| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
සමුට්‌ඨානසීසො
Samuṭṭhānasīso
පඨමපාරාජිකසමුට්‌ඨානවණ්‌ණනා
Paṭhamapārājikasamuṭṭhānavaṇṇanā
258. කිමත්‌ථං ‘‘මෙථුනං සුක්‌කසංසග්‌ගො’’තිආදිවචනං වුත්‌තන්‌ති ආහ ‘‘ඉදානී’’තිආදි. තත්‌ථ තත්‌ථාති ‘‘මෙථුනං සුක්‌කසංසග්‌ගො’’තිආදිවචනෙ. සමුට්‌ඨානසීසන්‌ති සමුට්‌ඨානානං, සමුට්‌ඨානෙසු වා සීසං. සෙසානීති පඨමපාරාජිකතො සෙසානි පඤ්‌චසත්‌තති සික්‌ඛාපදානි. තෙනාති පඨමපාරාජිකෙන. ‘‘සුක්‌කසංසග්‌ගො’’තිආදිවචනං සංවණ්‌ණෙන්‌තො ආහ ‘‘තත්‌ථා’’තිආදි. තත්‌ථ තත්‌ථාති ‘‘සුක්‌කසංසග්‌ගො’’තිආදිවචනෙ.
258. Kimatthaṃ ‘‘methunaṃ sukkasaṃsaggo’’tiādivacanaṃ vuttanti āha ‘‘idānī’’tiādi. Tattha tatthāti ‘‘methunaṃ sukkasaṃsaggo’’tiādivacane. Samuṭṭhānasīsanti samuṭṭhānānaṃ, samuṭṭhānesu vā sīsaṃ. Sesānīti paṭhamapārājikato sesāni pañcasattati sikkhāpadāni. Tenāti paṭhamapārājikena. ‘‘Sukkasaṃsaggo’’tiādivacanaṃ saṃvaṇṇento āha ‘‘tatthā’’tiādi. Tattha tatthāti ‘‘sukkasaṃsaggo’’tiādivacane.
ඛුද්‌දකවණ්‌ණනාවසානෙති ඛුද්‌දකට්‌ඨකථාය අවසානෙ.
Khuddakavaṇṇanāvasāneti khuddakaṭṭhakathāya avasāne.
ලිඞ්‌ගවිපරියායොති ලිඞ්‌ගවිපල්‌ලාසො. කායමානසිකා කතාති එත්‌ථ කායමානසෙසු පවත්‌තා කායමානසිකාති වුත්‌තෙ සමුට්‌ඨානාති ආහ ‘‘කායචිත්‌තසමුට්‌ඨානා කතා’’ති.
Liṅgavipariyāyoti liṅgavipallāso. Kāyamānasikā katāti ettha kāyamānasesu pavattā kāyamānasikāti vutte samuṭṭhānāti āha ‘‘kāyacittasamuṭṭhānā katā’’ti.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / පරිවාරපාළි • Parivārapāḷi / 1. පඨමපාරාජිකසමුට්‌ඨානං • 1. Paṭhamapārājikasamuṭṭhānaṃ
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / පරිවාර-අට්‌ඨකථා • Parivāra-aṭṭhakathā / පඨමපාරාජිකසමුට්‌ඨානවණ්‌ණනා • Paṭhamapārājikasamuṭṭhānavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / සමුට්‌ඨානසීසවණ්‌ණනා • Samuṭṭhānasīsavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / පඨමපාරාජිකසමුට්‌ඨානවණ්‌ණනා • Paṭhamapārājikasamuṭṭhānavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / සමුට්‌ඨානසීසවණ්‌ණනා • Samuṭṭhānasīsavaṇṇanā
