| Library / Tipiṭaka / ਤਿਪਿਟਕ • Tipiṭaka / ਪਰਿવਾਰ-ਅਟ੍ਠਕਥਾ • Parivāra-aṭṭhakathā |
ਪਠਮਪਾਰਾਜਿਕਸਮੁਟ੍ਠਾਨવਣ੍ਣਨਾ
Paṭhamapārājikasamuṭṭhānavaṇṇanā
੨੫੮. ਇਦਾਨਿ ਤਾਨਿ ਦਸ੍ਸੇਤੁਂ ‘‘ਮੇਥੁਨਂ ਸੁਕ੍ਕਸਂਸਗ੍ਗੋ’’ਤਿਆਦਿ વੁਤ੍ਤਂ। ਤਤ੍ਥ ਮੇਥੁਨਨ੍ਤਿ ਇਦਂ ਤਾવ ਪਠਮਪਾਰਾਜਿਕਂ ਨਾਮ ਏਕਂ ਸਮੁਟ੍ਠਾਨਸੀਸਂ, ਸੇਸਾਨਿ ਤੇਨ ਸਦਿਸਾਨਿ। ਤਤ੍ਥ ਸੁਕ੍ਕਸਂਸਗ੍ਗੋਤਿ ਸੁਕ੍ਕવਿਸ੍ਸਟ੍ਠਿ ਚੇવ ਕਾਯਸਂਸਗ੍ਗੋ ਚ। ਅਨਿਯਤਾ ਪਠਮਿਕਾਤਿ ਪਠਮਂ ਅਨਿਯਤਸਿਕ੍ਖਾਪਦਂ। ਪੁਬ੍ਬੂਪਪਰਿਪਾਚਿਤਾਤਿ ‘‘ਜਾਨਂ ਪੁਬ੍ਬੂਪਗਤਂ ਭਿਕ੍ਖੁ’’ਨ੍ਤਿ ਸਿਕ੍ਖਾਪਦਞ੍ਚ ਭਿਕ੍ਖੁਨਿਪਰਿਪਾਚਿਤਪਿਣ੍ਡਪਾਤਸਿਕ੍ਖਾਪਦਞ੍ਚ। ਰਹੋ ਭਿਕ੍ਖੁਨਿਯਾ ਸਹਾਤਿ ਭਿਕ੍ਖੁਨਿਯਾ ਸਦ੍ਧਿਂ ਰਹੋ ਨਿਸਜ੍ਜਸਿਕ੍ਖਾਪਦਞ੍ਚ।
258. Idāni tāni dassetuṃ ‘‘methunaṃ sukkasaṃsaggo’’tiādi vuttaṃ. Tattha methunanti idaṃ tāva paṭhamapārājikaṃ nāma ekaṃ samuṭṭhānasīsaṃ, sesāni tena sadisāni. Tattha sukkasaṃsaggoti sukkavissaṭṭhi ceva kāyasaṃsaggo ca. Aniyatā paṭhamikāti paṭhamaṃ aniyatasikkhāpadaṃ. Pubbūpaparipācitāti ‘‘jānaṃ pubbūpagataṃ bhikkhu’’nti sikkhāpadañca bhikkhuniparipācitapiṇḍapātasikkhāpadañca. Raho bhikkhuniyā sahāti bhikkhuniyā saddhiṃ raho nisajjasikkhāpadañca.
ਸਭੋਜਨੇ ਰਹੋ ਦ੍વੇ ਚਾਤਿ ਸਭੋਜਨੇ ਕੁਲੇ ਅਨੁਪਖਜ੍ਜਨਿਸਜ੍ਜਸਿਕ੍ਖਾਪਦਞ੍ਚ ਦ੍વੇ ਰਹੋਨਿਸਜ੍ਜਸਿਕ੍ਖਾਪਦਾਨਿ ਚ। ਅਙ੍ਗੁਲਿ ਉਦਕੇ ਹਸਨ੍ਤਿ ਅਙ੍ਗੁਲਿਪਤੋਦਕਞ੍ਚ ਉਦਕੇ ਹਸਧਮ੍ਮਸਿਕ੍ਖਾਪਦਞ੍ਚ। ਪਹਾਰੇ ਉਗ੍ਗਿਰੇ ਚੇવਾਤਿ ਪਹਾਰਦਾਨਸਿਕ੍ਖਾਪਦਞ੍ਚ ਤਲਸਤ੍ਤਿਕਉਗ੍ਗਿਰਣਸਿਕ੍ਖਾਪਦਞ੍ਚ। ਤੇਪਞ੍ਞਾਸਾ ਚ ਸੇਖਿਯਾਤਿ ਪਰਿਮਣ੍ਡਲਨਿવਾਸਨਾਦੀਨਿ ਖੁਦ੍ਦਕવਣ੍ਣਨਾવਸਾਨੇ વੁਤ੍ਤਾਨਿ ਤੇਪਞ੍ਞਾਸ ਸੇਖਿਯਸਿਕ੍ਖਾਪਦਾਨਿ ਚ।
Sabhojane raho dve cāti sabhojane kule anupakhajjanisajjasikkhāpadañca dve rahonisajjasikkhāpadāni ca. Aṅguli udake hasanti aṅgulipatodakañca udake hasadhammasikkhāpadañca. Pahāre uggire cevāti pahāradānasikkhāpadañca talasattikauggiraṇasikkhāpadañca. Tepaññāsā ca sekhiyāti parimaṇḍalanivāsanādīni khuddakavaṇṇanāvasāne vuttāni tepaññāsa sekhiyasikkhāpadāni ca.
ਅਧਕ੍ਖਗਾਮਾવਸ੍ਸੁਤਾਤਿ ਭਿਕ੍ਖੁਨੀਨਂ ਅਧਕ੍ਖਕਸਿਕ੍ਖਾਪਦਞ੍ਚ ਗਾਮਨ੍ਤਰਗਮਨਂ ਅવਸ੍ਸੁਤਾ ਅવਸ੍ਸੁਤਸ੍ਸ ਹਤ੍ਥਤੋ ਖਾਦਨੀਯਭੋਜਨੀਯਗ੍ਗਹਣਸਿਕ੍ਖਾਪਦਞ੍ਚ। ਤਲਮਟ੍ਠਞ੍ਚ ਸੁਦ੍ਧਿਕਾਤਿ ਤਲਘਾਤਕਂ ਜਤੁਮਟ੍ਠਂ ਉਦਕਸੁਦ੍ਧਿਕਾਦਿਯਨਞ੍ਚ। વਸ੍ਸਂવੁਟ੍ਠਾ ਚ ਓવਾਦਨ੍ਤਿ વਸ੍ਸਂવੁਟ੍ਠਾ ਛਪ੍ਪਞ੍ਚਯੋਜਨਾਨਿ ਸਿਕ੍ਖਾਪਦਞ੍ਚ ਓવਾਦਾਯ ਅਗਮਨਸਿਕ੍ਖਾਪਦਞ੍ਚ। ਨਾਨੁਬਨ੍ਧੇ ਪવਤ੍ਤਿਨਿਨ੍ਤਿ ਯਾ ਪਨ ਭਿਕ੍ਖੁਨੀ વੁਟ੍ਠਾਪਿਤਂ ਪવਤ੍ਤਿਨਿਂ ਦ੍વੇ વਸ੍ਸਾਨਿ ਨਾਨੁਬਨ੍ਧੇਯ੍ਯਾਤਿ વੁਤ੍ਤਸਿਕ੍ਖਾਪਦਂ।
Adhakkhagāmāvassutāti bhikkhunīnaṃ adhakkhakasikkhāpadañca gāmantaragamanaṃ avassutā avassutassa hatthato khādanīyabhojanīyaggahaṇasikkhāpadañca. Talamaṭṭhañca suddhikāti talaghātakaṃ jatumaṭṭhaṃ udakasuddhikādiyanañca. Vassaṃvuṭṭhā ca ovādanti vassaṃvuṭṭhā chappañcayojanāni sikkhāpadañca ovādāya agamanasikkhāpadañca. Nānubandhe pavattininti yā pana bhikkhunī vuṭṭhāpitaṃ pavattiniṃ dve vassāni nānubandheyyāti vuttasikkhāpadaṃ.
ਇਮੇ ਸਿਕ੍ਖਾਤਿ ਇਮਾ ਸਿਕ੍ਖਾਯੋ; ਲਿਙ੍ਗવਿਪਰਿਯਾਯੋ ਕਤੋ। ਕਾਯਮਾਨਸਿਕਾ ਕਤਾਤਿ ਕਾਯਚਿਤ੍ਤਸਮੁਟ੍ਠਾਨਾ ਕਤਾ।
Imesikkhāti imā sikkhāyo; liṅgavipariyāyo kato. Kāyamānasikā katāti kāyacittasamuṭṭhānā katā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ੧. ਪਠਮਪਾਰਾਜਿਕਸਮੁਟ੍ਠਾਨਂ • 1. Paṭhamapārājikasamuṭṭhānaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਸਮੁਟ੍ਠਾਨਸੀਸવਣ੍ਣਨਾ • Samuṭṭhānasīsavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਪਠਮਪਾਰਾਜਿਕਸਮੁਟ੍ਠਾਨવਣ੍ਣਨਾ • Paṭhamapārājikasamuṭṭhānavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਸਮੁਟ੍ਠਾਨਸੀਸવਣ੍ਣਨਾ • Samuṭṭhānasīsavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਪਠਮਪਾਰਾਜਿਕਸਮੁਟ੍ਠਾਨવਣ੍ਣਨਾ • Paṭhamapārājikasamuṭṭhānavaṇṇanā
