| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
7. батаманаат̇асуд̇д̇аван̣н̣анаа
7. Paṭhamanāthasuttavaṇṇanā
17. сад̇д̇амз санаат̇аад̇и сан̃аад̇агаа б̣ахун̃аад̇иваг̇г̇аа худ̇ваа вихарат̇а. наат̇ам̣ гаронд̇ийд̇и наат̇агаран̣аа, ад̇д̇ано санаат̇абхаавагараа бад̇идтаагараад̇и ад̇т̇о. галяаан̣амид̇д̇од̇иаад̣̇ийсу сийлаад̣̇иг̇ун̣асамбаннаа галяаан̣аа мид̇д̇аа ассаад̇и галяаан̣амид̇д̇о. д̇звасса таананисаж̇ж̇аад̣̇ийсу саха аяанад̇о сахааяаад̇и галяаан̣асахааяо. жид̇д̇зна жзва гааязна жа галяаан̣амид̇д̇зсуязва самбаван̇го он̣ад̇од̇и галяаан̣асамбаван̇го. суважо ход̇ийд̇и сукзна вад̇д̇аб̣б̣о ход̇и, сукзна анусаасид̇аб̣б̣о. камод̇и г̇аал̣хзна парусзна гагкал̣зна вуд̇д̇о камад̇и на губбад̇и. бад̣̇агкин̣аг̇г̇аахий анусаасанинд̇и яат̇аа згажжо овад̣̇ияамаано ваамад̇о г̇ан̣хаад̇и, бадибпарад̇и ваа, ассун̣анд̇о ваа г̇ажчад̇и, звам̣ агад̇ваа ‘‘овад̣̇ат̇а , бханд̇з, анусаасат̇а, д̇умхзсу ановад̣̇анд̇зсу го ан̃н̃о овад̣̇иссад̇ий’’д̇и бад̣̇агкин̣ам̣ г̇ан̣хаад̇и.
17. Sattame sanāthāti sañātakā bahuñātivaggā hutvā viharatha. Nāthaṃ karontīti nāthakaraṇā, attano sanāthabhāvakarā patiṭṭhākarāti attho. Kalyāṇamittotiādīsu sīlādiguṇasampannā kalyāṇā mittā assāti kalyāṇamitto. Tevassa ṭhānanisajjādīsu saha ayanato sahāyāti kalyāṇasahāyo. Cittena ceva kāyena ca kalyāṇamittesuyeva sampavaṅko oṇatoti kalyāṇasampavaṅko. Suvacohotīti sukhena vattabbo hoti, sukhena anusāsitabbo. Khamoti gāḷhena pharusena kakkhaḷena vutto khamati na kuppati. Padakkhiṇaggāhī anusāsaninti yathā ekacco ovadiyamāno vāmato gaṇhāti, paṭippharati vā, assuṇanto vā gacchati, evaṃ akatvā ‘‘ovadatha , bhante, anusāsatha, tumhesu anovadantesu ko añño ovadissatī’’ti padakkhiṇaṃ gaṇhāti.
ужжааважаанийд̇и ужжанийжаани. гим̣гаран̣ийяаанийд̇и ‘‘гим̣ гаромий’’д̇и звам̣ вад̇ваа гад̇д̇аб̣б̣агаммаани. д̇ад̇т̇а ужжагаммам̣ наама жийварасса гаран̣ам̣ раж̇анам̣, жзд̇ияз суд̇хаагаммам̣, убосат̇ааг̇ааражзд̇ияагхараб̣од̇хигхарзсу гад̇д̇аб̣б̣агамманд̇и звамаад̣̇и. аважагаммам̣ наама баад̣̇ад̇хованамагканаад̣̇икуд̣̇д̣̇агагаммам̣. д̇ад̇руубааяааяаад̇и д̇ад̇рубаг̇аманияааяа. алам̣ гаад̇унд̇и гаад̇ум̣ самад̇т̇о ход̇и. алам̣ сам̣вид̇хаад̇унд̇и вижаарзд̇ум̣ самад̇т̇о ход̇и.
Uccāvacānīti uccanīcāni. Kiṃkaraṇīyānīti ‘‘kiṃ karomī’’ti evaṃ vatvā kattabbakammāni. Tattha uccakammaṃ nāma cīvarassa karaṇaṃ rajanaṃ, cetiye sudhākammaṃ, uposathāgāracetiyagharabodhigharesu kattabbakammanti evamādi. Avacakammaṃ nāma pādadhovanamakkhanādikhuddakakammaṃ. Tatrūpāyāyāti tatrupagamaniyāya. Alaṃ kātunti kātuṃ samattho hoti. Alaṃ saṃvidhātunti vicāretuṃ samattho hoti.
д̇хаммз асса гаамо синзход̇и д̇хаммагаамо, д̇збидагам̣ б̣уд̣̇д̇хаважанам̣ бияааяад̇ийд̇и ад̇т̇о. бияасамуд̣̇аахаарод̇и барасмим̣ гат̇знд̇з саггажжам̣ сун̣аад̇и, саяан̃жа барзсам̣ д̣̇зсзд̇угаамо ход̇ийд̇и ад̇т̇о . абхид̇хаммз абхивинаязд̇и зд̇т̇а д̇хаммо абхид̇хаммо, винаяо абхивинаяод̇и жад̇уггам̣ взд̣̇ид̇аб̣б̣ам̣. д̇ад̇т̇а д̇хаммод̇и суд̇д̇анд̇абидагам̣. абхид̇хаммод̇и сад̇д̇а багаран̣аани. винаяод̇и убхад̇овибхан̇г̇о. абхивинаяод̇и канд̇хагабариваараа. ат̇а ваа суд̇д̇анд̇абидагамби абхид̇хаммабидагамби д̇хаммо зва, маг̇г̇апалаани абхид̇хаммо. сагалавинаяабидагам̣ винаяо, гилзсавуубасамагаран̣ам̣ абхивинаяо. ид̇и саб̣б̣асмимби зд̇т̇а д̇хаммз жа абхид̇хаммз жа винаяз жа абхивинаяз жа ул̣аарабаамож̇ж̇о ход̇ийд̇и ад̇т̇о. гусалзсу д̇хаммзсууд̇и гааран̣ад̇т̇з бхуммам̣, жаад̇убхуумагагусалад̇хаммагааран̣аа д̇зсам̣ ад̇хиг̇амад̇т̇ааяа анигкид̇д̇ад̇хуро ход̇ийд̇и ад̇т̇о.
Dhamme assa kāmo sinehoti dhammakāmo, tepiṭakaṃ buddhavacanaṃ piyāyatīti attho. Piyasamudāhāroti parasmiṃ kathente sakkaccaṃ suṇāti, sayañca paresaṃ desetukāmo hotīti attho . Abhidhamme abhivinayeti ettha dhammo abhidhammo, vinayo abhivinayoti catukkaṃ veditabbaṃ. Tattha dhammoti suttantapiṭakaṃ. Abhidhammoti satta pakaraṇāni. Vinayoti ubhatovibhaṅgo. Abhivinayoti khandhakaparivārā. Atha vā suttantapiṭakampi abhidhammapiṭakampi dhammo eva, maggaphalāni abhidhammo. Sakalavinayapiṭakaṃ vinayo, kilesavūpasamakaraṇaṃ abhivinayo. Iti sabbasmimpi ettha dhamme ca abhidhamme ca vinaye ca abhivinaye ca uḷārapāmojjo hotīti attho. Kusalesu dhammesūti kāraṇatthe bhummaṃ, cātubhūmakakusaladhammakāraṇā tesaṃ adhigamatthāya anikkhittadhuro hotīti attho.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 7. батаманаат̇асуд̇д̇ам̣ • 7. Paṭhamanāthasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7-8. батаманаат̇асуд̇д̇аад̣̇иван̣н̣анаа • 7-8. Paṭhamanāthasuttādivaṇṇanā
