| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
பட²மபஞ்ஞத்திகதா²வண்ணனா
Paṭhamapaññattikathāvaṇṇanā
167. யதி³பி அரியா நேவ அத்தனாவ அத்தானங் ஜீவிதா வோரோபேஸுங், நாஞ்ஞமஞ்ஞம்பி ஜீவிதா வோரோபேஸுங், நாபி மிக³லண்டி³கங் ஸமணகுத்தகங் உபஸங்கமித்வா ஸமாத³பேஸுங், ததா²பி யதா²வுத்தேஹி தீஹி பகாரேஹி மதானங் அந்தரே அரியானம்பி ஸப்³பா⁴வதோ ‘‘அரியபுக்³க³லமிஸ்ஸகத்தா’’தி வுத்தங். ந ஹி அரியா பாணாதிபாதங் கரிங்ஸு ந ஸமாத³பேஸுங், நாபி ஸமனுஞ்ஞா அஹேஸுங். அத² வா புது²ஜ்ஜனகாலே அத்தனாவ அத்தானங் கா⁴தெத்வா மரணஸமயே விபஸ்ஸனங் வட்³டெ⁴த்வா அரியமக்³க³ங் படிலபி⁴த்வா மதானம்பி அரியானங் ஸப்³பா⁴வதோ இமினாவ நயேன அத்தனாவ அத்தானங் ஜீவிதா வோரோபனஸ்ஸ அரியானம்பி ஸப்³பா⁴வதோ அரியபுக்³க³லமிஸ்ஸகத்தா ‘‘மோக⁴புரிஸா’’தி ந வுத்தங். ‘‘தே பி⁴க்கூ²’’தி வுத்தந்தி ‘‘கத²ஞ்ஹி நாம தே, பி⁴க்க²வே, பி⁴க்கூ² அத்தனாபி அத்தானங் ஜீவிதா வோரோபெஸ்ஸந்தீ’’தி எத்த² ‘‘மோக⁴புரிஸா’’தி அவத்வா ‘‘தே பி⁴க்கூ²’’தி வுத்தங்.
167. Yadipi ariyā neva attanāva attānaṃ jīvitā voropesuṃ, nāññamaññampi jīvitā voropesuṃ, nāpi migalaṇḍikaṃ samaṇakuttakaṃ upasaṅkamitvā samādapesuṃ, tathāpi yathāvuttehi tīhi pakārehi matānaṃ antare ariyānampi sabbhāvato ‘‘ariyapuggalamissakattā’’ti vuttaṃ. Na hi ariyā pāṇātipātaṃ kariṃsu na samādapesuṃ, nāpi samanuññā ahesuṃ. Atha vā puthujjanakāle attanāva attānaṃ ghātetvā maraṇasamaye vipassanaṃ vaḍḍhetvā ariyamaggaṃ paṭilabhitvā matānampi ariyānaṃ sabbhāvato imināva nayena attanāva attānaṃ jīvitā voropanassa ariyānampi sabbhāvato ariyapuggalamissakattā ‘‘moghapurisā’’ti na vuttaṃ. ‘‘Te bhikkhū’’ti vuttanti ‘‘kathañhi nāma te, bhikkhave, bhikkhū attanāpi attānaṃ jīvitā voropessantī’’ti ettha ‘‘moghapurisā’’ti avatvā ‘‘te bhikkhū’’ti vuttaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 3. ததியபாராஜிகங் • 3. Tatiyapārājikaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 3. ததியபாராஜிகங் • 3. Tatiyapārājikaṃ
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / ஆனாபானஸ்ஸதிஸமாதி⁴கதா²வண்ணனா • Ānāpānassatisamādhikathāvaṇṇanā
