| Library / Tipiṭaka / తిపిటక • Tipiṭaka / భిక్ఖునీవిభఙ్గ-అట్ఠకథా • Bhikkhunīvibhaṅga-aṭṭhakathā |
౩. నిస్సగ్గియకణ్డం (భిక్ఖునీవిభఙ్గవణ్ణనా)
3. Nissaggiyakaṇḍaṃ (bhikkhunīvibhaṅgavaṇṇanā)
పఠమనిస్సగ్గియపాచిత్తియసిక్ఖాపదవణ్ణనా
Paṭhamanissaggiyapācittiyasikkhāpadavaṇṇanā
తింస నిస్సగ్గియా ధమ్మా, భిక్ఖునీనం పకాసితా;
Tiṃsa nissaggiyā dhammā, bhikkhunīnaṃ pakāsitā;
యే తేసం దాని భవతి, అయం సంవణ్ణనాక్కమో.
Ye tesaṃ dāni bhavati, ayaṃ saṃvaṇṇanākkamo.
౭౩౩. ఆమత్తికాపణన్తి అమత్తాని వుచ్చన్తి భాజనాని; తాని యే విక్కిణన్తి, తే వుచ్చన్తి ఆమత్తికా; తేసం ఆపణో ఆమత్తికాపణో; తం వా పసారేస్సన్తీతి అత్థో.
733.Āmattikāpaṇanti amattāni vuccanti bhājanāni; tāni ye vikkiṇanti, te vuccanti āmattikā; tesaṃ āpaṇo āmattikāpaṇo; taṃ vā pasāressantīti attho.
౭౩౪. పత్తసన్నిచయం కరేయ్యాతి పత్తసన్నిధిం కరేయ్య; ఏకాహం అనధిట్ఠహిత్వా వా అవికప్పేత్వా వా పత్తం ఠపేయ్యాతి అత్థో. సేసం మహావిభఙ్గే వుత్తనయేనేవ వేదితబ్బం. అయమేవ హి విసేసో – తత్థ దసాహం పరిహారో, ఇధ ఏకాహమ్పి నత్థి. సేసం తాదిసమేవ.
734.Pattasannicayaṃ kareyyāti pattasannidhiṃ kareyya; ekāhaṃ anadhiṭṭhahitvā vā avikappetvā vā pattaṃ ṭhapeyyāti attho. Sesaṃ mahāvibhaṅge vuttanayeneva veditabbaṃ. Ayameva hi viseso – tattha dasāhaṃ parihāro, idha ekāhampi natthi. Sesaṃ tādisameva.
ఇదమ్పి కథినసముట్ఠానం – కాయవాచతో కాయవాచాచిత్తతో చ సముట్ఠాతి, అకిరియం, నోసఞ్ఞావిమోక్ఖం, అచిత్తకం, పణ్ణత్తివజ్జం, కాయకమ్మం, వచీకమ్మం, తిచిత్తం, తివేదనన్తి.
Idampi kathinasamuṭṭhānaṃ – kāyavācato kāyavācācittato ca samuṭṭhāti, akiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
పఠమసిక్ఖాపదం.
Paṭhamasikkhāpadaṃ.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / భిక్ఖునీవిభఙ్గ • Bhikkhunīvibhaṅga / ౧. పఠమసిక్ఖాపదం • 1. Paṭhamasikkhāpadaṃ
టీకా • Tīkā / వినయపిటక (టీకా) • Vinayapiṭaka (ṭīkā) / సారత్థదీపనీ-టీకా • Sāratthadīpanī-ṭīkā / ౩. నిస్సగ్గియకణ్డం (భిక్ఖునీవిభఙ్గవణ్ణనా) • 3. Nissaggiyakaṇḍaṃ (bhikkhunīvibhaṅgavaṇṇanā)
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / ౧. పఠమనిస్సగ్గియపాచిత్తియసిక్ఖాపదవణ్ణనా • 1. Paṭhamanissaggiyapācittiyasikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / విమతివినోదనీ-టీకా • Vimativinodanī-ṭīkā / ౨. దుతియనిస్సగ్గియాదిపాచిత్తియసిక్ఖాపదవణ్ణనా • 2. Dutiyanissaggiyādipācittiyasikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / ౧. పఠమనిస్సగ్గియపాచిత్తియసిక్ఖాపద-అత్థయోజనా • 1. Paṭhamanissaggiyapācittiyasikkhāpada-atthayojanā
