бхигкунийвибхан̇г̇аван̣н̣анаа

Bhikkhunīvibhaṅgavaṇṇanā

1. баарааж̇игаган̣д̣ам̣ (бхигкунийвибхан̇г̇аван̣н̣анаа)

1. Pārājikakaṇḍaṃ (bhikkhunīvibhaṅgavaṇṇanā)

яо бхигкуунам̣ вибхан̇г̇асса, сан̇г̇ахид̇о ананд̇арам̣;

Yo bhikkhūnaṃ vibhaṅgassa, saṅgahito anantaraṃ;

бхигкунийнам̣ вибхан̇г̇асса, д̇асса сам̣ван̣н̣анааггамо.

Bhikkhunīnaṃ vibhaṅgassa, tassa saṃvaṇṇanākkamo.

бад̇д̇о яад̇о д̇ад̇о д̇асса, абуб̣б̣абад̣̇аван̣н̣анам̣;

Patto yato tato tassa, apubbapadavaṇṇanaṃ;

гаад̇ум̣ баарааж̇игз д̇аава, ход̇и сам̣ван̣н̣анаа аяам̣.

Kātuṃ pārājike tāva, hoti saṃvaṇṇanā ayaṃ.

1. батамабаарааж̇игасигкаабад̣̇аван̣н̣анаа

1. Paṭhamapārājikasikkhāpadavaṇṇanā

656. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и…бз… саал̣хо миг̇ааранад̇д̇аад̇и зд̇т̇а саал̣ход̇и д̇асса наамам̣; миг̇аарамаад̇уяаа бана над̇д̇аа ход̇и, д̇зна вуд̇д̇ам̣ – ‘‘миг̇ааранад̇д̇аа’’д̇и. навагаммиганд̇и навагаммаад̇хидтааяигам̣. бан̣д̣ид̇аад̇и бан̣д̣ижжзна саманнааг̇ад̇аа. б̣яад̇д̇аад̇и взяяад̇д̇игзна саманнааг̇ад̇аа. мзд̇хаавинийд̇и баал̣иг̇г̇ахан̣з сад̇ибуб̣б̣ан̇г̇амааяа бан̃н̃ааяа ад̇т̇аг̇г̇ахан̣з бан̃н̃аабуб̣б̣ан̇г̇амааяа сад̇ияаа саманнааг̇ад̇аа. д̣̇агкаад̇и чзгаа; авираж̇жхид̇ваа сийгхам̣ гад̇д̇аб̣б̣агааринийд̇и ад̇т̇о. аналасаад̇и ааласияавирахид̇аа. д̇ад̇рубааяааяаад̇и д̇зсу д̇зсу гаммзсу убааяабхууд̇ааяа. виймам̣сааяаад̇и гад̇д̇аб̣б̣агаммубабаригкааяа . саманнааг̇ад̇аад̇и самбаяуд̇д̇аа. алам̣ гаад̇унд̇и самад̇т̇аа д̇ам̣ д̇ам̣ гаммам̣ гаад̇ум̣. алам̣ сам̣вид̇хаад̇унд̇и зван̃жа зван̃жа ид̣̇ам̣ ход̇ууд̇и звам̣ сам̣вид̣̇ахид̇умби самад̇т̇аа. гад̇аагад̇ам̣ ж̇аанид̇унд̇и гад̇ан̃жа агад̇ан̃жа ж̇аанид̇ум̣. д̇зд̇и д̇з убхо; саа жа сунд̣̇арийнанд̣̇аа со жа саал̣ход̇и ад̇т̇о. бхад̇д̇аг̇г̇зд̇и баривзсанадтаанз. нигуудзд̇и гон̣асад̣̇исам̣ гад̇ваа д̣̇ассид̇з г̇амбхийрз. виссаро мз бхависсад̇ийд̇и вируубо мз саро бхависсад̇и; виббагаарасад̣̇д̣̇о бхависсад̇ийд̇и ад̇т̇о. бад̇имаанзнд̇ийд̇и абзгкамаанаа. гяааханд̇и гим̣ ахам̣. ж̇араад̣̇уб̣б̣алаад̇и ж̇арааяа д̣̇уб̣б̣алаа. жаран̣аг̇илаанаад̇и баад̣̇арог̇зна саманнааг̇ад̇аа.

656.Tena samayena buddho bhagavā sāvatthiyaṃ viharati…pe… sāḷho migāranattāti ettha sāḷhoti tassa nāmaṃ; migāramātuyā pana nattā hoti, tena vuttaṃ – ‘‘migāranattā’’ti. Navakammikanti navakammādhiṭṭhāyikaṃ. Paṇḍitāti paṇḍiccena samannāgatā. Byattāti veyyattikena samannāgatā. Medhāvinīti pāḷiggahaṇe satipubbaṅgamāya paññāya atthaggahaṇe paññāpubbaṅgamāya satiyā samannāgatā. Dakkhāti chekā; avirajjhitvā sīghaṃ kattabbakārinīti attho. Analasāti ālasiyavirahitā. Tatrupāyāyāti tesu tesu kammesu upāyabhūtāya. Vīmaṃsāyāti kattabbakammupaparikkhāya . Samannāgatāti sampayuttā. Alaṃ kātunti samatthā taṃ taṃ kammaṃ kātuṃ. Alaṃ saṃvidhātunti evañca evañca idaṃ hotūti evaṃ saṃvidahitumpi samatthā. Katākataṃ jānitunti katañca akatañca jānituṃ. Teti te ubho; sā ca sundarīnandā so ca sāḷhoti attho. Bhattaggeti parivesanaṭṭhāne. Nikūṭeti koṇasadisaṃ katvā dassite gambhīre. Vissaro me bhavissatīti virūpo me saro bhavissati; vippakārasaddo bhavissatīti attho. Patimānentīti apekkhamānā. Kyāhanti kiṃ ahaṃ. Jarādubbalāti jarāya dubbalā. Caraṇagilānāti pādarogena samannāgatā.

657-8. авассуд̇аад̇и гааяасам̣саг̇г̇арааг̇зна авассуд̇аа; д̇инд̇аа гилиннаад̇и ад̇т̇о. бад̣̇абхааж̇анз банасса д̇амзва рааг̇ам̣ г̇ахзд̇ваа ‘‘саарад̇д̇аа’’д̇иаад̣̇и вуд̇д̇ам̣. д̇ад̇т̇а саарад̇д̇аад̇и вад̇т̇ам̣ вияа ран̇г̇аж̇аад̇зна гааяасам̣саг̇г̇арааг̇зна судту рад̇д̇аа. абзгкавад̇ийд̇и д̇ассзва рааг̇асса васзна д̇асмим̣ бурисз бавад̇д̇ааяа абзгкааяа саманнааг̇ад̇аа. бадиб̣ад̣̇д̇хажид̇д̇аад̇и д̇зна рааг̇зна д̇асмим̣ бурисз б̣анд̇хид̇ваа табид̇ажид̇д̇аа вияа. зса наяо д̣̇уд̇ияабад̣̇авибхан̇г̇зби. бурисабуг̇г̇алассаад̇и бурисасан̇каад̇асса буг̇г̇аласса. ад̇хагкаганд̇и агкагаанам̣ ад̇хо. уб̣бхаж̇аан̣уман̣д̣аланд̇и ж̇аан̣уман̣д̣алаанам̣ убари. бад̣̇абхааж̇анз бана бад̣̇абадибаадияаа зва ‘‘хздтагкагам̣ убариж̇аан̣уман̣д̣ала’’нд̇и вуд̇д̇ам̣. зд̇т̇а жа уб̣бхагаббарамби уб̣бхаж̇аан̣уман̣д̣алзнзва сан̇г̇ахид̇ам̣. сзсам̣ махаавибхан̇г̇з вуд̇д̇анаязнзва взд̣̇ид̇аб̣б̣ам̣. буримааяо убаад̣̇ааяаад̇и саад̇хааран̣абаарааж̇игзхи баарааж̇игааяо жад̇ассо убаад̣̇ааяаад̇и ад̇т̇о. уб̣бхаж̇аан̣уман̣д̣алигаад̇и ид̣̇ам̣ бана имиссаа баарааж̇игааяа наамамад̇д̇ам̣, д̇асмаа бад̣̇абхааж̇анз на вижаарид̇ам̣.

657-8.Avassutāti kāyasaṃsaggarāgena avassutā; tintā kilinnāti attho. Padabhājane panassa tameva rāgaṃ gahetvā ‘‘sārattā’’tiādi vuttaṃ. Tattha sārattāti vatthaṃ viya raṅgajātena kāyasaṃsaggarāgena suṭṭhu rattā. Apekkhavatīti tasseva rāgassa vasena tasmiṃ purise pavattāya apekkhāya samannāgatā. Paṭibaddhacittāti tena rāgena tasmiṃ purise bandhitvā ṭhapitacittā viya. Esa nayo dutiyapadavibhaṅgepi. Purisapuggalassāti purisasaṅkhātassa puggalassa. Adhakkhakanti akkhakānaṃ adho. Ubbhajāṇumaṇḍalanti jāṇumaṇḍalānaṃ upari. Padabhājane pana padapaṭipāṭiyā eva ‘‘heṭṭhakkhakaṃ uparijāṇumaṇḍala’’nti vuttaṃ. Ettha ca ubbhakapparampi ubbhajāṇumaṇḍaleneva saṅgahitaṃ. Sesaṃ mahāvibhaṅge vuttanayeneva veditabbaṃ. Purimāyo upādāyāti sādhāraṇapārājikehi pārājikāyo catasso upādāyāti attho. Ubbhajāṇumaṇḍalikāti idaṃ pana imissā pārājikāya nāmamattaṃ, tasmā padabhājane na vicāritaṃ.

659. звам̣ уд̣̇д̣̇идтасигкаабад̣̇ам̣ бад̣̇аануггамзна вибхаж̇ид̇ваа ид̣̇аани авассуд̇аад̣̇ибхзд̣̇зна аабад̇д̇ибхзд̣̇ам̣ д̣̇ассзд̇ум̣ ‘‘убхад̇оавассуд̇з’’д̇иаад̣̇имааха. д̇ад̇т̇а убхад̇оавассуд̇зд̇и убхад̇оавассавз; бхигкунияаа жзва бурисасса жа гааяасам̣саг̇г̇арааг̇зна авассуд̇абхаавз сад̇ийд̇и ад̇т̇о. гааязна гааяам̣ аамасад̇ийд̇и бхигкуний яат̇аабарижчиннзна гааязна бурисасса яам̣гин̃жи гааяам̣ бурисо ваа язна гзнажи гааязна бхигкунияаа яат̇аабарижчиннам̣ гааяам̣ аамасад̇и, убхаяат̇ааби бхигкунияаа баарааж̇игам̣. гааязна гааяабадиб̣ад̣̇д̇ханд̇и вуд̇д̇аббагаарзнзва ад̇д̇ано гааязна бурисасса гааяабадиб̣ад̣̇д̇хам̣. аамасад̇ийд̇и зд̇т̇а саяам̣ ваа аамасад̇у, д̇асса ваа аамасанам̣ саад̣̇ияад̇у, т̇уллажжаяамзва. гааяабадиб̣ад̣̇д̇хзна гааяанд̇и ад̇д̇ано вуд̇д̇аббагаарагааяабадиб̣ад̣̇д̇хзна бурисасса гааяам̣. аамасад̇ийд̇и ид̇хааби саяам̣ ваа аамасад̇у, д̇асса ваа аамасанам̣ саад̣̇ияад̇у, т̇уллажжаяамзва. авасзсабад̣̇зсуби иминаава наязна винижчаяо взд̣̇ид̇аб̣б̣о.

659. Evaṃ uddiṭṭhasikkhāpadaṃ padānukkamena vibhajitvā idāni avassutādibhedena āpattibhedaṃ dassetuṃ ‘‘ubhatoavassute’’tiādimāha. Tattha ubhatoavassuteti ubhatoavassave; bhikkhuniyā ceva purisassa ca kāyasaṃsaggarāgena avassutabhāve satīti attho. Kāyena kāyaṃ āmasatīti bhikkhunī yathāparicchinnena kāyena purisassa yaṃkiñci kāyaṃ puriso vā yena kenaci kāyena bhikkhuniyā yathāparicchinnaṃ kāyaṃ āmasati, ubhayathāpi bhikkhuniyā pārājikaṃ. Kāyena kāyapaṭibaddhanti vuttappakāreneva attano kāyena purisassa kāyapaṭibaddhaṃ. Āmasatīti ettha sayaṃ vā āmasatu, tassa vā āmasanaṃ sādiyatu, thullaccayameva. Kāyapaṭibaddhena kāyanti attano vuttappakārakāyapaṭibaddhena purisassa kāyaṃ. Āmasatīti idhāpi sayaṃ vā āmasatu, tassa vā āmasanaṃ sādiyatu, thullaccayameva. Avasesapadesupi imināva nayena vinicchayo veditabbo.

сажз бана бхигку жзва бхигкуний жа ход̇и, д̇ад̇ра жз бхигкуний аамасад̇и, бхигку нижжало худ̇ваа жид̇д̇зна саад̣̇ияад̇и, бхигку аабад̇д̇ияаа на гаарзд̇аб̣б̣о. сажз бхигку аамасад̇и, бхигкуний нижжалаа худ̇ваа жид̇д̇знзва ад̇хиваасзд̇и, гааяан̇г̇ам̣ ажобаяамаанааби баарааж̇игагкзд̇д̇з баарааж̇игзна, т̇уллажжаяагкзд̇д̇з т̇уллажжаязна, д̣̇уггадагкзд̇д̇з д̣̇уггадзна гаарзд̇аб̣б̣аа. гасмаа? ‘‘гааяасам̣саг̇г̇ам̣ саад̣̇иязяяаа’’д̇и вуд̇д̇ад̇д̇аа. аяам̣ адтагат̇аасу винижчаяо. звам̣ бана сад̇и гирияаасамудтаанад̇аа на д̣̇иссад̇и, д̇асмаа д̇аб̣б̣ахуланаязна саа вуд̇д̇аад̇и взд̣̇ид̇аб̣б̣аа.

Sace pana bhikkhu ceva bhikkhunī ca hoti, tatra ce bhikkhunī āmasati, bhikkhu niccalo hutvā cittena sādiyati, bhikkhu āpattiyā na kāretabbo. Sace bhikkhu āmasati, bhikkhunī niccalā hutvā citteneva adhivāseti, kāyaṅgaṃ acopayamānāpi pārājikakkhette pārājikena, thullaccayakkhette thullaccayena, dukkaṭakkhette dukkaṭena kāretabbā. Kasmā? ‘‘Kāyasaṃsaggaṃ sādiyeyyā’’ti vuttattā. Ayaṃ aṭṭhakathāsu vinicchayo. Evaṃ pana sati kiriyāsamuṭṭhānatā na dissati, tasmā tabbahulanayena sā vuttāti veditabbā.

660. уб̣бхагкаганд̇и агкагаанам̣ убари. ад̇хож̇аан̣уман̣д̣аланд̇и ж̇аан̣уман̣д̣алаанам̣ хздтаа. зд̇т̇а жа ад̇хогаббарамби ад̇хож̇аан̣уман̣д̣алзнзва сан̇г̇ахид̇ам̣.

660.Ubbhakkhakanti akkhakānaṃ upari. Adhojāṇumaṇḍalanti jāṇumaṇḍalānaṃ heṭṭhā. Ettha ca adhokapparampi adhojāṇumaṇḍaleneva saṅgahitaṃ.

662. згад̇оавассуд̇зд̇и зд̇т̇а гин̃жааби згад̇од̇и ависзсзна вуд̇д̇ам̣, д̇ат̇ааби бхигкунияаа зва авассуд̇з сад̇и аяам̣ аабад̇д̇ибхзд̣̇о вуд̇д̇од̇и взд̣̇ид̇аб̣б̣о.

662.Ekatoavassuteti ettha kiñcāpi ekatoti avisesena vuttaṃ, tathāpi bhikkhuniyā eva avassute sati ayaṃ āpattibhedo vuttoti veditabbo.

д̇ад̇рааяам̣ аад̣̇ид̇о бадтааяа винижчаяо – бхигкуний гааяасам̣саг̇г̇арааг̇зна авассуд̇аа, бурисоби д̇ат̇зва. ад̇хагкагз уб̣бхаж̇аан̣уман̣д̣алз гааяаббад̣̇зсз гааяасам̣саг̇г̇асаад̣̇ияанз сад̇и бхигкунияаа баарааж̇игам̣. бхигкунияаа гааяасам̣саг̇г̇арааг̇о, бурисасса мзт̇унарааг̇о ваа г̇зхассид̇абзмам̣ ваа суд̣̇д̇хажид̇д̇ам̣ ваа ход̇у, т̇уллажжаяамзва. бхигкунияаа мзт̇унарааг̇о, бурисасса гааяасам̣саг̇г̇арааг̇о ваа мзт̇унарааг̇о ваа г̇ахзссид̇абзмам̣ ваа суд̣̇д̇хажид̇д̇ам̣ ваа ход̇у, д̣̇уггадам̣. бхигкунияаа г̇зхассид̇абзмам̣, бурисасса вуд̇д̇зсу жад̇уусу яам̣ ваа д̇ам̣ ваа ход̇у, д̣̇уггадамзва. бхигкунияаа суд̣̇д̇хажид̇д̇ам̣, бурисасса вуд̇д̇зсу жад̇уусу яам̣ ваа д̇ам̣ ваа ход̇у, анаабад̇д̇и.

Tatrāyaṃ ādito paṭṭhāya vinicchayo – bhikkhunī kāyasaṃsaggarāgena avassutā, purisopi tatheva. Adhakkhake ubbhajāṇumaṇḍale kāyappadese kāyasaṃsaggasādiyane sati bhikkhuniyā pārājikaṃ. Bhikkhuniyā kāyasaṃsaggarāgo, purisassa methunarāgo vā gehassitapemaṃ vā suddhacittaṃ vā hotu, thullaccayameva. Bhikkhuniyā methunarāgo, purisassa kāyasaṃsaggarāgo vā methunarāgo vā gahessitapemaṃ vā suddhacittaṃ vā hotu, dukkaṭaṃ. Bhikkhuniyā gehassitapemaṃ, purisassa vuttesu catūsu yaṃ vā taṃ vā hotu, dukkaṭameva. Bhikkhuniyā suddhacittaṃ, purisassa vuttesu catūsu yaṃ vā taṃ vā hotu, anāpatti.

сажз бана бхигку жзва ход̇и бхигкуний жа убхиннам̣ гааяасам̣саг̇г̇арааг̇о, бхигкусса сан̇гхаад̣̇исзсо, бхигкунияаа баарааж̇игам̣. бхигкунияаа гааяасам̣саг̇г̇арааг̇о, бхигкусса мзт̇унарааг̇о ваа г̇зхассид̇абзмам̣ ваа, бхигкунияаа т̇уллажжаяам̣, бхигкусса д̣̇уггадам̣. убхиннам̣ мзт̇унарааг̇о ваа г̇зхассид̇абзмам̣ ваа, убхиннамби д̣̇уггадамзва. яасса яад̇т̇а суд̣̇д̇хажид̇д̇ам̣, д̇асса д̇ад̇т̇а анаабад̇д̇и. убхиннамби суд̣̇д̇хажид̇д̇ам̣, убхиннамби анаабад̇д̇и.

Sace pana bhikkhu ceva hoti bhikkhunī ca ubhinnaṃ kāyasaṃsaggarāgo, bhikkhussa saṅghādiseso, bhikkhuniyā pārājikaṃ. Bhikkhuniyā kāyasaṃsaggarāgo, bhikkhussa methunarāgo vā gehassitapemaṃ vā, bhikkhuniyā thullaccayaṃ, bhikkhussa dukkaṭaṃ. Ubhinnaṃ methunarāgo vā gehassitapemaṃ vā, ubhinnampi dukkaṭameva. Yassa yattha suddhacittaṃ, tassa tattha anāpatti. Ubhinnampi suddhacittaṃ, ubhinnampi anāpatti.

663. анаабад̇д̇и асан̃жижжаад̇иаад̣̇ийсу вираж̇жхид̇ваа ваа аамасанд̇ияаа ан̃н̃авихид̇ааяа ваа ‘‘аяам̣ бурисо ваа ид̇т̇ий ваа’’д̇и аж̇аананд̇ияаа ваа д̇зна пудтааяаби д̇ам̣ пассам̣ асаад̣̇ияанд̇ияаа ваа аамасанзби сад̇и анаабад̇д̇и. сзсам̣ саб̣б̣ад̇т̇а уд̇д̇аанамзва .

663.Anāpattiasañciccātiādīsu virajjhitvā vā āmasantiyā aññavihitāya vā ‘‘ayaṃ puriso vā itthī vā’’ti ajānantiyā vā tena phuṭṭhāyapi taṃ phassaṃ asādiyantiyā vā āmasanepi sati anāpatti. Sesaṃ sabbattha uttānameva .

батамабаарааж̇игасамудтаанам̣ – гирияам̣, сан̃н̃аавимогкам̣, сажид̇д̇агам̣, логаваж̇ж̇ам̣, гааяагаммам̣, агусалажид̇д̇ам̣, д̣̇вивзд̣̇ананд̇и.

Paṭhamapārājikasamuṭṭhānaṃ – kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, akusalacittaṃ, dvivedananti.

батамабаарааж̇игам̣.

Paṭhamapārājikaṃ.

Next: 2. д̣̇уд̇ияабаарааж̇игасигкаабад̣̇аван̣н̣анаа • 2. Dutiyapārājikasikkhāpadavaṇṇanā

Related texts:

д̇ибидага (муула) • Tipiṭaka (Mūla) / винаяабидага • Vinayapiṭaka / бхигкунийвибхан̇г̇а • Bhikkhunīvibhaṅga / 1. батамабаарааж̇игам̣ • 1. Paṭhamapārājikaṃ

дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. батамабаарааж̇игасигкаабад̣̇аван̣н̣анаа • 1. Paṭhamapārājikasikkhāpadavaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. батамабаарааж̇игасигкаабад̣̇аван̣н̣анаа • 1. Paṭhamapārājikasikkhāpadavaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. уб̣бхаж̇аан̣уман̣д̣алигасигкаабад̣̇аван̣н̣анаа • 1. Ubbhajāṇumaṇḍalikasikkhāpadavaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. батамабаарааж̇игасигкаабад̣̇ам̣ • 1. Paṭhamapārājikasikkhāpadaṃ

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact