| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༧. པཋམཔཱཔདྷམྨསུཏྟཾ
7. Paṭhamapāpadhammasuttaṃ
༢༠༧. ‘‘པཱཔཉྩ ཝོ, བྷིཀྑཝེ, དེསེསྶཱམི, པཱཔེན པཱཔཏརཉྩ; ཀལྱཱཎཉྩ, ཀལྱཱཎེན ཀལྱཱཎཏརཉྩ། ཏཾ སུཎཱཐ…པེ॰…།
207. ‘‘Pāpañca vo, bhikkhave, desessāmi, pāpena pāpatarañca; kalyāṇañca, kalyāṇena kalyāṇatarañca. Taṃ suṇātha…pe….
‘‘ཀཏམོ ཙ, བྷིཀྑཝེ, པཱཔོ? ཨིདྷ, བྷིཀྑཝེ, ཨེཀཙྩོ པཱཎཱཏིཔཱཏཱི ཧོཏི…པེ॰… མིཙྪཱདིཊྛིཀོ ཧོཏི། ཨཡཾ ཝུཙྩཏི, བྷིཀྑཝེ, པཱཔོ།
‘‘Katamo ca, bhikkhave, pāpo? Idha, bhikkhave, ekacco pāṇātipātī hoti…pe… micchādiṭṭhiko hoti. Ayaṃ vuccati, bhikkhave, pāpo.
‘‘ཀཏམོ ཙ, བྷིཀྑཝེ, པཱཔེན པཱཔཏརོ? ཨིདྷ, བྷིཀྑཝེ, ཨེཀཙྩོ ཨཏྟནཱ ཙ པཱཎཱཏིཔཱཏཱི ཧོཏི, པརཉྩ པཱཎཱཏིཔཱཏེ སམཱདཔེཏི…པེ॰… ཨཏྟནཱ ཙ མིཙྪཱདིཊྛིཀོ ཧོཏི, པརཉྩ མིཙྪཱདིཊྛིཡཱ སམཱདཔེཏི། ཨཡཾ ཝུཙྩཏི, བྷིཀྑཝེ, པཱཔེན པཱཔཏརོ།
‘‘Katamo ca, bhikkhave, pāpena pāpataro? Idha, bhikkhave, ekacco attanā ca pāṇātipātī hoti, parañca pāṇātipāte samādapeti…pe… attanā ca micchādiṭṭhiko hoti, parañca micchādiṭṭhiyā samādapeti. Ayaṃ vuccati, bhikkhave, pāpena pāpataro.
‘‘ཀཏམོ ཙ, བྷིཀྑཝེ, ཀལྱཱཎོ? ཨིདྷ, བྷིཀྑཝེ, ཨེཀཙྩོ པཱཎཱཏིཔཱཏཱ པཊིཝིརཏོ ཧོཏི…པེ॰… སམྨཱདིཊྛིཀོ ཧོཏི། ཨཡཾ ཝུཙྩཏི, བྷིཀྑཝེ, ཀལྱཱཎོ།
‘‘Katamo ca, bhikkhave, kalyāṇo? Idha, bhikkhave, ekacco pāṇātipātā paṭivirato hoti…pe… sammādiṭṭhiko hoti. Ayaṃ vuccati, bhikkhave, kalyāṇo.
‘‘ཀཏམོ ཙ, བྷིཀྑཝེ, ཀལྱཱཎེན ཀལྱཱཎཏརོ? ཨིདྷ, བྷིཀྑཝེ, ཨེཀཙྩོ ཨཏྟནཱ ཙ པཱཎཱཏིཔཱཏཱ པཊིཝིརཏོ ཧོཏི, པརཉྩ པཱཎཱཏིཔཱཏཱ ཝེརམཎིཡཱ སམཱདཔེཏི…པེ॰… ཨཏྟནཱ ཙ སམྨཱདིཊྛིཀོ ཧོཏི, པརཉྩ སམྨཱདིཊྛིཡཱ སམཱདཔེཏི། ཨཡཾ ཝུཙྩཏི, བྷིཀྑཝེ, ཀལྱཱཎེན ཀལྱཱཎཏརོ’’ཏི། སཏྟམཾ།
‘‘Katamo ca, bhikkhave, kalyāṇena kalyāṇataro? Idha, bhikkhave, ekacco attanā ca pāṇātipātā paṭivirato hoti, parañca pāṇātipātā veramaṇiyā samādapeti…pe… attanā ca sammādiṭṭhiko hoti, parañca sammādiṭṭhiyā samādapeti. Ayaṃ vuccati, bhikkhave, kalyāṇena kalyāṇataro’’ti. Sattamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༧-༡༠. པཱཔདྷམྨསུཏྟཙཏུཀྐཝཎྞནཱ • 7-10. Pāpadhammasuttacatukkavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༡༠. སིཀྑཱཔདསུཏྟཱདིཝཎྞནཱ • 1-10. Sikkhāpadasuttādivaṇṇanā
