| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
3. д̇ад̇ияабаарааж̇игам̣
3. Tatiyapārājikaṃ
батамабан̃н̃ад̇д̇инид̣̇аанаван̣н̣анаа
Paṭhamapaññattinidānavaṇṇanā
162. д̇ийхи суд̣̇д̇хзнаад̇и зд̇т̇а д̇ийхийд̇и ниссаггаважанам̣ ваа ход̇и, гаран̣аважанам̣ ваа. ниссаггабагкз гааяаважийманод̣̇ваарзхи суд̣̇д̇хзна. д̇ат̇аа д̣̇ужжарид̇амалзхи висамзхи бабан̃жзхийд̇иаад̣̇инаа наязна саб̣б̣агилзсад̇д̇игзхи б̣од̇химан̣д̣з зва суд̣̇д̇хзнаад̇и яож̇зд̇аб̣б̣ам̣. гаран̣абагкз д̇ийхийд̇и гааяаважийманод̣̇ваарзхи суд̣̇д̇хзна. д̇ат̇аа д̇ийхи сужарид̇зхи, д̇ийхи вимогкзхи, д̇ийхи бхааванаахи, д̇ийхи сийласамаад̇хибан̃н̃аахи суд̣̇д̇хзнаад̇и саб̣б̣аг̇ун̣ад̇д̇игзхи яож̇зд̇аб̣б̣ам̣. вибхаавид̇анд̇и д̣̇зсанааяа вид̇т̇аарид̇ам̣, вибхууд̇ам̣ ваа гад̇ам̣ вихид̇ам̣, бан̃н̃ад̇д̇ам̣ ваа ход̇и. сам̣ван̣н̣анаад̇и вад̇д̇амаанасамийбз вад̇д̇амаанаважанам̣.
162.Tīhi suddhenāti ettha tīhīti nissakkavacanaṃ vā hoti, karaṇavacanaṃ vā. Nissakkapakkhe kāyavacīmanodvārehi suddhena. Tathā duccaritamalehi visamehi papañcehītiādinā nayena sabbakilesattikehi bodhimaṇḍe eva suddhenāti yojetabbaṃ. Karaṇapakkhe tīhīti kāyavacīmanodvārehi suddhena. Tathā tīhi sucaritehi, tīhi vimokkhehi, tīhi bhāvanāhi, tīhi sīlasamādhipaññāhi suddhenāti sabbaguṇattikehi yojetabbaṃ. Vibhāvitanti desanāya vitthāritaṃ, vibhūtaṃ vā kataṃ vihitaṃ, paññattaṃ vā hoti. Saṃvaṇṇanāti vattamānasamīpe vattamānavacanaṃ.
на гзвалам̣ рааж̇аг̇ахамзва, ид̣̇амби наг̇арам̣. сабарижчзд̣̇анд̇и сабарияанд̇анд̇и ад̇т̇о. сабаригкзбанд̇и згз. ‘‘хам̣саваддагажчад̣̇анзнаад̇и хам̣сабаригкзбасан̣таанзнаа’’д̇и ликид̇ам̣. гааяавижчинд̣̇анияагат̇анд̇и ад̇д̇ано ад̇д̇абхаавз, барасса ваа ад̇д̇абхаавз чанд̣̇арааг̇аббахаанагарам̣ вижчинд̣̇анагарам̣ д̇хаммагат̇ам̣ гат̇зд̇и. асубхаа жзва субхаагааравирахид̇ад̇д̇аа. асужино жа д̣̇осаниссанд̣̇анабабхавад̇д̇аа. бадигуулаа жа ж̇иг̇ужчанийяад̇д̇аа бид̇д̇асзмхаад̣̇ийсу аасаяад̇о. асубхааяа ван̣н̣анд̇и асубхаагаарасса, асубхагаммадтаанасса ваа вид̇т̇аарам̣ бхаасад̇и. саамиад̇т̇з хзд̇ам̣ самбад̣̇аанаважанам̣. асубханд̇и асубханимид̇д̇асса аавибхаавааяа бажжубадтаанааяа вид̇т̇аарагат̇аасан̇каад̇ам̣ ван̣н̣ам̣ бхаасабхийд̇и ад̇т̇о. д̇зсам̣язва аад̣̇имаж̇жхабарияосаанаанам̣ д̣̇асахи лагкан̣зхи самбаннам̣ гилзсажорзхи анабхибхаванийяад̇д̇аа жхаанажид̇д̇ам̣ ман̃ж̇уусам̣ наама.
Na kevalaṃ rājagahameva, idampi nagaraṃ. Saparicchedanti sapariyantanti attho. Saparikkhepanti eke. ‘‘Haṃsavaṭṭakacchadanenāti haṃsaparikkhepasaṇṭhānenā’’ti likhitaṃ. Kāyavicchindaniyakathanti attano attabhāve, parassa vā attabhāve chandarāgappahānakaraṃ vicchindanakaraṃ dhammakathaṃ katheti. Asubhā ceva subhākāravirahitattā. Asucino ca dosanissandanapabhavattā. Paṭikūlā ca jigucchanīyattā pittasemhādīsu āsayato. Asubhāya vaṇṇanti asubhākārassa, asubhakammaṭṭhānassa vā vitthāraṃ bhāsati. Sāmiatthe hetaṃ sampadānavacanaṃ. Asubhanti asubhanimittassa āvibhāvāya paccupaṭṭhānāya vitthārakathāsaṅkhātaṃ vaṇṇaṃ bhāsabhīti attho. Tesaṃyeva ādimajjhapariyosānānaṃ dasahi lakkhaṇehi sampannaṃ kilesacorehi anabhibhavanīyattā jhānacittaṃ mañjūsaṃ nāma.
д̇ад̇римаанийд̇и зд̇т̇ааяам̣ бин̣д̣ад̇т̇о – яасмим̣ ваарз батамам̣ жхаанам̣ згажид̇д̇агкан̣игам̣ уббаж̇ж̇ад̇и, д̇ам̣ сагаламби ж̇аванаваарам̣ ануломабаригаммаубажаараг̇од̇рабхуаббанааббабхзд̣̇ам̣ згад̇д̇анаязна ‘‘батамам̣ жхаана’’нд̇и г̇ахзд̇ваа д̇асса батамаж̇жхаанасса аббанаабадибаад̣̇игааяа киббаад̣̇ибхзд̣̇ааяа абхин̃н̃ааяа ад̇хиг̇ад̇ааяа гижжанибпад̇д̇им̣ убаад̣̇ааяа ааг̇аманавасзна бадибад̣̇аависуд̣̇д̇хи аад̣̇ийд̇и взд̣̇ид̇аб̣б̣аа. д̇ад̇рамаж̇жхад̇д̇убзгкааяа гижжанибпад̇д̇ивасзна убзгкаануб̣рууханаа маж̇жхзд̇и взд̣̇ид̇аб̣б̣аа. барияод̣̇аабаган̃аан̣асса гижжанибпад̇д̇ивасзна самбахам̣санаа барияосаананд̇и взд̣̇ид̇аб̣б̣ам̣. д̇ад̇т̇а аад̣̇ижид̇д̇ад̇о бадтааяа яаава батамаж̇жхаанасса уббаад̣̇агкан̣ам̣, зд̇асмим̣ анд̇арз бадибад̣̇аависуд̣̇д̇хийд̇и взд̣̇ид̇аб̣б̣аа. уббаад̣̇атид̇игкан̣зсу убзгкаануб̣рууханаа, тид̇ибхан̇г̇агкан̣зсу самбахам̣санаад̇и взд̣̇ид̇аб̣б̣аа. лагкийяад̇и зд̇знаад̇и лагкан̣анд̇и гад̇ваа ‘‘висуд̣̇д̇хибадибад̇д̇ибагканд̣̇анз’’д̇иаад̣̇инаа буб̣б̣абхааг̇о лагкийяад̇и, д̇ивид̇хзна аж̇жхубзгканзна маж̇жхам̣ лагкийяад̇и, жад̇уб̣б̣ид̇хааяа самбахам̣санааяа барияосаанам̣ лагкийяад̇ийд̇и. д̇зна вуд̇д̇ам̣ ‘‘д̣̇аса лагкан̣ааний’’д̇и.
Tatrimānīti etthāyaṃ piṇḍattho – yasmiṃ vāre paṭhamaṃ jhānaṃ ekacittakkhaṇikaṃ uppajjati, taṃ sakalampi javanavāraṃ anulomaparikammaupacāragotrabhuappanāppabhedaṃ ekattanayena ‘‘paṭhamaṃ jhāna’’nti gahetvā tassa paṭhamajjhānassa appanāpaṭipādikāya khippādibhedāya abhiññāya adhigatāya kiccanipphattiṃ upādāya āgamanavasena paṭipadāvisuddhi ādīti veditabbā. Tatramajjhattupekkhāya kiccanipphattivasena upekkhānubrūhanā majjheti veditabbā. Pariyodāpakañāṇassa kiccanipphattivasena sampahaṃsanā pariyosānanti veditabbaṃ. Tattha ādicittato paṭṭhāya yāva paṭhamajjhānassa uppādakkhaṇaṃ, etasmiṃ antare paṭipadāvisuddhīti veditabbā. Uppādaṭhitikkhaṇesu upekkhānubrūhanā, ṭhitibhaṅgakkhaṇesu sampahaṃsanāti veditabbā. Lakkhīyati etenāti lakkhaṇanti katvā ‘‘visuddhipaṭipattipakkhandane’’tiādinā pubbabhāgo lakkhīyati, tividhena ajjhupekkhanena majjhaṃ lakkhīyati, catubbidhāya sampahaṃsanāya pariyosānaṃ lakkhīyatīti. Tena vuttaṃ ‘‘dasa lakkhaṇānī’’ti.
баариб̣анд̇хагад̇од̇и нийваран̣асан̇каад̇абаариб̣анд̇хагад̇о висуд̣̇д̇хад̇д̇аа г̇од̇рабхубарияосаанам̣ буб̣б̣абхааг̇аж̇аванажид̇д̇ам̣ ‘‘жид̇д̇ависуд̣̇д̇хий’’д̇и вужжад̇и. д̇ат̇аа висуд̣̇д̇хад̇д̇аа д̇ам̣ жид̇д̇ам̣ маж̇жхимам̣ самаад̇хинимид̇д̇асан̇каад̇ам̣ аббанаасамаад̇хим̣ д̇ад̣̇ад̇т̇ааяа убаг̇ажчамаанам̣ згасанд̇ад̇ивасзна барин̣аамзнд̇ам̣ бадибаж̇ж̇ад̇и наама. звам̣ бадибаннасса д̇асса д̇ад̇т̇а самат̇анимид̇д̇з багканд̣̇анам̣ д̇аб̣бхаавуубаг̇аманам̣ ход̇ийд̇и гад̇ваа ‘‘д̇ад̇т̇а жид̇д̇абагканд̣̇ана’’нд̇и вужжад̇и. звам̣ д̇аава батамаж̇жхаануббаад̣̇агкан̣з зва ааг̇аманавасзна бадибад̣̇аависуд̣̇д̇хи взд̣̇ид̇аб̣б̣аа. звам̣ висуд̣̇д̇хасса аббанааббад̇д̇асса буна висод̇ханз б̣яаабаараабхааваа аж̇жхубзгканам̣ ход̇и. самат̇аббадибаннад̇д̇аа буна самаад̇хаанз б̣яаабаараабхааваа жа самат̇аббадибаннасса аж̇жхубзгканам̣ ход̇и. гилзсасам̣саг̇г̇ам̣ бахааяа зганд̇зна убадтид̇ад̇д̇аа буна згад̇д̇убадтаанз б̣яаабаараасамбхавад̇о згад̇д̇убадтаанасса аж̇жхубзгканам̣ ход̇и. д̇ад̇т̇а ж̇аад̇аананд̇и д̇асмим̣ жид̇д̇з ж̇аад̇аанам̣ самаад̇хибан̃н̃аанам̣ яуг̇анад̣̇д̇хабхаавзна анад̇ивад̇д̇анадтзна наанаагилзсзхи вимуд̇д̇ад̇д̇аа. сад̣̇д̇хаад̣̇ийнам̣ инд̣̇рияаанам̣ вимуд̇д̇ирасзнзгарасадтзна анад̇ивад̇д̇анзгасабхааваанам̣ д̇зсам̣ д̣̇виннам̣ убаг̇ад̇ам̣ д̇аж̇ж̇ам̣ д̇ассааруббам̣ д̇ад̣̇ануруубам̣ вийрияам̣ д̇ат̇аа жид̇д̇ам̣ яог̇ий ваахзд̇и бавад̇д̇зд̇ийд̇и гад̇ваа д̇ад̣̇убаг̇авийрияавааханадтзна жа висзсабхааг̇ияабхаавад̇д̇аа аасзванадтзна жа самбахам̣санаа ход̇ийд̇и ад̇т̇о взд̣̇ид̇аб̣б̣о. абижзд̇т̇а ‘‘ананд̇араад̇ийд̇ам̣ г̇од̇рабхужид̇д̇ам̣ згасанд̇ад̇ивасзна барин̣аамзнд̇ам̣ бадибаж̇ж̇ад̇и наамаа’’д̇и ликид̇ам̣. д̇ад̇т̇а хи барин̣аамзнд̇ам̣ бадибаж̇ж̇ад̇ийд̇и зд̇аани важанаани ад̇ийд̇асса на самбхаванд̇и, яан̃жа д̇ад̣̇ананд̇арам̣ ликид̇ам̣ ‘‘аббанаасамаад̇хижид̇д̇ам̣ убаг̇ажчамаанам̣ г̇од̇рабхужид̇д̇ам̣ д̇ад̇т̇а багканд̣̇ад̇и наамаа’’д̇и. иминааби д̇ам̣ на яуж̇ж̇ад̇и, ‘‘бадибад̇д̇игкан̣з зва ад̇ийд̇а’’нд̇и вуд̇д̇ад̇д̇аа ‘‘г̇од̇рабхужид̇д̇ам̣ д̇ад̇т̇а багканд̣̇ад̇ий’’д̇и важанамзва вируж̇жхад̇ийд̇и аажарияо. ‘‘згажид̇д̇агкан̣игамби логуд̇д̇аражид̇д̇ам̣ аасзвад̇и бхаавзд̇и б̣ахулийгарод̇ий’’д̇и вуд̇д̇ад̇д̇аа ‘‘згажид̇д̇агкан̣игассааби жхаанасса зд̇аани д̣̇аса лагкан̣ааний’’д̇и вуд̇д̇ам̣. ‘‘д̇ад̇о бадтааяа аасзванаа бхааванаа зваа’’д̇иби вуд̇д̇ам̣. ‘‘ад̇хидтаанасамбаннанд̇и ад̇хидтаанзна сахаг̇ад̇а’’нд̇и ликид̇ам̣. д̇ассад̇т̇о – яан̃жа ‘‘аад̣̇имаж̇жхабарияосаанасан̇каад̇а’’нд̇и вуд̇д̇ам̣, д̇ам̣ д̇зсам̣ д̇ин̣н̣амби галяаан̣агад̇ааяа саманнааг̇ад̇ад̇д̇аа д̇ивид̇хагаляаан̣агад̇ан̃жа. звам̣ д̇ивид̇хажид̇д̇ам̣ д̇ад̣̇ад̇хиг̇амамуулагаанам̣ г̇ун̣аанам̣, убарижхаанаад̇хиг̇амасса ваа бад̣̇адтаанадтзна ад̇хидтаанам̣ ход̇и, д̇асмаа жид̇д̇асса ад̇хидтаанабхаавзна самбаннад̇д̇аа ад̇хидтаанасамбаннам̣ наамаад̇и.
Pāribandhakatoti nīvaraṇasaṅkhātapāribandhakato visuddhattā gotrabhupariyosānaṃ pubbabhāgajavanacittaṃ ‘‘cittavisuddhī’’ti vuccati. Tathā visuddhattā taṃ cittaṃ majjhimaṃ samādhinimittasaṅkhātaṃ appanāsamādhiṃ tadatthāya upagacchamānaṃ ekasantativasena pariṇāmentaṃ paṭipajjati nāma. Evaṃ paṭipannassa tassa tattha samathanimitte pakkhandanaṃ tabbhāvūpagamanaṃ hotīti katvā ‘‘tattha cittapakkhandana’’nti vuccati. Evaṃ tāva paṭhamajjhānuppādakkhaṇe eva āgamanavasena paṭipadāvisuddhi veditabbā. Evaṃ visuddhassa appanāppattassa puna visodhane byāpārābhāvā ajjhupekkhanaṃ hoti. Samathappaṭipannattā puna samādhāne byāpārābhāvā ca samathappaṭipannassa ajjhupekkhanaṃ hoti. Kilesasaṃsaggaṃ pahāya ekantena upaṭṭhitattā puna ekattupaṭṭhāne byāpārāsambhavato ekattupaṭṭhānassa ajjhupekkhanaṃ hoti. Tattha jātānanti tasmiṃ citte jātānaṃ samādhipaññānaṃ yuganaddhabhāvena anativattanaṭṭhena nānākilesehi vimuttattā. Saddhādīnaṃ indriyānaṃ vimuttirasenekarasaṭṭhena anativattanekasabhāvānaṃ tesaṃ dvinnaṃ upagataṃ tajjaṃ tassāruppaṃ tadanurūpaṃ vīriyaṃ tathā cittaṃ yogī vāheti pavattetīti katvā tadupagavīriyavāhanaṭṭhena ca visesabhāgiyabhāvattā āsevanaṭṭhena ca sampahaṃsanā hotīti attho veditabbo. Apicettha ‘‘anantarātītaṃ gotrabhucittaṃ ekasantativasena pariṇāmentaṃ paṭipajjati nāmā’’ti likhitaṃ. Tattha hi pariṇāmentaṃ paṭipajjatīti etāni vacanāni atītassa na sambhavanti, yañca tadanantaraṃ likhitaṃ ‘‘appanāsamādhicittaṃ upagacchamānaṃ gotrabhucittaṃ tattha pakkhandati nāmā’’ti. Imināpi taṃ na yujjati, ‘‘paṭipattikkhaṇe eva atīta’’nti vuttattā ‘‘gotrabhucittaṃ tattha pakkhandatī’’ti vacanameva virujjhatīti ācariyo. ‘‘Ekacittakkhaṇikampi lokuttaracittaṃ āsevati bhāveti bahulīkarotī’’ti vuttattā ‘‘ekacittakkhaṇikassāpi jhānassa etāni dasa lakkhaṇānī’’ti vuttaṃ. ‘‘Tato paṭṭhāya āsevanā bhāvanā evā’’tipi vuttaṃ. ‘‘Adhiṭṭhānasampannanti adhiṭṭhānena sahagata’’nti likhitaṃ. Tassattho – yañca ‘‘ādimajjhapariyosānasaṅkhāta’’nti vuttaṃ, taṃ tesaṃ tiṇṇampi kalyāṇakatāya samannāgatattā tividhakalyāṇakatañca. Evaṃ tividhacittaṃ tadadhigamamūlakānaṃ guṇānaṃ, uparijhānādhigamassa vā padaṭṭhānaṭṭhena adhiṭṭhānaṃ hoti, tasmā cittassa adhiṭṭhānabhāvena sampannattā adhiṭṭhānasampannaṃ nāmāti.
ад̣̇д̇хамаасам̣ бадисаллийяид̇унд̇и зд̇т̇а аажарияаа звамааху ‘‘бхигкуунам̣ ан̃н̃аман̃н̃авад̇хад̣̇ассанасаванасамбхавз сад̇т̇уно сад̇и д̇асса убад̣̇д̣̇авасса абхаавз убааяааж̇аананад̇о ‘аяам̣ асаб̣б̣ан̃н̃уу’д̇и хзд̇убад̇ируубагамахзд̇ум̣ вад̇ваа д̇хаммиссарассааби д̇ат̇ааг̇ад̇асса гаммзсваниссарияам̣ асамб̣уж̇жхамаанаа асаб̣б̣ад̣̇ассид̇амад̇хижжамохаа б̣ахуж̇анаа авийжибарааяанаа бхавзяяум̣, д̇асмаа со бхаг̇аваа баг̇зва д̇зсам̣ бхигкуунам̣ ан̃н̃аман̃н̃ам̣ вад̇хамаанабхаавам̣ н̃ад̇ваа д̇ад̣̇абхаавобааяаабхаавам̣ бана сувинижчинид̇ваа д̇ад̇т̇а бут̇уж̇ж̇анаанам̣ суг̇ад̇илаабхахзд̇умзвзгам̣ гад̇ваа асубхад̣̇зсанааяа ваа руубасад̣̇д̣̇ад̣̇ассанасаванзхи ниббаяож̇анзхи вирамид̇ваа баг̇зва д̇ад̇о вираман̣ад̇о, суг̇ад̇илаабхахзд̇угаран̣ад̇о, авассам̣ бан̃н̃аабид̇аб̣б̣ааяа д̇ад̇ияабаарааж̇игабан̃н̃ад̇д̇ияаа вад̇т̇ааг̇амад̣̇ассанад̇о жа ад̇д̇ано саб̣б̣ад̣̇ассид̇ам̣ баригкагаанам̣ багаасзнд̇о вияа д̇амад̣̇д̇хамаасам̣ взнзяяахид̇анибпад̇д̇ияаа паласамаабад̇д̇ияаа авагаасам̣ гад̇ваа вихарид̇угаамо ‘ижчаамахам̣, бхигкавз, ад̣̇д̇хамаасам̣ бадисаллийяид̇у’нд̇иаад̣̇имаахаа’’д̇и. аажарияаа наама б̣уд̣̇д̇хамид̇д̇ад̇т̇зрад̇хаммасирид̇т̇зраубад̇иссад̇т̇зраад̣̇аяо г̇ан̣абаамогкаа, адтагат̇аажарияасса жа санд̇игз суд̇абуб̣б̣аа. д̇ад̇о ан̃н̃з згзд̇и взд̣̇ид̇аб̣б̣аа. ‘‘сагзна гааязна аддийяанд̇и…бз… бхависсанд̇ий’’д̇и ид̣̇ам̣ барад̇о ‘‘яз д̇з бхигкуу авийд̇арааг̇аа, д̇зсам̣ д̇асмим̣ самаяз ход̇и зва бхаяам̣, ход̇и ломахам̣со, ход̇и чамбхид̇ад̇д̇а’’нд̇и иминаа на яуж̇ж̇ад̇и, ид̣̇ан̃жа бхаг̇авад̇о асубхагат̇аарамман̣аббаяож̇анзна на самзд̇ийд̇и жз? на, д̇ад̣̇ад̇т̇ааж̇аананад̇о. сагзна гааязна аддийяанд̇аанамби д̇зсам̣ арияамаг̇г̇зна аббахийнасинзхад̇д̇аа кийн̣аасаваанам̣ вияа маран̣ам̣ бадижжа абхаяам̣ на ход̇и, бхаяан̃жа бана асубхабхааванаануяог̇аанубхаавзна манд̣̇ийбхууд̇ам̣ анаддийяанд̇аанам̣ вияа на маханд̇ам̣ худ̇ваа жид̇д̇ам̣ мохзси. абааяубаг̇з д̇з сад̇д̇з наагаасийд̇и звамад̇т̇о взд̣̇ид̇аб̣б̣о. ат̇а ваа ид̣̇ам̣ буримасса гааран̣аважанам̣, яасмаа д̇зсам̣ д̇асмим̣ самаяз ход̇и зва бхаяам̣, чамбхид̇ад̇д̇ам̣, ломахам̣со жа, д̇асмаа ‘‘д̇зна ко бана самаязна бхаг̇аваа асубхагат̇ам̣ гат̇зд̇ий’’д̇иаад̣̇и вуд̇д̇анд̇и.
Addhamāsaṃ paṭisallīyitunti ettha ācariyā evamāhu ‘‘bhikkhūnaṃ aññamaññavadhadassanasavanasambhave satthuno sati tassa upaddavassa abhāve upāyājānanato ‘ayaṃ asabbaññū’ti hetupatirūpakamahetuṃ vatvā dhammissarassāpi tathāgatassa kammesvanissariyaṃ asambujjhamānā asabbadassitamadhiccamohā bahujanā avīciparāyanā bhaveyyuṃ, tasmā so bhagavā pageva tesaṃ bhikkhūnaṃ aññamaññaṃ vadhamānabhāvaṃ ñatvā tadabhāvopāyābhāvaṃ pana suvinicchinitvā tattha puthujjanānaṃ sugatilābhahetumevekaṃ katvā asubhadesanāya vā rūpasaddadassanasavanehi nippayojanehi viramitvā pageva tato viramaṇato, sugatilābhahetukaraṇato, avassaṃ paññāpitabbāya tatiyapārājikapaññattiyā vatthāgamadassanato ca attano sabbadassitaṃ parikkhakānaṃ pakāsento viya tamaddhamāsaṃ veneyyahitanipphattiyā phalasamāpattiyā avakāsaṃ katvā viharitukāmo ‘icchāmahaṃ, bhikkhave, addhamāsaṃ paṭisallīyitu’ntiādimāhā’’ti. Ācariyā nāma buddhamittattheradhammasirittheraupatissattherādayo gaṇapāmokkhā, aṭṭhakathācariyassa ca santike sutapubbā. Tato aññe eketi veditabbā. ‘‘Sakena kāyena aṭṭīyanti…pe… bhavissantī’’ti idaṃ parato ‘‘ye te bhikkhū avītarāgā, tesaṃ tasmiṃ samaye hoti eva bhayaṃ, hoti lomahaṃso, hoti chambhitatta’’nti iminā na yujjati, idañca bhagavato asubhakathārammaṇappayojanena na sametīti ce? Na, tadatthājānanato. Sakena kāyena aṭṭīyantānampi tesaṃ ariyamaggena appahīnasinehattā khīṇāsavānaṃ viya maraṇaṃ paṭicca abhayaṃ na hoti, bhayañca pana asubhabhāvanānuyogānubhāvena mandībhūtaṃ anaṭṭīyantānaṃ viya na mahantaṃ hutvā cittaṃ mohesi. Apāyupage te satte nākāsīti evamattho veditabbo. Atha vā idaṃ purimassa kāraṇavacanaṃ, yasmā tesaṃ tasmiṃ samaye hoti eva bhayaṃ, chambhitattaṃ, lomahaṃso ca, tasmā ‘‘tena kho pana samayena bhagavā asubhakathaṃ kathetī’’tiādi vuttanti.
ат̇а ваа сагзна гааязна аддийяанд̇аанамби д̇зсам̣ ход̇и зва бхаяам̣, махаанубхааваа вийд̇арааг̇аад̇и кийн̣аасаваанам̣ маханд̇ам̣ висзсам̣ д̣̇ассзд̇и, ад̇ид̣̇уббасахзяяамид̣̇ам̣ маран̣абхаяам̣, яад̇о звам̣вид̇хаанамби авийд̇арааг̇ад̇д̇аа бхаяам̣ ход̇ийд̇иби д̣̇ассзд̇и. д̇ад̣̇ан̃н̃з д̇зсам̣ бхигкуунам̣ бан̃жасад̇аанам̣ ан̃н̃ад̇араа. д̇знзд̣̇ам̣ д̣̇ийбзд̇и ‘‘д̇ам̣ д̇ат̇аа ааг̇ад̇ам̣ асихад̇т̇ам̣ вад̇хагам̣ бассид̇ваа д̇ад̣̇ан̃н̃зсамби ход̇и зва бхаяам̣, баг̇зва д̇зсанд̇и гад̇ваа бхаг̇аваа батамамзва д̇зсам̣ асубхагат̇ам̣ гат̇зси, барад̇о д̇зсам̣ наахоси. звам̣ махаанисам̣саа нзсам̣ асубхагат̇аа аасий’’д̇и. яо банзд̇т̇а бажчимо наяо , со ‘‘д̇зсу гира бхигкуусу гзнажиби гааяавигааро ваа важийвигааро ваа на гад̇о, саб̣б̣з сад̇аа самбаж̇аанаа д̣̇агкин̣зна бассзна нибаж̇ж̇им̣суу’’д̇и иминаа адтагат̇ааважанзна самзд̇и.
Atha vā sakena kāyena aṭṭīyantānampi tesaṃ hoti eva bhayaṃ, mahānubhāvā vītarāgāti khīṇāsavānaṃ mahantaṃ visesaṃ dasseti, atiduppasaheyyamidaṃ maraṇabhayaṃ, yato evaṃvidhānampi avītarāgattā bhayaṃ hotītipi dasseti. Tadaññe tesaṃ bhikkhūnaṃ pañcasatānaṃ aññatarā. Tenedaṃ dīpeti ‘‘taṃ tathā āgataṃ asihatthaṃ vadhakaṃ passitvā tadaññesampi hoti eva bhayaṃ, pageva tesanti katvā bhagavā paṭhamameva tesaṃ asubhakathaṃ kathesi, parato tesaṃ nāhosi. Evaṃ mahānisaṃsā nesaṃ asubhakathā āsī’’ti. Yo panettha pacchimo nayo , so ‘‘tesu kira bhikkhūsu kenacipi kāyavikāro vā vacīvikāro vā na kato, sabbe satā sampajānā dakkhiṇena passena nipajjiṃsū’’ti iminā aṭṭhakathāvacanena sameti.
абарз банаахууд̇и гулад̣̇д̇хибадисзд̇ханад̇т̇ам̣ вуд̇д̇ам̣. ‘‘аяам̣ гира лад̣̇д̇хий’’д̇и важанам̣ ‘‘маарад̇хзяяам̣наад̇иггамиссад̇ий’’д̇и важанзна вируж̇жхад̇ийд̇и жз? на вируж̇жхад̇и. гат̇ам̣? аяам̣ бхигкуу агхаад̇знд̇о маарависаяам̣ ад̇иггамиссад̇и агусалагаран̣ад̇о жа. гхаад̇знд̇о бана маарад̇хзяяам̣ наад̇иггамиссад̇и б̣алавад̇д̇аа гаммассаад̇и саяам̣ маарабагкигад̇д̇аа звам̣ жинд̇зд̇ваа бана ‘‘яз на мад̇аа, д̇з сам̣саарад̇о на муд̇д̇аа’’д̇и ад̇д̇ано жа лад̣̇д̇хи, д̇асмаа д̇ам̣ д̇ад̇т̇а убхаязсам̣ маг̇г̇з нияож̇знд̇ий звамааха, д̇знзва ‘‘маарабагкигаа маарзна самааналад̣̇д̇хигаа’’д̇и авад̇ваа ‘‘маарассаа нувад̇д̇игаа’’д̇и вуд̇д̇аа. ‘‘иминаа гим̣ вуд̇д̇ам̣ ход̇и? яасмаа маарасса анувад̇д̇и, д̇асмаа звам̣ жинд̇зд̇вааби ад̇д̇ано лад̣̇д̇хивасзна звамаахаа’’д̇и гзжи ликанд̇и. мама санд̇игз згад̇о убадтаанамааг̇ажчанд̇и, ад̇д̇ано ад̇д̇ано аажарияубаж̇жхааяаанам̣ санд̇игз уд̣̇д̣̇зсаад̣̇им̣ г̇ан̣хаад̇и.
Apare panāhūti kuladdhipaṭisedhanatthaṃ vuttaṃ. ‘‘Ayaṃ kira laddhī’’ti vacanaṃ ‘‘māradheyyaṃnātikkamissatī’’ti vacanena virujjhatīti ce? Na virujjhati. Kathaṃ? Ayaṃ bhikkhū aghātento māravisayaṃ atikkamissati akusalakaraṇato ca. Ghātento pana māradheyyaṃ nātikkamissati balavattā kammassāti sayaṃ mārapakkhikattā evaṃ cintetvā pana ‘‘ye na matā, te saṃsārato na muttā’’ti attano ca laddhi, tasmā taṃ tattha ubhayesaṃ magge niyojentī evamāha, teneva ‘‘mārapakkhikā mārena samānaladdhikā’’ti avatvā ‘‘mārassā nuvattikā’’ti vuttā. ‘‘Iminā kiṃ vuttaṃ hoti? Yasmā mārassa anuvatti, tasmā evaṃ cintetvāpi attano laddhivasena evamāhā’’ti keci likhanti. Mama santike ekato upaṭṭhānamāgacchanti, attano attano ācariyupajjhāyānaṃ santike uddesādiṃ gaṇhāti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 3. д̇ад̇ияабаарааж̇игам̣ • 3. Tatiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 3. д̇ад̇ияабаарааж̇игам̣ • 3. Tatiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / батамабан̃н̃ад̇д̇инид̣̇аанаван̣н̣анаа • Paṭhamapaññattinidānavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / батамабан̃н̃ад̇д̇инид̣̇аанаван̣н̣анаа • Paṭhamapaññattinidānavaṇṇanā
