| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
6. батаманааваавимаанаван̣н̣анаа
6. Paṭhamanāvāvimānavaṇṇanā
суван̣н̣ажчад̣̇анам̣ нааванд̇и нааваавимаанам̣. д̇асса гаа уббад̇д̇и? бхаг̇авад̇и саавад̇т̇ияам̣ вихаранд̇з сол̣асамад̇д̇аа бхигкуу ан̃н̃ад̇арасмим̣ г̇аамагааваасз васид̇ваа вуд̇т̇авассаа ‘‘бхаг̇аванд̇ам̣ бассиссаама, д̇хамман̃жа сун̣иссаамаа’’д̇и саавад̇т̇им̣ уд̣̇д̣̇исса г̇имхасамаяз ад̣̇д̇хаанамаг̇г̇ам̣ бадибаннаа, анд̇араамаг̇г̇з жа нируд̣̇аго ганд̇ааро, д̇з жа д̇ад̇т̇а гхаммаабхид̇ад̇д̇аа гиланд̇аа д̇асид̇аа баанийяам̣ алабхамаанаа ан̃н̃ад̇арасса г̇аамасса авид̣̇уурзна г̇ажчанд̇и. д̇ад̇т̇а ан̃н̃ад̇араа ид̇т̇ий уд̣̇агабхааж̇анам̣ г̇ахзд̇ваа уд̣̇агад̇т̇ааяа уд̣̇абаанаабхимукий г̇ажчад̇и. ат̇а д̇з бхигкуу д̇ам̣ д̣̇исваа ‘‘яад̇т̇ааяам̣ ид̇т̇ий г̇ажчад̇и, д̇ад̇т̇а г̇ад̇з баанийяам̣ лад̣̇д̇хум̣ саггаа’’д̇и бибаасаабарзд̇аа д̇ам̣д̣̇исаабхимукаа г̇анд̇ваа уд̣̇абаанам̣ д̣̇исваа д̇ассаа авид̣̇уурз адтам̣су. саа ид̇т̇ий д̇ад̇о уд̣̇агам̣ г̇ахзд̇ваа нивад̇д̇ид̇угаамаа д̇з бхигкуу д̣̇исваа ‘‘имз аяяаа уд̣̇агзна ад̇т̇игаа бибаасид̇аа’’д̇и н̃ад̇ваа г̇аружид̇д̇ийгаарам̣ убадтабзд̇ваа уд̣̇агзна ниманд̇зси. д̇з бад̇д̇ат̇авигад̇о бариссааванам̣ нийхарид̇ваа бариссаавзд̇ваа яаавад̣̇ад̇т̇ам̣ баанийяам̣ бивид̇ваа хад̇т̇абаад̣̇з сийд̇алз гад̇ваа д̇ассаа ид̇т̇ияаа баанийяад̣̇аанз анумод̣̇анам̣ вад̇ваа аг̇амам̣су.
Suvaṇṇacchadanaṃnāvanti nāvāvimānaṃ. Tassa kā uppatti? Bhagavati sāvatthiyaṃ viharante soḷasamattā bhikkhū aññatarasmiṃ gāmakāvāse vasitvā vutthavassā ‘‘bhagavantaṃ passissāma, dhammañca suṇissāmā’’ti sāvatthiṃ uddissa gimhasamaye addhānamaggaṃ paṭipannā, antarāmagge ca nirudako kantāro, te ca tattha ghammābhitattā kilantā tasitā pānīyaṃ alabhamānā aññatarassa gāmassa avidūrena gacchanti. Tattha aññatarā itthī udakabhājanaṃ gahetvā udakatthāya udapānābhimukhī gacchati. Atha te bhikkhū taṃ disvā ‘‘yatthāyaṃ itthī gacchati, tattha gate pānīyaṃ laddhuṃ sakkā’’ti pipāsāparetā taṃdisābhimukhā gantvā udapānaṃ disvā tassā avidūre aṭṭhaṃsu. Sā itthī tato udakaṃ gahetvā nivattitukāmā te bhikkhū disvā ‘‘ime ayyā udakena atthikā pipāsitā’’ti ñatvā garucittīkāraṃ upaṭṭhapetvā udakena nimantesi. Te pattathavikato parissāvanaṃ nīharitvā parissāvetvā yāvadatthaṃ pānīyaṃ pivitvā hatthapāde sītale katvā tassā itthiyā pānīyadāne anumodanaṃ vatvā agamaṃsu.
саа д̇ам̣ бун̃н̃ам̣ хад̣̇аяз табзд̇ваа анд̇аранд̇араа ануссаранд̇ий абарабхааг̇з гаалам̣ гад̇ваа д̇аавад̇им̣сабхаванз ниб̣б̣ад̇д̇и. д̇ассаа бун̃н̃аанубхаавзна габбаругкобасобхид̇ам̣ маханд̇ам̣ вимаанам̣ уббаж̇ж̇и. д̇ам̣ вимаанам̣ баригкибид̇ваа муд̇д̇аж̇аалараж̇ад̇авибхуусид̇аа вияа сигад̇аавагин̣н̣абан̣д̣арабулинад̇адаа ман̣игканд̇ханиммаласалилаваахиний сарид̇аа. д̇ассаа убхосу д̇ийрзсу уяяаанавимаанад̣̇ваарз жа махад̇ий богкаран̣ий бан̃жаван̣н̣абад̣̇умасан̣д̣аман̣д̣ид̇аа саха суван̣н̣анаавааяа ниб̣б̣ад̇д̇и. саа д̇ад̇т̇а д̣̇иб̣б̣асамбад̇д̇им̣ анубхаванд̇ий наавааяа гийл̣анд̇ий лал̣анд̇ий вижарад̇и. ат̇згад̣̇ивасам̣ ааяасмаа махаамог̇г̇аллаано д̣̇зважааригам̣ жаранд̇о д̇ам̣ д̣̇звад̇хийд̇арам̣ наавааяа гийл̣анд̇им̣ д̣̇исваа д̇ааяа гад̇абун̃н̃агаммам̣ бужчанд̇о –
Sā taṃ puññaṃ hadaye ṭhapetvā antarantarā anussarantī aparabhāge kālaṃ katvā tāvatiṃsabhavane nibbatti. Tassā puññānubhāvena kapparukkhopasobhitaṃ mahantaṃ vimānaṃ uppajji. Taṃ vimānaṃ parikkhipitvā muttajālarajatavibhūsitā viya sikatāvakiṇṇapaṇḍarapulinataṭā maṇikkhandhanimmalasalilavāhinī saritā. Tassā ubhosu tīresu uyyānavimānadvāre ca mahatī pokkharaṇī pañcavaṇṇapadumasaṇḍamaṇḍitā saha suvaṇṇanāvāya nibbatti. Sā tattha dibbasampattiṃ anubhavantī nāvāya kīḷantī laḷantī vicarati. Athekadivasaṃ āyasmā mahāmoggallāno devacārikaṃ caranto taṃ devadhītaraṃ nāvāya kīḷantiṃ disvā tāya katapuññakammaṃ pucchanto –
43.
43.
‘‘суван̣н̣ажчад̣̇анам̣ наавам̣, наари ааруяха д̇идтаси;
‘‘Suvaṇṇacchadanaṃ nāvaṃ, nāri āruyha tiṭṭhasi;
ог̇аахаси богкаран̣им̣, бад̣̇мам̣ чинд̣̇аси баан̣инаа.
Ogāhasi pokkharaṇiṃ, padmaṃ chindasi pāṇinā.
44.
44.
‘‘гзна д̇зд̇аад̣̇исо ван̣н̣о, гзна д̇з ид̇ха миж̇жхад̇и;
‘‘Kena tetādiso vaṇṇo, kena te idha mijjhati;
уббаж̇ж̇анд̇и жа д̇з бхог̇аа, яз гзжи манасо бияаа.
Uppajjanti ca te bhogā, ye keci manaso piyā.
45.
45.
‘‘бужчаами д̇ам̣ д̣̇зви махаанубхаавз,
‘‘Pucchāmi taṃ devi mahānubhāve,
мануссабхууд̇аа гимагааси бун̃н̃ам̣;
Manussabhūtā kimakāsi puññaṃ;
гзнааси звам̣ ж̇алид̇аанубхааваа,
Kenāsi evaṃ jalitānubhāvā,
ван̣н̣о жа д̇з саб̣б̣ад̣̇исаа бабхаасад̇ий’’д̇и. – ааха;
Vaṇṇo ca te sabbadisā pabhāsatī’’ti. – āha;
д̇ад̇о т̇зрзна будтааяа д̣̇звад̇ааяа виссаж̇ж̇ид̇аагаарам̣ д̣̇ассзд̇ум̣ сан̇г̇ийд̇игаарзхи –
Tato therena puṭṭhāya devatāya vissajjitākāraṃ dassetuṃ saṅgītikārehi –
46.
46.
‘‘саа д̣̇звад̇аа ад̇д̇аманаа, мог̇г̇аллаанзна бужчид̇аа;
‘‘Sā devatā attamanā, moggallānena pucchitā;
бан̃хам̣ будтаа вияаагааси, яасса гаммассид̣̇ам̣ пала’’нд̇и. –
Pañhaṃ puṭṭhā viyākāsi, yassa kammassidaṃ phala’’nti. –
аяам̣ г̇аат̇аа вуд̇д̇аа.
Ayaṃ gāthā vuttā.
47.
47.
‘‘ахам̣ мануссзсу мануссабхууд̇аа, буримааяа ж̇аад̇ияаа мануссалогз;
‘‘Ahaṃ manussesu manussabhūtā, purimāya jātiyā manussaloke;
д̣̇исваана бхигкуу д̇асид̇з гиланд̇з, удтааяа баад̇ум̣ уд̣̇агам̣ ад̣̇аасим̣.
Disvāna bhikkhū tasite kilante, uṭṭhāya pātuṃ udakaṃ adāsiṃ.
48.
48.
‘‘яо вз гиланд̇аана бибаасид̇аанам̣, удтааяа баад̇ум̣ уд̣̇агам̣ д̣̇ад̣̇аад̇и;
‘‘Yo ve kilantāna pipāsitānaṃ, uṭṭhāya pātuṃ udakaṃ dadāti;
сийд̇од̣̇агаа д̇асса бхаванд̇и наж̇ж̇о, бахууд̇амаляаа б̣ахубун̣д̣арийгаа.
Sītodakā tassa bhavanti najjo, pahūtamalyā bahupuṇḍarīkā.
49.
49.
‘‘д̇ам̣ аабаг̇аа анубарияанд̇и саб̣б̣ад̣̇аа, сийд̇од̣̇агаа ваалугасант̇ад̇аа над̣̇ий;
‘‘Taṃ āpagā anupariyanti sabbadā, sītodakā vālukasanthatā nadī;
амб̣аа жа саалаа д̇илагаа жа ж̇амб̣уяо, уд̣̇д̣̇аалагаа баадалияо жа пуллаа.
Ambā ca sālā tilakā ca jambuyo, uddālakā pāṭaliyo ca phullā.
50.
50.
‘‘д̇ам̣бхуумибхааг̇зхи убзд̇аруубам̣, вимаанасздтам̣ бхуса собхамаанам̣;
‘‘Taṃbhūmibhāgehi upetarūpaṃ, vimānaseṭṭhaṃ bhusa sobhamānaṃ;
д̇ассийд̇ха гаммасса аяам̣ вибааго, зд̇аад̣̇исам̣ бун̃н̃агад̇аа лабханд̇и.
Tassīdha kammassa ayaṃ vipāko, etādisaṃ puññakatā labhanti.
51.
51.
‘‘д̇зна мзд̇аад̣̇исо ван̣н̣о, д̇зна мз ид̇ха миж̇жхад̇и;
‘‘Tena metādiso vaṇṇo, tena me idha mijjhati;
уббаж̇ж̇анд̇и жа мз бхог̇аа, яз гзжи манасо бияаа.
Uppajjanti ca me bhogā, ye keci manaso piyā.
52.
52.
‘‘агкаами д̇з бхигку махаанубхаава, мануссабхууд̇аа яамагааси бун̃н̃ам̣;
‘‘Akkhāmi te bhikkhu mahānubhāva, manussabhūtā yamakāsi puññaṃ;
д̇знамхи звам̣ ж̇алид̇аанубхааваа, ван̣н̣о жа мз саб̣б̣ад̣̇исаа бабхаасад̇ий’’д̇и. –
Tenamhi evaṃ jalitānubhāvā, vaṇṇo ca me sabbadisā pabhāsatī’’ti. –
аяам̣ д̣̇звад̇ааяа виссаж̇ж̇ид̇аагааро.
Ayaṃ devatāya vissajjitākāro.
43. д̇ад̇т̇а суван̣н̣ажчад̣̇ананд̇и вижид̇д̇абхид̇д̇ивиражанзхи рад̇д̇асуван̣н̣амаязхи убхохи бассзхи бадижчаад̣̇ид̇аб̣бханд̇арад̇ааяа жзва наанаарад̇анасамуж̇ж̇алид̇зна ганагамаяаалан̇гаарзна убари чаад̣̇ид̇ад̇ааяа жа суван̣н̣ажчад̣̇анам̣. нааванд̇и бод̇ам̣. со хи орад̇о баарам̣ бавад̇и г̇ажчад̇ийд̇и бод̇о, сад̇д̇з нзд̇ийд̇и нааваад̇и жа вужжад̇и. наарийд̇и д̇ассаа д̣̇звад̇хийд̇ааяа аалабанам̣. нарад̇и нзд̇ийд̇и наро, бурисо. яат̇аа хи батамабагад̇ибхууд̇о сад̇д̇о ид̇арааяа багад̇ияаа сздтад̇т̇зна бури сзд̇ийд̇и ‘‘бурисо’’д̇и вужжад̇и, звам̣ наяанадтзна ‘‘наро’’д̇и. буд̇д̇абхаад̇убхууд̇оби хи буг̇г̇ало маад̇уж̇здтабхаг̇инийнам̣ бид̇удтаанз д̇идтад̇и, баг̇зва бхад̇д̇убхууд̇о. нарасса зсаад̇и наарий, аяан̃жа саман̃н̃аа мануссид̇т̇ийсу бавад̇д̇аа рул̣хивасзна ид̇араасуби д̇ат̇аа вужжад̇и. ог̇аахаси богкаран̣инд̇и сад̇иби рад̇д̇уббаланийлуббалаад̣̇игз б̣ахувид̇хз рад̇анамаяз ж̇алаж̇агусумз богкарасан̇каад̇аанам̣ д̣̇иб̣б̣абад̣̇умаанам̣ д̇ад̇т̇а язбхуяязна ад̇т̇ид̇ааяа ‘‘богкаран̣ий’’д̇и лад̣̇д̇ханаамам̣ д̣̇иб̣б̣асарам̣ ж̇алавихаарарад̇ияаа анубависаси . бад̣̇мам̣ чинд̣̇аси баан̣инаад̇и раж̇ад̇амаяанаал̣ам̣ бад̣̇умарааг̇арад̇анамаяабад̇д̇асан̇гхаад̇ам̣ ганагамаяаган̣н̣игаагин̃ж̇агкагзсарам̣ д̣̇иб̣б̣агамалам̣ лийлааравинд̣̇ам̣ гад̇д̇угаамад̇ааяа д̇ава хад̇т̇зна бхан̃ж̇аси.
43. Tattha suvaṇṇacchadananti vicittabhittiviracanehi rattasuvaṇṇamayehi ubhohi passehi paṭicchāditabbhantaratāya ceva nānāratanasamujjalitena kanakamayālaṅkārena upari chāditatāya ca suvaṇṇacchadanaṃ. Nāvanti potaṃ. So hi orato pāraṃ pavati gacchatīti poto, satte netīti nāvāti ca vuccati. Nārīti tassā devadhītāya ālapanaṃ. Narati netīti naro, puriso. Yathā hi paṭhamapakatibhūto satto itarāya pakatiyā seṭṭhatthena puri setīti ‘‘puriso’’ti vuccati, evaṃ nayanaṭṭhena ‘‘naro’’ti. Puttabhātubhūtopi hi puggalo mātujeṭṭhabhaginīnaṃ pituṭṭhāne tiṭṭhati, pageva bhattubhūto. Narassa esāti nārī, ayañca samaññā manussitthīsu pavattā ruḷhivasena itarāsupi tathā vuccati. Ogāhasi pokkharaṇinti satipi rattuppalanīluppalādike bahuvidhe ratanamaye jalajakusume pokkharasaṅkhātānaṃ dibbapadumānaṃ tattha yebhuyyena atthitāya ‘‘pokkharaṇī’’ti laddhanāmaṃ dibbasaraṃ jalavihāraratiyā anupavisasi . Padmaṃ chindasi pāṇināti rajatamayanāḷaṃ padumarāgaratanamayapattasaṅghātaṃ kanakamayakaṇṇikākiñjakkhakesaraṃ dibbakamalaṃ līlāravindaṃ kattukāmatāya tava hatthena bhañjasi.
47. д̇асид̇зд̇и бибаасид̇з. гиланд̇зд̇и д̇ааяа бибаасааяа ад̣̇д̇хаанабариссамзна жа гиланд̇агааяз. удтааяаад̇и удтаанавийрияам̣ гад̇ваа, ааласияам̣ анаабаж̇ж̇ид̇ваад̇и ад̇т̇о.
47.Tasiteti pipāsite. Kilanteti tāya pipāsāya addhānaparissamena ca kilantakāye. Uṭṭhāyāti uṭṭhānavīriyaṃ katvā, ālasiyaṃ anāpajjitvāti attho.
48. яо взд̇иаад̣̇инаа яат̇аа ахам̣, звам̣ ан̃н̃зби ааяад̇анаг̇ад̇зна уд̣̇агад̣̇аанабун̃н̃зна зд̇аад̣̇исам̣ палам̣ бадилабханд̇ийд̇и д̣̇идтзна ад̣̇идтасса анумаанавид̇хим̣ д̣̇ассзнд̇ий т̇зрзна будтамад̇т̇ам̣ саад̇хааран̣ад̇о виссаж̇ж̇зд̇и. д̇ад̇т̇а д̇ассаад̇и д̇анд̇и жа яат̇аавуд̇д̇абун̃н̃агааринам̣ бажжаамасад̇и.
48.Yo vetiādinā yathā ahaṃ, evaṃ aññepi āyatanagatena udakadānapuññena etādisaṃ phalaṃ paṭilabhantīti diṭṭhena adiṭṭhassa anumānavidhiṃ dassentī therena puṭṭhamatthaṃ sādhāraṇato vissajjeti. Tattha tassāti tanti ca yathāvuttapuññakārinaṃ paccāmasati.
49. анубарияанд̇ийд̇и ануруубавасзна баригкибанд̇и. д̇асса васанадтаанабаригкибанзна соби баригкид̇д̇о наама ход̇и. д̇илагаад̇и б̣анд̇хуж̇ийвагабубпасад̣̇исабубпаа згаа ругкаж̇аад̇и. уд̣̇д̣̇аалагаад̇и ваад̇агхаад̇агаа, яз ‘‘рааж̇аругкаа’’д̇иби вужжанд̇и.
49.Anupariyantīti anurūpavasena parikkhipanti. Tassa vasanaṭṭhānaparikkhipanena sopi parikkhitto nāma hoti. Tilakāti bandhujīvakapupphasadisapupphā ekā rukkhajāti. Uddālakāti vātaghātakā, ye ‘‘rājarukkhā’’tipi vuccanti.
50. д̇ам̣бхуумибхааг̇зхийд̇и д̇аад̣̇исзхи бхуумибхааг̇зхи, яат̇аавуд̇д̇абогкаран̣ийнад̣̇ийуяяаанаванд̇зхи бхуумибад̣̇зсзхийд̇и ад̇т̇о. убзд̇аруубанд̇и баасам̣сияабхаавзна убзд̇ам̣, д̇зсам̣ богкаран̣ийаад̣̇ийнам̣ васзна раман̣ийяасаннивзсанд̇и вуд̇д̇ам̣ ход̇и. бхуса собхамаананд̇и бхусам̣ ад̇ивияа вирожамаанам̣ вимаанасздтам̣ лабханд̇ийд̇и яож̇анаа. сзсам̣ вуд̇д̇анаяамзваад̇и.
50.Taṃbhūmibhāgehīti tādisehi bhūmibhāgehi, yathāvuttapokkharaṇīnadīuyyānavantehi bhūmipadesehīti attho. Upetarūpanti pāsaṃsiyabhāvena upetaṃ, tesaṃ pokkharaṇīādīnaṃ vasena ramaṇīyasannivesanti vuttaṃ hoti. Bhusa sobhamānanti bhusaṃ ativiya virocamānaṃ vimānaseṭṭhaṃ labhantīti yojanā. Sesaṃ vuttanayamevāti.
батаманааваавимаанаван̣н̣анаа нидтид̇аа.
Paṭhamanāvāvimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 6. батаманааваавимаанавад̇т̇у • 6. Paṭhamanāvāvimānavatthu
