| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
1. க³ங்கா³பெய்யாலவக்³கோ³
1. Gaṅgāpeyyālavaggo
1. பட²மபாசீனநின்னஸுத்தங்
1. Paṭhamapācīnaninnasuttaṃ
91. ஸாவத்தி²னிதா³னங் . ‘‘ஸெய்யதா²பி, பி⁴க்க²வே, க³ங்கா³ நதீ³ பாசீனநின்னா பாசீனபோணா பாசீனபப்³பா⁴ரா; ஏவமேவ கோ², பி⁴க்க²வே, பி⁴க்கு² அரியங் அட்ட²ங்கி³கங் மக்³க³ங் பா⁴வெந்தோ அரியங் அட்ட²ங்கி³கங் மக்³க³ங் ப³ஹுலீகரொந்தோ நிப்³பா³னநின்னோ ஹோதி நிப்³பா³னபோணோ நிப்³பா³னபப்³பா⁴ரோ. கத²ஞ்ச, பி⁴க்க²வே , பி⁴க்கு² அரியங் அட்ட²ங்கி³கங் மக்³க³ங் பா⁴வெந்தோ அரியங் அட்ட²ங்கி³கங் மக்³க³ங் ப³ஹுலீகரொந்தோ நிப்³பா³னநின்னோ ஹோதி நிப்³பா³னபோணோ நிப்³பா³னபப்³பா⁴ரோ? இத⁴, பி⁴க்க²வே, பி⁴க்கு² ஸம்மாதி³ட்டி²ங் பா⁴வேதி விவேகனிஸ்ஸிதங் விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங்…பே॰… ஸம்மாஸமாதி⁴ங் பா⁴வேதி விவேகனிஸ்ஸிதங் விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங். ஏவங் கோ², பி⁴க்க²வே, பி⁴க்கு² அரியங் அட்ட²ங்கி³கங் மக்³க³ங் பா⁴வெந்தோ அரியங் அட்ட²ங்கி³கங் மக்³க³ங் ப³ஹுலீகரொந்தோ நிப்³பா³னநின்னோ ஹோதி நிப்³பா³னபோணோ நிப்³பா³னபப்³பா⁴ரோ’’தி. பட²மங்.
91. Sāvatthinidānaṃ . ‘‘Seyyathāpi, bhikkhave, gaṅgā nadī pācīnaninnā pācīnapoṇā pācīnapabbhārā; evameva kho, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto nibbānaninno hoti nibbānapoṇo nibbānapabbhāro. Kathañca, bhikkhave , bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto nibbānaninno hoti nibbānapoṇo nibbānapabbhāro? Idha, bhikkhave, bhikkhu sammādiṭṭhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Evaṃ kho, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto nibbānaninno hoti nibbānapoṇo nibbānapabbhāro’’ti. Paṭhamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7. ஏகத⁴ம்மபெய்யாலவக்³கா³தி³வண்ணனா • 7. Ekadhammapeyyālavaggādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 7. ஏகத⁴ம்மபெய்யாலவக்³கா³தி³வண்ணனா • 7. Ekadhammapeyyālavaggādivaṇṇanā
