Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga

намо д̇асса бхаг̇авад̇о арахад̇о саммаасамб̣уд̣̇д̇хасса

Namo tassa bhagavato arahato sammāsambuddhassa

бхигкунийвибхан̇г̇о

Bhikkhunīvibhaṅgo

1. баарааж̇игаган̣д̣ам̣ (бхигкунийвибхан̇г̇о)

1. Pārājikakaṇḍaṃ (bhikkhunīvibhaṅgo)

1. батамабаарааж̇игам̣

1. Paṭhamapārājikaṃ

656. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна саал̣хо миг̇ааранад̇д̇аа бхигкунисан̇гхасса вихаарам̣ гад̇д̇угаамо ход̇и. ат̇а ко саал̣хо миг̇ааранад̇д̇аа бхигкунияо убасан̇гамид̇ваа зд̇ад̣̇авожа – ‘‘ижчаамахам̣, аяяз, бхигкунисан̇гхасса вихаарам̣ гаад̇ум̣. д̣̇зт̇а мз навагаммигам̣ бхигкуни’’нд̇и. д̇зна ко бана самаязна жад̇ассо бхаг̇инияо бхигкунийсу баб̣б̣аж̇ид̇аа хонд̇и – нанд̣̇аа, нанд̣̇авад̇ий, сунд̣̇арийнанд̣̇аа, т̇уллананд̣̇аад̇и. д̇аасу сунд̣̇арийнанд̣̇аа бхигкуний д̇арун̣абаб̣б̣аж̇ид̇аа абхируубаа ход̇и д̣̇ассанийяаа баасаад̣̇игаа бан̣д̣ид̇аа б̣яад̇д̇аа мзд̇хаавиний д̣̇агкаа аналасаа, д̇ад̇рубааяааяа виймам̣сааяа саманнааг̇ад̇аа, алам̣ гаад̇ум̣ алам̣ сам̣вид̇хаад̇ум̣. ат̇а ко бхигкунисан̇гхо сунд̣̇арийнанд̣̇ам̣ бхигкуним̣ самманнид̇ваа саал̣хасса миг̇ааранад̇д̇уно навагаммигам̣ ад̣̇ааси. д̇зна ко бана самаязна сунд̣̇арийнанд̣̇аа бхигкуний саал̣хасса миг̇ааранад̇д̇уно нивзсанам̣ абхигкан̣ам̣ г̇ажчад̇и – ‘‘ваасим̣ д̣̇зт̇а, барасум̣ ¹ д̣̇зт̇а, гутаарим̣ ² д̣̇зт̇а, гуд̣̇д̣̇аалам̣ д̣̇зт̇а, никаад̣̇анам̣ д̣̇зт̇аа’’д̇и. саал̣хоби миг̇ааранад̇д̇аа бхигкунубассаяам̣ абхигкан̣ам̣ г̇ажчад̇и гад̇аагад̇ам̣ ж̇аанид̇ум̣. д̇з абхин̣хад̣̇ассанзна бадиб̣ад̣̇д̇хажид̇д̇аа ахзсум̣.

656. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena sāḷho migāranattā bhikkhunisaṅghassa vihāraṃ kattukāmo hoti. Atha kho sāḷho migāranattā bhikkhuniyo upasaṅkamitvā etadavoca – ‘‘icchāmahaṃ, ayye, bhikkhunisaṅghassa vihāraṃ kātuṃ. Detha me navakammikaṃ bhikkhuni’’nti. Tena kho pana samayena catasso bhaginiyo bhikkhunīsu pabbajitā honti – nandā, nandavatī, sundarīnandā, thullanandāti. Tāsu sundarīnandā bhikkhunī taruṇapabbajitā abhirūpā hoti dassanīyā pāsādikā paṇḍitā byattā medhāvinī dakkhā analasā, tatrupāyāya vīmaṃsāya samannāgatā, alaṃ kātuṃ alaṃ saṃvidhātuṃ. Atha kho bhikkhunisaṅgho sundarīnandaṃ bhikkhuniṃ sammannitvā sāḷhassa migāranattuno navakammikaṃ adāsi. Tena kho pana samayena sundarīnandā bhikkhunī sāḷhassa migāranattuno nivesanaṃ abhikkhaṇaṃ gacchati – ‘‘vāsiṃ detha, parasuṃ ³ detha, kuṭhāriṃ ⁴ detha, kuddālaṃ detha, nikhādanaṃ dethā’’ti. Sāḷhopi migāranattā bhikkhunupassayaṃ abhikkhaṇaṃ gacchati katākataṃ jānituṃ. Te abhiṇhadassanena paṭibaddhacittā ahesuṃ.

ат̇а ко саал̣хо миг̇ааранад̇д̇аа сунд̣̇арийнанд̣̇ам̣ бхигкуним̣ д̣̇уусзд̇ум̣ огаасам̣ алабхамаано зд̇ад̣̇звад̇т̇ааяа бхигкунисан̇гхасса бхад̇д̇ам̣ агааси. ат̇а ко саал̣хо миг̇ааранад̇д̇аа бхад̇д̇аг̇г̇з аасанам̣ бан̃н̃абзнд̇о – ‘‘зд̇д̇агаа бхигкунияо аяяааяа сунд̣̇арийнанд̣̇ааяа вуд̣дхад̇араа’’д̇и згаманд̇ам̣ аасанам̣ бан̃н̃абзси ‘‘зд̇д̇агаа навагад̇араа’’д̇и – згаманд̇ам̣ аасанам̣ бан̃н̃абзси. бадижчаннз огаасз нигуудз сунд̣̇арийнанд̣̇ааяа бхигкунияаа аасанам̣ бан̃н̃абзси, яат̇аа т̇зраа бхигкунияо ж̇аанзяяум̣ – ‘‘навагаанам̣ бхигкунийнам̣ санд̇игз нисиннаа’’д̇и; навагааби бхигкунияо ж̇аанзяяум̣ – ‘‘т̇зраанам̣ бхигкунийнам̣ санд̇игз нисиннаа’’д̇и. ат̇а ко саал̣хо миг̇ааранад̇д̇аа бхигкунисан̇гхасса гаалам̣ аарожаабзси – ‘‘гаало, аяяз, нидтид̇ам̣ бхад̇д̇а’’нд̇и. сунд̣̇арийнанд̣̇аа бхигкуний саллагкзд̇ваа – ‘‘на б̣ахугад̇о саал̣хо миг̇ааранад̇д̇аа бхигкунисан̇гхасса бхад̇д̇ам̣ агааси; мам̣ со д̣̇уусзд̇угаамо. сажаахам̣ г̇амиссаами виссаро мз бхависсад̇ий’’д̇и, анд̇зваасиним̣ бхигкуним̣ аан̣аабзси – ‘‘г̇ажча мз бин̣д̣абаад̇ам̣ нийхара. яо жз мам̣ бужчад̇и, ‘г̇илаанаа’д̇и бадивзд̣̇зхий’’д̇и. ‘‘звам̣, аяяз’’д̇и ко саа бхигкуний сунд̣̇арийнанд̣̇ааяа бхигкунияаа бажжассоси.

Atha kho sāḷho migāranattā sundarīnandaṃ bhikkhuniṃ dūsetuṃ okāsaṃ alabhamāno etadevatthāya bhikkhunisaṅghassa bhattaṃ akāsi. Atha kho sāḷho migāranattā bhattagge āsanaṃ paññapento – ‘‘ettakā bhikkhuniyo ayyāya sundarīnandāya vuḍḍhatarā’’ti ekamantaṃ āsanaṃ paññapesi ‘‘ettakā navakatarā’’ti – ekamantaṃ āsanaṃ paññapesi. Paṭicchanne okāse nikūṭe sundarīnandāya bhikkhuniyā āsanaṃ paññapesi, yathā therā bhikkhuniyo jāneyyuṃ – ‘‘navakānaṃ bhikkhunīnaṃ santike nisinnā’’ti; navakāpi bhikkhuniyo jāneyyuṃ – ‘‘therānaṃ bhikkhunīnaṃ santike nisinnā’’ti. Atha kho sāḷho migāranattā bhikkhunisaṅghassa kālaṃ ārocāpesi – ‘‘kālo, ayye, niṭṭhitaṃ bhatta’’nti. Sundarīnandā bhikkhunī sallakkhetvā – ‘‘na bahukato sāḷho migāranattā bhikkhunisaṅghassa bhattaṃ akāsi; maṃ so dūsetukāmo. Sacāhaṃ gamissāmi vissaro me bhavissatī’’ti, antevāsiniṃ bhikkhuniṃ āṇāpesi – ‘‘gaccha me piṇḍapātaṃ nīhara. Yo ce maṃ pucchati, ‘gilānā’ti paṭivedehī’’ti. ‘‘Evaṃ, ayye’’ti kho sā bhikkhunī sundarīnandāya bhikkhuniyā paccassosi.

д̇зна ко бана самаязна саал̣хо миг̇ааранад̇д̇аа б̣ахид̣̇ваарагодтагз тид̇о ход̇и сунд̣̇арийнанд̣̇ам̣ бхигкуним̣ бадибужчанд̇о – ‘‘гахам̣, аяяз, аяяаа сунд̣̇арийнанд̣̇аа? гахам̣, аяяз, аяяаа сунд̣̇арийнанд̣̇аа’’д̇и? звам̣ вуд̇д̇з сунд̣̇арийнанд̣̇ааяа бхигкунияаа анд̇зваасиний бхигкуний саал̣хам̣ миг̇ааранад̇д̇аарам̣ зд̇ад̣̇авожа – ‘‘г̇илаанаавусо; бин̣д̣абаад̇ам̣ нийхариссаамий’’д̇и. ат̇а ко саал̣хо миг̇ааранад̇д̇аа – ‘‘яамбаахам̣ ад̇т̇ааяа ⁵ бхигкунисан̇гхасса бхад̇д̇ам̣ агаасим̣ аяяааяа сунд̣̇арийнанд̣̇ааяа гааран̣аа’’д̇и мануссз аан̣аабзд̇ваа – ‘‘бхигкунисан̇гхам̣ бхад̇д̇зна баривисат̇аа’’д̇и вад̇ваа язна бхигкунубассаяо д̇знубасан̇гами. д̇зна ко бана самаязна сунд̣̇арийнанд̣̇аа бхигкуний б̣ахаараамагодтагз тид̇аа ход̇и саал̣хам̣ миг̇ааранад̇д̇аарам̣ бад̇имаанзнд̇ий. ад̣̇д̣̇асаа ко сунд̣̇арийнанд̣̇аа бхигкуний саал̣хам̣ миг̇ааранад̇д̇аарам̣ д̣̇уурад̇ова ааг̇ажчанд̇ам̣. д̣̇исваана убассаяам̣ бависид̇ваа сасийсам̣ баарубид̇ваа ман̃жагз нибаж̇ж̇и. ат̇а ко саал̣хо миг̇ааранад̇д̇аа язна сунд̣̇арийнанд̣̇аа бхигкуний д̇знубасан̇гами; убасан̇гамид̇ваа сунд̣̇арийнанд̣̇ам̣ бхигкуним̣ зд̇ад̣̇авожа – ‘‘гим̣ д̇з, аяяз, апаасу, гисса нибаннаасий’’д̇и? ‘‘зван̃хзд̇ам̣, аавусо, ход̇и яаа анижчанд̇ам̣ ижчад̇ий’’д̇и. ‘‘гяаахам̣ д̇ам̣, аяяз , на ижчиссаами? аби жаахам̣ огаасам̣ на лабхаами д̇ам̣ д̣̇уусзд̇у’’нд̇и. авассуд̇о авассуд̇ааяа сунд̣̇арийнанд̣̇ааяа бхигкунияаа гааяасам̣саг̇г̇ам̣ самаабаж̇ж̇и.

Tena kho pana samayena sāḷho migāranattā bahidvārakoṭṭhake ṭhito hoti sundarīnandaṃ bhikkhuniṃ paṭipucchanto – ‘‘kahaṃ, ayye, ayyā sundarīnandā? Kahaṃ, ayye, ayyā sundarīnandā’’ti? Evaṃ vutte sundarīnandāya bhikkhuniyā antevāsinī bhikkhunī sāḷhaṃ migāranattāraṃ etadavoca – ‘‘gilānāvuso; piṇḍapātaṃ nīharissāmī’’ti. Atha kho sāḷho migāranattā – ‘‘yampāhaṃ atthāya ⁶ bhikkhunisaṅghassa bhattaṃ akāsiṃ ayyāya sundarīnandāya kāraṇā’’ti manusse āṇāpetvā – ‘‘bhikkhunisaṅghaṃ bhattena parivisathā’’ti vatvā yena bhikkhunupassayo tenupasaṅkami. Tena kho pana samayena sundarīnandā bhikkhunī bahārāmakoṭṭhake ṭhitā hoti sāḷhaṃ migāranattāraṃ patimānentī. Addasā kho sundarīnandā bhikkhunī sāḷhaṃ migāranattāraṃ dūratova āgacchantaṃ. Disvāna upassayaṃ pavisitvā sasīsaṃ pārupitvā mañcake nipajji. Atha kho sāḷho migāranattā yena sundarīnandā bhikkhunī tenupasaṅkami; upasaṅkamitvā sundarīnandaṃ bhikkhuniṃ etadavoca – ‘‘kiṃ te, ayye, aphāsu, kissa nipannāsī’’ti? ‘‘Evañhetaṃ, āvuso, hoti yā anicchantaṃ icchatī’’ti. ‘‘Kyāhaṃ taṃ, ayye , na icchissāmi? Api cāhaṃ okāsaṃ na labhāmi taṃ dūsetu’’nti. Avassuto avassutāya sundarīnandāya bhikkhuniyā kāyasaṃsaggaṃ samāpajji.

д̇зна ко бана самаязна ан̃н̃ад̇араа бхигкуний ж̇араад̣̇уб̣б̣алаа жаран̣аг̇илаанаа сунд̣̇арийнанд̣̇ааяа бхигкунияаа авид̣̇уурз нибаннаа ход̇и. ад̣̇д̣̇асаа ко саа бхигкуний саал̣хам̣ миг̇ааранад̇д̇аарам̣ авассуд̇ам̣ авассуд̇ааяа сунд̣̇арийнанд̣̇ааяа бхигкунияаа гааяасам̣саг̇г̇ам̣ самаабаж̇ж̇анд̇ам̣. д̣̇исваана уж̇жхааяад̇и кияяад̇и вибаажзд̇и – ‘‘гат̇ан̃хи наама аяяаа сунд̣̇арийнанд̣̇аа авассуд̇аа авассуд̇асса бурисабуг̇г̇аласса гааяасам̣саг̇г̇ам̣ саад̣̇ияиссад̇ий’’д̇и ! ат̇а ко саа бхигкуний бхигкунийнам̣ зд̇амад̇т̇ам̣ аарожзси. яаа д̇аа бхигкунияо аббижчаа санд̇удтаа лаж̇ж̇инияо гуггужжигаа сигкаагаамаа д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама аяяаа сунд̣̇арийнанд̣̇аа авассуд̇аа авассуд̇асса бурисабуг̇г̇аласса гааяасам̣саг̇г̇ам̣ саад̣̇ияиссад̇ий’’д̇и! ат̇а ко д̇аа бхигкунияо бхигкуунам̣ зд̇амад̇т̇ам̣ аарожзсум̣. яз д̇з бхигкуу аббижчаа санд̇удтаа лаж̇ж̇ино гуггужжагаа сигкаагаамаа д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама сунд̣̇арийнанд̣̇аа бхигкуний авассуд̇аа авассуд̇асса бурисабуг̇г̇аласса гааяасам̣саг̇г̇ам̣ саад̣̇ияиссад̇ий’’д̇и!

Tena kho pana samayena aññatarā bhikkhunī jarādubbalā caraṇagilānā sundarīnandāya bhikkhuniyā avidūre nipannā hoti. Addasā kho sā bhikkhunī sāḷhaṃ migāranattāraṃ avassutaṃ avassutāya sundarīnandāya bhikkhuniyā kāyasaṃsaggaṃ samāpajjantaṃ. Disvāna ujjhāyati khiyyati vipāceti – ‘‘kathañhi nāma ayyā sundarīnandā avassutā avassutassa purisapuggalassa kāyasaṃsaggaṃ sādiyissatī’’ti ! Atha kho sā bhikkhunī bhikkhunīnaṃ etamatthaṃ ārocesi. Yā tā bhikkhuniyo appicchā santuṭṭhā lajjiniyo kukkuccikā sikkhākāmā tā ujjhāyanti khiyyanti vipācenti – ‘‘kathañhi nāma ayyā sundarīnandā avassutā avassutassa purisapuggalassa kāyasaṃsaggaṃ sādiyissatī’’ti! Atha kho tā bhikkhuniyo bhikkhūnaṃ etamatthaṃ ārocesuṃ. Ye te bhikkhū appicchā santuṭṭhā lajjino kukkuccakā sikkhākāmā te ujjhāyanti khiyyanti vipācenti – ‘‘kathañhi nāma sundarīnandā bhikkhunī avassutā avassutassa purisapuggalassa kāyasaṃsaggaṃ sādiyissatī’’ti!

ат̇а ко д̇з бхигкуу сунд̣̇арийнанд̣̇ам̣ бхигкуним̣ анзгабарияааязна виг̇арахид̇ваа бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з бхигкусан̇гхам̣ саннибаад̇аабзд̇ваа бхигкуу бадибужчи – ‘‘сажжам̣ гира, бхигкавз, сунд̣̇арийнанд̣̇аа бхигкуний авассуд̇аа авассуд̇асса бурисабуг̇г̇аласса гааяасам̣саг̇г̇ам̣ саад̣̇ияад̇ий’’д̇и ⁷? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа – ‘‘ананужчавигам̣, бхигкавз, сунд̣̇арийнанд̣̇ааяа бхигкунияаа анануломигам̣ аббад̇ируубам̣ ассааман̣агам̣ агаббияам̣ агаран̣ийяам̣. гат̇ан̃хи наама, бхигкавз, сунд̣̇арийнанд̣̇аа бхигкуний авассуд̇аа авассуд̇асса бурисабуг̇г̇аласса гааяасам̣саг̇г̇ам̣ саад̣̇ияиссад̇и! нзд̇ам̣, бхигкавз, аббасаннаанам̣ ваа басаад̣̇ааяа басаннаанам̣ ваа бхияяобхаавааяа. ат̇а квзд̇ам̣, бхигкавз , аббасаннаанан̃жзва аббасаад̣̇ааяа басаннаанан̃жа згажжаанам̣ ан̃н̃ат̇ад̇д̇ааяаа’’д̇и. ат̇а ко бхаг̇аваа сунд̣̇арийнанд̣̇ам̣ бхигкуним̣ анзгабарияааязна виг̇арахид̇ваа д̣̇уб̣бхарад̇ааяа д̣̇уббосад̇ааяа махижчад̇ааяа асанд̇удтид̇ааяа ⁸ сан̇г̇ан̣игааяа госаж̇ж̇асса аван̣н̣ам̣ бхаасид̇ваа, анзгабарияааязна субхарад̇ааяа субосад̇ааяа аббижчасса санд̇удтасса ⁹ саллзкасса д̇худ̇асса баасаад̣̇игасса абажаяасса вийрияаарамбхасса ван̣н̣ам̣ бхаасид̇ваа, бхигкуунам̣ д̇ад̣̇анужчавигам̣ д̇ад̣̇ануломигам̣ д̇хаммим̣ гат̇ам̣ гад̇ваа бхигкуу ааманд̇зси – ‘‘д̇зна хи, бхигкавз, бхигкунийнам̣ сигкаабад̣̇ам̣ бан̃н̃абзссаами д̣̇аса ад̇т̇авасз бадижжа – сан̇гхасудтуд̇ааяа, сан̇гхапаасуд̇ааяа, д̣̇умман̇гуунам̣ бхигкунийнам̣ ниг̇г̇ахааяа , бзсалаанам̣ бхигкунийнам̣ паасувихаарааяа, д̣̇идтад̇хаммигаанам̣ аасаваанам̣ сам̣варааяа, самбарааяигаанам̣ аасаваанам̣ бадигхаад̇ааяа, аббасаннаанам̣ басаад̣̇ааяа, басаннаанам̣ бхияяобхаавааяа, сад̣̇д̇хаммадтид̇ияаа винаяаануг̇г̇ахааяа. зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –

Atha kho te bhikkhū sundarīnandaṃ bhikkhuniṃ anekapariyāyena vigarahitvā bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā bhikkhū paṭipucchi – ‘‘saccaṃ kira, bhikkhave, sundarīnandā bhikkhunī avassutā avassutassa purisapuggalassa kāyasaṃsaggaṃ sādiyatī’’ti ¹⁰? ‘‘Saccaṃ, bhagavā’’ti. Vigarahi buddho bhagavā – ‘‘ananucchavikaṃ, bhikkhave, sundarīnandāya bhikkhuniyā ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma, bhikkhave, sundarīnandā bhikkhunī avassutā avassutassa purisapuggalassa kāyasaṃsaggaṃ sādiyissati! Netaṃ, bhikkhave, appasannānaṃ vā pasādāya pasannānaṃ vā bhiyyobhāvāya. Atha khvetaṃ, bhikkhave , appasannānañceva appasādāya pasannānañca ekaccānaṃ aññathattāyā’’ti. Atha kho bhagavā sundarīnandaṃ bhikkhuniṃ anekapariyāyena vigarahitvā dubbharatāya dupposatāya mahicchatāya asantuṭṭhitāya ¹¹ saṅgaṇikāya kosajjassa avaṇṇaṃ bhāsitvā, anekapariyāyena subharatāya suposatāya appicchassa santuṭṭhassa ¹² sallekhassa dhutassa pāsādikassa apacayassa vīriyārambhassa vaṇṇaṃ bhāsitvā, bhikkhūnaṃ tadanucchavikaṃ tadanulomikaṃ dhammiṃ kathaṃ katvā bhikkhū āmantesi – ‘‘tena hi, bhikkhave, bhikkhunīnaṃ sikkhāpadaṃ paññapessāmi dasa atthavase paṭicca – saṅghasuṭṭhutāya, saṅghaphāsutāya, dummaṅkūnaṃ bhikkhunīnaṃ niggahāya , pesalānaṃ bhikkhunīnaṃ phāsuvihārāya, diṭṭhadhammikānaṃ āsavānaṃ saṃvarāya, samparāyikānaṃ āsavānaṃ paṭighātāya, appasannānaṃ pasādāya, pasannānaṃ bhiyyobhāvāya, saddhammaṭṭhitiyā vinayānuggahāya. Evañca pana, bhikkhave, bhikkhuniyo imaṃ sikkhāpadaṃ uddisantu –

657. ‘‘яаа бана бхигкуний авассуд̇аа авассуд̇асса бурисабуг̇г̇аласса ад̇хагкагам̣ уб̣бхаж̇аан̣уман̣д̣алам̣ аамасанам̣ ваа бараамасанам̣ ваа г̇ахан̣ам̣ ваа чубанам̣ ваа бадибийл̣анам̣ ваа саад̣̇иязяяа, аяамби баарааж̇игаа ход̇и асам̣ваасаа уб̣бхаж̇аан̣уман̣д̣алигаа’’д̇и.

657.‘‘Yā pana bhikkhunī avassutā avassutassa purisapuggalassa adhakkhakaṃ ubbhajāṇumaṇḍalaṃ āmasanaṃ vā parāmasanaṃ vā gahaṇaṃ vā chupanaṃ vā paṭipīḷanaṃ vā sādiyeyya, ayampi pārājikā hoti asaṃvāsā ubbhajāṇumaṇḍalikā’’ti.

658. яаа банаад̇и яаа яаад̣̇исаа яат̇ааяуд̇д̇аа яат̇ааж̇ажжаа яат̇аанаамаа яат̇ааг̇од̇д̇аа яат̇аасийлаа яат̇аавихаариний яат̇ааг̇ожараа т̇зраа ваа наваа ваа маж̇жхимаа ваа, зсаа вужжад̇и яаа банаад̇и.

658.Yāpanāti yā yādisā yathāyuttā yathājaccā yathānāmā yathāgottā yathāsīlā yathāvihārinī yathāgocarā therā vā navā vā majjhimā vā, esā vuccati yā panāti.

бхигкунийд̇и бхигкигаад̇и бхигкуний; бхигкаажарияам̣ аж̇жхубаг̇ад̇аад̇и бхигкуний; бхиннабадад̇хараад̇и бхигкуний ; саман̃н̃ааяа бхигкуний; бадин̃н̃ааяа бхигкуний; зхи бхигкунийд̇и бхигкуний; д̇ийхи саран̣аг̇аманзхи убасамбаннаад̇и бхигкуний; бхад̣̇раа бхигкуний; саараа бхигкуний; сзкаа бхигкуний; асзкаа бхигкуний; самаг̇г̇зна убхад̇осан̇гхзна н̃ад̇д̇ижад̇уд̇т̇зна гаммзна агуббзна таанаарахзна убасамбаннаад̇и бхигкуний. д̇ад̇ра яааяам̣ бхигкуний самаг̇г̇зна убхад̇осан̇гхзна н̃ад̇д̇ижад̇уд̇т̇зна гаммзна агуббзна таанаарахзна убасамбаннаа, аяам̣ имасмим̣ ад̇т̇з ад̇хиббзд̇аа бхигкунийд̇и.

Bhikkhunīti bhikkhikāti bhikkhunī; bhikkhācariyaṃ ajjhupagatāti bhikkhunī; bhinnapaṭadharāti bhikkhunī ; samaññāya bhikkhunī; paṭiññāya bhikkhunī; ehi bhikkhunīti bhikkhunī; tīhi saraṇagamanehi upasampannāti bhikkhunī; bhadrā bhikkhunī; sārā bhikkhunī; sekhā bhikkhunī; asekhā bhikkhunī; samaggena ubhatosaṅghena ñatticatutthena kammena akuppena ṭhānārahena upasampannāti bhikkhunī. Tatra yāyaṃ bhikkhunī samaggena ubhatosaṅghena ñatticatutthena kammena akuppena ṭhānārahena upasampannā, ayaṃ imasmiṃ atthe adhippetā bhikkhunīti.

авассуд̇аа наама саарад̇д̇аа абзгкавад̇ий бадиб̣ад̣̇д̇хажид̇д̇аа.

Avassutā nāma sārattā apekkhavatī paṭibaddhacittā.

авассуд̇о наама саарад̇д̇о абзгкаваа бадиб̣ад̣̇д̇хажид̇д̇о.

Avassuto nāma sāratto apekkhavā paṭibaddhacitto.

бурисабуг̇г̇ало наама мануссабурисо на яагко на бзд̇о на д̇иражчаанаг̇ад̇о вин̃н̃уу бадиб̣ало гааяасам̣саг̇г̇ам̣ самаабаж̇ж̇ид̇ум̣.

Purisapuggalo nāma manussapuriso na yakkho na peto na tiracchānagato viññū paṭibalo kāyasaṃsaggaṃ samāpajjituṃ.

ад̇хагкаганд̇и хздтагкагам̣.

Adhakkhakanti heṭṭhakkhakaṃ.

уб̣бхаж̇аан̣уман̣д̣аланд̇и убариж̇аан̣уман̣д̣алам̣.

Ubbhajāṇumaṇḍalanti uparijāṇumaṇḍalaṃ.

аамасанам̣ наама аамадтамад̇д̇ам̣.

Āmasanaṃ nāma āmaṭṭhamattaṃ.

бараамасанам̣ наама ид̇ожид̇о жа сан̃жобанам̣.

Parāmasanaṃ nāma itocito ca sañcopanaṃ.

г̇ахан̣ам̣ наама г̇ахид̇амад̇д̇ам̣.

Gahaṇaṃ nāma gahitamattaṃ.

чубанам̣ наама пудтамад̇д̇ам̣.

Chupanaṃ nāma phuṭṭhamattaṃ.

бадибийл̣анам̣ ваа саад̣̇иязяяаад̇и ан̇г̇ам̣ г̇ахзд̇ваа ниббийл̣анам̣ саад̣̇ияад̇и.

Paṭipīḷanaṃvā sādiyeyyāti aṅgaṃ gahetvā nippīḷanaṃ sādiyati.

аяамбийд̇и буримааяо убаад̣̇ааяа вужжад̇и.

Ayampīti purimāyo upādāya vuccati.

баарааж̇игаа ход̇ийд̇и сзяяат̇ааби наама бурисо сийсажчинно абхаб̣б̣о д̇зна сарийраб̣анд̇ханзна ж̇ийвид̇ум̣, звамзва бхигкуний авассуд̇аа авассуд̇асса бурисабуг̇г̇аласса ад̇хагкагам̣ уб̣бхаж̇аан̣уман̣д̣алам̣ аамасанам̣ ваа бараамасанам̣ ваа г̇ахан̣ам̣ ваа чубанам̣ ваа бадибийл̣анам̣ ваа саад̣̇ияанд̇ий ассаман̣ий ход̇и асагяад̇хийд̇аа. д̇зна вужжад̇и баарааж̇игаа ход̇ийд̇и.

Pārājikā hotīti seyyathāpi nāma puriso sīsacchinno abhabbo tena sarīrabandhanena jīvituṃ, evameva bhikkhunī avassutā avassutassa purisapuggalassa adhakkhakaṃ ubbhajāṇumaṇḍalaṃ āmasanaṃ vā parāmasanaṃ vā gahaṇaṃ vā chupanaṃ vā paṭipīḷanaṃ vā sādiyantī assamaṇī hoti asakyadhītā. Tena vuccati pārājikā hotīti.

асам̣ваасаад̇и сам̣ваасо наама згагаммам̣ згуд̣̇д̣̇зсо самасигкад̇аа, зсо сам̣ваасо наама. со д̇ааяа сад̣̇д̇хим̣ над̇т̇и, д̇зна вужжад̇и асам̣ваасаад̇и.

Asaṃvāsāti saṃvāso nāma ekakammaṃ ekuddeso samasikkhatā, eso saṃvāso nāma. So tāya saddhiṃ natthi, tena vuccati asaṃvāsāti.

659. убхад̇оавассуд̇з ад̇хагкагам̣ уб̣бхаж̇аан̣уман̣д̣алам̣ гааязна гааяам̣ аамасад̇и, аабад̇д̇и баарааж̇игасса. гааязна гааяабадиб̣ад̣̇д̇хам̣ аамасад̇и, аабад̇д̇и т̇уллажжаяасса. гааяабадиб̣ад̣̇д̇хзна гааяам̣ аамасад̇и, аабад̇д̇и т̇уллажжаяасса. гааяабадиб̣ад̣̇д̇хзна гааяабадиб̣ад̣̇д̇хам̣ аамасад̇и, аабад̇д̇и д̣̇уггадасса.

659. Ubhatoavassute adhakkhakaṃ ubbhajāṇumaṇḍalaṃ kāyena kāyaṃ āmasati, āpatti pārājikassa. Kāyena kāyapaṭibaddhaṃ āmasati, āpatti thullaccayassa. Kāyapaṭibaddhena kāyaṃ āmasati, āpatti thullaccayassa. Kāyapaṭibaddhena kāyapaṭibaddhaṃ āmasati, āpatti dukkaṭassa.

ниссаг̇г̇иязна гааяам̣ аамасад̇и , аабад̇д̇и д̣̇уггадасса. ниссаг̇г̇иязна гааяабадиб̣ад̣̇д̇хам̣ аамасад̇и, аабад̇д̇и д̣̇уггадасса. ниссаг̇г̇иязна ниссаг̇г̇ияам̣ аамасад̇и, аабад̇д̇и д̣̇уггадасса.

Nissaggiyena kāyaṃ āmasati , āpatti dukkaṭassa. Nissaggiyena kāyapaṭibaddhaṃ āmasati, āpatti dukkaṭassa. Nissaggiyena nissaggiyaṃ āmasati, āpatti dukkaṭassa.

уб̣бхагкагам̣ ад̇хож̇аан̣уман̣д̣алам̣ гааязна гааяам̣ аамасад̇и, аабад̇д̇и т̇уллажжаяасса. гааязна гааяабадиб̣ад̣̇д̇хам̣ аамасад̇и, аабад̇д̇и д̣̇уггадасса. гааяабадиб̣ад̣̇д̇хзна гааяам̣ аамасад̇и, аабад̇д̇и д̣̇уггадасса. гааяабадиб̣ад̣̇д̇хзна гааяабадиб̣ад̣̇д̇хам̣ аамасад̇и, аабад̇д̇и д̣̇уггадасса.

Ubbhakkhakaṃ adhojāṇumaṇḍalaṃ kāyena kāyaṃ āmasati, āpatti thullaccayassa. Kāyena kāyapaṭibaddhaṃ āmasati, āpatti dukkaṭassa. Kāyapaṭibaddhena kāyaṃ āmasati, āpatti dukkaṭassa. Kāyapaṭibaddhena kāyapaṭibaddhaṃ āmasati, āpatti dukkaṭassa.