Library / Tipiṭaka / д̇ибидага • Tipiṭaka / винаяавинижчаяа-дийгаа • Vinayavinicchaya-ṭīkā

    бхигкувибхан̇г̇о

    Bhikkhuvibhaṅgo

    баарааж̇игагат̇аа

    Pārājikakathā

    батамабаарааж̇игагат̇ааван̣н̣анаа

    Paṭhamapārājikakathāvaṇṇanā

    6. звам̣ бан̃жахи г̇аат̇аахи рад̇анад̇д̇аяабан̣аамаад̣̇им̣ д̣̇ассзд̇ваа ид̣̇аани яат̇аабадин̃н̃аад̇авинижчаяам̣ д̣̇ассзд̇умааха ‘‘д̇ивид̇хз’’д̇иаад̣̇и. д̇ад̇т̇а ‘‘д̇ивид̇хз’’д̇иаад̣̇инаа батамабаарааж̇игасигкаабад̣̇авинижчаяам̣ д̣̇ассзд̇и. д̇ивид̇хзд̇и важжабассаавамукамаг̇г̇аанам̣ васзна д̇иббагаарз маг̇г̇зд̇и иминаа самб̣анд̇хо. д̇иламад̇д̇амбийд̇и д̇илаб̣ийж̇амад̇д̇амби ан̇г̇аж̇аад̇анд̇и самб̣анд̇хо. маг̇г̇зд̇и важжабассааваанам̣ нигкаманад̣̇ваарад̇ааяа, аннабаанабид̇д̇асзмхаад̣̇ийнам̣ бавзсананигкаманад̣̇ваарад̇ааяа жа маг̇г̇авохаараг̇ад̇з сарийраббад̣̇зсз, аллогаасзд̇и самб̣анд̇хо. ‘‘маг̇г̇зсу д̇иламад̇д̇амби, д̇ийсу сзванажзд̇ано’’д̇и вад̇д̇аб̣б̣зби ‘‘д̇ивид̇хз’’д̇и багааравааживид̇хасад̣̇д̣̇обаад̣̇аанзна саж̇аад̇исан̇г̇ахавасзна д̇ийхи раасийхи сан̇г̇ахзд̇ваа бабхзд̣̇авасзна д̇им̣савид̇хо маг̇г̇о д̣̇ассид̇о ход̇и.

    6. Evaṃ pañcahi gāthāhi ratanattayapaṇāmādiṃ dassetvā idāni yathāpaṭiññātavinicchayaṃ dassetumāha ‘‘tividhe’’tiādi. Tattha ‘‘tividhe’’tiādinā paṭhamapārājikasikkhāpadavinicchayaṃ dasseti. Tividheti vaccapassāvamukhamaggānaṃ vasena tippakāre maggeti iminā sambandho. Tilamattampīti tilabījamattampi aṅgajātanti sambandho. Maggeti vaccapassāvānaṃ nikkhamanadvāratāya, annapānapittasemhādīnaṃ pavesananikkhamanadvāratāya ca maggavohāragate sarīrappadese, allokāseti sambandho. ‘‘Maggesu tilamattampi, tīsu sevanacetano’’ti vattabbepi ‘‘tividhe’’ti pakāravācividhasaddopādānena sajātisaṅgahavasena tīhi rāsīhi saṅgahetvā pabhedavasena tiṃsavidho maggo dassito hoti.

    сзяяат̇ид̣̇ам̣? баарааж̇игавад̇т̇убхууд̇амукаад̣̇имаг̇г̇аанам̣ ниссаяабхууд̇з сад̇д̇з д̣̇ассзд̇ум̣ ‘‘д̇иссо ид̇т̇ияо мануссид̇т̇ий амануссид̇т̇ий д̇иражчаанаг̇ад̇ид̇т̇ий’’д̇иаад̣̇инаа (баараа. 56) наязна баал̣ияам̣ д̣̇ассид̇амануссаамануссад̇иражчаанаг̇ад̇ид̇т̇ийнам̣ бажжзгам̣ д̇ин̣н̣ам̣ маг̇г̇аанам̣ васзна нава маг̇г̇аа, д̇ат̇зва д̣̇ассид̇аанам̣ д̇ин̣н̣ам̣ убхад̇об̣яан̃ж̇анагаанам̣ васзна нава маг̇г̇аа, д̇ин̣н̣ам̣ бана бан̣д̣агаанам̣ мукамаг̇г̇аважжамаг̇г̇аанам̣ васзна бажжзгам̣ д̣̇вз д̣̇вз маг̇г̇аад̇и ча маг̇г̇аа, д̇ат̇аа д̇ин̣н̣ам̣ бана бурисаананд̇и звам̣ д̇им̣савид̇хо ход̇и.

    Seyyathidaṃ? Pārājikavatthubhūtamukhādimaggānaṃ nissayabhūte satte dassetuṃ ‘‘tisso itthiyo manussitthī amanussitthī tiracchānagatitthī’’tiādinā (pārā. 56) nayena pāḷiyaṃ dassitamanussāmanussatiracchānagatitthīnaṃ paccekaṃ tiṇṇaṃ maggānaṃ vasena nava maggā, tatheva dassitānaṃ tiṇṇaṃ ubhatobyañjanakānaṃ vasena nava maggā, tiṇṇaṃ pana paṇḍakānaṃ mukhamaggavaccamaggānaṃ vasena paccekaṃ dve dve maggāti cha maggā, tathā tiṇṇaṃ pana purisānanti evaṃ tiṃsavidho hoti.

    сзванажзд̇анод̇и сзванз мзт̇унабаяог̇з жзд̇анаа ассаад̇и виг̇г̇ахо, мзт̇унарааг̇уубасам̣хид̇ааяа жзд̇анааяа саманнааг̇ад̇од̇и ад̇т̇о. аллогаасзд̇и д̇им̣самаг̇г̇аанаман̃н̃ад̇арз маг̇г̇з багад̇иваад̇зна асам̣пудтз аллабад̣̇зсз, иминаа б̣аахирам̣ баарааж̇игагкзд̇д̇ам̣ на ход̇ийд̇и д̣̇ийбзд̇и. висзсанасса висзсаабзгкад̇д̇аа д̣̇уд̇ияаг̇аат̇ааяа ‘‘сасигко со’’д̇и бад̣̇ад̣̇ваяам̣ аахарид̇ваа ‘‘сзванажзд̇ано сасигко со бхигкуу’’д̇и яож̇зд̇аб̣б̣ам̣.

    Sevanacetanoti sevane methunapayoge cetanā assāti viggaho, methunarāgūpasaṃhitāya cetanāya samannāgatoti attho. Allokāseti tiṃsamaggānamaññatare magge pakativātena asaṃphuṭṭhe allapadese, iminā bāhiraṃ pārājikakkhettaṃ na hotīti dīpeti. Visesanassa visesāpekkhattā dutiyagāthāya ‘‘sasikkho so’’ti padadvayaṃ āharitvā ‘‘sevanacetano sasikkho so bhikkhū’’ti yojetabbaṃ.

    ан̇г̇з сарийрз ж̇аад̇анд̇и ан̇г̇аж̇аад̇ам̣, бурисанимид̇д̇ам̣. сад̇иби авасзсасарийрааваяаваанам̣ д̇ат̇аабхаавз рул̣хивасзна д̇ад̣̇зва д̇ат̇аа вуд̇д̇ам̣. бавзсзнд̇од̇и д̣̇ваяам̣д̣̇ваяасамаабад̇д̇исан̇каад̇агааяигагирияам̣ нибпаад̣̇знд̇о. барааж̇ид̇од̇и д̣̇уллабхааяа кан̣асамбад̇д̇ияаа лад̣̇д̇хаб̣б̣ад̇о д̣̇уллабхаа логияалогуд̇д̇араг̇ун̣асамбад̇д̇исукад̇о барихаабзд̇ваа гилзсасабад̇д̇зхи барааж̇аяамаабаад̣̇ид̇од̇и ад̇т̇о.

    Aṅge sarīre jātanti aṅgajātaṃ, purisanimittaṃ. Satipi avasesasarīrāvayavānaṃ tathābhāve ruḷhivasena tadeva tathā vuttaṃ. Pavesentoti dvayaṃdvayasamāpattisaṅkhātakāyikakiriyaṃ nipphādento. Parājitoti dullabhāya khaṇasampattiyā laddhabbato dullabhā lokiyalokuttaraguṇasampattisukhato parihāpetvā kilesasapattehi parājayamāpāditoti attho.

    аяамзд̇т̇а яож̇анаа – сасигко сзванажзд̇ано д̇ивид̇хз маг̇г̇з аллогаасз ан̇г̇аж̇аад̇ам̣ д̇иламад̇д̇амби бавзсзнд̇о со бхигку барааж̇ид̇о ход̇ийд̇и. зд̇д̇аавад̇аа –

    Ayamettha yojanā – sasikkho sevanacetano tividhe magge allokāse aṅgajātaṃ tilamattampi pavesento so bhikkhu parājito hotīti. Ettāvatā –

    ‘‘яо бана бхигку бхигкуунам̣ сигкаасааж̇ийвасамаабанно сигкам̣ абажжагкааяа д̣̇уб̣б̣аляам̣ анаавигад̇ваа мзт̇унам̣ д̇хаммам̣ бадисзвзяяа, анд̇амасо д̇иражчаанаг̇ад̇ааяаби, баарааж̇иго ход̇и асам̣ваасо’’д̇и (баараа. 44) –

    ‘‘Yo pana bhikkhu bhikkhūnaṃ sikkhāsājīvasamāpanno sikkhaṃ apaccakkhāya dubbalyaṃ anāvikatvā methunaṃ dhammaṃ paṭiseveyya, antamaso tiracchānagatāyapi, pārājiko hoti asaṃvāso’’ti (pārā. 44) –

    бхаг̇авад̇аа бан̃н̃ад̇д̇асигкаабад̣̇ам̣ сан̇г̇ахид̇анд̇и д̣̇адтаб̣б̣ам̣.

    Bhagavatā paññattasikkhāpadaṃ saṅgahitanti daṭṭhabbaṃ.

    7. звам̣ имиссаа г̇аат̇ааяа ад̇д̇уубаггамамуулагам̣ баарааж̇игам̣ д̣̇ассзд̇ваа ид̣̇аани ‘‘бхигкубажжад̇т̇игаа мануссид̇т̇им̣ бхигкусса санд̇игз аанзд̇ваа важжамаг̇г̇зна (баараа. 58) ан̇г̇аж̇аад̇з абхинисийд̣̇знд̇ий’’д̇иаад̣̇инаяаббавад̇д̇ам̣ баробаггамамуулагам̣ баарааж̇иган̃жа д̣̇ассзд̇умааха ‘‘бавзсана’’нд̇иаад̣̇и. д̇ад̇т̇а бавзсананд̇и бхигкубажжад̇т̇игзхи суд̇д̇абамад̇д̇аад̣̇имануссид̇т̇иаад̣̇ийнаман̃н̃ад̇арам̣ аанзд̇ваа яат̇аавуд̇д̇амаг̇г̇аанаман̃н̃ад̇арам̣ маг̇г̇ам̣ яат̇аа бависад̇и, д̇ат̇аа бхигкуно ан̇г̇аж̇аад̇з абхинисийд̣̇аабанз самбхаванд̇ам̣ маг̇г̇аббавзсанамааха. бавзсанам̣ саад̣̇ияанд̇о сасигко сод̇и яож̇анаа. зд̇т̇а ‘‘бавзсанам̣ саад̣̇ияад̇и ад̇хиваасзд̇и, д̇асмим̣ кан̣з сзванажид̇д̇ам̣ убадтаабзд̇ий’’д̇и (баараа. адта. 1.58) адтагат̇ааважанад̇о аг̇г̇ад̇о яаава муулам̣ бавзсзнд̇зсу ассаад̣̇ажид̇д̇ам̣ убадтаабзнд̇о д̇ан̇кан̣зязва саасанад̇о жуд̇од̇и ад̇т̇о. бавидтанд̇иаад̣̇ийсу бад̣̇зсуби звамзва яож̇анаа.

    7. Evaṃ imissā gāthāya attūpakkamamūlakaṃ pārājikaṃ dassetvā idāni ‘‘bhikkhupaccatthikā manussitthiṃ bhikkhussa santike ānetvā vaccamaggena (pārā. 58) aṅgajāte abhinisīdentī’’tiādinayappavattaṃ paropakkamamūlakaṃ pārājikañca dassetumāha ‘‘pavesana’’ntiādi. Tattha pavesananti bhikkhupaccatthikehi suttapamattādimanussitthiādīnamaññataraṃ ānetvā yathāvuttamaggānamaññataraṃ maggaṃ yathā pavisati, tathā bhikkhuno aṅgajāte abhinisīdāpane sambhavantaṃ maggappavesanamāha. Pavesanaṃ sādiyanto sasikkho soti yojanā. Ettha ‘‘pavesanaṃ sādiyati adhivāseti, tasmiṃ khaṇe sevanacittaṃ upaṭṭhāpetī’’ti (pārā. aṭṭha. 1.58) aṭṭhakathāvacanato aggato yāva mūlaṃ pavesentesu assādacittaṃ upaṭṭhāpento taṅkhaṇeyeva sāsanato cutoti attho. Paviṭṭhantiādīsu padesupi evameva yojanā.

    бавидтанд̇и бавидтагкан̣о. ‘‘бавидта’’нд̇иаад̣̇инаа д̇ааяа д̇ааяа гирияааяа убалагкид̇о кан̣о г̇ахзд̇аб̣б̣о. д̇знзвзд̇т̇а ажжанд̇асам̣яог̇з убаяог̇аважанам̣ гад̇ам̣. тид̇анд̇и зд̇т̇а ‘‘суггависсадтисамаяз’’д̇и адтагат̇ааважанасса саб̣б̣ат̇аа б̣яаабаарарахид̇ам̣ гаалам̣ санд̇хааяа вуд̇д̇ад̇д̇аа суггависсадтисамаяоби г̇ахзд̇аб̣б̣о. д̇знзва г̇ан̣тибад̣̇з вуд̇д̇анаязна бавидтасса жа яаава уд̣̇д̇харан̣аарамбхо, д̇аава самбхаванд̇о тид̇агаалоби г̇ахзд̇аб̣б̣о. уд̣̇д̇харан̣анд̇и нийхаран̣агаало.

    Paviṭṭhanti paviṭṭhakkhaṇo. ‘‘Paviṭṭha’’ntiādinā tāya tāya kiriyāya upalakkhito khaṇo gahetabbo. Tenevettha accantasaṃyoge upayogavacanaṃ kataṃ. Ṭhitanti ettha ‘‘sukkavissaṭṭhisamaye’’ti aṭṭhakathāvacanassa sabbathā byāpārarahitaṃ kālaṃ sandhāya vuttattā sukkavissaṭṭhisamayopi gahetabbo. Teneva gaṇṭhipade vuttanayena paviṭṭhassa ca yāva uddharaṇārambho, tāva sambhavanto ṭhitakālopi gahetabbo. Uddharaṇanti nīharaṇakālo.

    ваад̇и вигаббз, абийд̇и самужжаяз, со ваа-сад̣̇д̣̇зна вигаббид̇аанам̣ багкаанам̣ д̇уляаб̣алад̇ам̣ ж̇од̇зд̇и. ид̇и имзхи д̣̇вийхиби ‘‘со жз бавзсанам̣ саад̣̇ияад̇и, бавидтам̣ саад̣̇ияад̇ий’’д̇иаад̣̇инаа (баараа. 58) баал̣ияам̣ ааг̇ад̇анаязна лаб̣бхамаанам̣ бавзсанаад̣̇изгагкан̣амби саад̣̇ияанабажжаяаа аабаж̇ж̇амаанам̣ баарааж̇игам̣ д̣̇ассзд̇и. сасигкод̇и сигкааяа саха вад̇д̇ад̇ийд̇и сасигко, абажжагкаад̇асигкод̇и ад̇т̇о. саад̣̇ияанд̇од̇и сзванажид̇д̇ам̣ убадтаабзнд̇о. со бхигку. табзд̇ваа гирияанд̇и ад̇д̇уубаггаманам̣ винаа. жуд̇од̇и ‘‘бхигкубажжад̇т̇игзхи гад̇амид̣̇ам̣, на маяаа’’д̇и лзсзна на мужжад̇и, саад̣̇ияанажид̇д̇з сад̇и саасанад̇о жуд̇оязва ход̇ийд̇и ад̇хиббааяо.

    Vāti vikappe, apīti samuccaye, so vā-saddena vikappitānaṃ pakkhānaṃ tulyabalataṃ joteti. Iti imehi dvīhipi ‘‘so ce pavesanaṃ sādiyati, paviṭṭhaṃ sādiyatī’’tiādinā (pārā. 58) pāḷiyaṃ āgatanayena labbhamānaṃ pavesanādiekakkhaṇampi sādiyanapaccayā āpajjamānaṃ pārājikaṃ dasseti. Sasikkhoti sikkhāya saha vattatīti sasikkho, apaccakkhātasikkhoti attho. Sādiyantoti sevanacittaṃ upaṭṭhāpento. So bhikkhu. Ṭhapetvā kiriyanti attūpakkamanaṃ vinā. Cutoti ‘‘bhikkhupaccatthikehi katamidaṃ, na mayā’’ti lesena na muccati, sādiyanacitte sati sāsanato cutoyeva hotīti adhippāyo.

    зд̇т̇а жа сасигкод̇и ид̣̇ам̣ ‘‘сигкам̣ абажжагкааяа д̣̇уб̣б̣аляам̣ анаавигад̇ваа’’д̇и (баараа. 44) сигкаабад̣̇абаатасса ад̇т̇ад̣̇ассанавасзна нид̣̇д̣̇идтам̣. д̇асса бад̣̇абхааж̇анз (баараа. 45), д̇ад̣̇адтагат̇ааяа жа вибхад̇д̇ам̣ сигкаабажжагкаанам̣ сан̇кзбад̇о звам̣ взд̣̇ид̇аб̣б̣ам̣ – жид̇д̇акзд̇д̇агаалабаяог̇абуг̇г̇алавиж̇аананавасзна сигкаабажжагкаанам̣ ход̇и, на д̇ад̣̇абхаавзна. убасамбаннабхаавад̇о жавид̇угаамад̇аажид̇д̇знзва хи сигкаабажжагкаанам̣ ход̇и, на д̣̇аваа ваа раваа ваа вад̣̇анд̇асса. звам̣ жид̇д̇авасзна сигкаабажжагкаанам̣ ход̇и, на д̇ад̣̇абхаавзна.

    Ettha ca sasikkhoti idaṃ ‘‘sikkhaṃ apaccakkhāya dubbalyaṃ anāvikatvā’’ti (pārā. 44) sikkhāpadapāṭhassa atthadassanavasena niddiṭṭhaṃ. Tassa padabhājane (pārā. 45), tadaṭṭhakathāya ca vibhattaṃ sikkhāpaccakkhānaṃ saṅkhepato evaṃ veditabbaṃ – cittakhettakālapayogapuggalavijānanavasena sikkhāpaccakkhānaṃ hoti, na tadabhāvena. Upasampannabhāvato cavitukāmatācitteneva hi sikkhāpaccakkhānaṃ hoti, na davā vā ravā vā vadantassa. Evaṃ cittavasena sikkhāpaccakkhānaṃ hoti, na tadabhāvena.

    д̇ат̇аа ‘‘б̣уд̣̇д̇хам̣ бажжагкаами, д̇хаммам̣ бажжагкаами, сан̇гхам̣ бажжагкаами, сигкам̣, винаяам̣, баад̇имогкам̣, уд̣̇д̣̇зсам̣, убаж̇жхааяам̣, аажарияам̣, сад̣̇д̇хивихааригам̣, анд̇зваасигам̣, самаанубаж̇жхааяагам̣, самаанаажарияагам̣, саб̣рахмажаарим̣ бажжагкаамий’’д̇и звам̣ вуд̇д̇аанам̣ б̣уд̣̇д̇хаад̣̇ийнам̣ жад̇уд̣̇д̣̇асаннам̣, ‘‘г̇ихийд̇и мам̣ д̇хаарзхи, убаасаго, аараамиго, сааман̣зро, д̇ид̇т̇ияо, д̇ид̇т̇ияасааваго, ассаман̣о, асагяабуд̇д̇ияод̇и мам̣ д̇хаарзхий’’д̇и звам̣ вуд̇д̇аанам̣ г̇ихиаад̣̇ийнам̣ адтаннан̃жаад̇и имзсам̣ б̣аавийсад̇ияаа кзд̇д̇абад̣̇аанам̣ яасса гассажи савзважанасса васзна д̇зсу яам̣ гин̃жи вад̇д̇угаамасса яам̣ гин̃жи вад̣̇ад̇о сигкаабажжагкаанам̣ ход̇и, на ругкаад̣̇ийнам̣ ан̃н̃ад̇арасса наамам̣ г̇ахзд̇ваа сигкам̣ бажжагканд̇асса. звам̣ кзд̇д̇авасзна сигкаабажжагкаанам̣ ход̇и, на д̇ад̣̇абхаавзна.

    Tathā ‘‘buddhaṃ paccakkhāmi, dhammaṃ paccakkhāmi, saṅghaṃ paccakkhāmi, sikkhaṃ, vinayaṃ, pātimokkhaṃ, uddesaṃ, upajjhāyaṃ, ācariyaṃ, saddhivihārikaṃ, antevāsikaṃ, samānupajjhāyakaṃ, samānācariyakaṃ, sabrahmacāriṃ paccakkhāmī’’ti evaṃ vuttānaṃ buddhādīnaṃ catuddasannaṃ, ‘‘gihīti maṃ dhārehi, upāsako, ārāmiko, sāmaṇero, titthiyo, titthiyasāvako, assamaṇo, asakyaputtiyoti maṃ dhārehī’’ti evaṃ vuttānaṃ gihiādīnaṃ aṭṭhannañcāti imesaṃ bāvīsatiyā khettapadānaṃ yassa kassaci savevacanassa vasena tesu yaṃ kiñci vattukāmassa yaṃ kiñci vadato sikkhāpaccakkhānaṃ hoti, na rukkhādīnaṃ aññatarassa nāmaṃ gahetvā sikkhaṃ paccakkhantassa. Evaṃ khettavasena sikkhāpaccakkhānaṃ hoti, na tadabhāvena.

    д̇ад̇т̇а яад̣̇зд̇ам̣ ‘‘бажжагкаамий’’д̇и жа ‘‘мам̣ д̇хаарзхий’’д̇и жаад̇и вуд̇д̇ам̣ вад̇д̇амаанагаалаважанам̣, яаани жа ‘‘алам̣ мз б̣уд̣̇д̇хзна, гим̣ ну мз б̣уд̣̇д̇хзна, на мамад̇т̇о б̣уд̣̇д̇хзна, сумуд̇д̇аахам̣ б̣уд̣̇д̇хзнаа’’д̇иаад̣̇инаа наязна аакяаад̇авасзна гаалам̣ анаамасид̇ваа буримзхи жуд̣̇д̣̇асахи бад̣̇зхи сад̣̇д̇хим̣ яож̇зд̇ваа вуд̇д̇аани ‘‘алам̣ мз’’д̇иаад̣̇ийни жад̇д̇аари бад̣̇аани, д̇зсам̣язва савзважанаанам̣ васзна бажжагкаанам̣ ход̇и, на ‘‘бажжагкааси’’нд̇и ваа ‘‘бажжагкисса’’нд̇и ваа ‘‘мам̣ д̇хаарзсий’’д̇и ваа ‘‘мам̣ д̇хаарзссад̇ий’’д̇и ваа ‘‘яам̣ нуунаахам̣ бажжагкзяяа’’нд̇и ваад̇иаад̣̇ийни ад̇ийд̇аанааг̇ад̇абаригаббаважанаани бхан̣анд̇асса. звам̣ вад̇д̇амаанагаалавасзна жзва анаамадтагаалавасзна жа бажжагкаанам̣ ход̇и, на д̇ад̣̇абхаавзна.

    Tattha yadetaṃ ‘‘paccakkhāmī’’ti ca ‘‘maṃ dhārehī’’ti cāti vuttaṃ vattamānakālavacanaṃ, yāni ca ‘‘alaṃ me buddhena, kiṃ nu me buddhena, na mamattho buddhena, sumuttāhaṃ buddhenā’’tiādinā nayena ākhyātavasena kālaṃ anāmasitvā purimehi cuddasahi padehi saddhiṃ yojetvā vuttāni ‘‘alaṃ me’’tiādīni cattāri padāni, tesaṃyeva savevacanānaṃ vasena paccakkhānaṃ hoti, na ‘‘paccakkhāsi’’nti vā ‘‘paccakkhissa’’nti vā ‘‘maṃ dhāresī’’ti vā ‘‘maṃ dhāressatī’’ti vā ‘‘yaṃ nūnāhaṃ paccakkheyya’’nti vātiādīni atītānāgataparikappavacanāni bhaṇantassa. Evaṃ vattamānakālavasena ceva anāmaṭṭhakālavasena ca paccakkhānaṃ hoti, na tadabhāvena.

    баяог̇о бана д̣̇увид̇хо гааяиго жа ваажасиго жа. д̇ад̇т̇а ‘‘б̣уд̣̇д̇хам̣ бажжагкаамий’’д̇иаад̣̇инаа наязна яааяа гааяажи бхаасааяа важийбхзд̣̇ам̣ гад̇ваа ваажасигабаяог̇знзва бажжагкаанам̣ ход̇и, на агкараликанам̣ ваа хад̇т̇амуд̣̇д̣̇аад̣̇ид̣̇ассанам̣ ваа гааяабаяог̇ам̣ гаронд̇асса. звам̣ ваажасигабаяог̇знзва бажжагкаанам̣ ход̇и, на д̇ад̣̇абхаавзна.

    Payogo pana duvidho kāyiko ca vācasiko ca. Tattha ‘‘buddhaṃ paccakkhāmī’’tiādinā nayena yāya kāyaci bhāsāya vacībhedaṃ katvā vācasikapayogeneva paccakkhānaṃ hoti, na akkharalikhanaṃ vā hatthamuddādidassanaṃ vā kāyapayogaṃ karontassa. Evaṃ vācasikapayogeneva paccakkhānaṃ hoti, na tadabhāvena.

    буг̇г̇ало бана д̣̇увид̇хо яо жа бажжагкаад̇и, яасса жа бажжагкаад̇и. д̇ад̇т̇а яо бажжагкаад̇и, со сажз уммад̇д̇агакид̇д̇ажид̇д̇авзд̣̇анаддаанам̣ ан̃н̃ад̇аро на ход̇и. яасса бана бажжагкаад̇и, со сажз мануссаж̇аад̇иго ход̇и, на жа уммад̇д̇агаад̣̇ийнам̣ ан̃н̃ад̇аро, саммукийбхууд̇о жа сигкаабажжагкаанам̣ ход̇и. на хи асаммукийбхууд̇асса д̣̇ууд̇зна ваа бан̣н̣зна ваа аарожанам̣ рухад̇и. звам̣ яат̇аавуд̇д̇асса буг̇г̇аласса васзна бажжагкаанам̣ ход̇и, на д̇ад̣̇абхаавзна.

    Puggalo pana duvidho yo ca paccakkhāti, yassa ca paccakkhāti. Tattha yo paccakkhāti, so sace ummattakakhittacittavedanaṭṭānaṃ aññataro na hoti. Yassa pana paccakkhāti, so sace manussajātiko hoti, na ca ummattakādīnaṃ aññataro, sammukhībhūto ca sikkhāpaccakkhānaṃ hoti. Na hi asammukhībhūtassa dūtena vā paṇṇena vā ārocanaṃ ruhati. Evaṃ yathāvuttassa puggalassa vasena paccakkhānaṃ hoti, na tadabhāvena.

    виж̇аананамби нияамид̇аанияамид̇авасзна д̣̇увид̇хам̣. д̇ад̇т̇а яасса, язсам̣ ваа нияамзд̇ваа ‘‘имасса, имзсам̣ ваа аарожзмий’’д̇и вад̣̇ад̇и. сажз д̇з яат̇аа багад̇ияаа логз мануссаа важанам̣ суд̇ваа ааваж̇ж̇анасамаяз ж̇аананд̇и, звам̣ д̇асса важанаананд̇арамзва д̇асса ‘‘аяам̣ угган̣тид̇о’’д̇и ваа ‘‘г̇ихибхаавам̣ бад̇т̇аяад̇ий’’д̇и ваа язна гзнажи аагаарзна сигкаабажжагкаанабхаавам̣ ж̇аананд̇и, бажжагкаад̇аава ход̇и сигкаа. ат̇а абарабхааг̇з ‘‘гим̣ иминаа вуд̇д̇а’’нд̇и жинд̇зд̇ваа ж̇аананд̇и, ан̃н̃з ваа ж̇аананд̇и, абажжагкаад̇аава ход̇и сигкаа. анияамзд̇ваа аарожзнд̇асса бана сажз вуд̇д̇анаязна яо гожи мануссаж̇аад̇иго важанад̇т̇ам̣ ж̇аанаад̇и, бажжагкаад̇аава ход̇и сигкаа. звам̣ виж̇аананавасзна бажжагкаанам̣ ход̇и, на д̇ад̣̇абхаавзна. яо бана анд̇амасо д̣̇авааяаби бажжагкаад̇и, д̇зна абажжагкаад̇аава ход̇и сигкаа.

    Vijānanampi niyamitāniyamitavasena duvidhaṃ. Tattha yassa, yesaṃ vā niyametvā ‘‘imassa, imesaṃ vā ārocemī’’ti vadati. Sace te yathā pakatiyā loke manussā vacanaṃ sutvā āvajjanasamaye jānanti, evaṃ tassa vacanānantarameva tassa ‘‘ayaṃ ukkaṇṭhito’’ti vā ‘‘gihibhāvaṃ patthayatī’’ti vā yena kenaci ākārena sikkhāpaccakkhānabhāvaṃ jānanti, paccakkhātāva hoti sikkhā. Atha aparabhāge ‘‘kiṃ iminā vutta’’nti cintetvā jānanti, aññe vā jānanti, apaccakkhātāva hoti sikkhā. Aniyametvā ārocentassa pana sace vuttanayena yo koci manussajātiko vacanatthaṃ jānāti, paccakkhātāva hoti sikkhā. Evaṃ vijānanavasena paccakkhānaṃ hoti, na tadabhāvena. Yo pana antamaso davāyapi paccakkhāti, tena apaccakkhātāva hoti sikkhā.

    ид̇и имзсам̣ вуд̇д̇аббагаараанам̣ жид̇д̇аад̣̇ийнам̣ васзна абажжагкаад̇асигко ‘‘сасигко’’д̇и вуд̇д̇о.

    Iti imesaṃ vuttappakārānaṃ cittādīnaṃ vasena apaccakkhātasikkho ‘‘sasikkho’’ti vutto.

    8-10. ‘‘ид̣̇аани сант̇ад̇зна сант̇ад̇асса гхадданз убаад̣̇иннагагхадданаабхаавад̇о д̣̇осо над̇т̇ий’’д̇и баабабхигкуунам̣ лзсагаббанам̣ бадигкибид̇ум̣ ‘‘бхигкубажжад̇т̇игаа мануссид̇т̇им̣ бхигкусса санд̇игз аанзд̇ваа важжамаг̇г̇зна, бассаавамаг̇г̇зна, мукзна ан̇г̇аж̇аад̇ам̣ абхинисийд̣̇знд̇и сант̇ад̇ааяа асант̇ад̇ассаа’’д̇иаад̣̇инаа (баараа. 61) наязна баал̣ияам̣ вуд̇д̇асант̇ад̇аваараанамад̇т̇ам̣ сан̇г̇ан̣ханд̇о ааха ‘‘сант̇ад̇знаа’’д̇иаад̣̇и. д̇ад̇т̇а сант̇ад̇знаад̇и жаммажол̣ад̇ибубаддаад̣̇ийхи бадижчаад̣̇ид̇зна. ‘‘бавзсзнд̇о’’д̇и иминаа сант̇ад̇аваарасса баробаггамам̣ ниссааяа д̣̇ассанамубалагкан̣анд̇и ад̇д̇уубаггамзби яож̇зд̇аб̣б̣ад̇ам̣ д̣̇ассзд̇и, д̇асса вагкамаанзна ‘‘барааж̇ид̇о’’д̇и иминаа самб̣анд̇хо. ‘‘д̇ат̇зваа’’д̇и иминаа бавзсзнд̇од̇иаад̣̇иббагаарам̣ бараамасад̇и.

    8-10. ‘‘Idāni santhatena santhatassa ghaṭṭane upādinnakaghaṭṭanābhāvato doso natthī’’ti pāpabhikkhūnaṃ lesakappanaṃ paṭikkhipituṃ ‘‘bhikkhupaccatthikā manussitthiṃ bhikkhussa santike ānetvā vaccamaggena, passāvamaggena, mukhena aṅgajātaṃ abhinisīdenti santhatāya asanthatassā’’tiādinā (pārā. 61) nayena pāḷiyaṃ vuttasanthatavārānamatthaṃ saṅgaṇhanto āha ‘‘santhatenā’’tiādi. Tattha santhatenāti cammacoḷatipupaṭṭādīhi paṭicchāditena. ‘‘Pavesento’’ti iminā santhatavārassa paropakkamaṃ nissāya dassanamupalakkhaṇanti attūpakkamepi yojetabbataṃ dasseti, tassa vakkhamānena ‘‘parājito’’ti iminā sambandho. ‘‘Tathevā’’ti iminā pavesentotiādippakāraṃ parāmasati.

    звам̣ бавзсзнд̇о гад̣̇аа барааж̇ид̇о ход̇ийд̇и ааха ‘‘убаад̣̇иннзнаа’’д̇иаад̣̇и. зд̇т̇а убаад̣̇иннзнаад̇и д̇ан̣хаад̣̇идтийхи убзд̇зна гаммунаа ад̇д̇ано палабхаавзнзва аад̣̇иннам̣ г̇ахид̇анд̇и убаад̣̇иннам̣, зд̇зна ад̇д̇ано ан̇г̇аж̇аад̇асса, вад̇т̇убуг̇г̇алаанам̣ маг̇г̇асса жа гхадданадтаанаг̇ад̇ам̣ гааяаббасаад̣̇ам̣ д̣̇ассзд̇и. иминаава ан̇г̇аж̇аад̇аг̇ад̇ам̣ анадтагааяаббасаад̣̇ам̣ жаммакилам̣, бил̣агаад̣̇и жа г̇ахзд̇аб̣б̣ам̣. ‘‘убаад̣̇иннагам̣ наама гааяинд̣̇рияа’’нд̇и г̇ан̣тибад̣̇з вуд̇д̇ам̣. д̇аб̣б̣ибарияааязна ‘‘анубаад̣̇иннага’’нд̇и д̇аббадижчаад̣̇агам̣ жол̣аад̣̇и вуд̇д̇ам̣. убаад̣̇иннзна убаад̣̇иннз, анубаад̣̇иннз ваа баарааж̇игагкзд̇д̇з гхаддид̇з, анубаад̣̇иннагзна ваа убаад̣̇иннз анубаад̣̇иннз ваа баарааж̇игагкзд̇д̇з гхаддид̇зд̇и яож̇анаа. зд̇т̇а жа гаран̣аважананд̇аани бад̣̇аани ‘‘ан̇г̇аж̇аад̇знаа’’д̇и имасса висзсанаани.

    Evaṃ pavesento kadā parājito hotīti āha ‘‘upādinnenā’’tiādi. Ettha upādinnenāti taṇhādiṭṭhīhi upetena kammunā attano phalabhāveneva ādinnaṃ gahitanti upādinnaṃ, etena attano aṅgajātassa, vatthupuggalānaṃ maggassa ca ghaṭṭanaṭṭhānagataṃ kāyappasādaṃ dasseti. Imināva aṅgajātagataṃ anaṭṭhakāyappasādaṃ cammakhilaṃ, piḷakādi ca gahetabbaṃ. ‘‘Upādinnakaṃ nāma kāyindriya’’nti gaṇṭhipade vuttaṃ. Tabbipariyāyena ‘‘anupādinnaka’’nti tappaṭicchādakaṃ coḷādi vuttaṃ. Upādinnena upādinne, anupādinne vā pārājikakkhette ghaṭṭite, anupādinnakena vā upādinne anupādinne vā pārājikakkhette ghaṭṭiteti yojanā. Ettha ca karaṇavacanantāni padāni ‘‘aṅgajātenā’’ti imassa visesanāni.

    зд̇д̇аавад̇аа сант̇ад̇ажад̇уггавасзна ад̇д̇уубаггамз сад̇и баарааж̇игагкзд̇д̇з баарааж̇игам̣ д̣̇ассзд̇ваа ид̣̇аани баруубаггамзби д̣̇ассзд̇умааха ‘‘сажз’’д̇иаад̣̇и. зд̇т̇аад̇и зд̇зсу жад̇уусу вигаббзсу. баарааж̇игагкзд̇д̇з бавидтз д̇ууд̇и зд̇т̇а д̇у-сад̣̇д̣̇зна бавзсанадтид̇уд̣̇д̇хаарагкан̣ад̇д̇аяам̣ самужжинод̇и. яам̣д̇ам̣-сад̣̇д̣̇аанам̣ нижжасамб̣анд̇хад̇д̇аа хи ‘‘со’’д̇и д̇ам̣-сад̣̇д̣̇обаад̣̇аанз ‘‘яо’’д̇и яам̣-сад̣̇д̣̇оби аж̇жхаахарид̇аб̣б̣о, саамад̇т̇иязна самбин̣д̣анад̇т̇о абисад̣̇д̣̇о жа. аяамзд̇т̇а ад̇т̇аяож̇анаа – бхигкубажжад̇т̇игзхи аанзд̇ваа бхигкуно ан̇г̇аж̇аад̇з абхинисийд̣̇аабид̇амануссид̇т̇иаад̣̇ийнам̣ д̇ийсу маг̇г̇зсу ан̃н̃ад̇арамаг̇г̇асан̇каад̇ам̣ баарааж̇игагкзд̇д̇ам̣ бавидтз ваа д̇у-сад̣̇д̣̇зна самбин̣д̣ид̇абавзсанадтид̇уд̣̇д̇хаараанаман̃н̃ад̇арагкан̣з ваа сажз яо саад̣̇ияад̇и, саббамукаад̣̇иббавзсанагаалз вияа ануд̇д̇асид̇ваа гаамарааг̇абибаасаабхибхууд̇о яад̣̇и саад̣̇ияад̇и, соби бхигку барааж̇ид̇о ход̇ийд̇и яож̇анаа. ‘‘сажз саад̣̇ияад̇ий’’д̇и иминаа саасан̇гаважанзна на саад̣̇ияад̇и, анаабад̇д̇ийд̇и суужид̇ам̣ ход̇и.

    Ettāvatā santhatacatukkavasena attūpakkame sati pārājikakkhette pārājikaṃ dassetvā idāni parūpakkamepi dassetumāha ‘‘sace’’tiādi. Etthāti etesu catūsu vikappesu. Pārājikakkhette paviṭṭhe tūti ettha tu-saddena pavesanaṭṭhituddhārakkhaṇattayaṃ samuccinoti. Yaṃtaṃ-saddānaṃ niccasambandhattā hi ‘‘so’’ti taṃ-saddopādāne ‘‘yo’’ti yaṃ-saddopi ajjhāharitabbo, sāmatthiyena sampiṇḍanattho apisaddo ca. Ayamettha atthayojanā – bhikkhupaccatthikehi ānetvā bhikkhuno aṅgajāte abhinisīdāpitamanussitthiādīnaṃ tīsu maggesu aññataramaggasaṅkhātaṃ pārājikakkhettaṃ paviṭṭhe vā tu-saddena sampiṇḍitapavesanaṭṭhituddhārānamaññatarakkhaṇe vā sace yo sādiyati, sappamukhādippavesanakāle viya anuttasitvā kāmarāgapipāsābhibhūto yadi sādiyati, sopi bhikkhu parājito hotīti yojanā. ‘‘Sace sādiyatī’’ti iminā sāsaṅkavacanena na sādiyati, anāpattīti sūcitaṃ hoti.

    ‘‘баарааж̇игагкзд̇д̇з’’д̇и иминаа б̣яаважчиннз ан̃н̃асмим̣ таанз вийд̇иггаманд̇асса имасмим̣язва вигаббз самбхаванд̇ияо ид̇араабад̇д̇ияо д̣̇ассзд̇умааха ‘‘кзд̇д̇з’’д̇иаад̣̇и. ‘‘зд̇т̇аа’’д̇и аанзд̇ваа самб̣анд̇ханийяам̣. ‘‘кзд̇д̇з’’д̇и сааман̃н̃анид̣̇д̣̇зсзби хздтаа ‘‘баарааж̇игагкзд̇д̇з’’д̇и висзсид̇ад̇д̇аа, убарит̇уллажжаяаад̣̇ийнан̃жа вид̇хийяамаанад̇д̇аа ан̃н̃ат̇аанубабад̇д̇илагкан̣ааяа саамад̇т̇ияаа т̇уллажжаяад̣̇уггадаанам̣ кзд̇д̇зд̇и аяамад̇т̇о лаб̣бхад̇и. ‘‘ган̣н̣ажчид̣̇д̣̇агкинаасаасуу’’д̇иаад̣̇инаа наязна вагкамаанзсу ж̇ийвамаанагасарийраг̇ад̇ат̇уллажжаяад̣̇уггадагкзд̇д̇зсууд̇и вуд̇д̇ам̣ ход̇и.

    ‘‘Pārājikakkhette’’ti iminā byavacchinne aññasmiṃ ṭhāne vītikkamantassa imasmiṃyeva vikappe sambhavantiyo itarāpattiyo dassetumāha ‘‘khette’’tiādi. ‘‘Etthā’’ti ānetvā sambandhanīyaṃ. ‘‘Khette’’ti sāmaññaniddesepi heṭṭhā ‘‘pārājikakkhette’’ti visesitattā, uparithullaccayādīnañca vidhīyamānattā aññathānupapattilakkhaṇāya sāmatthiyā thullaccayadukkaṭānaṃ khetteti ayamattho labbhati. ‘‘Kaṇṇacchiddakkhināsāsū’’tiādinā nayena vakkhamānesu jīvamānakasarīragatathullaccayadukkaṭakkhettesūti vuttaṃ hoti.

    имзсу д̣̇вийсу кзд̇д̇зсу ‘‘сант̇ад̇аад̣̇инаа сант̇ад̇аад̣̇им̣ бавзсзнд̇асса убаад̣̇иннаад̣̇ийхи убаад̣̇иннаад̣̇ийнам̣ гхадданз ад̇хиваасзнд̇асса анаабад̇д̇ий’’д̇и вад̇д̇умасаггун̣зяяад̇ааяа баарааж̇игагкзд̇д̇з вуд̇д̇асаб̣б̣авигаббз зд̇т̇а яож̇знд̇зхи звам̣ яож̇зд̇аб̣б̣ам̣ – т̇уллажжаяагкзд̇д̇з сант̇ад̇з ваа асант̇ад̇з ваа сант̇ад̇зна ваа асант̇ад̇зна ваа ан̇г̇аж̇аад̇зна сзванд̇асса убаад̣̇иннз ваа анубаад̣̇иннз ваа убаад̣̇иннзна, д̇ат̇аа анубаад̣̇иннзна ваа гхаддид̇з т̇уллажжаяам̣ д̇асса винид̣̇д̣̇исзд̇и. звам̣ д̣̇уггадагкзд̇д̇з сант̇ад̇з ваа…бз… гхаддид̇з д̣̇уггадан̃жа д̇асса винид̣̇д̣̇исзд̇и яож̇зд̇аб̣б̣ам̣.

    Imesu dvīsu khettesu ‘‘santhatādinā santhatādiṃ pavesentassa upādinnādīhi upādinnādīnaṃ ghaṭṭane adhivāsentassa anāpattī’’ti vattumasakkuṇeyyatāya pārājikakkhette vuttasabbavikappe ettha yojentehi evaṃ yojetabbaṃ – thullaccayakkhette santhate vā asanthate vā santhatena vā asanthatena vā aṅgajātena sevantassa upādinne vā anupādinne vā upādinnena, tathā anupādinnena vā ghaṭṭite thullaccayaṃ tassa viniddiseti. Evaṃ dukkaṭakkhette santhate vā…pe… ghaṭṭite dukkaṭañca tassa viniddiseti yojetabbaṃ.

    иха саб̣б̣ад̇т̇а д̇ийсуби кзд̇д̇зсу убаад̣̇инна-сад̣̇д̣̇зна анадтагааяаббасаад̣̇ам̣ ан̇г̇аж̇аад̇ан̃жа д̇ад̇т̇аж̇аад̇ажаммакилабил̣агаа жа г̇аяханд̇и, д̣̇уггадагкзд̇д̇з бана ан̇г̇улиаад̣̇иид̇арааваяавааби. д̇ийсуби кзд̇д̇зсу анубаад̣̇инна-сад̣̇д̣̇зна ан̇г̇аж̇аад̇аад̣̇ибадижчаад̣̇ид̇авад̇т̇аад̣̇аяо жа г̇аяханд̇и, д̣̇уггадагкзд̇д̇з бана нимид̇д̇з надтагааяаббасаад̣̇ажаммакилабил̣агаромаад̣̇ийни. имаани жа анубаад̣̇иннаани. ан̇г̇аж̇аад̇зд̇аробаад̣̇иннааваяавз жа д̇ийсуби кзд̇д̇зсу бавзсзнд̇асса д̣̇уггадамзва.

    Iha sabbattha tīsupi khettesu upādinna-saddena anaṭṭhakāyappasādaṃ aṅgajātañca tatthajātacammakhilapiḷakā ca gayhanti, dukkaṭakkhette pana aṅguliādiitarāvayavāpi. Tīsupi khettesu anupādinna-saddena aṅgajātādipaṭicchāditavatthādayo ca gayhanti, dukkaṭakkhette pana nimitte naṭṭhakāyappasādacammakhilapiḷakaromādīni. Imāni ca anupādinnāni. Aṅgajātetaropādinnāvayave ca tīsupi khettesu pavesentassa dukkaṭameva.

    11. зд̇д̇аавад̇аа ж̇ийвамаанасарийрз сант̇ад̇аасант̇ад̇авасзна бажжзгам̣ д̇ивид̇хзсуби баарааж̇игат̇уллажжаяад̣̇уггадагкзд̇д̇зсу сант̇ад̇аасант̇ад̇авасзнзва д̣̇увид̇хзна нимид̇д̇зна сзванд̇асса баробаггамз сад̇и саад̣̇ияанд̇асса лаб̣бхамаанабаарааж̇игат̇уллажжаяад̣̇уггадаабад̇д̇ияо яат̇аасамбхавам̣ д̣̇ассзд̇ваа ид̣̇аани ‘‘мад̇асарийрз бана д̇ат̇аа д̇ат̇аа сзванд̇аанам̣ д̣̇осо над̇т̇ий’’д̇и баабабхигкуунам̣ лзсогаасабадиб̣ааханад̇т̇ам̣ баал̣ияам̣ д̣̇ассид̇зсу яат̇аавуд̇д̇зсу д̇ийсу кзд̇д̇зсу лаб̣бхамаанаа д̇иссо аабад̇д̇ияо д̣̇ассзд̇умааха ‘‘мад̇з’’д̇иаад̣̇и.

    11. Ettāvatā jīvamānasarīre santhatāsanthatavasena paccekaṃ tividhesupi pārājikathullaccayadukkaṭakkhettesu santhatāsanthatavaseneva duvidhena nimittena sevantassa paropakkame sati sādiyantassa labbhamānapārājikathullaccayadukkaṭāpattiyo yathāsambhavaṃ dassetvā idāni ‘‘matasarīre pana tathā tathā sevantānaṃ doso natthī’’ti pāpabhikkhūnaṃ lesokāsapaṭibāhanatthaṃ pāḷiyaṃ dassitesu yathāvuttesu tīsu khettesu labbhamānā tisso āpattiyo dassetumāha ‘‘mate’’tiādi.

    д̇ад̇т̇а ‘‘мад̇з’’д̇и зд̇асса ‘‘мануссид̇т̇иаад̣̇ийнам̣ сарийрз’’д̇и аж̇жхаахарид̇ваа ад̇т̇аяож̇анаа гаад̇аб̣б̣аа. иминаа ‘‘агкааяид̇з’’д̇иаад̣̇инаа д̣̇ассид̇аанам̣ нимид̇д̇аанам̣ ниссаяам̣ д̣̇ассид̇ам̣ ход̇и. ‘‘нимид̇д̇амад̇д̇ам̣ сзсзд̇ваа’’д̇иаад̣̇инаа наязна вагкамаанаг̇аат̇ааяам̣ вияа сагаласарийрз каад̣̇ид̇зби нимид̇д̇асса виж̇ж̇амаанаавиж̇ж̇амаанабхаавоязва аабад̇д̇ияаабхааваабхаавасса бамаан̣анд̇и ‘‘агкааяид̇з’’д̇и зд̇зна ‘‘мад̇з’’д̇и зд̇ам̣ ависзсзд̇ваа ‘‘нимид̇д̇з’’д̇и аж̇жхаахарид̇ваа д̇ам̣ д̇зна висзсид̇аб̣б̣ам̣. ат̇а ваа ‘‘нимид̇д̇амад̇д̇а’’нд̇иаад̣̇инаа вагкамаанаг̇аат̇ааяа ‘‘нимид̇д̇з’’д̇и бад̣̇ам̣ аанзд̇ваа яож̇зд̇аб̣б̣ам̣.

    Tattha ‘‘mate’’ti etassa ‘‘manussitthiādīnaṃ sarīre’’ti ajjhāharitvā atthayojanā kātabbā. Iminā ‘‘akkhāyite’’tiādinā dassitānaṃ nimittānaṃ nissayaṃ dassitaṃ hoti. ‘‘Nimittamattaṃ sesetvā’’tiādinā nayena vakkhamānagāthāyaṃ viya sakalasarīre khāditepi nimittassa vijjamānāvijjamānabhāvoyeva āpattiyābhāvābhāvassa pamāṇanti ‘‘akkhāyite’’ti etena ‘‘mate’’ti etaṃ avisesetvā ‘‘nimitte’’ti ajjhāharitvā taṃ tena visesitabbaṃ. Atha vā ‘‘nimittamatta’’ntiādinā vakkhamānagāthāya ‘‘nimitte’’ti padaṃ ānetvā yojetabbaṃ.

    агкааяид̇зд̇и саб̣б̣ат̇аа агкааяид̇з баарааж̇игавад̇т̇убхууд̇з нимид̇д̇з. язбхуяяагкааяид̇зби жаад̇и гин̃жи гин̃жи каад̣̇ид̇ваа б̣ахугаавасидтз нимид̇д̇з. ‘‘яасса жад̇уусу бхааг̇зсу д̇ибхааг̇амад̇д̇ам̣ каад̣̇ид̇ам̣, д̇ам̣ нимид̇д̇ам̣ язбхуяяагкааяид̇ам̣ наамаа’’д̇и вад̣̇анд̇и. мзт̇унанд̇и рааг̇абарияудтаанзна сад̣̇исабхааваабад̇д̇ияаа мит̇унаанам̣ ид̣̇ам̣ мзт̇унам̣, мад̇ид̇т̇иаад̣̇ийнам̣ рааг̇абарияудтаанзна сад̣̇исад̇д̇аабхаавзби д̇ад̇т̇а вийд̇иггамо рул̣хияаа ‘‘мзт̇уна’’нд̇и вужжад̇и.

    Akkhāyiteti sabbathā akkhāyite pārājikavatthubhūte nimitte. Yebhuyyakkhāyitepi cāti kiñci kiñci khāditvā bahukāvasiṭṭhe nimitte. ‘‘Yassa catūsu bhāgesu tibhāgamattaṃ khāditaṃ, taṃ nimittaṃ yebhuyyakkhāyitaṃ nāmā’’ti vadanti. Methunanti rāgapariyuṭṭhānena sadisabhāvāpattiyā mithunānaṃ idaṃ methunaṃ, matitthiādīnaṃ rāgapariyuṭṭhānena sadisattābhāvepi tattha vītikkamo ruḷhiyā ‘‘methuna’’nti vuccati.

    баарааж̇игод̇ибарааж̇ид̇о, барааж̇аяамаабаннод̇и ад̇т̇о. аяан̃хи баарааж̇ига-сад̣̇д̣̇о сигкаабад̣̇аабад̇д̇ибуг̇г̇алзсу вад̇д̇ад̇и. д̇ад̇т̇а ‘‘адтаанамзд̇ам̣ аананд̣̇а анавагаасо, яам̣ д̇ат̇ааг̇ад̇о важ̇ж̇ийнам̣ ваа важ̇ж̇ибуд̇д̇агаанам̣ ваа гааран̣аа саавагаанам̣ баарааж̇игам̣ сигкаабад̣̇ам̣ бан̃н̃ад̇д̇ам̣ самууханзяяаа’’д̇и (баараа. 43) звам̣ сигкаабад̣̇з вад̇д̇амаано взд̣̇ид̇аб̣б̣о. ‘‘аабад̇д̇и д̇вам̣ бхигку аабанно баарааж̇ига’’нд̇и (баараа. 67) аабад̇д̇ияаа. ‘‘на маяам̣ баарааж̇игаа, яо авахадо, со баарааж̇иго’’д̇и (баараа. 155) звам̣ буг̇г̇алз. ‘‘баарааж̇игзна д̇хаммзна ануд̣̇д̇хам̣сзяяаа’’д̇иаад̣̇ийсу (баараа. 384) бана д̇хаммз вад̇д̇ад̇ийд̇и вад̣̇анд̇и. яасмаа бана д̇ад̇т̇а д̇хаммод̇и гад̇т̇ажи аабад̇д̇и, гад̇т̇ажи сигкаабад̣̇амзва ад̇хиббзд̇ам̣, д̇асмаа со висум̣ на вад̇д̇аб̣б̣о.

    Pārājikotiparājito, parājayamāpannoti attho. Ayañhi pārājika-saddo sikkhāpadāpattipuggalesu vattati. Tattha ‘‘aṭṭhānametaṃ ānanda anavakāso, yaṃ tathāgato vajjīnaṃ vā vajjiputtakānaṃ vā kāraṇā sāvakānaṃ pārājikaṃ sikkhāpadaṃ paññattaṃ samūhaneyyā’’ti (pārā. 43) evaṃ sikkhāpade vattamāno veditabbo. ‘‘Āpatti tvaṃ bhikkhu āpanno pārājika’’nti (pārā. 67) āpattiyā. ‘‘Na mayaṃ pārājikā, yo avahaṭo, so pārājiko’’ti (pārā. 155) evaṃ puggale. ‘‘Pārājikena dhammena anuddhaṃseyyā’’tiādīsu (pārā. 384) pana dhamme vattatīti vadanti. Yasmā pana tattha dhammoti katthaci āpatti, katthaci sikkhāpadameva adhippetaṃ, tasmā so visuṃ na vattabbo.

    д̇ад̇т̇а сигкаабад̣̇ам̣ яо д̇ам̣ ад̇иггамад̇и д̇ам̣ барааж̇зд̇и, д̇асмаа ‘‘баарааж̇ига’’нд̇и вужжад̇и. аабад̇д̇и бана яо нам̣ аж̇жхаабаж̇ж̇ад̇и д̇ам̣ барааж̇зд̇и, д̇асмаа ‘‘баарааж̇игаа’’д̇и вужжад̇и. буг̇г̇ало яасмаа барааж̇ид̇о барааж̇аяамаабанно, д̇асмаа ‘‘баарааж̇иго’’д̇и вужжад̇и. сигкаабад̣̇аабад̇д̇ийсу баарааж̇ига-сад̣̇д̣̇о барааж̇зд̇ийд̇и ‘‘баарааж̇иго’’д̇и гад̇д̇усаад̇хано, буг̇г̇алз бана барааж̇ийяад̇ийд̇и гаммасаад̇ханод̇и взд̣̇ид̇аб̣б̣о. ‘‘наро’’д̇и иминаа буб̣б̣з вуд̇д̇абхигкуязва ад̇хиббзд̇о. сааман̃н̃аж̇од̇анаа висзсз авад̇идтад̇ийд̇и.

    Tattha sikkhāpadaṃ yo taṃ atikkamati taṃ parājeti, tasmā ‘‘pārājika’’nti vuccati. Āpatti pana yo naṃ ajjhāpajjati taṃ parājeti, tasmā ‘‘pārājikā’’ti vuccati. Puggalo yasmā parājito parājayamāpanno, tasmā ‘‘pārājiko’’ti vuccati. Sikkhāpadāpattīsu pārājika-saddo parājetīti ‘‘pārājiko’’ti kattusādhano, puggale pana parājīyatīti kammasādhanoti veditabbo. ‘‘Naro’’ti iminā pubbe vuttabhikkhuyeva adhippeto. Sāmaññajotanā visese avatiṭṭhatīti.

    12. язбхуяяагкааяид̇зд̇и жад̇уусу годтаасзсу згагодтаасаавасзсам̣ гад̇ваа каад̣̇ид̇з. убад̣дхагкааяид̇зд̇и самабхааг̇аавасзсам̣ каад̣̇ид̇з. т̇ууло ажжаяо т̇уллажжаяо, соязва аабаж̇ж̇ийяад̇ийд̇и аабад̇д̇ийд̇и т̇уллажжаяаабад̇д̇и. баажид̇д̇ияаад̣̇аяо санд̇хааязд̇т̇а т̇уллажжаяавохааро, на баарааж̇игасан̇гхаад̣̇исзсзд̇и д̣̇адтаб̣б̣ам̣. сзсзд̇и авасзсз убагажчагаад̣̇ийсу. вуд̇д̇ан̃хи адтагат̇ааяам̣ ‘‘авасзсасарийрз убагажчагаад̣̇ийсу д̣̇уггада’’нд̇и (баараа. адта. 1.59-60). д̣̇удту гад̇анд̇и д̣̇уггадам̣, д̣̇уггада-сад̣̇д̣̇о нияад̇анабум̣сагад̇д̇аа ид̇т̇илин̇г̇ассааби аабад̇д̇и-сад̣̇д̣̇асса салин̇г̇зна висзсанам̣ ход̇и.

    12.Yebhuyyakkhāyiteti catūsu koṭṭhāsesu ekakoṭṭhāsāvasesaṃ katvā khādite. Upaḍḍhakkhāyiteti samabhāgāvasesaṃ khādite. Thūlo accayo thullaccayo, soyeva āpajjīyatīti āpattīti thullaccayāpatti. Pācittiyādayo sandhāyettha thullaccayavohāro, na pārājikasaṅghādiseseti daṭṭhabbaṃ. Seseti avasese upakacchakādīsu. Vuttañhi aṭṭhakathāyaṃ ‘‘avasesasarīre upakacchakādīsu dukkaṭa’’nti (pārā. aṭṭha. 1.59-60). Duṭṭhu katanti dukkaṭaṃ, dukkaṭa-saddo niyatanapuṃsakattā itthiliṅgassāpi āpatti-saddassa saliṅgena visesanaṃ hoti.

    13. нимид̇д̇амад̇д̇ам̣ сзсзд̇ваа кааяид̇збийд̇и зд̇т̇а д̇ин̣н̣аман̃н̃ад̇арам̣ нимид̇д̇ам̣ сзсзд̇ваа сагаласарийрз каад̣̇ид̇зби. би-сад̣̇д̣̇о б̣яад̇ирзгз, баг̇зва ид̇арзд̇и д̣̇ийбзд̇и. д̇асмим̣ нимид̇д̇з агкааяид̇з ваа язбхуяяагкааяид̇з ваад̇и д̣̇вид̇хаа вуд̇д̇зсу д̇ийсу нимид̇д̇зсу ан̃н̃ад̇арасмим̣ нимид̇д̇з мзт̇унам̣ сзвад̇оби барааж̇аяо баарааж̇игаабад̇д̇и ход̇ийд̇и ад̇хиббааяо . сзвад̇обийд̇и зд̇т̇а би-сад̣̇д̣̇о абзгкааяам̣. д̇асмаа на гзвалам̣ хздтаа вуд̇д̇аанамзваад̇и абзгкад̇и. сант̇ад̇аад̣̇аяо вигаббаа яат̇аавуд̇д̇анаязна зд̇т̇ааби яож̇зд̇аб̣б̣аа.

    13.Nimittamattaṃ sesetvā khāyitepīti ettha tiṇṇamaññataraṃ nimittaṃ sesetvā sakalasarīre khāditepi. Pi-saddo byatireke, pageva itareti dīpeti. Tasmiṃ nimitte akkhāyite vā yebhuyyakkhāyite vāti dvidhā vuttesu tīsu nimittesu aññatarasmiṃ nimitte methunaṃ sevatopi parājayo pārājikāpatti hotīti adhippāyo . Sevatopīti ettha pi-saddo apekkhāyaṃ. Tasmā na kevalaṃ heṭṭhā vuttānamevāti apekkhati. Santhatādayo vikappā yathāvuttanayena etthāpi yojetabbā.

    14. ‘‘уд̣̇д̇хумаад̇аад̣̇исамбад̇д̇з’’д̇и зд̇т̇а ‘‘яад̣̇аа бана сарийрам̣ уд̣̇д̇хумаад̇агам̣ ход̇и гут̇ид̇ам̣ нийламагкигаасамаагин̣н̣ам̣ гимигуласамаагулам̣ навахи ван̣амукзхи баг̇гхарид̇абуб̣б̣агун̣абабхаавзна убаг̇анд̇умби асаггун̣зяяам̣, д̇ад̣̇аа баарааж̇игавад̇т̇ун̃жа т̇уллажжаяавад̇т̇ун̃жа ж̇ахад̇и, д̇аад̣̇исз сарийрз яад̇т̇а гад̇т̇ажи убаггамад̇о д̣̇уггадамзваа’’д̇и (баараа. адта. 1.59-60) адтагат̇ааважанад̇о саб̣б̣ад̇т̇ааби жаад̇и агкааяид̇аад̣̇исаб̣б̣авигаббобаг̇ад̇аани баарааж̇игат̇уллажжаяад̣̇уггадагкзд̇д̇аани г̇ахид̇аанийд̇и д̣̇адтаб̣б̣ам̣. д̇ад̇т̇ааби вийд̇иггамо анаабад̇д̇и на ход̇ийд̇и д̣̇ассзд̇умааха ‘‘д̣̇уггада’’нд̇и. ‘‘кааяид̇агкааяид̇а’’нд̇иаад̣̇ийсу кааяид̇агкааяид̇ан̃жа наамзд̇ам̣ саб̣б̣ам̣ мад̇асарийрагзязва взд̣̇ид̇аб̣б̣ам̣, на ж̇ийвамаанзд̇и яож̇зд̇аб̣б̣ам̣.

    14. ‘‘Uddhumātādisampatte’’ti ettha ‘‘yadā pana sarīraṃ uddhumātakaṃ hoti kuthitaṃ nīlamakkhikāsamākiṇṇaṃ kimikulasamākulaṃ navahi vaṇamukhehi paggharitapubbakuṇapabhāvena upagantumpi asakkuṇeyyaṃ, tadā pārājikavatthuñca thullaccayavatthuñca jahati, tādise sarīre yattha katthaci upakkamato dukkaṭamevā’’ti (pārā. aṭṭha. 1.59-60) aṭṭhakathāvacanato sabbatthāpi cāti akkhāyitādisabbavikappopagatāni pārājikathullaccayadukkaṭakkhettāni gahitānīti daṭṭhabbaṃ. Tatthāpi vītikkamo anāpatti na hotīti dassetumāha ‘‘dukkaṭa’’nti. ‘‘Khāyitakkhāyita’’ntiādīsu khāyitakkhāyitañca nāmetaṃ sabbaṃ matasarīrakeyeva veditabbaṃ, na jīvamāneti yojetabbaṃ.

    15. ж̇ийвамаанз гат̇анд̇и ааха ‘‘чинд̣̇ид̇ваа банаа’’д̇иаад̣̇и. д̇ад̇т̇а ван̣асан̇кзбад̇од̇и ван̣асан̇г̇ахад̇о. д̇асминд̇и яад̇т̇а тид̇ам̣ нимид̇д̇ам̣ уббаадид̇ам̣, д̇асмим̣ бад̣̇зсз. зд̇т̇а д̣̇уд̇ияо бана-сад̣̇д̣̇о ид̇ха ад̣̇ассид̇ам̣ адтагат̇ааяам̣ ааг̇ад̇анаязна вин̃н̃ааяамаанам̣ ад̇т̇ависзсам̣ ж̇од̇зд̇и. адтагат̇ааяахи ‘‘яад̣̇иби нимид̇д̇ам̣ саб̣б̣асо кааяид̇ам̣, чавижаммамби над̇т̇и, нимид̇д̇асан̣таанам̣ бан̃н̃ааяад̇и, бавзсанам̣ ж̇ааяад̇и, баарааж̇игамзваа’’д̇и звам̣ аж̇ийвамаанз вуд̇д̇авинижчаяаанусаарзна ж̇ийвамаанзби чавижаммамад̇д̇ам̣ жз саб̣б̣асо уббаадид̇ам̣, нимид̇д̇асан̣таанам̣ бан̃н̃ааяад̇и, бавзсанагкамам̣ ход̇и, д̇ад̇т̇а сзванд̇асса баарааж̇игамзваад̇и вин̃н̃ааяамаанамад̇т̇ам̣ ж̇од̇зд̇ийд̇и вуд̇д̇ам̣ ход̇и.

    15. Jīvamāne kathanti āha ‘‘chinditvā panā’’tiādi. Tattha vaṇasaṅkhepatoti vaṇasaṅgahato. Tasminti yattha ṭhitaṃ nimittaṃ uppāṭitaṃ, tasmiṃ padese. Ettha dutiyo pana-saddo idha adassitaṃ aṭṭhakathāyaṃ āgatanayena viññāyamānaṃ atthavisesaṃ joteti. Aṭṭhakathāyahi ‘‘yadipi nimittaṃ sabbaso khāyitaṃ, chavicammampi natthi, nimittasaṇṭhānaṃ paññāyati, pavesanaṃ jāyati, pārājikamevā’’ti evaṃ ajīvamāne vuttavinicchayānusārena jīvamānepi chavicammamattaṃ ce sabbaso uppāṭitaṃ, nimittasaṇṭhānaṃ paññāyati, pavesanakkhamaṃ hoti, tattha sevantassa pārājikamevāti viññāyamānamatthaṃ jotetīti vuttaṃ hoti.

    16. д̇ад̇о нимид̇д̇ад̇од̇и самб̣анд̇хо. бад̇ид̇ааяаад̇и бад̇ид̇ааяам̣, аяамзва ваа баато. нимид̇д̇ад̇од̇и нимид̇д̇аббад̣̇зсад̇о бад̇ид̇ааяам̣ мам̣сабзсияанд̇и самб̣анд̇хо. чинд̣̇ид̇ваа ваа д̇ажчзд̇ваа ваа бад̇ид̇ааяам̣ д̇ассам̣ нимид̇д̇амам̣сабзсияанд̇и ад̇т̇о. мзт̇унарааг̇зна убаггаманд̇асса д̣̇уггадам̣ винид̣̇д̣̇исзд̇и яож̇анаа.

    16. Tato nimittatoti sambandho. Patitāyāti patitāyaṃ, ayameva vā pāṭho. Nimittatoti nimittappadesato patitāyaṃ maṃsapesiyanti sambandho. Chinditvā vā tacchetvā vā patitāyaṃ tassaṃ nimittamaṃsapesiyanti attho. Methunarāgena upakkamantassa dukkaṭaṃ viniddiseti yojanā.

    17. ‘‘накабидтиббамаан̣збий’’д̇иаад̣̇иг̇аат̇ааяа ‘‘чинд̣̇ид̇ваа’’д̇иаад̣̇игаа адтагат̇аа аанзд̇ваа самб̣анд̇хид̇аб̣б̣аа. сад̇ийд̇и зд̇т̇а ‘‘авасидтз’’д̇и баатасзсо. ж̇ийвамаанзд̇и зд̇т̇а ‘‘сарийрз’’д̇и баатасзсо. ж̇ийвамаанасарийрз бана чинд̣̇ид̇ваа д̇ажчзд̇ваа нимид̇д̇з уббаадид̇з накабидтиббамаан̣зби мам̣сз, нхаарумхи ваа авасидтз сад̇и мзт̇унам̣ бадисзванд̇о барааж̇ид̇од̇и яож̇анаа.

    17.‘‘Nakhapiṭṭhippamāṇepī’’tiādigāthāya ‘‘chinditvā’’tiādikā aṭṭhakathā ānetvā sambandhitabbā. Satīti ettha ‘‘avasiṭṭhe’’ti pāṭhaseso. Jīvamāneti ettha ‘‘sarīre’’ti pāṭhaseso. Jīvamānasarīre pana chinditvā tacchetvā nimitte uppāṭite nakhapiṭṭhippamāṇepi maṃse, nhārumhi vā avasiṭṭhe sati methunaṃ paṭisevanto parājitoti yojanā.

    18. ‘‘ган̣н̣ажчид̣̇д̣̇агкий’’д̇и г̇аат̇ааяа ‘‘ж̇ийвамаанз’’д̇и аанзд̇ваа самб̣анд̇хид̇аб̣б̣ам̣, ‘‘сарийрз’’д̇и баатасзсо. ‘‘ассаг̇омахисаад̣̇ийна’’нд̇иаад̣̇инаа ассаад̣̇ийнам̣ вагкамаанад̇д̇аа баарисзсад̇о ‘‘мануссаана’’нд̇и лаб̣бхад̇и. мануссаанам̣ ж̇ийвамаанасарийрз ган̣н̣а…бз… ван̣зсу ваад̇и яож̇анаа. вад̇т̇игосзд̇и муд̇д̇абат̇аб̣бханд̇арз. ван̣зсу ваад̇и сад̇т̇агаад̣̇ийхи гад̇аван̣зсу. ан̇г̇аж̇аад̇анд̇и д̇иламад̇д̇амби ан̇г̇аж̇аад̇згад̣̇зсам̣. рааг̇аад̇и мзт̇унарааг̇зна.

    18. ‘‘Kaṇṇacchiddakkhī’’ti gāthāya ‘‘jīvamāne’’ti ānetvā sambandhitabbaṃ, ‘‘sarīre’’ti pāṭhaseso. ‘‘Assagomahisādīna’’ntiādinā assādīnaṃ vakkhamānattā pārisesato ‘‘manussāna’’nti labbhati. Manussānaṃ jīvamānasarīre kaṇṇa…pe… vaṇesu vāti yojanā. Vatthikoseti muttapathabbhantare. Vaṇesu vāti satthakādīhi katavaṇesu. Aṅgajātanti tilamattampi aṅgajātekadesaṃ. Rāgāti methunarāgena.

    19. авасзсасарийрасминд̇и ган̣н̣ажчид̣̇д̣̇аад̣̇ияат̇аавуд̇д̇асарийрааваяававаж̇ж̇ид̇асарийраббад̣̇зсз. д̇знааха ‘‘убагажчууругаад̣̇исуу’’д̇и убагажчам̣ наама б̣аахумууланд̇арам̣. ууругаад̣̇исууд̇и уурувзмаж̇жхаад̣̇ийсу. аад̣̇и-сад̣̇д̣̇зна вуд̇д̇аавасзсам̣ сарийраббад̣̇зсам̣ сан̇г̇ан̣хаад̇и. ‘‘ан̇г̇аж̇аад̇а’’нд̇и аанзд̇ваа самб̣анд̇хид̇аб̣б̣ам̣. ‘‘бавзсзд̇ваа’’д̇и саамад̇т̇ияаа лаб̣бхад̇и, ан̇г̇аж̇аад̇ам̣ д̇илаб̣ийж̇амад̇д̇ам̣ бавзсзд̇ваад̇и вуд̇д̇ам̣ ход̇и. васаа мзт̇унарааг̇асса сзвамаанассаад̇и мзт̇унарааг̇зна вийд̇иггаманд̇ассаад̇и ад̇т̇о. ‘‘сант̇ад̇знаа’’д̇иаад̣̇инаа вуд̇д̇аббагааро зд̇т̇ааби яож̇зд̇аб̣б̣о.

    19.Avasesasarīrasminti kaṇṇacchiddādiyathāvuttasarīrāvayavavajjitasarīrappadese. Tenāha ‘‘upakacchūrukādisū’’ti upakacchaṃ nāma bāhumūlantaraṃ. Ūrukādisūti ūruvemajjhādīsu. Ādi-saddena vuttāvasesaṃ sarīrappadesaṃ saṅgaṇhāti. ‘‘Aṅgajāta’’nti ānetvā sambandhitabbaṃ. ‘‘Pavesetvā’’ti sāmatthiyā labbhati, aṅgajātaṃ tilabījamattaṃ pavesetvāti vuttaṃ hoti. Vasā methunarāgassa sevamānassāti methunarāgena vītikkamantassāti attho. ‘‘Santhatenā’’tiādinā vuttappakāro etthāpi yojetabbo.

    20. ассаг̇омахисаад̣̇ийнанд̇и аад̣̇и-сад̣̇д̣̇зна г̇оган̣н̣аг̇аваж̇аад̣̇аяо сан̇г̇ахид̇аа. ассаад̣̇аяо баагадааязва. ‘‘мад̇аана’’нд̇и вагкамаанад̇д̇аа ‘‘ж̇ийвамаанаана’’нд̇и саамад̇т̇ияаа лаб̣бхад̇и. сзванд̇и ‘‘васаа мзт̇унарааг̇ассаа’’д̇и анувад̇д̇амаанад̇д̇аа мзт̇унарааг̇авасзна д̇илаб̣ийж̇амад̇д̇амби ан̇г̇аж̇аад̇аббад̣̇зсам̣ бавзсзнд̇о т̇уллажжаяам̣ пусзд̇и яож̇анаа. зд̇т̇а жа ‘‘одтаг̇ад̣̇рабхад̣̇анд̇ийнам̣, ассаг̇омахисаад̣̇ина’’нд̇и баатзна бхавид̇аб̣б̣ам̣. зван̃хи сад̇и адтагат̇аавасаанз нид̣̇д̣̇идтзна багаарад̇т̇аваажинаа аад̣̇и-сад̣̇д̣̇зна т̇уллажжаяавийд̇иггамаараханаасаавад̇т̇игосаванд̇о авуд̇д̇аа саб̣б̣зби сад̇д̇аа г̇аяханд̇и. ‘‘ассаг̇омахисаад̣̇ийна’’нд̇и батамабаад̣̇аавасаанз нид̣̇д̣̇идтзна аад̣̇и-сад̣̇д̣̇зна одтаг̇ад̣̇рабхад̣̇анд̇ийнамби сан̇г̇ахо ход̇ийд̇и д̇зсам̣ бунаважанам̣ нирад̇т̇агам̣ сияаад̇и.

    20.Assagomahisādīnanti ādi-saddena gokaṇṇagavajādayo saṅgahitā. Assādayo pākaṭāyeva. ‘‘Matāna’’nti vakkhamānattā ‘‘jīvamānāna’’nti sāmatthiyā labbhati. Sevanti ‘‘vasā methunarāgassā’’ti anuvattamānattā methunarāgavasena tilabījamattampi aṅgajātappadesaṃ pavesento thullaccayaṃ phuseti yojanā. Ettha ca ‘‘oṭṭhagadrabhadantīnaṃ, assagomahisādina’’nti pāṭhena bhavitabbaṃ. Evañhi sati aṭṭhakathāvasāne niddiṭṭhena pakāratthavācinā ādi-saddena thullaccayavītikkamārahanāsāvatthikosavanto avuttā sabbepi sattā gayhanti. ‘‘Assagomahisādīna’’nti paṭhamapādāvasāne niddiṭṭhena ādi-saddena oṭṭhagadrabhadantīnampi saṅgaho hotīti tesaṃ punavacanaṃ niratthakaṃ siyāti.

    21. д̇ат̇аа сзвамаанасса д̣̇уггаданд̇и самб̣анд̇хо. саб̣б̣ад̇иражчаананд̇и д̇ирияам̣ ан̃жанд̇и вад̣дханд̇ийд̇и д̇иражчаа, саб̣б̣з жа д̇з д̇иражчаажаад̇и саб̣б̣ад̇иражчаа, д̇зсам̣ саб̣б̣ад̇иражчаанам̣. ‘‘д̇ат̇аа’’д̇и иминаа ‘‘васаа мзт̇унарааг̇ассаа’’д̇иаад̣̇ийнам̣ бараамадтад̇д̇аа саб̣б̣ад̇иражчаанаанам̣ агкиаад̣̇ийсу д̇илаб̣ийж̇амад̇д̇амби ан̇г̇аж̇аад̇аббад̣̇зсам̣ мзт̇унарааг̇зна бавзсзнд̇асса д̣̇уггаданд̇и вуд̇д̇ам̣ ход̇и. зд̇т̇ааби сант̇ад̇аад̣̇ивигаббз нид̣̇д̣̇осабхааво на саггаа вад̇д̇унд̇и д̇амби яож̇зд̇аб̣б̣ам̣.

    21. Tathā sevamānassa dukkaṭanti sambandho. Sabbatiracchānanti tiriyaṃ añcanti vaḍḍhantīti tiracchā, sabbe ca te tiracchācāti sabbatiracchā, tesaṃ sabbatiracchānaṃ. ‘‘Tathā’’ti iminā ‘‘vasā methunarāgassā’’tiādīnaṃ parāmaṭṭhattā sabbatiracchānānaṃ akkhiādīsu tilabījamattampi aṅgajātappadesaṃ methunarāgena pavesentassa dukkaṭanti vuttaṃ hoti. Etthāpi santhatādivikappe niddosabhāvo na sakkā vattunti tampi yojetabbaṃ.

    22. звам̣ д̇иражчаанаанам̣ ж̇ийвамаанагасарийрз лаб̣бхамаанаа аабад̇д̇ияо д̣̇ассзд̇ваа д̇зсам̣язва мад̇асарийрзби самбхаванагааабад̇д̇ияо д̣̇ассзд̇умааха ‘‘д̇зса’’нд̇иаад̣̇и. ‘‘д̇зса’’нд̇и иминаа мануссад̇иражчаанаг̇ад̇аанам̣ г̇ахан̣анд̇и вад̣̇анд̇и. мануссаанам̣ мад̇аамад̇асарийрз баарааж̇игат̇уллажжаяад̣̇уггадагкзд̇д̇зсу д̇иссаннам̣ аабад̇д̇ийнам̣ д̣̇ассид̇ад̇д̇аа, буна г̇ахан̣з баяож̇анаабхааваа д̇з важ̇ж̇зд̇ваа анувад̇д̇амаанасаб̣б̣ад̇иражчаананд̇и иминаа яож̇зд̇аб̣б̣ам̣, д̇зсам̣ саб̣б̣ад̇иражчаанаг̇ад̇аананд̇и ад̇т̇о. алласарийрзсууд̇и уд̣̇д̇хумаад̇агаад̣̇ибхаавамасамбад̇д̇зсу алламад̇асарийрзсу д̇ивид̇хз кзд̇д̇асмим̣ асант̇ад̇з, сант̇ад̇з ваа сад̇и мзт̇унарааг̇асса васаа сзвад̇о д̇ивид̇хааби аабад̇д̇и сияаад̇и анувад̇д̇амаанабад̣̇зхи саха яож̇анаа.

    22. Evaṃ tiracchānānaṃ jīvamānakasarīre labbhamānā āpattiyo dassetvā tesaṃyeva matasarīrepi sambhavanakaāpattiyo dassetumāha ‘‘tesa’’ntiādi. ‘‘Tesa’’nti iminā manussatiracchānagatānaṃ gahaṇanti vadanti. Manussānaṃ matāmatasarīre pārājikathullaccayadukkaṭakkhettesu tissannaṃ āpattīnaṃ dassitattā, puna gahaṇe payojanābhāvā te vajjetvā anuvattamānasabbatiracchānanti iminā yojetabbaṃ, tesaṃ sabbatiracchānagatānanti attho. Allasarīresūti uddhumātakādibhāvamasampattesu allamatasarīresu tividhe khettasmiṃ asanthate, santhate vā sati methunarāgassa vasā sevato tividhāpi āpatti siyāti anuvattamānapadehi saha yojanā.

    д̇ивид̇хз кзд̇д̇асминд̇и мад̇амануссасарийрз вуд̇д̇анаязна агкааяид̇аязбхуяяагкааяид̇абхзд̣̇з маг̇г̇ад̇д̇аяасан̇каад̇з баарааж̇игагкзд̇д̇з жа язбхуяяагкааяид̇аубад̣дхагкааяид̇абхзд̣̇з д̇асмим̣язва маг̇г̇ад̇д̇аяасан̇каад̇з жа, агкааяид̇аязбхуяяагкааяид̇абхзд̣̇з ган̣н̣ажчид̣̇д̣̇агкинаасаавад̇т̇игосаван̣асан̇каад̇з жа т̇уллажжаяагкзд̇д̇з убад̣дхагкааяид̇аязбхуяяагкааяид̇абхзд̣̇з д̇асмим̣язва ган̣н̣ажчид̣̇д̣̇агкинаасаавад̇т̇игосаван̣асан̇каад̇з жа, агкааяид̇аязбхуяяагкааяид̇аубад̣дхагкааяид̇а язбхуяяагкааяид̇абхзд̣̇з авасзсасарийрасан̇каад̇з д̣̇уггадагкзд̇д̇з жаад̇и д̇ивид̇хзби кзд̇д̇з. сад̇ийд̇и виж̇ж̇амаанз. сант̇ад̇з ваа асант̇ад̇з ваа мзт̇унарааг̇асса васаа сзвад̇о яат̇аарахам̣ баарааж̇игат̇уллажжаяад̣̇уггадасан̇каад̇аа д̇ивид̇хаа аабад̇д̇и бхавзяяаад̇и ад̇т̇о.

    Tividhe khettasminti matamanussasarīre vuttanayena akkhāyitayebhuyyakkhāyitabhede maggattayasaṅkhāte pārājikakkhette ca yebhuyyakkhāyitaupaḍḍhakkhāyitabhede tasmiṃyeva maggattayasaṅkhāte ca, akkhāyitayebhuyyakkhāyitabhede kaṇṇacchiddakkhināsāvatthikosavaṇasaṅkhāte ca thullaccayakkhette upaḍḍhakkhāyitayebhuyyakkhāyitabhede tasmiṃyeva kaṇṇacchiddakkhināsāvatthikosavaṇasaṅkhāte ca, akkhāyitayebhuyyakkhāyitaupaḍḍhakkhāyita yebhuyyakkhāyitabhede avasesasarīrasaṅkhāte dukkaṭakkhette cāti tividhepi khette. Satīti vijjamāne. Santhate vā asanthate vā methunarāgassa vasā sevato yathārahaṃ pārājikathullaccayadukkaṭasaṅkhātā tividhā āpatti bhaveyyāti attho.

    зд̇зсамзва жа уд̣̇д̇хумаад̇аад̣̇ибхаавам̣ самбад̇д̇з сарийрз сант̇ад̇аад̣̇ивуд̇д̇авигаббаяуд̇д̇зсу д̇ийсу маг̇г̇зсу яад̇т̇а гад̇т̇ажи мзт̇унарааг̇зна сзвад̇о аабаж̇ж̇ид̇аб̣б̣ад̣̇уггадан̃жа уд̣̇д̇хумаад̇аад̣̇исамбад̇д̇з саб̣б̣ад̇т̇ааби жа д̣̇уггаданд̇и мануссасарийрз вуд̇д̇анаязна вин̃н̃аад̇ум̣ саггаад̇и имасмим̣ д̇иражчаанаг̇ад̇асарийрз висзсамад̇д̇ам̣ д̣̇ассзд̇ум̣ ‘‘д̇зсам̣ алласарийрзсуу’’д̇иаад̣̇ийнам̣ вуд̇д̇ад̇д̇аа д̣̇уггадам̣ буб̣б̣з вуд̇д̇анаязна взд̣̇ид̇аб̣б̣ам̣. яат̇ааха адтагат̇ааяам̣ ‘‘гут̇ид̇агун̣абз бана буб̣б̣з вуд̇д̇анаязнзва саб̣б̣ад̇т̇а д̣̇уггада’’нд̇и.

    Etesameva ca uddhumātādibhāvaṃ sampatte sarīre santhatādivuttavikappayuttesu tīsu maggesu yattha katthaci methunarāgena sevato āpajjitabbadukkaṭañca uddhumātādisampatte sabbatthāpi ca dukkaṭanti manussasarīre vuttanayena viññātuṃ sakkāti imasmiṃ tiracchānagatasarīre visesamattaṃ dassetuṃ ‘‘tesaṃ allasarīresū’’tiādīnaṃ vuttattā dukkaṭaṃ pubbe vuttanayena veditabbaṃ. Yathāha aṭṭhakathāyaṃ ‘‘kuthitakuṇape pana pubbe vuttanayeneva sabbattha dukkaṭa’’nti.

    23. б̣ахи чубанд̇ассаад̇и яож̇анаа. нимид̇д̇ам̣ муд̇д̇агаран̣ам̣. ‘‘ид̇т̇ияаа’’д̇и сааман̃н̃зна вуд̇д̇зби жад̇уд̇т̇аг̇аат̇ааяа ‘‘д̇иражчаанаг̇ад̇ид̇т̇ияаа’’д̇и вагкамаанад̇д̇аа баарисзсад̇о иминаа мануссаамануссид̇т̇ийнамзва г̇ахан̣ам̣, иминаа амануссид̇т̇ияааби г̇ахан̣асса. имиссаананд̇араг̇аат̇ааяа ид̇о ‘‘ид̇т̇ияаа’’д̇и анувад̇д̇ид̇з д̇ад̇рааби амануссид̇т̇ияааби г̇ахан̣ам̣ сияаад̇и д̇амби важ̇ж̇зд̇ваа гааяасам̣саг̇г̇асан̇гхаад̣̇исзсасса вад̇т̇убхууд̇ам̣ мануссид̇т̇имзва д̣̇ассзд̇ум̣ д̇ад̇т̇а вуд̇д̇ам̣ ‘‘ид̇т̇ияаа’’д̇иад̇хигаважанамзва н̃аабаганд̇и взд̣̇ид̇аб̣б̣ам̣.

    23. Bahi chupantassāti yojanā. Nimittaṃ muttakaraṇaṃ. ‘‘Itthiyā’’ti sāmaññena vuttepi catutthagāthāya ‘‘tiracchānagatitthiyā’’ti vakkhamānattā pārisesato iminā manussāmanussitthīnameva gahaṇaṃ, iminā amanussitthiyāpi gahaṇassa. Imissānantaragāthāya ito ‘‘itthiyā’’ti anuvattite tatrāpi amanussitthiyāpi gahaṇaṃ siyāti tampi vajjetvā kāyasaṃsaggasaṅghādisesassa vatthubhūtaṃ manussitthimeva dassetuṃ tattha vuttaṃ ‘‘itthiyā’’tiadhikavacanameva ñāpakanti veditabbaṃ.

    махааадтагат̇ааяам̣ (баараа. адта. 1.59-60) ‘‘ид̇т̇инимид̇д̇ам̣ мзт̇унарааг̇зна мукзна чубад̇и, т̇уллажжаяа’’нд̇и сааман̃н̃зна вуд̇д̇ад̇д̇аа жа д̇хаммагканд̇хагз ‘‘на жа бхигкавз рад̇д̇ажид̇д̇зна ан̇г̇аж̇аад̇ам̣ чубид̇аб̣б̣ам̣, яо чубзяяа, аабад̇д̇и т̇уллажжаяассаа’’д̇и (махаава. 252) сааман̃н̃аважанад̇о жа уд̣̇д̇хумаад̇аад̣̇ибхаавамасамбад̇д̇ааяа алламад̇амануссид̇т̇ияаа жа агкааяид̇з ваа язбхуяяагкааяид̇з ваа нимид̇д̇з сад̇и баарааж̇игавад̇т̇убхаавад̇о д̇ад̇т̇ааби б̣ахи чубанд̇асса т̇уллажжаяанд̇и аяамад̇т̇оби мад̇аамад̇ависзсам̣ агад̇ваа ‘‘ид̇т̇ияаа’’д̇и иминаава сааман̃н̃аважанзна г̇ахзд̇аб̣б̣о.

    Mahāaṭṭhakathāyaṃ (pārā. aṭṭha. 1.59-60) ‘‘itthinimittaṃ methunarāgena mukhena chupati, thullaccaya’’nti sāmaññena vuttattā ca dhammakkhandhake ‘‘na ca bhikkhave rattacittena aṅgajātaṃ chupitabbaṃ, yo chupeyya, āpatti thullaccayassā’’ti (mahāva. 252) sāmaññavacanato ca uddhumātādibhāvamasampattāya allamatamanussitthiyā ca akkhāyite vā yebhuyyakkhāyite vā nimitte sati pārājikavatthubhāvato tatthāpi bahi chupantassa thullaccayanti ayamatthopi matāmatavisesaṃ akatvā ‘‘itthiyā’’ti imināva sāmaññavacanena gahetabbo.

    24. нимид̇д̇знаад̇и ад̇д̇ано ан̇г̇аж̇аад̇зна. мукзнаад̇и багад̇имукзна. нимид̇д̇ам̣ ид̇т̇ияаад̇и ж̇ийвамаанагамануссид̇т̇ияаа ан̇г̇аж̇аад̇ам̣. яасмаа бана гааяасам̣саг̇г̇асигкаабад̣̇авинийд̇авад̇т̇уусу мад̇ид̇т̇ивад̇т̇умхи мад̇ид̇т̇ияаа сарийрз гааяасам̣саг̇г̇арааг̇зна яо чубад̇и, д̇асса ‘‘анаабад̇д̇и бхигку сан̇гхаад̣̇исзсасса, аабад̇д̇и т̇уллажжаяассаа’’д̇и (баараа. 281) вуд̇д̇ад̇д̇аа мад̇амануссид̇т̇ий на г̇ахзд̇аб̣б̣аа. д̇ат̇зва яагкивад̇т̇умхи гааяасам̣саг̇г̇арааг̇зна яагкинияаа сарийрам̣ язна пудтам̣, д̇асса ‘‘анаабад̇д̇и бхигку сан̇гхаад̣̇исзсасса, аабад̇д̇и т̇уллажжаяассаа’’д̇и вуд̇д̇ад̇д̇аа, ид̇хзва убари д̣̇уд̇ияасан̇гхаад̣̇исзсз ‘‘бан̣д̣агз яагкибзд̇ийсу, д̇асса т̇уллажжаяам̣ сияаа’’д̇и (ви. ви. 341) вагкамаанад̇д̇аа жа амануссид̇т̇ийби на г̇ахзд̇аб̣б̣аа. д̇зна вуд̇д̇ам̣ ‘‘ж̇ийвамаанагамануссид̇т̇ияаа ан̇г̇аж̇аад̇а’’нд̇и. анд̇о бавзсзд̇угаамад̇ааяа сад̇и гааяасам̣саг̇г̇арааг̇аасамбхавад̇о ‘‘гааяасам̣саг̇г̇арааг̇знаа’’д̇и иминаа жа б̣ахи чубид̇угаамад̇аа вин̃н̃ааяад̇ийд̇и ‘‘б̣ахий’’д̇и анувад̇д̇анам̣ винааби д̇ад̣̇ад̇т̇о лаб̣бхад̇и. г̇аруганд̇и сан̇гхаад̣̇исзсо.

    24.Nimittenāti attano aṅgajātena. Mukhenāti pakatimukhena. Nimittaṃ itthiyāti jīvamānakamanussitthiyā aṅgajātaṃ. Yasmā pana kāyasaṃsaggasikkhāpadavinītavatthūsu matitthivatthumhi matitthiyā sarīre kāyasaṃsaggarāgena yo chupati, tassa ‘‘anāpatti bhikkhu saṅghādisesassa, āpatti thullaccayassā’’ti (pārā. 281) vuttattā matamanussitthī na gahetabbā. Tatheva yakkhivatthumhi kāyasaṃsaggarāgena yakkhiniyā sarīraṃ yena phuṭṭhaṃ, tassa ‘‘anāpatti bhikkhu saṅghādisesassa, āpatti thullaccayassā’’ti vuttattā, idheva upari dutiyasaṅghādisese ‘‘paṇḍake yakkhipetīsu, tassa thullaccayaṃ siyā’’ti (vi. vi. 341) vakkhamānattā ca amanussitthīpi na gahetabbā. Tena vuttaṃ ‘‘jīvamānakamanussitthiyā aṅgajāta’’nti. Anto pavesetukāmatāya sati kāyasaṃsaggarāgāsambhavato ‘‘kāyasaṃsaggarāgenā’’ti iminā ca bahi chupitukāmatā viññāyatīti ‘‘bahī’’ti anuvattanaṃ vināpi tadattho labbhati. Garukanti saṅghādiseso.

    25. д̇ат̇зва б̣ахи чубанд̇ассаад̇и яож̇анаа, анд̇о аббавзсзд̇ваа б̣ахиязва чубанд̇ассаад̇и вуд̇д̇ам̣ ход̇и. убхаяарааг̇знаад̇и гааяасам̣саг̇г̇арааг̇зна, мзт̇унарааг̇зна ваа. бурисассаабийд̇и ж̇ийвамаанагабурисассаби. би-сад̣̇д̣̇о на гзвалам̣ вуд̇д̇анаязна ид̇т̇ияаа нимид̇д̇ам̣ пусанд̇ассзва аабад̇д̇и, ат̇а ко бурисассаабийд̇и д̣̇ийбзд̇и. ‘‘нимид̇д̇а’’нд̇и муд̇д̇агаран̣амзва вужжад̇и. ‘‘ж̇ийвамаанагабурисассаа’’д̇и аяам̣ висзсо гуд̇о лаб̣бхад̇ийд̇и жз? ‘‘гааяасам̣саг̇г̇арааг̇зна ваа мзт̇унарааг̇зна ваа ж̇ийвамаанагабурисасса вад̇т̇игосам̣ аббавзсзнд̇о нимид̇д̇зна нимид̇д̇ам̣ чубад̇и, д̣̇уггада’’нд̇и ид̇о адтагат̇ааважанад̇о (баараа. адта. 1.59-60) лаб̣бхад̇и.

    25. Tatheva bahi chupantassāti yojanā, anto appavesetvā bahiyeva chupantassāti vuttaṃ hoti. Ubhayarāgenāti kāyasaṃsaggarāgena, methunarāgena vā. Purisassāpīti jīvamānakapurisassapi. Pi-saddo na kevalaṃ vuttanayena itthiyā nimittaṃ phusantasseva āpatti, atha kho purisassāpīti dīpeti. ‘‘Nimitta’’nti muttakaraṇameva vuccati. ‘‘Jīvamānakapurisassā’’ti ayaṃ viseso kuto labbhatīti ce? ‘‘Kāyasaṃsaggarāgena vā methunarāgena vā jīvamānakapurisassa vatthikosaṃ appavesento nimittena nimittaṃ chupati, dukkaṭa’’nti ito aṭṭhakathāvacanato (pārā. aṭṭha. 1.59-60) labbhati.

    26. ажиравад̇ид̇аранд̇аанам̣ г̇уннам̣ бидтим̣ абхируханд̇аа чаб̣б̣аг̇г̇ияаа бхигкуу мзт̇унарааг̇зна ан̇г̇аж̇аад̇зна ан̇г̇аж̇аад̇ам̣ чубим̣сууд̇и имасмим̣ вад̇т̇умхи ‘‘на жа бхигкавз рад̇д̇ажид̇д̇зна ан̇г̇аж̇аад̇ам̣ чубид̇аб̣б̣ам̣, яо чубзяяа, аабад̇д̇и т̇уллажжаяассаа’’д̇и (махаава. 252) ааг̇ад̇анаяам̣ д̣̇ассзд̇умааха ‘‘нимид̇д̇знаа’’д̇иаад̣̇и. зд̇т̇ааби ‘‘д̇ат̇аа’’д̇и имассаанувад̇д̇анад̇о ‘‘б̣ахий’’д̇и лаб̣бхад̇и. ад̇д̇ано нимид̇д̇зна д̇иражчаанаг̇ад̇ид̇т̇ияаа нимид̇д̇ам̣ мзт̇унарааг̇ад̇о б̣ахи чубанд̇асса т̇уллажжаяам̣ ход̇ийд̇и яож̇анаа.

    26. Aciravatitarantānaṃ gunnaṃ piṭṭhiṃ abhiruhantā chabbaggiyā bhikkhū methunarāgena aṅgajātena aṅgajātaṃ chupiṃsūti imasmiṃ vatthumhi ‘‘na ca bhikkhave rattacittena aṅgajātaṃ chupitabbaṃ, yo chupeyya, āpatti thullaccayassā’’ti (mahāva. 252) āgatanayaṃ dassetumāha ‘‘nimittenā’’tiādi. Etthāpi ‘‘tathā’’ti imassānuvattanato ‘‘bahī’’ti labbhati. Attano nimittena tiracchānagatitthiyā nimittaṃ methunarāgato bahi chupantassa thullaccayaṃ hotīti yojanā.

    27. ‘‘мзт̇унарааг̇ад̇о’’д̇и иминаа б̣яаважчиннамад̇т̇ам̣ д̣̇ассзд̇умааха ‘‘гааяасам̣саг̇г̇арааг̇знаа’’д̇иаад̣̇и. зд̇т̇ааби ‘‘гааяасам̣саг̇г̇арааг̇знаа’’д̇иважанасаамад̇т̇ияаа б̣ахи чубанам̣ взд̣̇ид̇аб̣б̣ам̣. нимид̇д̇ассаад̇и бассаавамаг̇г̇асса. чубанзд̇и пусанз.

    27. ‘‘Methunarāgato’’ti iminā byavacchinnamatthaṃ dassetumāha ‘‘kāyasaṃsaggarāgenā’’tiādi. Etthāpi ‘‘kāyasaṃsaggarāgenā’’tivacanasāmatthiyā bahi chupanaṃ veditabbaṃ. Nimittassāti passāvamaggassa. Chupaneti phusane.

    28. д̇амааваддагад̇зд̇и зд̇т̇а ‘‘д̇ам̣ ааваддагад̇з’’д̇и бад̣̇ажчзд̣̇о. ааваддагад̇зд̇и вивадз. ‘‘мукз’’д̇и самб̣анд̇хисад̣̇д̣̇ад̇д̇аа, ан̃н̃асса самб̣анд̇хино жа анид̣̇д̣̇идтад̇д̇аа суд̇аануломигаанам̣ суд̇асамб̣анд̇хассзва б̣алавад̇д̇аа жа буримаананд̇араг̇аат̇ааяа ‘‘д̇иражчаанаг̇ад̇ид̇т̇ияаа мукз’’д̇и гин̃жааби суд̇ассзва самб̣анд̇хо вин̃н̃ааяад̇и, д̇ат̇ааби имааяа г̇аат̇ааяа винийд̇авад̇т̇умхи (баараа. 73) ‘‘ан̃н̃ад̇аро бхигку сиват̇игам̣ г̇анд̇ваа чиннасийсам̣ бассид̇ваа ваддагад̇з мукз ажчубанд̇ам̣ ан̇г̇аж̇аад̇ам̣ бавзсзсий’’д̇и д̣̇ассид̇ачиннасийсавад̇т̇усса сан̇г̇ахид̇ад̇д̇аа мануссамукамзва г̇ахзд̇аб̣б̣ам̣ сияаа. д̇иражчаанаг̇ад̇аанам̣, бана амануссаанан̃жа мукз д̇ат̇аа бавзсо нид̣̇д̣̇осод̇и вад̇д̇умасаггун̣зяяад̇д̇аа д̇ад̇т̇ааби ид̣̇амзва убалагкан̣анд̇и баарааж̇игаббахонагаанам̣ саб̣б̣зсам̣ мукзд̇и д̣̇адтаб̣б̣ам̣. д̇ам̣ ан̇г̇аж̇аад̇ам̣. д̇ад̇т̇а ааваддагад̇з баарааж̇игаббахонагаанам̣ мукз аагаасаг̇ад̇ам̣ гад̇ваа гад̇т̇ажи апусаабзд̇ваа нийхаранд̇асса угкибанд̇асса д̣̇уггаданд̇и яож̇анаа. ат̇а ваа д̇иражчаанаанам̣ ааваддагад̇з мукзд̇и яож̇зд̇ваа д̇ад̣̇ан̃н̃асан̇г̇ахо убалагкан̣авасзна гаад̇аб̣б̣о.

    28.Tamāvaṭṭakateti ettha ‘‘taṃ āvaṭṭakate’’ti padacchedo. Āvaṭṭakateti vivaṭe. ‘‘Mukhe’’ti sambandhisaddattā, aññassa sambandhino ca aniddiṭṭhattā sutānulomikānaṃ sutasambandhasseva balavattā ca purimānantaragāthāya ‘‘tiracchānagatitthiyā mukhe’’ti kiñcāpi sutasseva sambandho viññāyati, tathāpi imāya gāthāya vinītavatthumhi (pārā. 73) ‘‘aññataro bhikkhu sivathikaṃ gantvā chinnasīsaṃ passitvā vaṭṭakate mukhe acchupantaṃ aṅgajātaṃ pavesesī’’ti dassitachinnasīsavatthussa saṅgahitattā manussamukhameva gahetabbaṃ siyā. Tiracchānagatānaṃ, pana amanussānañca mukhe tathā paveso niddosoti vattumasakkuṇeyyattā tatthāpi idameva upalakkhaṇanti pārājikappahonakānaṃ sabbesaṃ mukheti daṭṭhabbaṃ. Taṃ aṅgajātaṃ. Tattha āvaṭṭakate pārājikappahonakānaṃ mukhe ākāsagataṃ katvā katthaci aphusāpetvā nīharantassa ukkhipantassa dukkaṭanti yojanā. Atha vā tiracchānānaṃ āvaṭṭakate mukheti yojetvā tadaññasaṅgaho upalakkhaṇavasena kātabbo.

    29. д̇ат̇аад̇и ‘‘аагаасаг̇ад̇ам̣ гад̇ваа’’д̇и яат̇аавуд̇д̇аббагаарам̣ бараамасад̇и. жад̇уухи бассзхийд̇и сахад̇т̇з гаран̣аважанам̣. ‘‘бассзхий’’д̇и самб̣анд̇хисад̣̇д̣̇ад̇д̇аа ‘‘нимид̇д̇ассаа’’д̇и саамад̇т̇ияаа лаб̣бхад̇и. ‘‘ид̇т̇ияаа’’д̇и сааман̃н̃асад̣̇д̣̇ад̇д̇аа ‘‘саб̣б̣ассаа’’д̇и баатасзсо. ж̇аад̇иваажагад̇д̇аа згаважанам̣. ‘‘жад̇уухи бассзхи, хздтимад̇д̇ала’’нд̇и жа имзсам̣ самб̣анд̇хибад̣̇асса анид̣̇д̣̇зсзби мзт̇унабаарааж̇игаад̇хигаарад̇д̇аа жа сант̇ад̇ажад̇уггасса адтагат̇аавасаанз имааяа г̇аат̇ааяа сан̇г̇ахид̇асса имасса винижчаяасса барияосаанз ‘‘яат̇аа жа ид̇т̇инимид̇д̇з вуд̇д̇ам̣, звам̣ саб̣б̣ад̇т̇а лагкан̣ам̣ взд̣̇ид̇аб̣б̣а’’нд̇и (баараа. адта. 1.61-62) нимид̇д̇авинижчаяассаад̇ид̣̇зсасса гад̇ад̇д̇аа жа саамад̇т̇иязна ‘‘нимид̇д̇ассаа’’д̇и лаб̣бхад̇и. ид̣̇амзва ‘‘бавзсзд̇ваа’’д̇и зд̇асса аад̇хааравасзна г̇ахзд̇аб̣б̣ам̣. ‘‘ан̇г̇аж̇аад̇а’’нд̇и анувад̇д̇ад̇и.

    29.Tathāti ‘‘ākāsagataṃ katvā’’ti yathāvuttappakāraṃ parāmasati. Catūhi passehīti sahatthe karaṇavacanaṃ. ‘‘Passehī’’ti sambandhisaddattā ‘‘nimittassā’’ti sāmatthiyā labbhati. ‘‘Itthiyā’’ti sāmaññasaddattā ‘‘sabbassā’’ti pāṭhaseso. Jātivācakattā ekavacanaṃ. ‘‘Catūhi passehi, heṭṭhimattala’’nti ca imesaṃ sambandhipadassa aniddesepi methunapārājikādhikārattā ca santhatacatukkassa aṭṭhakathāvasāne imāya gāthāya saṅgahitassa imassa vinicchayassa pariyosāne ‘‘yathā ca itthinimitte vuttaṃ, evaṃ sabbattha lakkhaṇaṃ veditabba’’nti (pārā. aṭṭha. 1.61-62) nimittavinicchayassātidesassa katattā ca sāmatthiyena ‘‘nimittassā’’ti labbhati. Idameva ‘‘pavesetvā’’ti etassa ādhāravasena gahetabbaṃ. ‘‘Aṅgajāta’’nti anuvattati.

    звам̣ ваагяам̣ буурзд̇ваа ‘‘яат̇аа ааваддагад̇з мукз ан̇г̇аж̇аад̇ам̣ бавзсзд̇ваа д̇амаагаасаг̇ад̇ам̣ гад̇ваа нийхаранд̇асса д̣̇уггадам̣, д̇ат̇аа саб̣б̣ассаа ид̇т̇ияаа нимид̇д̇з бассаавамаг̇г̇асан̇каад̇з ан̇г̇аж̇аад̇ам̣ бавзсзд̇ваа д̇асса жад̇уухи бассзхи саха хздтимад̇д̇алам̣ жад̇д̇ааро бассз, хздтимад̇д̇алан̃жа ажчубанд̇ам̣ аагаасаг̇ад̇ам̣ гад̇ваа нийхаранд̇асса д̣̇уггада’’нд̇и яож̇зд̇ваа ад̇т̇о вад̇д̇аб̣б̣о.

    Evaṃ vākyaṃ pūretvā ‘‘yathā āvaṭṭakate mukhe aṅgajātaṃ pavesetvā tamākāsagataṃ katvā nīharantassa dukkaṭaṃ, tathā sabbassā itthiyā nimitte passāvamaggasaṅkhāte aṅgajātaṃ pavesetvā tassa catūhi passehi saha heṭṭhimattalaṃ cattāro passe, heṭṭhimattalañca acchupantaṃ ākāsagataṃ katvā nīharantassa dukkaṭa’’nti yojetvā attho vattabbo.

    30. уббаадид̇одтамам̣сзсууд̇и уббаадид̇ам̣ одтамам̣сам̣ язсанд̇и виг̇г̇ахо. д̇зсу д̣̇анд̇зсу. б̣ахинигканд̇агзсу ваад̇и багад̇ияаа одтамам̣сад̇о б̣ахи нигкамид̇ваа тид̇зсу ваа д̣̇анд̇зсу. вааяаманд̇ассаад̇и ан̇г̇аж̇аад̇зна чубанд̇асса.

    30.Uppāṭitoṭṭhamaṃsesūti uppāṭitaṃ oṭṭhamaṃsaṃ yesanti viggaho. Tesu dantesu. Bahinikkhantakesu vāti pakatiyā oṭṭhamaṃsato bahi nikkhamitvā ṭhitesu vā dantesu. Vāyamantassāti aṅgajātena chupantassa.

    31. адтисан̇гхадданам̣ гад̇ваад̇и нимид̇д̇амам̣сасанниссаяаани адтийни сан̇гхаддзд̇ваа. маг̇г̇зд̇и адтисан̇гхаад̇амаяз маг̇г̇з. д̣̇увид̇харааг̇ад̇од̇и мзт̇унарааг̇зна ваа гааяасам̣саг̇г̇арааг̇зна ваа. вааяаманд̇ассаад̇и ан̇г̇аж̇аад̇ам̣ бавзсзд̇ваа жаарзнд̇асса.

    31.Aṭṭhisaṅghaṭṭanaṃ katvāti nimittamaṃsasannissayāni aṭṭhīni saṅghaṭṭetvā. Maggeti aṭṭhisaṅghātamaye magge. Duvidharāgatoti methunarāgena vā kāyasaṃsaggarāgena vā. Vāyamantassāti aṅgajātaṃ pavesetvā cārentassa.

    32. аалин̇г̇анд̇ассаад̇и бариссаж̇анд̇асса. хад̇т̇аг̇аахаад̣̇ийсу хад̇т̇о наама габбарад̇о бадтааяа яаава аг̇г̇анакаа. хад̇т̇асса, д̇аббадиб̣анд̇хасса жа г̇ахан̣ам̣ хад̇т̇аг̇г̇аахо. авасзсасарийрасса, д̇аббадиб̣анд̇хасса жа бараамасанам̣ бараамаасо. ниссанд̣̇зхз бана ‘‘маад̇уг̇аамасса сарийрасса ваа д̇аббадиб̣анд̇хасса ваа хад̇т̇зна г̇ахан̣ам̣ хад̇т̇аг̇г̇аахо’’д̇и вуд̇д̇ам̣, д̇ам̣ адтагат̇ааяа на самзд̇и. д̇асмаа яат̇аавуд̇д̇анаяассзва адтагат̇аасу ааг̇ад̇ад̇д̇аа соязва саарад̇о бажжзд̇аб̣б̣о. бараамасзби ‘‘хад̇т̇зна сарийрасса, д̇аббадиб̣анд̇хасса жа бараамасана’’нд̇и яам̣ д̇ад̇т̇а вуд̇д̇ам̣, д̇амби на яуж̇ж̇ад̇и. авасзсасарийрааваяавзнааби бараамасад̇о д̣̇уггадамзва ход̇ийд̇и. жумб̣анаад̣̇ийсууд̇и аад̣̇и-сад̣̇д̣̇зна взн̣иг̇г̇аахаад̣̇им̣ сан̇г̇ан̣хаад̇и. ‘‘аяам̣ наяо’’д̇и зд̇зна ‘‘ид̇т̇ияаа мзт̇унарааг̇зна хад̇т̇аг̇г̇аахаад̣̇ийсу д̣̇уггада’’нд̇и имамад̇т̇ам̣ ад̇ид̣̇исад̇и.

    32.Āliṅgantassāti parissajantassa. Hatthagāhādīsu hattho nāma kapparato paṭṭhāya yāva agganakhā. Hatthassa, tappaṭibandhassa ca gahaṇaṃ hatthaggāho. Avasesasarīrassa, tappaṭibandhassa ca parāmasanaṃ parāmāso. Nissandehe pana ‘‘mātugāmassa sarīrassa vā tappaṭibandhassa vā hatthena gahaṇaṃ hatthaggāho’’ti vuttaṃ, taṃ aṭṭhakathāya na sameti. Tasmā yathāvuttanayasseva aṭṭhakathāsu āgatattā soyeva sārato paccetabbo. Parāmasepi ‘‘hatthena sarīrassa, tappaṭibandhassa ca parāmasana’’nti yaṃ tattha vuttaṃ, tampi na yujjati. Avasesasarīrāvayavenāpi parāmasato dukkaṭameva hotīti. Cumbanādīsūti ādi-saddena veṇiggāhādiṃ saṅgaṇhāti. ‘‘Ayaṃ nayo’’ti etena ‘‘itthiyā methunarāgena hatthaggāhādīsu dukkaṭa’’nti imamatthaṃ atidisati.

    33. мануссаамануссзхи ан̃н̃зсу д̇иражчаанаг̇ад̇зсу хздтимабарижчзд̣̇зна мзт̇унад̇хаммабаарааж̇игавад̇т̇убхууд̇з сад̇д̇з д̣̇ассзд̇умааха ‘‘абад̣̇з’’д̇иаад̣̇и. ‘‘абад̣̇з, д̣̇вибад̣̇з, жад̇уббад̣̇з’’д̇и имзхи висзсанзхи висзсид̇аб̣б̣ам̣ ‘‘сад̇д̇анигааяз’’д̇и ид̣̇ам̣ вад̇д̇аб̣б̣ам̣. абад̣̇з сад̇д̇анигааяз. ахаяод̇и т̇алажарзсу уггадтабарижчзд̣̇ад̇о хад̇т̇иг̇иланагз аж̇аг̇арз убаад̣̇ааяа хздтимабарижчзд̣̇зна нааг̇аа жа. мажчаад̇и ж̇алаж̇зсу убаримагодияаа бан̃жасад̇аяож̇анигаани д̇имирабин̇г̇алаад̣̇имажчз убаад̣̇ааяа хздтиманд̇ад̇о баатийнабаавусаад̣̇аяо мажчаа жа. д̣̇вибад̣̇з сад̇д̇анигааяз. габод̇аад̇и убаримагодияаа г̇арул̣з убаад̣̇ааяа хздтиманд̇ад̇о габод̇аагабод̇абагкий жа. баараавад̇аад̇и гзжи. жад̇уббад̣̇з сад̇д̇анигааяз. г̇од̇хаад̇и убаримагодияаа хад̇т̇им̣ убаад̣̇ааяа хздтиманд̇ад̇о г̇од̇хаа жаад̇и имз сад̇д̇аа. хздтаад̇и хздтимабарижчзд̣̇ад̇о. баарааж̇игассавад̇т̇ууд̇и мзт̇унад̇хаммабаарааж̇игасса вад̇т̇уунийд̇и баатасзсо.

    33. Manussāmanussehi aññesu tiracchānagatesu heṭṭhimaparicchedena methunadhammapārājikavatthubhūte satte dassetumāha ‘‘apade’’tiādi. ‘‘Apade, dvipade, catuppade’’ti imehi visesanehi visesitabbaṃ ‘‘sattanikāye’’ti idaṃ vattabbaṃ. Apade sattanikāye. Ahayoti thalacaresu ukkaṭṭhaparicchedato hatthigilanake ajagare upādāya heṭṭhimaparicchedena nāgā ca. Macchāti jalajesu uparimakoṭiyā pañcasatayojanikāni timirapiṅgalādimacche upādāya heṭṭhimantato pāṭhīnapāvusādayo macchā ca. Dvipade sattanikāye. Kapotāti uparimakoṭiyā garuḷe upādāya heṭṭhimantato kapotākapotapakkhī ca. Pārāvatāti keci. Catuppade sattanikāye. Godhāti uparimakoṭiyā hatthiṃ upādāya heṭṭhimantato godhā cāti ime sattā. Heṭṭhāti heṭṭhimaparicchedato. Pārājikassavatthūti methunadhammapārājikassa vatthūnīti pāṭhaseso.

    34. сзвзд̇угаамад̇аа мзт̇унасзвааяа д̇ан̣хаа, д̇ааяа мзт̇унарааг̇асан̇каад̇ааяа самбаяуд̇д̇ам̣ жид̇д̇ам̣ сзвзд̇угаамад̇аажид̇д̇ам̣. маг̇г̇зд̇и важжамаг̇г̇аад̣̇ийнам̣ ан̃н̃ад̇арз маг̇г̇з. маг̇г̇асса ад̇д̇ано муд̇д̇агаран̣асса бавзсанам̣. баб̣б̣аж̇ж̇ааяа, баад̇имогкасам̣варасийласса ваа анд̇з винаасз бхавод̇и анд̇имо, баарааж̇игаабанно буг̇г̇ало, д̇асса вад̇т̇у анд̇имабхаавасса гааран̣ад̇д̇аа баарааж̇игаабад̇д̇и анд̇имавад̇т̇ууд̇и вужжад̇и, д̇ад̣̇зва батамам̣ жад̇уннам̣ баарааж̇игаанам̣ аад̣̇имхи д̣̇зсид̇ад̇д̇аа батаманд̇имавад̇т̇у, д̇асса батаманд̇имавад̇т̇уно, батамабаарааж̇игассаад̇и вуд̇д̇ам̣ ход̇и.

    34.Sevetukāmatā methunasevāya taṇhā, tāya methunarāgasaṅkhātāya sampayuttaṃ cittaṃ sevetukāmatācittaṃ. Maggeti vaccamaggādīnaṃ aññatare magge. Maggassa attano muttakaraṇassa pavesanaṃ. Pabbajjāya, pātimokkhasaṃvarasīlassa vā ante vināse bhavoti antimo, pārājikāpanno puggalo, tassa vatthu antimabhāvassa kāraṇattā pārājikāpatti antimavatthūti vuccati, tadeva paṭhamaṃ catunnaṃ pārājikānaṃ ādimhi desitattā paṭhamantimavatthu, tassa paṭhamantimavatthuno, paṭhamapārājikassāti vuttaṃ hoti.

    35. сааманд̇аа аабад̇д̇исамийбз бхавам̣ сааманд̇ам̣, баарааж̇игаабад̇д̇ияаа самийбз буб̣б̣абхааг̇з бхаванд̇и ад̇т̇о. сзсаанам̣ бана д̇ин̣н̣амбийд̇и авасзсаанам̣ ад̣̇иннаад̣̇аанаад̣̇ийнам̣ д̇ин̣н̣ам̣ баарааж̇игад̇хаммаанам̣. т̇уллажжаяам̣ сааманд̇амид̇и уд̣̇ийрид̇анд̇и самб̣анд̇хо. гат̇амуд̣̇ийрид̇ам̣? ‘‘панд̣̇аабзд̇и, аабад̇д̇и т̇уллажжаяассаа’’д̇и (баараа. 94) д̣̇уд̇ияз, ‘‘мануссам̣ уд̣̇д̣̇исса обаад̇ам̣ кан̣ад̇и, бад̇ид̇ваа д̣̇угкавзд̣̇анам̣ уббаад̣̇зд̇и, аабад̇д̇и т̇уллажжаяассаа’’д̇и, д̇ад̇ияз, ‘‘бадивиж̇аананд̇асса аабад̇д̇и баарааж̇игасса, аббадивиж̇аананд̇асса аабад̇д̇и т̇уллажжаяассаа’’д̇и (баараа. 215) жад̇уд̇т̇з самуд̣̇ийрид̇ам̣.

    35. Sāmantā āpattisamīpe bhavaṃ sāmantaṃ, pārājikāpattiyā samīpe pubbabhāge bhavanti attho. Sesānaṃ pana tiṇṇampīti avasesānaṃ adinnādānādīnaṃ tiṇṇaṃ pārājikadhammānaṃ. Thullaccayaṃ sāmantamiti udīritanti sambandho. Kathamudīritaṃ? ‘‘Phandāpeti, āpatti thullaccayassā’’ti (pārā. 94) dutiye, ‘‘manussaṃ uddissa opātaṃ khaṇati, patitvā dukkhavedanaṃ uppādeti, āpatti thullaccayassā’’ti, tatiye, ‘‘paṭivijānantassa āpatti pārājikassa, appaṭivijānantassa āpatti thullaccayassā’’ti (pārā. 215) catutthe samudīritaṃ.

    зд̇т̇а жа жад̇уд̇т̇абаарааж̇игасса т̇уллажжаяаабад̇д̇ияаа сааманд̇аабад̇д̇ибхааво яасса уд̇д̇аримануссад̇хаммам̣ самуллабад̇и, со яаава на бадивиж̇аанаад̇и, д̇аава самуллабанабажжаяаа т̇уллажжаяаабад̇д̇исамбхаавз, самуллабид̇з д̇асмим̣ самуллабид̇амад̇т̇з бадивиж̇аананд̇з баарааж̇игаабад̇д̇исамбхаавз жа яуж̇ж̇ад̇и. со жа ‘‘аббадивиж̇аананд̇асса вуд̇д̇з т̇уллажжаяа’’нд̇и иминаава сан̇г̇ахид̇од̇и д̣̇адтаб̣б̣ам̣.

    Ettha ca catutthapārājikassa thullaccayāpattiyā sāmantāpattibhāvo yassa uttarimanussadhammaṃ samullapati, so yāva na paṭivijānāti, tāva samullapanapaccayā thullaccayāpattisambhāve, samullapite tasmiṃ samullapitamatthe paṭivijānante pārājikāpattisambhāve ca yujjati. So ca ‘‘appaṭivijānantassa vutte thullaccaya’’nti imināva saṅgahitoti daṭṭhabbaṃ.

    36. аж̇аананд̇асса ваад̇уубад̇т̇ад̣̇д̇хам̣ ан̇г̇аж̇аад̇ам̣ д̣̇исваа ад̇д̇ано ружияаа вийд̇иггамам̣ гад̇ваа маад̇уг̇аамзсу г̇ажчанд̇зсу аж̇аанамаанасса, махааванз д̣̇иваа нид̣̇д̣̇убаг̇ад̇абхигкуно вияа барзхи гирияамаанам̣ аж̇аананд̇ассаад̇и вуд̇д̇ам̣ ход̇и. д̇ат̇зваад̇и иминаа ‘‘анаабад̇д̇ийд̇и н̃аад̇аб̣б̣а’’нд̇и ид̣̇амаагад̣дхад̇и. ассаад̣̇ияанд̇ассаад̇и бхигкубажжад̇т̇игзсу абхибхавид̇ваа вийд̇иггамам̣ гаронд̇зсу жа гаараабзнд̇зсу жа, саббамукам̣ бавидтагаалз вияа уд̇д̇асид̇ваа анад̇хиваасзнд̇асса жа, махааванз д̣̇иваавихааробаг̇ад̇абхигкуно вияа баробаггамам̣ н̃ад̇вааби гааяз аад̣̇ид̇д̇ааг̇г̇инаа вияа уд̇д̇асид̇ваа анад̇хиваасзнд̇ассаад̇и ад̇т̇о. ‘‘аж̇аананд̇ассаа’’д̇и зд̇т̇а аби-сад̣̇д̣̇о яож̇зд̇аб̣б̣о. б̣уд̣̇д̇хасаасанз кийрасааг̇арасалиланиммалз саб̣б̣абатамам̣ баад̇убхууд̇ад̇д̇аа аад̣̇и жа д̇ам̣ вийд̇иггамасан̇каад̇ам̣ гамман̃жаад̇и аад̣̇игаммам̣, д̇ам̣ зд̇асса ад̇т̇ийд̇и аад̣̇игаммий, зд̇т̇а суд̣̇инно бхигку, д̇асса аад̣̇игамминод̇и г̇ахзд̇аб̣б̣о. убариби имзсам̣ бад̣̇аанам̣ ааг̇ад̇ааг̇ад̇адтаанз иминаава наязна ад̇т̇о взд̣̇ид̇аб̣б̣о. ид̇ха жа убари саб̣б̣асигкаабад̣̇зсу жа нид̣̇аанаад̣̇ивасзна сад̇д̇арасавид̇хо саад̇хааран̣авинижчаяо багин̣н̣агз сан̇кзбад̇о, уд̇д̇арз вид̇т̇аарад̇о жа аави бхависсад̇и. д̇асмаа зд̇т̇а на д̣̇ассид̇од̇и взд̣̇ид̇аб̣б̣ам̣.

    36.Ajānantassa vātūpatthaddhaṃ aṅgajātaṃ disvā attano ruciyā vītikkamaṃ katvā mātugāmesu gacchantesu ajānamānassa, mahāvane divā niddupagatabhikkhuno viya parehi kiriyamānaṃ ajānantassāti vuttaṃ hoti. Tathevāti iminā ‘‘anāpattīti ñātabba’’nti idamākaḍḍhati. Assādiyantassāti bhikkhupaccatthikesu abhibhavitvā vītikkamaṃ karontesu ca kārāpentesu ca, sappamukhaṃ paviṭṭhakāle viya uttasitvā anadhivāsentassa ca, mahāvane divāvihāropagatabhikkhuno viya paropakkamaṃ ñatvāpi kāye ādittaagginā viya uttasitvā anadhivāsentassāti attho. ‘‘Ajānantassā’’ti ettha api-saddo yojetabbo. Buddhasāsane khīrasāgarasalilanimmale sabbapaṭhamaṃ pātubhūtattā ādi ca taṃ vītikkamasaṅkhātaṃ kammañcāti ādikammaṃ, taṃ etassa atthīti ādikammī, ettha sudinno bhikkhu, tassa ādikamminoti gahetabbo. Uparipi imesaṃ padānaṃ āgatāgataṭṭhāne imināva nayena attho veditabbo. Idha ca upari sabbasikkhāpadesu ca nidānādivasena sattarasavidho sādhāraṇavinicchayo pakiṇṇake saṅkhepato, uttare vitthārato ca āvi bhavissati. Tasmā ettha na dassitoti veditabbaṃ.

    37-38. винаязд̇и винаяабидагз. анаяуубарамзд̇и нзд̇и баабзд̇и сийласамбад̣̇ам̣ самаад̇хисамбад̣̇ам̣ бан̃н̃аасамбад̣̇ан̃жаад̇и наяо, гааяаважийд̣̇ваарзхи авийд̇иггамасан̇каад̇о сам̣варо, д̇аббадибагко асам̣варо анаяо наама, д̇асса убарамо нивад̇д̇и зд̇т̇аад̇и анаяуубарамо, винаяо, д̇ад̇т̇а анаяуубарамз винаяз.

    37-38.Vinayeti vinayapiṭake. Anayūparameti neti pāpeti sīlasampadaṃ samādhisampadaṃ paññāsampadañcāti nayo, kāyavacīdvārehi avītikkamasaṅkhāto saṃvaro, tappaṭipakkho asaṃvaro anayo nāma, tassa uparamo nivatti etthāti anayūparamo, vinayo, tattha anayūparame vinaye.

    д̇ад̇о зва барамз уггадтз. анаяасса ваа убарамз нивад̇д̇анз барамз уггадтзд̇и г̇ахзд̇аб̣б̣ам̣. бараа уд̇д̇амаа маа саасанасирий зд̇т̇аад̇и барамо, винаяод̇и звамби г̇ахзд̇аб̣б̣ам̣. ‘‘винаяо наама саасанасса ааяуу’’д̇и (д̣̇ий. ни. адта. 1.батамасан̇г̇ийд̇игат̇аа; баараа. адта. 1.батамасан̇г̇ийд̇игат̇аа; ку. баа. адта. 5.махаасан̇г̇ийд̇игат̇аа; т̇зраг̇аа. адта. 1.251) важанад̇о уд̇д̇амасаасанасамбад̇д̇ияуд̇д̇зд̇и ад̇т̇о.

    Tato eva parame ukkaṭṭhe. Anayassa vā uparame nivattane parame ukkaṭṭheti gahetabbaṃ. Parā uttamā mā sāsanasirī etthāti paramo, vinayoti evampi gahetabbaṃ. ‘‘Vinayo nāma sāsanassa āyū’’ti (dī. ni. aṭṭha. 1.paṭhamasaṅgītikathā; pārā. aṭṭha. 1.paṭhamasaṅgītikathā; khu. pā. aṭṭha. 5.mahāsaṅgītikathā; theragā. aṭṭha. 1.251) vacanato uttamasāsanasampattiyutteti attho.

    суж̇анассаад̇и собхан̣о ж̇ано суж̇ано, сигкаагаамо ад̇хисийласигкааяа собхамаано бияасийло гулабуд̇д̇о, д̇асса наяанз наяануубамз винаязд̇и самб̣анд̇хо. анаяуубарамад̇д̇аа, барамад̇д̇аа жа суж̇анасса гулабуд̇д̇асса наяанз наяануубамз. сукаанаяанзд̇и логияалогуд̇д̇арабхзд̣̇ам̣ сукам̣ аанзд̇ийд̇и сукаанаяанам̣, д̇асмим̣. ид̣̇ан̃жа ‘‘наяанз’’д̇и зд̇асса висзсанам̣.

    Sujanassāti sobhaṇo jano sujano, sikkhākāmo adhisīlasikkhāya sobhamāno piyasīlo kulaputto, tassa nayane nayanūpame vinayeti sambandho. Anayūparamattā, paramattā ca sujanassa kulaputtassa nayane nayanūpame. Sukhānayaneti lokiyalokuttarabhedaṃ sukhaṃ ānetīti sukhānayanaṃ, tasmiṃ. Idañca ‘‘nayane’’ti etassa visesanaṃ.

    зд̇ам̣ висзсанам̣ гимад̇т̇анд̇и жз? убамаабхаавзна г̇ахид̇абагад̇инаяанад̇о ид̇ха самбхаванд̇ам̣ висзсам̣ д̣̇ассзд̇унд̇и взд̣̇ид̇аб̣б̣ам̣. гад̇аро со висзсод̇и жз? багад̇инаяанам̣ рааг̇ад̣̇осаад̣̇игилзсуубаниссаяо худ̇ваа д̣̇идтад̇хаммигасамбарааяигад̣̇угкасса жа бажжаяо ход̇и. ид̣̇ам̣ бана винаяанаяанам̣ имасса гулабуд̇д̇асса звам̣ ахуд̇ваа згам̣сзна могкааваханасукассзва бажжаяо ход̇ийд̇и имасса висзсасса д̣̇ассанад̇т̇ам̣. яат̇аа винаяамавираад̇хзд̇ваа бадибаж̇ж̇анзна сиж̇жханагасийласам̣варамуулагаавиббадисаараад̣̇ианубаад̣̇исзсабариниб̣б̣аанаавасаа- напаласамбад̇д̇ивасзна уббаж̇ж̇анагалогияалогуд̇д̇арасукааваханз винаязд̇и вуд̇д̇ам̣ ход̇и.

    Etaṃ visesanaṃ kimatthanti ce? Upamābhāvena gahitapakatinayanato idha sambhavantaṃ visesaṃ dassetunti veditabbaṃ. Kataro so visesoti ce? Pakatinayanaṃ rāgadosādikilesūpanissayo hutvā diṭṭhadhammikasamparāyikadukkhassa ca paccayo hoti. Idaṃ pana vinayanayanaṃ imassa kulaputtassa evaṃ ahutvā ekaṃsena mokkhāvahanasukhasseva paccayo hotīti imassa visesassa dassanatthaṃ. Yathā vinayamavirādhetvā paṭipajjanena sijjhanakasīlasaṃvaramūlakaavippaṭisārādianupādisesaparinibbānāvasā- naphalasampattivasena uppajjanakalokiyalokuttarasukhāvahane vinayeti vuttaṃ hoti.

    бад̇хаанарад̇од̇и зд̇т̇а ‘‘абий’’д̇и баатасзсо. бад̇хаанз винаяаабхияог̇з рад̇оби, винаяз аж̇жхааяанасаванажинд̇анаад̣̇ивасзна вааяаманд̇обийд̇и ад̇т̇о. ат̇а ваа ‘‘вирааг̇о сздто д̇хаммаана’’нд̇и (д̇ха. ба. 273; нзд̇д̇и. 170; гат̇аа. 872) важанад̇о бад̇хаанам̣ ниб̣б̣аанам̣, д̇асмим̣ рад̇од̇и ад̇т̇о . саарамад̇зд̇и ‘‘саара’’нд̇и ад̇химад̇з. ат̇а ваа саарам̣ апзг̇г̇умад̇ам̣ махаавихаараваасийнам̣ аажарияамад̇ам̣ зд̇т̇аад̇и ‘‘саарамад̇о’’д̇и винаяавинижчаяо вуд̇д̇о, д̇асмим̣. ид̇хаад̇и имасмим̣ винаяавинижчаяз. рад̇од̇и ажжанд̇аабхирад̇о. ‘‘на рад̇о’’д̇и зд̇т̇а на-гаарам̣ ‘‘рамад̇з’’д̇и осаанабад̣̇зна яож̇зд̇ваа яо бана на рамад̇зд̇и самб̣анд̇хо.

    Padhānaratoti ettha ‘‘apī’’ti pāṭhaseso. Padhāne vinayābhiyoge ratopi, vinaye ajjhāyanasavanacintanādivasena vāyamantopīti attho. Atha vā ‘‘virāgo seṭṭho dhammāna’’nti (dha. pa. 273; netti. 170; kathā. 872) vacanato padhānaṃ nibbānaṃ, tasmiṃ ratoti attho . Sāramateti ‘‘sāra’’nti adhimate. Atha vā sāraṃ apheggumataṃ mahāvihāravāsīnaṃ ācariyamataṃ etthāti ‘‘sāramato’’ti vinayavinicchayo vutto, tasmiṃ. Idhāti imasmiṃ vinayavinicchaye. Ratoti accantābhirato. ‘‘Na rato’’ti ettha na-kāraṃ ‘‘ramate’’ti osānapadena yojetvā yo pana na ramateti sambandho.

    т̇зранавамаж̇жхимабхигкубхигкунийнам̣ анд̇арз яо бана буг̇г̇ало нижжабаривад̇д̇анасаванаануссаран̣ажинд̇анавасзна на рамад̇з на гийл̣ад̇и, со буг̇г̇ало винаяз бад̇хаанарад̇оби винаяабидагз аж̇жхаяанасаванаад̣̇ивасзна яуд̇д̇абаяуд̇д̇оби баду ход̇и гим̣, на ход̇зваад̇и д̣̇ассзд̇и. винаяабидагз баадавамааган̇канд̇зхи батамам̣ д̇аавзд̇т̇а саггажжам̣ абхияог̇о гаад̇аб̣б̣од̇и ад̇хиббааяо.

    Theranavamajjhimabhikkhubhikkhunīnaṃ antare yo pana puggalo niccaparivattanasavanānussaraṇacintanavasena na ramate na kīḷati, so puggalo vinaye padhānaratopi vinayapiṭake ajjhayanasavanādivasena yuttapayuttopi paṭu hoti kiṃ, na hotevāti dasseti. Vinayapiṭake pāṭavamākaṅkhantehi paṭhamaṃ tāvettha sakkaccaṃ abhiyogo kātabboti adhippāyo.

    имамзвад̇т̇ам̣ аанисам̣сабаарам̣барияабаяож̇анзна саха д̣̇ассзд̇умааха ‘‘има’’нд̇иаад̣̇и. иманд̇и вужжамаанам̣ винаяавинижчаяам̣, ‘‘авзд̣̇ий’’д̇и иминаа самб̣анд̇хо. ‘‘яо’’д̇и баатасзсо. яо гулабуд̇д̇о сад̇исамбаж̇ан̃н̃асад̣̇д̇хаасамбанно имам̣ винаяавинижчаяам̣ саммаа авзд̣̇и ан̃н̃ааси. гим̣ бхууд̇анд̇и ааха ‘‘хид̇авибхаавана’’нд̇и. логияалогуд̇д̇арасамбад̇д̇ияаа мууласаад̇ханад̇д̇аа сийламид̇ха хид̇ам̣ наама, д̇ам̣ вибхаавзд̇и багаасзд̇ийд̇и хид̇авибхааванод̇и виг̇г̇ахо. ‘‘сийлз бад̇идтааяа…бз… виж̇адаяз ж̇ада’’нд̇и (сам̣. ни. 1.23, 192; ми. ба. 2.1.9) вуд̇д̇ад̇д̇аа саб̣б̣агилзсаж̇адаавиж̇аданалогуд̇д̇аран̃аан̣асса бад̣̇адтаанасобажаарасаабхин̃н̃ааруубааруубаадтасамаад̇хийнам̣ бад̣̇адтаанад̇ааяа саб̣б̣алогияалогуд̇д̇араг̇ун̣асамбад̣̇аанам̣ муулабхууд̇зсу жад̇убаарисуд̣̇д̇хисийлзсу бад̇хаанам̣ баад̇имогкасам̣варасийлам̣, д̇аббагаасагад̇д̇аа аяам̣ винаяавинижчаяо ‘‘хид̇авибхаавано’’д̇и вуд̇д̇о.

    Imamevatthaṃ ānisaṃsapāraṃpariyapayojanena saha dassetumāha ‘‘ima’’ntiādi. Imanti vuccamānaṃ vinayavinicchayaṃ, ‘‘avedī’’ti iminā sambandho. ‘‘Yo’’ti pāṭhaseso. Yo kulaputto satisampajaññasaddhāsampanno imaṃ vinayavinicchayaṃ sammā avedi aññāsi. Kiṃ bhūtanti āha ‘‘hitavibhāvana’’nti. Lokiyalokuttarasampattiyā mūlasādhanattā sīlamidha hitaṃ nāma, taṃ vibhāveti pakāsetīti hitavibhāvanoti viggaho. ‘‘Sīle patiṭṭhāya…pe… vijaṭaye jaṭa’’nti (saṃ. ni. 1.23, 192; mi. pa. 2.1.9) vuttattā sabbakilesajaṭāvijaṭanalokuttarañāṇassa padaṭṭhānasopacārasābhiññārūpārūpaaṭṭhasamādhīnaṃ padaṭṭhānatāya sabbalokiyalokuttaraguṇasampadānaṃ mūlabhūtesu catupārisuddhisīlesu padhānaṃ pātimokkhasaṃvarasīlaṃ, tappakāsakattā ayaṃ vinayavinicchayo ‘‘hitavibhāvano’’ti vutto.

    бхаавананд̇и бхаавийяад̇и бунаббунам̣ жзд̇аси нивзсийяад̇ийд̇и бхаавано, бхааванийяод̇и вуд̇д̇ам̣ ход̇и. хид̇авибхаавагад̇д̇ааязва хид̇ад̇т̇ийхи бунаббунам̣ жид̇д̇з ваасзд̇аб̣б̣од̇и вуд̇д̇ам̣ ход̇и, д̇ам̣ звам̣вид̇хам̣ винаяавинижчаяам̣. сурасамбхаванд̇и расийяад̇и ассаад̣̇ийяад̇ийд̇и расо, сад̣̇д̣̇арасо ад̇т̇арасо гарун̣аад̣̇ирасо вимуд̇д̇ирасо жа, собхан̣о расо зд̇ассаад̇и сурасо, винаяавинижчаяо, д̇ам̣ сурасам̣. бхавам̣ бхаванд̇ам̣, санд̇анд̇и вуд̇д̇ам̣ ход̇и, сурасам̣ самаанам̣, сурасам̣ бхууд̇анд̇и ад̇т̇о. гим̣ вуд̇д̇ам̣ ход̇и? ‘‘силзсо басаад̣̇о самад̇аа мад̇хурад̇аа сукумаалад̇аа ад̇т̇аб̣яад̇д̇и уд̣̇аарад̇аа ож̇о ганд̇и самаад̇хий’’д̇и звам̣ вуд̇д̇зхи гавиж̇анзхи ассаад̣̇зд̇аб̣б̣асилзсаад̣̇ид̣̇асавид̇хасад̣̇д̣̇аж̇ийвид̇аг̇ун̣асан̇каад̇асад̣̇д̣̇арасасамбад̇д̇ийхи жа сабхааваакяаанам̣ убамаа руубагам̣ д̣̇ийбагам̣ аавуд̇д̇ийд̇и звамаад̣̇иггаманид̣̇д̣̇идтабан̃жад̇им̣саад̇т̇аалан̇гаарзсу ануруубасабхааваакяаанаад̣̇иббад̇хаанаад̇т̇аалан̇гаарасан̇каад̇аад̇т̇арасасамбад̇д̇ийхи жа яат̇аасамбхавам̣ багаасид̇аб̣б̣агарун̣аарасааб̣бхуд̇арасасанд̇арасаад̣̇ийхи жа яуд̇д̇ад̇д̇аа сурасам̣ имам̣ винаяавинижчаяанд̇и вуд̇д̇ам̣ ход̇и.

    Bhāvananti bhāvīyati punappunaṃ cetasi nivesīyatīti bhāvano, bhāvanīyoti vuttaṃ hoti. Hitavibhāvakattāyeva hitatthīhi punappunaṃ citte vāsetabboti vuttaṃ hoti, taṃ evaṃvidhaṃ vinayavinicchayaṃ. Surasambhavanti rasīyati assādīyatīti raso, saddaraso attharaso karuṇādiraso vimuttiraso ca, sobhaṇo raso etassāti suraso, vinayavinicchayo, taṃ surasaṃ. Bhavaṃ bhavantaṃ, santanti vuttaṃ hoti, surasaṃ samānaṃ, surasaṃ bhūtanti attho. Kiṃ vuttaṃ hoti? ‘‘Sileso pasādo samatā madhuratā sukhumālatā atthabyatti udāratā ojo kanti samādhī’’ti evaṃ vuttehi kavijanehi assādetabbasilesādidasavidhasaddajīvitaguṇasaṅkhātasaddarasasampattīhi ca sabhāvākhyānaṃ upamā rūpakaṃ dīpakaṃ āvuttīti evamādikkamaniddiṭṭhapañcatiṃsaatthālaṅkāresu anurūpasabhāvākhyānādippadhānaatthālaṅkārasaṅkhātaattharasasampattīhi ca yathāsambhavaṃ pakāsitabbakaruṇārasaabbhutarasasantarasādīhi ca yuttattā surasaṃ imaṃ vinayavinicchayanti vuttaṃ hoti.

    ат̇а ваа иминаа багаран̣зна бад̇хаанад̇о вид̇хийяамаанабаад̇имогкасам̣варасийласса зганд̇зна самаад̇хисам̣вад̇д̇анигад̇д̇аа самаад̇хисса жа бан̃н̃ааяа бад̣̇адтаанад̇д̇аа бан̃н̃ааяа жа ниб̣б̣аанабаабанад̇о муулагааран̣ам̣ худ̇ваа гамзна ниб̣б̣аанаамад̇апаларасасамбад̣̇ааяагам̣ имам̣ винаяавинижчаяам̣ барамассаад̣̇анийяаруубзна д̇хид̇ивимуд̇д̇ирасзна сурасабхууд̇анд̇и вуд̇д̇ам̣ ход̇ийд̇и жа взд̣̇ид̇аб̣б̣ам̣. самбхаванд̇и зд̇т̇а сам̣ вужжад̇и сукам̣ гааяигам̣ жзд̇асиган̃жа, д̇ам̣ бхавад̇и зд̇асмаад̇и самбхаво, винаяавинижчаяо, д̇ам̣, гааяажид̇д̇асукаанам̣ муулагааран̣абхууд̇ам̣, вуд̇д̇анаязна сурасад̇д̇аа жа яат̇аавуд̇д̇арасасамбад̣̇асаарамахуссавзна самбхууд̇амаанасигасукасса, д̇ам̣самудтаанаруубаниссаяагааяигасукасса жа бабхавабхууд̇анд̇и ад̇т̇о. зд̇д̇аавад̇аа имасса винаяавинижчаяасса саммаа вин̃н̃аад̇аб̣б̣ад̇ааяа гааран̣ам̣ д̣̇ассид̇ам̣ ход̇и.

    Atha vā iminā pakaraṇena padhānato vidhīyamānapātimokkhasaṃvarasīlassa ekantena samādhisaṃvattanikattā samādhissa ca paññāya padaṭṭhānattā paññāya ca nibbānapāpanato mūlakāraṇaṃ hutvā kamena nibbānāmataphalarasasampadāyakaṃ imaṃ vinayavinicchayaṃ paramassādanīyarūpena dhitivimuttirasena surasabhūtanti vuttaṃ hotīti ca veditabbaṃ. Sambhavanti ettha saṃ vuccati sukhaṃ kāyikaṃ cetasikañca, taṃ bhavati etasmāti sambhavo, vinayavinicchayo, taṃ, kāyacittasukhānaṃ mūlakāraṇabhūtaṃ, vuttanayena surasattā ca yathāvuttarasasampadasāramahussavena sambhūtamānasikasukhassa, taṃsamuṭṭhānarūpanissayakāyikasukhassa ca pabhavabhūtanti attho. Ettāvatā imassa vinayavinicchayassa sammā viññātabbatāya kāraṇaṃ dassitaṃ hoti.

    звам̣ наанааг̇ун̣арад̇анаагарам̣ имам̣ винаяавинижчаяам̣ самбаж̇аананд̇о со гулабуд̇д̇о гим̣ ход̇ийд̇и жз? баалинаа убаалинаа само бхавад̇и. баалинаад̇и саасанам̣ баалзд̇ийд̇и ‘‘баало’’д̇и винаяо вужжад̇и, вуд̇д̇ан̃хи ‘‘винаяо наама саасанасса ааяуу’’д̇и (д̣̇ий. ни. адта. 1.батамасан̇г̇ийд̇игат̇аа; баараа. адта. 1.батамасан̇г̇ийд̇игат̇аа; ку. баа. адта. 5.махаасан̇г̇ийд̇игат̇аа; т̇зраг̇аа. адта. 1.251) со асса ад̇т̇ийд̇и баалий, барияад̇д̇ибадибад̇д̇ибадивзд̇хавасзна д̇ивид̇хасаасанасса ж̇ийвид̇абхууд̇авинаяабан̃н̃ад̇д̇исан̇каад̇асаасанад̇харад̇д̇аа ‘‘баалий’’д̇и лад̣̇д̇ханаамзна убаалинаа, ‘‘зд̇ад̣̇аг̇г̇ам̣ бхигкавз мама саавагаанам̣ бхигкуунам̣ винаяад̇хараанам̣ яад̣̇ид̣̇ам̣ убаалий’’д̇и (а. ни. 1.219, 228) жад̇убарисамаж̇жхз нисиннзна сад̣̇д̇хаммаваражаггавад̇д̇инаа саммаасамб̣уд̣̇д̇хзна мукабад̣̇умам̣ вигаасзд̇ваа багаасид̇азд̇ад̣̇аг̇г̇адтаанзна висзсад̇о сааяанарагканагабхаавзна бадилад̣̇д̇хабаалийд̇инаамад̇хзяязна убаалимахаат̇зрзна само ход̇ийд̇и вуд̇д̇ам̣ ход̇и.

    Evaṃ nānāguṇaratanākaraṃ imaṃ vinayavinicchayaṃ sampajānanto so kulaputto kiṃ hotīti ce? Pālinā upālinā samo bhavati. Pālināti sāsanaṃ pāletīti ‘‘pālo’’ti vinayo vuccati, vuttañhi ‘‘vinayo nāma sāsanassa āyū’’ti (dī. ni. aṭṭha. 1.paṭhamasaṅgītikathā; pārā. aṭṭha. 1.paṭhamasaṅgītikathā; khu. pā. aṭṭha. 5.mahāsaṅgītikathā; theragā. aṭṭha. 1.251) so assa atthīti pālī, pariyattipaṭipattipaṭivedhavasena tividhasāsanassa jīvitabhūtavinayapaññattisaṅkhātasāsanadharattā ‘‘pālī’’ti laddhanāmena upālinā, ‘‘etadaggaṃ bhikkhave mama sāvakānaṃ bhikkhūnaṃ vinayadharānaṃ yadidaṃ upālī’’ti (a. ni. 1.219, 228) catuparisamajjhe nisinnena saddhammavaracakkavattinā sammāsambuddhena mukhapadumaṃ vikāsetvā pakāsitaetadaggaṭṭhānena visesato sāyanarakkhanakabhāvena paṭiladdhapālītināmadheyyena upālimahātherena samo hotīti vuttaṃ hoti.

    гасмим̣ висаяз само бхавад̇ийд̇и жз? саасанз. саасанзд̇и яат̇аавуд̇д̇з д̇ивид̇хз саасанз, д̇ад̇рааби т̇аавараж̇ан̇г̇амасагалавад̇т̇увид̇т̇аараад̇хараман̣д̣аласад̣̇исз бадибад̇д̇ибадивзд̇хад̣̇ваяад̇хаарз барияад̇д̇исаасанз, д̇ад̇т̇ааби винаяагат̇аад̇хигаарад̇д̇аа лаб̣бхамаанз винаяабидагасан̇каад̇абарияад̇д̇исаасанзгад̣̇зсз само бхавад̇ийд̇и ад̇т̇о.

    Kasmiṃ visaye samo bhavatīti ce? Sāsane. Sāsaneti yathāvutte tividhe sāsane, tatrāpi thāvarajaṅgamasakalavatthuvitthārādharamaṇḍalasadise paṭipattipaṭivedhadvayadhāre pariyattisāsane, tatthāpi vinayakathādhikārattā labbhamāne vinayapiṭakasaṅkhātapariyattisāsanekadese samo bhavatīti attho.

    гим̣бхууд̇з саасанз? маараб̣алисаасанз. маарасса б̣али маараб̣али, маараг̇ожаро, д̇асса саасанам̣ хим̣сагам̣ маараб̣алисаасанам̣, д̇асмим̣. канд̇хаад̣̇ийсу бан̃жасу маарзсу бад̇хаанабхууд̇агаамарааг̇аад̣̇ибабхавагилзсамаарасса г̇ожарабхаавзна б̣алисан̇каад̇аид̇т̇исарийраад̣̇иниссаяаподтаб̣б̣аад̣̇ивисаяасса барижжаж̇аабанад̇т̇ам̣ ‘‘яо бана бхигку…бз… асам̣ваасо’’д̇иаад̣̇инаа (баараа. 44) наязна вуд̇д̇ад̇д̇аа д̇асса маараб̣алисса хим̣сагам̣ ход̇ийд̇и маараб̣алисаасананаамад̇хзяяавинаяабан̃н̃ад̇д̇исан̇каад̇асаасанзд̇и ад̇т̇о.

    Kiṃbhūte sāsane? Mārabalisāsane. Mārassa bali mārabali, māragocaro, tassa sāsanaṃ hiṃsakaṃ mārabalisāsanaṃ, tasmiṃ. Khandhādīsu pañcasu māresu padhānabhūtakāmarāgādipabhavakilesamārassa gocarabhāvena balisaṅkhātaitthisarīrādinissayaphoṭṭhabbādivisayassa pariccajāpanatthaṃ ‘‘yo pana bhikkhu…pe… asaṃvāso’’tiādinā (pārā. 44) nayena vuttattā tassa mārabalissa hiṃsakaṃ hotīti mārabalisāsananāmadheyyavinayapaññattisaṅkhātasāsaneti attho.

    ат̇а ваа ‘‘б̣ал̣исзнаби ж̇аалзна, хад̇т̇зна гуминзна ваа’’д̇и уд̣̇агадтагат̇ааяа вагкамаанад̇д̇аа б̣ал̣иса-сад̣̇д̣̇зна мажчамааран̣аган̣дагамааха, д̇ам̣ маарасса б̣ал̣исам̣ асад̇и кибад̇и важ̇ж̇зд̇ийд̇и маараб̣ал̣исаасанам̣, д̇асмим̣, ‘‘саманд̇абаасо маарассаа’’д̇и вуд̇д̇ад̇д̇аа сам̣саарасааг̇арз баривад̇д̇амаанагасам̣гилзсад̣̇аасабут̇уж̇ж̇анасан̇каад̇амажчз г̇ан̣хид̇ум̣ маарамахаагзваддзна багкид̇д̇аб̣ал̣исасан̇каад̇аид̇т̇ируубасад̣̇д̣̇аад̣̇ибан̃жагаамаг̇ун̣аа- мисаавуд̇агаамарааг̇аад̣̇игилзсамахааб̣ал̣исам̣ д̇ад̣̇ан̇г̇аббахаанавийд̇иггамаббахаанаад̣̇ивасзна баж̇аханд̇з винаяабан̃н̃ад̇д̇исан̇каад̇з саасанзд̇и ад̇хиббааяо.

    Atha vā ‘‘baḷisenapi jālena, hatthena kuminena vā’’ti udakaṭṭhakathāya vakkhamānattā baḷisa-saddena macchamāraṇakaṇṭakamāha, taṃ mārassa baḷisaṃ asati khipati vajjetīti mārabaḷisāsanaṃ, tasmiṃ, ‘‘samantapāso mārassā’’ti vuttattā saṃsārasāgare parivattamānakasaṃkilesadāsaputhujjanasaṅkhātamacche gaṇhituṃ māramahākevaṭṭena pakkhittabaḷisasaṅkhātaitthirūpasaddādipañcakāmaguṇā- misāvutakāmarāgādikilesamahābaḷisaṃ tadaṅgappahānavītikkamappahānādivasena pajahante vinayapaññattisaṅkhāte sāsaneti adhippāyo.

    зд̇т̇а жа саарамад̇з ид̇ха имасмим̣ винаяавинижчаяз яо бана на рамад̇з, со буг̇г̇ало анаяуубарамз д̇ад̇о зва барамз уд̇д̇амз суж̇анасса сукаанаяанз наяанз наяанубамз винаяз рад̇о абхирад̇о бад̇хаанарад̇оби винаяз аж̇жхааяанаад̣̇ийсу яог̇амаабаж̇ж̇анд̇оби баду ход̇и бадуд̇аро ход̇и гим̣, на ход̇зва. д̇асмаа винаяз баадавад̇т̇инаа зд̇т̇зва саггажжаабхияог̇о гаад̇аб̣б̣од̇и сан̇кзбад̇о саад̇хиббааяаа ад̇т̇аяож̇анаа взд̣̇ид̇аб̣б̣аа. ат̇а ваа бад̇хаанз жад̇уб̣б̣ид̇хз саммаббад̇хаанз вийрияз рад̇о абхирад̇о яо бана наро саарамад̇з ид̇ха имасмим̣ винаяавинижчаяз яад̇о рамад̇з, ад̇о д̇асмаа со анаяуубарамз суж̇анасса сукаанаяанз винаяз баду ход̇и гусало ход̇ийд̇и яож̇анаад̇и но канд̇и.

    Ettha ca sāramate idha imasmiṃ vinayavinicchaye yo pana na ramate, so puggalo anayūparame tato eva parame uttame sujanassa sukhānayane nayane nayanupame vinaye rato abhirato padhānaratopi vinaye ajjhāyanādīsu yogamāpajjantopi paṭu hoti paṭutaro hoti kiṃ, na hoteva. Tasmā vinaye pāṭavatthinā ettheva sakkaccābhiyogo kātabboti saṅkhepato sādhippāyā atthayojanā veditabbā. Atha vā padhāne catubbidhe sammappadhāne vīriye rato abhirato yo pana naro sāramate idha imasmiṃ vinayavinicchaye yato ramate, ato tasmā so anayūparame sujanassa sukhānayane vinaye paṭu hoti kusalo hotīti yojanāti no khanti.

    хид̇авибхааванам̣ хид̇аббагаасагам̣ бхааванам̣ бхааванийяам̣ аасзвид̇аб̣б̣ам̣ сурасамбхавам̣ сурасам̣ самаанам̣ сурасам̣ бхууд̇ам̣ самбхавам̣ сукахзд̇угам̣ имам̣ винаяавинижчаяам̣ яо авзд̣̇и ан̃н̃ааси, со буг̇г̇ало маараб̣ал̣исаасанз маарависаяаббахаанагарз, ат̇а ваа маараб̣ал̣исасса маарасса вад̇т̇угаамаамисаавуд̇агилзсагаамаб̣ал̣исасса асанз важ̇ж̇амаанз саасанз д̇ивид̇хзби ж̇инасаасанз, д̇ад̇т̇ааби бадибад̇д̇ибадивзд̇хаанам̣ бад̇идтаанабхууд̇з барияад̇д̇исаасанз, д̇ад̇рааби сагаласаасанасса ж̇ийвид̇асамаанз винаяабан̃н̃ад̇д̇исан̇каад̇абарияад̇д̇исаасанзгад̣̇зсз баалинаа винаяабарияад̇д̇ияам̣ зд̇ад̣̇аг̇г̇з табанзна саасанабааланз д̇ам̣муулабхаавад̇о бааласан̇каад̇авинаяабарияад̇д̇ияаа басад̇т̇ад̇арзна убаалинаа убаалимахаат̇зрзна само бхавад̇ийд̇и яож̇анаа.

    Hitavibhāvanaṃ hitappakāsakaṃ bhāvanaṃ bhāvanīyaṃ āsevitabbaṃ surasambhavaṃ surasaṃ samānaṃ surasaṃ bhūtaṃ sambhavaṃ sukhahetukaṃ imaṃ vinayavinicchayaṃ yo avedi aññāsi, so puggalo mārabaḷisāsane māravisayappahānakare, atha vā mārabaḷisassa mārassa vatthukāmāmisāvutakilesakāmabaḷisassa asane vajjamāne sāsane tividhepi jinasāsane, tatthāpi paṭipattipaṭivedhānaṃ patiṭṭhānabhūte pariyattisāsane, tatrāpi sakalasāsanassa jīvitasamāne vinayapaññattisaṅkhātapariyattisāsanekadese pālinā vinayapariyattiyaṃ etadagge ṭhapanena sāsanapālane taṃmūlabhāvato pālasaṅkhātavinayapariyattiyā pasatthatarena upālinā upālimahātherena samo bhavatīti yojanā.

    ид̇и винаяад̇т̇асаарасанд̣̇ийбанияаа

    Iti vinayatthasārasandīpaniyā

    винаяавинижчаяаван̣н̣анааяа

    Vinayavinicchayavaṇṇanāya

    батамабаарааж̇игагат̇ааван̣н̣анаа нидтид̇аа.

    Paṭhamapārājikakathāvaṇṇanā niṭṭhitā.




    Next: д̣̇уд̇ияабаарааж̇игагат̇ааван̣н̣анаа • Dutiyapārājikakathāvaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact