| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๙. ปฐมปชฺชุนฺนธีตุสุตฺตวณฺณนา
9. Paṭhamapajjunnadhītusuttavaṇṇanā
๓๙. จาตุมหาราชิกสฺสาติ จาตุมหาราชิกกายิกสฺสฯ ธโมฺม อนุพุโทฺธติ จตุสจฺจธโมฺม ปริเญฺญยฺยาทิภาวสฺส อนุรูปโต พุโทฺธฯ ปจฺจกฺขเมวาติ ปรปตฺติยา อหุตฺวา อตฺตปจฺจกฺขเมว กตฺวา ชานามิฯ ธมฺมํ ครหนฺตา นาม สทฺทโทสวเสน วา อตฺถโทสวเสน วา ครเหยฺยุนฺติ ตํ ทเสฺสโนฺต ‘‘หีนกฺขร…เป.… โกติวา’’ติ อาหฯ สา ปน ‘‘เตสํ วิครหา ทุเมฺมธตาย มหานตฺถาวหาวา’’ติ ทเสฺสนฺตี เทวตา อาห ‘‘ทุเมฺมธา อุเปนฺติ โรรุว’’นฺติฯ วิสุํ โหตีติ อวีจิมหานิรยโต วิสุํ เอว โหติฯ ขนฺติยาติ ญาณขนฺติยาฯ อุปสเมนาติ ราคาทีนํ สพฺพโส วูปสเมนฯ เตนาห ‘‘รุจฺจิตฺวา’’ติอาทิฯ
39.Cātumahārājikassāti cātumahārājikakāyikassa. Dhammo anubuddhoti catusaccadhammo pariññeyyādibhāvassa anurūpato buddho. Paccakkhamevāti parapattiyā ahutvā attapaccakkhameva katvā jānāmi. Dhammaṃ garahantā nāma saddadosavasena vā atthadosavasena vā garaheyyunti taṃ dassento ‘‘hīnakkhara…pe… kotivā’’ti āha. Sā pana ‘‘tesaṃ vigarahā dummedhatāya mahānatthāvahāvā’’ti dassentī devatā āha ‘‘dummedhā upenti roruva’’nti. Visuṃ hotīti avīcimahānirayato visuṃ eva hoti. Khantiyāti ñāṇakhantiyā. Upasamenāti rāgādīnaṃ sabbaso vūpasamena. Tenāha ‘‘ruccitvā’’tiādi.
ปฐมปชฺชุนฺนธีตุสุตฺตวณฺณนา นิฎฺฐิตาฯ
Paṭhamapajjunnadhītusuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๙. ปฐมปชฺชุนฺนธีตุสุตฺตํ • 9. Paṭhamapajjunnadhītusuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๙. ปฐมปชฺชุนฺนธีตุสุตฺตวณฺณนา • 9. Paṭhamapajjunnadhītusuttavaṇṇanā
