| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
2. нид̣̇д̣̇зсаван̣н̣анаа
2. Niddesavaṇṇanā
1. батаманаяо сан̇г̇ахаасан̇г̇ахабад̣̇аван̣н̣анаа
1. Paṭhamanayo saṅgahāsaṅgahapadavaṇṇanā
1. канд̇хабад̣̇аван̣н̣анаа
1. Khandhapadavaṇṇanā
6. ‘‘абхин̃н̃зяяад̇хаммабхаавзна вуд̇д̇аа жад̇д̇ааро канд̇хаа хонд̇ий’’д̇иаад̣̇инаа, ‘‘руубагканд̇хо абхин̃н̃зяяо’’д̇иаад̣̇инаа жа абхин̃н̃аад̇алагкан̣ависаяаад̇и ааха ‘‘сабхаавад̇о абхин̃н̃аад̇аана’’нд̇и. барин̃н̃зяяад̇аад̣̇ийд̇и аад̣̇и-сад̣̇д̣̇зна бахаад̇аб̣б̣асажчигаад̇аб̣б̣абхаавзд̇аб̣б̣ад̇аа сан̇г̇аяхад̇и. ад̇хибад̇ияаад̣̇ийд̇и ад̇хибад̇ибажжаяабхааваубадтаанабад̣̇аханаад̣̇ийни. сажжаад̣̇ивисзсо вияаад̇и д̣̇угкасажжаад̣̇ибарияааяо абхин̃н̃зяяабийл̣анадтаад̣̇ивисзсо вияа. зван̃жа гад̇ваад̇и наяамукамаад̇игааяа абхин̃н̃зяяаниссаязна вужжамаанад̇д̇аа зва. д̇зсам̣ руубад̇хаммаанам̣ бан̃жаннам̣ канд̇хаанам̣ канд̇хабхаавзна вияа руубагканд̇хабхаавзна сабхааг̇ад̇аа ход̇и, на взд̣̇анаагканд̇хаад̣̇ибхаавзнаад̇и сан̇г̇ахалагкан̣амааха. ид̇ийд̇и д̇асмаа, яасмаа руубад̇хаммаа ан̃н̃аман̃н̃ам̣ руубагканд̇хабхаавзна сабхааг̇аа, д̇асмаад̇и ад̇т̇о. руубагканд̇хабхаавасан̇каад̇зна руубагканд̇хабхаавзна ад̇т̇амукзнзва г̇ахан̣з. сад̣̇д̣̇ад̣̇ваарзна бана г̇ахан̣з руубагканд̇хаважанасан̇каад̇зна ваа руубагканд̇хаважанаважанийяад̇аасан̇каад̇зна. ид̣̇аани д̇амзвад̇т̇ам̣ баагадад̇арам̣ гаад̇ум̣ ‘‘руубагканд̇ход̇и хий’’д̇иаад̣̇и вуд̇д̇ам̣.
6. ‘‘Abhiññeyyadhammabhāvena vuttā cattāro khandhā hontī’’tiādinā, ‘‘rūpakkhandho abhiññeyyo’’tiādinā ca abhiññātalakkhaṇavisayāti āha ‘‘sabhāvato abhiññātāna’’nti. Pariññeyyatādīti ādi-saddena pahātabbasacchikātabbabhāvetabbatā saṅgayhati. Adhipatiyādīti adhipatipaccayabhāvaupaṭṭhānapadahanādīni. Saccādiviseso viyāti dukkhasaccādipariyāyo abhiññeyyapīḷanaṭṭhādiviseso viya. Evañca katvāti nayamukhamātikāya abhiññeyyanissayena vuccamānattā eva. Tesaṃ rūpadhammānaṃ pañcannaṃ khandhānaṃ khandhabhāvena viya rūpakkhandhabhāvena sabhāgatā hoti, na vedanākkhandhādibhāvenāti saṅgahalakkhaṇamāha. Itīti tasmā, yasmā rūpadhammā aññamaññaṃ rūpakkhandhabhāvena sabhāgā, tasmāti attho. Rūpakkhandhabhāvasaṅkhātena rūpakkhandhabhāvena atthamukheneva gahaṇe. Saddadvārena pana gahaṇe rūpakkhandhavacanasaṅkhātena vā rūpakkhandhavacanavacanīyatāsaṅkhātena. Idāni tamevatthaṃ pākaṭataraṃ kātuṃ ‘‘rūpakkhandhoti hī’’tiādi vuttaṃ.
буримзнаад̇и руубагканд̇хзна. сан̃н̃аагканд̇хамуулагаад̇иаад̣̇ийсу ‘‘буримзна яож̇ияамаанз’’д̇иаад̣̇им̣ аанзд̇ваа яат̇аарахам̣ яож̇зд̇аб̣б̣ам̣. абхзд̣̇ад̇о бан̃жагабужчаависсаж̇ж̇анам̣ канд̇хабад̣̇анид̣̇д̣̇зсз саб̣б̣абажчимамзваад̇и ааха ‘‘бхзд̣̇ад̇о бан̃жагабужчаависсаж̇ж̇анаананд̇ара’’нд̇и.
Purimenāti rūpakkhandhena. Saññākkhandhamūlakātiādīsu ‘‘purimena yojiyamāne’’tiādiṃ ānetvā yathārahaṃ yojetabbaṃ. Abhedato pañcakapucchāvissajjanaṃ khandhapadaniddese sabbapacchimamevāti āha ‘‘bhedato pañcakapucchāvissajjanānantara’’nti.
ааяад̇анабад̣̇аад̣̇иван̣н̣анаа
Āyatanapadādivaṇṇanā
40. яад̣̇иби згагзби сад̣̇исам̣ виссаж̇ж̇анам̣ виссаж̇ж̇анам̣ самуд̣̇аяамаг̇г̇асажжаанам̣ ‘‘самуд̣̇аяасажжам̣ згзна канд̇хзна…бз… маг̇г̇асажжам̣ згзна канд̇хзна згзнааяад̇анзна згааяа д̇хаад̇уяаа сан̇г̇ахид̇ам̣, жад̇уухи канд̇хзхи згаад̣̇асахи ааяад̇анзхи сад̇д̇арасахи д̇хаад̇уухи асан̇г̇ахид̇а’’нд̇и (д̇хаад̇у. 41) нид̣̇д̣̇идтад̇д̇аа. зд̇т̇аад̇и зд̇асмим̣ инд̣̇рияабад̣̇анид̣̇д̣̇зсз . жагкусод̇ажагкусукинд̣̇рияад̣̇угаананд̇и жагкусод̇ад̣̇угам̣ жагкусукинд̣̇рияад̣̇уганд̇и зд̇зсам̣ д̣̇угаанам̣. жагкусод̇асукинд̣̇рияаанан̃хи ‘‘згзна канд̇хзна згзнааяад̇анзна згааяа д̇хаад̇уяаа сан̇г̇ахид̇ам̣, жад̇уухи канд̇хзхи згаад̣̇асахи ааяад̇анзхи сад̇д̇арасахи д̇хаад̇уухи асан̇г̇ахид̇а’’нд̇и згагз сад̣̇исам̣ виссаж̇ж̇анам̣. жагкусод̇инд̣̇рияад̣̇угасса бана ‘‘жагкунд̣̇рияан̃жа сод̇инд̣̇рияан̃жа згзна канд̇хзна д̣̇вийхааяад̇анзхи д̣̇вийхи д̇хаад̇уухи сан̇г̇ахид̇аа, жад̇уухи канд̇хзхи д̣̇асахааяад̇анзхи сол̣асахи д̇хаад̇уухи асан̇г̇ахид̇аа’’д̇и, ‘‘жагкунд̣̇рияан̃жа сукинд̣̇рияан̃жа д̣̇вийхи канд̇хзхи д̣̇вийхааяад̇анзхи д̣̇вийхи д̇хаад̇уухи сан̇г̇ахид̇аа, д̇ийхи канд̇хзхи д̣̇асахааяад̇анзхи сол̣асахи д̇хаад̇уухи асан̇г̇ахид̇аа’’д̇и жагкусукинд̣̇рияад̣̇угасса жа асад̣̇исам̣ виссаж̇ж̇анам̣. нааби д̣̇угзхи д̇игассаад̇и жагкусод̇ажагкусукинд̣̇рияаад̣̇ид̣̇угзхи жагкусод̇асукинд̣̇рияаад̣̇ид̇игасса нааби сад̣̇исам̣ виссаж̇ж̇анам̣. ид̇хаад̇и сажжабад̣̇анид̣̇д̣̇зсз. д̇игзна жаад̇и д̣̇угкасамуд̣̇аяамаг̇г̇аад̣̇ид̇игзна жа. ‘‘бан̃жахи канд̇хзхи д̣̇ваад̣̇асахааяад̇анзхи адтаарасахи д̇хаад̇уухи сан̇г̇ахид̇аа, на гзхижи канд̇хзхи на гзхижи ааяад̇анзхи на гаахижи д̇хаад̇уухи асан̇г̇ахид̇аа’’д̇и сад̣̇исам̣ виссаж̇ж̇анам̣.
40. Yadipiekakepi sadisaṃ vissajjanaṃ vissajjanaṃ samudayamaggasaccānaṃ ‘‘samudayasaccaṃ ekena khandhena…pe… maggasaccaṃ ekena khandhena ekenāyatanena ekāya dhātuyā saṅgahitaṃ, catūhi khandhehi ekādasahi āyatanehi sattarasahi dhātūhi asaṅgahita’’nti (dhātu. 41) niddiṭṭhattā. Etthāti etasmiṃ indriyapadaniddese . Cakkhusotacakkhusukhindriyadukānanti cakkhusotadukaṃ cakkhusukhindriyadukanti etesaṃ dukānaṃ. Cakkhusotasukhindriyānañhi ‘‘ekena khandhena ekenāyatanena ekāya dhātuyā saṅgahitaṃ, catūhi khandhehi ekādasahi āyatanehi sattarasahi dhātūhi asaṅgahita’’nti ekake sadisaṃ vissajjanaṃ. Cakkhusotindriyadukassa pana ‘‘cakkhundriyañca sotindriyañca ekena khandhena dvīhāyatanehi dvīhi dhātūhi saṅgahitā, catūhi khandhehi dasahāyatanehi soḷasahi dhātūhi asaṅgahitā’’ti, ‘‘cakkhundriyañca sukhindriyañca dvīhi khandhehi dvīhāyatanehi dvīhi dhātūhi saṅgahitā, tīhi khandhehi dasahāyatanehi soḷasahi dhātūhi asaṅgahitā’’ti cakkhusukhindriyadukassa ca asadisaṃ vissajjanaṃ. Nāpi dukehi tikassāti cakkhusotacakkhusukhindriyādidukehi cakkhusotasukhindriyāditikassa nāpi sadisaṃ vissajjanaṃ. Idhāti saccapadaniddese. Tikena cāti dukkhasamudayamaggāditikena ca. ‘‘Pañcahi khandhehi dvādasahāyatanehi aṭṭhārasahi dhātūhi saṅgahitā, na kehici khandhehi na kehici āyatanehi na kāhici dhātūhi asaṅgahitā’’ti sadisaṃ vissajjanaṃ.
6. бадижжасамуббаад̣̇аван̣н̣анаа
6. Paṭiccasamuppādavaṇṇanā
61. авиж̇ж̇ааважанзнаад̇и ‘‘авиж̇ж̇аабажжаяаа сан̇каараа’’д̇и зд̇т̇а авиж̇ж̇ааг̇г̇ахан̣зна. висзсанам̣ на гад̇д̇аб̣б̣ам̣, ‘‘саб̣б̣амби вин̃н̃аан̣а’’нд̇и вад̇д̇аб̣б̣анд̇и ад̇хиббааяо. д̇ад̇т̇а гааран̣амааха ‘‘гусалаад̣̇ийнамбий’’д̇иаад̣̇инаа. виссаж̇ж̇анаасад̣̇исзна саб̣б̣авин̃н̃аан̣аад̣̇исан̇г̇ахан̣ад̇о. д̇зсанд̇и вин̃н̃аан̣аад̣̇ибад̣̇аанам̣. ид̇хаад̇и имасмим̣ батаманаяз. агаммаж̇аанамби сан̇г̇ахид̇ад̇аа вин̃н̃ааяад̇и сад̣̇д̣̇ааяад̇анассаби г̇ахид̇ад̇д̇аа.
61. Avijjāvacanenāti ‘‘avijjāpaccayā saṅkhārā’’ti ettha avijjāggahaṇena. Visesanaṃ na kattabbaṃ, ‘‘sabbampi viññāṇa’’nti vattabbanti adhippāyo. Tattha kāraṇamāha ‘‘kusalādīnampī’’tiādinā. Vissajjanāsadisena sabbaviññāṇādisaṅgahaṇato. Tesanti viññāṇādipadānaṃ. Idhāti imasmiṃ paṭhamanaye. Akammajānampi saṅgahitatā viññāyati saddāyatanassapi gahitattā.
71. ж̇ааяамаана…бз… маанаананд̇и ж̇ааяамаанаад̣̇иавад̇т̇аанам̣ д̇хаммаанам̣. ж̇ааяамаанаад̣̇ибхаавамад̇д̇ад̇д̇аад̇и ниб̣б̣ад̇д̇анаад̣̇иавад̇т̇аамад̇д̇абхаавад̇о. виниб̣бхуж̇ж̇ид̇ваад̇и авад̇т̇аабхаавад̇о виниб̣бхог̇ам̣ гад̇ваа. барамад̇т̇ад̇о авиж̇ж̇амаанаани, сабхаавамад̇д̇абхууд̇аанийд̇и барамад̇т̇ад̇хаммаанам̣ авад̇т̇аабхаавамад̇д̇абхууд̇аани . абарамад̇т̇асабхаавааниби руубад̇хаммасса ниб̣б̣ад̇д̇иаад̣̇ибхаавад̇о руббанабхаавзна г̇аяханд̇и. д̇ад̇о ‘‘руубагканд̇хасса сабхааг̇аани, аруубаанам̣ бана ж̇аад̇иж̇араамаран̣ааний’’д̇и аанзд̇ваа яож̇анаа. згзгабхууд̇аанийд̇и яат̇аа згасмим̣ руубагалаабз ж̇аад̇иаад̣̇ийни згзгааниязва хонд̇и, звам̣ згасмим̣ аруубагалаабзбийд̇и вуд̇д̇ам̣. д̇знааха ‘‘руубагалаабаж̇аад̇иаад̣̇ийни вияаа’’д̇иаад̣̇и. анубхаванасан̃ж̇аананавиж̇аананагижжаанам̣ взд̣̇анаад̣̇ийнам̣ ниб̣б̣ад̇д̇иаад̣̇ибхууд̇ааниби ж̇аад̇иаад̣̇ийни д̇ат̇аа на г̇аяханд̇ийд̇и ааха ‘‘взд̣̇ияана…бз… аг̇аяхамаанааний’’д̇и. д̇зна взд̣̇анаагканд̇хаад̣̇ийхи ж̇аад̇иаад̣̇ийнам̣ сан̇г̇ахаабхаавамааха. ‘‘ж̇аад̇и, бхигкавз, анижжаа сан̇кад̇аа’’д̇иаад̣̇иважанад̇о ж̇аад̇иаад̣̇ийнамби сан̇кад̇абарияааяо ад̇т̇ийд̇и сан̇кад̇аабхисан̇каран̣агижжзна сан̇каарагканд̇хзна д̇зсам̣ сан̇г̇аход̇и вуд̇д̇ам̣ ‘‘сан̇кад̇аа…бз… сабхааг̇ааний’’д̇и. д̇знзва жа сан̇каарагканд̇хасса анзганд̇абарамад̇т̇агижжад̇аа взд̣̇ид̇аб̣б̣аа. д̇ат̇аа д̣̇увид̇хаанийд̇и вуд̇д̇аббагаарзна руубааруубад̇хаммаанам̣ ниб̣б̣ад̇д̇иаад̣̇ибхаавзна д̣̇виббагаараани. д̇знаад̇и яат̇аавуд̇д̇асабхааг̇ад̇т̇зна. д̇зхи канд̇хаад̣̇ийхийд̇и руубагканд̇хасан̇каарагканд̇хад̇хаммааяад̇анад̇хаммад̇хаад̇уухи.
71. Jāyamāna…pe… mānānanti jāyamānādiavatthānaṃ dhammānaṃ. Jāyamānādibhāvamattattāti nibbattanādiavatthāmattabhāvato. Vinibbhujjitvāti avatthābhāvato vinibbhogaṃ katvā. Paramatthato avijjamānāni, sabhāvamattabhūtānīti paramatthadhammānaṃ avatthābhāvamattabhūtāni . Aparamatthasabhāvānipi rūpadhammassa nibbattiādibhāvato ruppanabhāvena gayhanti. Tato ‘‘rūpakkhandhassa sabhāgāni, arūpānaṃ pana jātijarāmaraṇānī’’ti ānetvā yojanā. Ekekabhūtānīti yathā ekasmiṃ rūpakalāpe jātiādīni ekekāniyeva honti, evaṃ ekasmiṃ arūpakalāpepīti vuttaṃ. Tenāha ‘‘rūpakalāpajātiādīni viyā’’tiādi. Anubhavanasañjānanavijānanakiccānaṃ vedanādīnaṃ nibbattiādibhūtānipi jātiādīni tathā na gayhantīti āha ‘‘vediyana…pe… agayhamānānī’’ti. Tena vedanākkhandhādīhi jātiādīnaṃ saṅgahābhāvamāha. ‘‘Jāti, bhikkhave, aniccā saṅkhatā’’tiādivacanato jātiādīnampi saṅkhatapariyāyo atthīti saṅkhatābhisaṅkharaṇakiccena saṅkhārakkhandhena tesaṃ saṅgahoti vuttaṃ ‘‘saṅkhatā…pe… sabhāgānī’’ti. Teneva ca saṅkhārakkhandhassa anekantaparamatthakiccatā veditabbā. Tathā duvidhānīti vuttappakārena rūpārūpadhammānaṃ nibbattiādibhāvena dvippakārāni. Tenāti yathāvuttasabhāgatthena. Tehi khandhādīhīti rūpakkhandhasaṅkhārakkhandhadhammāyatanadhammadhātūhi.
батаманаяасан̇г̇ахаасан̇г̇ахабад̣̇аван̣н̣анаа нидтид̇аа.
Paṭhamanayasaṅgahāsaṅgahapadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаад̇угат̇аабаал̣и • Dhātukathāpāḷi / 1. сан̇г̇ахаасан̇г̇ахабад̣̇анид̣̇д̣̇зсо • 1. Saṅgahāsaṅgahapadaniddeso
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 1. батаманаяо сан̇г̇ахаасан̇г̇ахабад̣̇аван̣н̣анаа • 1. Paṭhamanayo saṅgahāsaṅgahapadavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 1. батаманаяо сан̇г̇ахаасан̇г̇ахабад̣̇аван̣н̣анаа • 1. Paṭhamanayo saṅgahāsaṅgahapadavaṇṇanā
