| Library / Tipiṭaka / திபிடக • Tipiṭaka / பரிவார-அட்ட²கதா² • Parivāra-aṭṭhakathā |
பட²மபாராஜிகஸமுட்டா²னவண்ணனா
Paṭhamapārājikasamuṭṭhānavaṇṇanā
258. இதா³னி தானி த³ஸ்ஸேதுங் ‘‘மேது²னங் ஸுக்கஸங்ஸக்³கோ³’’திஆதி³ வுத்தங். தத்த² மேது²னந்தி இத³ங் தாவ பட²மபாராஜிகங் நாம ஏகங் ஸமுட்டா²னஸீஸங், ஸேஸானி தேன ஸதி³ஸானி. தத்த² ஸுக்கஸங்ஸக்³கோ³தி ஸுக்கவிஸ்ஸட்டி² சேவ காயஸங்ஸக்³கோ³ ச. அனியதா பட²மிகாதி பட²மங் அனியதஸிக்கா²பத³ங். புப்³பூ³பபரிபாசிதாதி ‘‘ஜானங் புப்³பூ³பக³தங் பி⁴க்கு²’’ந்தி ஸிக்கா²பத³ஞ்ச பி⁴க்கு²னிபரிபாசிதபிண்ட³பாதஸிக்கா²பத³ஞ்ச. ரஹோ பி⁴க்கு²னியா ஸஹாதி பி⁴க்கு²னியா ஸத்³தி⁴ங் ரஹோ நிஸஜ்ஜஸிக்கா²பத³ஞ்ச.
258. Idāni tāni dassetuṃ ‘‘methunaṃ sukkasaṃsaggo’’tiādi vuttaṃ. Tattha methunanti idaṃ tāva paṭhamapārājikaṃ nāma ekaṃ samuṭṭhānasīsaṃ, sesāni tena sadisāni. Tattha sukkasaṃsaggoti sukkavissaṭṭhi ceva kāyasaṃsaggo ca. Aniyatā paṭhamikāti paṭhamaṃ aniyatasikkhāpadaṃ. Pubbūpaparipācitāti ‘‘jānaṃ pubbūpagataṃ bhikkhu’’nti sikkhāpadañca bhikkhuniparipācitapiṇḍapātasikkhāpadañca. Raho bhikkhuniyā sahāti bhikkhuniyā saddhiṃ raho nisajjasikkhāpadañca.
ஸபோ⁴ஜனே ரஹோ த்³வே சாதி ஸபோ⁴ஜனே குலே அனுபக²ஜ்ஜனிஸஜ்ஜஸிக்கா²பத³ஞ்ச த்³வே ரஹோனிஸஜ்ஜஸிக்கா²பதா³னி ச. அங்கு³லி உத³கே ஹஸந்தி அங்கு³லிபதோத³கஞ்ச உத³கே ஹஸத⁴ம்மஸிக்கா²பத³ஞ்ச. பஹாரே உக்³கி³ரே சேவாதி பஹாரதா³னஸிக்கா²பத³ஞ்ச தலஸத்திகஉக்³கி³ரணஸிக்கா²பத³ஞ்ச. தேபஞ்ஞாஸா ச ஸேகி²யாதி பரிமண்ட³லனிவாஸனாதீ³னி கு²த்³த³கவண்ணனாவஸானே வுத்தானி தேபஞ்ஞாஸ ஸேகி²யஸிக்கா²பதா³னி ச.
Sabhojane raho dve cāti sabhojane kule anupakhajjanisajjasikkhāpadañca dve rahonisajjasikkhāpadāni ca. Aṅguli udake hasanti aṅgulipatodakañca udake hasadhammasikkhāpadañca. Pahāre uggire cevāti pahāradānasikkhāpadañca talasattikauggiraṇasikkhāpadañca. Tepaññāsā ca sekhiyāti parimaṇḍalanivāsanādīni khuddakavaṇṇanāvasāne vuttāni tepaññāsa sekhiyasikkhāpadāni ca.
அத⁴க்க²கா³மாவஸ்ஸுதாதி பி⁴க்கு²னீனங் அத⁴க்க²கஸிக்கா²பத³ஞ்ச கா³மந்தரக³மனங் அவஸ்ஸுதா அவஸ்ஸுதஸ்ஸ ஹத்த²தோ கா²த³னீயபோ⁴ஜனீயக்³க³ஹணஸிக்கா²பத³ஞ்ச. தலமட்ட²ஞ்ச ஸுத்³தி⁴காதி தலகா⁴தகங் ஜதுமட்ட²ங் உத³கஸுத்³தி⁴காதி³யனஞ்ச. வஸ்ஸங்வுட்டா² ச ஓவாத³ந்தி வஸ்ஸங்வுட்டா² ச²ப்பஞ்சயோஜனானி ஸிக்கா²பத³ஞ்ச ஓவாதா³ய அக³மனஸிக்கா²பத³ஞ்ச. நானுப³ந்தே⁴ பவத்தினிந்தி யா பன பி⁴க்கு²னீ வுட்டா²பிதங் பவத்தினிங் த்³வே வஸ்ஸானி நானுப³ந்தெ⁴ய்யாதி வுத்தஸிக்கா²பத³ங்.
Adhakkhagāmāvassutāti bhikkhunīnaṃ adhakkhakasikkhāpadañca gāmantaragamanaṃ avassutā avassutassa hatthato khādanīyabhojanīyaggahaṇasikkhāpadañca. Talamaṭṭhañca suddhikāti talaghātakaṃ jatumaṭṭhaṃ udakasuddhikādiyanañca. Vassaṃvuṭṭhā ca ovādanti vassaṃvuṭṭhā chappañcayojanāni sikkhāpadañca ovādāya agamanasikkhāpadañca. Nānubandhe pavattininti yā pana bhikkhunī vuṭṭhāpitaṃ pavattiniṃ dve vassāni nānubandheyyāti vuttasikkhāpadaṃ.
இமே ஸிக்கா²தி இமா ஸிக்கா²யோ; லிங்க³விபரியாயோ கதோ. காயமானஸிகா கதாதி காயசித்தஸமுட்டா²னா கதா.
Imesikkhāti imā sikkhāyo; liṅgavipariyāyo kato. Kāyamānasikā katāti kāyacittasamuṭṭhānā katā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi / 1. பட²மபாராஜிகஸமுட்டா²னங் • 1. Paṭhamapārājikasamuṭṭhānaṃ
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / ஸமுட்டா²னஸீஸவண்ணனா • Samuṭṭhānasīsavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / பட²மபாராஜிகஸமுட்டா²னவண்ணனா • Paṭhamapārājikasamuṭṭhānavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / ஸமுட்டா²னஸீஸவண்ணனா • Samuṭṭhānasīsavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / பட²மபாராஜிகஸமுட்டா²னவண்ணனா • Paṭhamapārājikasamuṭṭhānavaṇṇanā
