| Library / Tipiṭaka / д̇ибидага • Tipiṭaka / ган̇каавид̇аран̣ий-бураан̣а-дийгаа • Kaṅkhāvitaraṇī-purāṇa-ṭīkā |
анияад̇аган̣д̣ам̣
Aniyatakaṇḍaṃ
1. батамаанияад̇асигкаабад̣̇аван̣н̣анаа
1. Paṭhamāniyatasikkhāpadavaṇṇanā
анияад̇з аад̣̇ид̇ова ид̣̇ам̣ багин̣н̣агам̣. сзяяат̇ид̣̇ам̣ – ид̣̇ам̣ анияад̇аган̣д̣ам̣ ниббаяож̇анам̣ д̇ад̇т̇а абуб̣б̣аабхаавад̇од̇и жз? на, г̇аругалахугабхзд̣̇абхиннаабад̇д̇иробанааробанаггамалагкан̣ад̣̇ийбанаббаяож̇анад̇о. зд̇т̇а хи ‘‘саа жз звам̣ вад̣̇зяяа ‘аяяо маяаа…бз… со жа д̇ам̣ бадиж̇аанаад̇и, аабад̇д̇ияаа гаарзд̇аб̣б̣о’’’д̇иаад̣̇инаа (баараа. 446) аабад̇д̇ияаа г̇аругааяа, лахугааяа жа ааробанаггамалагкан̣ам̣, ‘‘на гаарзд̇аб̣б̣о’’д̇и иминаа анааробанаггамалагкан̣ан̃жа д̣̇ассид̇ам̣. лагкан̣ад̣̇ийбанад̇о аад̣̇имхи, анд̇з ваа уд̣̇д̣̇исид̇аб̣б̣анд̇и жз? на, асамбхавад̇о. гат̇ам̣ на д̇аава аад̣̇имхи самбхавад̇и, язсамид̣̇ам̣ лагкан̣ам̣, д̇зсам̣ сигкаабад̣̇аанам̣ ад̣̇ассид̇ад̇д̇аа. на анд̇з г̇аругамиссагад̇д̇аа. д̇асмаа г̇аругалахугаанам̣ маж̇жхз зва уд̣̇д̣̇исид̇аб̣б̣ад̇ам̣ арахад̇и убхаяамиссагад̇д̇аа. яаа д̇ад̇т̇а баажид̇д̇ияасан̇каад̇аа лахугаабад̇д̇и д̣̇ассид̇аа, сааби г̇аругаад̇и гат̇ид̇аа. д̇знзвааха ‘‘мзт̇унад̇хаммасанниссид̇агилзсасан̇каад̇зна рахассаад̣̇знаа’’д̇иаад̣̇и. д̇асмаа г̇аругаанам̣ зва ананд̇арам̣ уд̣̇д̣̇идтанд̇иби згз. звам̣ сад̇и батамаанияад̇амзваалам̣ д̇аавад̇аа лагкан̣ад̣̇ийбанасид̣̇д̇хид̇о, гим̣ д̣̇уд̇иязнаад̇и жз? на, огаасанияамабажжаяамижчааг̇ааханивааран̣аббаяож̇анад̇о. ‘‘бадижчаннз аасанз алам̣гамманияз’’д̇и огаасанияамад̇о хи д̇аб̣б̣ибарийд̇з огаасз ид̣̇ам̣ лагкан̣ам̣ на вигаббид̇анд̇и мижчааг̇аахо ход̇и. д̇ам̣нивааран̣ад̇о д̣̇уд̇ияаанияад̇амби саад̇т̇агамзваад̇и ад̇хиббааяо. гасмаа? огаасабхзд̣̇ад̇о, рахобхзд̣̇ад̣̇ийбанад̇о, рахонисаж̇ж̇ассаад̣̇абхзд̣̇ад̣̇ийбанад̇о. огаасанияамабхаавз жа рахонисаж̇ж̇ассаад̣̇абхзд̣̇о ж̇аад̇о. д̣̇виннам̣ рахонисаж̇ж̇асигкаабад̣̇аанам̣ наанаад̇д̇аж̇аананан̃жа сияаа д̇ат̇аа гааяасам̣саг̇г̇абхзд̣̇ад̣̇ийбанад̇о. наалам̣ гамманиязби хи огаасз аббадижчаннз, бадижчаннзби ваа нисиннааяа ваад̇абаанагаваадажчид̣̇д̣̇аад̣̇ийхи нигканд̇агзсаад̣̇иг̇г̇ахан̣зна гааяасам̣саг̇г̇о лаб̣бхад̇ийд̇и звамаад̣̇аяоби наяаа вид̇т̇аарад̇о взд̣̇ид̇аб̣б̣аа.
Aniyate āditova idaṃ pakiṇṇakaṃ. Seyyathidaṃ – idaṃ aniyatakaṇḍaṃ nippayojanaṃ tattha apubbābhāvatoti ce? Na, garukalahukabhedabhinnāpattiropanāropanakkamalakkhaṇadīpanappayojanato. Ettha hi ‘‘sā ce evaṃ vadeyya ‘ayyo mayā…pe… so ca taṃ paṭijānāti, āpattiyā kāretabbo’’’tiādinā (pārā. 446) āpattiyā garukāya, lahukāya ca āropanakkamalakkhaṇaṃ, ‘‘na kāretabbo’’ti iminā anāropanakkamalakkhaṇañca dassitaṃ. Lakkhaṇadīpanato ādimhi, ante vā uddisitabbanti ce? Na, asambhavato. Kathaṃ na tāva ādimhi sambhavati, yesamidaṃ lakkhaṇaṃ, tesaṃ sikkhāpadānaṃ adassitattā. Na ante garukamissakattā. Tasmā garukalahukānaṃ majjhe eva uddisitabbataṃ arahati ubhayamissakattā. Yā tattha pācittiyasaṅkhātā lahukāpatti dassitā, sāpi garukāti kathitā. Tenevāha ‘‘methunadhammasannissitakilesasaṅkhātena rahassādenā’’tiādi. Tasmā garukānaṃ eva anantaraṃ uddiṭṭhantipi eke. Evaṃ sati paṭhamāniyatamevālaṃ tāvatā lakkhaṇadīpanasiddhito, kiṃ dutiyenāti ce? Na, okāsaniyamapaccayamicchāgāhanivāraṇappayojanato. ‘‘Paṭicchanne āsane alaṃkammaniye’’ti okāsaniyamato hi tabbiparīte okāse idaṃ lakkhaṇaṃ na vikappitanti micchāgāho hoti. Taṃnivāraṇato dutiyāniyatampi sātthakamevāti adhippāyo. Kasmā? Okāsabhedato, rahobhedadīpanato, rahonisajjassādabhedadīpanato. Okāsaniyamabhāve ca rahonisajjassādabhedo jāto. Dvinnaṃ rahonisajjasikkhāpadānaṃ nānāttajānanañca siyā tathā kāyasaṃsaggabhedadīpanato. Nālaṃ kammaniyepi hi okāse appaṭicchanne, paṭicchannepi vā nisinnāya vātapānakavāṭacchiddādīhi nikkhantakesādiggahaṇena kāyasaṃsaggo labbhatīti evamādayopi nayā vitthārato veditabbā.
д̇ад̇рид̣̇ам̣ мукамад̇д̇анид̣̇ассанам̣ – огаасабхзд̣̇ад̇од̇и алам̣гамманияанаалам̣гамманияабхзд̣̇ад̇о. бадижчаннамби хи згажжам̣ наалам̣гамманияам̣ ваад̇абаанаад̣̇инаа анд̇арид̇ад̇д̇аа , убхаяаббадижчаннамби згажжам̣ наалам̣гамманияам̣ виж̇аанад̇ам̣ аж̇жхогаасад̇д̇аа. рахобхзд̣̇ад̣̇ийбанад̇од̇и зд̇т̇а рахабхаавасааман̃н̃зби рахо д̣̇вид̇хаа бадижчаннаабадижчаннабхзд̣̇ад̇од̇и ад̇хиббааяо. рахонисаж̇ж̇ассаад̣̇абхзд̣̇ад̣̇ийбанад̇од̇и мзт̇унассаад̣̇авасзна нисаж̇ж̇аа, д̣̇удтуллассаад̣̇авасзна нисаж̇ж̇аад̇и д̇аад̣̇исасса бхзд̣̇асса д̣̇ийбанад̇од̇и ад̇т̇о. ‘‘ид̇ха ааг̇ад̇анаяад̇д̇аа бхигкунибаад̇имогкз ид̣̇ам̣ ган̣д̣ам̣ барихийнанд̇и взд̣̇ид̇аб̣б̣а’’нд̇и вад̣̇анд̇и. ‘‘адтуббад̇д̇ияаа д̇ад̇т̇а ануббаннад̇д̇аа’’д̇и згз, д̇ам̣ анзганд̇абхаавад̣̇ийбанад̇о аяуд̇д̇ам̣. саб̣б̣аб̣уд̣̇д̇хагаалз хи бхигкуунам̣ бан̃жа, бхигкунийнам̣ жад̇д̇ааро жа уд̣̇д̣̇зсаа санд̇и. баад̇имогкуд̣̇д̣̇зсабан̃н̃ад̇д̇ияаа асаад̇хааран̣ад̇д̇аа д̇ад̇т̇а нид̣̇д̣̇идтасан̇гхаад̣̇исзсабаажид̇д̇ияаананд̇и згз. д̇аасан̃хи бхигкунийнам̣ уб̣бхаж̇аан̣уман̣д̣алига (баажи. 658) -адтавад̇т̇уга (баажи. 675) -васзна гааяасам̣саг̇г̇ависзсо баарааж̇игавад̇т̇у, ‘‘хад̇т̇аг̇г̇ахан̣ам̣ ваа саад̣̇иязяяа, гааяам̣ ваа д̇ад̣̇ад̇т̇ааяа убасам̣харзяяаа’’д̇и (баажи. 675) важанад̇о саад̣̇ияанамби, ‘‘санд̇идтзяяа ваа’’д̇и (баажи. 675) важанад̇о таанамби, ‘‘сан̇гзд̇ам̣ ваа г̇ажчзяяаа’’д̇и (баажи. 675) важанад̇о г̇аманамби, ‘‘чаннам̣ ваа анубависзяяаа’’д̇и (баажи. 675) важанад̇о бадижчаннадтаанаббавзсоби ход̇и, д̇ат̇аа ‘‘рад̇д̇анд̇хагаарз аббад̣̇ийбз, бадижчаннз огаасз аж̇жхогаасз згзнзгаа санд̇идтзяяа ваа саллабзяяа ваа’’д̇и (баажи. 839) важанад̇о д̣̇удтуллаваажааби баажид̇д̇ияавад̇т̇уганд̇и гад̇ваа д̇аасам̣ ан̃н̃ат̇аа анияад̇аган̣д̣асса авад̇д̇аб̣б̣ад̇аабад̇д̇ид̇о на вуд̇д̇анд̇и д̇зсам̣ ад̇хиббааяо. багин̣н̣агам̣.
Tatridaṃ mukhamattanidassanaṃ – okāsabhedatoti alaṃkammaniyanālaṃkammaniyabhedato. Paṭicchannampi hi ekaccaṃ nālaṃkammaniyaṃ vātapānādinā antaritattā , ubhayappaṭicchannampi ekaccaṃ nālaṃkammaniyaṃ vijānataṃ ajjhokāsattā. Rahobhedadīpanatoti ettha rahabhāvasāmaññepi raho dvidhā paṭicchannāpaṭicchannabhedatoti adhippāyo. Rahonisajjassādabhedadīpanatoti methunassādavasena nisajjā, duṭṭhullassādavasena nisajjāti tādisassa bhedassa dīpanatoti attho. ‘‘Idha āgatanayattā bhikkhunipātimokkhe idaṃ kaṇḍaṃ parihīnanti veditabba’’nti vadanti. ‘‘Aṭṭhuppattiyā tattha anuppannattā’’ti eke, taṃ anekantabhāvadīpanato ayuttaṃ. Sabbabuddhakāle hi bhikkhūnaṃ pañca, bhikkhunīnaṃ cattāro ca uddesā santi. Pātimokkhuddesapaññattiyā asādhāraṇattā tattha niddiṭṭhasaṅghādisesapācittiyānanti eke. Tāsañhi bhikkhunīnaṃ ubbhajāṇumaṇḍalika (pāci. 658) -aṭṭhavatthuka (pāci. 675) -vasena kāyasaṃsaggaviseso pārājikavatthu, ‘‘hatthaggahaṇaṃ vā sādiyeyya, kāyaṃ vā tadatthāya upasaṃhareyyā’’ti (pāci. 675) vacanato sādiyanampi, ‘‘santiṭṭheyya vā’’ti (pāci. 675) vacanato ṭhānampi, ‘‘saṅketaṃ vā gaccheyyā’’ti (pāci. 675) vacanato gamanampi, ‘‘channaṃ vā anupaviseyyā’’ti (pāci. 675) vacanato paṭicchannaṭṭhānappavesopi hoti, tathā ‘‘rattandhakāre appadīpe, paṭicchanne okāse ajjhokāse ekenekā santiṭṭheyya vā sallapeyya vā’’ti (pāci. 839) vacanato duṭṭhullavācāpi pācittiyavatthukanti katvā tāsaṃ aññathā aniyatakaṇḍassa avattabbatāpattito na vuttanti tesaṃ adhippāyo. Pakiṇṇakaṃ.
‘‘д̣̇зсанаавудтаанаг̇ааминийнам̣ аабад̇д̇ийнам̣ васзна алаж̇ж̇иаад̣̇аяо лаж̇ж̇ийнам̣ жод̣̇зссанд̇ий’’д̇и ааг̇ад̇ад̇д̇аа лаж̇ж̇ибаг̇г̇ахад̇т̇ааяа бад̇ируубааяаби убаасигааяа важанзна агад̇ваа бхигкуссзва бадин̃н̃ааяа гаад̇аб̣б̣анд̇и аабад̇д̇ияо бана лагкан̣ад̣̇ассанад̇т̇ам̣ бан̃н̃ад̇д̇ам̣ вид̇т̇ааранаяамзва г̇ахзд̇ваа вад̇д̇ум̣ яуд̇д̇ам̣ ‘‘имз ко банааяасманд̇о д̣̇вз анияад̇аа д̇хаммаа’’д̇и (баараа. 443) уд̣̇д̣̇зсад̣̇ассанад̇д̇аад̇и ликид̇ам̣. сод̇асса раход̇и зд̇т̇а раход̇и важанасааман̃н̃ад̇о вуд̇д̇ам̣. д̣̇удтулласааман̃н̃ад̇о д̣̇удтуллаарожанаббадижчаад̣̇анасигкаабад̣̇зсу баарааж̇игаважанам̣ вияа. д̇асмаа ‘‘жагкуссзва бана рахо ‘рахо’д̇и ид̇ха ад̇хиббзд̇о’’д̇и вуд̇д̇ам̣. гат̇ам̣ бан̃н̃ааяад̇ийд̇и жз? ‘‘маад̇уг̇аамо наама…бз… анд̇амасо д̇ад̣̇ахуж̇аад̇ааби д̣̇ааригаа’’д̇и (баараа. 445) вуд̇д̇ад̇д̇аа д̣̇удтуллобхаасанам̣ ид̇ха наад̇хиббзд̇анд̇и д̣̇ийбид̇амзваад̇и. анд̇од̣̇ваад̣̇асахад̇т̇збийд̇и би-сад̣̇д̣̇зна абихид̇агаваадасса г̇аб̣бхасса д̣̇ваарз нисиннобийд̇и ад̇т̇о. ажзлагаваг̇г̇з рахобадижчаннаасанасигкаабад̣̇з (баажи. 288) ‘‘яо гожи вин̃н̃уу бурисо д̣̇уд̇ияо ход̇ий’’д̇и имасса ануруубад̇о ‘‘ид̇т̇ийнам̣ бана сад̇амби анаабад̇д̇им̣ на гарод̇иязваа’’д̇и вуд̇д̇ам̣. ‘‘алам̣гамманиязд̇и саггаа ход̇и мзт̇унам̣ д̇хаммам̣ бадисзвид̇у’’нд̇и (баараа. 445) вибхан̇г̇з важанад̇о рахонисаж̇ж̇ассаад̣̇о жзд̇т̇а мзт̇унад̇хаммасанниссид̇агилзсо, на д̣̇уд̇ияз вияа д̣̇удтуллаваажассаад̣̇агилзсо. д̇асмаа жа бан̃н̃ааяад̇и сод̇асса рахо наад̇хиббзд̇од̇и.
‘‘Desanāvuṭṭhānagāminīnaṃ āpattīnaṃ vasena alajjiādayo lajjīnaṃ codessantī’’ti āgatattā lajjipaggahatthāya patirūpāyapi upāsikāya vacanena akatvā bhikkhusseva paṭiññāya kātabbanti āpattiyo pana lakkhaṇadassanatthaṃ paññattaṃ vitthāranayameva gahetvā vattuṃ yuttaṃ ‘‘ime kho panāyasmanto dve aniyatā dhammā’’ti (pārā. 443) uddesadassanattāti likhitaṃ. Sotassa rahoti ettha rahoti vacanasāmaññato vuttaṃ. Duṭṭhullasāmaññato duṭṭhullārocanappaṭicchādanasikkhāpadesu pārājikavacanaṃ viya. Tasmā ‘‘cakkhusseva pana raho ‘raho’ti idha adhippeto’’ti vuttaṃ. Kathaṃ paññāyatīti ce? ‘‘Mātugāmo nāma…pe… antamaso tadahujātāpi dārikā’’ti (pārā. 445) vuttattā duṭṭhullobhāsanaṃ idha nādhippetanti dīpitamevāti. Antodvādasahatthepīti pi-saddena apihitakavāṭassa gabbhassa dvāre nisinnopīti attho. Acelakavagge rahopaṭicchannāsanasikkhāpade (pāci. 288) ‘‘yo koci viññū puriso dutiyo hotī’’ti imassa anurūpato ‘‘itthīnaṃ pana satampi anāpattiṃ na karotiyevā’’ti vuttaṃ. ‘‘Alaṃkammaniyeti sakkā hoti methunaṃ dhammaṃ paṭisevitu’’nti (pārā. 445) vibhaṅge vacanato rahonisajjassādo cettha methunadhammasannissitakileso, na dutiye viya duṭṭhullavācassādakileso. Tasmā ca paññāyati sotassa raho nādhippetoti.
д̇ин̣н̣ам̣ д̇хаммаанам̣ ан̃н̃ад̇арзна вад̣̇зяяаад̇и рахонисаж̇ж̇асигкаабад̣̇авасзна нисиннасса д̇ассаанусаарзна баажид̇д̇ияамзва авад̇ваа баарааж̇игасан̇гхаад̣̇исзсааяаби аабад̇д̇ияаа бхзд̣̇ад̣̇ассанад̇т̇ам̣ вуд̇д̇ам̣. буна аабад̇д̇иббадиж̇аананам̣ авад̇ваа гасмаа ‘‘нисаж̇ж̇ам̣ бхигку бадиж̇аанамаано’’д̇и вад̇т̇уббадиж̇аананам̣ вуд̇д̇анд̇и? вужжад̇з – аабад̇д̇ияаа жод̣̇ид̇з винаяад̇харзна ‘‘гисмим̣ вад̇т̇усми’’нд̇и бужчид̇з жуд̣̇ид̇агзна ‘‘имасмим̣ вад̇т̇усми’’нд̇и вуд̇д̇з винаяад̇харзна ‘‘ийд̣̇исам̣ наама агаасий’’д̇и бужчид̇з со вад̇т̇ум̣ бадиж̇аанамаанова гаарзд̇аб̣б̣од̇и д̣̇ассанад̇т̇ам̣ ‘‘нисаж̇ж̇ам̣ бхигку бадиж̇аанамаано’’д̇и вуд̇д̇ам̣. яад̣̇и звам̣ нисаж̇ж̇ам̣ бадиж̇аанамааноби аабад̇д̇ияаава гаарзд̇аб̣б̣од̇и? ануруубамзва. звам̣ бана г̇ахзд̇аб̣б̣ам̣ – д̇ин̣н̣амби аабад̇д̇ийнам̣ вад̇т̇ууни аг̇г̇ахзд̇ваа ид̇ха сигкаабад̣̇авасзна нисаж̇ж̇амзва вуд̇д̇ам̣. д̇асмим̣ г̇ахид̇зби хи аабад̇д̇и г̇ахид̇аава ход̇ийд̇и. язна ваа саад̇и зд̇т̇а ваа-сад̣̇д̣̇о ‘‘д̇зна со бхигку гаарзд̇аб̣б̣о ваа’’д̇и яож̇зд̇аб̣б̣о. со жа вигаббад̇т̇о. д̇асмаа ‘‘гаарзд̇аб̣б̣о ваа бадиж̇аанамаано, на ваа гаарзд̇аб̣б̣о аббадиж̇аанамаано’’д̇и ад̇т̇о. д̇зна вуд̇д̇ам̣ ‘‘бадиж̇аанамаано ваа’’д̇иаад̣̇и. рахонисаж̇ж̇асигкаабад̣̇авасзна нисаж̇ж̇абажжаяаа аабад̇д̇ияаа вуд̇д̇ад̇д̇аа сзсзсуби сзсасигкаабад̣̇авасзна аабад̇д̇и г̇ахзд̇аб̣б̣аа. ‘‘самудтаанаад̣̇ийни батамабаарааж̇игасад̣̇исаанзваа’’д̇и вуд̇д̇ад̇д̇аа ид̇ха д̣̇удтуллобхаасанасса анад̇хиббзд̇абхааво взд̣̇ид̇аб̣б̣о.
Tiṇṇaṃ dhammānaṃ aññatarena vadeyyāti rahonisajjasikkhāpadavasena nisinnassa tassānusārena pācittiyameva avatvā pārājikasaṅghādisesāyapi āpattiyā bhedadassanatthaṃ vuttaṃ. Puna āpattippaṭijānanaṃ avatvā kasmā ‘‘nisajjaṃ bhikkhu paṭijānamāno’’ti vatthuppaṭijānanaṃ vuttanti? Vuccate – āpattiyā codite vinayadharena ‘‘kismiṃ vatthusmi’’nti pucchite cuditakena ‘‘imasmiṃ vatthusmi’’nti vutte vinayadharena ‘‘īdisaṃ nāma akāsī’’ti pucchite so vatthuṃ paṭijānamānova kāretabboti dassanatthaṃ ‘‘nisajjaṃ bhikkhu paṭijānamāno’’ti vuttaṃ. Yadi evaṃ nisajjaṃ paṭijānamānopi āpattiyāva kāretabboti? Anurūpameva. Evaṃ pana gahetabbaṃ – tiṇṇampi āpattīnaṃ vatthūni aggahetvā idha sikkhāpadavasena nisajjameva vuttaṃ. Tasmiṃ gahitepi hi āpatti gahitāva hotīti. Yena vā sāti ettha vā-saddo ‘‘tena so bhikkhu kāretabbo vā’’ti yojetabbo. So ca vikappattho. Tasmā ‘‘kāretabbo vā paṭijānamāno, na vā kāretabbo appaṭijānamāno’’ti attho. Tena vuttaṃ ‘‘paṭijānamāno vā’’tiādi. Rahonisajjasikkhāpadavasena nisajjapaccayā āpattiyā vuttattā sesesupi sesasikkhāpadavasena āpatti gahetabbā. ‘‘Samuṭṭhānādīni paṭhamapārājikasadisānevā’’ti vuttattā idha duṭṭhullobhāsanassa anadhippetabhāvo veditabbo.
батамаанияад̇асигкаабад̣̇аван̣н̣анаа нидтид̇аа.
Paṭhamāniyatasikkhāpadavaṇṇanā niṭṭhitā.
