| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৯. পঠমপজ্জুন্নধীতুসুত্তৰণ্ণনা
9. Paṭhamapajjunnadhītusuttavaṇṇanā
৩৯. চাতুমহারাজিকস্সাতি চাতুমহারাজিককাযিকস্স। ধম্মো অনুবুদ্ধোতি চতুসচ্চধম্মো পরিঞ্ঞেয্যাদিভাৰস্স অনুরূপতো বুদ্ধো। পচ্চক্খমেৰাতি পরপত্তিযা অহুত্ৰা অত্তপচ্চক্খমেৰ কত্ৰা জানামি। ধম্মং গরহন্তা নাম সদ্দদোসৰসেন ৰা অত্থদোসৰসেন ৰা গরহেয্যুন্তি তং দস্সেন্তো ‘‘হীনক্খর…পে॰… কোতিৰা’’তি আহ। সা পন ‘‘তেসং ৰিগরহা দুম্মেধতায মহানত্থাৰহাৰা’’তি দস্সেন্তী দেৰতা আহ ‘‘দুম্মেধা উপেন্তি রোরুৰ’’ন্তি। ৰিসুং হোতীতি অৰীচিমহানিরযতো ৰিসুং এৰ হোতি। খন্তিযাতি ঞাণখন্তিযা। উপসমেনাতি রাগাদীনং সব্বসো ৰূপসমেন। তেনাহ ‘‘রুচ্চিত্ৰা’’তিআদি।
39.Cātumahārājikassāti cātumahārājikakāyikassa. Dhammo anubuddhoti catusaccadhammo pariññeyyādibhāvassa anurūpato buddho. Paccakkhamevāti parapattiyā ahutvā attapaccakkhameva katvā jānāmi. Dhammaṃ garahantā nāma saddadosavasena vā atthadosavasena vā garaheyyunti taṃ dassento ‘‘hīnakkhara…pe… kotivā’’ti āha. Sā pana ‘‘tesaṃ vigarahā dummedhatāya mahānatthāvahāvā’’ti dassentī devatā āha ‘‘dummedhā upenti roruva’’nti. Visuṃ hotīti avīcimahānirayato visuṃ eva hoti. Khantiyāti ñāṇakhantiyā. Upasamenāti rāgādīnaṃ sabbaso vūpasamena. Tenāha ‘‘ruccitvā’’tiādi.
পঠমপজ্জুন্নধীতুসুত্তৰণ্ণনা নিট্ঠিতা।
Paṭhamapajjunnadhītusuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৯. পঠমপজ্জুন্নধীতুসুত্তং • 9. Paṭhamapajjunnadhītusuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৯. পঠমপজ্জুন্নধীতুসুত্তৰণ্ণনা • 9. Paṭhamapajjunnadhītusuttavaṇṇanā
