1. батамабаарааж̇игасигкаабад̣̇аван̣н̣анаа

1. Paṭhamapārājikasikkhāpadavaṇṇanā

656. бхигкунийвибхан̇г̇з яод̇и яо бхигкунийнам̣ вибхан̇г̇о. миг̇ааранад̇д̇аад̇и маж̇жхабад̣̇алобзнзд̇ам̣ вуд̇д̇анд̇и ааха ‘‘миг̇аарамаад̇уяаа бана над̇д̇аа ход̇ий’’д̇и. миг̇аарамаад̇аад̇и висаакааязд̇ам̣ ад̇хиважанам̣. навагаммаад̇хидтааяиганд̇и навагаммасам̣вид̇хааяигам̣. б̣яан̃ж̇анаанам̣ бадивиж̇жхид̇аб̣б̣о аагааро наад̇иг̇амбхийро, яат̇аасуд̇ам̣ д̇хааран̣амзва д̇ад̇т̇а гаран̣ийяанд̇и сад̇ияаа б̣яаабааро ад̇хиго, бан̃н̃аа д̇ад̇т̇а г̇ун̣ийбхууд̇аад̇и вуд̇д̇ам̣ ‘‘сад̇ибуб̣б̣ан̇г̇амааяа бан̃н̃ааяаа’’д̇и. сад̇и буб̣б̣ан̇г̇амаа зд̇иссаад̇и сад̇ибуб̣б̣ан̇г̇амаа. буб̣б̣ан̇г̇амад̇аа жзд̇т̇а бад̇хаанабхааво ‘‘манобуб̣б̣ан̇г̇амаа’’д̇иаад̣̇ийсу вияа. ад̇т̇аг̇г̇ахан̣з бана бан̃н̃ааяа б̣яаабааро ад̇хиго бадивиж̇жхид̇аб̣б̣асса ад̇т̇асса ад̇иг̇амбхийрад̇д̇аад̇и ааха ‘‘бан̃н̃аабуб̣б̣ан̇г̇амааяа сад̇ияаа’’д̇и. ааласияавирахид̇аад̇и госаж̇ж̇арахид̇аа. яат̇аа ан̃н̃аа гусийд̇аа нисиннадтаанз нисиннаава хонд̇и, тид̇адтаанз тид̇аава, звам̣ ахуд̇ваа вибпааригзна жид̇д̇зна саб̣б̣агижжам̣ нибпаад̣̇зд̇и.

656. Bhikkhunīvibhaṅge yoti yo bhikkhunīnaṃ vibhaṅgo. Migāranattāti majjhapadalopenetaṃ vuttanti āha ‘‘migāramātuyā pana nattā hotī’’ti. Migāramātāti visākhāyetaṃ adhivacanaṃ. Navakammādhiṭṭhāyikanti navakammasaṃvidhāyikaṃ. Byañjanānaṃ paṭivijjhitabbo ākāro nātigambhīro, yathāsutaṃ dhāraṇameva tattha karaṇīyanti satiyā byāpāro adhiko, paññā tattha guṇībhūtāti vuttaṃ ‘‘satipubbaṅgamāya paññāyā’’ti. Sati pubbaṅgamā etissāti satipubbaṅgamā. Pubbaṅgamatā cettha padhānabhāvo ‘‘manopubbaṅgamā’’tiādīsu viya. Atthaggahaṇe pana paññāya byāpāro adhiko paṭivijjhitabbassa atthassa atigambhīrattāti āha ‘‘paññāpubbaṅgamāya satiyā’’ti. Ālasiyavirahitāti kosajjarahitā. Yathā aññā kusītā nisinnaṭṭhāne nisinnāva honti, ṭhitaṭṭhāne ṭhitāva, evaṃ ahutvā vipphārikena cittena sabbakiccaṃ nipphādeti.

саб̣б̣аа бхигкунияо сад̇т̇улад̣̇д̇хуубасамбад̣̇аа сан̇гхад̇о лад̣̇д̇хуубасамбад̣̇аад̇и д̣̇увид̇хаа. г̇аруд̇хаммабааг̇г̇ахан̣зна хи лад̣̇д̇хуубасамбад̣̇аа махаабаж̇аабад̇иг̇од̇амий сад̇т̇усанд̇игаава лад̣̇д̇хуубасамбад̣̇ад̇д̇аа сад̇т̇улад̣̇д̇хуубасамбад̣̇аа наама. сзсаа саб̣б̣ааби сан̇гхад̇о лад̣̇д̇хуубасамбад̣̇аа. д̇ааби згад̇оубасамбаннаа убхад̇оубасамбаннаад̇и д̣̇увид̇хаа. д̇ад̇т̇а яаа д̇аа махаабаж̇аабад̇иг̇од̇амияаа сад̣̇д̇хим̣ нигканд̇аа бан̃жасад̇аа саагияаанияо, д̇аа згад̇оубасамбаннаа бхигкусан̇гхад̇о зва лад̣̇д̇хуубасамбад̣̇ад̇д̇аа, ид̇араа убхад̇оубасамбаннаа убхад̇осан̇гхз убасамбаннад̇д̇аа. зхибхигкунийбхаавзна убасамбаннаа бана бхигкунияо на санд̇и д̇аасам̣ д̇ат̇аа убасамбад̣̇ааяа абхаавад̇о. яад̣̇и звам̣ ‘‘зхи бхигкуний’’д̇и ид̇ха гасмаа вуд̇д̇анд̇и? д̣̇зсанааяа сод̇абад̇ид̇абхаавад̇о. аяан̃хи сод̇абад̇ид̇ад̇аа наама гад̇т̇ажи лаб̣бхамаанассаби аг̇г̇ахан̣зна ход̇и, яат̇аа абхид̇хаммз манод̇хаад̇унид̣̇д̣̇зсз (д̇ха. са. 160-161) лаб̣бхамаанамби жхаанан̇г̇ам̣ бан̃жавин̃н̃аан̣асод̇з бад̇ид̇ааяа на уд̣̇д̇хадам̣ гад̇т̇ажи д̣̇зсанааяа асамбхавад̇о, яат̇аа д̇ад̇т̇зва вад̇т̇унид̣̇д̣̇зсз (д̇ха. са. 984 аад̣̇аяо) хад̣̇аяавад̇т̇у. гад̇т̇ажи алаб̣бхамаанассаби г̇ахан̣авасзна яат̇аатид̇агаббийнид̣̇д̣̇зсз. яат̇ааха –

Sabbā bhikkhuniyo satthuladdhūpasampadā saṅghato laddhūpasampadāti duvidhā. Garudhammapaaggahaṇena hi laddhūpasampadā mahāpajāpatigotamī satthusantikāva laddhūpasampadattā satthuladdhūpasampadā nāma. Sesā sabbāpi saṅghato laddhūpasampadā. Tāpi ekatoupasampannā ubhatoupasampannāti duvidhā. Tattha yā tā mahāpajāpatigotamiyā saddhiṃ nikkhantā pañcasatā sākiyāniyo, tā ekatoupasampannā bhikkhusaṅghato eva laddhūpasampadattā, itarā ubhatoupasampannā ubhatosaṅghe upasampannattā. Ehibhikkhunībhāvena upasampannā pana bhikkhuniyo na santi tāsaṃ tathā upasampadāya abhāvato. Yadi evaṃ ‘‘ehi bhikkhunī’’ti idha kasmā vuttanti? Desanāya sotapatitabhāvato. Ayañhi sotapatitatā nāma katthaci labbhamānassapi aggahaṇena hoti, yathā abhidhamme manodhātuniddese (dha. sa. 160-161) labbhamānampi jhānaṅgaṃ pañcaviññāṇasote patitāya na uddhaṭaṃ katthaci desanāya asambhavato, yathā tattheva vatthuniddese (dha. sa. 984 ādayo) hadayavatthu. Katthaci alabbhamānassapi gahaṇavasena yathāṭhitakappīniddese. Yathāha –

‘‘гад̇амо жа буг̇г̇ало тид̇агаббий? аяан̃жа буг̇г̇ало сод̇аабад̇д̇ипаласажчигирияааяа бадибанно асса, габбасса жа уд̣д̣аяханавзлаа асса, нзва д̇аава габбо уд̣д̣аяхзяяа, яаавааяам̣ буг̇г̇ало на сод̇аабад̇д̇ипалам̣ сажчигарзяяаа’’д̇и (бу. ба. 17).

‘‘Katamo ca puggalo ṭhitakappī? Ayañca puggalo sotāpattiphalasacchikiriyāya paṭipanno assa, kappassa ca uḍḍayhanavelā assa, neva tāva kappo uḍḍayheyya, yāvāyaṃ puggalo na sotāpattiphalaṃ sacchikareyyā’’ti (pu. pa. 17).

звамид̇хааби алаб̣бхамаанаг̇ахан̣авасзна взд̣̇ид̇аб̣б̣ам̣. баригаббаважанан̃хзд̇ам̣ ‘‘сажз бхаг̇аваа бхигкунийбхааваяог̇яам̣ ган̃жи маад̇уг̇аамам̣ ‘зхи бхигкуний’д̇и вад̣̇зяяа, звам̣ бхигкунийбхааво сияаа’’д̇и.

Evamidhāpi alabbhamānagahaṇavasena veditabbaṃ. Parikappavacanañhetaṃ ‘‘sace bhagavā bhikkhunībhāvayogyaṃ kañci mātugāmaṃ ‘ehi bhikkhunī’ti vadeyya, evaṃ bhikkhunībhāvo siyā’’ti.

гасмаа бана бхаг̇аваа звам̣ на гат̇зсийд̇и? д̇ат̇аа гад̇аад̇хигаараанам̣ абхаавад̇о. яз бана ‘‘анаасаннаасаннихид̇абхаавад̇о’’д̇и гааран̣ам̣ вад̇ваа ‘‘бхигкуу зва хи сад̇т̇у аасаннажаарино сад̣̇аа саннихид̇аа жа хонд̇и, д̇асмаа д̇з зва ‘зхибхигкуу’д̇и вад̇д̇аб̣б̣ад̇ам̣ араханд̇и, на бхигкунияо’’д̇и вад̣̇анд̇и, д̇ам̣ д̇зсам̣ мад̇имад̇д̇ам̣ сад̇т̇у аасаннад̣̇уурабхаавасса бхаб̣б̣аабхаб̣б̣абхаавасид̣̇д̇хад̇д̇аа. вуд̇д̇ан̃хзд̇ам̣ бхаг̇авад̇аа –

Kasmā pana bhagavā evaṃ na kathesīti? Tathā katādhikārānaṃ abhāvato. Ye pana ‘‘anāsannāsannihitabhāvato’’ti kāraṇaṃ vatvā ‘‘bhikkhū eva hi satthu āsannacārino sadā sannihitā ca honti, tasmā te eva ‘ehibhikkhū’ti vattabbataṃ arahanti, na bhikkhuniyo’’ti vadanti, taṃ tesaṃ matimattaṃ satthu āsannadūrabhāvassa bhabbābhabbabhāvasiddhattā. Vuttañhetaṃ bhagavatā –

‘‘сан̇гхаадиган̣н̣з жзби мз, бхигкавз, бхигку г̇ахзд̇ваа бидтид̇о бидтид̇о ануб̣анд̇хо асса баад̣̇з баад̣̇ам̣ нигкибанд̇о, со жа ход̇и абхиж̇жхаалу гаамзсу д̇иб̣б̣асаарааг̇о б̣яаабаннажид̇д̇о бад̣̇удтаманасан̇габбо мудтассад̇и асамбаж̇аано асамаахид̇о виб̣бханд̇ажид̇д̇о баагад̇инд̣̇рияо, ат̇а ко со аарагаава маяхам̣, ахан̃жа д̇асса. д̇ам̣ гисса хзд̇у? д̇хамман̃хи со, бхигкавз, бхигку на бассад̇и, д̇хаммам̣ абассанд̇о на мам̣ бассад̇и. яож̇анасад̇з жзби со, бхигкавз, бхигку вихарзяяа, со жа ход̇и анабхиж̇жхаалу гаамзсу на д̇иб̣б̣асаарааг̇о аб̣яаабаннажид̇д̇о аббад̣̇удтаманасан̇габбо убадтид̇ассад̇и самбаж̇аано самаахид̇о згаг̇г̇ажид̇д̇о сам̣вуд̇инд̣̇рияо, ат̇а ко со санд̇игзва маяхам̣, ахан̃жа д̇асса. д̇ам̣ гисса хзд̇у? д̇хамман̃хи со, бхигкавз, бхигку бассад̇и, д̇хаммам̣ бассанд̇о мам̣ бассад̇ий’’д̇и (ид̇иву. 92).

‘‘Saṅghāṭikaṇṇe cepi me, bhikkhave, bhikkhu gahetvā piṭṭhito piṭṭhito anubandho assa pāde pādaṃ nikkhipanto, so ca hoti abhijjhālu kāmesu tibbasārāgo byāpannacitto paduṭṭhamanasaṅkappo muṭṭhassati asampajāno asamāhito vibbhantacitto pākatindriyo, atha kho so ārakāva mayhaṃ, ahañca tassa. Taṃ kissa hetu? Dhammañhi so, bhikkhave, bhikkhu na passati, dhammaṃ apassanto na maṃ passati. Yojanasate cepi so, bhikkhave, bhikkhu vihareyya, so ca hoti anabhijjhālu kāmesu na tibbasārāgo abyāpannacitto appaduṭṭhamanasaṅkappo upaṭṭhitassati sampajāno samāhito ekaggacitto saṃvutindriyo, atha kho so santikeva mayhaṃ, ahañca tassa. Taṃ kissa hetu? Dhammañhi so, bhikkhave, bhikkhu passati, dhammaṃ passanto maṃ passatī’’ti (itivu. 92).

д̇асмаа агааран̣ам̣ д̣̇зсад̇о сад̇т̇у аасаннаанаасаннад̇аа. агад̇аад̇хигаарад̇ааяа бана бхигкунийнам̣ зхибхигкунуубасамбад̣̇ааяа аяог̇яад̇аа взд̣̇ид̇аб̣б̣аа.

Tasmā akāraṇaṃ desato satthu āsannānāsannatā. Akatādhikāratāya pana bhikkhunīnaṃ ehibhikkhunūpasampadāya ayogyatā veditabbā.

яад̣̇и звам̣ яам̣ д̇ам̣ т̇зрийг̇аат̇аасу бхад̣̇д̣̇ааяа гун̣д̣алагзсааяа вуд̇д̇ам̣ –

Yadi evaṃ yaṃ taṃ therīgāthāsu bhaddāya kuṇḍalakesāya vuttaṃ –

‘‘нихажжа ж̇аан̣ум̣ ванд̣̇ид̇ваа, саммукаа ан̃ж̇алим̣ агам̣;

‘‘Nihacca jāṇuṃ vanditvā, sammukhā añjaliṃ akaṃ;

зхи бхад̣̇д̣̇зд̇и мам̣ аважа, саа мз аасуубасамбад̣̇аа’’д̇и. (т̇зрийг̇аа. 109);

Ehi bhaddeti maṃ avaca, sā me āsūpasampadā’’ti. (therīgā. 109);

д̇ат̇аа абад̣̇аанзби –

Tathā apadānepi –

‘‘ааяаажид̇о д̇ад̣̇аа ааха, зхи бхад̣̇д̣̇зд̇и нааяаго;

‘‘Āyācito tadā āha, ehi bhaddeti nāyako;

д̇ад̣̇аахам̣ убасамбаннаа, барид̇д̇ам̣ д̇ояамад̣̇д̣̇аса’’нд̇и. (аба. т̇зрий 2.3.44);

Tadāhaṃ upasampannā, parittaṃ toyamaddasa’’nti. (apa. therī 2.3.44);

д̇ам̣ гат̇анд̇и? наяид̣̇ам̣ зхибхигкунийбхаавзна убасамбад̣̇ам̣ санд̇хааяа вуд̇д̇ам̣, убасамбад̣̇ааяа бана хзд̇убхаавад̇о ‘‘яаа сад̇т̇у аан̣ад̇д̇и, саа мз аасуубасамбад̣̇аа’’д̇и вуд̇д̇аа. д̇ат̇аа хи вуд̇д̇ам̣ адтагат̇ааяам̣ (т̇зрийг̇аа. адта. 111) ‘‘зхи бхад̣̇д̣̇з бхигкунубассаяам̣ г̇анд̇ваа бхигкунийнам̣ санд̇игз баб̣б̣аж̇а убасамбаж̇ж̇ассууд̇и мам̣ аважа аан̣аабзси, саа сад̇т̇у аан̣аа маяхам̣ убасамбад̣̇ааяа гааран̣ад̇д̇аа убасамбад̣̇аа ааси ахосий’’д̇и. абад̣̇аанаг̇аат̇ааяамби звамзва ад̇т̇о г̇ахзд̇аб̣б̣о. д̇асмаа бхигкунийнам̣ зхибхигкунуубасамбад̣̇аа над̇т̇иязваад̇и нидтамзд̇т̇а г̇анд̇аб̣б̣ам̣. яат̇аа жзд̇ам̣ сод̇абад̇ид̇авасзна ‘‘зхи бхигкуний’’д̇и вуд̇д̇ам̣, звам̣ ‘‘д̇ийхи саран̣аг̇аманзхи убасамбаннаад̇и бхигкуний’’д̇и ид̣̇амби сод̇абад̇ид̇авасзнзва вуд̇д̇анд̇и д̣̇адтаб̣б̣ам̣ саран̣аг̇амануубасамбад̣̇ааяаби бхигкунийнам̣ асамбхавад̇о.

Taṃ kathanti? Nayidaṃ ehibhikkhunībhāvena upasampadaṃ sandhāya vuttaṃ, upasampadāya pana hetubhāvato ‘‘yā satthu āṇatti, sā me āsūpasampadā’’ti vuttā. Tathā hi vuttaṃ aṭṭhakathāyaṃ (therīgā. aṭṭha. 111) ‘‘ehi bhadde bhikkhunupassayaṃ gantvā bhikkhunīnaṃ santike pabbaja upasampajjassūti maṃ avaca āṇāpesi, sā satthu āṇā mayhaṃ upasampadāya kāraṇattā upasampadā āsi ahosī’’ti. Apadānagāthāyampi evameva attho gahetabbo. Tasmā bhikkhunīnaṃ ehibhikkhunūpasampadā natthiyevāti niṭṭhamettha gantabbaṃ. Yathā cetaṃ sotapatitavasena ‘‘ehi bhikkhunī’’ti vuttaṃ, evaṃ ‘‘tīhi saraṇagamanehi upasampannāti bhikkhunī’’ti idampi sotapatitavaseneva vuttanti daṭṭhabbaṃ saraṇagamanūpasampadāyapi bhikkhunīnaṃ asambhavato.

659. бхигкувибхан̇г̇з ‘‘гааяасам̣саг̇г̇ам̣ саад̣̇иязяяаа’’д̇и авад̇ваа ‘‘самаабаж̇ж̇зяяаа’’д̇и вуд̇д̇ад̇д̇аа ‘‘бхигку аабад̇д̇ияаа на гаарзд̇аб̣б̣о’’д̇и вуд̇д̇ам̣. д̇аб̣б̣ахуланаязнаад̇и гирияаасамудтаанассзва б̣ахулабхаавад̇о. д̣̇иссад̇и хи д̇аб̣б̣ахуланаязна д̇аб̣б̣охааро яат̇аа ‘‘б̣раахман̣аг̇аамо’’д̇и. б̣раахман̣аг̇аамзби хи анд̇амасо раж̇агаад̣̇ийни бан̃жа гулаани санд̇и. саад̇и гирияаасамудтаанад̇аа.

659. Bhikkhuvibhaṅge ‘‘kāyasaṃsaggaṃ sādiyeyyā’’ti avatvā ‘‘samāpajjeyyā’’ti vuttattā ‘‘bhikkhu āpattiyā na kāretabbo’’ti vuttaṃ. Tabbahulanayenāti kiriyāsamuṭṭhānasseva bahulabhāvato. Dissati hi tabbahulanayena tabbohāro yathā ‘‘brāhmaṇagāmo’’ti. Brāhmaṇagāmepi hi antamaso rajakādīni pañca kulāni santi. Sāti kiriyāsamuṭṭhānatā.

662. д̇ат̇зваад̇и гааяасам̣саг̇г̇арааг̇зна авассуд̇оязваад̇и ад̇т̇о. сзсамзд̇т̇а уд̇д̇аанамзва.

662.Tathevāti kāyasaṃsaggarāgena avassutoyevāti attho. Sesamettha uttānameva.

батамабаарааж̇игасигкаабад̣̇аван̣н̣анаа нидтид̇аа.

Paṭhamapārājikasikkhāpadavaṇṇanā niṭṭhitā.

Next: 2. д̣̇уд̇ияабаарааж̇игасигкаабад̣̇аван̣н̣анаа • 2. Dutiyapārājikasikkhāpadavaṇṇanā

Related texts:

д̇ибидага (муула) • Tipiṭaka (Mūla) / винаяабидага • Vinayapiṭaka / бхигкунийвибхан̇г̇а • Bhikkhunīvibhaṅga / 1. батамабаарааж̇игам̣ • 1. Paṭhamapārājikaṃ

адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 1. батамабаарааж̇игасигкаабад̣̇аван̣н̣анаа • 1. Paṭhamapārājikasikkhāpadavaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. батамабаарааж̇игасигкаабад̣̇аван̣н̣анаа • 1. Paṭhamapārājikasikkhāpadavaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. уб̣бхаж̇аан̣уман̣д̣алигасигкаабад̣̇аван̣н̣анаа • 1. Ubbhajāṇumaṇḍalikasikkhāpadavaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. батамабаарааж̇игасигкаабад̣̇ам̣ • 1. Paṭhamapārājikasikkhāpadaṃ

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact