| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
9. батамабаж̇ж̇уннад̇хийд̇усуд̇д̇аван̣н̣анаа
9. Paṭhamapajjunnadhītusuttavaṇṇanā
39. навамз баж̇ж̇уннасса д̇хийд̇аад̇и баж̇ж̇уннасса наама вассавалаахагад̣̇зваран̃н̃о жаад̇умахаарааж̇игасса д̇хийд̇аа. абхиванд̣̇зд̇и бхаг̇аваа д̇умхаагам̣ баад̣̇з ванд̣̇аами. жагкумад̇аад̇и бан̃жахи жагкуухи жагкуманд̇зна д̇ат̇ааг̇ад̇зна. д̇хаммо ануб̣уд̣̇д̇ход̇и, ‘‘ид̣̇ам̣ маяаа буб̣б̣з барзсам̣ санд̇игз гзвалам̣ суд̇ам̣язва аасий’’д̇и вад̣̇ад̇и. саахам̣ д̣̇аанийд̇и, саа ахам̣ ид̣̇аани. сагки ж̇аанаамийд̇и, бадивзд̇хавасзна бажжагкамзва ж̇аанаами. виг̇араханд̇аад̇и, ‘‘хийнагкарабад̣̇аб̣яан̃ж̇ано’’д̇и ваа ‘‘анияяааниго’’д̇и ваа звам̣ г̇араханд̇аа. роруванд̇и, д̣̇вз роруваа – д̇хуумароруво жа ж̇аалароруво жа. д̇ад̇т̇а д̇хуумароруво висум̣ ход̇и, ж̇ааларорувод̇и бана авийжимахаанираяассзвзд̇ам̣ наамам̣. д̇ад̇т̇а хи сад̇д̇аа аг̇г̇имхи ж̇аланд̇з ж̇аланд̇з бунаббунам̣ равам̣ раванд̇и, д̇асмаа со ‘‘роруво’’д̇и вужжад̇и. гхоранд̇и д̣̇аарун̣ам̣. канд̇ияаа убасамзна убзд̇аад̇и ружжид̇ваа камаабзд̇ваа г̇ахан̣аканд̇ияаа жа рааг̇аад̣̇иубасамзна жа убзд̇аад̇и. навамам̣.
39. Navame pajjunnassa dhītāti pajjunnassa nāma vassavalāhakadevarañño cātumahārājikassa dhītā. Abhivandeti bhagavā tumhākaṃ pāde vandāmi. Cakkhumatāti pañcahi cakkhūhi cakkhumantena tathāgatena. Dhammo anubuddhoti, ‘‘idaṃ mayā pubbe paresaṃ santike kevalaṃ sutaṃyeva āsī’’ti vadati. Sāhaṃ dānīti, sā ahaṃ idāni. Sakkhi jānāmīti, paṭivedhavasena paccakkhameva jānāmi. Vigarahantāti, ‘‘hīnakkharapadabyañjano’’ti vā ‘‘aniyyāniko’’ti vā evaṃ garahantā. Roruvanti, dve roruvā – dhūmaroruvo ca jālaroruvo ca. Tattha dhūmaroruvo visuṃ hoti, jālaroruvoti pana avīcimahānirayassevetaṃ nāmaṃ. Tattha hi sattā aggimhi jalante jalante punappunaṃ ravaṃ ravanti, tasmā so ‘‘roruvo’’ti vuccati. Ghoranti dāruṇaṃ. Khantiyā upasamena upetāti ruccitvā khamāpetvā gahaṇakhantiyā ca rāgādiupasamena ca upetāti. Navamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. батамабаж̇ж̇уннад̇хийд̇усуд̇д̇ам̣ • 9. Paṭhamapajjunnadhītusuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. батамабаж̇ж̇уннад̇хийд̇усуд̇д̇аван̣н̣анаа • 9. Paṭhamapajjunnadhītusuttavaṇṇanā
