| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
(21) 1. гараж̇агааяаваг̇г̇о
(21) 1. Karajakāyavaggo
1. батаманираяасаг̇г̇асуд̇д̇ам̣
1. Paṭhamanirayasaggasuttaṃ
211. ‘‘д̣̇асахи , бхигкавз, д̇хаммзхи саманнааг̇ад̇о яат̇аабхад̇ам̣ нигкид̇д̇о звам̣ нираяз. гад̇амзхи д̣̇асахи? ид̇ха, бхигкавз, згажжо баан̣аад̇ибаад̇ий ход̇и луд̣̇д̣̇о лохид̇абаан̣и хад̇абахад̇з нивидто ад̣̇аяаабанно саб̣б̣абаан̣абхууд̇зсу 1.
211. ‘‘Dasahi , bhikkhave, dhammehi samannāgato yathābhataṃ nikkhitto evaṃ niraye. Katamehi dasahi? Idha, bhikkhave, ekacco pāṇātipātī hoti luddo lohitapāṇi hatapahate niviṭṭho adayāpanno sabbapāṇabhūtesu 2.
‘‘ад̣̇иннаад̣̇ааяий ход̇и. яам̣ д̇ам̣ барасса баравид̇д̇уубагаран̣ам̣ г̇аамаг̇ад̇ам̣ ваа аран̃н̃аг̇ад̇ам̣ ваа, д̇ам̣ ад̣̇иннам̣ т̇зяяасан̇каад̇ам̣ аад̣̇аад̇аа ход̇и.
‘‘Adinnādāyī hoti. Yaṃ taṃ parassa paravittūpakaraṇaṃ gāmagataṃ vā araññagataṃ vā, taṃ adinnaṃ theyyasaṅkhātaṃ ādātā hoti.
‘‘гаамзсу мижчаажаарий ход̇и. яаа д̇аа маад̇урагкид̇аа бид̇урагкид̇аа маад̇аабид̇урагкид̇аа бхаад̇урагкид̇аа бхаг̇инирагкид̇аа н̃аад̇ирагкид̇аа г̇од̇д̇арагкид̇аа д̇хаммарагкид̇аа сасаамигаа сабарид̣̇ан̣д̣аа анд̇амасо маалааг̇ул̣абаригкид̇д̇ааби, д̇ат̇ааруубаасу жаарид̇д̇ам̣ аабаж̇ж̇ид̇аа ход̇и.
‘‘Kāmesu micchācārī hoti. Yā tā māturakkhitā piturakkhitā mātāpiturakkhitā bhāturakkhitā bhaginirakkhitā ñātirakkhitā gottarakkhitā dhammarakkhitā sasāmikā saparidaṇḍā antamaso mālāguḷaparikkhittāpi, tathārūpāsu cārittaṃ āpajjitā hoti.
‘‘мусааваад̣̇ий ход̇и. сабхаг̇г̇ад̇о ваа барисаг̇г̇ад̇о ваа н̃аад̇имаж̇жхаг̇ад̇о ваа бууг̇амаж̇жхаг̇ад̇о ваа рааж̇агуламаж̇жхаг̇ад̇о ваа абхинийд̇о сагкибудто – ‘зхамбхо буриса, яам̣ ж̇аанааси д̇ам̣ вад̣̇зхий’д̇и, со аж̇аанам̣ ваа ааха ‘ж̇аанаамий’д̇и, ж̇аанам̣ ваа ааха ‘на ж̇аанаамий’д̇и, абассам̣ ваа ааха ‘бассаамий’д̇и, бассам̣ ваа ааха ‘на бассаамий’д̇и. ид̇и ад̇д̇ахзд̇у ваа барахзд̇у ваа аамисагин̃жигкахзд̇у ваа самбаж̇аанамусаа бхаасид̇аа ход̇и.
‘‘Musāvādī hoti. Sabhaggato vā parisaggato vā ñātimajjhagato vā pūgamajjhagato vā rājakulamajjhagato vā abhinīto sakkhipuṭṭho – ‘ehambho purisa, yaṃ jānāsi taṃ vadehī’ti, so ajānaṃ vā āha ‘jānāmī’ti, jānaṃ vā āha ‘na jānāmī’ti, apassaṃ vā āha ‘passāmī’ti, passaṃ vā āha ‘na passāmī’ti. Iti attahetu vā parahetu vā āmisakiñcikkhahetu vā sampajānamusā bhāsitā hoti.
‘‘бисун̣аваажо ход̇и – ид̇о суд̇ваа амуд̇ра агкаад̇аа имзсам̣ бхзд̣̇ааяа, амуд̇ра ваа суд̇ваа имзсам̣ агкаад̇аа амуусам̣ бхзд̣̇ааяа. ид̇и самаг̇г̇аанам̣ ваа бхзд̇д̇аа бхиннаанам̣ ваа ануббад̣̇аад̇аа ваг̇г̇аараамо ваг̇г̇арад̇о ваг̇г̇ананд̣̇ий, ваг̇г̇агаран̣им̣ ваажам̣ бхаасид̇аа ход̇и.
‘‘Pisuṇavāco hoti – ito sutvā amutra akkhātā imesaṃ bhedāya, amutra vā sutvā imesaṃ akkhātā amūsaṃ bhedāya. Iti samaggānaṃ vā bhettā bhinnānaṃ vā anuppadātā vaggārāmo vaggarato vagganandī, vaggakaraṇiṃ vācaṃ bhāsitā hoti.
‘‘парусаваажо ход̇и – яаа саа ваажаа ан̣д̣агаа гаггасаа барагадугаа бараабхисаж̇ж̇аний год̇хасааманд̇аа асамаад̇хисам̣вад̇д̇анигаа, д̇ат̇ааруубим̣ ваажам̣ бхаасид̇аа ход̇и.
‘‘Pharusavāco hoti – yā sā vācā aṇḍakā kakkasā parakaṭukā parābhisajjanī kodhasāmantā asamādhisaṃvattanikā, tathārūpiṃ vācaṃ bhāsitā hoti.
‘‘сампаббалаабий ход̇и агаалаваад̣̇ий абхууд̇аваад̣̇ий анад̇т̇аваад̣̇ий ад̇хаммаваад̣̇ий авинаяаваад̣̇ий, анид̇хаанавад̇им̣ ваажам̣ бхаасид̇аа ход̇и агаалзна анабад̣̇зсам̣ абарияанд̇авад̇им̣ анад̇т̇асам̣хид̇ам̣.
‘‘Samphappalāpī hoti akālavādī abhūtavādī anatthavādī adhammavādī avinayavādī, anidhānavatiṃ vācaṃ bhāsitā hoti akālena anapadesaṃ apariyantavatiṃ anatthasaṃhitaṃ.
‘‘абхиж̇жхаалу ход̇и. яам̣ д̇ам̣ барасса баравид̇д̇уубагаран̣ам̣ д̇ам̣ абхиж̇жхаад̇аа ход̇и – ‘ахо вад̇а яам̣ барасса д̇ам̣ мама ассаа’д̇и.
‘‘Abhijjhālu hoti. Yaṃ taṃ parassa paravittūpakaraṇaṃ taṃ abhijjhātā hoti – ‘aho vata yaṃ parassa taṃ mama assā’ti.
‘‘б̣яаабаннажид̇д̇о ход̇и бад̣̇удтаманасан̇габбо – ‘имз сад̇д̇аа хан̃н̃анд̇у ваа б̣аж̇жханд̇у ваа ужчиж̇ж̇анд̇у ваа винассанд̇у ваа маа ваа ахзсу’нд̇и.
‘‘Byāpannacitto hoti paduṭṭhamanasaṅkappo – ‘ime sattā haññantu vā bajjhantu vā ucchijjantu vā vinassantu vā mā vā ahesu’nti.
‘‘мижчаад̣̇идтиго ход̇и вибарийд̇ад̣̇ассано – ‘над̇т̇и д̣̇иннам̣, над̇т̇и яидтам̣, над̇т̇и худ̇ам̣, над̇т̇и сугад̇ад̣̇уггадаанам̣ гаммаанам̣ палам̣ вибааго, над̇т̇и аяам̣ лого, над̇т̇и баро лого, над̇т̇и маад̇аа, над̇т̇и бид̇аа, над̇т̇и сад̇д̇аа обабаад̇игаа, над̇т̇и логз саман̣аб̣раахман̣аа саммаг̇г̇ад̇аа саммаабадибаннаа яз иман̃жа логам̣ баран̃жа логам̣ саяам̣ абхин̃н̃аа сажчигад̇ваа бавзд̣̇знд̇ий’д̇и. имзхи ко, бхигкавз, д̣̇асахи д̇хаммзхи саманнааг̇ад̇о яат̇аабхад̇ам̣ нигкид̇д̇о звам̣ нираяз.
‘‘Micchādiṭṭhiko hoti viparītadassano – ‘natthi dinnaṃ, natthi yiṭṭhaṃ, natthi hutaṃ, natthi sukatadukkaṭānaṃ kammānaṃ phalaṃ vipāko, natthi ayaṃ loko, natthi paro loko, natthi mātā, natthi pitā, natthi sattā opapātikā, natthi loke samaṇabrāhmaṇā sammaggatā sammāpaṭipannā ye imañca lokaṃ parañca lokaṃ sayaṃ abhiññā sacchikatvā pavedentī’ti. Imehi kho, bhikkhave, dasahi dhammehi samannāgato yathābhataṃ nikkhitto evaṃ niraye.
‘‘д̣̇асахи, бхигкавз, д̇хаммзхи саманнааг̇ад̇о яат̇аабхад̇ам̣ нигкид̇д̇о звам̣ саг̇г̇з. гад̇амзхи д̣̇асахи? ид̇ха, бхигкавз, згажжо баан̣аад̇ибаад̇ам̣ бахааяа баан̣аад̇ибаад̇аа бадивирад̇о ход̇и нихид̇ад̣̇ан̣д̣о нихид̇асад̇т̇о лаж̇ж̇ий д̣̇аяаабанно, саб̣б̣абаан̣абхууд̇ахид̇аанугамбий вихарад̇и.
‘‘Dasahi, bhikkhave, dhammehi samannāgato yathābhataṃ nikkhitto evaṃ sagge. Katamehi dasahi? Idha, bhikkhave, ekacco pāṇātipātaṃ pahāya pāṇātipātā paṭivirato hoti nihitadaṇḍo nihitasattho lajjī dayāpanno, sabbapāṇabhūtahitānukampī viharati.
‘‘ад̣̇иннаад̣̇аанам̣ бахааяа ад̣̇иннаад̣̇аанаа бадивирад̇о ход̇и. яам̣ д̇ам̣ барасса баравид̇д̇уубагаран̣ам̣ г̇аамаг̇ад̇ам̣ ваа аран̃н̃аг̇ад̇ам̣ ваа, на д̇ам̣ ад̣̇иннам̣ т̇зяяасан̇каад̇ам̣ аад̣̇аад̇аа ход̇и.
‘‘Adinnādānaṃ pahāya adinnādānā paṭivirato hoti. Yaṃ taṃ parassa paravittūpakaraṇaṃ gāmagataṃ vā araññagataṃ vā, na taṃ adinnaṃ theyyasaṅkhātaṃ ādātā hoti.
‘‘гаамзсумижчаажаарам̣ бахааяа гаамзсумижчаажаараа бадивирад̇о ход̇и. яаа д̇аа маад̇урагкид̇аа…бз… анд̇амасо маалааг̇ул̣абаригкид̇д̇ааби, д̇ат̇ааруубаасу на жаарид̇д̇ам̣ аабаж̇ж̇ид̇аа ход̇и.
‘‘Kāmesumicchācāraṃ pahāya kāmesumicchācārā paṭivirato hoti. Yā tā māturakkhitā…pe… antamaso mālāguḷaparikkhittāpi, tathārūpāsu na cārittaṃ āpajjitā hoti.
‘‘мусааваад̣̇ам̣ бахааяа мусааваад̣̇аа бадивирад̇о ход̇и. сабхаг̇г̇ад̇о ваа барисаг̇г̇ад̇о ваа н̃аад̇имаж̇жхаг̇ад̇о ваа бууг̇амаж̇жхаг̇ад̇о ваа рааж̇агуламаж̇жхаг̇ад̇о ваа абхинийд̇о сагкибудто – ‘зхамбхо буриса, яам̣ ж̇аанааси д̇ам̣ вад̣̇зхий’д̇и, со аж̇аанам̣ ваа ааха ‘на ж̇аанаамий’д̇и, ж̇аанам̣ ваа ааха ‘ж̇аанаамий’д̇и, абассам̣ ваа ааха ‘на бассаамий’д̇и, бассам̣ ваа ааха ‘бассаамий’д̇и. ид̇и ад̇д̇ахзд̇у ваа барахзд̇у ваа аамисагин̃жигкахзд̇у ваа на самбаж̇аанамусаа бхаасид̇аа ход̇и.
‘‘Musāvādaṃ pahāya musāvādā paṭivirato hoti. Sabhaggato vā parisaggato vā ñātimajjhagato vā pūgamajjhagato vā rājakulamajjhagato vā abhinīto sakkhipuṭṭho – ‘ehambho purisa, yaṃ jānāsi taṃ vadehī’ti, so ajānaṃ vā āha ‘na jānāmī’ti, jānaṃ vā āha ‘jānāmī’ti, apassaṃ vā āha ‘na passāmī’ti, passaṃ vā āha ‘passāmī’ti. Iti attahetu vā parahetu vā āmisakiñcikkhahetu vā na sampajānamusā bhāsitā hoti.
‘‘бисун̣аваажам̣ бахааяа бисун̣ааяа ваажааяа бадивирад̇о ход̇и – на ид̇о суд̇ваа амуд̇ра агкаад̇аа имзсам̣ бхзд̣̇ааяа, амуд̇ра ваа суд̇ваа имзсам̣ агкаад̇аа амуусам̣ бхзд̣̇ааяа. ид̇и бхиннаанам̣ ваа санд̇хаад̇аа сахид̇аанам̣ ваа ануббад̣̇аад̇аа самаг̇г̇аараамо самаг̇г̇арад̇о самаг̇г̇ананд̣̇ий, самаг̇г̇агаран̣им̣ ваажам̣ бхаасид̇аа ход̇и.
‘‘Pisuṇavācaṃ pahāya pisuṇāya vācāya paṭivirato hoti – na ito sutvā amutra akkhātā imesaṃ bhedāya, amutra vā sutvā imesaṃ akkhātā amūsaṃ bhedāya. Iti bhinnānaṃ vā sandhātā sahitānaṃ vā anuppadātā samaggārāmo samaggarato samagganandī, samaggakaraṇiṃ vācaṃ bhāsitā hoti.
‘‘парусаваажам̣ бахааяа парусааяа ваажааяа бадивирад̇о ход̇и. яаа саа ваажаа нзлаа ган̣н̣асукаа бзманийяаа хад̣̇аяан̇г̇амаа борий б̣ахуж̇анаганд̇аа б̣ахуж̇анаманаабаа, д̇ат̇ааруубим̣ ваажам̣ бхаасид̇аа ход̇и.
‘‘Pharusavācaṃ pahāya pharusāya vācāya paṭivirato hoti. Yā sā vācā nelā kaṇṇasukhā pemanīyā hadayaṅgamā porī bahujanakantā bahujanamanāpā, tathārūpiṃ vācaṃ bhāsitā hoti.
‘‘сампаббалаабам̣ бахааяа сампаббалаабаа бадивирад̇о ход̇и гаалаваад̣̇ий бхууд̇аваад̣̇ий, ад̇т̇аваад̣̇ий д̇хаммаваад̣̇ий винаяаваад̣̇ий, нид̇хаанавад̇им̣ ваажам̣ бхаасид̇аа ход̇и гаалзна саабад̣̇зсам̣ барияанд̇авад̇им̣ ад̇т̇асам̣хид̇ам̣.
‘‘Samphappalāpaṃ pahāya samphappalāpā paṭivirato hoti kālavādī bhūtavādī, atthavādī dhammavādī vinayavādī, nidhānavatiṃ vācaṃ bhāsitā hoti kālena sāpadesaṃ pariyantavatiṃ atthasaṃhitaṃ.
‘‘анабхиж̇жхаалу ход̇и . яам̣ д̇ам̣ барасса баравид̇д̇уубагаран̣ам̣ д̇ам̣ анабхиж̇жхаад̇аа ход̇и – ‘ахо вад̇а яам̣ барасса д̇ам̣ мама ассаа’д̇и.
‘‘Anabhijjhālu hoti . Yaṃ taṃ parassa paravittūpakaraṇaṃ taṃ anabhijjhātā hoti – ‘aho vata yaṃ parassa taṃ mama assā’ti.
‘‘аб̣яаабаннажид̇д̇о ход̇и аббад̣̇удтаманасан̇габбо – ‘имз сад̇д̇аа авзраа хонд̇у аб̣яаабаж̇ж̇аа анийгхаа, сукий ад̇д̇аанам̣ барихаранд̇уу’д̇и.
‘‘Abyāpannacitto hoti appaduṭṭhamanasaṅkappo – ‘ime sattā averā hontu abyāpajjā anīghā, sukhī attānaṃ pariharantū’ti.
‘‘саммаад̣̇идтиго ход̇и авибарийд̇ад̣̇ассано – ‘ад̇т̇и д̣̇иннам̣, ад̇т̇и яидтам̣, ад̇т̇и худ̇ам̣, ад̇т̇и сугадад̣̇уггадаанам̣ гаммаанам̣ палам̣ вибааго, ад̇т̇и аяам̣ лого, ад̇т̇и баро лого, ад̇т̇и маад̇аа, ад̇т̇и бид̇аа, ад̇т̇и сад̇д̇аа обабаад̇игаа, ад̇т̇и логз саман̣аб̣раахман̣аа саммаг̇г̇ад̇аа саммаабадибаннаа яз иман̃жа логам̣ баран̃жа логам̣ саяам̣ абхин̃н̃аа сажчигад̇ваа бавзд̣̇знд̇ий’д̇и. имзхи ко, бхигкавз, д̣̇асахи д̇хаммзхи саманнааг̇ад̇о яат̇аабхад̇ам̣ нигкид̇д̇о звам̣ саг̇г̇з’’д̇и. батамам̣.
‘‘Sammādiṭṭhiko hoti aviparītadassano – ‘atthi dinnaṃ, atthi yiṭṭhaṃ, atthi hutaṃ, atthi sukaṭadukkaṭānaṃ kammānaṃ phalaṃ vipāko, atthi ayaṃ loko, atthi paro loko, atthi mātā, atthi pitā, atthi sattā opapātikā, atthi loke samaṇabrāhmaṇā sammaggatā sammāpaṭipannā ye imañca lokaṃ parañca lokaṃ sayaṃ abhiññā sacchikatvā pavedentī’ti. Imehi kho, bhikkhave, dasahi dhammehi samannāgato yathābhataṃ nikkhitto evaṃ sagge’’ti. Paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / (21) 1. гараж̇агааяаваг̇г̇о • (21) 1. Karajakāyavaggo
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-536. батаманираяасаг̇г̇асуд̇д̇аад̣̇иван̣н̣анаа • 1-536. Paṭhamanirayasaggasuttādivaṇṇanā
