| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੭. ਪਠਮਨਾਥਸੁਤ੍ਤવਣ੍ਣਨਾ
7. Paṭhamanāthasuttavaṇṇanā
੧੭. ਸਤ੍ਤਮੇ ਸਨਾਥਾਤਿ ਸਞਾਤਕਾ ਬਹੁਞਾਤਿવਗ੍ਗਾ ਹੁਤ੍વਾ વਿਹਰਥ। ਨਾਥਂ ਕਰੋਨ੍ਤੀਤਿ ਨਾਥਕਰਣਾ, ਅਤ੍ਤਨੋ ਸਨਾਥਭਾવਕਰਾ ਪਤਿਟ੍ਠਾਕਰਾਤਿ ਅਤ੍ਥੋ। ਕਲ੍ਯਾਣਮਿਤ੍ਤੋਤਿਆਦੀਸੁ ਸੀਲਾਦਿਗੁਣਸਮ੍ਪਨ੍ਨਾ ਕਲ੍ਯਾਣਾ ਮਿਤ੍ਤਾ ਅਸ੍ਸਾਤਿ ਕਲ੍ਯਾਣਮਿਤ੍ਤੋ। ਤੇવਸ੍ਸ ਠਾਨਨਿਸਜ੍ਜਾਦੀਸੁ ਸਹ ਅਯਨਤੋ ਸਹਾਯਾਤਿ ਕਲ੍ਯਾਣਸਹਾਯੋ। ਚਿਤ੍ਤੇਨ ਚੇવ ਕਾਯੇਨ ਚ ਕਲ੍ਯਾਣਮਿਤ੍ਤੇਸੁਯੇવ ਸਮ੍ਪવਙ੍ਕੋ ਓਣਤੋਤਿ ਕਲ੍ਯਾਣਸਮ੍ਪવਙ੍ਕੋ। ਸੁવਚੋ ਹੋਤੀਤਿ ਸੁਖੇਨ વਤ੍ਤਬ੍ਬੋ ਹੋਤਿ, ਸੁਖੇਨ ਅਨੁਸਾਸਿਤਬ੍ਬੋ। ਖਮੋਤਿ ਗਾਲ਼੍ਹੇਨ ਫਰੁਸੇਨ ਕਕ੍ਖਲ਼ੇਨ વੁਤ੍ਤੋ ਖਮਤਿ ਨ ਕੁਪ੍ਪਤਿ। ਪਦਕ੍ਖਿਣਗ੍ਗਾਹੀ ਅਨੁਸਾਸਨਿਨ੍ਤਿ ਯਥਾ ਏਕਚ੍ਚੋ ਓવਦਿਯਮਾਨੋ વਾਮਤੋ ਗਣ੍ਹਾਤਿ, ਪਟਿਪ੍ਫਰਤਿ વਾ, ਅਸ੍ਸੁਣਨ੍ਤੋ વਾ ਗਚ੍ਛਤਿ, ਏવਂ ਅਕਤ੍વਾ ‘‘ਓવਦਥ , ਭਨ੍ਤੇ, ਅਨੁਸਾਸਥ, ਤੁਮ੍ਹੇਸੁ ਅਨੋવਦਨ੍ਤੇਸੁ ਕੋ ਅਞ੍ਞੋ ਓવਦਿਸ੍ਸਤੀ’’ਤਿ ਪਦਕ੍ਖਿਣਂ ਗਣ੍ਹਾਤਿ।
17. Sattame sanāthāti sañātakā bahuñātivaggā hutvā viharatha. Nāthaṃ karontīti nāthakaraṇā, attano sanāthabhāvakarā patiṭṭhākarāti attho. Kalyāṇamittotiādīsu sīlādiguṇasampannā kalyāṇā mittā assāti kalyāṇamitto. Tevassa ṭhānanisajjādīsu saha ayanato sahāyāti kalyāṇasahāyo. Cittena ceva kāyena ca kalyāṇamittesuyeva sampavaṅko oṇatoti kalyāṇasampavaṅko. Suvacohotīti sukhena vattabbo hoti, sukhena anusāsitabbo. Khamoti gāḷhena pharusena kakkhaḷena vutto khamati na kuppati. Padakkhiṇaggāhī anusāsaninti yathā ekacco ovadiyamāno vāmato gaṇhāti, paṭippharati vā, assuṇanto vā gacchati, evaṃ akatvā ‘‘ovadatha , bhante, anusāsatha, tumhesu anovadantesu ko añño ovadissatī’’ti padakkhiṇaṃ gaṇhāti.
ਉਚ੍ਚਾવਚਾਨੀਤਿ ਉਚ੍ਚਨੀਚਾਨਿ। ਕਿਂਕਰਣੀਯਾਨੀਤਿ ‘‘ਕਿਂ ਕਰੋਮੀ’’ਤਿ ਏવਂ વਤ੍વਾ ਕਤ੍ਤਬ੍ਬਕਮ੍ਮਾਨਿ। ਤਤ੍ਥ ਉਚ੍ਚਕਮ੍ਮਂ ਨਾਮ ਚੀવਰਸ੍ਸ ਕਰਣਂ ਰਜਨਂ, ਚੇਤਿਯੇ ਸੁਧਾਕਮ੍ਮਂ, ਉਪੋਸਥਾਗਾਰਚੇਤਿਯਘਰਬੋਧਿਘਰੇਸੁ ਕਤ੍ਤਬ੍ਬਕਮ੍ਮਨ੍ਤਿ ਏવਮਾਦਿ। ਅવਚਕਮ੍ਮਂ ਨਾਮ ਪਾਦਧੋવਨਮਕ੍ਖਨਾਦਿਖੁਦ੍ਦਕਕਮ੍ਮਂ। ਤਤ੍ਰੂਪਾਯਾਯਾਤਿ ਤਤ੍ਰੁਪਗਮਨਿਯਾਯ। ਅਲਂ ਕਾਤੁਨ੍ਤਿ ਕਾਤੁਂ ਸਮਤ੍ਥੋ ਹੋਤਿ। ਅਲਂ ਸਂવਿਧਾਤੁਨ੍ਤਿ વਿਚਾਰੇਤੁਂ ਸਮਤ੍ਥੋ ਹੋਤਿ।
Uccāvacānīti uccanīcāni. Kiṃkaraṇīyānīti ‘‘kiṃ karomī’’ti evaṃ vatvā kattabbakammāni. Tattha uccakammaṃ nāma cīvarassa karaṇaṃ rajanaṃ, cetiye sudhākammaṃ, uposathāgāracetiyagharabodhigharesu kattabbakammanti evamādi. Avacakammaṃ nāma pādadhovanamakkhanādikhuddakakammaṃ. Tatrūpāyāyāti tatrupagamaniyāya. Alaṃ kātunti kātuṃ samattho hoti. Alaṃ saṃvidhātunti vicāretuṃ samattho hoti.
ਧਮ੍ਮੇ ਅਸ੍ਸ ਕਾਮੋ ਸਿਨੇਹੋਤਿ ਧਮ੍ਮਕਾਮੋ, ਤੇਪਿਟਕਂ ਬੁਦ੍ਧવਚਨਂ ਪਿਯਾਯਤੀਤਿ ਅਤ੍ਥੋ। ਪਿਯਸਮੁਦਾਹਾਰੋਤਿ ਪਰਸ੍ਮਿਂ ਕਥੇਨ੍ਤੇ ਸਕ੍ਕਚ੍ਚਂ ਸੁਣਾਤਿ, ਸਯਞ੍ਚ ਪਰੇਸਂ ਦੇਸੇਤੁਕਾਮੋ ਹੋਤੀਤਿ ਅਤ੍ਥੋ । ਅਭਿਧਮ੍ਮੇ ਅਭਿવਿਨਯੇਤਿ ਏਤ੍ਥ ਧਮ੍ਮੋ ਅਭਿਧਮ੍ਮੋ, વਿਨਯੋ ਅਭਿવਿਨਯੋਤਿ ਚਤੁਕ੍ਕਂ વੇਦਿਤਬ੍ਬਂ। ਤਤ੍ਥ ਧਮ੍ਮੋਤਿ ਸੁਤ੍ਤਨ੍ਤਪਿਟਕਂ। ਅਭਿਧਮ੍ਮੋਤਿ ਸਤ੍ਤ ਪਕਰਣਾਨਿ। વਿਨਯੋਤਿ ਉਭਤੋવਿਭਙ੍ਗੋ। ਅਭਿવਿਨਯੋਤਿ ਖਨ੍ਧਕਪਰਿવਾਰਾ। ਅਥ વਾ ਸੁਤ੍ਤਨ੍ਤਪਿਟਕਮ੍ਪਿ ਅਭਿਧਮ੍ਮਪਿਟਕਮ੍ਪਿ ਧਮ੍ਮੋ ਏવ, ਮਗ੍ਗਫਲਾਨਿ ਅਭਿਧਮ੍ਮੋ। ਸਕਲવਿਨਯਪਿਟਕਂ વਿਨਯੋ, ਕਿਲੇਸવੂਪਸਮਕਰਣਂ ਅਭਿવਿਨਯੋ। ਇਤਿ ਸਬ੍ਬਸ੍ਮਿਮ੍ਪਿ ਏਤ੍ਥ ਧਮ੍ਮੇ ਚ ਅਭਿਧਮ੍ਮੇ ਚ વਿਨਯੇ ਚ ਅਭਿવਿਨਯੇ ਚ ਉਲ਼ਾਰਪਾਮੋਜ੍ਜੋ ਹੋਤੀਤਿ ਅਤ੍ਥੋ। ਕੁਸਲੇਸੁ ਧਮ੍ਮੇਸੂਤਿ ਕਾਰਣਤ੍ਥੇ ਭੁਮ੍ਮਂ, ਚਾਤੁਭੂਮਕਕੁਸਲਧਮ੍ਮਕਾਰਣਾ ਤੇਸਂ ਅਧਿਗਮਤ੍ਥਾਯ ਅਨਿਕ੍ਖਿਤ੍ਤਧੁਰੋ ਹੋਤੀਤਿ ਅਤ੍ਥੋ।
Dhamme assa kāmo sinehoti dhammakāmo, tepiṭakaṃ buddhavacanaṃ piyāyatīti attho. Piyasamudāhāroti parasmiṃ kathente sakkaccaṃ suṇāti, sayañca paresaṃ desetukāmo hotīti attho . Abhidhamme abhivinayeti ettha dhammo abhidhammo, vinayo abhivinayoti catukkaṃ veditabbaṃ. Tattha dhammoti suttantapiṭakaṃ. Abhidhammoti satta pakaraṇāni. Vinayoti ubhatovibhaṅgo. Abhivinayoti khandhakaparivārā. Atha vā suttantapiṭakampi abhidhammapiṭakampi dhammo eva, maggaphalāni abhidhammo. Sakalavinayapiṭakaṃ vinayo, kilesavūpasamakaraṇaṃ abhivinayo. Iti sabbasmimpi ettha dhamme ca abhidhamme ca vinaye ca abhivinaye ca uḷārapāmojjo hotīti attho. Kusalesu dhammesūti kāraṇatthe bhummaṃ, cātubhūmakakusaladhammakāraṇā tesaṃ adhigamatthāya anikkhittadhuro hotīti attho.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੭. ਪਠਮਨਾਥਸੁਤ੍ਤਂ • 7. Paṭhamanāthasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੭-੮. ਪਠਮਨਾਥਸੁਤ੍ਤਾਦਿવਣ੍ਣਨਾ • 7-8. Paṭhamanāthasuttādivaṇṇanā
