| Library / Tipiṭaka / д̇ибидага • Tipiṭaka / бариваара-адтагат̇аа • Parivāra-aṭṭhakathā |
батамабаарааж̇игасамудтаанаван̣н̣анаа
Paṭhamapārājikasamuṭṭhānavaṇṇanā
258. ид̣̇аани д̇аани д̣̇ассзд̇ум̣ ‘‘мзт̇унам̣ суггасам̣саг̇г̇о’’д̇иаад̣̇и вуд̇д̇ам̣. д̇ад̇т̇а мзт̇унанд̇и ид̣̇ам̣ д̇аава батамабаарааж̇игам̣ наама згам̣ самудтаанасийсам̣, сзсаани д̇зна сад̣̇исаани. д̇ад̇т̇а суггасам̣саг̇г̇од̇и суггависсадти жзва гааяасам̣саг̇г̇о жа. анияад̇аа батамигаад̇и батамам̣ анияад̇асигкаабад̣̇ам̣. буб̣б̣уубабарибаажид̇аад̇и ‘‘ж̇аанам̣ буб̣б̣уубаг̇ад̇ам̣ бхигку’’нд̇и сигкаабад̣̇ан̃жа бхигкунибарибаажид̇абин̣д̣абаад̇асигкаабад̣̇ан̃жа. рахо бхигкунияаа сахаад̇и бхигкунияаа сад̣̇д̇хим̣ рахо нисаж̇ж̇асигкаабад̣̇ан̃жа.
258. Idāni tāni dassetuṃ ‘‘methunaṃ sukkasaṃsaggo’’tiādi vuttaṃ. Tattha methunanti idaṃ tāva paṭhamapārājikaṃ nāma ekaṃ samuṭṭhānasīsaṃ, sesāni tena sadisāni. Tattha sukkasaṃsaggoti sukkavissaṭṭhi ceva kāyasaṃsaggo ca. Aniyatā paṭhamikāti paṭhamaṃ aniyatasikkhāpadaṃ. Pubbūpaparipācitāti ‘‘jānaṃ pubbūpagataṃ bhikkhu’’nti sikkhāpadañca bhikkhuniparipācitapiṇḍapātasikkhāpadañca. Raho bhikkhuniyā sahāti bhikkhuniyā saddhiṃ raho nisajjasikkhāpadañca.
сабхож̇анз рахо д̣̇вз жаад̇и сабхож̇анз гулз анубакаж̇ж̇анисаж̇ж̇асигкаабад̣̇ан̃жа д̣̇вз рахонисаж̇ж̇асигкаабад̣̇аани жа. ан̇г̇ули уд̣̇агз хасанд̇и ан̇г̇улибад̇од̣̇аган̃жа уд̣̇агз хасад̇хаммасигкаабад̣̇ан̃жа. бахаарз уг̇г̇ирз жзваад̇и бахаарад̣̇аанасигкаабад̣̇ан̃жа д̇аласад̇д̇игауг̇г̇иран̣асигкаабад̣̇ан̃жа. д̇збан̃н̃аасаа жа сзкияаад̇и бариман̣д̣аланиваасанаад̣̇ийни куд̣̇д̣̇агаван̣н̣анаавасаанз вуд̇д̇аани д̇збан̃н̃ааса сзкияасигкаабад̣̇аани жа.
Sabhojane raho dve cāti sabhojane kule anupakhajjanisajjasikkhāpadañca dve rahonisajjasikkhāpadāni ca. Aṅguli udake hasanti aṅgulipatodakañca udake hasadhammasikkhāpadañca. Pahāre uggire cevāti pahāradānasikkhāpadañca talasattikauggiraṇasikkhāpadañca. Tepaññāsā ca sekhiyāti parimaṇḍalanivāsanādīni khuddakavaṇṇanāvasāne vuttāni tepaññāsa sekhiyasikkhāpadāni ca.
ад̇хагкаг̇аамаавассуд̇аад̇и бхигкунийнам̣ ад̇хагкагасигкаабад̣̇ан̃жа г̇ааманд̇араг̇аманам̣ авассуд̇аа авассуд̇асса хад̇т̇ад̇о каад̣̇анийяабхож̇анийяаг̇г̇ахан̣асигкаабад̣̇ан̃жа. д̇аламадтан̃жа суд̣̇д̇хигаад̇и д̇алагхаад̇агам̣ ж̇ад̇умадтам̣ уд̣̇агасуд̣̇д̇хигаад̣̇ияанан̃жа. вассам̣вудтаа жа оваад̣̇анд̇и вассам̣вудтаа чаббан̃жаяож̇анаани сигкаабад̣̇ан̃жа оваад̣̇ааяа аг̇аманасигкаабад̣̇ан̃жа. наануб̣анд̇хз бавад̇д̇ининд̇и яаа бана бхигкуний вудтаабид̇ам̣ бавад̇д̇иним̣ д̣̇вз вассаани наануб̣анд̇хзяяаад̇и вуд̇д̇асигкаабад̣̇ам̣.
Adhakkhagāmāvassutāti bhikkhunīnaṃ adhakkhakasikkhāpadañca gāmantaragamanaṃ avassutā avassutassa hatthato khādanīyabhojanīyaggahaṇasikkhāpadañca. Talamaṭṭhañca suddhikāti talaghātakaṃ jatumaṭṭhaṃ udakasuddhikādiyanañca. Vassaṃvuṭṭhā ca ovādanti vassaṃvuṭṭhā chappañcayojanāni sikkhāpadañca ovādāya agamanasikkhāpadañca. Nānubandhe pavattininti yā pana bhikkhunī vuṭṭhāpitaṃ pavattiniṃ dve vassāni nānubandheyyāti vuttasikkhāpadaṃ.
имз сигкаад̇и имаа сигкааяо; лин̇г̇авибарияааяо гад̇о. гааяамаанасигаа гад̇аад̇и гааяажид̇д̇асамудтаанаа гад̇аа.
Imesikkhāti imā sikkhāyo; liṅgavipariyāyo kato. Kāyamānasikā katāti kāyacittasamuṭṭhānā katā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 1. батамабаарааж̇игасамудтаанам̣ • 1. Paṭhamapārājikasamuṭṭhānaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / самудтаанасийсаван̣н̣анаа • Samuṭṭhānasīsavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / батамабаарааж̇игасамудтаанаван̣н̣анаа • Paṭhamapārājikasamuṭṭhānavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / самудтаанасийсаван̣н̣анаа • Samuṭṭhānasīsavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / батамабаарааж̇игасамудтаанаван̣н̣анаа • Paṭhamapārājikasamuṭṭhānavaṇṇanā
