| Library / Tipiṭaka / ติปิฎก • Tipiṭaka / อุทานปาฬิ • Udānapāḷi |
๘. ปาฎลิคามิยวโคฺค
8. Pāṭaligāmiyavaggo
๑. ปฐมนิพฺพานปฎิสํยุตฺตสุตฺตํ
1. Paṭhamanibbānapaṭisaṃyuttasuttaṃ
๗๑. เอวํ เม สุตํ – เอกํ สมยํ ภควา สาวตฺถิยํ วิหรติ เชตวเน อนาถปิณฺฑิกสฺส อาราเมฯ เตน โข ปน สมเยน ภควา ภิกฺขู นิพฺพานปฎิสํยุตฺตาย ธมฺมิยา กถาย สนฺทเสฺสติ สมาทเปติ สมุเตฺตเชติ สมฺปหํเสติฯ เตธ ภิกฺขู 1 อฎฺฐิํ กตฺวา 2 มนสิ กตฺวา สพฺพํ เจตโส 3 สมนฺนาหริตฺวา โอหิตโสตา ธมฺมํ สุณนฺติฯ
71. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena bhagavā bhikkhū nibbānapaṭisaṃyuttāya dhammiyā kathāya sandasseti samādapeti samuttejeti sampahaṃseti. Tedha bhikkhū 4 aṭṭhiṃ katvā 5 manasi katvā sabbaṃ cetaso 6 samannāharitvā ohitasotā dhammaṃ suṇanti.
อถ โข ภควา เอตมตฺถํ วิทิตฺวา ตายํ เวลายํ อิมํ อุทานํ อุทาเนสิ –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘อตฺถิ, ภิกฺขเว, ตทายตนํ, ยตฺถ เนว ปถวี, น อาโป, น เตโช, น วาโย, น อากาสานญฺจายตนํ, น วิญฺญาณญฺจายตนํ, น อากิญฺจญฺญายตนํ, น เนวสญฺญานาสญฺญายตนํ, นายํ โลโก, น ปรโลโก, น อุโภ จนฺทิมสูริยาฯ ตตฺราปาหํ, ภิกฺขเว, เนว อาคติํ วทามิ , น คติํ, น ฐิติํ, น จุติํ, น อุปปตฺติํ; อปฺปติฎฺฐํ, อปฺปวตฺตํ, อนารมฺมณเมเวตํฯ เอเสวโนฺต ทุกฺขสฺสา’’ติฯ ปฐมํฯ
‘‘Atthi, bhikkhave, tadāyatanaṃ, yattha neva pathavī, na āpo, na tejo, na vāyo, na ākāsānañcāyatanaṃ, na viññāṇañcāyatanaṃ, na ākiñcaññāyatanaṃ, na nevasaññānāsaññāyatanaṃ, nāyaṃ loko, na paraloko, na ubho candimasūriyā. Tatrāpāhaṃ, bhikkhave, neva āgatiṃ vadāmi , na gatiṃ, na ṭhitiṃ, na cutiṃ, na upapattiṃ; appatiṭṭhaṃ, appavattaṃ, anārammaṇamevetaṃ. Esevanto dukkhassā’’ti. Paṭhamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อุทาน-อฎฺฐกถา • Udāna-aṭṭhakathā / ๑. ปฐมนิพฺพานปฎิสํยุตฺตสุตฺตวณฺณนา • 1. Paṭhamanibbānapaṭisaṃyuttasuttavaṇṇanā
