhī jutī balavīriyūpapatti,
ид̣̇ан̃жа д̇з нааг̇а махаавимаанам̣.
Idañca te nāga mahāvimānaṃ.
‘‘ахан̃жа бхарияаа жа мануссалогз,
‘‘Ahañca bhariyā ca manussaloke,
сад̣̇д̇хаа убхо д̣̇аанабад̇ий ахумхаа;
Saddhā ubho dānapatī ahumhā;
обаанабхууд̇ам̣ мз гхарам̣ д̇ад̣̇ааси,
Opānabhūtaṃ me gharaṃ tadāsi,
санд̇аббид̇аа саман̣аб̣раахман̣аа жа.
Santappitā samaṇabrāhmaṇā ca.
‘‘д̇ам̣ мз вад̇ам̣ д̇ам̣ бана б̣рахмажарияам̣,
‘‘Taṃ me vataṃ taṃ pana brahmacariyaṃ,
д̇асса сужин̣н̣асса аяам̣ вибааго;
Tassa suciṇṇassa ayaṃ vipāko;
ид̣̇д̇хий ж̇уд̇ий б̣алавийрияуубабад̇д̇и,
Iddhī jutī balavīriyūpapatti,
ид̣̇ан̃жа мз д̇хийра махаавимаана’’нд̇и. (ж̇аа. 2.22.1592-1593, 1595) –
Idañca me dhīra mahāvimāna’’nti. (jā. 2.22.1592-1593, 1595) –
имасмим̣ бун̣н̣агаж̇аад̇агз д̣̇аанз ааг̇ад̇о.
Imasmiṃ puṇṇakajātake dāne āgato.
‘‘гзна баан̣и гаамад̣̇ад̣̇о, гзна баан̣и мад̇хуссаво;
‘‘Kena pāṇi kāmadado, kena pāṇi madhussavo;
гзна д̇з б̣рахмажариязна, бун̃н̃ам̣ баан̣имхи иж̇жхад̇и.
Kena te brahmacariyena, puññaṃ pāṇimhi ijjhati.
‘‘д̇зна баан̣и гаамад̣̇ад̣̇о, д̇зна баан̣и мад̇хуссаво;
‘‘Tena pāṇi kāmadado, tena pāṇi madhussavo;
д̇зна мз б̣рахмажариязна, бун̃н̃ам̣ баан̣имхи иж̇жхад̇ий’’д̇и. (бз. ва. 275, 277) –
Tena me brahmacariyena, puññaṃ pāṇimhi ijjhatī’’ti. (pe. va. 275, 277) –
имасмим̣ ан̇гурабзд̇авад̇т̇усмим̣ взяяааважжз. ‘‘ид̣̇ам̣ ко д̇ам̣, бхигкавз, д̇ид̇д̇ирияам̣ наама б̣рахмажарияам̣ ахосий’’д̇и (жуул̣ава. 311) имасмим̣ д̇ид̇д̇ираж̇аад̇агз бан̃жасигкаабад̣̇асийлз. ‘‘д̇ам̣ ко бана, бан̃жасика, б̣рахмажарияам̣ нзва ниб̣б̣ид̣̇ааяа на вирааг̇ааяа…бз… яаавад̣̇зва б̣рахмалогуубабад̇д̇ияаа’’д̇и (д̣̇ий. ни. 2.329) имасмим̣ махааг̇овинд̣̇асуд̇д̇з б̣рахмавихаарз. ‘‘барз аб̣рахмажаарий бхависсанд̇и, маяамзд̇т̇а б̣рахмажаарино бхависсаамаа’’д̇и (ма. ни. 1.83) саллзкасуд̇д̇з мзт̇унавирад̇ияам̣.
Imasmiṃ aṅkurapetavatthusmiṃ veyyāvacce. ‘‘Idaṃ kho taṃ, bhikkhave, tittiriyaṃ nāma brahmacariyaṃ ahosī’’ti (cūḷava. 311) imasmiṃ tittirajātake pañcasikkhāpadasīle. ‘‘Taṃ kho pana, pañcasikha, brahmacariyaṃ neva nibbidāya na virāgāya…pe… yāvadeva brahmalokūpapattiyā’’ti (dī. ni. 2.329) imasmiṃ mahāgovindasutte brahmavihāre. ‘‘Pare abrahmacārī bhavissanti, mayamettha brahmacārino bhavissāmā’’ti (ma. ni. 1.83) sallekhasutte methunaviratiyaṃ.
‘‘маяан̃жа бхарияаа наад̇иггамаама,
‘‘Mayañca bhariyā nātikkamāma,
амхз жа бхарияаа наад̇иггаманд̇и;
Amhe ca bhariyā nātikkamanti;
ан̃н̃ад̇ра д̇аахи б̣рахмажарияам̣ жараама,
Aññatra tāhi brahmacariyaṃ carāma,
д̇асмаа хи амхам̣ д̣̇ахараа на мийяарз’’д̇и. (ж̇аа. 1.10.97) –
Tasmā hi amhaṃ daharā na mīyare’’ti. (jā. 1.10.97) –
махаад̇хаммабаалаж̇аад̇агз сад̣̇аарасанд̇осз. ‘‘абхиж̇аанаами ко банаахам̣, саарибуд̇д̇а, жад̇уран̇г̇асаманнааг̇ад̇ам̣ б̣рахмажарияам̣ жарид̇аа – д̇абассий суд̣̇ам̣ хомий’’д̇и (ма. ни. 1.155) ломахам̣сасуд̇д̇з вийрияз.
Mahādhammapālajātake sadārasantose. ‘‘Abhijānāmi kho panāhaṃ, sāriputta, caturaṅgasamannāgataṃ brahmacariyaṃ caritā – tapassī sudaṃ homī’’ti (ma. ni. 1.155) lomahaṃsasutte vīriye.
‘‘хийнзна б̣рахмажариязна, кад̇д̇ияз убабаж̇ж̇ад̇и;
‘‘Hīnena brahmacariyena, khattiye upapajjati;
маж̇жхимзна жа д̣̇звад̇д̇ам̣, уд̇д̇амзна висуж̇жхад̇ий’’д̇и. (ж̇аа. 1.8.75) –
Majjhimena ca devattaṃ, uttamena visujjhatī’’ti. (jā. 1.8.75) –
нимиж̇аад̇агз ад̇д̇ад̣̇аманавасзна гад̇з адтан̇г̇игаубосат̇з. ‘‘ид̣̇ам̣ ко бана, бан̃жасика, б̣рахмажарияам̣ зганд̇аниб̣б̣ид̣̇ааяа вирааг̇ааяа…бз… аяамзва арияо адтан̇г̇иго маг̇г̇о’’д̇и (д̣̇ий. ни. 2.329) махааг̇овинд̣̇асуд̇д̇зязва арияамаг̇г̇з. ‘‘д̇аяид̣̇ам̣ б̣рахмажарияам̣ ид̣̇д̇хан̃жзва пийд̇ан̃жа вид̇т̇ааригам̣ б̣аахуж̇ан̃н̃ам̣ бут̇убхууд̇ам̣ яаава д̣̇звамануссзхи суббагаасид̇а’’нд̇и (д̣̇ий. ни. 3.174) баасаад̣̇игасуд̇д̇з сигкад̇д̇аяасан̇г̇ахз сагаласмим̣ саасанз. ид̇хааби арияамаг̇г̇з саасанз жа вад̇д̇ад̇и.
Nimijātake attadamanavasena kate aṭṭhaṅgikauposathe. ‘‘Idaṃ kho pana, pañcasikha, brahmacariyaṃ ekantanibbidāya virāgāya…pe… ayameva ariyo aṭṭhaṅgiko maggo’’ti (dī. ni. 2.329) mahāgovindasutteyeva ariyamagge. ‘‘Tayidaṃ brahmacariyaṃ iddhañceva phītañca vitthārikaṃ bāhujaññaṃ puthubhūtaṃ yāva devamanussehi suppakāsita’’nti (dī. ni. 3.174) pāsādikasutte sikkhattayasaṅgahe sakalasmiṃ sāsane. Idhāpi ariyamagge sāsane ca vattati.
вуссад̇ийд̇и васийяад̇и, жарийяад̇ийд̇и ад̇т̇о. ж̇анагуханад̇т̇анд̇и ‘‘ахо аяяо сийлаваа вад̇д̇асамбанно аббижчо санд̇удто махид̣̇д̇хиго махаанубхааво’’д̇иаад̣̇инаа ж̇анасса сад̇д̇алогасса вимхаабанад̇т̇ам̣. ж̇аналабанад̇т̇анд̇и ‘‘зваруубасса наама аяяасса д̣̇иннам̣ махабпалам̣ бхависсад̇ий’’д̇и басаннажид̇д̇зхи ‘‘гзнад̇т̇о, гим̣ аахарийяад̇уу’’д̇и мануссзхи вад̣̇аабанад̇т̇ам̣. лаабхасаггаарасилогаанисам̣сад̇т̇анд̇и явааяам̣ ‘‘ааган̇кзяяа жз, бхигкавз, бхигку ‘лаабхий ассам̣ жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаараана’нд̇и, сийлз-свзвасса барибуурагаарий’’д̇и (ма. ни. 1.65) сийлаанисам̣сабхаавзна вуд̇д̇о жад̇убажжаяалаабхо, яо жа жад̇уннам̣ бажжаяаанам̣ саггажжад̣̇аанасан̇каад̇о аад̣̇араб̣ахумаанаг̇аругаран̣асан̇каад̇о жа саггааро, яо жа ‘‘сийласамбанно б̣ахуссуд̇о суд̇ад̇харо аарад̣̇д̇хавийрияо’’д̇иаад̣̇инаа наязна уг̇г̇ад̇ат̇уд̇игхосасан̇каад̇о силого б̣рахмажарияам̣ жаранд̇аанам̣ д̣̇идтад̇хаммиго аанисам̣со, д̇ад̣̇ад̇т̇ам̣. ид̇и мам̣ ж̇ано ж̇аанаад̇ууд̇и ‘‘звам̣ б̣рахмажарияаваасз сад̇и ‘аяам̣ сийлаваа галяаан̣ад̇хаммо’д̇иаад̣̇инаа мам̣ ж̇ано ж̇аанаад̇у самбхаавзд̇уу’’д̇и ад̇д̇ано санд̇аг̇ун̣авасзна самбхааванад̇т̇амби на ид̣̇ам̣ б̣рахмажарияам̣ вуссад̇ийд̇и самб̣анд̇хо.
Vussatīti vasīyati, carīyatīti attho. Janakuhanatthanti ‘‘aho ayyo sīlavā vattasampanno appiccho santuṭṭho mahiddhiko mahānubhāvo’’tiādinā janassa sattalokassa vimhāpanatthaṃ. Janalapanatthanti ‘‘evarūpassa nāma ayyassa dinnaṃ mahapphalaṃ bhavissatī’’ti pasannacittehi ‘‘kenattho, kiṃ āharīyatū’’ti manussehi vadāpanatthaṃ. Lābhasakkārasilokānisaṃsatthanti yvāyaṃ ‘‘ākaṅkheyya ce, bhikkhave, bhikkhu ‘lābhī assaṃ cīvarapiṇḍapātasenāsanagilānappaccayabhesajjaparikkhārāna’nti, sīle-svevassa paripūrakārī’’ti (ma. ni. 1.65) sīlānisaṃsabhāvena vutto catupaccayalābho, yo ca catunnaṃ paccayānaṃ sakkaccadānasaṅkhāto ādarabahumānagarukaraṇasaṅkhāto ca sakkāro, yo ca ‘‘sīlasampanno bahussuto sutadharo āraddhavīriyo’’tiādinā nayena uggatathutighosasaṅkhāto siloko brahmacariyaṃ carantānaṃ diṭṭhadhammiko ānisaṃso, tadatthaṃ. Iti maṃ jano jānātūti ‘‘evaṃ brahmacariyavāse sati ‘ayaṃ sīlavā kalyāṇadhammo’tiādinā maṃ jano jānātu sambhāvetū’’ti attano santaguṇavasena sambhāvanatthampi na idaṃ brahmacariyaṃ vussatīti sambandho.
гзжи бана ‘‘ж̇анагуханад̇т̇анд̇и баабижчасса ижчаабагад̇асса сад̇о сааманд̇аж̇аббанаирияаабат̇аниссид̇абажжаяабадисзванасан̇каад̇зна д̇ивид̇хзна гуханавад̇т̇унаа гуханабхаавзна ж̇анасса вимхаабанад̇т̇ам̣. ж̇аналабанад̇т̇анд̇и баабижчассзва сад̇о бажжаяад̇т̇ам̣ баригат̇обхаасаад̣̇ивасзна лабанабхаавзна убалаабанабхаавзна ваа ж̇анасса лабанад̇т̇ам̣. лаабхасаггаарасилогаанисам̣сад̇т̇анд̇и баабижчассзва сад̇о лаабхаад̣̇иг̇аруд̇ааяа лаабхасаггаарасилогасан̇каад̇асса аанисам̣сауд̣̇аяасса нибпаад̣̇анад̇т̇ам̣. ид̇и мам̣ ж̇ано ж̇аанаад̇ууд̇и баабижчассзва сад̇о асанд̇аг̇ун̣асамбхааванаад̇хиббааязна ‘ид̇и звам̣ мам̣ ж̇ано ж̇аанаад̇уу’д̇и на ид̣̇ам̣ б̣рахмажарияам̣ вуссад̇ий’’д̇и звамзд̇т̇а ад̇т̇ам̣ вад̣̇анд̇и. буримоязва бана ад̇т̇о саарад̇аро.
Keci pana ‘‘janakuhanatthanti pāpicchassa icchāpakatassa sato sāmantajappanairiyāpathanissitapaccayapaṭisevanasaṅkhātena tividhena kuhanavatthunā kuhanabhāvena janassa vimhāpanatthaṃ. Janalapanatthanti pāpicchasseva sato paccayatthaṃ parikathobhāsādivasena lapanabhāvena upalāpanabhāvena vā janassa lapanatthaṃ. Lābhasakkārasilokānisaṃsatthanti pāpicchasseva sato lābhādigarutāya lābhasakkārasilokasaṅkhātassa ānisaṃsaudayassa nipphādanatthaṃ. Iti maṃ jano jānātūti pāpicchasseva sato asantaguṇasambhāvanādhippāyena ‘iti evaṃ maṃ jano jānātū’ti na idaṃ brahmacariyaṃ vussatī’’ti evamettha atthaṃ vadanti. Purimoyeva pana attho sārataro.
ат̇а код̇и зд̇т̇а ат̇аад̇и ан̃н̃ад̣̇ад̇т̇з нибаад̇о, код̇и авад̇хааран̣з. д̇зна гуханаад̣̇ид̇о ан̃н̃ад̣̇ад̇т̇ааязва бана ид̣̇ам̣, бхигкавз, б̣рахмажарияам̣ вуссад̇ийд̇и д̣̇ассзд̇и. ид̣̇аани д̇ам̣ баяож̇анам̣ д̣̇ассзнд̇о ‘‘сам̣варад̇т̇ан̃жзва бахаанад̇т̇ан̃жаа’’д̇и ааха. д̇ад̇т̇а бан̃жавид̇хо сам̣варо – баад̇имогкасам̣варо, сад̇исам̣варо, н̃аан̣асам̣варо, канд̇исам̣варо, вийрияасам̣варод̇и.
Atha khoti ettha athāti aññadatthe nipāto, khoti avadhāraṇe. Tena kuhanādito aññadatthāyeva pana idaṃ, bhikkhave, brahmacariyaṃ vussatīti dasseti. Idāni taṃ payojanaṃ dassento ‘‘saṃvaratthañceva pahānatthañcā’’ti āha. Tattha pañcavidho saṃvaro – pātimokkhasaṃvaro, satisaṃvaro, ñāṇasaṃvaro, khantisaṃvaro, vīriyasaṃvaroti.
д̇ад̇т̇а ‘‘иминаа баад̇имогкасам̣варзна убзд̇о ход̇и самубзд̇о’’д̇и (вибха. 511) хи аад̣̇инаа наязна ааг̇ад̇о аяам̣ баад̇имогкасам̣варо наама, яо сийласам̣варод̇и жа бавужжад̇и. ‘‘рагкад̇и жагкунд̣̇рияам̣, жагкунд̣̇рияз сам̣варам̣ аабаж̇ж̇ад̇ий’’д̇и (д̣̇ий. ни. 1.213; ма. ни. 1.295; сам̣. ни. 4.239; а. ни. 3.16) ааг̇ад̇о аяам̣ сад̇исам̣варо.
Tattha ‘‘iminā pātimokkhasaṃvarena upeto hoti samupeto’’ti (vibha. 511) hi ādinā nayena āgato ayaṃ pātimokkhasaṃvaro nāma, yo sīlasaṃvaroti ca pavuccati. ‘‘Rakkhati cakkhundriyaṃ, cakkhundriye saṃvaraṃ āpajjatī’’ti (dī. ni. 1.213; ma. ni. 1.295; saṃ. ni. 4.239; a. ni. 3.16) āgato ayaṃ satisaṃvaro.
‘‘яаани сод̇аани логасмим̣ (аж̇ид̇аад̇и бхаг̇аваа),
‘‘Yāni sotāni lokasmiṃ (ajitāti bhagavā),
сад̇и д̇зсам̣ нивааран̣ам̣;
Sati tesaṃ nivāraṇaṃ;
сод̇аанам̣ сам̣варам̣ б̣рууми,
Sotānaṃ saṃvaraṃ brūmi,
бан̃н̃ааязд̇з бид̇хийяарз’’д̇и. (су. ни. 1041) –
Paññāyete pidhīyare’’ti. (su. ni. 1041) –
ааг̇ад̇о аяам̣ н̃аан̣асам̣варо. ‘‘камо ход̇и сийд̇асса ун̣хассаа’’д̇иаад̣̇инаа (ма. ни. 1.24; а. ни. 4.114; 6.58) наязна ааг̇ад̇о аяам̣ канд̇исам̣варо. ‘‘уббаннам̣ гаамавид̇аггам̣ наад̇хиваасзд̇ий’’д̇иаад̣̇инаа (ма. ни. 1.26; а. ни. 4.114; 6.58) наязна ааг̇ад̇о аяам̣ вийрияасам̣варо. ад̇т̇ад̇о бана баан̣аад̇ибаад̇аад̣̇ийнам̣ баж̇аханавасзна, вад̇д̇абадивад̇д̇аанам̣ гаран̣авасзна жа бавад̇д̇аа жзд̇анаа вирад̇ияо жа. сан̇кзбад̇о саб̣б̣о гааяаважийсам̣яамо, вид̇т̇аарад̇о сад̇д̇аннам̣ аабад̇д̇игканд̇хаанам̣ авийд̇иггамо сийласам̣варо. сад̇и зва сад̇исам̣варо, сад̇иббад̇хаанаа ваа гусалаа канд̇хаа. н̃аан̣амзва н̃аан̣асам̣варо. ад̇хиваасанавасзна ад̣̇осо, ад̣̇осаббад̇хаанаа ваа д̇ат̇аа бавад̇д̇аа гусалаа канд̇хаа канд̇исам̣варо, бан̃н̃аад̇и згз. гаамавид̇аггаад̣̇ийнам̣ анад̇хиваасанавасзна бавад̇д̇ам̣ вийрияамзва вийрияасам̣варо. д̇зсу батамо гааяад̣̇ужжарид̇аад̣̇ид̣̇уссийляасса сам̣варан̣ад̇о сам̣варо, д̣̇уд̇ияо мудтассажжасса, д̇ад̇ияо ан̃н̃аан̣асса, жад̇уд̇т̇о агканд̇ияаа, бан̃жамо госаж̇ж̇асса сам̣варан̣ад̇о бид̣̇аханад̇о сам̣варод̇и взд̣̇ид̇аб̣б̣о. звамзд̇асса сам̣варасса ад̇т̇ааяа сам̣варад̇т̇ам̣, сам̣варанибпаад̣̇анад̇т̇анд̇и ад̇т̇о.
Āgato ayaṃ ñāṇasaṃvaro. ‘‘Khamo hoti sītassa uṇhassā’’tiādinā (ma. ni. 1.24; a. ni. 4.114; 6.58) nayena āgato ayaṃ khantisaṃvaro. ‘‘Uppannaṃ kāmavitakkaṃ nādhivāsetī’’tiādinā (ma. ni. 1.26; a. ni. 4.114; 6.58) nayena āgato ayaṃ vīriyasaṃvaro. Atthato pana pāṇātipātādīnaṃ pajahanavasena, vattapaṭivattānaṃ karaṇavasena ca pavattā cetanā viratiyo ca. Saṅkhepato sabbo kāyavacīsaṃyamo, vitthārato sattannaṃ āpattikkhandhānaṃ avītikkamo sīlasaṃvaro. Sati eva satisaṃvaro, satippadhānā vā kusalā khandhā. Ñāṇameva ñāṇasaṃvaro. Adhivāsanavasena adoso, adosappadhānā vā tathā pavattā kusalā khandhā khantisaṃvaro, paññāti eke. Kāmavitakkādīnaṃ anadhivāsanavasena pavattaṃ vīriyameva vīriyasaṃvaro. Tesu paṭhamo kāyaduccaritādidussīlyassa saṃvaraṇato saṃvaro, dutiyo muṭṭhassaccassa, tatiyo aññāṇassa, catuttho akkhantiyā, pañcamo kosajjassa saṃvaraṇato pidahanato saṃvaroti veditabbo. Evametassa saṃvarassa atthāya saṃvaratthaṃ, saṃvaranipphādanatthanti attho.
бахаанамби бан̃жавид̇хам̣ – д̇ад̣̇ан̇г̇аббахаанам̣, вигкамбханаббахаанам̣, самужчзд̣̇аббахаанам̣, бадиббассад̣̇д̇хиббахаанам̣, ниссаран̣аббахаананд̇и. д̇ад̇т̇а яам̣ вад̇д̇аб̣б̣ам̣, д̇ам̣ хздтаа згаганибаад̇з батамасуд̇д̇аван̣н̣анааяам̣ вуд̇д̇амзва. д̇асса бана бан̃жавид̇хассаби д̇ат̇аа д̇ат̇аа рааг̇аад̣̇игилзсаанам̣ бадиниссаж̇ж̇анадтзна самад̇иггаманадтзна ваа бахаанасса ад̇т̇ааяа бахаанад̇т̇ам̣, бахаанасаад̇ханад̇т̇анд̇и ад̇т̇о. д̇ад̇т̇а сам̣варзна гилзсаанам̣ жид̇д̇асанд̇аанз бавзсананивааран̣ам̣ бахаанзна бавзсананивааран̣ан̃жзва самуг̇гхаад̇о жаад̇и вад̣̇анд̇и. убхаязнааби бана яат̇аарахам̣ убхаяам̣ самбаж̇ж̇ад̇ийд̇и д̣̇адтаб̣б̣ам̣. сийлаад̣̇ид̇хаммаа зва хи сам̣варан̣ад̇о сам̣варо, баж̇аханад̇о бахаананд̇и.
Pahānampi pañcavidhaṃ – tadaṅgappahānaṃ, vikkhambhanappahānaṃ, samucchedappahānaṃ, paṭippassaddhippahānaṃ, nissaraṇappahānanti. Tattha yaṃ vattabbaṃ, taṃ heṭṭhā ekakanipāte paṭhamasuttavaṇṇanāyaṃ vuttameva. Tassa pana pañcavidhassapi tathā tathā rāgādikilesānaṃ paṭinissajjanaṭṭhena samatikkamanaṭṭhena vā pahānassa atthāya pahānatthaṃ, pahānasādhanatthanti attho. Tattha saṃvarena kilesānaṃ cittasantāne pavesananivāraṇaṃ pahānena pavesananivāraṇañceva samugghāto cāti vadanti. Ubhayenāpi pana yathārahaṃ ubhayaṃ sampajjatīti daṭṭhabbaṃ. Sīlādidhammā eva hi saṃvaraṇato saṃvaro, pajahanato pahānanti.
г̇аат̇аасу анийд̇иханд̇и ийд̇ияо вужжанд̇и убад̣̇д̣̇аваа – д̣̇идтад̇хаммигаа жа самбарааяигаа жа. ийд̇ияо ханад̇и винаасзд̇и баж̇ахад̇ийд̇и ийд̇ихам̣, ану ийд̇иханд̇и анийд̇ихам̣, саасанаб̣рахмажарияам̣ маг̇г̇аб̣рахмажарияан̃жа. ат̇а ваа ийд̇ийхи анад̇т̇зхи сад̣̇д̇хим̣ хананд̇и г̇ажчанд̇и бавад̇д̇анд̇ийд̇и ийд̇ихаа, д̇ан̣хаад̣̇иубаггилзсаа. над̇т̇и зд̇т̇а ийд̇ихаад̇и анийд̇ихам̣. ийд̇ихаа ваа яат̇аавуд̇д̇знадтзна д̇ид̇т̇ияасамаяаа, д̇аббадибагкад̇о ид̣̇ам̣ анийд̇ихам̣. ‘‘анид̇иха’’нд̇иби баато. д̇ассад̇т̇о – ‘‘ид̇ихааяа’’нд̇и д̇хаммзсу анзгам̣саг̇г̇аахабхаавад̇о вижигижчаа ид̇ихам̣ наама, саммаасамб̣уд̣̇д̇хаббавзд̣̇ид̇ад̇д̇аа яат̇аанусидтам̣ бадибаж̇ж̇анд̇аанам̣ нигган̇кабхаавасаад̇ханад̇о над̇т̇и зд̇т̇а ид̇иханд̇и анид̇ихам̣, абараббажжаяанд̇и ад̇т̇о. вуд̇д̇ан̃хзд̇ам̣ ‘‘бажжад̇д̇ам̣ взд̣̇ид̇аб̣б̣о вин̃н̃уухий’’д̇и ‘‘ад̇аггааважаро’’д̇и жа. г̇аат̇аасукад̇т̇ам̣ бана ‘‘анийд̇иха’’нд̇и д̣̇ийгхам̣ гад̇ваа батанд̇и.
Gāthāsu anītihanti ītiyo vuccanti upaddavā – diṭṭhadhammikā ca samparāyikā ca. Ītiyo hanati vināseti pajahatīti ītihaṃ, anu ītihanti anītihaṃ, sāsanabrahmacariyaṃ maggabrahmacariyañca. Atha vā ītīhi anatthehi saddhiṃ hananti gacchanti pavattantīti ītihā, taṇhādiupakkilesā. Natthi ettha ītihāti anītihaṃ. Ītihā vā yathāvuttenaṭṭhena titthiyasamayā, tappaṭipakkhato idaṃ anītihaṃ. ‘‘Anitiha’’ntipi pāṭho. Tassattho – ‘‘itihāya’’nti dhammesu anekaṃsaggāhabhāvato vicikicchā itihaṃ nāma, sammāsambuddhappaveditattā yathānusiṭṭhaṃ paṭipajjantānaṃ nikkaṅkhabhāvasādhanato natthi ettha itihanti anitihaṃ, aparappaccayanti attho. Vuttañhetaṃ ‘‘paccattaṃ veditabbo viññūhī’’ti ‘‘atakkāvacaro’’ti ca. Gāthāsukhatthaṃ pana ‘‘anītiha’’nti dīghaṃ katvā paṭhanti.
ниб̣б̣аанасан̇каад̇ам̣ ог̇ад̇хам̣ бад̇идтам̣ баарам̣ г̇ажчад̇ийд̇и ниб̣б̣ааног̇ад̇хаг̇аамий, вимуд̇д̇ирасад̇д̇аа зганд̇знзва ниб̣б̣аанасамбаабагод̇и ад̇т̇о. д̇ам̣ ниб̣б̣ааног̇ад̇хаг̇ааминам̣ б̣рахмажарияам̣. сод̇и яо со самад̇им̣са баарамияо буурзд̇ваа саб̣б̣агилзсз бхинд̣̇ид̇ваа ануд̇д̇арам̣ саммаасамб̣од̇хим̣ абхисамб̣уд̣̇д̇хо, со бхаг̇аваа ад̣̇зсаяи д̣̇зсзси. ниб̣б̣ааног̇ад̇ход̇и ваа арияамаг̇г̇о вужжад̇и. д̇зна винаа ниб̣б̣ааног̇ааханасса асамбхавад̇о д̇асса жа ниб̣б̣аанам̣ анааламб̣ид̇ваа аббавад̇д̇анад̇о, д̇ан̃жа д̇ам̣ зганд̇ам̣ г̇ажчад̇ийд̇и ниб̣б̣ааног̇ад̇хаг̇аамий. ат̇а ваа ниб̣б̣ааног̇ад̇хаг̇ааминанд̇и ниб̣б̣аанасса анд̇ог̇ааминам̣ маг̇г̇аб̣рахмажарияам̣ , ниб̣б̣аанам̣ аарамман̣ам̣ гарид̇ваа д̇асса анд̇о зва вад̇д̇ад̇и бавад̇д̇ад̇ийд̇и. махад̇д̇зхийд̇и махаааад̇умзхи ул̣аараж̇жхаасаязхи. маханд̇ам̣ ниб̣б̣аанам̣, маханд̇з ваа сийлагканд̇хаад̣̇игз зсанд̇и г̇авзсанд̇ийд̇и махзсино б̣уд̣̇д̇хаад̣̇аяо арияаа. д̇зхи ануяаад̇о бадибанно. яат̇аа б̣уд̣̇д̇хзна д̣̇зсид̇анд̇и яат̇аа абхин̃н̃зяяаад̣̇ид̇хаммз абхин̃н̃зяяаад̣̇ибхаавзнзва саммаасамб̣уд̣̇д̇хзна маяаа д̣̇зсид̇ам̣, звам̣ яз зд̇ам̣ маг̇г̇аб̣рахмажарияам̣ д̇ад̣̇ад̇т̇ам̣ саасанаб̣рахмажарияан̃жа бадибаж̇ж̇анд̇и. д̇з д̣̇идтад̇хаммигасамбарааяигад̇т̇зхи яат̇аарахам̣ анусаасанд̇асса сад̇т̇у маяхам̣ саасанагаарино оваад̣̇аббадигараа сагаласса ваддад̣̇угкасса анд̇ам̣ барияанд̇ам̣ аббавад̇д̇им̣ гариссанд̇и, д̣̇угкасса ваа анд̇ам̣ ниб̣б̣аанам̣ сажчигариссанд̇ийд̇и.
Nibbānasaṅkhātaṃ ogadhaṃ patiṭṭhaṃ pāraṃ gacchatīti nibbānogadhagāmī, vimuttirasattā ekanteneva nibbānasampāpakoti attho. Taṃ nibbānogadhagāminaṃ brahmacariyaṃ. Soti yo so samatiṃsa pāramiyo pūretvā sabbakilese bhinditvā anuttaraṃ sammāsambodhiṃ abhisambuddho, so bhagavā adesayi desesi. Nibbānogadhoti vā ariyamaggo vuccati. Tena vinā nibbānogāhanassa asambhavato tassa ca nibbānaṃ anālambitvā appavattanato, tañca taṃ ekantaṃ gacchatīti nibbānogadhagāmī. Atha vā nibbānogadhagāminanti nibbānassa antogāminaṃ maggabrahmacariyaṃ , nibbānaṃ ārammaṇaṃ karitvā tassa anto eva vattati pavattatīti. Mahattehīti mahāātumehi uḷārajjhāsayehi. Mahantaṃ nibbānaṃ, mahante vā sīlakkhandhādike esanti gavesantīti mahesino buddhādayo ariyā. Tehi anuyāto paṭipanno. Yathā buddhena desitanti yathā abhiññeyyādidhamme abhiññeyyādibhāveneva sammāsambuddhena mayā desitaṃ, evaṃ ye etaṃ maggabrahmacariyaṃ tadatthaṃ sāsanabrahmacariyañca paṭipajjanti. Te diṭṭhadhammikasamparāyikatthehi yathārahaṃ anusāsantassa satthu mayhaṃ sāsanakārino ovādappaṭikarā sakalassa vaṭṭadukkhassa antaṃ pariyantaṃ appavattiṃ karissanti, dukkhassa vā antaṃ nibbānaṃ sacchikarissantīti.
адтамасуд̇д̇аван̣н̣анаа нидтид̇аа.
Aṭṭhamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 8. батаманагуханасуд̇д̇ам̣ • 8. Paṭhamanakuhanasuttaṃ
