| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
2. нид̣̇д̣̇зсаван̣н̣анаа
2. Niddesavaṇṇanā
1. батаманаяо сан̇г̇ахаасан̇г̇ахабад̣̇аван̣н̣анаа
1. Paṭhamanayo saṅgahāsaṅgahapadavaṇṇanā
1. канд̇хабад̣̇аван̣н̣анаа
1. Khandhapadavaṇṇanā
6. канд̇хааяад̇анад̇хаад̇уяомаханд̇арз абхин̃н̃зяяад̇хаммабхаавзна вуд̇д̇аа, д̇зсам̣ бана сабхаавад̇о абхин̃н̃аад̇аанам̣ д̇хаммаанам̣ барин̃н̃зяяад̇аад̣̇ивисзсад̣̇ассанад̇т̇ам̣ сажжаани, ад̇хибад̇ияаад̣̇игижжависзсад̣̇ассанад̇т̇ам̣ инд̣̇рияаад̣̇ийни жа вуд̇д̇аанийд̇и сажжаад̣̇ивисзсо вияа сан̇г̇ахаасан̇г̇ахависзсо жа абхин̃н̃зяяаниссид̇о вужжамаано сувин̃н̃зяяо ход̇ийд̇и ‘‘д̇ийхи сан̇г̇ахо. д̇ийхи асан̇г̇ахо’’д̇и наяамукамаад̇игаа табид̇аад̇и взд̣̇ид̇аб̣б̣аа. зван̃жа гад̇ваа ‘‘жад̇уухий’’д̇и вуд̇д̇аа самбаяог̇авиббаяог̇аа жа абхин̃н̃зяяаниссаязна канд̇хаад̣̇ийхзва бужчид̇ваа виссаж̇ж̇ид̇аад̇и. руубагканд̇хо згзна канд̇хзнаад̇и яз д̇хаммаа ‘‘руубагканд̇хо’’д̇и вужжанд̇и, д̇зсам̣ бан̃жасу канд̇хзсу руубагканд̇хабхаавзна сабхааг̇ад̇аа ход̇ийд̇и руубагканд̇хабхаавасан̇каад̇зна, руубагканд̇хаважанасан̇каад̇зна ваа г̇ан̣анзна сан̇г̇ахам̣ г̇ан̣анам̣ д̣̇ассзд̇и. д̇знааха ‘‘яан̃хи гин̃жий’’д̇иаад̣̇и. руубагканд̇ход̇и хи сан̇г̇ахид̇аб̣б̣ад̇хаммо д̣̇ассид̇о. язна сан̇г̇ахзна сан̇г̇аяхад̇и, д̇асса сан̇г̇ахасса д̣̇ассанам̣ ‘‘згзна канд̇хзнаа’’д̇и важанам̣. бан̃жасу канд̇хаг̇ан̣анзсу згзна канд̇хаг̇ан̣анзна г̇ан̣ид̇од̇и аяан̃хзд̇т̇а ад̇т̇о. яасмаа жа канд̇хаад̣̇иважанзхи сан̇г̇ахо вужжад̇и, д̇асмаа убари ‘‘канд̇хасан̇г̇ахзна сан̇г̇ахид̇аа’’д̇иаад̣̇им̣ вагкад̇ийд̇и.
6. Khandhāyatanadhātuyomahantare abhiññeyyadhammabhāvena vuttā, tesaṃ pana sabhāvato abhiññātānaṃ dhammānaṃ pariññeyyatādivisesadassanatthaṃ saccāni, adhipatiyādikiccavisesadassanatthaṃ indriyādīni ca vuttānīti saccādiviseso viya saṅgahāsaṅgahaviseso ca abhiññeyyanissito vuccamāno suviññeyyo hotīti ‘‘tīhi saṅgaho. Tīhi asaṅgaho’’ti nayamukhamātikā ṭhapitāti veditabbā. Evañca katvā ‘‘catūhī’’ti vuttā sampayogavippayogā ca abhiññeyyanissayena khandhādīheva pucchitvā vissajjitāti. Rūpakkhandho ekena khandhenāti ye dhammā ‘‘rūpakkhandho’’ti vuccanti, tesaṃ pañcasu khandhesu rūpakkhandhabhāvena sabhāgatā hotīti rūpakkhandhabhāvasaṅkhātena, rūpakkhandhavacanasaṅkhātena vā gaṇanena saṅgahaṃ gaṇanaṃ dasseti. Tenāha ‘‘yañhi kiñcī’’tiādi. Rūpakkhandhoti hi saṅgahitabbadhammo dassito. Yena saṅgahena saṅgayhati, tassa saṅgahassa dassanaṃ ‘‘ekena khandhenā’’ti vacanaṃ. Pañcasu khandhagaṇanesu ekena khandhagaṇanena gaṇitoti ayañhettha attho. Yasmā ca khandhādivacanehi saṅgaho vuccati, tasmā upari ‘‘khandhasaṅgahena saṅgahitā’’tiādiṃ vakkhatīti.
асан̇г̇аханаяанид̣̇д̣̇зсзд̇и ид̣̇ам̣ ‘‘сан̇г̇ахо асан̇г̇ахо’’д̇и зд̇ассзва наяасса згад̣̇зсанаяабхаавзна вуд̇д̇ам̣, на наяанд̇арад̇ааяаад̇и д̣̇адтаб̣б̣ам̣. руубагканд̇хамуулагааязва жзд̇т̇а д̣̇угад̇игажад̇уггаа д̣̇ассид̇аад̇и зд̇зна взд̣̇анаагканд̇хамуулагаа буримзна яож̇ияамаанз висзсо над̇т̇ийд̇и бажчимзхзва яож̇зд̇ваа д̇аяо д̣̇угаа д̣̇вз д̇игаа зго жад̇угго, сан̃н̃аагканд̇хамуулагаа д̣̇вз д̣̇угаа зго д̇иго, сан̇каарагканд̇хамуулаго зго д̣̇угод̇и зд̇з лаб̣бханд̇ийд̇и д̣̇ассзд̇и. д̇зсам̣ бана бхзд̣̇ад̇о бан̃жагабужчаависсаж̇ж̇анаананд̇арам̣ бужчаависсаж̇ж̇анам̣ гаад̇аб̣б̣ам̣ сам̣кид̇д̇анд̇и д̣̇адтаб̣б̣ам̣, вуд̇д̇анаязна ваа саггаа н̃аад̇унд̇и баал̣им̣ на ааробид̇анд̇и.
Asaṅgahanayaniddeseti idaṃ ‘‘saṅgaho asaṅgaho’’ti etasseva nayassa ekadesanayabhāvena vuttaṃ, na nayantaratāyāti daṭṭhabbaṃ. Rūpakkhandhamūlakāyeva cettha dukatikacatukkā dassitāti etena vedanākkhandhamūlakā purimena yojiyamāne viseso natthīti pacchimeheva yojetvā tayo dukā dve tikā eko catukko, saññākkhandhamūlakā dve dukā eko tiko, saṅkhārakkhandhamūlako eko dukoti ete labbhantīti dasseti. Tesaṃ pana bhedato pañcakapucchāvissajjanānantaraṃ pucchāvissajjanaṃ kātabbaṃ saṃkhittanti daṭṭhabbaṃ, vuttanayena vā sakkā ñātunti pāḷiṃ na āropitanti.
ааяад̇анабад̣̇аад̣̇иван̣н̣анаа
Āyatanapadādivaṇṇanā
40. яасмаа жа д̣̇угад̇игзсууд̇и яад̣̇иби згагзби сад̣̇исам̣ виссаж̇ж̇анам̣, згагз бана сад̣̇исависсаж̇ж̇анаанам̣ жагкунд̣̇рияасод̇инд̣̇рияасукинд̣̇рияаад̣̇ийнам̣ д̣̇угаад̣̇ийсу асад̣̇исависсаж̇ж̇анам̣ д̣̇идтам̣. на хзд̇т̇а жагкусод̇ажагкусукинд̣̇рияад̣̇угаанам̣ ан̃н̃аман̃н̃асад̣̇исависсаж̇ж̇анам̣, нааби д̣̇угзхи д̇игасса, ид̇ха бана д̣̇угкасамуд̣̇аяад̣̇угкамаг̇г̇ад̣̇угаанам̣ ан̃н̃аман̃н̃ам̣ д̇игзна жа сад̣̇исам̣ виссаж̇ж̇ананд̇и д̣̇угад̇игзсвзва сад̣̇исависсаж̇ж̇анад̇ам̣ самуд̣̇аяаананд̇арам̣ маг̇г̇асажжасса важанз гааран̣ам̣ вад̣̇ад̇и.
40. Yasmāca dukatikesūti yadipi ekakepi sadisaṃ vissajjanaṃ, ekake pana sadisavissajjanānaṃ cakkhundriyasotindriyasukhindriyādīnaṃ dukādīsu asadisavissajjanaṃ diṭṭhaṃ. Na hettha cakkhusotacakkhusukhindriyadukānaṃ aññamaññasadisavissajjanaṃ, nāpi dukehi tikassa, idha pana dukkhasamudayadukkhamaggadukānaṃ aññamaññaṃ tikena ca sadisaṃ vissajjananti dukatikesveva sadisavissajjanataṃ samudayānantaraṃ maggasaccassa vacane kāraṇaṃ vadati.
6. бадижжасамуббаад̣̇аван̣н̣анаа
6. Paṭiccasamuppādavaṇṇanā
61. ‘‘бужчам̣ анаарабхид̇ваа авиж̇ж̇аа згзна канд̇хзна, авиж̇ж̇аабажжаяаа сан̇каараа згзна канд̇хзнаа’’д̇и ликид̇аб̣б̣зби бамаад̣̇авасзна ‘‘авиж̇ж̇аа згзна канд̇хзнаа’’д̇и ид̣̇ам̣ на ликид̇анд̇и д̣̇адтаб̣б̣ам̣. саруубзгасзсам̣ ваа гад̇ваа авиж̇ж̇ааважанзна авиж̇ж̇аависсаж̇ж̇анам̣ д̣̇ассид̇анд̇и. саб̣б̣амби вибаагавин̃н̃аан̣анд̇и зд̇т̇а вибаагаг̇г̇ахан̣зна висзсанам̣ на гаад̇аб̣б̣ам̣. гусалаад̣̇ийнамби хи вин̃н̃аан̣аанам̣ д̇хаад̇угат̇ааяам̣ сан̇каарабажжаяаавин̃н̃аан̣аад̣̇ибад̣̇зхи сан̇г̇ахид̇ад̇аа виббаяуд̇д̇знасан̇г̇ахид̇аасан̇г̇ахид̇абад̣̇анид̣̇д̣̇зсз ‘‘вибаагаа д̇хаммаа’’д̇и имасса виссаж̇ж̇анаасад̣̇исзна д̇зсам̣ виссаж̇ж̇анзна д̣̇ассид̇аа, ид̇ха жа наамаруубасса згаад̣̇асахааяад̇анзхи сан̇г̇ахаважанзна агаммаж̇аанамби сан̇г̇ахид̇ад̇аа вин̃н̃ааяад̇ийд̇и.
61. ‘‘Pucchaṃ anārabhitvā avijjā ekena khandhena, avijjāpaccayā saṅkhārā ekena khandhenā’’ti likhitabbepi pamādavasena ‘‘avijjā ekena khandhenā’’ti idaṃ na likhitanti daṭṭhabbaṃ. Sarūpekasesaṃ vā katvā avijjāvacanena avijjāvissajjanaṃ dassitanti. Sabbampi vipākaviññāṇanti ettha vipākaggahaṇena visesanaṃ na kātabbaṃ. Kusalādīnampi hi viññāṇānaṃ dhātukathāyaṃ saṅkhārapaccayāviññāṇādipadehi saṅgahitatā vippayuttenasaṅgahitāsaṅgahitapadaniddese ‘‘vipākā dhammā’’ti imassa vissajjanāsadisena tesaṃ vissajjanena dassitā, idha ca nāmarūpassa ekādasahāyatanehi saṅgahavacanena akammajānampi saṅgahitatā viññāyatīti.
71. ж̇ааяамаанабарибажжамаанабхиж̇ж̇амаанаанам̣ ж̇ааяамаанаад̣̇ибхаавамад̇д̇ад̇д̇аа ж̇аад̇иж̇араамаран̣аани барамад̇т̇ад̇о виниб̣бхуж̇ж̇ид̇ваа анубалаб̣бхамаанаани барамад̇т̇аанам̣ сабхаавамад̇д̇абхууд̇аани, д̇аани руубасса ниб̣б̣ад̇д̇ибаагабхзд̣̇абхууд̇аани руббанабхаавзна г̇аяханд̇ийд̇и руубагканд̇хад̇хаммасабхааг̇аани, аруубаанам̣ бана ниб̣б̣ад̇д̇иаад̣̇ибхууд̇аани руубагалаабаж̇аад̇иаад̣̇ийни вияа сахуббаж̇ж̇амаанажад̇угканд̇хагалаабаниб̣б̣ад̇д̇иаад̣̇ибхаавад̇о згзгабхууд̇аани взд̣̇ияанасан̃ж̇аананавиж̇аананзхи зганд̇абарамад̇т̇агижжзхи аг̇аяхамаанаани сан̇кад̇аабхисан̇каран̣зна анзганд̇абарамад̇т̇агижжзна г̇аяханд̇ийд̇и сан̇каарагканд̇хад̇хаммасабхааг̇аани, д̇ат̇аа д̣̇увид̇хааниби д̇аани жагкааяад̇анаад̣̇ийхи зганд̇абарамад̇т̇агижжзхи аг̇аяхамаанаани ниссад̇д̇адтзна д̇хаммааяад̇анад̇хаммад̇хаад̇уд̇хаммзхи сабхааг̇аани, д̇зна д̇зхи канд̇хаад̣̇ийхи сан̇г̇аяханд̇ийд̇и ‘‘ж̇аад̇и д̣̇вийхи канд̇хзхий’’д̇иаад̣̇имааха.
71. Jāyamānaparipaccamānabhijjamānānaṃ jāyamānādibhāvamattattā jātijarāmaraṇāni paramatthato vinibbhujjitvā anupalabbhamānāni paramatthānaṃ sabhāvamattabhūtāni, tāni rūpassa nibbattipākabhedabhūtāni ruppanabhāvena gayhantīti rūpakkhandhadhammasabhāgāni, arūpānaṃ pana nibbattiādibhūtāni rūpakalāpajātiādīni viya sahuppajjamānacatukkhandhakalāpanibbattiādibhāvato ekekabhūtāni vediyanasañjānanavijānanehi ekantaparamatthakiccehi agayhamānāni saṅkhatābhisaṅkharaṇena anekantaparamatthakiccena gayhantīti saṅkhārakkhandhadhammasabhāgāni, tathā duvidhānipi tāni cakkhāyatanādīhi ekantaparamatthakiccehi agayhamānāni nissattaṭṭhena dhammāyatanadhammadhātudhammehi sabhāgāni, tena tehi khandhādīhi saṅgayhantīti ‘‘jāti dvīhi khandhehī’’tiādimāha.
батаманаяасан̇г̇ахаасан̇г̇ахабад̣̇аван̣н̣анаа нидтид̇аа.
Paṭhamanayasaṅgahāsaṅgahapadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаад̇угат̇аабаал̣и • Dhātukathāpāḷi / 1. сан̇г̇ахаасан̇г̇ахабад̣̇анид̣̇д̣̇зсо • 1. Saṅgahāsaṅgahapadaniddeso
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 1. батаманаяо сан̇г̇ахаасан̇г̇ахабад̣̇аван̣н̣анаа • 1. Paṭhamanayo saṅgahāsaṅgahapadavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 1. батаманаяо сан̇г̇ахаасан̇г̇ахабад̣̇аван̣н̣анаа • 1. Paṭhamanayo saṅgahāsaṅgahapadavaṇṇanā
