| Library / Tipiṭaka / തിപിടക • Tipiṭaka / ഭിക്ഖുനീവിഭങ്ഗ-അട്ഠകഥാ • Bhikkhunīvibhaṅga-aṭṭhakathā |
൩. നിസ്സഗ്ഗിയകണ്ഡം (ഭിക്ഖുനീവിഭങ്ഗവണ്ണനാ)
3. Nissaggiyakaṇḍaṃ (bhikkhunīvibhaṅgavaṇṇanā)
പഠമനിസ്സഗ്ഗിയപാചിത്തിയസിക്ഖാപദവണ്ണനാ
Paṭhamanissaggiyapācittiyasikkhāpadavaṇṇanā
തിംസ നിസ്സഗ്ഗിയാ ധമ്മാ, ഭിക്ഖുനീനം പകാസിതാ;
Tiṃsa nissaggiyā dhammā, bhikkhunīnaṃ pakāsitā;
യേ തേസം ദാനി ഭവതി, അയം സംവണ്ണനാക്കമോ.
Ye tesaṃ dāni bhavati, ayaṃ saṃvaṇṇanākkamo.
൭൩൩. ആമത്തികാപണന്തി അമത്താനി വുച്ചന്തി ഭാജനാനി; താനി യേ വിക്കിണന്തി, തേ വുച്ചന്തി ആമത്തികാ; തേസം ആപണോ ആമത്തികാപണോ; തം വാ പസാരേസ്സന്തീതി അത്ഥോ.
733.Āmattikāpaṇanti amattāni vuccanti bhājanāni; tāni ye vikkiṇanti, te vuccanti āmattikā; tesaṃ āpaṇo āmattikāpaṇo; taṃ vā pasāressantīti attho.
൭൩൪. പത്തസന്നിചയം കരേയ്യാതി പത്തസന്നിധിം കരേയ്യ; ഏകാഹം അനധിട്ഠഹിത്വാ വാ അവികപ്പേത്വാ വാ പത്തം ഠപേയ്യാതി അത്ഥോ. സേസം മഹാവിഭങ്ഗേ വുത്തനയേനേവ വേദിതബ്ബം. അയമേവ ഹി വിസേസോ – തത്ഥ ദസാഹം പരിഹാരോ, ഇധ ഏകാഹമ്പി നത്ഥി. സേസം താദിസമേവ.
734.Pattasannicayaṃ kareyyāti pattasannidhiṃ kareyya; ekāhaṃ anadhiṭṭhahitvā vā avikappetvā vā pattaṃ ṭhapeyyāti attho. Sesaṃ mahāvibhaṅge vuttanayeneva veditabbaṃ. Ayameva hi viseso – tattha dasāhaṃ parihāro, idha ekāhampi natthi. Sesaṃ tādisameva.
ഇദമ്പി കഥിനസമുട്ഠാനം – കായവാചതോ കായവാചാചിത്തതോ ച സമുട്ഠാതി, അകിരിയം, നോസഞ്ഞാവിമോക്ഖം, അചിത്തകം, പണ്ണത്തിവജ്ജം, കായകമ്മം, വചീകമ്മം, തിചിത്തം, തിവേദനന്തി.
Idampi kathinasamuṭṭhānaṃ – kāyavācato kāyavācācittato ca samuṭṭhāti, akiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
പഠമസിക്ഖാപദം.
Paṭhamasikkhāpadaṃ.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / ഭിക്ഖുനീവിഭങ്ഗ • Bhikkhunīvibhaṅga / ൧. പഠമസിക്ഖാപദം • 1. Paṭhamasikkhāpadaṃ
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / ൩. നിസ്സഗ്ഗിയകണ്ഡം (ഭിക്ഖുനീവിഭങ്ഗവണ്ണനാ) • 3. Nissaggiyakaṇḍaṃ (bhikkhunīvibhaṅgavaṇṇanā)
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / ൧. പഠമനിസ്സഗ്ഗിയപാചിത്തിയസിക്ഖാപദവണ്ണനാ • 1. Paṭhamanissaggiyapācittiyasikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / ൨. ദുതിയനിസ്സഗ്ഗിയാദിപാചിത്തിയസിക്ഖാപദവണ്ണനാ • 2. Dutiyanissaggiyādipācittiyasikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൧. പഠമനിസ്സഗ്ഗിയപാചിത്തിയസിക്ഖാപദ-അത്ഥയോജനാ • 1. Paṭhamanissaggiyapācittiyasikkhāpada-atthayojanā
