| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
батамабан̃н̃ад̇д̇инид̣̇аанаван̣н̣анаа
Paṭhamapaññattinidānavaṇṇanā
162. яаа аяам̣ хздтаа д̇ам̣ банзд̇ам̣ б̣уд̣̇д̇хагаалз жа жаггавад̇д̇игаалз жа наг̇арам̣ ход̇ийд̇иаад̣̇инаа (баараа. адта. 1.84) рааж̇аг̇ахасса б̣уд̣̇д̇хуббаад̣̇зязва взбуллаббад̇д̇и вуд̇д̇аа, саа зд̇т̇ааби самаанаад̇и д̣̇ассзд̇ум̣ ‘‘ид̣̇амби жа наг̇ара’’нд̇и вуд̇д̇ам̣, д̇зна жа на гзвалам̣ рааж̇аг̇ахаад̣̇аяо зваад̇и д̣̇ассзд̇и. махааванам̣ наамаад̇иаад̣̇и маж̇жхимабхаан̣агасам̣яуд̇д̇абхаан̣агаанам̣ мад̇зна вуд̇д̇ам̣, д̣̇ийгхабхаан̣агаа бана ‘‘химаванд̇зна сад̣̇д̇хим̣ згааб̣ад̣̇д̇хам̣ худ̇ваа тид̇ам̣ махаавана’’нд̇и вад̣̇анд̇и. хам̣саваддагажчад̣̇анзнаад̇и хам̣саваддагабадижчаннзна, хам̣саман̣д̣алаагаарзнаад̇и ад̇т̇о. гааяавижчанд̣̇анияагат̇анд̇и гараж̇агааяз вирааг̇уббаад̣̇анагат̇ам̣. чанд̣̇од̇и д̣̇уб̣б̣аларааг̇о. рааг̇од̇и б̣алаварааг̇о. ‘‘гзсаломаад̣̇и’’нд̇и сан̇кзбад̇о вуд̇д̇амад̇т̇ам̣ вибхааг̇зна д̣̇ассзд̇ум̣ язби хийд̇иаад̣̇и вуд̇д̇ам̣. бан̃жабан̃жаббабхзд̣̇знаад̇и зд̇т̇а бан̃жа бан̃жа бабхзд̣̇аа зд̇асса барияааяассаад̇и бан̃жабан̃жаббабхзд̣̇о , д̇зна бан̃жабан̃жаббабхзд̣̇знаад̇и звам̣ б̣аахирад̇т̇асамаасавасзна барияааяависзсанад̇аа д̣̇адтаб̣б̣аа.
162. Yā ayaṃ heṭṭhā taṃ panetaṃ buddhakāle ca cakkavattikāle ca nagaraṃ hotītiādinā (pārā. aṭṭha. 1.84) rājagahassa buddhuppādeyeva vepullappatti vuttā, sā etthāpi samānāti dassetuṃ ‘‘idampi ca nagara’’nti vuttaṃ, tena ca na kevalaṃ rājagahādayo evāti dasseti. Mahāvanaṃ nāmātiādi majjhimabhāṇakasaṃyuttabhāṇakānaṃ matena vuttaṃ, dīghabhāṇakā pana ‘‘himavantena saddhiṃ ekābaddhaṃ hutvā ṭhitaṃ mahāvana’’nti vadanti. Haṃsavaṭṭakacchadanenāti haṃsavaṭṭakapaṭicchannena, haṃsamaṇḍalākārenāti attho. Kāyavicchandaniyakathanti karajakāye virāguppādanakathaṃ. Chandoti dubbalarāgo. Rāgoti balavarāgo. ‘‘Kesalomādi’’nti saṅkhepato vuttamatthaṃ vibhāgena dassetuṃ yepi hītiādi vuttaṃ. Pañcapañcappabhedenāti ettha pañca pañca pabhedā etassa pariyāyassāti pañcapañcappabhedo , tena pañcapañcappabhedenāti evaṃ bāhiratthasamāsavasena pariyāyavisesanatā daṭṭhabbā.
асубхааяаад̇и асубхамаад̇игааяа. ван̣н̣зд̇аб̣б̣амаад̇иган̃хи абзгкид̇ваа ид̇т̇илин̇г̇з саамиважанам̣, д̇знааха маад̇игам̣ нигкибид̇ваад̇иаад̣̇и. д̇ам̣ вибхаж̇анд̇од̇и маад̇игам̣ вибхаж̇анд̇о. паад̇игамманд̇и нибпад̇д̇игаран̣ам̣. бан̃жан̇г̇авиббахийнанд̇и гаамажчанд̣̇аад̣̇ибан̃жанийваран̣ан̇г̇авиг̇амзна бан̃жан̇г̇авиббахийнад̇аа, аббанааббад̇д̇авид̇аггаад̣̇иж̇жхаанан̇г̇аанам̣ уббад̇д̇ивасзна бан̃жан̇г̇асаманнааг̇ад̇ад̇аа жа взд̣̇ид̇аб̣б̣аа. д̇ивид̇хагаляаан̣ам̣ д̣̇асалагкан̣асамбаннанд̇и зд̇т̇а бана жхаанасса аад̣̇имаж̇жхабарияосаанаанам̣ васзна д̇ивид̇хагаляаан̣ад̇аа, д̇зсам̣язва аад̣̇имаж̇жхабарияосаанаанам̣ лагкан̣авасзна д̣̇асалагкан̣асамбаннад̇аа жа взд̣̇ид̇аб̣б̣аа. адтагат̇ааяам̣ бана ‘‘д̣̇асалагкан̣авибхааванзнзва д̇анниссаяабхууд̇аа д̇ивид̇хагаляаан̣ад̇ааби жхаанасса баагадаа ход̇ийд̇и д̇ад̇римаанийд̇иаад̣̇и вуд̇д̇ам̣.
Asubhāyāti asubhamātikāya. Vaṇṇetabbamātikañhi apekkhitvā itthiliṅge sāmivacanaṃ, tenāha mātikaṃ nikkhipitvātiādi. Taṃ vibhajantoti mātikaṃ vibhajanto. Phātikammanti nipphattikaraṇaṃ. Pañcaṅgavippahīnanti kāmacchandādipañcanīvaraṇaṅgavigamena pañcaṅgavippahīnatā, appanāppattavitakkādijjhānaṅgānaṃ uppattivasena pañcaṅgasamannāgatatā ca veditabbā. Tividhakalyāṇaṃ dasalakkhaṇasampannanti ettha pana jhānassa ādimajjhapariyosānānaṃ vasena tividhakalyāṇatā, tesaṃyeva ādimajjhapariyosānānaṃ lakkhaṇavasena dasalakkhaṇasampannatā ca veditabbā. Aṭṭhakathāyaṃ pana ‘‘dasalakkhaṇavibhāvaneneva tannissayabhūtā tividhakalyāṇatāpi jhānassa pākaṭā hotīti tatrimānītiādi vuttaṃ.
д̇ад̇рааяам̣ баал̣ийд̇и д̇асмим̣ д̣̇асалагкан̣авибхааванависаяз аяам̣ баал̣и. бадибад̣̇аависуд̣̇д̇хийд̇и г̇од̇рабхубарияосаанааяа буб̣б̣абхааг̇абадибад̣̇ааяа жхаанасса нийваран̣аад̣̇ибариб̣анд̇хад̇о висуд̣̇д̇хи, сааяам̣ яасмаа убзгкаануб̣рууханаад̣̇ийнамби бажжаяад̇д̇зна бад̇хаанаа буримагааран̣асид̣̇д̇хаа жа, д̇асмаа вуд̇д̇ам̣ ‘‘бадибад̣̇аависуд̣̇д̇хи аад̣̇ий’’д̇и. убзгкаануб̣рууханаад̇и висод̇хзд̇аб̣б̣ад̇аад̣̇ийнам̣ абхаавад̇о д̇ад̇рамаж̇жхад̇д̇убзгкааяа гижжанибпад̇д̇ияаа ануб̣рууханаа, саа бана бариб̣анд̇хависуд̣̇д̇хисамагаалавибхаавинийби д̇аб̣б̣исуд̣̇д̇хияаава нибпаннаад̇и д̣̇ийбанад̇т̇амааха ‘‘убзгкаануб̣рууханаа маж̇жхз’’д̇и. самбахам̣санаад̇и вад̇т̇уд̇хаммаад̣̇ийнам̣ анад̇ивад̇д̇анаад̣̇исаад̇хагасса н̃аан̣асса гижжанибпад̇д̇ивасзна барияод̣̇абанаа, саа бана яасмаа гад̇д̇аб̣б̣асса саб̣б̣агижжасса нибпад̇д̇ияаава сид̣̇д̇хаа наама ход̇и, д̇асмаа вуд̇д̇ам̣ ‘‘самбахам̣санаа барияосаана’’нд̇и. д̇ийн̣иби жзд̇аани галяаан̣аани згагкан̣з лаб̣бхамаанааниби бажжаяабажжаяуббаннад̇аад̣̇ивасзна бавад̇д̇анд̇ийд̇и д̣̇ассанад̇т̇ам̣ аад̣̇имаж̇жхабарияосаанабхаавзна вуд̇д̇аани, на бана жхаанасса уббаад̣̇аад̣̇игкан̣ад̇д̇аяз яат̇ааггамам̣ лаб̣бхамаанад̇д̇аад̇и д̣̇адтаб̣б̣ам̣. маж̇жхимам̣ самаад̇хинимид̇д̇ам̣ бадибаж̇ж̇ад̇ийд̇иаад̣̇ийсу маж̇жхимам̣ самаад̇хинимид̇д̇ам̣ наама самаббавад̇д̇о аббанаасамаад̇хиязва. со хи лийнуд̣̇д̇хажжасан̇каад̇аанам̣ убхиннам̣ анд̇аанам̣ анубаг̇аманзна маж̇жхимо, сависзсам̣ жид̇д̇асса згад̇д̇аарамман̣з табанад̇о самаад̇хиязва убаривисзсаанам̣ гааран̣абхаавад̇о ‘‘самаад̇хинимид̇д̇а’’нд̇и вужжад̇и, д̇ам̣ бадибаж̇ж̇ад̇и бадилаб̣бхад̇ийд̇и ад̇т̇о. звам̣ бадибаннад̇д̇аа маж̇жхимзна самаад̇хинимид̇д̇зна д̇ад̇т̇а згад̇д̇аарамман̣з аббанааг̇ожарз багканд̣̇ад̇и убад̇идтад̇и, звам̣ висуд̣̇д̇хасса бана д̇асса жид̇д̇асса буна висод̇хзд̇аб̣б̣аабхаавад̇о висод̇ханз б̣яаабаарам̣ агаронд̇о буг̇г̇ало висуд̣̇д̇хам̣ жид̇д̇ам̣ аж̇жхубзгкад̇и наама. самат̇абхаавуубаг̇аманзна самат̇абадибаннасса буна самаад̇хаанз б̣яаабаарам̣ агаронд̇о самат̇абадибаннам̣ аж̇жхубзгкад̇и, самат̇абадибаннабхаавад̇о звамасса гилзсасам̣саг̇г̇ам̣ бахааяа згад̇д̇зна убадтид̇асса буна згад̇д̇убадтаанз б̣яаабаарам̣ агаронд̇о згад̇д̇убадтаанам̣ аж̇жхубзгкад̇и наама.
Tatrāyaṃpāḷīti tasmiṃ dasalakkhaṇavibhāvanavisaye ayaṃ pāḷi. Paṭipadāvisuddhīti gotrabhupariyosānāya pubbabhāgapaṭipadāya jhānassa nīvaraṇādiparibandhato visuddhi, sāyaṃ yasmā upekkhānubrūhanādīnampi paccayattena padhānā purimakāraṇasiddhā ca, tasmā vuttaṃ ‘‘paṭipadāvisuddhi ādī’’ti. Upekkhānubrūhanāti visodhetabbatādīnaṃ abhāvato tatramajjhattupekkhāya kiccanipphattiyā anubrūhanā, sā pana paribandhavisuddhisamakālavibhāvinīpi tabbisuddhiyāva nipphannāti dīpanatthamāha ‘‘upekkhānubrūhanā majjhe’’ti. Sampahaṃsanāti vatthudhammādīnaṃ anativattanādisādhakassa ñāṇassa kiccanipphattivasena pariyodapanā, sā pana yasmā kattabbassa sabbakiccassa nipphattiyāva siddhā nāma hoti, tasmā vuttaṃ ‘‘sampahaṃsanā pariyosāna’’nti. Tīṇipi cetāni kalyāṇāni ekakkhaṇe labbhamānānipi paccayapaccayuppannatādivasena pavattantīti dassanatthaṃ ādimajjhapariyosānabhāvena vuttāni, na pana jhānassa uppādādikkhaṇattaye yathākkamaṃ labbhamānattāti daṭṭhabbaṃ. Majjhimaṃ samādhinimittaṃ paṭipajjatītiādīsu majjhimaṃ samādhinimittaṃ nāma samappavatto appanāsamādhiyeva. So hi līnuddhaccasaṅkhātānaṃ ubhinnaṃ antānaṃ anupagamanena majjhimo, savisesaṃ cittassa ekattārammaṇe ṭhapanato samādhiyeva uparivisesānaṃ kāraṇabhāvato ‘‘samādhinimitta’’nti vuccati, taṃ paṭipajjati paṭilabbhatīti attho. Evaṃ paṭipannattā majjhimena samādhinimittena tattha ekattārammaṇe appanāgocare pakkhandati upatiṭṭhati, evaṃ visuddhassa pana tassa cittassa puna visodhetabbābhāvato visodhane byāpāraṃ akaronto puggalo visuddhaṃ cittaṃ ajjhupekkhati nāma. Samathabhāvūpagamanena samathapaṭipannassa puna samādhāne byāpāraṃ akaronto samathapaṭipannaṃ ajjhupekkhati, samathapaṭipannabhāvato evamassa kilesasaṃsaggaṃ pahāya ekattena upaṭṭhitassa puna ekattupaṭṭhāne byāpāraṃ akaronto ekattupaṭṭhānaṃ ajjhupekkhati nāma.
д̇ад̇т̇а ж̇аад̇аананд̇иаад̣̇ийсу яз бана д̇з звам̣ убзгкаануб̣руухид̇з д̇асмим̣ жхаанажид̇д̇з ж̇аад̇аа самаад̇хибан̃н̃аасан̇каад̇аа яуг̇анад̣̇д̇хад̇хаммаа, д̇зсам̣ ан̃н̃аман̃н̃ам̣ анад̇ивад̇д̇анасабхаавзна самбахам̣санаа висод̇ханаа барияод̣̇абанаа жа, сад̣̇д̇хаад̣̇ийнам̣ инд̣̇рияаанам̣ гилзсзхи вимуд̇д̇ад̇д̇аа вимуд̇д̇ирасзна згарасад̇ааяа самбахам̣санаа жа, яан̃жзд̇ам̣ д̇ад̣̇убаг̇ам̣ д̇зсам̣ анад̇ивад̇д̇аназгарасабхааваанам̣ анужчавигам̣ вийрияам̣, д̇асса д̇ад̣̇убаг̇авийрияасса вааханадтзна бавад̇д̇анадтзна самбахам̣санаа жа, д̇асмим̣ кан̣з яат̇аавуд̇д̇ад̇хаммаанам̣ аасзванадтзна самбахам̣санаа жа, барияод̣̇абанаа жа барияод̣̇абанагасса н̃аан̣асса гижжанибпад̇д̇ивасзнзва иж̇жхад̇ийд̇и взд̣̇ид̇аб̣б̣ам̣. звам̣ д̇ивид̇хад̇д̇аг̇ад̇ам̣ жид̇д̇анд̇иаад̣̇ийни д̇ассзва жид̇д̇асса т̇оманаважанаани. вид̇аггасамбаннанд̇и вид̇агган̇г̇зна сунд̣̇арабхаавамубаг̇ад̇ам̣. жид̇д̇асса ад̇хидтаанасамбаннанд̇и д̇асмин̃н̃зва аарамман̣з жид̇д̇асса ниранд̇араббавад̇д̇исан̇каад̇зна самаад̇хинаа самбаннам̣, ид̣̇ам̣ жхаанан̇г̇авасзна вуд̇д̇ам̣. самаад̇хисамбаннанд̇и ид̣̇ам̣ бана инд̣̇рияавасзнаад̇и взд̣̇ид̇аб̣б̣ам̣.
Tattha jātānantiādīsu ye pana te evaṃ upekkhānubrūhite tasmiṃ jhānacitte jātā samādhipaññāsaṅkhātā yuganaddhadhammā, tesaṃ aññamaññaṃ anativattanasabhāvena sampahaṃsanā visodhanā pariyodapanā ca, saddhādīnaṃ indriyānaṃ kilesehi vimuttattā vimuttirasena ekarasatāya sampahaṃsanā ca, yañcetaṃ tadupagaṃ tesaṃ anativattanaekarasabhāvānaṃ anucchavikaṃ vīriyaṃ, tassa tadupagavīriyassa vāhanaṭṭhena pavattanaṭṭhena sampahaṃsanā ca, tasmiṃ khaṇe yathāvuttadhammānaṃ āsevanaṭṭhena sampahaṃsanā ca, pariyodapanā ca pariyodapanakassa ñāṇassa kiccanipphattivaseneva ijjhatīti veditabbaṃ. Evaṃ tividhattagataṃ cittantiādīni tasseva cittassa thomanavacanāni. Vitakkasampannanti vitakkaṅgena sundarabhāvamupagataṃ. Cittassa adhiṭṭhānasampannanti tasmiññeva ārammaṇe cittassa nirantarappavattisaṅkhātena samādhinā sampannaṃ, idaṃ jhānaṅgavasena vuttaṃ. Samādhisampannanti idaṃ pana indriyavasenāti veditabbaṃ.
бадигудад̇ийд̇и сан̇гужад̇и. бадиваддад̇ийд̇и бадиниваддад̇и. нхааруд̣̇ад̣̇д̣̇уланд̇и нхаарукан̣д̣ам̣. баяуд̇д̇аваажанд̇и бажжаяабариязсанз нияуд̇д̇аваажам̣. д̣̇ан̣д̣авааг̇ураахийд̇и д̣̇ан̣д̣абадиб̣ад̣̇д̇хаахи д̣̇ийгхаж̇ааласан̇каад̇аахи вааг̇ураахи.
Paṭikuṭatīti saṅkucati. Paṭivaṭṭatīti paṭinivaṭṭati. Nhārudaddulanti nhārukhaṇḍaṃ. Payuttavācanti paccayapariyesane niyuttavācaṃ. Daṇḍavāgurāhīti daṇḍapaṭibaddhāhi dīghajālasaṅkhātāhi vāgurāhi.
саман̣агуд̇д̇агод̇и гаасааяаниваасанаад̣̇исаман̣агижжаго. ваг̇г̇умуд̣̇аад̇и зд̇т̇а ‘‘ваг̇г̇умад̇аа’’д̇и вад̇д̇аб̣б̣з логигаа ‘‘муд̣̇аа’’д̇и вохарим̣сууд̇и д̣̇ассзнд̇о ааха ‘‘ваг̇г̇умад̇аа’’д̇и. ‘‘ваг̇г̇уу’’д̇и мад̇аа, суд̣̇д̇хасаммад̇аад̇и ад̇т̇о, д̇знааха ‘‘бун̃н̃асаммад̇аа’’д̇и. сад̇д̇аанам̣ баабунанзна сод̇ханзна саа бун̃н̃асаммад̇аа.
Samaṇakuttakoti kāsāyanivāsanādisamaṇakiccako. Vaggumudāti ettha ‘‘vaggumatā’’ti vattabbe lokikā ‘‘mudā’’ti vohariṃsūti dassento āha ‘‘vaggumatā’’ti. ‘‘Vaggū’’ti matā, suddhasammatāti attho, tenāha ‘‘puññasammatā’’ti. Sattānaṃ pāpunanena sodhanena sā puññasammatā.
163. маарасса д̇хзяяам̣ таанам̣, вад̇т̇у ваа ниваасо маарад̇хзяяам̣, со ад̇т̇ад̇о д̇збхуумагад̇хаммаа зва, ид̇ха бана бан̃жа гаамаг̇ун̣аа ад̇хиббзд̇аа, д̇ам̣ маарад̇хзяяам̣ . ‘‘аяам̣ саман̣агуд̇д̇аго яат̇аасамуббаннасам̣взг̇амуулагзна саман̣абхаавуубаг̇аманзна ад̇иггамид̇ум̣ сагкиссад̇ий’’д̇и жинд̇зд̇ваа авожа, на бана ‘‘арахад̇д̇аббад̇д̇ияаа д̇ийсу бхавзсу аббадисанд̇хигад̇ааяа д̇ам̣ ад̇иггамид̇ум̣ сагкиссад̇ий’’д̇и маран̣знзва сад̇д̇аанам̣ сам̣саараможаналад̣̇д̇хигад̇д̇аа д̣̇звад̇ааяа. на хи мад̇аанам̣ гад̇т̇ажи бадисанд̇хи г̇ажчад̇и. иминаа ад̇т̇зна звамзва бхавид̇аб̣б̣анд̇и иминаа барзсам̣ ж̇ийвид̇аа воробанад̇т̇зна звамзва сам̣саараможанасабхаавзнзва бхавид̇аб̣б̣ам̣. ‘‘ад̇д̇анааби ад̇д̇аанам̣ ж̇ийвид̇аа воробзнд̇и, ан̃н̃аман̃н̃амби ж̇ийвид̇аа воробзнд̇ий’’д̇и (баараа. 162) вуд̇д̇ад̇д̇аа саб̣б̣ааниби д̇аани бан̃жабхигкусад̇аани ж̇ийвид̇аа воробзсийд̇и ид̣̇ам̣ язбхуяяавасзна вуд̇д̇анд̇и г̇ахзд̇аб̣б̣ам̣. д̇асмаа яз ад̇д̇анааби ад̇д̇аанам̣ ан̃н̃аман̃н̃ан̃жа ж̇ийвид̇аа воробзсум̣, д̇з бут̇уж̇ж̇анабхигкуу табзд̇ваа д̇ад̣̇авасзсз жа бут̇уж̇ж̇анабхигкуу, саб̣б̣з жа арияз аяам̣ ж̇ийвид̇аа воробзсийд̇и взд̣̇ид̇аб̣б̣ам̣.
163. Mārassa dheyyaṃ ṭhānaṃ, vatthu vā nivāso māradheyyaṃ, so atthato tebhūmakadhammā eva, idha pana pañca kāmaguṇā adhippetā, taṃ māradheyyaṃ. ‘‘Ayaṃ samaṇakuttako yathāsamuppannasaṃvegamūlakena samaṇabhāvūpagamanena atikkamituṃ sakkhissatī’’ti cintetvā avoca, na pana ‘‘arahattappattiyā tīsu bhavesu appaṭisandhikatāya taṃ atikkamituṃ sakkhissatī’’ti maraṇeneva sattānaṃ saṃsāramocanaladdhikattā devatāya. Na hi matānaṃ katthaci paṭisandhi gacchati. Iminā atthena evameva bhavitabbanti iminā paresaṃ jīvitā voropanatthena evameva saṃsāramocanasabhāveneva bhavitabbaṃ. ‘‘Attanāpi attānaṃ jīvitā voropenti, aññamaññampi jīvitā voropentī’’ti (pārā. 162) vuttattā sabbānipi tāni pañcabhikkhusatāni jīvitā voropesīti idaṃ yebhuyyavasena vuttanti gahetabbaṃ. Tasmā ye attanāpi attānaṃ aññamaññañca jīvitā voropesuṃ, te puthujjanabhikkhū ṭhapetvā tadavasese ca puthujjanabhikkhū, sabbe ca ariye ayaṃ jīvitā voropesīti veditabbaṃ.
164. згийбхаавад̇од̇и бавивзгад̇о. уд̣̇д̣̇зсам̣ барибужчам̣ г̇ан̣ханд̇ийд̇и ад̇д̇ано ад̇д̇ано аажарияаанам̣ санд̇игз г̇ан̣ханд̇и, г̇ахзд̇ваа жа аажариязхи сад̣̇д̇хим̣ бхаг̇аванд̇ам̣ убадтаханд̇и. д̇ад̣̇аа бана уд̣̇д̣̇зсаад̣̇ид̣̇ааяагаа д̇анубхууд̇зхи бхигкуухи бхаг̇аванд̇ам̣ убаг̇ад̇аа, д̇ам̣ санд̇хааяа бхаг̇аваа бужчад̇и.
164.Ekībhāvatoti pavivekato. Uddesaṃ paripucchaṃ gaṇhantīti attano attano ācariyānaṃ santike gaṇhanti, gahetvā ca ācariyehi saddhiṃ bhagavantaṃ upaṭṭhahanti. Tadā pana uddesādidāyakā tanubhūtehi bhikkhūhi bhagavantaṃ upagatā, taṃ sandhāya bhagavā pucchati.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 3. д̇ад̇ияабаарааж̇игам̣ • 3. Tatiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 3. д̇ад̇ияабаарааж̇игам̣ • 3. Tatiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / батамабан̃н̃ад̇д̇инид̣̇аанаван̣н̣анаа • Paṭhamapaññattinidānavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / батамабан̃н̃ад̇д̇инид̣̇аанаван̣н̣анаа • Paṭhamapaññattinidānavaṇṇanā
