| Library / Tipiṭaka / तिपिटक • Tipiṭaka / भिक्खुनीविभङ्ग-अट्ठकथा • Bhikkhunīvibhaṅga-aṭṭhakathā |
३. निस्सग्गियकण्डं (भिक्खुनीविभङ्गवण्णना)
3. Nissaggiyakaṇḍaṃ (bhikkhunīvibhaṅgavaṇṇanā)
पठमनिस्सग्गियपाचित्तियसिक्खापदवण्णना
Paṭhamanissaggiyapācittiyasikkhāpadavaṇṇanā
तिंस निस्सग्गिया धम्मा, भिक्खुनीनं पकासिता।
Tiṃsa nissaggiyā dhammā, bhikkhunīnaṃ pakāsitā;
ये तेसं दानि भवति, अयं संवण्णनाक्कमो॥
Ye tesaṃ dāni bhavati, ayaṃ saṃvaṇṇanākkamo.
७३३. आमत्तिकापणन्ति अमत्तानि वुच्चन्ति भाजनानि; तानि ये विक्किणन्ति, ते वुच्चन्ति आमत्तिका; तेसं आपणो आमत्तिकापणो; तं वा पसारेस्सन्तीति अत्थो।
733.Āmattikāpaṇanti amattāni vuccanti bhājanāni; tāni ye vikkiṇanti, te vuccanti āmattikā; tesaṃ āpaṇo āmattikāpaṇo; taṃ vā pasāressantīti attho.
७३४. पत्तसन्निचयं करेय्याति पत्तसन्निधिं करेय्य; एकाहं अनधिट्ठहित्वा वा अविकप्पेत्वा वा पत्तं ठपेय्याति अत्थो। सेसं महाविभङ्गे वुत्तनयेनेव वेदितब्बं। अयमेव हि विसेसो – तत्थ दसाहं परिहारो, इध एकाहम्पि नत्थि। सेसं तादिसमेव।
734.Pattasannicayaṃ kareyyāti pattasannidhiṃ kareyya; ekāhaṃ anadhiṭṭhahitvā vā avikappetvā vā pattaṃ ṭhapeyyāti attho. Sesaṃ mahāvibhaṅge vuttanayeneva veditabbaṃ. Ayameva hi viseso – tattha dasāhaṃ parihāro, idha ekāhampi natthi. Sesaṃ tādisameva.
इदम्पि कथिनसमुट्ठानं – कायवाचतो कायवाचाचित्ततो च समुट्ठाति, अकिरियं, नोसञ्ञाविमोक्खं, अचित्तकं, पण्णत्तिवज्जं, कायकम्मं, वचीकम्मं, तिचित्तं, तिवेदनन्ति।
Idampi kathinasamuṭṭhānaṃ – kāyavācato kāyavācācittato ca samuṭṭhāti, akiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
पठमसिक्खापदं।
Paṭhamasikkhāpadaṃ.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / भिक्खुनीविभङ्ग • Bhikkhunīvibhaṅga / १. पठमसिक्खापदं • 1. Paṭhamasikkhāpadaṃ
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / ३. निस्सग्गियकण्डं (भिक्खुनीविभङ्गवण्णना) • 3. Nissaggiyakaṇḍaṃ (bhikkhunīvibhaṅgavaṇṇanā)
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / १. पठमनिस्सग्गियपाचित्तियसिक्खापदवण्णना • 1. Paṭhamanissaggiyapācittiyasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / २. दुतियनिस्सग्गियादिपाचित्तियसिक्खापदवण्णना • 2. Dutiyanissaggiyādipācittiyasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / १. पठमनिस्सग्गियपाचित्तियसिक्खापद-अत्थयोजना • 1. Paṭhamanissaggiyapācittiyasikkhāpada-atthayojanā
