| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
9. பட²மபப்³ப³தூபமஸுத்தங்
9. Paṭhamapabbatūpamasuttaṃ
1129. ‘‘ஸெய்யதா²பி , பி⁴க்க²வே, புரிஸோ ஹிமவதோ பப்³ப³தராஜஸ்ஸ ஸத்த ஸாஸபமத்தியோ பாஸாணஸக்க²ரா உபனிக்கி²பெய்ய. தங் கிங் மஞ்ஞத², பி⁴க்க²வே, கதமங் நு கோ² ப³ஹுதரங் – யா வா ஸத்த ஸாஸபமத்தியோ பாஸாணஸக்க²ரா உபனிக்கி²த்தா, அயங் வா ஹிமவா பப்³ப³தராஜா’’தி? ‘‘ஏததே³வ, ப⁴ந்தே, ப³ஹுதரங், யதி³த³ங் – ஹிமவா பப்³ப³தராஜா; அப்பமத்திகா ஸத்த ஸாஸபமத்தியோ பாஸாணஸக்க²ரா உபனிக்கி²த்தா. ஸங்க²ம்பி ந உபெந்தி, உபனித⁴ம்பி ந உபெந்தி, கலபா⁴க³ம்பி ந உபெந்தி ஹிமவந்தங் பப்³ப³தராஜானங் உபனிதா⁴ய ஸத்த ஸாஸபமத்தியோ பாஸாணஸக்க²ரா உபனிக்கி²த்தா’’தி. ‘‘ஏவமேவ கோ², பி⁴க்க²வே, அரியஸாவகஸ்ஸ…பே॰… யோகோ³ கரணீயோ’’தி. நவமங்.
1129. ‘‘Seyyathāpi , bhikkhave, puriso himavato pabbatarājassa satta sāsapamattiyo pāsāṇasakkharā upanikkhipeyya. Taṃ kiṃ maññatha, bhikkhave, katamaṃ nu kho bahutaraṃ – yā vā satta sāsapamattiyo pāsāṇasakkharā upanikkhittā, ayaṃ vā himavā pabbatarājā’’ti? ‘‘Etadeva, bhante, bahutaraṃ, yadidaṃ – himavā pabbatarājā; appamattikā satta sāsapamattiyo pāsāṇasakkharā upanikkhittā. Saṅkhampi na upenti, upanidhampi na upenti, kalabhāgampi na upenti himavantaṃ pabbatarājānaṃ upanidhāya satta sāsapamattiyo pāsāṇasakkharā upanikkhittā’’ti. ‘‘Evameva kho, bhikkhave, ariyasāvakassa…pe… yogo karaṇīyo’’ti. Navamaṃ.
