| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੫. ਪਠਮਨਤੁਮ੍ਹਾਕਂਸੁਤ੍ਤਂ
5. Paṭhamanatumhākaṃsuttaṃ
੧੩੮. ‘‘ਯਂ, ਭਿਕ੍ਖવੇ, ਨ ਤੁਮ੍ਹਾਕਂ ਤਂ ਪਜਹਥ। ਤਂ વੋ ਪਹੀਨਂ ਹਿਤਾਯ ਸੁਖਾਯ ਭવਿਸ੍ਸਤਿ। ਕਿਞ੍ਚ, ਭਿਕ੍ਖવੇ, ਨ ਤੁਮ੍ਹਾਕਂ? ਚਕ੍ਖੁ, ਭਿਕ੍ਖવੇ, ਨ ਤੁਮ੍ਹਾਕਂ; ਤਂ ਪਜਹਥ। ਤਂ વੋ ਪਹੀਨਂ ਹਿਤਾਯ ਸੁਖਾਯ ਭવਿਸ੍ਸਤਿ…ਪੇ॰… ਜਿવ੍ਹਾ ਨ ਤੁਮ੍ਹਾਕਂ ; ਤਂ ਪਜਹਥ। ਸਾ વੋ ਪਹੀਨਾ ਹਿਤਾਯ ਸੁਖਾਯ ਭવਿਸ੍ਸਤਿ…ਪੇ॰… ਮਨੋ ਨ ਤੁਮ੍ਹਾਕਂ; ਤਂ ਪਜਹਥ। ਸੋ વੋ ਪਹੀਨੋ ਹਿਤਾਯ ਸੁਖਾਯ ਭવਿਸ੍ਸਤਿ। ਸੇਯ੍ਯਥਾਪਿ, ਭਿਕ੍ਖવੇ, ਯਂ ਇਮਸ੍ਮਿਂ ਜੇਤવਨੇ ਤਿਣਕਟ੍ਠਸਾਖਾਪਲਾਸਂ ਤਂ ਜਨੋ ਹਰੇਯ੍ਯ વਾ ਡਹੇਯ੍ਯ વਾ ਯਥਾਪਚ੍ਚਯਂ વਾ ਕਰੇਯ੍ਯ, ਅਪਿ ਨੁ ਤੁਮ੍ਹਾਕਂ ਏવਮਸ੍ਸ – ‘ਅਮ੍ਹੇ ਜਨੋ ਹਰਤਿ વਾ ਡਹਤਿ વਾ ਯਥਾਪਚ੍ਚਯਂ વਾ ਕਰੋਤੀ’’’ਤਿ? ‘‘ਨੋ ਹੇਤਂ, ਭਨ੍ਤੇ’’। ‘‘ਤਂ ਕਿਸ੍ਸ ਹੇਤੁ’’? ‘‘ਨ ਹਿ ਨੋ ਏਤਂ, ਭਨ੍ਤੇ, ਅਤ੍ਤਾ વਾ ਅਤ੍ਤਨਿਯਂ વਾ’’ਤਿ। ‘‘ਏવਮੇવ ਖੋ, ਭਿਕ੍ਖવੇ, ਚਕ੍ਖੁ ਨ ਤੁਮ੍ਹਾਕਂ; ਤਂ ਪਜਹਥ। ਤਂ વੋ ਪਹੀਨਂ ਹਿਤਾਯ ਸੁਖਾਯ ਭવਿਸ੍ਸਤਿ…ਪੇ॰… ਜਿવ੍ਹਾ ਨ ਤੁਮ੍ਹਾਕਂ; ਤਂ ਪਜਹਥ। ਸਾ વੋ ਪਹੀਨਾ ਹਿਤਾਯ ਸੁਖਾਯ ਭવਿਸ੍ਸਤਿ…ਪੇ॰… ਮਨੋ ਨ ਤੁਮ੍ਹਾਕਂ ; ਤਂ ਪਜਹਥ। ਸੋ વੋ ਪਹੀਨੋ ਹਿਤਾਯ ਸੁਖਾਯ ਭવਿਸ੍ਸਤੀ’’ਤਿ। ਪਞ੍ਚਮਂ।
138. ‘‘Yaṃ, bhikkhave, na tumhākaṃ taṃ pajahatha. Taṃ vo pahīnaṃ hitāya sukhāya bhavissati. Kiñca, bhikkhave, na tumhākaṃ? Cakkhu, bhikkhave, na tumhākaṃ; taṃ pajahatha. Taṃ vo pahīnaṃ hitāya sukhāya bhavissati…pe… jivhā na tumhākaṃ ; taṃ pajahatha. Sā vo pahīnā hitāya sukhāya bhavissati…pe… mano na tumhākaṃ; taṃ pajahatha. So vo pahīno hitāya sukhāya bhavissati. Seyyathāpi, bhikkhave, yaṃ imasmiṃ jetavane tiṇakaṭṭhasākhāpalāsaṃ taṃ jano hareyya vā ḍaheyya vā yathāpaccayaṃ vā kareyya, api nu tumhākaṃ evamassa – ‘amhe jano harati vā ḍahati vā yathāpaccayaṃ vā karotī’’’ti? ‘‘No hetaṃ, bhante’’. ‘‘Taṃ kissa hetu’’? ‘‘Na hi no etaṃ, bhante, attā vā attaniyaṃ vā’’ti. ‘‘Evameva kho, bhikkhave, cakkhu na tumhākaṃ; taṃ pajahatha. Taṃ vo pahīnaṃ hitāya sukhāya bhavissati…pe… jivhā na tumhākaṃ; taṃ pajahatha. Sā vo pahīnā hitāya sukhāya bhavissati…pe… mano na tumhākaṃ ; taṃ pajahatha. So vo pahīno hitāya sukhāya bhavissatī’’ti. Pañcamaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੪-੧੨. ਦੁਤਿਯਰੂਪਾਰਾਮਸੁਤ੍ਤਾਦਿવਣ੍ਣਨਾ • 4-12. Dutiyarūpārāmasuttādivaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੪-੧੨. ਦੁਤਿਯਰੂਪਾਰਾਮਸੁਤ੍ਤਾਦਿવਣ੍ਣਨਾ • 4-12. Dutiyarūpārāmasuttādivaṇṇanā
