| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
2. нид̣̇д̣̇зсаван̣н̣анаа
2. Niddesavaṇṇanā
1. батаманаяо сан̇г̇ахаасан̇г̇ахабад̣̇аван̣н̣анаа
1. Paṭhamanayo saṅgahāsaṅgahapadavaṇṇanā
1. канд̇хабад̣̇аван̣н̣анаа
1. Khandhapadavaṇṇanā
6. ид̣̇аани бан̃жагканд̇хаад̣̇ивасзна нигкид̇д̇амаад̇игам̣ ‘сан̇г̇ахо асан̇г̇ахо’д̇иаад̣̇ийхи наяамаад̇игаабад̣̇зхи сад̣̇д̇хим̣ яож̇зд̇ваа д̣̇ассзд̇ум̣ руубагканд̇хо гад̇ихи канд̇хзхийд̇иаад̣̇инаа наязна нид̣̇д̣̇зсавааро аарад̣̇д̇хо. д̇ад̇т̇а яасмаа ‘‘сан̇г̇ахо асан̇г̇аход̇иаад̣̇игааяа наяамаад̇игааяа ‘‘д̇ийхи сан̇г̇ахо, д̇ийхи асан̇г̇ахо’’д̇и наяамукамаад̇игаа табид̇аа, д̇асмаа руубагканд̇хаад̣̇ийнам̣ сан̇г̇ахам̣ д̣̇ассзд̇ум̣ гад̇ихи канд̇хзхи гад̇ихааяад̇анзхи гад̇ихи д̇хаад̇уухийд̇и д̇ийн̣и канд̇хааяад̇анад̇хаад̇убад̣̇аанзва уд̣̇д̇хадаани. ‘жад̇д̇аари сажжааний’д̇иаад̣̇ийсу згамби на бараамадтам̣. яасмаа жа ‘‘сабхааг̇о висабхааг̇о’’д̇и звам̣ лагкан̣амаад̇игаа табид̇аа, д̇асмаа имасса бан̃хасса виссаж̇ж̇анз руубагканд̇хо згзна канд̇хзнаад̇иаад̣̇и вуд̇д̇ам̣. сабхааг̇аа хи д̇асса зд̇з канд̇хаад̣̇аяод̇и. д̇ад̇т̇а згзна канд̇хзнаад̇и руубагканд̇хзнзва. яан̃хи гин̃жи руубам̣ руубагканд̇хасабхааг̇ад̇д̇аа руубагканд̇ход̇взва сан̇г̇ахам̣ г̇ажчад̇ийд̇и руубагканд̇хзнзва г̇ан̣ид̇ам̣, д̇ам̣ руубагканд̇хзнзва барижчиннам̣. згаад̣̇асахааяад̇анзхийд̇и манааяад̇анаваж̇ж̇зхи. саб̣б̣оби хи руубагканд̇хо д̣̇асааяад̇анаани д̇хаммааяад̇анзгад̣̇зсо жа ход̇и, д̇асмаа згаад̣̇асахааяад̇анзхи г̇ан̣ид̇о , барижчинно. згаад̣̇асахи д̇хаад̇уухийд̇и сад̇д̇авин̃н̃аан̣ад̇хаад̇уваж̇ж̇аахи згаад̣̇асахи зд̇аасу хи абарияаабаннам̣ руубам̣ наама над̇т̇и.
6. Idāni pañcakkhandhādivasena nikkhittamātikaṃ ‘saṅgaho asaṅgaho’tiādīhi nayamātikāpadehi saddhiṃ yojetvā dassetuṃ rūpakkhandho katihi khandhehītiādinā nayena niddesavāro āraddho. Tattha yasmā ‘‘saṅgaho asaṅgahotiādikāya nayamātikāya ‘‘tīhi saṅgaho, tīhi asaṅgaho’’ti nayamukhamātikā ṭhapitā, tasmā rūpakkhandhādīnaṃ saṅgahaṃ dassetuṃ katihi khandhehi katihāyatanehi katihi dhātūhīti tīṇi khandhāyatanadhātupadāneva uddhaṭāni. ‘Cattāri saccānī’tiādīsu ekampi na parāmaṭṭhaṃ. Yasmā ca ‘‘sabhāgo visabhāgo’’ti evaṃ lakkhaṇamātikā ṭhapitā, tasmā imassa pañhassa vissajjane rūpakkhandho ekena khandhenātiādi vuttaṃ. Sabhāgā hi tassa ete khandhādayoti. Tattha ekena khandhenāti rūpakkhandheneva. Yañhi kiñci rūpaṃ rūpakkhandhasabhāgattā rūpakkhandhotveva saṅgahaṃ gacchatīti rūpakkhandheneva gaṇitaṃ, taṃ rūpakkhandheneva paricchinnaṃ. Ekādasahāyatanehīti manāyatanavajjehi. Sabbopi hi rūpakkhandho dasāyatanāni dhammāyatanekadeso ca hoti, tasmā ekādasahāyatanehi gaṇito , paricchinno. Ekādasahi dhātūhīti sattaviññāṇadhātuvajjāhi ekādasahi etāsu hi apariyāpannaṃ rūpaṃ nāma natthi.
асан̇г̇аханаяанид̣̇д̣̇зсз гад̇ихи асан̇г̇ахид̇од̇и сан̇кзбзнзва бужчаа гад̇аа. виссаж̇ж̇анз банасса яасмаа руубагканд̇хасса висабхааг̇аа жад̇д̇ааро аруубагканд̇хаа, згам̣ манааяад̇анам̣, сад̇д̇а вин̃н̃аан̣ад̇хаад̇уяо; д̇асмаа жад̇уухи канд̇хзхийд̇иаад̣̇и вуд̇д̇ам̣. иминаа наязна саб̣б̣абад̣̇зсу сан̇г̇ахаасан̇г̇ахо взд̣̇ид̇аб̣б̣о. имасмим̣ бана канд̇ханид̣̇д̣̇зсз – ‘‘руубагканд̇хо гад̇ихи канд̇хзхий’’д̇иаад̣̇имхи д̇аава згамуулагз сан̇г̇аханаяз саруубзнзва д̣̇ассид̇аа бан̃жа бужчаа, бан̃жа виссаж̇ж̇анаани. асан̇г̇аханаяз сан̇кзбзна д̣̇ассид̇аа бан̃жа бужчаа, бан̃жа виссаж̇ж̇анаани. иминаа убааязна д̣̇угамуулагаад̣̇ийсуби бужчаависсаж̇ж̇анаани взд̣̇ид̇аб̣б̣аани. руубагканд̇хамуулагааязва жзд̇т̇а д̣̇угад̇игажад̇уггаа д̣̇ассид̇аа. бан̃жагз бана ‘‘руубагканд̇хо жа…бз… вин̃н̃аан̣агканд̇хо жаа’’д̇и звам̣ бхзд̣̇ад̇о жа, ‘‘бан̃жагканд̇хаа гад̇ихи канд̇хзхий’’д̇и звам̣ абхзд̣̇ад̇о жаад̇и д̣̇вид̇хаа бужчаависсаж̇ж̇анаани гад̇аани. звам̣ баал̣инаяо взд̣̇ид̇аб̣б̣од̇и.
Asaṅgahanayaniddese katihi asaṅgahitoti saṅkhepeneva pucchā katā. Vissajjane panassa yasmā rūpakkhandhassa visabhāgā cattāro arūpakkhandhā, ekaṃ manāyatanaṃ, satta viññāṇadhātuyo; tasmā catūhi khandhehītiādi vuttaṃ. Iminā nayena sabbapadesu saṅgahāsaṅgaho veditabbo. Imasmiṃ pana khandhaniddese – ‘‘rūpakkhandho katihi khandhehī’’tiādimhi tāva ekamūlake saṅgahanaye sarūpeneva dassitā pañca pucchā, pañca vissajjanāni. Asaṅgahanaye saṅkhepena dassitā pañca pucchā, pañca vissajjanāni. Iminā upāyena dukamūlakādīsupi pucchāvissajjanāni veditabbāni. Rūpakkhandhamūlakāyeva cettha dukatikacatukkā dassitā. Pañcake pana ‘‘rūpakkhandho ca…pe… viññāṇakkhandho cā’’ti evaṃ bhedato ca, ‘‘pañcakkhandhā katihi khandhehī’’ti evaṃ abhedato cāti dvidhā pucchāvissajjanāni katāni. Evaṃ pāḷinayo veditabboti.
2. ааяад̇анабад̣̇аад̣̇иван̣н̣анаа
2. Āyatanapadādivaṇṇanā
22. ааяад̇анабад̣̇анид̣̇д̣̇зсаад̣̇ийсу ааяад̇анабад̣̇анид̣̇д̣̇зсз д̇аава жагкааяад̇анам̣ згзна канд̇хзнаад̇и згзна руубагканд̇хзнзва, згзна жагкааяад̇анзнзва згааяа жагкуд̇хаад̇уяаава сан̇г̇ахид̇анд̇и взд̣̇ид̇аб̣б̣ам̣. сод̇ааяад̇анаад̣̇ийсуби иминаава наязна сан̇г̇ахаасан̇г̇ахо взд̣̇ид̇аб̣б̣о. асан̇кад̇ам̣ канд̇хад̇о табзд̇ваад̇и зд̇т̇а бана яасмаа асан̇кад̇ам̣ д̇хаммааяад̇анам̣ наама ниб̣б̣аанам̣, д̇ан̃жа канд̇хасан̇г̇ахам̣ на г̇ажчад̇и; д̇асмаа ‘канд̇хад̇о табзд̇ваа’д̇и вуд̇д̇ам̣. жад̇уухи канд̇хзхийд̇и руубавзд̣̇анаасан̃н̃аасан̇каарагканд̇хзхи. ниб̣б̣аанаваж̇ж̇ан̃хи д̇хаммааяад̇анам̣ зд̇зхи сан̇г̇ахид̇ам̣. вин̃н̃аан̣агканд̇хзна бана табзд̇ваа д̇хаммааяад̇анад̇хаммад̇хаад̇уяо сзсааяад̇анад̇хаад̇уухи жа д̇ам̣ на сан̇г̇аяхад̇и. д̇зна вуд̇д̇ам̣ – ‘‘згзна канд̇хзна, згаад̣̇асахааяад̇анзхи, сад̇д̇арасахи д̇хаад̇уухи асан̇г̇ахид̇а’’нд̇и. яат̇аа жа д̇з хздтаа руубагканд̇хамуулагаа, звамид̇хааби жагкааяад̇анамуулагаава наяаа взд̣̇ид̇аб̣б̣аа. д̣̇угамад̇д̇амзва бана баал̣ияам̣ д̣̇ассзд̇ваа ‘‘д̣̇ваад̣̇асааяад̇анааний’’д̇и абхзд̣̇ад̇ова бужчаависсаж̇ж̇анам̣ гад̇ам̣. д̇хаад̇унид̣̇д̣̇зсзби зсзва наяо.
22. Āyatanapadaniddesādīsu āyatanapadaniddese tāva cakkhāyatanaṃ ekena khandhenāti ekena rūpakkhandheneva, ekena cakkhāyataneneva ekāya cakkhudhātuyāva saṅgahitanti veditabbaṃ. Sotāyatanādīsupi imināva nayena saṅgahāsaṅgaho veditabbo. Asaṅkhataṃ khandhato ṭhapetvāti ettha pana yasmā asaṅkhataṃ dhammāyatanaṃ nāma nibbānaṃ, tañca khandhasaṅgahaṃ na gacchati; tasmā ‘khandhato ṭhapetvā’ti vuttaṃ. Catūhi khandhehīti rūpavedanāsaññāsaṅkhārakkhandhehi. Nibbānavajjañhi dhammāyatanaṃ etehi saṅgahitaṃ. Viññāṇakkhandhena pana ṭhapetvā dhammāyatanadhammadhātuyo sesāyatanadhātūhi ca taṃ na saṅgayhati. Tena vuttaṃ – ‘‘ekena khandhena, ekādasahāyatanehi, sattarasahi dhātūhi asaṅgahita’’nti. Yathā ca te heṭṭhā rūpakkhandhamūlakā, evamidhāpi cakkhāyatanamūlakāva nayā veditabbā. Dukamattameva pana pāḷiyaṃ dassetvā ‘‘dvādasāyatanānī’’ti abhedatova pucchāvissajjanaṃ kataṃ. Dhātuniddesepi eseva nayo.
40. сажжанид̣̇д̣̇зсз – саб̣б̣зби д̣̇угад̇игажад̇уггаа баал̣ияам̣ д̣̇ассид̇аа. яасмаа жа д̣̇угад̇игзсу самуд̣̇аяасажжасад̣̇исамзва маг̇г̇асажжзби виссаж̇ж̇анам̣, д̇асмаа д̇ам̣ самуд̣̇аяаананд̇арам̣ вуд̇д̇ам̣.
40. Saccaniddese – sabbepi dukatikacatukkā pāḷiyaṃ dassitā. Yasmā ca dukatikesu samudayasaccasadisameva maggasaccepi vissajjanaṃ, tasmā taṃ samudayānantaraṃ vuttaṃ.
50. инд̣̇рияанид̣̇д̣̇зсз – ж̇ийвид̇инд̣̇рияам̣ д̣̇вийхи канд̇хзхийд̇и руубаж̇ийвид̇инд̣̇рияам̣ руубагканд̇хзна, аруубаж̇ийвид̇инд̣̇рияам̣ сан̇каарагканд̇хзна сан̇г̇ахид̇ам̣. сзсам̣ вуд̇д̇анаяаанусаарзнзва взд̣̇ид̇аб̣б̣ам̣. баал̣ивавад̇т̇аанам̣ банзд̇т̇а ааяад̇анад̇хаад̇унид̣̇д̣̇зсасад̣̇исамзва.
50. Indriyaniddese – jīvitindriyaṃ dvīhi khandhehīti rūpajīvitindriyaṃ rūpakkhandhena, arūpajīvitindriyaṃ saṅkhārakkhandhena saṅgahitaṃ. Sesaṃ vuttanayānusāreneva veditabbaṃ. Pāḷivavatthānaṃ panettha āyatanadhātuniddesasadisameva.
6. бадижжасамуббаад̣̇аван̣н̣анаа
6. Paṭiccasamuppādavaṇṇanā
61. бадижжасамуббаад̣̇анид̣̇д̣̇зсз – ‘‘авиж̇ж̇аа гад̇ихи канд̇хзхий’’д̇и бужчам̣ анаарабхид̇ваа авиж̇ж̇аа згзна канд̇хзнаад̇и звам̣ виссаж̇ж̇анамзва д̣̇ассид̇ам̣. д̇ад̇т̇а сан̇каарабажжаяаа вин̃н̃аан̣анд̇и бадисанд̇хияам̣ бавад̇д̇з жа саб̣б̣амби вибаагавин̃н̃аан̣ам̣. д̇знзвааха – ‘‘сад̇д̇ахи д̇хаад̇уухи сан̇г̇ахид̇а’’нд̇и. наамаруубамби бадисанд̇хибавад̇д̇ивасзнзва взд̣̇ид̇аб̣б̣ам̣. д̇знзвзд̇т̇а сад̣̇д̣̇ааяад̇анамби сан̇г̇ахзд̇ваа згаад̣̇асахааяад̇анзхи сан̇г̇ахо д̣̇ассид̇о. пассаад̣̇ийсу канд̇хабхзд̣̇о взд̣̇ид̇аб̣б̣о. ан̃н̃знзва хи згзна канд̇хзна пассо сан̇г̇ахид̇о, ан̃н̃зна взд̣̇анаа, д̇ан̣хааубаад̣̇аанагаммабхаваа бана сан̇каарагканд̇хзнзва сан̇г̇ахид̇аа. бхавабад̣̇ан̃жзд̇т̇а гаммабхаваад̣̇ийнам̣ васзна згаад̣̇асад̇хаа вибхад̇д̇ам̣. д̇ад̇т̇а гаммабхаво пассаад̣̇ийхи сад̣̇исависаж̇ж̇анад̇д̇аа д̇зхи сад̣̇д̇хим̣ згад̇о д̣̇ассид̇о. убабад̇д̇ибхавагаамабхавасан̃н̃аабхавабан̃жавогаарабхаваа ан̃н̃аман̃н̃асад̣̇исависсаж̇ж̇анад̇д̇аа згад̇о д̣̇ассид̇аа. яасмаа жзд̇з убаад̣̇иннагад̇хаммаава д̇асмаа ‘‘згаад̣̇асахааяад̇анзхи сад̇д̇арасахи д̇хаад̇уухий’’д̇и вуд̇д̇ам̣. сад̣̇д̣̇ааяад̇анан̃хи анубаад̣̇иннам̣, д̇ам̣ зд̇т̇а на г̇ахид̇ам̣.
61. Paṭiccasamuppādaniddese – ‘‘avijjā katihi khandhehī’’ti pucchaṃ anārabhitvā avijjā ekena khandhenāti evaṃ vissajjanameva dassitaṃ. Tattha saṅkhārapaccayā viññāṇanti paṭisandhiyaṃ pavatte ca sabbampi vipākaviññāṇaṃ. Tenevāha – ‘‘sattahi dhātūhi saṅgahita’’nti. Nāmarūpampi paṭisandhipavattivaseneva veditabbaṃ. Tenevettha saddāyatanampi saṅgahetvā ekādasahāyatanehi saṅgaho dassito. Phassādīsu khandhabhedo veditabbo. Aññeneva hi ekena khandhena phasso saṅgahito, aññena vedanā, taṇhāupādānakammabhavā pana saṅkhārakkhandheneva saṅgahitā. Bhavapadañcettha kammabhavādīnaṃ vasena ekādasadhā vibhattaṃ. Tattha kammabhavo phassādīhi sadisavisajjanattā tehi saddhiṃ ekato dassito. Upapattibhavakāmabhavasaññābhavapañcavokārabhavā aññamaññasadisavissajjanattā ekato dassitā. Yasmā cete upādinnakadhammāva tasmā ‘‘ekādasahāyatanehi sattarasahi dhātūhī’’ti vuttaṃ. Saddāyatanañhi anupādinnaṃ, taṃ ettha na gahitaṃ.
68. руубабхаванид̣̇д̣̇зсз – бан̃жахааяад̇анзхийд̇и жагкусод̇аманаруубад̇хаммааяад̇анзхи. адтахи д̇хаад̇уухийд̇и жагкусод̇ажагкувин̃н̃аан̣асод̇авин̃н̃аан̣аруубад̇хаммаманод̇хаад̇умановин̃н̃аан̣ад̇хаад̇уухи. аруубабхаваад̣̇аяоби д̇аяо сад̣̇исависсаж̇ж̇анад̇д̇аава згад̇о д̣̇ассид̇аа. д̇ат̇аа асан̃н̃аабхавазгавогаарабхаваа. д̇ад̇т̇а д̣̇вийхааяад̇анзхийд̇и руубааяад̇анад̇хаммааяад̇анзхи. д̇хаад̇уусуби зсзва наяо. згад̇алаваасигаанан̃хи сзсаб̣рахмаанам̣ жагкусаб̣бхаавад̇о д̇ассаарамман̣ад̇д̇аа д̇ад̇т̇а руубааяад̇анам̣ уд̣̇д̇хадам̣.
68. Rūpabhavaniddese – pañcahāyatanehīti cakkhusotamanarūpadhammāyatanehi. Aṭṭhahi dhātūhīti cakkhusotacakkhuviññāṇasotaviññāṇarūpadhammamanodhātumanoviññāṇadhātūhi. Arūpabhavādayopi tayo sadisavissajjanattāva ekato dassitā. Tathā asaññābhavaekavokārabhavā. Tattha dvīhāyatanehīti rūpāyatanadhammāyatanehi. Dhātūsupi eseva nayo. Ekatalavāsikānañhi sesabrahmānaṃ cakkhusabbhāvato tassārammaṇattā tattha rūpāyatanaṃ uddhaṭaṃ.
71. ж̇аад̇и д̣̇вийхи канд̇хзхийд̇и руубаж̇аад̇и руубагканд̇хзна, аруубаж̇аад̇и сан̇каарагканд̇хзна. ж̇араамаран̣зсуби зсзва наяо. согаад̣̇ийсуби згзна канд̇хзнаад̇и согад̣̇угкад̣̇оманассаани взд̣̇анаагканд̇хзна, барид̣̇зво руубагканд̇хзна, убааяаасаад̣̇аяо сан̇каарагканд̇хзнаад̇и звам̣ канд̇хависзсо взд̣̇ид̇аб̣б̣о.
71. Jāti dvīhi khandhehīti rūpajāti rūpakkhandhena, arūpajāti saṅkhārakkhandhena. Jarāmaraṇesupi eseva nayo. Sokādīsupi ekena khandhenāti sokadukkhadomanassāni vedanākkhandhena, paridevo rūpakkhandhena, upāyāsādayo saṅkhārakkhandhenāti evaṃ khandhaviseso veditabbo.
73. ид̣̇д̇хибаад̣̇о д̣̇вийхийд̇и сан̇кааравин̃н̃аан̣агканд̇хзхи, манааяад̇анад̇хаммааяад̇анзхи, д̇хаммад̇хаад̇умановин̃н̃аан̣ад̇хаад̇уухи жа. жхаанам̣ д̣̇вийхийд̇и взд̣̇анаагканд̇хасан̇каарагканд̇хзхи. аббаман̃н̃аад̣̇аяо сад̣̇исависсаж̇ж̇анад̇д̇аа згад̇о нид̣̇д̣̇идтаа. жид̇д̇ам̣ бана жзд̇анаананд̇арам̣ нигкид̇д̇амби асад̣̇исависсаж̇ж̇анад̇д̇аа бажчаа г̇ахид̇ам̣. д̇ад̇т̇а аббаман̃н̃аад̣̇ийсу згзна канд̇хзнаад̇и взд̣̇анаа взд̣̇анаагканд̇хзна, сан̃н̃аа сан̃н̃аагканд̇хзна, сзсаа сан̇каарагканд̇хзна сан̇г̇ахид̇аад̇и звам̣ канд̇хависзсо взд̣̇ид̇аб̣б̣о.
73. Iddhipādo dvīhīti saṅkhāraviññāṇakkhandhehi, manāyatanadhammāyatanehi, dhammadhātumanoviññāṇadhātūhi ca. Jhānaṃ dvīhīti vedanākkhandhasaṅkhārakkhandhehi. Appamaññādayo sadisavissajjanattā ekato niddiṭṭhā. Cittaṃ pana cetanānantaraṃ nikkhittampi asadisavissajjanattā pacchā gahitaṃ. Tattha appamaññādīsu ekena khandhenāti vedanā vedanākkhandhena, saññā saññākkhandhena, sesā saṅkhārakkhandhena saṅgahitāti evaṃ khandhaviseso veditabbo.
7. д̇игабад̣̇аван̣н̣анаа
7. Tikapadavaṇṇanā
77. звам̣ аб̣бханд̇арамаад̇игааяа сан̇г̇ахам̣ д̣̇ассзд̇ваа ид̣̇аани б̣аахирамаад̇игааяа сан̇г̇ахам̣ д̣̇ассзд̇ум̣ гусалаа д̇хаммаад̇иаад̣̇и аарад̣̇д̇хам̣. д̇ад̇т̇а взд̣̇анаад̇д̇игз д̇ийхи д̇хаад̇уухийд̇и гааяавин̃н̃аан̣амановин̃н̃аан̣ад̇хаммад̇хаад̇уухи. сад̇д̇ахи д̇хаад̇уухийд̇и жагкусод̇агхаанаж̇ивхаавин̃н̃аан̣ад̇хаад̇уухи жзва манод̇хаад̇уд̇хаммад̇хаад̇умановин̃н̃аан̣ад̇хаад̇уухи жа. вибаагад̇д̇игз адтахи д̇хаад̇уухийд̇и гааяавин̃н̃аан̣ад̇хаад̇уяаа сад̣̇д̇хим̣ д̇аахиязва. вибаагад̇хаммад̇хаммаа бана сам̣гилидтасам̣гилзсигзхи сад̣̇д̇хим̣ сад̣̇исависсаж̇ж̇анад̇д̇аа згад̇о г̇ахид̇аа. яат̇аа жзд̇з, звам̣ саб̣б̣ад̇игад̣̇угабад̣̇зсу яам̣ яам̣ бад̣̇ам̣ язна язна бад̣̇зна сад̣̇д̇хим̣ сад̣̇исависсаж̇ж̇анам̣ ход̇и, д̇ам̣ д̇ам̣ уббадибаадияааби д̇зна д̇зна сад̣̇д̇хим̣ г̇ахзд̇ваа виссаж̇ж̇ид̇ам̣. д̇ад̇т̇а вуд̇д̇аанусаарзнзва сан̇г̇ахаасан̇г̇аханаяо взд̣̇ид̇аб̣б̣од̇и.
77. Evaṃ abbhantaramātikāya saṅgahaṃ dassetvā idāni bāhiramātikāya saṅgahaṃ dassetuṃ kusalā dhammātiādi āraddhaṃ. Tattha vedanāttike tīhi dhātūhīti kāyaviññāṇamanoviññāṇadhammadhātūhi. Sattahi dhātūhīti cakkhusotaghānajivhāviññāṇadhātūhi ceva manodhātudhammadhātumanoviññāṇadhātūhi ca. Vipākattike aṭṭhahi dhātūhīti kāyaviññāṇadhātuyā saddhiṃ tāhiyeva. Vipākadhammadhammā pana saṃkiliṭṭhasaṃkilesikehi saddhiṃ sadisavissajjanattā ekato gahitā. Yathā cete, evaṃ sabbatikadukapadesu yaṃ yaṃ padaṃ yena yena padena saddhiṃ sadisavissajjanaṃ hoti, taṃ taṃ uppaṭipāṭiyāpi tena tena saddhiṃ gahetvā vissajjitaṃ. Tattha vuttānusāreneva saṅgahāsaṅgahanayo veditabboti.
сан̇г̇ахаасан̇г̇ахабад̣̇аван̣н̣анаа.
Saṅgahāsaṅgahapadavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаад̇угат̇аабаал̣и • Dhātukathāpāḷi / 1. сан̇г̇ахаасан̇г̇ахабад̣̇анид̣̇д̣̇зсо • 1. Saṅgahāsaṅgahapadaniddeso
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 1. батаманаяо сан̇г̇ахаасан̇г̇ахабад̣̇аван̣н̣анаа • 1. Paṭhamanayo saṅgahāsaṅgahapadavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 1. батаманаяо сан̇г̇ахаасан̇г̇ахабад̣̇аван̣н̣анаа • 1. Paṭhamanayo saṅgahāsaṅgahapadavaṇṇanā
