| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
5. பட²மனதும்ஹாகங்ஸுத்தங்
5. Paṭhamanatumhākaṃsuttaṃ
138. ‘‘யங், பி⁴க்க²வே, ந தும்ஹாகங் தங் பஜஹத². தங் வோ பஹீனங் ஹிதாய ஸுகா²ய ப⁴விஸ்ஸதி. கிஞ்ச, பி⁴க்க²வே, ந தும்ஹாகங்? சக்கு², பி⁴க்க²வே, ந தும்ஹாகங்; தங் பஜஹத². தங் வோ பஹீனங் ஹிதாய ஸுகா²ய ப⁴விஸ்ஸதி…பே॰… ஜிவ்ஹா ந தும்ஹாகங் ; தங் பஜஹத². ஸா வோ பஹீனா ஹிதாய ஸுகா²ய ப⁴விஸ்ஸதி…பே॰… மனோ ந தும்ஹாகங்; தங் பஜஹத². ஸோ வோ பஹீனோ ஹிதாய ஸுகா²ய ப⁴விஸ்ஸதி. ஸெய்யதா²பி, பி⁴க்க²வே, யங் இமஸ்மிங் ஜேதவனே திணகட்ட²ஸாகா²பலாஸங் தங் ஜனோ ஹரெய்ய வா ட³ஹெய்ய வா யதா²பச்சயங் வா கரெய்ய, அபி நு தும்ஹாகங் ஏவமஸ்ஸ – ‘அம்ஹே ஜனோ ஹரதி வா ட³ஹதி வா யதா²பச்சயங் வா கரோதீ’’’தி? ‘‘நோ ஹேதங், ப⁴ந்தே’’. ‘‘தங் கிஸ்ஸ ஹேது’’? ‘‘ந ஹி நோ ஏதங், ப⁴ந்தே, அத்தா வா அத்தனியங் வா’’தி. ‘‘ஏவமேவ கோ², பி⁴க்க²வே, சக்கு² ந தும்ஹாகங்; தங் பஜஹத². தங் வோ பஹீனங் ஹிதாய ஸுகா²ய ப⁴விஸ்ஸதி…பே॰… ஜிவ்ஹா ந தும்ஹாகங்; தங் பஜஹத². ஸா வோ பஹீனா ஹிதாய ஸுகா²ய ப⁴விஸ்ஸதி…பே॰… மனோ ந தும்ஹாகங் ; தங் பஜஹத². ஸோ வோ பஹீனோ ஹிதாய ஸுகா²ய ப⁴விஸ்ஸதீ’’தி. பஞ்சமங்.
138. ‘‘Yaṃ, bhikkhave, na tumhākaṃ taṃ pajahatha. Taṃ vo pahīnaṃ hitāya sukhāya bhavissati. Kiñca, bhikkhave, na tumhākaṃ? Cakkhu, bhikkhave, na tumhākaṃ; taṃ pajahatha. Taṃ vo pahīnaṃ hitāya sukhāya bhavissati…pe… jivhā na tumhākaṃ ; taṃ pajahatha. Sā vo pahīnā hitāya sukhāya bhavissati…pe… mano na tumhākaṃ; taṃ pajahatha. So vo pahīno hitāya sukhāya bhavissati. Seyyathāpi, bhikkhave, yaṃ imasmiṃ jetavane tiṇakaṭṭhasākhāpalāsaṃ taṃ jano hareyya vā ḍaheyya vā yathāpaccayaṃ vā kareyya, api nu tumhākaṃ evamassa – ‘amhe jano harati vā ḍahati vā yathāpaccayaṃ vā karotī’’’ti? ‘‘No hetaṃ, bhante’’. ‘‘Taṃ kissa hetu’’? ‘‘Na hi no etaṃ, bhante, attā vā attaniyaṃ vā’’ti. ‘‘Evameva kho, bhikkhave, cakkhu na tumhākaṃ; taṃ pajahatha. Taṃ vo pahīnaṃ hitāya sukhāya bhavissati…pe… jivhā na tumhākaṃ; taṃ pajahatha. Sā vo pahīnā hitāya sukhāya bhavissati…pe… mano na tumhākaṃ ; taṃ pajahatha. So vo pahīno hitāya sukhāya bhavissatī’’ti. Pañcamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 4-12. து³தியரூபாராமஸுத்தாதி³வண்ணனா • 4-12. Dutiyarūpārāmasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4-12. து³தியரூபாராமஸுத்தாதி³வண்ணனா • 4-12. Dutiyarūpārāmasuttādivaṇṇanā
