| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੯. ਪਠਮਪਜ੍ਜੁਨ੍ਨਧੀਤੁਸੁਤ੍ਤવਣ੍ਣਨਾ
9. Paṭhamapajjunnadhītusuttavaṇṇanā
੩੯. ਨવਮੇ ਪਜ੍ਜੁਨ੍ਨਸ੍ਸ ਧੀਤਾਤਿ ਪਜ੍ਜੁਨ੍ਨਸ੍ਸ ਨਾਮ વਸ੍ਸવਲਾਹਕਦੇવਰਞ੍ਞੋ ਚਾਤੁਮਹਾਰਾਜਿਕਸ੍ਸ ਧੀਤਾ। ਅਭਿવਨ੍ਦੇਤਿ ਭਗવਾ ਤੁਮ੍ਹਾਕਂ ਪਾਦੇ વਨ੍ਦਾਮਿ। ਚਕ੍ਖੁਮਤਾਤਿ ਪਞ੍ਚਹਿ ਚਕ੍ਖੂਹਿ ਚਕ੍ਖੁਮਨ੍ਤੇਨ ਤਥਾਗਤੇਨ। ਧਮ੍ਮੋ ਅਨੁਬੁਦ੍ਧੋਤਿ, ‘‘ਇਦਂ ਮਯਾ ਪੁਬ੍ਬੇ ਪਰੇਸਂ ਸਨ੍ਤਿਕੇ ਕੇવਲਂ ਸੁਤਂਯੇવ ਆਸੀ’’ਤਿ વਦਤਿ। ਸਾਹਂ ਦਾਨੀਤਿ, ਸਾ ਅਹਂ ਇਦਾਨਿ। ਸਕ੍ਖਿ ਜਾਨਾਮੀਤਿ, ਪਟਿવੇਧવਸੇਨ ਪਚ੍ਚਕ੍ਖਮੇવ ਜਾਨਾਮਿ। વਿਗਰਹਨ੍ਤਾਤਿ, ‘‘ਹੀਨਕ੍ਖਰਪਦਬ੍ਯਞ੍ਜਨੋ’’ਤਿ વਾ ‘‘ਅਨਿਯ੍ਯਾਨਿਕੋ’’ਤਿ વਾ ਏવਂ ਗਰਹਨ੍ਤਾ। ਰੋਰੁવਨ੍ਤਿ, ਦ੍વੇ ਰੋਰੁવਾ – ਧੂਮਰੋਰੁવੋ ਚ ਜਾਲਰੋਰੁવੋ ਚ। ਤਤ੍ਥ ਧੂਮਰੋਰੁવੋ વਿਸੁਂ ਹੋਤਿ, ਜਾਲਰੋਰੁવੋਤਿ ਪਨ ਅવੀਚਿਮਹਾਨਿਰਯਸ੍ਸੇવੇਤਂ ਨਾਮਂ। ਤਤ੍ਥ ਹਿ ਸਤ੍ਤਾ ਅਗ੍ਗਿਮ੍ਹਿ ਜਲਨ੍ਤੇ ਜਲਨ੍ਤੇ ਪੁਨਪ੍ਪੁਨਂ ਰવਂ ਰવਨ੍ਤਿ, ਤਸ੍ਮਾ ਸੋ ‘‘ਰੋਰੁવੋ’’ਤਿ વੁਚ੍ਚਤਿ। ਘੋਰਨ੍ਤਿ ਦਾਰੁਣਂ। ਖਨ੍ਤਿਯਾ ਉਪਸਮੇਨ ਉਪੇਤਾਤਿ ਰੁਚ੍ਚਿਤ੍વਾ ਖਮਾਪੇਤ੍વਾ ਗਹਣਖਨ੍ਤਿਯਾ ਚ ਰਾਗਾਦਿਉਪਸਮੇਨ ਚ ਉਪੇਤਾਤਿ। ਨવਮਂ।
39. Navame pajjunnassa dhītāti pajjunnassa nāma vassavalāhakadevarañño cātumahārājikassa dhītā. Abhivandeti bhagavā tumhākaṃ pāde vandāmi. Cakkhumatāti pañcahi cakkhūhi cakkhumantena tathāgatena. Dhammo anubuddhoti, ‘‘idaṃ mayā pubbe paresaṃ santike kevalaṃ sutaṃyeva āsī’’ti vadati. Sāhaṃ dānīti, sā ahaṃ idāni. Sakkhi jānāmīti, paṭivedhavasena paccakkhameva jānāmi. Vigarahantāti, ‘‘hīnakkharapadabyañjano’’ti vā ‘‘aniyyāniko’’ti vā evaṃ garahantā. Roruvanti, dve roruvā – dhūmaroruvo ca jālaroruvo ca. Tattha dhūmaroruvo visuṃ hoti, jālaroruvoti pana avīcimahānirayassevetaṃ nāmaṃ. Tattha hi sattā aggimhi jalante jalante punappunaṃ ravaṃ ravanti, tasmā so ‘‘roruvo’’ti vuccati. Ghoranti dāruṇaṃ. Khantiyā upasamena upetāti ruccitvā khamāpetvā gahaṇakhantiyā ca rāgādiupasamena ca upetāti. Navamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੯. ਪਠਮਪਜ੍ਜੁਨ੍ਨਧੀਤੁਸੁਤ੍ਤਂ • 9. Paṭhamapajjunnadhītusuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੯. ਪਠਮਪਜ੍ਜੁਨ੍ਨਧੀਤੁਸੁਤ੍ਤવਣ੍ਣਨਾ • 9. Paṭhamapajjunnadhītusuttavaṇṇanā
