| Library / Tipiṭaka / တိပိဋက • Tipiṭaka / သာရတ္ထဒီပနီ-ဋီကာ • Sāratthadīpanī-ṭīkā |
ပဌမပညတ္တိကထာဝဏ္ဏနာ
Paṭhamapaññattikathāvaṇṇanā
၁၆၇. ယဒိပိ အရိယာ နေဝ အတ္တနာဝ အတ္တာနံ ဇီဝိတာ ဝောရောပေသုံ, နာညမညမ္ပိ ဇီဝိတာ ဝောရောပေသုံ, နာပိ မိဂလဏ္ဍိကံ သမဏကုတ္တကံ ဥပသင္ကမိတ္ဝာ သမာဒပေသုံ, တထာပိ ယထာဝုတ္တေဟိ တီဟိ ပကာရေဟိ မတာနံ အန္တရေ အရိယာနမ္ပိ သဗ္ဘာဝတော ‘‘အရိယပုဂ္ဂလမိသ္သကတ္တာ’’တိ ဝုတ္တံ။ န ဟိ အရိယာ ပာဏာတိပာတံ ကရိံသု န သမာဒပေသုံ, နာပိ သမနုညာ အဟေသုံ။ အထ ဝာ ပုထုဇ္ဇနကာလေ အတ္တနာဝ အတ္တာနံ ဃာတေတ္ဝာ မရဏသမယေ ဝိပသ္သနံ ဝဍ္ဎေတ္ဝာ အရိယမဂ္ဂံ ပဋိလဘိတ္ဝာ မတာနမ္ပိ အရိယာနံ သဗ္ဘာဝတော ဣမိနာဝ နယေန အတ္တနာဝ အတ္တာနံ ဇီဝိတာ ဝောရောပနသ္သ အရိယာနမ္ပိ သဗ္ဘာဝတော အရိယပုဂ္ဂလမိသ္သကတ္တာ ‘‘မောဃပုရိသာ’’တိ န ဝုတ္တံ။ ‘‘တေ ဘိက္ခူ’’တိ ဝုတ္တန္တိ ‘‘ကထဉ္ဟိ နာမ တေ, ဘိက္ခဝေ, ဘိက္ခူ အတ္တနာပိ အတ္တာနံ ဇီဝိတာ ဝောရောပေသ္သန္တီ’’တိ ဧတ္ထ ‘‘မောဃပုရိသာ’’တိ အဝတ္ဝာ ‘‘တေ ဘိက္ခူ’’တိ ဝုတ္တံ။
167. Yadipi ariyā neva attanāva attānaṃ jīvitā voropesuṃ, nāññamaññampi jīvitā voropesuṃ, nāpi migalaṇḍikaṃ samaṇakuttakaṃ upasaṅkamitvā samādapesuṃ, tathāpi yathāvuttehi tīhi pakārehi matānaṃ antare ariyānampi sabbhāvato ‘‘ariyapuggalamissakattā’’ti vuttaṃ. Na hi ariyā pāṇātipātaṃ kariṃsu na samādapesuṃ, nāpi samanuññā ahesuṃ. Atha vā puthujjanakāle attanāva attānaṃ ghātetvā maraṇasamaye vipassanaṃ vaḍḍhetvā ariyamaggaṃ paṭilabhitvā matānampi ariyānaṃ sabbhāvato imināva nayena attanāva attānaṃ jīvitā voropanassa ariyānampi sabbhāvato ariyapuggalamissakattā ‘‘moghapurisā’’ti na vuttaṃ. ‘‘Te bhikkhū’’ti vuttanti ‘‘kathañhi nāma te, bhikkhave, bhikkhū attanāpi attānaṃ jīvitā voropessantī’’ti ettha ‘‘moghapurisā’’ti avatvā ‘‘te bhikkhū’’ti vuttaṃ.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၃. တတိယပာရာဇိကံ • 3. Tatiyapārājikaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၃. တတိယပာရာဇိကံ • 3. Tatiyapārājikaṃ
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / အာနာပာနသ္သတိသမာဓိကထာဝဏ္ဏနာ • Ānāpānassatisamādhikathāvaṇṇanā
