| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
7-8. батаманаат̇асуд̇д̇аад̣̇иван̣н̣анаа
7-8. Paṭhamanāthasuttādivaṇṇanā
17-18. сад̇д̇амз язхи сийлаад̣̇ийхи саманнааг̇ад̇о бхигку д̇хаммасаран̣ад̇ааяа д̇хаммзнзва наат̇ад̇и аасийсад̇и абхибхавад̇ийд̇и наат̇о вужжад̇и, д̇з д̇асса наат̇абхаавагараа д̇хаммаа наат̇агаран̣аад̇и вуд̇д̇аад̇и ааха ‘‘ад̇д̇ано санаат̇абхаавагараа бад̇идтагараад̇и ад̇т̇о’’д̇и. д̇ад̇т̇а ад̇д̇ано бад̇идтагараад̇и яасса наат̇абхаавагараа, д̇асса ад̇д̇ано бад̇идтаавид̇хааяино. аббад̇идто анаат̇о, саббад̇идто санаат̇од̇и бад̇идтад̇т̇о наат̇а-сад̣̇д̣̇о. галяаан̣аг̇ун̣аяог̇ад̇о галяаан̣аад̇и д̣̇ассзнд̇о ‘‘сийлаад̣̇иг̇ун̣асамбаннаа’’д̇и ааха. миж̇ж̇аналагкан̣аа мзд̇д̇аа зд̇асса ад̇т̇ийд̇и мид̇д̇о. со вуд̇д̇анаязна галяаан̣о асса ад̇т̇ийд̇и д̇асса ад̇т̇ид̇аамад̇д̇ам̣ галяаан̣амид̇д̇абад̣̇зна вуд̇д̇ам̣. асса д̇зна саб̣б̣агаалам̣ авиж̇ахид̇аваасод̇и д̇ам̣ д̣̇ассзд̇ум̣ ‘‘галяаан̣асахааяо’’д̇и вуд̇д̇анд̇и ааха ‘‘д̇звассаа’’д̇и. д̇з зва галяаан̣амид̇д̇аа асса бхигкуно. саха аяанад̇од̇и саха бавад̇д̇анад̇о. асамод̇хаанз жид̇д̇зна, самод̇хаанз бана жид̇д̇зна жзва гааязна жа самбаван̇го. сукам̣ важо зд̇асмим̣ анугуулаг̇аахимхи аад̣̇араг̇аарававад̇и буг̇г̇алзд̇и суважо. д̇знааха ‘‘сукзна вад̇д̇аб̣б̣о’’д̇иаад̣̇и. камод̇и канд̇о. д̇амзвасса камабхаавам̣ д̣̇ассзд̇ум̣ ‘‘г̇аал̣хзнаа’’д̇иаад̣̇и вуд̇д̇ам̣. ваамад̇од̇и мижчаа, аяонисо ваа г̇ан̣хаад̇и. бадибпарад̇ийд̇и бадаан̣игабхаавзна д̇идтад̇и. бад̣̇агкин̣ам̣ г̇ан̣хаад̇ийд̇и саммаа, яонисо ваа г̇ан̣хаад̇и.
17-18. Sattame yehi sīlādīhi samannāgato bhikkhu dhammasaraṇatāya dhammeneva nāthati āsīsati abhibhavatīti nātho vuccati, te tassa nāthabhāvakarā dhammā nāthakaraṇāti vuttāti āha ‘‘attano sanāthabhāvakarā patiṭṭhakarāti attho’’ti. Tattha attano patiṭṭhakarāti yassa nāthabhāvakarā, tassa attano patiṭṭhāvidhāyino. Appatiṭṭho anātho, sappatiṭṭho sanāthoti patiṭṭhattho nātha-saddo. Kalyāṇaguṇayogato kalyāṇāti dassento ‘‘sīlādiguṇasampannā’’ti āha. Mijjanalakkhaṇā mettā etassa atthīti mitto. So vuttanayena kalyāṇo assa atthīti tassa atthitāmattaṃ kalyāṇamittapadena vuttaṃ. Assa tena sabbakālaṃ avijahitavāsoti taṃ dassetuṃ ‘‘kalyāṇasahāyo’’ti vuttanti āha ‘‘tevassā’’ti. Te eva kalyāṇamittā assa bhikkhuno. Saha ayanatoti saha pavattanato. Asamodhāne cittena, samodhāne pana cittena ceva kāyena ca sampavaṅko. Sukhaṃ vaco etasmiṃ anukūlagāhimhi ādaragāravavati puggaleti suvaco. Tenāha ‘‘sukhena vattabbo’’tiādi. Khamoti khanto. Tamevassa khamabhāvaṃ dassetuṃ ‘‘gāḷhenā’’tiādi vuttaṃ. Vāmatoti micchā, ayoniso vā gaṇhāti. Paṭippharatīti paṭāṇikabhāvena tiṭṭhati. Padakkhiṇaṃ gaṇhātīti sammā, yoniso vā gaṇhāti.
ужжааважаанийд̇и вибулакуд̣̇д̣̇агаани. д̇ад̇рубаг̇аманияааяаад̇и д̇ад̇ра д̇ад̇ра маханд̇з куд̣̇д̣̇агз жа гаммз саад̇ханавасзна убааязна убаг̇ажчанд̇ияаа, д̇асса д̇асса гаммасса нибпаад̣̇анз самад̇т̇ааяаад̇и ад̇т̇о. д̇ад̇рубааяааяаад̇и ваа д̇ад̇ра д̇ад̇ра гаммз саад̇хзд̇аб̣б̣з убааяабхууд̇ааяа.
Uccāvacānīti vipulakhuddakāni. Tatrupagamaniyāyāti tatra tatra mahante khuddake ca kamme sādhanavasena upāyena upagacchantiyā, tassa tassa kammassa nipphādane samatthāyāti attho. Tatrupāyāyāti vā tatra tatra kamme sādhetabbe upāyabhūtāya.
д̇хаммз асса гаамод̇и д̇хаммагаамод̇и б̣яад̇хигаран̣аанамби б̣аахирад̇т̇о самаасо ход̇ийд̇и гад̇ваа вуд̇д̇ам̣. гаамзд̇аб̣б̣ад̇о ваа бияааяид̇аб̣б̣ад̇о гаамо, д̇хаммо. д̇хаммо гаамо ассаад̇и д̇хаммагаамо. д̇хаммод̇и барияад̇д̇ид̇хаммо ад̇хиббзд̇од̇и ааха ‘‘д̇збидагам̣ б̣уд̣̇д̇хаважанам̣ бияааяад̇ийд̇и ад̇т̇о’’д̇и. самуд̣̇аахаран̣ам̣ гат̇анам̣ самуд̣̇аахааро, бияо самуд̣̇аахааро зд̇ассаад̇и бияасамуд̣̇аахааро. саяан̃жаад̇и зд̇т̇а жа-сад̣̇д̣̇зна ‘‘саггажжа’’нд̇и бад̣̇ам̣ анугад̣дхад̇и. д̇зна саяан̃жа саггажжам̣ д̣̇зсзд̇угаамо ход̇ийд̇и яож̇анаа. абхид̇хаммо сад̇д̇а багаран̣аани ‘‘ад̇хиго абхивисидто жа барияад̇д̇ид̇хаммо’’д̇и гад̇ваа. винаяо убхад̇овибхан̇г̇аа винаяанад̇о гааяаваажаанам̣. абхивинаяо канд̇хагабариваараа висзсад̇о аабхисамаажааригад̇хаммагид̇д̇анад̇о. аабхисамаажааригад̇хаммабаарибууривасзнзва хи аад̣̇иб̣рахмажарияагад̇хаммабаарибуурий. д̇хаммо зва бидагад̣̇ваяассаби барияад̇д̇ид̇хаммабхаавад̇о. маг̇г̇апалаани абхид̇хаммо ‘‘ниб̣б̣аанад̇хаммасса абхимуко’’д̇и гад̇ваа. гилзсавуубасамагаран̣ам̣ буб̣б̣абхааг̇ияаа д̇иссо сигкаа сан̇кзбад̇о вивадданиссид̇о самат̇о вибассанаа жа. ул̣аарабаамож̇ж̇од̇и б̣алавабаамож̇ж̇о. гааран̣ад̇т̇зд̇и нимид̇д̇ад̇т̇з. гусалад̇хамманимид̇д̇ам̣ хисса вийрияаарамбхо. д̇знааха ‘‘д̇зсам̣ ад̇хиг̇амад̇т̇ааяаа’’д̇и. гусалзсу д̇хаммзсууд̇и ваа нибпаад̣̇зд̇аб̣б̣з бхуммам̣ яат̇аа ‘‘жзд̇асо авуубасамз аяонисоманасигаарабад̣̇адтаана’’нд̇и. адтамз над̇т̇и вад̇д̇аб̣б̣ам̣.
Dhamme assa kāmoti dhammakāmoti byadhikaraṇānampi bāhirattho samāso hotīti katvā vuttaṃ. Kāmetabbato vā piyāyitabbato kāmo, dhammo. Dhammo kāmo assāti dhammakāmo. Dhammoti pariyattidhammo adhippetoti āha ‘‘tepiṭakaṃ buddhavacanaṃ piyāyatīti attho’’ti. Samudāharaṇaṃ kathanaṃ samudāhāro, piyo samudāhāro etassāti piyasamudāhāro. Sayañcāti ettha ca-saddena ‘‘sakkacca’’nti padaṃ anukaḍḍhati. Tena sayañca sakkaccaṃ desetukāmo hotīti yojanā. Abhidhammo satta pakaraṇāni ‘‘adhiko abhivisiṭṭho ca pariyattidhammo’’ti katvā. Vinayo ubhatovibhaṅgā vinayanato kāyavācānaṃ. Abhivinayo khandhakaparivārā visesato ābhisamācārikadhammakittanato. Ābhisamācārikadhammapāripūrivaseneva hi ādibrahmacariyakadhammapāripūrī. Dhammo eva piṭakadvayassapi pariyattidhammabhāvato. Maggaphalāni abhidhammo ‘‘nibbānadhammassa abhimukho’’ti katvā. Kilesavūpasamakaraṇaṃ pubbabhāgiyā tisso sikkhā saṅkhepato vivaṭṭanissito samatho vipassanā ca. Uḷārapāmojjoti balavapāmojjo. Kāraṇattheti nimittatthe. Kusaladhammanimittaṃ hissa vīriyārambho. Tenāha ‘‘tesaṃ adhigamatthāyā’’ti. Kusalesu dhammesūti vā nipphādetabbe bhummaṃ yathā ‘‘cetaso avūpasame ayonisomanasikārapadaṭṭhāna’’nti. Aṭṭhame natthi vattabbaṃ.
батаманаат̇асуд̇д̇аад̣̇иван̣н̣анаа нидтид̇аа.
Paṭhamanāthasuttādivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
7. батаманаат̇асуд̇д̇ам̣ • 7. Paṭhamanāthasuttaṃ
8. д̣̇уд̇ияанаат̇асуд̇д̇ам̣ • 8. Dutiyanāthasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)
7. батаманаат̇асуд̇д̇аван̣н̣анаа • 7. Paṭhamanāthasuttavaṇṇanā
8. д̣̇уд̇ияанаат̇асуд̇д̇аван̣н̣анаа • 8. Dutiyanāthasuttavaṇṇanā
