| Library / Tipiṭaka / ཏིཔིཊཀ • Tipiṭaka / པཱཙིཏྱཱདིཡོཛནཱཔཱལི༹ • Pācityādiyojanāpāḷi |
༣. ནིསྶགྒིཡཀཎྜཾ
3. Nissaggiyakaṇḍaṃ
༡. པཋམནིསྶགྒིཡཔཱཙིཏྟིཡསིཀྑཱཔད-ཨཏྠཡོཛནཱ
1. Paṭhamanissaggiyapācittiyasikkhāpada-atthayojanā
ཏིཾས ནིསྶགྒིཡཱ ཡེ དྷམྨཱ བྷིཀྑུནཱིནཾ བྷགཝཏཱ པཀཱསིཏཱ, ཏེསཾ དྷམྨཱནཾ དཱནི ཨིམསྨིཾ ཀཱལེ ཨཡཾ སཾཝཎྞནཱཀྐམོ བྷཝཏཱིཏི ཡོཛནཱ།
Tiṃsa nissaggiyā ye dhammā bhikkhunīnaṃ bhagavatā pakāsitā, tesaṃ dhammānaṃ dāni imasmiṃ kāle ayaṃ saṃvaṇṇanākkamo bhavatīti yojanā.
༧༣༣. པཋམེ ཨཱམཏྟིཀཱཔཎནྟི ཨེཏྠ ཨཱམཏྟསདྡོ བྷཱཛནཔརིཡཱཡོཏི ཨཱཧ ‘‘བྷཱཛནཱནཱི’’ཏི། བྷཱཛནཱནི ཧི ཨམནྟི པརིབྷུཉྫིཏབྦབྷཱཝཾ གཙྪནྟཱིཏི ‘‘ཨམཏྟཱནཱི’’ཏི ཝུཙྩནྟི། ཨམཏྟཱནི ཝིཀྐིཎནྟཱིཏི ‘‘ཨཱམཏྟིཀཱ’’ཏི ཝཙནཏྠཾ དསྶེནྟོ ཨཱཧ ‘‘ཏཱནཱི’’ཏིཨཱདི། ཏེསནྟི ཨཱམཏྟིཀཱནཾ། ཏཾ ཝཱཏི ཨཱམཏྟིཀཱཔཎཾ ཝཱ།
733. Paṭhame āmattikāpaṇanti ettha āmattasaddo bhājanapariyāyoti āha ‘‘bhājanānī’’ti. Bhājanāni hi amanti paribhuñjitabbabhāvaṃ gacchantīti ‘‘amattānī’’ti vuccanti. Amattāni vikkiṇantīti ‘‘āmattikā’’ti vacanatthaṃ dassento āha ‘‘tānī’’tiādi. Tesanti āmattikānaṃ. Taṃ vāti āmattikāpaṇaṃ vā.
༧༣༤. ‘‘སནྣིདྷི’’ནྟི ཨིམིནཱ སཾནིཔུབྦོ ཙིསདྡོ ཨུཙིནནཏྠོཏི དསྶེཏི། ཧིསདྡོ ཝིསེསཛོཏཀོ། ཏཏྠཱཏི མཧཱཝིབྷངྒེ། ཨིདྷཱཏི བྷིཀྑུནིཝིབྷངྒེ།
734. ‘‘Sannidhi’’nti iminā saṃnipubbo cisaddo ucinanatthoti dasseti. Hisaddo visesajotako. Tatthāti mahāvibhaṅge. Idhāti bhikkhunivibhaṅge.
ཨིདམྤཱིཏི ཨིདཾ སིཀྑཱཔདམྤི། པིསདྡོ མཧཱཝིབྷངྒསིཀྑཱཔདཾ ཨཔེཀྑཏཱིཏི། པཋམཾ།
Idampīti idaṃ sikkhāpadampi. Pisaddo mahāvibhaṅgasikkhāpadaṃ apekkhatīti. Paṭhamaṃ.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / བྷིཀྑུནཱིཝིབྷངྒ • Bhikkhunīvibhaṅga / ༡. པཋམསིཀྑཱཔདཾ • 1. Paṭhamasikkhāpadaṃ
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / བྷིཀྑུནཱིཝིབྷངྒ-ཨཊྛཀཐཱ • Bhikkhunīvibhaṅga-aṭṭhakathā / པཋམནིསྶགྒིཡཔཱཙིཏྟིཡསིཀྑཱཔདཝཎྞནཱ • Paṭhamanissaggiyapācittiyasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ༣. ནིསྶགྒིཡཀཎྜཾ (བྷིཀྑུནཱིཝིབྷངྒཝཎྞནཱ) • 3. Nissaggiyakaṇḍaṃ (bhikkhunīvibhaṅgavaṇṇanā)
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ༡. པཋམནིསྶགྒིཡཔཱཙིཏྟིཡསིཀྑཱཔདཝཎྞནཱ • 1. Paṭhamanissaggiyapācittiyasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༢. དུཏིཡནིསྶགྒིཡཱདིཔཱཙིཏྟིཡསིཀྑཱཔདཝཎྞནཱ • 2. Dutiyanissaggiyādipācittiyasikkhāpadavaṇṇanā
