| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
8. баадалиг̇аамияаваг̇г̇о
8. Pāṭaligāmiyavaggo
1. батаманиб̣б̣аанабадисам̣яуд̇д̇асуд̇д̇аван̣н̣анаа
1. Paṭhamanibbānapaṭisaṃyuttasuttavaṇṇanā
71. баадалиг̇аамияаваг̇г̇асса батамз ниб̣б̣аанабадисам̣яуд̇д̇ааяаад̇и амад̇ад̇хаад̇усанниссид̇ааяа асан̇кад̇ад̇хаад̇уяаа бавзд̣̇анавасзна бавад̇д̇ааяа. д̇хаммияаа гат̇ааяаад̇и д̇хаммад̣̇зсанааяа. санд̣̇ассзд̇ийд̇и сабхаавасарасалагкан̣ад̇о ниб̣б̣аанам̣ д̣̇ассзд̇и. самаад̣̇абзд̇ийд̇и д̇амзва ад̇т̇ам̣ д̇з бхигкуу г̇ан̣хаабзд̇и. самуд̇д̇зж̇зд̇ийд̇и д̇ад̣̇ад̇т̇аг̇ахан̣з уссаахам̣ ж̇анзнд̇о д̇зж̇зд̇и ж̇од̇зд̇и. самбахам̣сзд̇ийд̇и ниб̣б̣аанаг̇ун̣зхи саммад̣̇зва саб̣б̣аббагаарзхи д̇осзд̇и.
71. Pāṭaligāmiyavaggassa paṭhame nibbānapaṭisaṃyuttāyāti amatadhātusannissitāya asaṅkhatadhātuyā pavedanavasena pavattāya. Dhammiyā kathāyāti dhammadesanāya. Sandassetīti sabhāvasarasalakkhaṇato nibbānaṃ dasseti. Samādapetīti tameva atthaṃ te bhikkhū gaṇhāpeti. Samuttejetīti tadatthagahaṇe ussāhaṃ janento tejeti joteti. Sampahaṃsetīti nibbānaguṇehi sammadeva sabbappakārehi toseti.
ат̇а ваа санд̣̇ассзд̇ийд̇и ‘‘со саб̣б̣асан̇каарасамат̇о саб̣б̣уубад̇хибадиниссаг̇г̇аа д̇ан̣хагкаяо вирааг̇о нирод̇хо’’д̇иаад̣̇инаа (ма. ни. 1.281; 2.337; махаава. 8) наязнзва саб̣б̣ат̇аа д̇зна д̇зна барияааязна д̇зсам̣ д̇зсам̣ аж̇жхаасаяаануруубам̣ саммаа д̣̇ассзд̇и. самаад̣̇абзд̇ийд̇и ‘‘иминаа арияамаг̇г̇зна д̇ам̣ ад̇хиг̇анд̇аб̣б̣а’’нд̇и ад̇хиг̇амабадибад̣̇ааяа сад̣̇д̇хим̣ д̇ад̇т̇а бхигкуу ниннабон̣абаб̣бхаарз гаронд̇о саммаа аад̣̇абзд̇и г̇ан̣хаабзд̇и. самуд̇д̇зж̇зд̇ийд̇и зд̇ам̣ д̣̇уггарам̣ д̣̇урабхисамбхаванд̇и ‘‘маа саммаабадибад̇д̇ияам̣ бамаад̣̇ам̣ анд̇араавосаанам̣ аабаж̇ж̇ат̇а, убаниссаяасамбаннасса вийрияавад̇о наяид̣̇ам̣ д̣̇уггарам̣, д̇асмаа сийлависуд̣̇д̇хиаад̣̇ивисуд̣̇д̇хибадибад̣̇ааяа удтахат̇а гхадаяат̇а вааяамзяяаат̇аа’’д̇и ниб̣б̣аанаад̇хиг̇амааяа уссаахзд̇и, д̇ад̇т̇а ваа жид̇д̇ам̣ вод̣̇абзд̇и. самбахам̣сзд̇ийд̇и ‘‘мад̣̇аниммад̣̇ано бибаасавинаяо аалаяасамуг̇гхаад̇о’’д̇и (а. ни. 4.34; ид̇иву. 90), рааг̇агкаяо д̣̇осагкаяо мохагкаяод̇и (сам̣. ни. 4.367; ид̇иву. 44), асан̇кад̇анд̇и (сам̣. ни. 4.367), амад̇ан̃жа санд̇анд̇иаад̣̇инаа жа анзгабарияааязна (сам̣. ни. 4.409) ниб̣б̣аанаанисам̣саббагаасанзна д̇зсам̣ бхигкуунам̣ жид̇д̇ам̣ д̇осзнд̇о хаасзнд̇о самбахам̣сзд̇и самассаасзд̇и.
Atha vā sandassetīti ‘‘so sabbasaṅkhārasamatho sabbūpadhipaṭinissaggā taṇhakkhayo virāgo nirodho’’tiādinā (ma. ni. 1.281; 2.337; mahāva. 8) nayeneva sabbathā tena tena pariyāyena tesaṃ tesaṃ ajjhāsayānurūpaṃ sammā dasseti. Samādapetīti ‘‘iminā ariyamaggena taṃ adhigantabba’’nti adhigamapaṭipadāya saddhiṃ tattha bhikkhū ninnapoṇapabbhāre karonto sammā ādapeti gaṇhāpeti. Samuttejetīti etaṃ dukkaraṃ durabhisambhavanti ‘‘mā sammāpaṭipattiyaṃ pamādaṃ antarāvosānaṃ āpajjatha, upanissayasampannassa vīriyavato nayidaṃ dukkaraṃ, tasmā sīlavisuddhiādivisuddhipaṭipadāya uṭṭhahatha ghaṭayatha vāyameyyāthā’’ti nibbānādhigamāya ussāheti, tattha vā cittaṃ vodapeti. Sampahaṃsetīti ‘‘madanimmadano pipāsavinayo ālayasamugghāto’’ti (a. ni. 4.34; itivu. 90), rāgakkhayo dosakkhayo mohakkhayoti (saṃ. ni. 4.367; itivu. 44), asaṅkhatanti (saṃ. ni. 4.367), amatañca santantiādinā ca anekapariyāyena (saṃ. ni. 4.409) nibbānānisaṃsappakāsanena tesaṃ bhikkhūnaṃ cittaṃ tosento hāsento sampahaṃseti samassāseti.
д̇зд̇хаад̇и д̇з ид̇ха. адтим̣ гад̇ваад̇и ‘‘ад̇т̇и гин̃жи аяам̣ но ад̇т̇о ад̇хиг̇анд̇аб̣б̣о’’д̇и звам̣ саллагкзд̇ваа д̇ааяа д̣̇зсанааяа ад̇т̇игаа худ̇ваа. манаси гад̇ваад̇и жид̇д̇з табзд̇ваа анан̃н̃авихид̇аа д̇ам̣ д̣̇зсанам̣ ад̇д̇ано жид̇д̇аг̇ад̇амзва гад̇ваа. саб̣б̣ам̣ жзд̇асо саманнаахарид̇ваад̇и саб̣б̣зна гаарагажид̇д̇зна аад̣̇ид̇о бадтааяа яаава барияосаанаа д̣̇зсанам̣ ааваж̇ж̇зд̇ваа, д̇аг̇г̇ад̇амзва аабхог̇ам̣ гад̇ваад̇и ад̇т̇о. ат̇а ваа саб̣б̣ам̣ жзд̇асо саманнаахарид̇ваад̇и саб̣б̣асмаа жид̇д̇ад̇о д̣̇зсанам̣ саммаа ану ану аахарид̇ваа. ид̣̇ам̣ вуд̇д̇ам̣ ход̇и – д̣̇зсзнд̇асса язхи жид̇д̇зхи д̣̇зсанаа гад̇аа, саб̣б̣асмаа жид̇д̇ад̇о бавад̇д̇ам̣ д̣̇зсанам̣ б̣ахи г̇анд̇ум̣ ад̣̇знд̇о саммаа авибарийд̇ам̣ ану ану аахарид̇ваа ад̇д̇ано жид̇д̇асанд̇аанам̣ аахарид̇ваа яат̇аад̣̇зсид̇ад̣̇зсид̇ам̣ д̣̇зсанам̣ судту убад̇хаарзд̇ваа. охид̇асод̇аад̇и авахид̇асод̇аа, судту убид̇асод̇аа. охид̇асод̇аад̇и ваа авигкид̇д̇асод̇аа. д̇амзва убалаб̣бхамааноби хи саванз авигкзбо сад̇исам̣варо вияа жагкунд̣̇рияаад̣̇ийсу сод̇инд̣̇риязби вад̇д̇умарахад̇ийд̇и. зд̇т̇а жа ‘‘адтим̣ гад̇ваа’’д̇иаад̣̇ийхи жад̇уухиби бад̣̇зхи д̇зсам̣ бхигкуунам̣ д̇аббарабхаавад̇о саванз аад̣̇арад̣̇ийбанзна саггажжасаванам̣ д̣̇ассзд̇и.
Tedhāti te idha. Aṭṭhiṃ katvāti ‘‘atthi kiñci ayaṃ no attho adhigantabbo’’ti evaṃ sallakkhetvā tāya desanāya atthikā hutvā. Manasi katvāti citte ṭhapetvā anaññavihitā taṃ desanaṃ attano cittagatameva katvā. Sabbaṃ cetaso samannāharitvāti sabbena kārakacittena ādito paṭṭhāya yāva pariyosānā desanaṃ āvajjetvā, taggatameva ābhogaṃ katvāti attho. Atha vā sabbaṃ cetaso samannāharitvāti sabbasmā cittato desanaṃ sammā anu anu āharitvā. Idaṃ vuttaṃ hoti – desentassa yehi cittehi desanā katā, sabbasmā cittato pavattaṃ desanaṃ bahi gantuṃ adento sammā aviparītaṃ anu anu āharitvā attano cittasantānaṃ āharitvā yathādesitadesitaṃ desanaṃ suṭṭhu upadhāretvā. Ohitasotāti avahitasotā, suṭṭhu upitasotā. Ohitasotāti vā avikkhittasotā. Tameva upalabbhamānopi hi savane avikkhepo satisaṃvaro viya cakkhundriyādīsu sotindriyepi vattumarahatīti. Ettha ca ‘‘aṭṭhiṃ katvā’’tiādīhi catūhipi padehi tesaṃ bhikkhūnaṃ tapparabhāvato savane ādaradīpanena sakkaccasavanaṃ dasseti.
зд̇амад̇т̇ам̣ вид̣̇ид̇ваад̇и зд̇ам̣ д̇зсам̣ бхигкуунам̣ д̇ассаа ниб̣б̣аанабадисам̣яуд̇д̇ааяа д̇хаммагат̇ааяа саванз аад̣̇арагаарид̇ам̣ саб̣б̣аагаарад̇о вид̣̇ид̇ваа. имам̣ уд̣̇аананд̇и имам̣ ниб̣б̣аанасса д̇аб̣б̣ид̇хурад̇хаммад̣̇зсанаамукзна барамад̇т̇ад̇о виж̇ж̇амаанабхаававибхааванам̣ уд̣̇аанам̣ уд̣̇аанзси.
Etamatthaṃ viditvāti etaṃ tesaṃ bhikkhūnaṃ tassā nibbānapaṭisaṃyuttāya dhammakathāya savane ādarakāritaṃ sabbākārato viditvā. Imaṃ udānanti imaṃ nibbānassa tabbidhuradhammadesanāmukhena paramatthato vijjamānabhāvavibhāvanaṃ udānaṃ udānesi.
д̇ад̇т̇а ад̇т̇ийд̇и виж̇ж̇ад̇и, барамад̇т̇ад̇о убалаб̣бхад̇ийд̇и ад̇т̇о. бхигкавзд̇и д̇зсам̣ бхигкуунам̣ аалабанам̣. нану жа уд̣̇аанам̣ наама бийд̇исоманассасамудтаабид̇о ваа д̇хаммасам̣взг̇асамудтаабид̇о ваа д̇хаммабадиг̇г̇аахаганирабзгко уд̣̇аахааро, д̇ат̇аа жзва зд̇д̇агзсу суд̇д̇зсу ааг̇ад̇ам̣, ид̇ха гасмаа бхаг̇аваа уд̣̇аанзнд̇о д̇з бхигкуу ааманд̇зсийд̇и? д̇зсам̣ бхигкуунам̣ сан̃н̃аабанад̇т̇ам̣. ниб̣б̣аанабадисам̣яуд̇д̇ан̃хи бхаг̇аваа д̇зсам̣ бхигкуунам̣ д̇хаммам̣ д̣̇зсзд̇ваа ниб̣б̣аанаг̇ун̣аануссаран̣зна уббаннабийд̇исоманассаа уд̣̇аанам̣ уд̣̇аанзси. ид̇ха ниб̣б̣аанаваж̇ж̇о саб̣б̣о сабхаавад̇хаммо бажжаяааяад̇д̇авуд̇д̇игова убалаб̣бхад̇и, на бажжаяанирабзгко. аяам̣ бана ниб̣б̣аанад̇хаммо гад̇амабажжаяз убалаб̣бхад̇ийд̇и д̇зсам̣ бхигкуунам̣ жзд̇обаривид̇аггаман̃н̃ааяа д̇з жа сан̃н̃аабзд̇угаамо ‘‘ад̇т̇и, бхигкавз, д̇ад̣̇ааяад̇ана’’нд̇иаад̣̇имааха, на зганд̇ад̇ова д̇з бадиг̇г̇аахагз гад̇ваад̇и взд̣̇ид̇аб̣б̣ам̣. д̇ад̣̇ааяад̇ананд̇и д̇ам̣ гааран̣ам̣. д̣̇агааро бад̣̇асанд̇хигаро. ниб̣б̣аанан̃хи маг̇г̇апалан̃аан̣аад̣̇ийнам̣ аарамман̣абажжаяабхаавад̇о руубаад̣̇ийни вияа жагкувин̃н̃аан̣аад̣̇ийнам̣ аарамман̣абажжаяабхууд̇аанийд̇и гааран̣адтзна ‘‘ааяад̇ана’’нд̇и вужжад̇и. зд̇д̇аавад̇аа жа бхаг̇аваа д̇зсам̣ бхигкуунам̣ асан̇кад̇ааяа д̇хаад̇уяаа барамад̇т̇ад̇о ад̇т̇ибхаавам̣ бавзд̣̇зси.
Tattha atthīti vijjati, paramatthato upalabbhatīti attho. Bhikkhaveti tesaṃ bhikkhūnaṃ ālapanaṃ. Nanu ca udānaṃ nāma pītisomanassasamuṭṭhāpito vā dhammasaṃvegasamuṭṭhāpito vā dhammapaṭiggāhakanirapekkho udāhāro, tathā ceva ettakesu suttesu āgataṃ, idha kasmā bhagavā udānento te bhikkhū āmantesīti? Tesaṃ bhikkhūnaṃ saññāpanatthaṃ. Nibbānapaṭisaṃyuttañhi bhagavā tesaṃ bhikkhūnaṃ dhammaṃ desetvā nibbānaguṇānussaraṇena uppannapītisomanassā udānaṃ udānesi. Idha nibbānavajjo sabbo sabhāvadhammo paccayāyattavuttikova upalabbhati, na paccayanirapekkho. Ayaṃ pana nibbānadhammo katamapaccaye upalabbhatīti tesaṃ bhikkhūnaṃ cetoparivitakkamaññāya te ca saññāpetukāmo ‘‘atthi, bhikkhave, tadāyatana’’ntiādimāha, na ekantatova te paṭiggāhake katvāti veditabbaṃ. Tadāyatananti taṃ kāraṇaṃ. Dakāro padasandhikaro. Nibbānañhi maggaphalañāṇādīnaṃ ārammaṇapaccayabhāvato rūpādīni viya cakkhuviññāṇādīnaṃ ārammaṇapaccayabhūtānīti kāraṇaṭṭhena ‘‘āyatana’’nti vuccati. Ettāvatā ca bhagavā tesaṃ bhikkhūnaṃ asaṅkhatāya dhātuyā paramatthato atthibhāvaṃ pavedesi.
д̇ад̇рааяам̣ д̇хамманваяо – ид̇ха сан̇кад̇ад̇хаммаанам̣ виж̇ж̇амаанад̇д̇аа асан̇кад̇ааяаби д̇хаад̇уяаа бхавид̇аб̣б̣ам̣ д̇аббадибагкад̇д̇аа сабхаавад̇хаммаанам̣. яат̇аа хи д̣̇угкз виж̇ж̇амаанз д̇аббадибагкабхууд̇ам̣ сукамби виж̇ж̇ад̇иязва , д̇ат̇аа ун̣хз виж̇ж̇амаанз сийд̇амби виж̇ж̇ад̇и, баабад̇хаммзсу виж̇ж̇амаанзсу галяаан̣ад̇хаммааби виж̇ж̇анд̇и зва. вуд̇д̇ан̃жзд̇ам̣ –
Tatrāyaṃ dhammanvayo – idha saṅkhatadhammānaṃ vijjamānattā asaṅkhatāyapi dhātuyā bhavitabbaṃ tappaṭipakkhattā sabhāvadhammānaṃ. Yathā hi dukkhe vijjamāne tappaṭipakkhabhūtaṃ sukhampi vijjatiyeva , tathā uṇhe vijjamāne sītampi vijjati, pāpadhammesu vijjamānesu kalyāṇadhammāpi vijjanti eva. Vuttañcetaṃ –
‘‘яат̇ааби д̣̇угкз виж̇ж̇анд̇з, сукам̣ наамаби виж̇ж̇ад̇и;
‘‘Yathāpi dukkhe vijjante, sukhaṃ nāmapi vijjati;
звам̣ бхавз виж̇ж̇амаанз, вибхавоби ижчид̇аб̣б̣аго.
Evaṃ bhave vijjamāne, vibhavopi icchitabbako.
‘‘яат̇ааби ун̣хз виж̇ж̇анд̇з, абарам̣ виж̇ж̇ад̇и сийд̇алам̣;
‘‘Yathāpi uṇhe vijjante, aparaṃ vijjati sītalaṃ;
звам̣ д̇ивид̇хаг̇г̇и виж̇ж̇анд̇з, ниб̣б̣аанам̣ ижчид̇аб̣б̣агам̣.
Evaṃ tividhaggi vijjante, nibbānaṃ icchitabbakaṃ.
‘‘яат̇ааби баабз виж̇ж̇анд̇з, галяаан̣амаби виж̇ж̇ад̇и;
‘‘Yathāpi pāpe vijjante, kalyāṇamapi vijjati;
звамзва ж̇аад̇и виж̇ж̇анд̇з, аж̇аад̇имаби ижчид̇аб̣б̣ага’’нд̇иаад̣̇и. (б̣у. вам̣. 2.10-12) –
Evameva jāti vijjante, ajātimapi icchitabbaka’’ntiādi. (bu. vaṃ. 2.10-12) –
абижа ниб̣б̣аанасса барамад̇т̇ад̇о ад̇т̇ибхаававижааран̣ам̣ барад̇о аавибхависсад̇и.
Apica nibbānassa paramatthato atthibhāvavicāraṇaṃ parato āvibhavissati.
звам̣ бхаг̇аваа асан̇кад̇ааяа д̇хаад̇уяаа барамад̇т̇ад̇о ад̇т̇ибхаавам̣ саммукзна д̣̇ассзд̇ваа ид̣̇аани д̇аб̣б̣ид̇хурад̇хаммаабоханамукзнасса сабхаавам̣ д̣̇ассзд̇ум̣, ‘‘яад̇т̇а нзва бат̇авий на аабо’’д̇иаад̣̇имааха. д̇ад̇т̇а яасмаа ниб̣б̣аанам̣ саб̣б̣асан̇кааравид̇хурасабхаавам̣ яат̇аа сан̇кад̇ад̇хаммзсу гад̇т̇ажи над̇т̇и, д̇ат̇аа д̇ад̇т̇аби саб̣б̣з сан̇кад̇ад̇хаммаа. на хи сан̇кад̇аасан̇кад̇ад̇хаммаанам̣ самод̇хаанам̣ самбхавад̇и. д̇ад̇рааяам̣ ад̇т̇авибхааванаа – яад̇т̇а яасмим̣ ниб̣б̣аанз яассам̣ асан̇кад̇ад̇хаад̇уяам̣ нзва гагкал̣алагкан̣аа бат̇авийд̇хаад̇у ад̇т̇и, на баг̇гхаран̣алагкан̣аа аабод̇хаад̇у, на ун̣халагкан̣аа д̇зж̇од̇хаад̇у, на вид̇т̇амбханалагкан̣аа вааяод̇хаад̇у ад̇т̇и. ид̇и жад̇умахаабхууд̇аабхаававажанзна яат̇аа саб̣б̣ассаби убаад̣̇ааруубасса абхааво вуд̇д̇о ход̇и д̇анниссид̇ад̇д̇аа. звам̣ анавасзсад̇о гаамаруубабхавасса д̇ад̇т̇а абхааво вуд̇д̇о ход̇и д̇ад̣̇ааяад̇д̇авуд̇д̇ибхаавад̇о. на хи махаабхууд̇аниссаязна винаа бан̃жавогаарабхаво згавогаарабхаво ваа самбхавад̇ийд̇и.
Evaṃ bhagavā asaṅkhatāya dhātuyā paramatthato atthibhāvaṃ sammukhena dassetvā idāni tabbidhuradhammāpohanamukhenassa sabhāvaṃ dassetuṃ, ‘‘yattha neva pathavī na āpo’’tiādimāha. Tattha yasmā nibbānaṃ sabbasaṅkhāravidhurasabhāvaṃ yathā saṅkhatadhammesu katthaci natthi, tathā tatthapi sabbe saṅkhatadhammā. Na hi saṅkhatāsaṅkhatadhammānaṃ samodhānaṃ sambhavati. Tatrāyaṃ atthavibhāvanā – yattha yasmiṃ nibbāne yassaṃ asaṅkhatadhātuyaṃ neva kakkhaḷalakkhaṇā pathavīdhātu atthi, na paggharaṇalakkhaṇā āpodhātu, na uṇhalakkhaṇā tejodhātu, na vitthambhanalakkhaṇā vāyodhātu atthi. Iti catumahābhūtābhāvavacanena yathā sabbassapi upādārūpassa abhāvo vutto hoti tannissitattā. Evaṃ anavasesato kāmarūpabhavassa tattha abhāvo vutto hoti tadāyattavuttibhāvato. Na hi mahābhūtanissayena vinā pañcavokārabhavo ekavokārabhavo vā sambhavatīti.
ид̣̇аани аруубасабхаавад̇д̇зби ниб̣б̣аанасса аруубабхавабарияаабаннаанам̣ д̇хаммаанам̣ д̇ад̇т̇а абхаавам̣ д̣̇ассзд̇ум̣, ‘‘на аагаасаанан̃жааяад̇анам̣…бз… на нзвасан̃н̃аанаасан̃н̃ааяад̇ана’’нд̇и вуд̇д̇ам̣. д̇ад̇т̇а на аагаасаанан̃жааяад̇ананд̇и сад̣̇д̇хим̣ аарамман̣зна гусалавибаагагирияабхзд̣̇о д̇ивид̇хоби аагаасаанан̃жааяад̇анажид̇д̇уббаад̣̇о над̇т̇ийд̇и ад̇т̇о. сзсзсуби зсзва наяо. яад̣̇аг̇г̇зна жа ниб̣б̣аанз гаамалогаад̣̇ийнам̣ абхааво ход̇и, д̇ад̣̇аг̇г̇зна д̇ад̇т̇а ид̇халогабаралогаанамби абхаавод̇и ааха – ‘‘нааяам̣ лого на баралого’’д̇и. д̇ассад̇т̇о – явааяам̣ ‘‘ид̇т̇ад̇д̇ам̣ д̣̇идтад̇хаммо ид̇халого’’д̇и жа лад̣̇д̇хавохааро канд̇хаад̣̇илого, яо жа ‘‘д̇ад̇о ан̃н̃ат̇аа баро абхисамбарааяо’’д̇и жа лад̣̇д̇хавохааро канд̇хаад̣̇илого, д̇ад̣̇убхаяамби д̇ад̇т̇а над̇т̇ийд̇и. на убхо жанд̣̇имасуурияаад̇и яасмаа руубаг̇ад̇з сад̇и д̇амо наама сияаа, д̇амасса жа вид̇хаманад̇т̇ам̣ жанд̣̇имасууриязхи вад̇д̇ид̇аб̣б̣ам̣. саб̣б̣зна саб̣б̣ам̣ бана яад̇т̇а руубаг̇ад̇амзва над̇т̇и, гуд̇о д̇ад̇т̇а д̇амо. д̇амасса ваа вид̇хаманаа жанд̣̇имасуурияаа, д̇асмаа жанд̣̇имаа суурияо жаад̇и убхоби д̇ад̇т̇а ниб̣б̣аанз над̇т̇ийд̇и ад̇т̇о. иминаа аалогасабхаавад̇ам̣язва ниб̣б̣аанасса д̣̇ассзд̇и.
Idāni arūpasabhāvattepi nibbānassa arūpabhavapariyāpannānaṃ dhammānaṃ tattha abhāvaṃ dassetuṃ, ‘‘na ākāsānañcāyatanaṃ…pe… na nevasaññānāsaññāyatana’’nti vuttaṃ. Tattha na ākāsānañcāyatananti saddhiṃ ārammaṇena kusalavipākakiriyabhedo tividhopi ākāsānañcāyatanacittuppādo natthīti attho. Sesesupi eseva nayo. Yadaggena ca nibbāne kāmalokādīnaṃ abhāvo hoti, tadaggena tattha idhalokaparalokānampi abhāvoti āha – ‘‘nāyaṃ loko na paraloko’’ti. Tassattho – yvāyaṃ ‘‘itthattaṃ diṭṭhadhammo idhaloko’’ti ca laddhavohāro khandhādiloko, yo ca ‘‘tato aññathā paro abhisamparāyo’’ti ca laddhavohāro khandhādiloko, tadubhayampi tattha natthīti. Na ubho candimasūriyāti yasmā rūpagate sati tamo nāma siyā, tamassa ca vidhamanatthaṃ candimasūriyehi vattitabbaṃ. Sabbena sabbaṃ pana yattha rūpagatameva natthi, kuto tattha tamo. Tamassa vā vidhamanā candimasūriyā, tasmā candimā sūriyo cāti ubhopi tattha nibbāne natthīti attho. Iminā ālokasabhāvataṃyeva nibbānassa dasseti.
зд̇д̇аавад̇аа жа анабхисамзд̇аавийнам̣ бхигкуунам̣ анаад̣̇имад̇исам̣саарз субинанд̇зби ананубхууд̇абуб̣б̣ам̣ барамаг̇амбхийрам̣ ад̇ид̣̇уд̣̇д̣̇асам̣ сан̣хасукумам̣ ад̇аггааважарам̣ ажжанд̇асанд̇ам̣ бан̣д̣ид̇авзд̣̇анийяам̣ ад̇ибан̣ийд̇ам̣ амад̇ам̣ ниб̣б̣аанам̣ вибхаавзнд̇о батамам̣ д̇аава ‘‘ад̇т̇и, бхигкавз, д̇ад̣̇ааяад̇ана’’нд̇и д̇асса ад̇т̇ибхааваа д̇зсам̣ ан̃н̃аан̣аад̣̇ийни абанзд̇ваа ‘‘яад̇т̇а нзва бат̇авий …бз… на убхо жанд̣̇имасуурияаа’’д̇и д̇ад̣̇ан̃н̃ад̇хаммаабоханамукзна д̇ам̣ вибхаавзд̇и д̇хаммарааж̇аа. д̇зна бат̇авийаад̣̇исаб̣б̣асан̇кад̇ад̇хаммавид̇хурасабхааваа яаа асан̇кад̇аа д̇хаад̇у, д̇ам̣ ниб̣б̣аананд̇и д̣̇ийбид̇ам̣ ход̇и. д̇знзвааха, ‘‘д̇ад̇раабаахам̣, бхигкавз, нзва ааг̇ад̇им̣ вад̣̇аамий’’д̇и.
Ettāvatā ca anabhisametāvīnaṃ bhikkhūnaṃ anādimatisaṃsāre supinantepi ananubhūtapubbaṃ paramagambhīraṃ atiduddasaṃ saṇhasukhumaṃ atakkāvacaraṃ accantasantaṃ paṇḍitavedanīyaṃ atipaṇītaṃ amataṃ nibbānaṃ vibhāvento paṭhamaṃ tāva ‘‘atthi, bhikkhave, tadāyatana’’nti tassa atthibhāvā tesaṃ aññāṇādīni apanetvā ‘‘yattha neva pathavī …pe… na ubho candimasūriyā’’ti tadaññadhammāpohanamukhena taṃ vibhāveti dhammarājā. Tena pathavīādisabbasaṅkhatadhammavidhurasabhāvā yā asaṅkhatā dhātu, taṃ nibbānanti dīpitaṃ hoti. Tenevāha, ‘‘tatrāpāhaṃ, bhikkhave, neva āgatiṃ vadāmī’’ti.
д̇ад̇т̇а д̇ад̇раад̇и д̇асмим̣. абисад̣̇д̣̇о самужжаяз. ахам̣, бхигкавз, яад̇т̇а сан̇каарабавад̇д̇з гуд̇ожи гассажи ааг̇ад̇им̣ на вад̣̇аами яат̇аабажжаяам̣ д̇ад̇т̇а д̇хаммамад̇д̇асса уббаж̇ж̇анад̇о. звам̣ д̇асмимби ааяад̇анз ниб̣б̣аанз гуд̇ожи ааг̇ад̇им̣ ааг̇аманам̣ нзва вад̣̇аами ааг̇анд̇аб̣б̣адтаанад̇ааяа абхаавад̇о. на г̇ад̇инд̇и гад̇т̇ажи г̇аманам̣ на вад̣̇аами г̇анд̇аб̣б̣адтаанад̇ааяа абхаавад̇о. на хи д̇ад̇т̇а сад̇д̇аанам̣ табзд̇ваа н̃аан̣зна аарамман̣агаран̣ам̣ ааг̇ад̇иг̇ад̇ияо самбхаванд̇и, нааби тид̇ижуд̇уубабад̇д̇ияо вад̣̇аами. ‘‘д̇ад̣̇аабаха’’нд̇иби баал̣и. д̇ассад̇т̇о – д̇амби ааяад̇анам̣ г̇ааманд̇арад̇о г̇ааманд̇арам̣ вияа на ааг̇анд̇аб̣б̣ад̇ааяа на ааг̇ад̇и, на г̇анд̇аб̣б̣ад̇ааяа на г̇ад̇и, бат̇авийбаб̣б̣ад̇аад̣̇и вияа абад̇идтаанад̇ааяа на тид̇и, абажжаяад̇д̇аа ваа уббаад̣̇аабхааво, д̇ад̇о амад̇асабхаавад̇д̇аа жаванаабхааво, уббаад̣̇анирод̇хаабхаавад̇о жзва д̇ад̣̇убхаяабарижчиннааяа тид̇ияаа жа абхаавад̇о на тид̇им̣ на жуд̇им̣ на убабад̇д̇им̣ вад̣̇аами. гзвалам̣ бана д̇ам̣ аруубасабхаавад̇д̇аа абажжаяад̇д̇аа жа на гад̇т̇ажи бад̇идтид̇анд̇и аббад̇идтам̣. д̇ад̇т̇а бавад̇д̇аабхаавад̇о бавад̇д̇аббадибагкад̇о жа аббавад̇д̇ам̣. аруубасабхаавад̇д̇зби взд̣̇анаад̣̇аяо вияа гассажиби аарамман̣асса анааламб̣анад̇о убад̇т̇амбханирабзгкад̇о жа анаарамман̣амзва д̇ам̣ ‘‘ааяад̇ана’’нд̇и вуд̇д̇ам̣ ниб̣б̣аанам̣. аяан̃жа звасад̣̇д̣̇о аббад̇идтамзва аббавад̇д̇амзваад̇и бад̣̇ад̣̇ваязнаби яож̇зд̇аб̣б̣о . зсзванд̇о д̣̇угкассаад̇и яад̣̇ид̣̇ам̣ ‘‘аббад̇идта’’нд̇иаад̣̇ийхи важанзхи ван̣н̣ид̇ам̣ т̇омид̇ам̣ яат̇аавуд̇д̇алагкан̣ам̣ ниб̣б̣аанам̣, зсо зва сагаласса ваддад̣̇угкасса анд̇о барияосаанам̣ д̇ад̣̇ад̇хиг̇амз сад̇и саб̣б̣ад̣̇угкаабхаавад̇о. д̇асмаа ‘‘д̣̇угкасса анд̇о’’д̇и аяамзва д̇асса сабхаавод̇и д̣̇ассзд̇и.
Tattha tatrāti tasmiṃ. Apisaddo samuccaye. Ahaṃ, bhikkhave, yattha saṅkhārapavatte kutoci kassaci āgatiṃ na vadāmi yathāpaccayaṃ tattha dhammamattassa uppajjanato. Evaṃ tasmimpi āyatane nibbāne kutoci āgatiṃ āgamanaṃ neva vadāmi āgantabbaṭṭhānatāya abhāvato. Na gatinti katthaci gamanaṃ na vadāmi gantabbaṭṭhānatāya abhāvato. Na hi tattha sattānaṃ ṭhapetvā ñāṇena ārammaṇakaraṇaṃ āgatigatiyo sambhavanti, nāpi ṭhiticutūpapattiyo vadāmi. ‘‘Tadāpaha’’ntipi pāḷi. Tassattho – tampi āyatanaṃ gāmantarato gāmantaraṃ viya na āgantabbatāya na āgati, na gantabbatāya na gati, pathavīpabbatādi viya apatiṭṭhānatāya na ṭhiti, apaccayattā vā uppādābhāvo, tato amatasabhāvattā cavanābhāvo, uppādanirodhābhāvato ceva tadubhayaparicchinnāya ṭhitiyā ca abhāvato na ṭhitiṃ na cutiṃ na upapattiṃ vadāmi. Kevalaṃ pana taṃ arūpasabhāvattā apaccayattā ca na katthaci patiṭṭhitanti appatiṭṭhaṃ. Tattha pavattābhāvato pavattappaṭipakkhato ca appavattaṃ. Arūpasabhāvattepi vedanādayo viya kassacipi ārammaṇassa anālambanato upatthambhanirapekkhato ca anārammaṇameva taṃ ‘‘āyatana’’nti vuttaṃ nibbānaṃ. Ayañca evasaddo appatiṭṭhameva appavattamevāti padadvayenapi yojetabbo . Esevanto dukkhassāti yadidaṃ ‘‘appatiṭṭha’’ntiādīhi vacanehi vaṇṇitaṃ thomitaṃ yathāvuttalakkhaṇaṃ nibbānaṃ, eso eva sakalassa vaṭṭadukkhassa anto pariyosānaṃ tadadhigame sati sabbadukkhābhāvato. Tasmā ‘‘dukkhassa anto’’ti ayameva tassa sabhāvoti dasseti.
батамасуд̇д̇аван̣н̣анаа нидтид̇аа.
Paṭhamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 1. батаманиб̣б̣аанабадисам̣яуд̇д̇асуд̇д̇ам̣ • 1. Paṭhamanibbānapaṭisaṃyuttasuttaṃ
