| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
3. д̇ад̇ияабаарааж̇игам̣
3. Tatiyapārājikaṃ
д̇ийхийд̇и гааяаважийманод̣̇ваарзхи. вибхаавид̇анд̇и багаасид̇ам̣, д̣̇зсид̇ам̣ бан̃н̃ад̇д̇анд̇и вуд̇д̇ам̣ ход̇и.
Tīhīti kāyavacīmanodvārehi. Vibhāvitanti pakāsitaṃ, desitaṃ paññattanti vuttaṃ hoti.
батамабан̃н̃ад̇д̇инид̣̇аанаван̣н̣анаа
Paṭhamapaññattinidānavaṇṇanā
162. д̇игкад̇д̇ум̣ баагаарабаригкзбавад̣дханзнаад̇и д̇игкад̇д̇ум̣ баагаарабаригкзбзна наг̇арабхуумияаа вад̣дханзна. висаалийбхууд̇ад̇д̇аад̇и г̇аавуд̇анд̇арам̣ г̇аавуд̇анд̇арам̣ бут̇убхууд̇ад̇д̇аа. б̣аараан̣асиран̃н̃о гира (ма. ни. адта. 1.146; ку. баа. адта. 6. рад̇анасуд̇д̇аван̣н̣анаа) аг̇г̇амахзсияаа гужчимхи г̇аб̣бхо сан̣тааси, саа н̃ад̇ваа ран̃н̃о нивзд̣̇зси, рааж̇аа г̇аб̣бхабарихаарам̣ ад̣̇ааси. саа саммаа барихарияамаанаа г̇аб̣бхабарибаагагаалз виж̇ааяанагхарам̣ баависи. бун̃н̃аванд̇ийнам̣ бажжуусасамаяз г̇аб̣бхавудтаанам̣ ход̇и, саа жа д̇аасам̣ ан̃н̃ад̇араа, д̇зна бажжуусасамаяз алад̇д̇агабадалаб̣анд̇хуж̇ийвагабубпасад̣̇исам̣ мам̣сабзсим̣ виж̇ааяи. д̇ад̇о ‘‘ан̃н̃аа д̣̇звияо суван̣н̣аб̣имб̣асад̣̇исз буд̇д̇з виж̇ааяанд̇и, аг̇г̇амахзсий мам̣сабзсинд̇и ран̃н̃о бурад̇о мама аван̣н̣о уббаж̇ж̇зяяаа’’д̇и жинд̇зд̇ваа д̇зна аван̣н̣абхаязна д̇ам̣ мам̣сабзсим̣ згасмим̣ бхааж̇анз багкибид̇ваа бадигуж̇ж̇ид̇ваа рааж̇амуд̣̇д̣̇игааяа лан̃чзд̇ваа г̇ан̇г̇ааяа сод̇з багкибаабзси. мануссзхи чад̣д̣ид̇амад̇д̇з д̣̇звад̇аа аарагкам̣ сам̣вид̣̇ахим̣су. суван̣н̣абаддиган̃жзд̇т̇а ж̇аад̇ихин̇г̇улагзна ‘‘б̣аараан̣асиран̃н̃о аг̇г̇амахзсияаа баж̇аа’’д̇и ликид̇ваа б̣анд̇хим̣су. д̇ад̇о д̇ам̣ бхааж̇анам̣ уумибхаяаад̣̇ийхи анубад̣̇д̣̇уд̇ам̣ г̇ан̇г̇аасод̇зна бааяааси.
162.Tikkhattuṃ pākāraparikkhepavaḍḍhanenāti tikkhattuṃ pākāraparikkhepena nagarabhūmiyā vaḍḍhanena. Visālībhūtattāti gāvutantaraṃ gāvutantaraṃ puthubhūtattā. Bārāṇasirañño kira (ma. ni. aṭṭha. 1.146; khu. pā. aṭṭha. 6. ratanasuttavaṇṇanā) aggamahesiyā kucchimhi gabbho saṇṭhāsi, sā ñatvā rañño nivedesi, rājā gabbhaparihāraṃ adāsi. Sā sammā parihariyamānā gabbhaparipākakāle vijāyanagharaṃ pāvisi. Puññavantīnaṃ paccūsasamaye gabbhavuṭṭhānaṃ hoti, sā ca tāsaṃ aññatarā, tena paccūsasamaye alattakapaṭalabandhujīvakapupphasadisaṃ maṃsapesiṃ vijāyi. Tato ‘‘aññā deviyo suvaṇṇabimbasadise putte vijāyanti, aggamahesī maṃsapesinti rañño purato mama avaṇṇo uppajjeyyā’’ti cintetvā tena avaṇṇabhayena taṃ maṃsapesiṃ ekasmiṃ bhājane pakkhipitvā paṭikujjitvā rājamuddikāya lañchetvā gaṅgāya sote pakkhipāpesi. Manussehi chaḍḍitamatte devatā ārakkhaṃ saṃvidahiṃsu. Suvaṇṇapaṭṭikañcettha jātihiṅgulakena ‘‘bārāṇasirañño aggamahesiyā pajā’’ti likhitvā bandhiṃsu. Tato taṃ bhājanaṃ ūmibhayādīhi anupaddutaṃ gaṅgāsotena pāyāsi.
д̇зна жа самаязна ан̃н̃ад̇аро д̇аабасо г̇обаалагагулам̣ ниссааяа г̇ан̇г̇аад̇ийрз вихарад̇и. со баад̇ова г̇ан̇г̇ам̣ од̇ин̣н̣о д̇ам̣ бхааж̇анам̣ ааг̇ажчанд̇ам̣ д̣̇исваа бам̣сугууласан̃н̃ааяа аг̇г̇ахзси. ат̇зд̇т̇а д̇ам̣ агкарабаддигам̣ рааж̇амуд̣̇д̣̇игаалан̃чанан̃жа д̣̇исваа мун̃жид̇ваа д̇ам̣ мам̣сабзсим̣ ад̣̇д̣̇аса. д̣̇исваанасса зд̇ад̣̇ахоси ‘‘сияаа г̇аб̣бхо, д̇ат̇аа хисса д̣̇уг̇г̇анд̇хабууд̇ибхааво над̇т̇ий’’д̇и. уд̣̇агаббаваахзнааг̇ад̇ассаби хи усмаа на виг̇ажчад̇и, усмаа жа наама ийд̣̇исааяа савин̃н̃аан̣агад̇ааяа бхавзяяаад̇и ‘‘сияаа г̇аб̣бхо’’д̇и жинд̇зси. бун̃н̃аванд̇ад̇ааяа бана д̣̇уг̇г̇анд̇хам̣ наахоси саусумаг̇ад̇ааяа бууд̇ибхааво жа. звам̣ бана жинд̇зд̇ваа ассамам̣ нзд̇ваа нам̣ суд̣̇д̇хз огаасз табзси. ат̇а ад̣дхамаасажжаязна д̣̇вз мам̣сабзсияо ахзсум̣. д̇аабасо д̣̇исваа саад̇хугад̇арам̣ табзси. д̇ад̇о буна ад̣дхамаасажжаязна згамзгиссаа бзсияаа хад̇т̇абаад̣̇асийсаанамад̇т̇ааяа бан̃жа бан̃жа бил̣агаа удтахим̣су. ат̇а д̇ад̇о ад̣дхамаасажжаязна згаа мам̣сабзси суван̣н̣аб̣имб̣асад̣̇исо д̣̇аараго, згаа д̣̇ааригаа ахоси. д̇зсу д̇аабасасса буд̇д̇асинзхо уббаж̇ж̇и, д̣̇аарагаанам̣ бун̃н̃убаниссаяад̇о ан̇г̇удтагад̇о жасса кийрам̣ ниб̣б̣ад̇д̇и. д̇ад̇о бабхуд̇и жа кийрабхад̇д̇ам̣ алабхид̇т̇а. д̇аабасо бхад̇д̇ам̣ бхун̃ж̇ид̇ваа кийрам̣ д̣̇аарагаанам̣ мукз аасин̃жад̇и. д̇зсам̣ бана яам̣ яам̣ уд̣̇арам̣ бависад̇и, д̇ам̣ саб̣б̣ам̣ ман̣ибхааж̇анаг̇ад̇ам̣ вияа д̣̇иссад̇и. жаримабхавз б̣од̇хисад̇д̇з гужчиг̇ад̇з б̣од̇хисад̇д̇амаад̇у вияа уд̣̇аражчавияаа ажчавиббасаннад̇ааяа звам̣ д̇з нижчавий ахзсум̣. абарз ааху ‘‘сиб̣б̣ид̇ваа табид̇аа вияа нзсам̣ ан̃н̃аман̃н̃ам̣ лийнаа чави ахосий’’д̇и. звам̣ д̇з нижчавид̇ааяа ваа лийнажчавид̇ааяа ваа ‘‘лижчавий’’д̇и бан̃н̃ааяим̣су.
Tena ca samayena aññataro tāpaso gopālakakulaṃ nissāya gaṅgātīre viharati. So pātova gaṅgaṃ otiṇṇo taṃ bhājanaṃ āgacchantaṃ disvā paṃsukūlasaññāya aggahesi. Athettha taṃ akkharapaṭṭikaṃ rājamuddikālañchanañca disvā muñcitvā taṃ maṃsapesiṃ addasa. Disvānassa etadahosi ‘‘siyā gabbho, tathā hissa duggandhapūtibhāvo natthī’’ti. Udakappavāhenāgatassapi hi usmā na vigacchati, usmā ca nāma īdisāya saviññāṇakatāya bhaveyyāti ‘‘siyā gabbho’’ti cintesi. Puññavantatāya pana duggandhaṃ nāhosi sausumagatāya pūtibhāvo ca. Evaṃ pana cintetvā assamaṃ netvā naṃ suddhe okāse ṭhapesi. Atha aḍḍhamāsaccayena dve maṃsapesiyo ahesuṃ. Tāpaso disvā sādhukataraṃ ṭhapesi. Tato puna aḍḍhamāsaccayena ekamekissā pesiyā hatthapādasīsānamatthāya pañca pañca piḷakā uṭṭhahiṃsu. Atha tato aḍḍhamāsaccayena ekā maṃsapesi suvaṇṇabimbasadiso dārako, ekā dārikā ahosi. Tesu tāpasassa puttasineho uppajji, dārakānaṃ puññupanissayato aṅguṭṭhakato cassa khīraṃ nibbatti. Tato pabhuti ca khīrabhattaṃ alabhittha. Tāpaso bhattaṃ bhuñjitvā khīraṃ dārakānaṃ mukhe āsiñcati. Tesaṃ pana yaṃ yaṃ udaraṃ pavisati, taṃ sabbaṃ maṇibhājanagataṃ viya dissati. Carimabhave bodhisatte kucchigate bodhisattamātu viya udaracchaviyā acchavippasannatāya evaṃ te nicchavī ahesuṃ. Apare āhu ‘‘sibbitvā ṭhapitā viya nesaṃ aññamaññaṃ līnā chavi ahosī’’ti. Evaṃ te nicchavitāya vā līnacchavitāya vā ‘‘licchavī’’ti paññāyiṃsu.
д̇аабасо д̣̇аарагз босзнд̇о уссуурз г̇аамам̣ бхигкааяа бависад̇и, ад̇ид̣̇иваа бадиггамад̇и. д̇асса д̇ам̣ б̣яаабаарам̣ н̃ад̇ваа г̇обаалагаа аахам̣су – ‘‘бханд̇з, баб̣б̣аж̇ид̇аанам̣ д̣̇аарагабосанам̣ балиб̣од̇хо, амхаагам̣ д̣̇аарагз д̣̇зт̇а, маяам̣ босзссаама, д̇умхз ад̇д̇ано гаммам̣ гарот̇аа’’д̇и. д̇аабасо ‘‘саад̇хуу’’д̇и бадиссун̣и. г̇обаалагаа д̣̇уд̇ияад̣̇ивасз маг̇г̇ам̣ самам̣ гад̇ваа бубпзхи огирид̇ваа д̇хаж̇абадаагаа уссаабзд̇ваа д̇ууриязхи важ̇ж̇амаанзхи ассамам̣ ааг̇ад̇аа. д̇аабасо ‘‘махаабун̃н̃аа д̣̇аарагаа, аббамаад̣̇знзва вад̣дхзт̇а, вад̣дхзд̇ваа ан̃н̃аман̃н̃ам̣ ааваахам̣ гарот̇а, бан̃жаг̇орасзна рааж̇аанам̣ д̇осзд̇ваа бхуумибхааг̇ам̣ г̇ахзд̇ваа наг̇арам̣ маабзт̇а, д̇ад̇т̇а гумаарам̣ абхисин̃жат̇аа’’д̇и вад̇ваа д̣̇аарагз ад̣̇ааси. д̇з ‘‘саад̇хуу’’д̇и бадиссун̣ид̇ваа д̣̇аарагз нзд̇ваа босзсум̣. д̣̇аарагаа вуд̣дхиманвааяа гийл̣анд̇аа виваад̣̇адтаанзсу ан̃н̃з г̇обаалагад̣̇аарагз хад̇т̇знаби баад̣̇знаби бахаранд̇и, д̇з род̣̇анд̇и. ‘‘гисса род̣̇ат̇аа’’д̇и жа маад̇аабид̇уухи вуд̇д̇аа ‘‘имз ниммаад̇аабид̇игаа д̇аабасабосид̇аа амхз ад̇ийва бахаранд̇ий’’д̇и вад̣̇анд̇и. д̇ад̇о нзсам̣ босагамаад̇аабид̇ароби ‘‘имз д̣̇аарагаа ан̃н̃з д̣̇аарагз вихзсзнд̇и д̣̇угкаабзнд̇и, на имз сан̇г̇ахзд̇аб̣б̣аа, важ̇ж̇зд̇аб̣б̣аа имз’’д̇и аахам̣су. д̇ад̇о бабхуд̇и гира со бад̣̇зсо ‘‘важ̇ж̇ий’’д̇и вужжад̇и яож̇анасад̇абаримаан̣зна.
Tāpaso dārake posento ussūre gāmaṃ bhikkhāya pavisati, atidivā paṭikkamati. Tassa taṃ byāpāraṃ ñatvā gopālakā āhaṃsu – ‘‘bhante, pabbajitānaṃ dārakaposanaṃ palibodho, amhākaṃ dārake detha, mayaṃ posessāma, tumhe attano kammaṃ karothā’’ti. Tāpaso ‘‘sādhū’’ti paṭissuṇi. Gopālakā dutiyadivase maggaṃ samaṃ katvā pupphehi okiritvā dhajapaṭākā ussāpetvā tūriyehi vajjamānehi assamaṃ āgatā. Tāpaso ‘‘mahāpuññā dārakā, appamādeneva vaḍḍhetha, vaḍḍhetvā aññamaññaṃ āvāhaṃ karotha, pañcagorasena rājānaṃ tosetvā bhūmibhāgaṃ gahetvā nagaraṃ māpetha, tattha kumāraṃ abhisiñcathā’’ti vatvā dārake adāsi. Te ‘‘sādhū’’ti paṭissuṇitvā dārake netvā posesuṃ. Dārakā vuḍḍhimanvāya kīḷantā vivādaṭṭhānesu aññe gopālakadārake hatthenapi pādenapi paharanti, te rodanti. ‘‘Kissa rodathā’’ti ca mātāpitūhi vuttā ‘‘ime nimmātāpitikā tāpasapositā amhe atīva paharantī’’ti vadanti. Tato nesaṃ posakamātāpitaropi ‘‘ime dārakā aññe dārake vihesenti dukkhāpenti, na ime saṅgahetabbā, vajjetabbā ime’’ti āhaṃsu. Tato pabhuti kira so padeso ‘‘vajjī’’ti vuccati yojanasataparimāṇena.
ат̇а д̇ам̣ бад̣̇зсам̣ г̇обаалагаа рааж̇аанам̣ д̇осзд̇ваа аг̇г̇ахзсум̣. д̇ад̇т̇а жа наг̇арам̣ маабзд̇ваа сол̣асавассуд̣̇д̣̇зсигам̣ гумаарам̣ абхисин̃жид̇ваа рааж̇аанам̣ агам̣су. раж̇ж̇асамбад̇д̇ид̣̇ааяагасса гаммасса гад̇ад̇д̇аа асамбхиннз зва рааж̇агулз уббаннад̇д̇аа жа рааж̇агумаарасса бун̃н̃аанубхаавасан̃жод̣̇ид̇аа д̣̇звад̇аад̇хиг̇г̇ахид̇аа агам̣сууд̇и гзжи. д̣̇аарагасса д̣̇ааригааяа сад̣̇д̇хим̣ ваарзяяам̣ гад̇ваа гад̇игам̣ агам̣су ‘‘б̣аахирад̇о д̣̇ааригаа на аанзд̇аб̣б̣аа, ид̇о д̣̇ааригаа на гассажи д̣̇аад̇аб̣б̣аа’’д̇и. д̇зсам̣ батамасам̣ваасзна д̣̇вз д̣̇аарагаа ж̇аад̇аа д̇хийд̇аа жа буд̇д̇о жа. звам̣ сол̣асагкад̇д̇ум̣ д̣̇вз д̣̇вз ж̇аад̇аа. д̇ад̇о д̇зсам̣ д̣̇аарагаанам̣ яат̇ааггамам̣ вад̣дханд̇аанам̣ аараамуяяаананиваасадтаанабариваарасамбад̇д̇им̣ г̇ахзд̇ум̣ аббахонд̇ам̣ наг̇арам̣ д̇игкад̇д̇ум̣ г̇аавуд̇анд̇арзна г̇аавуд̇анд̇арзна баригкибим̣су. д̇асса бунаббунам̣ висаалийгад̇ад̇д̇аа ‘‘взсаалий’’д̇взва наамам̣ ж̇аад̇ам̣. д̇зна вуд̇д̇ам̣ – ‘‘д̇игкад̇д̇ум̣ баагаарабаригкзбавад̣дханзна висаалийбхууд̇ад̇д̇аа взсаалийд̇и вужжад̇ий’’д̇и.
Atha taṃ padesaṃ gopālakā rājānaṃ tosetvā aggahesuṃ. Tattha ca nagaraṃ māpetvā soḷasavassuddesikaṃ kumāraṃ abhisiñcitvā rājānaṃ akaṃsu. Rajjasampattidāyakassa kammassa katattā asambhinne eva rājakule uppannattā ca rājakumārassa puññānubhāvasañcoditā devatādhiggahitā akaṃsūti keci. Dārakassa dārikāya saddhiṃ vāreyyaṃ katvā katikaṃ akaṃsu ‘‘bāhirato dārikā na ānetabbā, ito dārikā na kassaci dātabbā’’ti. Tesaṃ paṭhamasaṃvāsena dve dārakā jātā dhītā ca putto ca. Evaṃ soḷasakkhattuṃ dve dve jātā. Tato tesaṃ dārakānaṃ yathākkamaṃ vaḍḍhantānaṃ ārāmuyyānanivāsaṭṭhānaparivārasampattiṃ gahetuṃ appahontaṃ nagaraṃ tikkhattuṃ gāvutantarena gāvutantarena parikkhipiṃsu. Tassa punappunaṃ visālīkatattā ‘‘vesālī’’tveva nāmaṃ jātaṃ. Tena vuttaṃ – ‘‘tikkhattuṃ pākāraparikkhepavaḍḍhanena visālībhūtattā vesālīti vuccatī’’ti.
ид̣̇амби жа наг̇аранд̇и на гзвалам̣ рааж̇аг̇ахасаавад̇т̇ияо язваад̇и д̣̇ассзд̇и. д̇ад̇т̇а махааванам̣ наамаад̇иаад̣̇и маж̇жхимабхаан̣агасам̣яуд̇д̇абхаан̣агаанам̣ самаанадтагат̇аа. маж̇жхимадтагат̇ааяан̃хи (ма. ни. адта. 1.146) сам̣яуд̇д̇адтагат̇ааяан̃жа (сам̣. ни. адта. 3.5.984-985) иминаава наязна вуд̇д̇ам̣. д̣̇ийгханигааяадтагат̇ааяам̣ (д̣̇ий. ни. адта. 1.359) бана ‘‘махааванзд̇и б̣ахинаг̇арз химаванд̇зна сад̣̇д̇хим̣ згааб̣ад̣̇д̇хам̣ худ̇ваа тид̇ам̣ саяам̣ж̇аад̇ам̣ ванам̣ ад̇т̇и, яам̣ маханд̇абхаавзнзва махаавананд̇и вужжад̇и, д̇асмим̣ махааванз. гуудааг̇аарасаалааяанд̇и д̇асмим̣ ванасан̣д̣з сан̇гхаараамам̣ бад̇идтаабзсум̣. д̇ад̇т̇а ган̣н̣игам̣ яож̇зд̇ваа т̇амбхаанам̣ убари гуудааг̇аарасаалаасан̇кзбзна д̣̇звавимаанасад̣̇исам̣ баасаад̣̇ам̣ агам̣су, д̇ам̣ убаад̣̇ааяа сагалоби сан̇гхаараамо гуудааг̇аарасаалаад̇и бан̃н̃ааяид̇т̇аа’’д̇и вуд̇д̇ам̣. ванамаж̇жхз гад̇ад̇д̇аа ‘‘ванам̣ ниссааяаа’’д̇и вуд̇д̇ам̣. аараамзд̇и сан̇гхаараамз. хам̣саваддагажчад̣̇анзнаад̇и хам̣саваддагабадижчаннзна, хам̣саман̣д̣алаагаарзнаад̇и ад̇т̇о.
Idampi ca nagaranti na kevalaṃ rājagahasāvatthiyo yevāti dasseti. Tattha mahāvanaṃ nāmātiādi majjhimabhāṇakasaṃyuttabhāṇakānaṃ samānaṭṭhakathā. Majjhimaṭṭhakathāyañhi (ma. ni. aṭṭha. 1.146) saṃyuttaṭṭhakathāyañca (saṃ. ni. aṭṭha. 3.5.984-985) imināva nayena vuttaṃ. Dīghanikāyaṭṭhakathāyaṃ (dī. ni. aṭṭha. 1.359) pana ‘‘mahāvaneti bahinagare himavantena saddhiṃ ekābaddhaṃ hutvā ṭhitaṃ sayaṃjātaṃ vanaṃ atthi, yaṃ mahantabhāveneva mahāvananti vuccati, tasmiṃ mahāvane. Kūṭāgārasālāyanti tasmiṃ vanasaṇḍe saṅghārāmaṃ patiṭṭhāpesuṃ. Tattha kaṇṇikaṃ yojetvā thambhānaṃ upari kūṭāgārasālāsaṅkhepena devavimānasadisaṃ pāsādaṃ akaṃsu, taṃ upādāya sakalopi saṅghārāmo kūṭāgārasālāti paññāyitthā’’ti vuttaṃ. Vanamajjhe katattā ‘‘vanaṃ nissāyā’’ti vuttaṃ. Ārāmeti saṅghārāme. Haṃsavaṭṭakacchadanenāti haṃsavaṭṭakapaṭicchannena, haṃsamaṇḍalākārenāti attho.
анзгабарияааязнаад̇и зд̇т̇а барияааяа-сад̣̇д̣̇о гааран̣аважанод̇и ааха ‘‘анзгзхи гааран̣зхий’’д̇и, аяам̣ гааяо авин̃н̃аан̣агоби савин̃н̃аан̣агоби звамби асубхо звамби асубход̇и наанаавид̇хзхи гааран̣зхийд̇и ад̇т̇о. асубхаагаарасанд̣̇ассанаббавад̇д̇анд̇и гзсаад̣̇ивасзна д̇ад̇т̇ааби ван̣н̣аад̣̇ид̇о асубхаагаарасса саб̣б̣асо д̣̇ассанавасзна бавад̇д̇ам̣. гааяавижчанд̣̇анияагат̇анд̇и ад̇д̇ано барасса жа гараж̇агааяз вижчанд̣̇ануббаад̣̇анагат̇ам̣. муд̇д̇ам̣ ваад̇иаад̣̇инаа б̣яад̇ирзгамукзна гааяасса аманун̃н̃ад̇ам̣ д̣̇ассзд̇и. д̇ад̇т̇а аад̣̇ид̇о д̇ийхи бад̣̇зхи ад̣̇ассанийяад̇ааяа асаарагад̇ааяа маж̇жхз жад̇уухи д̣̇уг̇г̇анд̇хад̇ааяа, анд̇з згзна лзсамад̇д̇знаби манун̃н̃ад̇аабхаавамасса д̣̇ассзд̇и. ат̇а код̇иаад̣̇инаа анваяад̇о саруубзнзва аманун̃н̃ад̇ааяа д̣̇ассанам̣. чанд̣̇од̇и д̣̇уб̣б̣аларааг̇о. рааг̇од̇и б̣алаварааг̇о. ‘‘гзсаа ломаад̣̇ий’’д̇и сан̇кзбад̇о вуд̇д̇амад̇т̇ам̣ вибхааг̇зна д̣̇ассзд̇ум̣ ‘‘язби хий’’д̇иаад̣̇и вуд̇д̇ам̣. асубхаад̇и ааг̇анд̇угзна субхаагаарзна вирахид̇ад̇д̇аа асубхаа. асужинод̇и ад̇д̇ано сабхаавзнзва асужино. бадигуулаад̇и нааг̇аригасса асужигадтаанам̣ вияа ж̇иг̇ужчанийяад̇д̇аа бадигуулаа.
Anekapariyāyenāti ettha pariyāya-saddo kāraṇavacanoti āha ‘‘anekehi kāraṇehī’’ti, ayaṃ kāyo aviññāṇakopi saviññāṇakopi evampi asubho evampi asubhoti nānāvidhehi kāraṇehīti attho. Asubhākārasandassanappavattanti kesādivasena tatthāpi vaṇṇādito asubhākārassa sabbaso dassanavasena pavattaṃ. Kāyavicchandaniyakathanti attano parassa ca karajakāye vicchandanuppādanakathaṃ. Muttaṃ vātiādinā byatirekamukhena kāyassa amanuññataṃ dasseti. Tattha ādito tīhi padehi adassanīyatāya asārakatāya majjhe catūhi duggandhatāya, ante ekena lesamattenapi manuññatābhāvamassa dasseti. Atha khotiādinā anvayato sarūpeneva amanuññatāya dassanaṃ. Chandoti dubbalarāgo. Rāgoti balavarāgo. ‘‘Kesā lomādī’’ti saṅkhepato vuttamatthaṃ vibhāgena dassetuṃ ‘‘yepi hī’’tiādi vuttaṃ. Asubhāti āgantukena subhākārena virahitattā asubhā. Asucinoti attano sabhāveneva asucino. Paṭikūlāti nāgarikassa asucikaṭṭhānaṃ viya jigucchanīyattā paṭikūlā.
гзсаа наамзд̇з ван̣н̣ад̇оби бадигуулаа, сан̣таанад̇оби г̇анд̇хад̇оби аасаяад̇оби огаасад̇оби бадигуулаад̇и д̣̇ассзнд̇о ‘‘со жа нзсам̣…бз… бан̃жахи гааран̣зхи взд̣̇ид̇аб̣б̣о’’д̇и ааха. манун̃н̃зби (висуд̣̇д̇хи. 1.383; вибха. адта. 356) хи яааг̇убад̇д̇з ваа бхад̇д̇абад̇д̇з ваа гзсаван̣н̣ам̣ гин̃жи д̣̇исваа ‘‘гзсамиссагамид̣̇ам̣, харат̇а на’’нд̇и ж̇иг̇ужчанд̇и, звам̣ гзсаа ван̣н̣ад̇о бадигуулаа. рад̇д̇им̣ барибхун̃ж̇анд̇ааби гзсасан̣таанам̣ аггаваагам̣ ваа магаживаагам̣ ваа чубид̇ваа д̇ат̇зва ж̇иг̇ужчанд̇и, звам̣ сан̣таанад̇оби бадигуулаа. д̇зламагканабубпад̇хуубаад̣̇исан̇кааравирахид̇аанан̃жа гзсаанам̣ г̇анд̇хо барамаж̇зг̇ужчо ход̇и, д̇ад̇о ж̇зг̇ужчад̇аро аг̇г̇имхи багкид̇д̇аанам̣. гзсаа хи ван̣н̣асан̣таанад̇о аббадигуулааби сияум̣, г̇анд̇хзна бана бадигуулааязва. яат̇аа хи д̣̇ахарасса гумаарагасса важжам̣ ван̣н̣ад̇о халид̣̇д̣̇иван̣н̣ам̣, сан̣таанад̇оби халид̣̇д̣̇ибин̣д̣асан̣таанам̣, сан̇гаарадтаанз чад̣д̣ид̇ан̃жа уд̣̇д̇хумаад̇агагаал̣асунакасарийрам̣ ван̣н̣ад̇о д̇аалабаггаван̣н̣ам̣, сан̣таанад̇о ваддзд̇ваа виссадтамуд̣̇ин̇г̇асан̣таанам̣, д̣̇аатаабисса суманамагул̣асад̣̇исаад̇и убхаяамби ван̣н̣асан̣таанад̇о сияаа аббадигуулам̣, г̇анд̇хзна бана бадигууламзва, звам̣ гзсааби сияум̣ ван̣н̣асан̣таанад̇о аббадигуулаа, г̇анд̇хзна бана бадигуулааязваад̇и.
Kesā nāmete vaṇṇatopi paṭikūlā, saṇṭhānatopi gandhatopi āsayatopi okāsatopi paṭikūlāti dassento ‘‘so ca nesaṃ…pe… pañcahi kāraṇehi veditabbo’’ti āha. Manuññepi (visuddhi. 1.383; vibha. aṭṭha. 356) hi yāgupatte vā bhattapatte vā kesavaṇṇaṃ kiñci disvā ‘‘kesamissakamidaṃ, haratha na’’nti jigucchanti, evaṃ kesā vaṇṇato paṭikūlā. Rattiṃ paribhuñjantāpi kesasaṇṭhānaṃ akkavākaṃ vā makacivākaṃ vā chupitvā tatheva jigucchanti, evaṃ saṇṭhānatopi paṭikūlā. Telamakkhanapupphadhūpādisaṅkhāravirahitānañca kesānaṃ gandho paramajeguccho hoti, tato jegucchataro aggimhi pakkhittānaṃ. Kesā hi vaṇṇasaṇṭhānato appaṭikūlāpi siyuṃ, gandhena pana paṭikūlāyeva. Yathā hi daharassa kumārakassa vaccaṃ vaṇṇato haliddivaṇṇaṃ, saṇṭhānatopi haliddipiṇḍasaṇṭhānaṃ, saṅkāraṭṭhāne chaḍḍitañca uddhumātakakāḷasunakhasarīraṃ vaṇṇato tālapakkavaṇṇaṃ, saṇṭhānato vaṭṭetvā vissaṭṭhamudiṅgasaṇṭhānaṃ, dāṭhāpissa sumanamakuḷasadisāti ubhayampi vaṇṇasaṇṭhānato siyā appaṭikūlaṃ, gandhena pana paṭikūlameva, evaṃ kesāpi siyuṃ vaṇṇasaṇṭhānato appaṭikūlā, gandhena pana paṭikūlāyevāti.
яат̇аа бана асужидтаанз г̇ааманиссанд̣̇зна ж̇аад̇аани суубзяяабан̣н̣аани нааг̇аригамануссаанам̣ ж̇зг̇ужчаани хонд̇и абарибхог̇аани, звам̣ гзсааби буб̣б̣алохид̇амуд̇д̇агарийсабид̇д̇асзмхаад̣̇иниссанд̣̇зна ж̇аад̇ад̇д̇аа ж̇зг̇ужчаад̇и ид̣̇ам̣ д̇зсам̣ аасаяад̇о баадигуляам̣. имз жа гзсаа наама г̇уут̇араасимхи удтид̇аган̣н̣агам̣ вияа згад̇им̣сагодтаасараасимхи ж̇аад̇аа, д̇з сусаанасан̇гаарадтаанаад̣̇ийсу ж̇аад̇асаагам̣ вияа барикаад̣̇ийсу ж̇аад̇агамалагувалаяаад̣̇ибубпам̣ вияа жа асужидтаанз ж̇аад̇ад̇д̇аа барамаж̇зг̇ужчаад̇и ид̣̇ам̣ д̇зсам̣ огаасад̇о баадигуляам̣. яат̇аа жа гзсаанам̣, звам̣ саб̣б̣агодтаасаанан̃жа ван̣н̣асан̣таанаг̇анд̇хаасаяогаасавасзна бан̃жад̇хаа бадигуулад̇аа взд̣̇ид̇аб̣б̣аад̇и ааха ‘‘звам̣ ломаад̣̇ийна’’нд̇и. бан̃жабан̃жаббабхзд̣̇знаад̇и зд̇т̇а б̣аахирад̇т̇асамаасо д̣̇адтаб̣б̣о бан̃жа бан̃жа бабхзд̣̇аа зд̇ассаад̇и бан̃жабан̃жаббабхзд̣̇од̇и.
Yathā pana asuciṭṭhāne gāmanissandena jātāni sūpeyyapaṇṇāni nāgarikamanussānaṃ jegucchāni honti aparibhogāni, evaṃ kesāpi pubbalohitamuttakarīsapittasemhādinissandena jātattā jegucchāti idaṃ tesaṃ āsayato pāṭikulyaṃ. Ime ca kesā nāma gūtharāsimhi uṭṭhitakaṇṇakaṃ viya ekatiṃsakoṭṭhāsarāsimhi jātā, te susānasaṅkāraṭṭhānādīsu jātasākaṃ viya parikhādīsu jātakamalakuvalayādipupphaṃ viya ca asuciṭṭhāne jātattā paramajegucchāti idaṃ tesaṃ okāsato pāṭikulyaṃ. Yathā ca kesānaṃ, evaṃ sabbakoṭṭhāsānañca vaṇṇasaṇṭhānagandhāsayokāsavasena pañcadhā paṭikūlatā veditabbāti āha ‘‘evaṃ lomādīna’’nti. Pañcapañcappabhedenāti ettha bāhiratthasamāso daṭṭhabbo pañca pañca pabhedā etassāti pañcapañcappabhedoti.
сам̣ван̣н̣знд̇од̇и вид̇т̇аарзнд̇о. асубхааяаад̇и асубхамаад̇игааяа. паад̇игамманд̇и б̣ахулийгааро. бан̃жан̇г̇авиббахийнам̣ бан̃жан̇г̇асаманнааг̇ад̇анд̇и зд̇т̇а гаамажчанд̣̇о б̣яаабаад̣̇о т̇инамид̣̇д̇хам̣ уд̣̇д̇хажжагуггужжам̣ вижигижчаад̇и имзсам̣ бан̃жаннам̣ нийваран̣аанам̣ бахаанавасзна бан̃жан̇г̇авиббахийнад̇аа взд̣̇ид̇аб̣б̣аа. на хи зд̇зсу аббахийнзсу жхаанам̣ уббаж̇ж̇ад̇и, д̇знассзд̇аани бахаанан̇г̇аанийд̇и вужжанд̇и. гин̃жааби хи жхаанагкан̣з ан̃н̃зби агусалаа д̇хаммаа бахийяанд̇и, д̇ат̇ааби зд̇аанзва висзсзна жхаананд̇арааяагараани. гаамажчанд̣̇зна хи наанаависаяабалобхид̇ам̣ жид̇д̇ам̣ на згад̇д̇аарамман̣з самаад̇хияад̇и, гаамажчанд̣̇аабхибхууд̇ам̣ ваа жид̇д̇ам̣ на гаамад̇хаад̇уббахаанааяа бадибад̣̇ам̣ бадибаж̇ж̇ад̇и, б̣яаабаад̣̇зна жа аарамман̣з бадихан̃н̃амаанам̣ на ниранд̇арам̣ бавад̇д̇ад̇и, т̇инамид̣̇д̇хаабхибхууд̇ам̣ агамман̃н̃ам̣ ход̇и, уд̣̇д̇хажжагуггужжабарзд̇ам̣ авуубасанд̇амзва худ̇ваа бариб̣бхамад̇и, вижигижчааяа убахад̇ам̣ жхаанаад̇хиг̇амасаад̇хигам̣ бадибад̣̇ам̣ наарохад̇и. ид̇и висзсзна жхаананд̇арааяагарад̇д̇аа зд̇аанзва бахаанан̇г̇аанийд̇и вуд̇д̇аани.
Saṃvaṇṇentoti vitthārento. Asubhāyāti asubhamātikāya. Phātikammanti bahulīkāro. Pañcaṅgavippahīnaṃ pañcaṅgasamannāgatanti ettha kāmacchando byāpādo thinamiddhaṃ uddhaccakukkuccaṃ vicikicchāti imesaṃ pañcannaṃ nīvaraṇānaṃ pahānavasena pañcaṅgavippahīnatā veditabbā. Na hi etesu appahīnesu jhānaṃ uppajjati, tenassetāni pahānaṅgānīti vuccanti. Kiñcāpi hi jhānakkhaṇe aññepi akusalā dhammā pahīyanti, tathāpi etāneva visesena jhānantarāyakarāni. Kāmacchandena hi nānāvisayapalobhitaṃ cittaṃ na ekattārammaṇe samādhiyati, kāmacchandābhibhūtaṃ vā cittaṃ na kāmadhātuppahānāya paṭipadaṃ paṭipajjati, byāpādena ca ārammaṇe paṭihaññamānaṃ na nirantaraṃ pavattati, thinamiddhābhibhūtaṃ akammaññaṃ hoti, uddhaccakukkuccaparetaṃ avūpasantameva hutvā paribbhamati, vicikicchāya upahataṃ jhānādhigamasādhikaṃ paṭipadaṃ nārohati. Iti visesena jhānantarāyakarattā etāneva pahānaṅgānīti vuttāni.
яасмаа бана вид̇агго аарамман̣з жид̇д̇ам̣ абхиниробзд̇и, вижааро ануббаб̣анд̇хад̇и, д̇зхи авигкзбааяа самбаад̣̇ид̇абаяог̇асса жзд̇асо баяог̇асамбад̇д̇исамбхаваа бийд̇и бийнанам̣, сукан̃жа убаб̣рууханам̣ гарод̇и, ат̇а нам̣ сасамбаяуд̇д̇ад̇хаммам̣ зд̇зхи абхиниробанаануб̣анд̇ханабийнанаубаб̣рууханзхи ануг̇г̇ахид̇аа згаг̇г̇ад̇аа згад̇д̇аарамман̣з самам̣ саммаа аад̇хияад̇и, д̇асмаа вид̇агго вижааро бийд̇и сукам̣ жид̇д̇згаг̇г̇ад̇аад̇и имзсам̣ бан̃жаннам̣ уббад̇д̇ивасзна бан̃жан̇г̇асаманнааг̇ад̇ад̇аа взд̣̇ид̇аб̣б̣аа. уббаннзсу хи зд̇зсу бан̃жасу жхаанам̣ уббаннам̣ наама ход̇и, д̇знасса зд̇аани бан̃жа саманнааг̇ад̇ан̇г̇аанийд̇и вужжанд̇и. д̇асмаа на зд̇зхи саманнааг̇ад̇ам̣ ан̃н̃ад̣̇зва жхаанам̣ наама ад̇т̇ийд̇и г̇ахзд̇аб̣б̣ам̣. яат̇аа бана ан̇г̇амад̇д̇авасзнзва жад̇уран̇г̇иний сзнаа, бан̃жан̇г̇игам̣ д̇уурияам̣ адтан̇г̇иго жа маг̇г̇од̇и вужжад̇и, звамид̣̇амби ан̇г̇амад̇д̇авасзнзва ‘‘бан̃жан̇г̇ига’’нд̇и ваа ‘‘бан̃жан̇г̇асаманнааг̇ад̇а’’нд̇и ваа вужжад̇ийд̇и взд̣̇ид̇аб̣б̣ам̣.
Yasmā pana vitakko ārammaṇe cittaṃ abhiniropeti, vicāro anuppabandhati, tehi avikkhepāya sampāditapayogassa cetaso payogasampattisambhavā pīti pīnanaṃ, sukhañca upabrūhanaṃ karoti, atha naṃ sasampayuttadhammaṃ etehi abhiniropanānubandhanapīnanaupabrūhanehi anuggahitā ekaggatā ekattārammaṇe samaṃ sammā ādhiyati, tasmā vitakko vicāro pīti sukhaṃ cittekaggatāti imesaṃ pañcannaṃ uppattivasena pañcaṅgasamannāgatatā veditabbā. Uppannesu hi etesu pañcasu jhānaṃ uppannaṃ nāma hoti, tenassa etāni pañca samannāgataṅgānīti vuccanti. Tasmā na etehi samannāgataṃ aññadeva jhānaṃ nāma atthīti gahetabbaṃ. Yathā pana aṅgamattavaseneva caturaṅginī senā, pañcaṅgikaṃ tūriyaṃ aṭṭhaṅgiko ca maggoti vuccati, evamidampi aṅgamattavaseneva ‘‘pañcaṅgika’’nti vā ‘‘pañcaṅgasamannāgata’’nti vā vuccatīti veditabbaṃ.
зд̇аани жа бан̃жан̇г̇аани гин̃жааби убажаарагкан̣зби ад̇т̇и, ат̇а ко убажаарз багад̇ижид̇д̇ад̇о б̣алавад̇араани, ид̇ха бана убажаарад̇оби б̣алавад̇араани руубааважарагкан̣аббад̇д̇аани. зд̇т̇а хи вид̇агго сувисад̣̇зна аагаарзна аарамман̣з жид̇д̇ам̣ абхиниробаяамаано уббаж̇ж̇ад̇и, вижааро ад̇ивияа аарамман̣ам̣ анумаж̇ж̇амаано, бийд̇исукам̣ саб̣б̣ааванд̇амби гааяам̣ парамаанам̣. д̇знзва вуд̇д̇ам̣ ‘‘наасса гин̃жи саб̣б̣аавад̇о гааяасса вивзгаж̇зна бийд̇исукзна абпудам̣ ход̇ий’’д̇и. жид̇д̇згаг̇г̇ад̇ааби хздтимамхи самуг̇г̇абадалз убаримам̣ самуг̇г̇абадалам̣ вияа аарамман̣з супусид̇аа худ̇ваа уббаж̇ж̇ад̇и. аяамзд̇зсам̣ ид̇арзхи висзсо, д̇асмаа ‘‘бан̃жан̇г̇асаманнааг̇ад̇а’’нд̇и аббанаажхаанамзва висзсзд̇ваа вуд̇д̇ам̣.
Etāni ca pañcaṅgāni kiñcāpi upacārakkhaṇepi atthi, atha kho upacāre pakaticittato balavatarāni, idha pana upacāratopi balavatarāni rūpāvacarakkhaṇappattāni. Ettha hi vitakko suvisadena ākārena ārammaṇe cittaṃ abhiniropayamāno uppajjati, vicāro ativiya ārammaṇaṃ anumajjamāno, pītisukhaṃ sabbāvantampi kāyaṃ pharamānaṃ. Teneva vuttaṃ ‘‘nāssa kiñci sabbāvato kāyassa vivekajena pītisukhena apphuṭaṃ hotī’’ti. Cittekaggatāpi heṭṭhimamhi samuggapaṭale uparimaṃ samuggapaṭalaṃ viya ārammaṇe suphusitā hutvā uppajjati. Ayametesaṃ itarehi viseso, tasmā ‘‘pañcaṅgasamannāgata’’nti appanājhānameva visesetvā vuttaṃ.
д̇ивид̇хагаляаан̣ам̣ д̣̇асалагкан̣асамбаннанд̇и зд̇т̇а бана жхаанасса аад̣̇имаж̇жхабарияосаанавасзна д̇ивид̇хагаляаан̣ад̇аа, д̇зсам̣язва аад̣̇имаж̇жхабарияосаанаанам̣ лагкан̣авасзна д̣̇асалагкан̣асамбаннад̇аа взд̣̇ид̇аб̣б̣аа. вид̇т̇ааранаяам̣ банзд̇т̇а саяамзва багаасаяиссад̇и. гилзсажорзхи анабхибхаванийяад̇д̇аа жхаанам̣ ‘‘жид̇д̇аман̃ж̇ууса’’нд̇и вуд̇д̇ам̣. ниссааяаад̇и баад̣̇агам̣ гад̇ваа.
Tividhakalyāṇaṃ dasalakkhaṇasampannanti ettha pana jhānassa ādimajjhapariyosānavasena tividhakalyāṇatā, tesaṃyeva ādimajjhapariyosānānaṃ lakkhaṇavasena dasalakkhaṇasampannatā veditabbā. Vitthāranayaṃ panettha sayameva pakāsayissati. Kilesacorehi anabhibhavanīyattā jhānaṃ ‘‘cittamañjūsa’’nti vuttaṃ. Nissāyāti pādakaṃ katvā.
д̣̇асалагкан̣авибхааванзнзва д̇ивид̇хагаляаан̣ад̇ааби вибхаавид̇аа ход̇ийд̇и д̣̇асалагкан̣ам̣ д̇аава д̣̇ассзнд̇о ‘‘д̇ад̇римааний’’д̇иаад̣̇имааха. д̇ад̇т̇а баарибант̇игад̇о жид̇д̇ависуд̣̇д̇хийд̇иаад̣̇ийнам̣ бад̣̇аанам̣ ад̇т̇о ‘‘д̇ад̇рааяам̣ баал̣ий’’д̇иаад̣̇инаа вуд̇д̇абаал̣иван̣н̣анааяамзва аави бхависсад̇и. д̇ад̇раад̇и д̇асмим̣ д̣̇асалагкан̣авибхааванз. бадибад̣̇аависуд̣̇д̇хийд̇и бадибаж̇ж̇ад̇и жхаанам̣ зд̇ааяаад̇и бадибад̣̇аа, г̇од̇рабхубарияосаано буб̣б̣абхааг̇ияо бхааванаанаяо. барибант̇ад̇о висуж̇жханам̣ висуд̣̇д̇хи, бадибад̣̇ааяа висуд̣̇д̇хи бадибад̣̇аависуд̣̇д̇хи. саа банааяам̣ яасмаа жхаанасса уббаад̣̇агкан̣з лаб̣бхад̇и, д̇асмаа вуд̇д̇ам̣ ‘‘бадибад̣̇аависуд̣̇д̇хи аад̣̇ий’’д̇и. убзгкаануб̣рууханаад̇и висод̇хзд̇аб̣б̣ад̇аад̣̇ийнам̣ абхаавад̇о жхаанабарияаабаннааяа д̇ад̇рамаж̇жхад̇д̇убзгкааяа гижжанибпад̇д̇ияаа ануб̣рууханаа. саа банааяам̣ яасмаа висзсад̇о жхаанасса тид̇игкан̣з лаб̣бхад̇и, д̇зна вуд̇д̇ам̣ ‘‘убзгкаануб̣рууханаа маж̇жхз’’д̇и. самбахам̣санаад̇и д̇ад̇т̇а д̇хаммаанам̣ анад̇ивад̇д̇анаад̣̇исаад̇хагасса н̃аан̣асса гижжанибпад̇д̇ивасзна барияод̣̇абанаа. саа бана яасмаа жхаанасса осаанагкан̣з баагадаа ход̇и, д̇асмаа вуд̇д̇ам̣ ‘‘самбахам̣санаа барияосаана’’нд̇и. имаани д̇ийн̣и лагкан̣аанийд̇и барибант̇ад̇о жид̇д̇асса висуж̇жханаагааро, маж̇жхимасса самат̇анимид̇д̇асса бадибаж̇ж̇анаагааро, д̇ад̇т̇а багканд̣̇анаагаарод̇и имаани д̇ийн̣и жхаанасса аад̣̇ид̇о уббаад̣̇агкан̣з аббанааббад̇д̇илагкан̣аани. д̇зхи аагаарзхи винаа аббанааббад̇д̇ияаа абхаавад̇о асад̇и жа аббанааяам̣ д̇ад̣̇абхаавад̇о аад̣̇игаляаан̣ан̃жзва висуд̣̇д̇хибадибад̣̇ад̇д̇аа яат̇аавуд̇д̇зхи лагкан̣зхи саманнааг̇ад̇ад̇д̇аа жа д̇илагкан̣асамбаннан̃жа. иминаа наязна маж̇жхабарияосааналагкан̣аанан̃жа яож̇анаа взд̣̇ид̇аб̣б̣аа.
Dasalakkhaṇavibhāvaneneva tividhakalyāṇatāpi vibhāvitā hotīti dasalakkhaṇaṃ tāva dassento ‘‘tatrimānī’’tiādimāha. Tattha pāripanthikato cittavisuddhītiādīnaṃ padānaṃ attho ‘‘tatrāyaṃ pāḷī’’tiādinā vuttapāḷivaṇṇanāyameva āvi bhavissati. Tatrāti tasmiṃ dasalakkhaṇavibhāvane. Paṭipadāvisuddhīti paṭipajjati jhānaṃ etāyāti paṭipadā, gotrabhupariyosāno pubbabhāgiyo bhāvanānayo. Paripanthato visujjhanaṃ visuddhi, paṭipadāya visuddhi paṭipadāvisuddhi. Sā panāyaṃ yasmā jhānassa uppādakkhaṇe labbhati, tasmā vuttaṃ ‘‘paṭipadāvisuddhi ādī’’ti. Upekkhānubrūhanāti visodhetabbatādīnaṃ abhāvato jhānapariyāpannāya tatramajjhattupekkhāya kiccanipphattiyā anubrūhanā. Sā panāyaṃ yasmā visesato jhānassa ṭhitikkhaṇe labbhati, tena vuttaṃ ‘‘upekkhānubrūhanā majjhe’’ti. Sampahaṃsanāti tattha dhammānaṃ anativattanādisādhakassa ñāṇassa kiccanipphattivasena pariyodapanā. Sā pana yasmā jhānassa osānakkhaṇe pākaṭā hoti, tasmā vuttaṃ ‘‘sampahaṃsanā pariyosāna’’nti. Imāni tīṇi lakkhaṇānīti paripanthato cittassa visujjhanākāro, majjhimassa samathanimittassa paṭipajjanākāro, tattha pakkhandanākāroti imāni tīṇi jhānassa ādito uppādakkhaṇe appanāppattilakkhaṇāni. Tehi ākārehi vinā appanāppattiyā abhāvato asati ca appanāyaṃ tadabhāvato ādikalyāṇañceva visuddhipaṭipadattā yathāvuttehi lakkhaṇehi samannāgatattā ca tilakkhaṇasampannañca. Iminā nayena majjhapariyosānalakkhaṇānañca yojanā veditabbā.
гзжи бана ‘‘бадибад̣̇аависуд̣̇д̇хи наама сасамбхаариго убажааро, убзгкаануб̣рууханаа наама аббанаа, самбахам̣санаа наама бажжавзгкан̣аа’’д̇и ван̣н̣аяанд̇и, д̇ам̣ на яуд̇д̇ам̣. д̇ат̇аа хи сад̇и ажхаанад̇хаммзхи жхаанасса г̇ун̣асам̣гид̇д̇анам̣ наама гад̇ам̣ ход̇и. на хи бхууманд̇арам̣ бхууманд̇арабарияаабаннам̣ ход̇и, баал̣ияаа жзд̇ам̣ вируж̇жхад̇и. ‘‘згад̇д̇аг̇ад̇ам̣ жид̇д̇ам̣ бадибад̣̇аависуд̣̇д̇хибагканд̣̇ан̃жзва ход̇и убзгкаануб̣руухид̇ан̃жа н̃аан̣зна жа самбахам̣сид̇а’’нд̇и (бади. ма. 1.158) хи баал̣ияам̣ вуд̇д̇ам̣. зд̇т̇а хи згад̇д̇аг̇ад̇ам̣ жид̇д̇анд̇и инд̣̇рияаанам̣ згарасабхаавзна згаг̇г̇ад̇ааяа жа сикааббад̇д̇ияаа д̇ад̣̇ануг̇ун̣ам̣ згад̇д̇аг̇ад̇ам̣ сасамбаяуд̇д̇ам̣ аббанааббад̇д̇ам̣ жид̇д̇ам̣ вуд̇д̇ам̣, д̇ассзва жа бадибад̣̇аависуд̣̇д̇хибагканд̣̇ад̇аад̣̇и ананд̇арам̣ вужжад̇з. д̇асмаа баал̣ияам̣ згасмим̣язва аббанаажид̇д̇агкан̣з бадибад̣̇аависуд̣̇д̇хиаад̣̇ийнам̣ вуд̇д̇ад̇д̇аа анд̇оаббанааяамзва баригаммааг̇аманавасзна бадибад̣̇аависуд̣̇д̇хи, д̇ад̇рамаж̇жхад̇д̇убзгкааяа гижжавасзна убзгкаануб̣рууханаа, д̇хаммаанам̣ анад̇ивад̇д̇анаад̣̇ибхаавасаад̇ханзна барияод̣̇аабагасса н̃аан̣асса гижжанибпад̇д̇ивасзна самбахам̣санаа жа взд̣̇ид̇аб̣б̣аа.
Keci pana ‘‘paṭipadāvisuddhi nāma sasambhāriko upacāro, upekkhānubrūhanā nāma appanā, sampahaṃsanā nāma paccavekkhaṇā’’ti vaṇṇayanti, taṃ na yuttaṃ. Tathā hi sati ajhānadhammehi jhānassa guṇasaṃkittanaṃ nāma kataṃ hoti. Na hi bhūmantaraṃ bhūmantarapariyāpannaṃ hoti, pāḷiyā cetaṃ virujjhati. ‘‘Ekattagataṃ cittaṃ paṭipadāvisuddhipakkhandañceva hoti upekkhānubrūhitañca ñāṇena ca sampahaṃsita’’nti (paṭi. ma. 1.158) hi pāḷiyaṃ vuttaṃ. Ettha hi ekattagataṃ cittanti indriyānaṃ ekarasabhāvena ekaggatāya ca sikhāppattiyā tadanuguṇaṃ ekattagataṃ sasampayuttaṃ appanāppattaṃ cittaṃ vuttaṃ, tasseva ca paṭipadāvisuddhipakkhandatādi anantaraṃ vuccate. Tasmā pāḷiyaṃ ekasmiṃyeva appanācittakkhaṇe paṭipadāvisuddhiādīnaṃ vuttattā antoappanāyameva parikammāgamanavasena paṭipadāvisuddhi, tatramajjhattupekkhāya kiccavasena upekkhānubrūhanā, dhammānaṃ anativattanādibhāvasādhanena pariyodāpakassa ñāṇassa kiccanipphattivasena sampahaṃsanā ca veditabbā.
гат̇ам̣? яасмим̣ (бади. ма. адта. 2.1.158; висуд̣̇д̇хи. 1.175) ваарз аббанаа уббаж̇ж̇ад̇и , д̇асмим̣ яо нийваран̣асан̇каад̇о гилзсаг̇ан̣о д̇асса жхаанасса барибант̇о, д̇ад̇о жид̇д̇ам̣ висуж̇жхад̇и, висуд̣̇д̇хад̇д̇аа ааваран̣авирахид̇ам̣ худ̇ваа маж̇жхимам̣ самат̇анимид̇д̇ам̣ бадибаж̇ж̇ад̇и. маж̇жхимам̣ самат̇анимид̇д̇ам̣ наама самаббавад̇д̇о аббанаасамаад̇хиязва, лийнуд̣̇д̇хажжасан̇каад̇аанам̣ убхиннам̣ анд̇аанам̣ анубаг̇аманзна маж̇жхимо, сависзсам̣ бажжанийгад̇хаммаанам̣ вуубасаманад̇о самат̇о, яог̇ино сукависзсаанам̣ гааран̣абхаавад̇о нимид̇д̇анд̇и гад̇ваа. д̇асса бана аббанаажид̇д̇асса ананд̇арабажжаяабхууд̇ам̣ г̇од̇рабхужид̇д̇ам̣ сад̇иби барид̇д̇амахаг̇г̇ад̇абхаавабхзд̣̇з бажжаяабажжаяуббаннабхаавабхзд̣̇з жа згиссааязва санд̇ад̇ияаа барин̣аамуубаг̇аманад̇о згасанд̇ад̇ибарин̣ааманаязна д̇ат̇ад̇д̇ам̣ аббанаасамаад̇хивасзна самаахид̇абхаавам̣ убаг̇ажчамаанам̣ маж̇жхимам̣ самат̇анимид̇д̇ам̣ бадибаж̇ж̇ад̇и наама. звам̣ бадибаннад̇д̇аа д̇ат̇ад̇д̇убаг̇аманзна д̇ад̇т̇а багканд̣̇ад̇и наама. яасмин̃хи кан̣з д̇ат̇ад̇д̇ам̣ маж̇жхимам̣ самат̇анимид̇д̇ам̣ бадибаж̇ж̇ад̇и, д̇асмим̣язва кан̣з д̇ат̇ад̇д̇убаг̇аманзна аббанаасамаад̇хинаа самаахид̇абхаавуубаг̇аманзна д̇ад̇т̇а багканд̣̇ад̇и наама. звам̣ д̇аава буримасмим̣ г̇од̇рабхужид̇д̇з виж̇ж̇амаанаа барибант̇ависуд̣̇д̇химаж̇жхимасамат̇аббадибад̇д̇ибагканд̣̇анаагаараа ааг̇аманавасзна нибпаж̇ж̇амаанаа батамасса жхаанасса уббаад̣̇агкан̣зязва бадибад̣̇аависуд̣̇д̇хийд̇и взд̣̇ид̇аб̣б̣аа. д̇зязва хи аагаараа бажжаяависзсад̇о жхаанагкан̣з нибпаж̇ж̇амаанаа бадибад̣̇аависуд̣̇д̇хийд̇и вуд̇д̇аа.
Kathaṃ? Yasmiṃ (paṭi. ma. aṭṭha. 2.1.158; visuddhi. 1.175) vāre appanā uppajjati , tasmiṃ yo nīvaraṇasaṅkhāto kilesagaṇo tassa jhānassa paripantho, tato cittaṃ visujjhati, visuddhattā āvaraṇavirahitaṃ hutvā majjhimaṃ samathanimittaṃ paṭipajjati. Majjhimaṃ samathanimittaṃ nāma samappavatto appanāsamādhiyeva, līnuddhaccasaṅkhātānaṃ ubhinnaṃ antānaṃ anupagamanena majjhimo, savisesaṃ paccanīkadhammānaṃ vūpasamanato samatho, yogino sukhavisesānaṃ kāraṇabhāvato nimittanti katvā. Tassa pana appanācittassa anantarapaccayabhūtaṃ gotrabhucittaṃ satipi parittamahaggatabhāvabhede paccayapaccayuppannabhāvabhede ca ekissāyeva santatiyā pariṇāmūpagamanato ekasantatipariṇāmanayena tathattaṃ appanāsamādhivasena samāhitabhāvaṃ upagacchamānaṃ majjhimaṃ samathanimittaṃ paṭipajjati nāma. Evaṃ paṭipannattā tathattupagamanena tattha pakkhandati nāma. Yasmiñhi khaṇe tathattaṃ majjhimaṃ samathanimittaṃ paṭipajjati, tasmiṃyeva khaṇe tathattupagamanena appanāsamādhinā samāhitabhāvūpagamanena tattha pakkhandati nāma. Evaṃ tāva purimasmiṃ gotrabhucitte vijjamānā paripanthavisuddhimajjhimasamathappaṭipattipakkhandanākārā āgamanavasena nipphajjamānā paṭhamassa jhānassa uppādakkhaṇeyeva paṭipadāvisuddhīti veditabbā. Teyeva hi ākārā paccayavisesato jhānakkhaṇe nipphajjamānā paṭipadāvisuddhīti vuttā.
звам̣ висуд̣̇д̇хасса бана д̇асса жид̇д̇асса буна сод̇хзд̇аб̣б̣аабхаавад̇о висод̇ханз б̣яаабаарам̣ агаронд̇о висуд̣̇д̇хам̣ жид̇д̇ам̣ аж̇жхубзгкад̇и наама. самат̇абхаавуубаг̇аманзна самат̇аббадибаннасса буна самаад̇хаанз б̣яаабаарам̣ агаронд̇о самат̇аббадибаннам̣ аж̇жхубзгкад̇и наама. самат̇аббадибаннабхаавад̇о зва жасса гилзсасам̣саг̇г̇ам̣ бахааяа згад̇д̇зна убадтид̇асса буна згад̇д̇убадтаанз б̣яаабаарам̣ агаронд̇о згад̇д̇убадтаанам̣ аж̇жхубзгкад̇и наама. звам̣ д̇ад̇рамаж̇жхад̇д̇убзгкааяа гижжавасзна убзгкаануб̣рууханаа взд̣̇ид̇аб̣б̣аа.
Evaṃ visuddhassa pana tassa cittassa puna sodhetabbābhāvato visodhane byāpāraṃ akaronto visuddhaṃ cittaṃ ajjhupekkhati nāma. Samathabhāvūpagamanena samathappaṭipannassa puna samādhāne byāpāraṃ akaronto samathappaṭipannaṃ ajjhupekkhati nāma. Samathappaṭipannabhāvato eva cassa kilesasaṃsaggaṃ pahāya ekattena upaṭṭhitassa puna ekattupaṭṭhāne byāpāraṃ akaronto ekattupaṭṭhānaṃ ajjhupekkhati nāma. Evaṃ tatramajjhattupekkhāya kiccavasena upekkhānubrūhanā veditabbā.
яз банзд̇з звам̣ убзгкаануб̣руухид̇з д̇асмим̣ жхаанажид̇д̇з ж̇аад̇аа самаад̇хибан̃н̃аасан̇каад̇аа яуг̇анад̣̇д̇хад̇хаммаа ан̃н̃аман̃н̃ам̣ анад̇ивад̇д̇амаанаа худ̇ваа бавад̇д̇аа, яаани жа сад̣̇д̇хаад̣̇ийни инд̣̇рияаани наанаагилзсзхи вимуд̇д̇ад̇д̇аа вимуд̇д̇ирасзна згарасаани худ̇ваа бавад̇д̇аани, яан̃жзса д̇ад̣̇убаг̇ам̣ д̇зсам̣ анад̇ивад̇д̇аназгарасасабхааваанам̣ анужчавигам̣ вийрияам̣ ваахаяад̇и, яаа жасса д̇асмим̣ кан̣з бавад̇д̇аа аасзванаа, саб̣б̣зби д̇з аагаараа яасмаа н̃аан̣зна сам̣гилзсавод̣̇аанзсу д̇ам̣ д̇ам̣ аад̣̇ийнаван̃жа аанисам̣сан̃жа д̣̇исваа д̇ат̇аа д̇ат̇аа самбахам̣сид̇ад̇д̇аа висод̇хид̇ад̇д̇аа барияод̣̇аабид̇ад̇д̇аа нибпаннаа, д̇асмаа д̇хаммаанам̣ анад̇ивад̇д̇анаад̣̇ибхаавасаад̇ханзна барияод̣̇аабагасса н̃аан̣асса гижжанибпад̇д̇ивасзна самбахам̣санаа взд̣̇ид̇аб̣б̣аад̇и вуд̇д̇ам̣.
Ye panete evaṃ upekkhānubrūhite tasmiṃ jhānacitte jātā samādhipaññāsaṅkhātā yuganaddhadhammā aññamaññaṃ anativattamānā hutvā pavattā, yāni ca saddhādīni indriyāni nānākilesehi vimuttattā vimuttirasena ekarasāni hutvā pavattāni, yañcesa tadupagaṃ tesaṃ anativattanaekarasasabhāvānaṃ anucchavikaṃ vīriyaṃ vāhayati, yā cassa tasmiṃ khaṇe pavattā āsevanā, sabbepi te ākārā yasmā ñāṇena saṃkilesavodānesu taṃ taṃ ādīnavañca ānisaṃsañca disvā tathā tathā sampahaṃsitattā visodhitattā pariyodāpitattā nipphannā, tasmā dhammānaṃ anativattanādibhāvasādhanena pariyodāpakassa ñāṇassa kiccanipphattivasena sampahaṃsanā veditabbāti vuttaṃ.
ат̇а гасмаа самбахам̣санаава ‘‘барияосаана’’нд̇и вуд̇д̇аа, на убзгкаануб̣рууханаад̇и? яасмаа д̇асмим̣ бхааванаажид̇д̇з убзгкаавасзна н̃аан̣ам̣ баагадам̣ ход̇и, д̇асмаа н̃аан̣агижжабхууд̇аа самбахам̣санаа ‘‘барияосаана’’нд̇и вуд̇д̇аа. д̇ат̇аа хи аббанаагаалз бхааванааяа самаббавад̇д̇ияаа бадибагкасса жа суббахаанад̇о баг̇г̇ахаад̣̇ийсу б̣яаабаарасса агаад̇аб̣б̣ад̇о аж̇жхубзгканаава ход̇и. яам̣ санд̇хааяа вуд̇д̇ам̣ ‘‘самаяз жид̇д̇асса аж̇жхубзгканаа висуд̣̇д̇хам̣ жид̇д̇ам̣ аж̇жхубзгкад̇ий’’д̇и жа аад̣̇и. саа банааяам̣ аж̇жхубзгканаа н̃аан̣асса гижжасид̣̇д̇хияаа ход̇и висзсад̇о н̃аан̣асаад̇ханад̇д̇аа аббанааб̣яаабаарасса, д̇асмаа н̃аан̣агижжабхууд̇аа самбахам̣санаа ‘‘барияосаана’’нд̇и вуд̇д̇аа. звам̣ д̇ивид̇хааяа бадибад̣̇аависуд̣̇д̇хияаа лад̣̇д̇хависзсааяа д̇ивид̇хааяа убзгкаануб̣рууханааяа саад̇исаяам̣ бан̃н̃инд̣̇рияасса ад̇химад̇д̇абхаавзна жад̇уб̣б̣ид̇хааби самбахам̣санаа сиж̇жхад̇ийд̇и ааг̇аманубзгкаан̃аан̣агижжавасзна д̣̇асаби аагаараа жхаанз зва взд̣̇ид̇аб̣б̣аа.
Atha kasmā sampahaṃsanāva ‘‘pariyosāna’’nti vuttā, na upekkhānubrūhanāti? Yasmā tasmiṃ bhāvanācitte upekkhāvasena ñāṇaṃ pākaṭaṃ hoti, tasmā ñāṇakiccabhūtā sampahaṃsanā ‘‘pariyosāna’’nti vuttā. Tathā hi appanākāle bhāvanāya samappavattiyā paṭipakkhassa ca suppahānato paggahādīsu byāpārassa akātabbato ajjhupekkhanāva hoti. Yaṃ sandhāya vuttaṃ ‘‘samaye cittassa ajjhupekkhanā visuddhaṃ cittaṃ ajjhupekkhatī’’ti ca ādi. Sā panāyaṃ ajjhupekkhanā ñāṇassa kiccasiddhiyā hoti visesato ñāṇasādhanattā appanābyāpārassa, tasmā ñāṇakiccabhūtā sampahaṃsanā ‘‘pariyosāna’’nti vuttā. Evaṃ tividhāya paṭipadāvisuddhiyā laddhavisesāya tividhāya upekkhānubrūhanāya sātisayaṃ paññindriyassa adhimattabhāvena catubbidhāpi sampahaṃsanā sijjhatīti āgamanupekkhāñāṇakiccavasena dasapi ākārā jhāne eva veditabbā.
звам̣ д̇ивид̇хад̇д̇аг̇ад̇ам̣ жид̇д̇анд̇иаад̣̇ийни д̇ассзва жид̇д̇асса т̇оманаважанаани. д̇ад̇т̇а звам̣ д̇ивид̇хад̇д̇аг̇ад̇анд̇и звам̣ яат̇аавуд̇д̇зна вид̇хинаа бадибад̣̇аависуд̣̇д̇хибагканд̣̇анаубзгкаануб̣рууханан̃аан̣асамбахам̣санаавасзна д̇ивид̇хабхаавам̣ г̇ад̇ам̣. вид̇аггасамбаннанд̇и гилзсагкобхавирахид̇ад̇д̇аа вид̇аггзна сунд̣̇арабхаавамубаг̇ад̇ам̣. жид̇д̇асса ад̇хидтаанасамбаннанд̇и д̇асмим̣язва аарамман̣з жид̇д̇асса ниранд̇араббавад̇д̇исан̇каад̇зна ад̇хидтаанзна самбаннам̣ ануунам̣. яат̇аа ад̇хидтаанавасияам̣ ад̇хидтаананд̇и жхаанаббавад̇д̇и, д̇ат̇аа ид̇хааби жид̇д̇асса ад̇хидтаананд̇и жид̇д̇згаг̇г̇ад̇ааби яуж̇ж̇ад̇и. д̇зна хи згасмим̣язва аарамман̣з жид̇д̇ам̣ ад̇хидтаад̇и, на зд̇т̇а вигкибад̇ийд̇и. самаад̇хисамбаннанд̇и висум̣ вуд̇д̇ад̇д̇аа бана вуд̇д̇анаязнзва г̇ахзд̇аб̣б̣о. ат̇а ваа самаад̇хиссзва жхаанан̇г̇асан̇г̇ахид̇ад̇д̇аа ‘‘жид̇д̇асса ад̇хидтаанасамбанна’’нд̇и жхаанан̇г̇абан̃жагавасзна вуд̇д̇ам̣. самаад̇хисамбаннанд̇и инд̣̇рияасан̇г̇ахид̇ад̇д̇аа инд̣̇рияабан̃жагавасзна.
Evaṃtividhattagataṃ cittantiādīni tasseva cittassa thomanavacanāni. Tattha evaṃ tividhattagatanti evaṃ yathāvuttena vidhinā paṭipadāvisuddhipakkhandanaupekkhānubrūhanañāṇasampahaṃsanāvasena tividhabhāvaṃ gataṃ. Vitakkasampannanti kilesakkhobhavirahitattā vitakkena sundarabhāvamupagataṃ. Cittassa adhiṭṭhānasampannanti tasmiṃyeva ārammaṇe cittassa nirantarappavattisaṅkhātena adhiṭṭhānena sampannaṃ anūnaṃ. Yathā adhiṭṭhānavasiyaṃ adhiṭṭhānanti jhānappavatti, tathā idhāpi cittassa adhiṭṭhānanti cittekaggatāpi yujjati. Tena hi ekasmiṃyeva ārammaṇe cittaṃ adhiṭṭhāti, na ettha vikkhipatīti. Samādhisampannanti visuṃ vuttattā pana vuttanayeneva gahetabbo. Atha vā samādhisseva jhānaṅgasaṅgahitattā ‘‘cittassa adhiṭṭhānasampanna’’nti jhānaṅgapañcakavasena vuttaṃ. Samādhisampannanti indriyasaṅgahitattā indriyapañcakavasena.
асубхасан̃н̃аабарижид̇знаад̇и сагалам̣ гааяам̣ асубханд̇и бавад̇д̇ааяа сан̃н̃ааяа сахаг̇ад̇ад̇д̇аа жхаанам̣ асубхасан̃н̃аа, д̇зна барижид̇зна барибхаавид̇зна. жзд̇асаад̇и жид̇д̇зна. б̣ахуланд̇и абхин̣хам̣. вихарад̇од̇и вихаранд̇асса, асубхасамаабад̇д̇иб̣ахулассаад̇и ад̇т̇о. мзт̇унад̇хаммасамаабад̇д̇ияаад̇и мзт̇унад̇хаммзна саман̇г̇ибхаавад̇о. бадилийяад̇ийд̇и згабассзна нилийяад̇и нилийнам̣ вияа ход̇и. бадигудад̇ийд̇и сан̇гужад̇и. бадивад̇д̇ад̇ийд̇и нивад̇д̇ад̇и. на самбасаарийяад̇ийд̇и на висарад̇и, абхирад̇ивасзна на багканд̣̇ад̇ийд̇и ад̇т̇о. ат̇а ваа бадилийяад̇ийд̇и сан̇гужад̇и д̇ад̇т̇а бадигуулад̇ааяа сан̣тид̇ад̇д̇аа. бадигудад̇ийд̇и абасаггад̇и на убасаггад̇и. бадивад̇д̇ад̇ийд̇и нивад̇д̇ад̇и, д̇ад̇о зва на самбасаарийяад̇ийд̇и. нхааруд̣̇ад̣̇д̣̇уланд̇и нхаарукан̣д̣ам̣ нхаарувилзканам̣ ваа.
Asubhasaññāparicitenāti sakalaṃ kāyaṃ asubhanti pavattāya saññāya sahagatattā jhānaṃ asubhasaññā, tena paricitena paribhāvitena. Cetasāti cittena. Bahulanti abhiṇhaṃ. Viharatoti viharantassa, asubhasamāpattibahulassāti attho. Methunadhammasamāpattiyāti methunadhammena samaṅgibhāvato. Paṭilīyatīti ekapassena nilīyati nilīnaṃ viya hoti. Paṭikuṭatīti saṅkucati. Paṭivattatīti nivattati. Na sampasārīyatīti na visarati, abhirativasena na pakkhandatīti attho. Atha vā paṭilīyatīti saṅkucati tattha paṭikūlatāya saṇṭhitattā. Paṭikuṭatīti apasakkati na upasakkati. Paṭivattatīti nivattati, tato eva na sampasārīyatīti. Nhārudaddulanti nhārukhaṇḍaṃ nhāruvilekhanaṃ vā.
ад̣̇д̇хамаасанд̇и ажжанд̇асам̣яог̇з убаяог̇аважанам̣. бадисаллийяид̇унд̇и яат̇аавуд̇д̇агаалам̣ бади бади д̣̇ивасз д̣̇ивасз самаабад̇д̇ияам̣ д̇хаммажинд̇ааяа жид̇д̇ам̣ нилийяид̇ум̣. баяуд̇д̇аваажанд̇и бажжаяабадисам̣яуд̇д̇аваажам̣, б̣уд̣̇д̇хаа имзсу д̣̇ивасзсу бин̣д̣ааяа на жаранд̇и, вихаарзязва нисийд̣̇анд̇и, д̇зсам̣ д̣̇иннам̣ махабпалам̣ ход̇ийд̇и аад̣̇иважанам̣.
Addhamāsanti accantasaṃyoge upayogavacanaṃ. Paṭisallīyitunti yathāvuttakālaṃ paṭi paṭi divase divase samāpattiyaṃ dhammacintāya cittaṃ nilīyituṃ. Payuttavācanti paccayapaṭisaṃyuttavācaṃ, buddhā imesu divasesu piṇḍāya na caranti, vihāreyeva nisīdanti, tesaṃ dinnaṃ mahapphalaṃ hotīti ādivacanaṃ.
галяаан̣уубаниссаяавасзнаад̇и баб̣б̣аж̇ж̇ааяа убаниссаяавасзна. барз гираад̇и гира-сад̣̇д̣̇о аружисуужанад̇т̇о. д̇знааха ‘‘ид̣̇ам̣ бана ижчаамад̇д̇а’’нд̇и, бавад̇д̇иаж̇аананам̣ аарожаяид̇аабхааво н̃аад̇з нивааран̣ан̃жаад̇и ид̣̇ам̣ д̇зсам̣ ижчаамад̇д̇ам̣ , на бана гааран̣анд̇и ад̇т̇о. абарз бана вад̣̇анд̇и ‘‘зд̇асмим̣ гира ад̣дхамаасз на гожи б̣уд̣̇д̇хавзнзяяо ахоси, ат̇а сад̇т̇аа имам̣ ад̣дхамаасам̣ паласамаабад̇д̇исукзна вийд̇инаамзссаами, ид̇и маяхан̃жзва сукавихааро бхависсад̇и, анааг̇ад̇з жа бажчимаа ж̇анад̇аа ‘сад̇т̇ааби г̇ан̣ам̣ бахааяа згаго вихааси, гиман̇г̇ам̣ бана маяа’нд̇и д̣̇идтаануг̇ад̇им̣ аабаж̇ж̇иссад̇и, д̇ад̣̇асса бхависсад̇и д̣̇ийгхарад̇д̇ам̣ хид̇ааяа сукааяаад̇и иминаа гааран̣зна звамаахаа’’д̇и. нзва гожи бхаг̇аванд̇ам̣ убасан̇гамад̇ийд̇и табзд̇ваа бин̣д̣абаад̇анийхаарагам̣ ан̃н̃о гожи нзва бхаг̇аванд̇ам̣ убасан̇гамад̇и, бхигкусан̇гхо бана сад̇т̇у важанам̣ самбадижчид̇ваа згам̣ бхигкум̣ ад̣̇ааси. со баад̇ова г̇анд̇хагудибаривзн̣асаммаж̇ж̇анамукод̣̇агад̣̇анд̇агадтад̣̇аанаад̣̇ийни саб̣б̣агижжаани д̇асмим̣ д̇асмим̣ кан̣з гад̇ваа абаг̇ажчад̇и.
Kalyāṇūpanissayavasenāti pabbajjāya upanissayavasena. Pare kirāti kira-saddo arucisūcanattho. Tenāha ‘‘idaṃ pana icchāmatta’’nti, pavattiajānanaṃ ārocayitābhāvo ñāte nivāraṇañcāti idaṃ tesaṃ icchāmattaṃ , na pana kāraṇanti attho. Apare pana vadanti ‘‘etasmiṃ kira aḍḍhamāse na koci buddhaveneyyo ahosi, atha satthā imaṃ aḍḍhamāsaṃ phalasamāpattisukhena vītināmessāmi, iti mayhañceva sukhavihāro bhavissati, anāgate ca pacchimā janatā ‘satthāpi gaṇaṃ pahāya ekako vihāsi, kimaṅgaṃ pana maya’nti diṭṭhānugatiṃ āpajjissati, tadassa bhavissati dīgharattaṃ hitāya sukhāyāti iminā kāraṇena evamāhā’’ti. Neva koci bhagavantaṃ upasaṅkamatīti ṭhapetvā piṇḍapātanīhārakaṃ añño koci neva bhagavantaṃ upasaṅkamati, bhikkhusaṅgho pana satthu vacanaṃ sampaṭicchitvā ekaṃ bhikkhuṃ adāsi. So pātova gandhakuṭipariveṇasammajjanamukhodakadantakaṭṭhadānādīni sabbakiccāni tasmiṃ tasmiṃ khaṇe katvā apagacchati.
анзгагааран̣асаммиссод̇и зд̇т̇а гааяасса асужид̣̇уг̇г̇анд̇хаж̇зг̇ужчабадигуулад̇аава анзгагааран̣ам̣. ман̣д̣анагабагад̇игод̇и алан̇гаарагасабхааво. гожи д̇арун̣оби яуваа на ход̇и, гожи яувааби ман̣д̣анагаж̇аад̇иго на ход̇и яат̇аа убасанд̇асабхааво ааласияаб̣яасанаад̣̇ийхи ваа абхибхууд̇о, ид̇ха бана д̣̇ахаро жзва яуваа жа ман̣д̣анагаж̇аад̇иго жа ад̇хиббзд̇о. батамаяоб̣б̣анам̣ наама баннарасавассад̇о яаава д̣̇вад̇д̇им̣са сам̣важчараани, сол̣асавассад̇о ваа яаава д̇зд̇д̇им̣са вассаани. гун̣абанд̇и мад̇агал̣зварам̣, ахисса гун̣абам̣ ахигун̣абам̣. звам̣ ид̇арааниби. ад̇ибадигуулаж̇иг̇ужчанийяасабхаавад̇о жзд̇т̇а имаанзва д̇ийн̣и вуд̇д̇аанийд̇и взд̣̇ид̇аб̣б̣аани. ан̃н̃зсан̃хи сасасуугараад̣̇ийнам̣ гун̣абам̣ мануссаа гадугабхан̣д̣аад̣̇ийхи абхисан̇карид̇ваа барибхун̃ж̇анд̇иби, имзсам̣ бана гун̣абам̣ абхинавамби ж̇иг̇ужчанд̇иязва, го бана ваад̣̇о гаалаад̇иггамзна бууд̇ибхууд̇з. ад̇ибадигуулаж̇иг̇ужчанийяад̇аа жа нзсам̣ ад̇ивияа д̣̇уг̇г̇анд̇хад̇ааяа, саа жа ахийнам̣ д̇икин̣агобад̇ааяа гуггурамануссаанам̣ од̣̇анагуммаасуубажаяад̇ааяа жа сарийрасса ход̇ийд̇и вад̣̇анд̇и.
Anekakāraṇasammissoti ettha kāyassa asuciduggandhajegucchapaṭikūlatāva anekakāraṇaṃ. Maṇḍanakapakatikoti alaṅkārakasabhāvo. Koci taruṇopi yuvā na hoti, koci yuvāpi maṇḍanakajātiko na hoti yathā upasantasabhāvo ālasiyabyasanādīhi vā abhibhūto, idha pana daharo ceva yuvā ca maṇḍanakajātiko ca adhippeto. Paṭhamayobbanaṃ nāma pannarasavassato yāva dvattiṃsa saṃvaccharāni, soḷasavassato vā yāva tettiṃsa vassāni. Kuṇapanti matakaḷevaraṃ, ahissa kuṇapaṃ ahikuṇapaṃ. Evaṃ itarānipi. Atipaṭikūlajigucchanīyasabhāvato cettha imāneva tīṇi vuttānīti veditabbāni. Aññesañhi sasasūkarādīnaṃ kuṇapaṃ manussā kaṭukabhaṇḍādīhi abhisaṅkharitvā paribhuñjantipi, imesaṃ pana kuṇapaṃ abhinavampi jigucchantiyeva, ko pana vādo kālātikkamena pūtibhūte. Atipaṭikūlajigucchanīyatā ca nesaṃ ativiya duggandhatāya, sā ca ahīnaṃ tikhiṇakopatāya kukkuramanussānaṃ odanakummāsūpacayatāya ca sarīrassa hotīti vadanti.
саман̣агуд̇д̇агод̇и саман̣агижжаго, гаасааваниваасанаад̣̇ивасзна саман̣агижжагаарийд̇и вуд̇д̇ам̣ ход̇и . д̇знааха ‘‘саман̣авзсад̇хаараго’’д̇и. саб̣б̣амагам̣сууд̇и бут̇уж̇ж̇анаа сааваж̇ж̇зби д̇ад̇т̇а анаваж̇ж̇асан̃н̃ино худ̇ваа гаран̣агаараабанасаманун̃н̃ад̇аад̣̇ибхзд̣̇ам̣ саб̣б̣амагам̣су. лохид̇аганд̇и зд̇т̇а ‘‘лохид̇аг̇ад̇а’’нд̇иби батанд̇и. ваг̇г̇ууд̇и мад̇аа ваг̇г̇умад̇аа. бун̃н̃асаммад̇аад̇и буж̇ж̇абхавапаланиб̣б̣ад̇д̇анзна сад̇д̇аанам̣ бунанзна висод̇ханзна бун̃н̃анд̇и саммад̇аа. баваахзссаамийд̇и г̇амаяиссаами, висод̇хзссаамийд̇и ад̇т̇о.
Samaṇakuttakoti samaṇakiccako, kāsāvanivāsanādivasena samaṇakiccakārīti vuttaṃ hoti . Tenāha ‘‘samaṇavesadhārako’’ti. Sabbamakaṃsūti puthujjanā sāvajjepi tattha anavajjasaññino hutvā karaṇakārāpanasamanuññatādibhedaṃ sabbamakaṃsu. Lohitakanti ettha ‘‘lohitagata’’ntipi paṭhanti. Vaggūti matā vaggumatā. Puññasammatāti pujjabhavaphalanibbattanena sattānaṃ punanena visodhanena puññanti sammatā. Pavāhessāmīti gamayissāmi, visodhessāmīti attho.
163. маарад̇хзяяам̣ вужжад̇и д̇збхуумагаа д̇хаммаа. важанад̇т̇ад̇о бана маарасса д̇хзяяам̣ маарад̇хзяяам̣. д̇хзяяанд̇и таанам̣ вад̇т̇у ниваасо г̇ожаро. мааро ваа зд̇т̇а д̇хияад̇и д̇идтад̇и бавад̇д̇ад̇ийд̇и маарад̇хзяяам̣, маарод̇и жзд̇т̇а гилзсамааро ад̇хиббзд̇о, гилзсамааравасзнзва жа д̣̇звабуд̇д̇амаарасса гаамабхавз аад̇хибажжанд̇и. маарависаяам̣ наад̇иггамиссад̇ийд̇и жинд̇зд̇ваад̇и звамаяам̣ сам̣взг̇ам̣ бадилабхид̇ваа маарависаяам̣ ад̇иггамзяяааби, маяаа бана звам̣ вуд̇д̇з уббаннам̣ сам̣взг̇ам̣ бадиббассамбхзд̇ваа маарависаяам̣ наад̇иггамиссад̇ийд̇и звам̣ жинд̇зд̇ваа. д̣̇виважананд̇и д̣̇вигкад̇д̇ум̣ важанам̣, аамзд̣ид̇аважананд̇и вуд̇д̇ам̣ ход̇и. нияож̇знд̇ийд̇и зд̇т̇а аяам̣ анд̇хаб̣аалаа д̣̇звад̇аа звам̣ уббаннасам̣взг̇амуулагам̣ саман̣ад̇хаммам̣ гад̇ваа ‘‘аяам̣ маарависаяам̣ ад̇иггамзяяаабий’’д̇и жинд̇зд̇ваа ад̇д̇ано ан̃н̃аан̣ад̇ааяа ‘‘мад̇аа сам̣саарад̇о мужжанд̇ий’’д̇и звам̣лад̣̇д̇хигааби самаанаа ад̇д̇ано лад̣̇д̇хивасзна мад̇аа бхигкуу сам̣саарад̇о мужжанд̇ийд̇и имамад̇т̇ам̣ анубабаригкид̇ваа д̇ам̣ д̇ад̇т̇а нияож̇зсийд̇и взд̣̇ид̇аб̣б̣ам̣.
163. Māradheyyaṃ vuccati tebhūmakā dhammā. Vacanatthato pana mārassa dheyyaṃ māradheyyaṃ. Dheyyanti ṭhānaṃ vatthu nivāso gocaro. Māro vā ettha dhiyati tiṭṭhati pavattatīti māradheyyaṃ, māroti cettha kilesamāro adhippeto, kilesamāravaseneva ca devaputtamārassa kāmabhave ādhipaccanti. Māravisayaṃ nātikkamissatīti cintetvāti evamayaṃ saṃvegaṃ paṭilabhitvā māravisayaṃ atikkameyyāpi, mayā pana evaṃ vutte uppannaṃ saṃvegaṃ paṭippassambhetvā māravisayaṃ nātikkamissatīti evaṃ cintetvā. Dvivacananti dvikkhattuṃ vacanaṃ, āmeḍitavacananti vuttaṃ hoti. Niyojentīti ettha ayaṃ andhabālā devatā evaṃ uppannasaṃvegamūlakaṃ samaṇadhammaṃ katvā ‘‘ayaṃ māravisayaṃ atikkameyyāpī’’ti cintetvā attano aññāṇatāya ‘‘matā saṃsārato muccantī’’ti evaṃladdhikāpi samānā attano laddhivasena matā bhikkhū saṃsārato muccantīti imamatthaṃ anupaparikkhitvā taṃ tattha niyojesīti veditabbaṃ.
гин̃жааби асубхагат̇ам̣ гат̇знд̇зна бхаг̇авад̇аа яат̇аа д̇зсам̣ бхигкуунам̣ маран̣абхаяам̣ на бхависсад̇и, д̇ат̇аа д̣̇зсид̇ад̇д̇аа бхигкуунан̃жа д̇ам̣ д̇хаммагат̇ам̣ суд̇ваа асубхабхааванаануяог̇зна гааяз виг̇ад̇ачанд̣̇арааг̇ад̇ааяа маран̣асса абхибад̇т̇ид̇абхаавад̇о бхаяам̣ над̇т̇и, д̇ам̣ бана асихад̇т̇ам̣ д̇ат̇аа вижаранд̇ам̣ д̣̇исваа д̇ад̣̇ан̃н̃зсам̣ бхигкуунам̣ уббаж̇ж̇анагабхаяам̣ санд̇хааяа ‘‘ход̇иязва бхаяа’’нд̇иаад̣̇и вуд̇д̇анд̇и вад̣̇анд̇и. ‘‘ад̇д̇анааби ад̇д̇аанам̣ ж̇ийвид̇аа воробзнд̇и, ан̃н̃аман̃н̃амби ж̇ийвид̇аа воробзнд̇ий’’д̇и вуд̇д̇ад̇д̇аа ‘‘саб̣б̣ааниби д̇аани бан̃жа бхигкусад̇аани ж̇ийвид̇аа воробзсий’’д̇и ид̣̇ам̣ язбхуяяавасзна вуд̇д̇анд̇и г̇ахзд̇аб̣б̣ам̣. аббаган̃хи уунамад̇хигам̣ ваа г̇ан̣ануубаг̇ам̣ на ход̇ийд̇и ‘‘бан̃жасад̇ааний’’д̇и вуд̇д̇ам̣. д̇асмаа яз жа ад̇д̇анаава ад̇д̇аанам̣ ан̃н̃аман̃н̃ан̃жа ж̇ийвид̇аа воробзсум̣, д̇з табзд̇ваа авасзсз бут̇уж̇ж̇анабхигкуу саб̣б̣з жа арияз аяам̣ ж̇ийвид̇аа воробзсийд̇и взд̣̇ид̇аб̣б̣ам̣.
Kiñcāpi asubhakathaṃ kathentena bhagavatā yathā tesaṃ bhikkhūnaṃ maraṇabhayaṃ na bhavissati, tathā desitattā bhikkhūnañca taṃ dhammakathaṃ sutvā asubhabhāvanānuyogena kāye vigatachandarāgatāya maraṇassa abhipatthitabhāvato bhayaṃ natthi, taṃ pana asihatthaṃ tathā vicarantaṃ disvā tadaññesaṃ bhikkhūnaṃ uppajjanakabhayaṃ sandhāya ‘‘hotiyeva bhaya’’ntiādi vuttanti vadanti. ‘‘Attanāpi attānaṃ jīvitā voropenti, aññamaññampi jīvitā voropentī’’ti vuttattā ‘‘sabbānipi tāni pañca bhikkhusatāni jīvitā voropesī’’ti idaṃ yebhuyyavasena vuttanti gahetabbaṃ. Appakañhi ūnamadhikaṃ vā gaṇanūpagaṃ na hotīti ‘‘pañcasatānī’’ti vuttaṃ. Tasmā ye ca attanāva attānaṃ aññamaññañca jīvitā voropesuṃ, te ṭhapetvā avasese puthujjanabhikkhū sabbe ca ariye ayaṃ jīvitā voropesīti veditabbaṃ.
164. бадисаллаанаа вудтид̇од̇и зд̇т̇а бадисаллаананд̇и д̇зхи д̇зхи сад̇д̇асан̇каарзхи бадинивад̇д̇ид̇ваа абасаггид̇ваа саллаанам̣ нилийяанам̣ вивзжанам̣, гааяажид̇д̇зхи д̇ад̇о вивид̇д̇ад̇аа згийбхаавод̇и вуд̇д̇ам̣ ход̇и. д̇знааха ‘‘згийбхаавад̇о’’д̇и , бавивзгад̇од̇и ад̇т̇о. згийбхаавод̇и хи гааяажид̇д̇авивзго вуд̇д̇о. вудтид̇од̇и д̇ад̇о д̣̇увид̇хавивзгад̇о бхаван̇г̇уббад̇д̇ияаа руубаарамман̣аад̣̇исан̇каарасамааяог̇зна г̇ахадтабаб̣б̣аж̇ид̇аад̣̇исад̇д̇асамааг̇амзна жа абзд̇о. уд̣̇д̣̇зсам̣ барибужчам̣ г̇ан̣ханд̇ийд̇и ад̇д̇ано ад̇д̇ано аажарияаанам̣ санд̇игз г̇ан̣ханд̇и. гаамам̣ д̣̇асаануссад̇иг̇г̇ахан̣знзва аанаабаанассад̇иби г̇ахид̇аа, саа бана д̇ад̇т̇а саннибад̇ид̇абхигкуусу б̣ахуунам̣ саббааяаа саад̇т̇игаа жа, д̇асмаа буна г̇ахид̇аа. д̇ат̇аа хи бхаг̇аваа д̇амзва гаммадтаанам̣ д̇зсам̣ бхигкуунам̣ гат̇зси. аахаарз бадигууласан̃н̃аа асубхагаммадтаанасад̣̇исаа, жад̇д̇ааро бана ааруббаа аад̣̇игаммигаанам̣ анануруубаад̇и д̇зсам̣ ид̇ха аг̇г̇ахан̣ам̣ д̣̇адтаб̣б̣ам̣.
164.Paṭisallānā vuṭṭhitoti ettha paṭisallānanti tehi tehi sattasaṅkhārehi paṭinivattitvā apasakkitvā sallānaṃ nilīyanaṃ vivecanaṃ, kāyacittehi tato vivittatā ekībhāvoti vuttaṃ hoti. Tenāha ‘‘ekībhāvato’’ti , pavivekatoti attho. Ekībhāvoti hi kāyacittaviveko vutto. Vuṭṭhitoti tato duvidhavivekato bhavaṅguppattiyā rūpārammaṇādisaṅkhārasamāyogena gahaṭṭhapabbajitādisattasamāgamena ca apeto. Uddesaṃ paripucchaṃ gaṇhantīti attano attano ācariyānaṃ santike gaṇhanti. Kāmaṃ dasānussatiggahaṇeneva ānāpānassatipi gahitā, sā pana tattha sannipatitabhikkhūsu bahūnaṃ sappāyā sātthikā ca, tasmā puna gahitā. Tathā hi bhagavā tameva kammaṭṭhānaṃ tesaṃ bhikkhūnaṃ kathesi. Āhāre paṭikūlasaññā asubhakammaṭṭhānasadisā, cattāro pana āruppā ādikammikānaṃ ananurūpāti tesaṃ idha aggahaṇaṃ daṭṭhabbaṃ.
взсаалим̣ убаниссааяаад̇и взсаалийнаг̇арам̣ г̇ожараг̇аамам̣ гад̇ваа. убадтаанасаалааяанд̇и д̇хаммасабхааяам̣. мухуд̇д̇знзваад̇и сад̇т̇ари сад̣̇д̇хаммз жа г̇ааравзна убаг̇ад̇абхигкуунам̣ важанасамананд̇арамзва удтахим̣сууд̇и гад̇ваа вуд̇д̇ам̣. б̣уд̣̇д̇хагаалз гира бхигкуу бхаг̇авад̇о санд̣̇зсам̣ сирасаа самбадижчид̇ум̣ охид̇асод̇аа вихаранд̇и. яассаад̇и яасса гад̇д̇аб̣б̣асса. гааланд̇и д̣̇зсанаагаалам̣ санд̇хааяа вад̣̇ад̇и.
Vesāliṃ upanissāyāti vesālīnagaraṃ gocaragāmaṃ katvā. Upaṭṭhānasālāyanti dhammasabhāyaṃ. Muhuttenevāti satthari saddhamme ca gāravena upagatabhikkhūnaṃ vacanasamanantarameva uṭṭhahiṃsūti katvā vuttaṃ. Buddhakāle kira bhikkhū bhagavato sandesaṃ sirasā sampaṭicchituṃ ohitasotā viharanti. Yassāti yassa kattabbassa. Kālanti desanākālaṃ sandhāya vadati.
батамабан̃н̃ад̇д̇инид̣̇аанаван̣н̣анаа нидтид̇аа.
Paṭhamapaññattinidānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 3. д̇ад̇ияабаарааж̇игам̣ • 3. Tatiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 3. д̇ад̇ияабаарааж̇игам̣ • 3. Tatiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / батамабан̃н̃ад̇д̇инид̣̇аанаван̣н̣анаа • Paṭhamapaññattinidānavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / батамабан̃н̃ад̇д̇инид̣̇аанаван̣н̣анаа • Paṭhamapaññattinidānavaṇṇanā
