Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya

7. батамабажжорохан̣ийсуд̇д̇ам̣

7. Paṭhamapaccorohaṇīsuttaṃ

119. д̇зна ко бана самаязна ж̇аан̣уссон̣и ¹ б̣раахман̣о д̇ад̣̇ахубосат̇з сийсам̣нхаад̇о ² навам̣ комаяуг̇ам̣ нивад̇т̇о аллагусамудтим̣ аад̣̇ааяа бхаг̇авад̇о авид̣̇уурз згаманд̇ам̣ тид̇о ход̇и.

119. Tena kho pana samayena jāṇussoṇi ³ brāhmaṇo tadahuposathe sīsaṃnhāto ⁴ navaṃ khomayugaṃ nivattho allakusamuṭṭhiṃ ādāya bhagavato avidūre ekamantaṃ ṭhito hoti.

ад̣̇д̣̇асаа ко бхаг̇аваа ж̇аан̣уссон̣им̣ б̣раахман̣ам̣ д̇ад̣̇ахубосат̇з сийсам̣нхаад̇ам̣ навам̣ комаяуг̇ам̣ нивад̇т̇ам̣ аллагусамудтим̣ аад̣̇ааяа згаманд̇ам̣ тид̇ам̣. д̣̇исваана ж̇аан̣уссон̣им̣ б̣раахман̣ам̣ зд̇ад̣̇авожа – ‘‘гим̣ ну д̇вам̣, б̣раахман̣а, д̇ад̣̇ахубосат̇з сийсам̣нхаад̇о навам̣ комаяуг̇ам̣ нивад̇т̇о аллагусамудтим̣ аад̣̇ааяа згаманд̇ам̣ тид̇о ? гим̣ нваж̇ж̇а ⁵ б̣раахман̣агулассаа’’д̇и ⁶? ‘‘бажжорохан̣ий, бхо г̇од̇ама, аж̇ж̇а б̣раахман̣агулассаа’’д̇и ⁷.

Addasā kho bhagavā jāṇussoṇiṃ brāhmaṇaṃ tadahuposathe sīsaṃnhātaṃ navaṃ khomayugaṃ nivatthaṃ allakusamuṭṭhiṃ ādāya ekamantaṃ ṭhitaṃ. Disvāna jāṇussoṇiṃ brāhmaṇaṃ etadavoca – ‘‘kiṃ nu tvaṃ, brāhmaṇa, tadahuposathe sīsaṃnhāto navaṃ khomayugaṃ nivattho allakusamuṭṭhiṃ ādāya ekamantaṃ ṭhito ? Kiṃ nvajja ⁸ brāhmaṇakulassā’’ti ⁹? ‘‘Paccorohaṇī, bho gotama, ajja brāhmaṇakulassā’’ti ¹⁰.

‘‘яат̇аа гат̇ам̣ бана, б̣раахман̣а, б̣раахман̣аанам̣ бажжорохан̣ий ход̇ий’’д̇и? ‘‘ид̇ха, бхо г̇од̇ама, б̣раахман̣аа д̇ад̣̇ахубосат̇з сийсам̣нхаад̇аа навам̣ комаяуг̇ам̣ нивад̇т̇аа аллзна г̇омаязна бат̇авим̣ обун̃ж̇ид̇ваа харид̇зхи гусзхи бад̇т̇арид̇ваа ¹¹ анд̇араа жа взлам̣ анд̇араа жа аг̇яааг̇аарам̣ сзяяам̣ габбзнд̇и. д̇з д̇ам̣ рад̇д̇им̣ д̇игкад̇д̇ум̣ бажжудтааяа бан̃ж̇алигаа аг̇г̇им̣ намассанд̇и – ‘бажжорохаама бхаванд̇ам̣, бажжорохаама бхаванд̇а’нд̇и. б̣ахугзна жа саббид̇зланаванийд̇зна аг̇г̇им̣ санд̇аббзнд̇и. д̇ассаа жа рад̇д̇ияаа ажжаязна бан̣ийд̇зна каад̣̇анийязна бхож̇анийязна б̣раахман̣з санд̇аббзнд̇и. звам̣, бхо г̇од̇ама, б̣раахман̣аанам̣ бажжорохан̣ий ход̇ий’’д̇и.

‘‘Yathā kathaṃ pana, brāhmaṇa, brāhmaṇānaṃ paccorohaṇī hotī’’ti? ‘‘Idha, bho gotama, brāhmaṇā tadahuposathe sīsaṃnhātā navaṃ khomayugaṃ nivatthā allena gomayena pathaviṃ opuñjitvā haritehi kusehi pattharitvā ¹² antarā ca velaṃ antarā ca agyāgāraṃ seyyaṃ kappenti. Te taṃ rattiṃ tikkhattuṃ paccuṭṭhāya pañjalikā aggiṃ namassanti – ‘paccorohāma bhavantaṃ, paccorohāma bhavanta’nti. Bahukena ca sappitelanavanītena aggiṃ santappenti. Tassā ca rattiyā accayena paṇītena khādanīyena bhojanīyena brāhmaṇe santappenti. Evaṃ, bho gotama, brāhmaṇānaṃ paccorohaṇī hotī’’ti.

‘‘ан̃н̃ат̇аа ко, б̣раахман̣а, б̣раахман̣аанам̣ бажжорохан̣ий ход̇и, ан̃н̃ат̇аа жа бана арияасса винаяз бажжорохан̣ий ход̇ий’’д̇и. ‘‘яат̇аа гат̇ам̣ бана, бхо г̇од̇ама, арияасса винаяз бажжорохан̣ий ход̇и? саад̇ху мз бхавам̣ г̇од̇амо д̇ат̇аа д̇хаммам̣ д̣̇зсзд̇у яат̇аа арияасса винаяз бажжорохан̣ий ход̇ий’’д̇и.

‘‘Aññathā kho, brāhmaṇa, brāhmaṇānaṃ paccorohaṇī hoti, aññathā ca pana ariyassa vinaye paccorohaṇī hotī’’ti. ‘‘Yathā kathaṃ pana, bho gotama, ariyassa vinaye paccorohaṇī hoti? Sādhu me bhavaṃ gotamo tathā dhammaṃ desetu yathā ariyassa vinaye paccorohaṇī hotī’’ti.

‘‘д̇зна хи, б̣раахман̣а, сун̣аахи, саад̇хугам̣ манаси гарохи; бхаасиссаамий’’д̇и. ‘‘звам̣, бхо’’д̇и ко ж̇аан̣уссон̣и б̣раахман̣о бхаг̇авад̇о бажжассоси. бхаг̇аваа зд̇ад̣̇авожа –

‘‘Tena hi, brāhmaṇa, suṇāhi, sādhukaṃ manasi karohi; bhāsissāmī’’ti. ‘‘Evaṃ, bho’’ti kho jāṇussoṇi brāhmaṇo bhagavato paccassosi. Bhagavā etadavoca –

‘‘ид̇ха , б̣раахман̣а, арияасааваго ид̇и бадисан̃жигкад̇и – ‘мижчаад̣̇идтияаа ко баабаго вибааго д̣̇идтз жзва д̇хаммз абхисамбарааяан̃жаа’ д̇и. со ид̇и бадисан̇кааяа мижчаад̣̇идтим̣ баж̇ахад̇и; мижчаад̣̇идтияаа бажжорохад̇и.

‘‘Idha , brāhmaṇa, ariyasāvako iti paṭisañcikkhati – ‘micchādiṭṭhiyā kho pāpako vipāko diṭṭhe ceva dhamme abhisamparāyañcā’ ti. So iti paṭisaṅkhāya micchādiṭṭhiṃ pajahati; micchādiṭṭhiyā paccorohati.

… мижчаасан̇габбасса ко баабаго вибааго – д̣̇идтз жзва д̇хаммз абхисамбарааяан̃жаад̇и. со ид̇и бадисан̇кааяа мижчаасан̇габбам̣ баж̇ахад̇и; мижчаасан̇габбаа бажжорохад̇и.

… Micchāsaṅkappassa kho pāpako vipāko – diṭṭhe ceva dhamme abhisamparāyañcāti. So iti paṭisaṅkhāya micchāsaṅkappaṃ pajahati; micchāsaṅkappā paccorohati.

… мижчааваажааяа ко баабаго вибааго – д̣̇идтз жзва д̇хаммз абхисамбарааяан̃жаад̇и. со ид̇и бадисан̇кааяа мижчааваажам̣ баж̇ахад̇и; мижчааваажааяа бажжорохад̇и.

… Micchāvācāya kho pāpako vipāko – diṭṭhe ceva dhamme abhisamparāyañcāti. So iti paṭisaṅkhāya micchāvācaṃ pajahati; micchāvācāya paccorohati.

…мижчаагамманд̇асса ко баабаго вибааго – д̣̇идтз жзва д̇хаммз абхисамбарааяан̃жаад̇и. со ид̇и бадисан̇кааяа мижчаагамманд̇ам̣ баж̇ахад̇и; мижчаагамманд̇аа бажжорохад̇и.

…Micchākammantassa kho pāpako vipāko – diṭṭhe ceva dhamme abhisamparāyañcāti. So iti paṭisaṅkhāya micchākammantaṃ pajahati; micchākammantā paccorohati.

…мижчааааж̇ийвасса ко баабаго вибааго – д̣̇идтз жзва д̇хаммз абхисамбарааяан̃жаад̇и. со ид̇и бадисан̇кааяа мижчааааж̇ийвам̣ баж̇ахад̇и; мижчааааж̇ийваа бажжорохад̇и.

…Micchāājīvassa kho pāpako vipāko – diṭṭhe ceva dhamme abhisamparāyañcāti. So iti paṭisaṅkhāya micchāājīvaṃ pajahati; micchāājīvā paccorohati.

…мижчаавааяаамасса ко баабаго вибааго – д̣̇идтз жзва д̇хаммз абхисамбарааяан̃жаад̇и. со ид̇и бадисан̇кааяа мижчаавааяаамам̣ баж̇ахад̇и; мижчаавааяаамаа бажжорохад̇и.

…Micchāvāyāmassa kho pāpako vipāko – diṭṭhe ceva dhamme abhisamparāyañcāti. So iti paṭisaṅkhāya micchāvāyāmaṃ pajahati; micchāvāyāmā paccorohati.

…мижчаасад̇ияаа ко баабаго вибааго – д̣̇идтз жзва д̇хаммз абхисамбарааяан̃жаад̇и. со ид̇и бадисан̇кааяа мижчаасад̇им̣ баж̇ахад̇и; мижчаасад̇ияаа бажжорохад̇и.

…Micchāsatiyā kho pāpako vipāko – diṭṭhe ceva dhamme abhisamparāyañcāti. So iti paṭisaṅkhāya micchāsatiṃ pajahati; micchāsatiyā paccorohati.

…мижчаасамаад̇хисса ко баабаго вибааго – д̣̇идтз жзва д̇хаммз абхисамбарааяан̃жаад̇и. со ид̇и бадисан̇кааяа мижчаасамаад̇хим̣ баж̇ахад̇и; мижчаасамаад̇химхаа бажжорохад̇и.

…Micchāsamādhissa kho pāpako vipāko – diṭṭhe ceva dhamme abhisamparāyañcāti. So iti paṭisaṅkhāya micchāsamādhiṃ pajahati; micchāsamādhimhā paccorohati.

…мижчаан̃аан̣асса ко баабаго вибааго – д̣̇идтз жзва д̇хаммз абхисамбарааяан̃жаад̇и. со ид̇и бадисан̇кааяа мижчаан̃аан̣ам̣ баж̇ахад̇и; мижчаан̃аан̣амхаа бажжорохад̇и.

…Micchāñāṇassa kho pāpako vipāko – diṭṭhe ceva dhamme abhisamparāyañcāti. So iti paṭisaṅkhāya micchāñāṇaṃ pajahati; micchāñāṇamhā paccorohati.

‘мижчаавимуд̇д̇ияаа ко баабаго вибааго – д̣̇идтз жзва д̇хаммз абхисамбарааяан̃жаа’д̇и. со ид̇и бадисан̇кааяа мижчаавимуд̇д̇им̣ баж̇ахад̇и; мижчаавимуд̇д̇ияаа бажжорохад̇и. звам̣ ко, б̣раахман̣а, арияасса винаяз бажжорохан̣ий ход̇ий’’д̇и.

‘Micchāvimuttiyā kho pāpako vipāko – diṭṭhe ceva dhamme abhisamparāyañcā’ti. So iti paṭisaṅkhāya micchāvimuttiṃ pajahati; micchāvimuttiyā paccorohati. Evaṃ kho, brāhmaṇa, ariyassa vinaye paccorohaṇī hotī’’ti.

‘‘ан̃н̃ат̇аа, бхо г̇од̇ама, б̣раахман̣аанам̣ бажжорохан̣ий, ан̃н̃ат̇аа жа бана арияасса винаяз бажжорохан̣ий ход̇и. имиссаа жа, бхо г̇од̇ама, арияасса винаяз бажжорохан̣ияаа б̣раахман̣аанам̣ бажжорохан̣ий галам̣ нааг̇гхад̇и сол̣асим̣. абхигганд̇ам̣ , бхо г̇од̇ама…бз… убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и. сад̇д̇амам̣.

‘‘Aññathā, bho gotama, brāhmaṇānaṃ paccorohaṇī, aññathā ca pana ariyassa vinaye paccorohaṇī hoti. Imissā ca, bho gotama, ariyassa vinaye paccorohaṇiyā brāhmaṇānaṃ paccorohaṇī kalaṃ nāgghati soḷasiṃ. Abhikkantaṃ , bho gotama…pe… upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti. Sattamaṃ.

Next: 8. д̣̇уд̇ияабажжорохан̣ийсуд̇д̇ам̣ • 8. Dutiyapaccorohaṇīsuttaṃ

Footnotes:

1. ж̇аануссони (га. сий.), ж̇аануссон̣и (га. сий.), ж̇аан̣усон̣и (га.)

2. сийсам̣нахаад̇о (сий. бий.), сийсанхаад̇о (сяаа.)

3. jānussoni (ka. sī.), jānussoṇi (ka. sī.), jāṇusoṇi (ka.)

4. sīsaṃnahāto (sī. pī.), sīsanhāto (syā.)

5. гим̣ ну аж̇ж̇а (сяаа.), гим̣ ну ко аж̇ж̇а (бий.), гим̣ ну кваж̇ж̇а (га.)

6. б̣раахман̣а б̣рахмагусалассаад̇и (га.)

7. б̣рахмагусалассаад̇и (га.)

8. kiṃ nu ajja (syā.), kiṃ nu kho ajja (pī.), kiṃ nu khvajja (ka.)

9. brāhmaṇa brahmakusalassāti (ka.)

10. brahmakusalassāti (ka.)

11. бавид̇т̇аарзд̇ваа (га.)

12. pavitthāretvā (ka.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 7-8. бажжорохан̣ийсуд̇д̇ад̣̇ваяаван̣н̣анаа • 7-8. Paccorohaṇīsuttadvayavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5-42. сан̇г̇ааравасуд̇д̇аад̣̇иван̣н̣анаа • 5-42. Saṅgāravasuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact