| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
1. батамабаарааж̇игасигкаабад̣̇аван̣н̣анаа
1. Paṭhamapārājikasikkhāpadavaṇṇanā
656-7. д̇ад̇т̇а д̇ад̇т̇а таануббад̇д̇игабан̃н̃аа виймам̣саа. бад̣̇абадибаадияаа зваад̇и маад̇игаабад̣̇абадибаадияаа зва. ‘‘вуд̇д̇анд̇и сан̇г̇ийд̇игаанам̣ убасан̇габбанаанам̣ вибхааж̇анам̣ вуд̇д̇а’’нд̇и ликид̇ам̣.
656-7. Tattha tattha ṭhānuppattikapaññā vīmaṃsā. Padapaṭipāṭiyā evāti mātikāpadapaṭipāṭiyā eva. ‘‘Vuttanti saṅgītikānaṃ upasaṅkappanānaṃ vibhājanaṃ vutta’’nti likhitaṃ.
658. ‘‘зхибхигкунийд̇и бхигкуний, д̇ийхи саран̣аг̇аманзхи убасамбаннаад̇и бхигкуний’’д̇и ид̣̇ам̣ бана д̣̇зсанаавилаасавасзна вуд̇д̇анд̇и згз. ан̃н̃аб̣уд̣̇д̇хагаалз ад̇т̇ийд̇и згз, д̇ам̣ на яуд̇д̇ам̣ вияа д̣̇иссад̇и амхаагамби б̣уд̣̇д̇хагаалз самбхаваббасан̇г̇ад̇о, зхибхигкунияаа бадисзд̇хачааяаад̣̇иссанад̇о жа. яат̇ааха д̇хаммабад̣̇з висаакаавад̇т̇усмим̣ (д̇ха. ба. адта. 1. висаакаавад̇т̇у) ‘‘д̇асса жийварад̣̇аанасса ниссанд̣̇зна имам̣ махаалад̇аабасаад̇ханам̣ лабхи. ид̇т̇ийнан̃хи жийварад̣̇аанам̣ махаалад̇аабасаад̇ханабхан̣д̣зна мад̇т̇агам̣ баббод̇и, бурисаанам̣ ид̣̇д̇химаяабад̇д̇ажийварзнаа’’д̇и. д̇ийхи саран̣аг̇аманзхи убасамбаннааяа бана бхигкунияаа самбхаво ан̃н̃аб̣уд̣̇д̇хагаалз гад̣̇аажи сияаа, над̇т̇зва амхаагам̣ б̣уд̣̇д̇хагаалз. д̣̇зсанаавилаасзна бана бхигкуд̣̇зсанааггамзнзва бхигкунинид̣̇д̣̇зсо вуд̇д̇о, д̇знзва бхигкусан̇гхавасзна згад̇оубасамбаннаа бхигкунияо виж̇ж̇амаанааби д̇ад̇т̇а на вуд̇д̇аа. д̇аасам̣ ад̇т̇ид̇аа имааяа бариваарагат̇ааяа взд̣̇ид̇аб̣б̣аа –
658. ‘‘Ehibhikkhunīti bhikkhunī, tīhi saraṇagamanehi upasampannāti bhikkhunī’’ti idaṃ pana desanāvilāsavasena vuttanti eke. Aññabuddhakāle atthīti eke, taṃ na yuttaṃ viya dissati amhākampi buddhakāle sambhavappasaṅgato, ehibhikkhuniyā paṭisedhachāyādissanato ca. Yathāha dhammapade visākhāvatthusmiṃ (dha. pa. aṭṭha. 1. visākhāvatthu) ‘‘tassa cīvaradānassa nissandena imaṃ mahālatāpasādhanaṃ labhi. Itthīnañhi cīvaradānaṃ mahālatāpasādhanabhaṇḍena matthakaṃ pappoti, purisānaṃ iddhimayapattacīvarenā’’ti. Tīhi saraṇagamanehi upasampannāya pana bhikkhuniyā sambhavo aññabuddhakāle kadāci siyā, nattheva amhākaṃ buddhakāle. Desanāvilāsena pana bhikkhudesanākkameneva bhikkhuniniddeso vutto, teneva bhikkhusaṅghavasena ekatoupasampannā bhikkhuniyo vijjamānāpi tattha na vuttā. Tāsaṃ atthitā imāya parivārakathāya veditabbā –
‘‘убхо згад̇о убасамбаннаа,
‘‘Ubho ekato upasampannā,
убхиннам̣ хад̇т̇ад̇о жийварам̣ бадиг̇г̇ан̣хзяяа;
Ubhinnaṃ hatthato cīvaraṃ paṭiggaṇheyya;
сияаа аабад̇д̇ияо наанаа,
Siyā āpattiyo nānā,
бан̃хаа мзсаа гусалзхи жинд̇ид̇аа’’д̇и. (бари. 479);
Pañhā mesā kusalehi cintitā’’ti. (pari. 479);
ат̇а ваа бут̇уж̇ж̇анагаалз зхибхигкусаран̣аг̇аманзна убасамбаннова ид̇т̇илин̇г̇абаад̇убхаавзна бхигкунибхаавз тид̇аа бурисуубасамбаннам̣ убаад̣̇ааяа ‘‘зхибхигкуний’’д̇и, ‘‘д̇ийхи саран̣аг̇аманзхи убасамбаннаа бхигкуний’’д̇и жа сан̇кяам̣ г̇ажчад̇и. но жз, д̇ам̣ важанам̣ вируж̇жхзяяаад̇и згз, вижаарзд̇ваа г̇ахзд̇аб̣б̣ам̣. ‘‘вин̃н̃уу бадиб̣ало’’д̇и д̣̇виннам̣ авассавабхаавасса иж̇жханад̇о вуд̇д̇ам̣. зд̇т̇а яасмаа яам̣ гин̃жи аамисам̣ бадиг̇г̇ан̣ханд̇ийнам̣ аг̇г̇ахад̇т̇аа бурисаанам̣ хад̇т̇зхи гад̣̇аажи миссийбхаавам̣ г̇ажчанд̇и, ванд̣̇анд̇аанам̣ ваа бурисаанам̣ сираани аг̇г̇абаад̣̇зхи миссид̇аани гад̣̇аажи хонд̇и, гзсажчзд̣̇анагаалз ваа сирам̣ бурисаанам̣ хад̇т̇зхи миссид̇ам̣ ход̇и, жид̇д̇ам̣ наамзд̇ам̣ ад̇ирад̣̇д̇хаг̇авзси, д̣̇урагкияам̣ ваа, д̇асмаа ‘‘маа ад̇илахум̣ баарааж̇игаабад̇д̇и бхигкунийнам̣ ход̇уу’’д̇и б̣уд̣̇д̇хаа бхаг̇аванд̇о гаарун̃н̃зна баарааж̇игагкзд̇д̇абарижчзд̣̇ам̣, т̇уллажжаяагкзд̇д̇абарижчзд̣̇ан̃жа висум̣ висум̣ д̣̇зсзсунд̇и взд̣̇ид̇аб̣б̣ам̣.
Atha vā puthujjanakāle ehibhikkhusaraṇagamanena upasampannova itthiliṅgapātubhāvena bhikkhunibhāve ṭhitā purisūpasampannaṃ upādāya ‘‘ehibhikkhunī’’ti, ‘‘tīhi saraṇagamanehi upasampannā bhikkhunī’’ti ca saṅkhyaṃ gacchati. No ce, taṃ vacanaṃ virujjheyyāti eke, vicāretvā gahetabbaṃ. ‘‘Viññū paṭibalo’’ti dvinnaṃ avassavabhāvassa ijjhanato vuttaṃ. Ettha yasmā yaṃ kiñci āmisaṃ paṭiggaṇhantīnaṃ aggahatthā purisānaṃ hatthehi kadāci missībhāvaṃ gacchanti, vandantānaṃ vā purisānaṃ sirāni aggapādehi missitāni kadāci honti, kesacchedanakāle vā siraṃ purisānaṃ hatthehi missitaṃ hoti, cittaṃ nāmetaṃ atiraddhagavesi, durakkhiyaṃ vā, tasmā ‘‘mā atilahuṃ pārājikāpatti bhikkhunīnaṃ hotū’’ti buddhā bhagavanto kāruññena pārājikakkhettaparicchedaṃ, thullaccayakkhettaparicchedañca visuṃ visuṃ desesunti veditabbaṃ.
659. д̇аб̣б̣ахуланаязна саа вуд̇д̇аад̇и зд̇т̇а аяамануг̇ан̣тибад̣̇аггамо – язбхуяязна гирияасамудтаанад̇д̇аа ‘‘гирияасамудтаана’’нд̇и вуд̇д̇ам̣. ‘‘гааяасам̣саг̇г̇ам̣ самаабаж̇ж̇зяяаа’’д̇и авад̇ваа бана ‘‘саад̣̇иязяяаа’’д̇и вуд̇д̇ад̇д̇аа агирияад̇оби самудтаад̇ийд̇и взд̣̇ид̇аб̣б̣ам̣. яат̇аа жзд̇т̇а, звам̣ хздтаа ‘‘мануссид̇т̇ияаа д̇аяо маг̇г̇з мзт̇унам̣ д̇хаммам̣ бадисзванд̇асса аабад̇д̇и баарааж̇игассаа’’д̇иаад̣̇инаа наязна гирияасамудтаанад̇ам̣ вад̇ваа д̇ад̣̇ананд̇арам̣ ‘‘бхигкубажжад̇т̇игаа…бз… со жз бавзсанам̣ саад̣̇ияад̇и, аабад̇д̇и баарааж̇игассаа’’д̇иаад̣̇инаа (баараа. 56) наязна агирияасамудтаанад̇ааяаби вуд̇д̇ад̇д̇аа батамабаарааж̇игассааби д̇аб̣б̣ахуланаязнзва гирияасамудтаанад̇аа взд̣̇ид̇аб̣б̣аа. на хи бавзсанасаад̣̇ияанаад̣̇имхи гирияасамудтаанад̇аа д̣̇иссад̇и. ан̇г̇аж̇аад̇ажаланан̃жзд̇т̇а на саарад̇о д̣̇адтаб̣б̣ам̣ ‘‘со жз бавзсанам̣ на саад̣̇ияад̇и, бавидтам̣ на саад̣̇ияад̇и, тид̇ам̣ на саад̣̇ияад̇и, уд̣̇д̇харан̣ам̣ саад̣̇ияад̇и, аабад̇д̇и баарааж̇игассаа’’д̇и (баараа. 58) зд̇т̇а тид̇а на саад̣̇ияанз багад̇ияааби барибун̣н̣ажаланад̇д̇аа. саад̣̇ияанабажжаяаа хи сзванажаланан̃жзд̇т̇а на д̣̇иссад̇зваад̇и д̇аб̣б̣ахуланаязнзва гирияасамудтаанад̇аа г̇ахзд̇аб̣б̣аа. д̇ад̇т̇а д̇ад̇т̇а адтагат̇аасу гасмаа д̇аб̣б̣ахуланаяо авуд̇д̇од̇и жз? ‘‘яо бана бхигку мзт̇унам̣ д̇хаммам̣ бадисзвзяяаа’’д̇и (баараа. 39, 42) маад̇игааяам̣ гирияасамудтаанасса саруубзна вуд̇д̇ад̇д̇аа д̇ад̣̇ануруубавасзна вибхан̇г̇анаяаманологзд̇ваа ‘‘гирияасамудтаана’’мижжзва вуд̇д̇ам̣. яат̇аа жзд̇зсу д̇аб̣б̣ахуланаязна гирияасамудтаанад̇аа вуд̇д̇аа, д̇ат̇аа сураад̣̇ийнам̣ агусалзнзва баад̇аб̣б̣ад̇аа, на ид̇арат̇аа ‘‘яам̣ агусалзнзва аабаж̇ж̇ад̇и, аяам̣ логаваж̇ж̇аа, сзсаа бан̣н̣ад̇д̇иваж̇ж̇аа’’д̇и (ган̇каа. адта. батамабаарааж̇игаван̣н̣анаа) вуд̇д̇з логаваж̇ж̇абан̣н̣ад̇д̇иваж̇ж̇аанам̣ нияаманалагкан̣асид̣̇д̇хи ход̇и, д̇ат̇аа д̇ам̣ авад̇ваа ‘‘яассаа сажид̇д̇агабагкз жид̇д̇ам̣ агусаламзва ход̇и, аяам̣ логаваж̇ж̇аа. сзсаа бан̣н̣ад̇д̇иваж̇ж̇аа’’д̇и вуд̇д̇з логаваж̇ж̇аважанам̣ нирад̇т̇агам̣ сияаа вад̇т̇уаж̇аананабагкзби агусалзнзва баад̇аб̣б̣ад̇д̇аа. яасмаа д̇ад̇т̇а сураабаанавийд̇иггамасса агусалажид̇д̇уббаад̣̇о над̇т̇и, д̇асмаа канд̇хагадтагат̇ааяам̣ (махаава. адта. 108) ‘‘маж̇ж̇абаанз бана бхигкуно аж̇аанид̇вааби б̣ийж̇ад̇о бадтааяа маж̇ж̇ам̣ биванд̇асса баажид̇д̇ияам̣, сааман̣зро ж̇аанид̇ваа биванд̇о сийлабхзд̣̇ам̣ аабаж̇ж̇ад̇и, на аж̇аанид̇ваа’’д̇и вуд̇д̇ам̣, на вуд̇д̇ам̣ ‘‘вад̇т̇уаж̇аананабагкз баан̣аад̇ибаад̇аад̣̇ийнам̣ сид̣̇д̇хигараагусалажид̇д̇уббаад̣̇асад̣̇исз жид̇д̇уббаад̣̇з сад̇иби сааман̣зро сийлабхзд̣̇ам̣ наабаж̇ж̇ад̇ий’’д̇и. абхинивзсаважанам̣ баан̣аад̇ибаад̇аад̣̇ийхи самаанаж̇аад̇игад̇д̇аа сааман̣зраанам̣ сураабаанасса. ‘‘сураад̣̇аяо банимз’’д̇и вад̇т̇ум̣ ж̇аанид̇ваа баад̇аб̣б̣ад̇аад̣̇ивасзна вийд̇иггаманд̇асса агусаласса асамбхаво над̇т̇и. д̇зна вуд̇д̇ам̣ ‘‘яасса сажид̇д̇агабагкз’’д̇иаад̣̇и.
659.Tabbahulanayenasā vuttāti ettha ayamanugaṇṭhipadakkamo – yebhuyyena kiriyasamuṭṭhānattā ‘‘kiriyasamuṭṭhāna’’nti vuttaṃ. ‘‘Kāyasaṃsaggaṃ samāpajjeyyā’’ti avatvā pana ‘‘sādiyeyyā’’ti vuttattā akiriyatopi samuṭṭhātīti veditabbaṃ. Yathā cettha, evaṃ heṭṭhā ‘‘manussitthiyā tayo magge methunaṃ dhammaṃ paṭisevantassa āpatti pārājikassā’’tiādinā nayena kiriyasamuṭṭhānataṃ vatvā tadanantaraṃ ‘‘bhikkhupaccatthikā…pe… so ce pavesanaṃ sādiyati, āpatti pārājikassā’’tiādinā (pārā. 56) nayena akiriyasamuṭṭhānatāyapi vuttattā paṭhamapārājikassāpi tabbahulanayeneva kiriyasamuṭṭhānatā veditabbā. Na hi pavesanasādiyanādimhi kiriyasamuṭṭhānatā dissati. Aṅgajātacalanañcettha na sārato daṭṭhabbaṃ ‘‘so ce pavesanaṃ na sādiyati, paviṭṭhaṃ na sādiyati, ṭhitaṃ na sādiyati, uddharaṇaṃ sādiyati, āpatti pārājikassā’’ti (pārā. 58) ettha ṭhita na sādiyane pakatiyāpi paripuṇṇacalanattā. Sādiyanapaccayā hi sevanacalanañcettha na dissatevāti tabbahulanayeneva kiriyasamuṭṭhānatā gahetabbā. Tattha tattha aṭṭhakathāsu kasmā tabbahulanayo avuttoti ce? ‘‘Yo pana bhikkhu methunaṃ dhammaṃ paṭiseveyyā’’ti (pārā. 39, 42) mātikāyaṃ kiriyasamuṭṭhānassa sarūpena vuttattā tadanurūpavasena vibhaṅganayamanoloketvā ‘‘kiriyasamuṭṭhāna’’micceva vuttaṃ. Yathā cetesu tabbahulanayena kiriyasamuṭṭhānatā vuttā, tathā surādīnaṃ akusaleneva pātabbatā, na itarathā ‘‘yaṃ akusaleneva āpajjati, ayaṃ lokavajjā, sesā paṇṇattivajjā’’ti (kaṅkhā. aṭṭha. paṭhamapārājikavaṇṇanā) vutte lokavajjapaṇṇattivajjānaṃ niyamanalakkhaṇasiddhi hoti, tathā taṃ avatvā ‘‘yassā sacittakapakkhe cittaṃ akusalameva hoti, ayaṃ lokavajjā. Sesā paṇṇattivajjā’’ti vutte lokavajjavacanaṃ niratthakaṃ siyā vatthuajānanapakkhepi akusaleneva pātabbattā. Yasmā tattha surāpānavītikkamassa akusalacittuppādo natthi, tasmā khandhakaṭṭhakathāyaṃ (mahāva. aṭṭha. 108) ‘‘majjapāne pana bhikkhuno ajānitvāpi bījato paṭṭhāya majjaṃ pivantassa pācittiyaṃ, sāmaṇero jānitvā pivanto sīlabhedaṃ āpajjati, na ajānitvā’’ti vuttaṃ, na vuttaṃ ‘‘vatthuajānanapakkhe pāṇātipātādīnaṃ siddhikaraakusalacittuppādasadise cittuppāde satipi sāmaṇero sīlabhedaṃ nāpajjatī’’ti. Abhinivesavacanaṃ pāṇātipātādīhi samānajātikattā sāmaṇerānaṃ surāpānassa. ‘‘Surādayo panime’’ti vatthuṃ jānitvā pātabbatādivasena vītikkamantassa akusalassa asambhavo natthi. Tena vuttaṃ ‘‘yassa sacittakapakkhe’’tiādi.
гин̃жзд̇т̇а яуд̇д̇иважанзна араханд̇аанам̣ аббависанад̇о сажид̇д̇агаажид̇д̇агабагкзсу агусаланияамод̇и жз? на, д̇хаммад̇аавасзна сзгкаанамби аббависанад̇о. ажид̇д̇агабагкз агусаланияамаабхаавад̣̇ассанад̇т̇ам̣ субанд̇асса мукз багкид̇д̇аж̇алаб̣инд̣̇умива сурааб̣инд̣̇уаад̣̇аяо уд̣̇аахарид̇аб̣б̣аад̇и. д̇аб̣б̣ахуланаязна хи ад̇т̇з г̇ахид̇з буб̣б̣знаабарам̣ адтагат̇ааяа самзд̇и. ‘‘сад̣̇д̇хим̣ баал̣ияаа ависзсад̇т̇о барад̇о аави бхависсад̇ийд̇и абарз’’д̇и вуд̇д̇ам̣. ид̣̇амзд̇т̇а вижаарзд̇аб̣б̣ам̣ . яад̣̇и вад̇т̇уж̇аананабагкз винаа агусалзна маж̇ж̇абаанам̣ сияаа, гасмаа наал̣имаж̇жхам̣ наад̇иггамад̇и арияаанам̣ баанагаад̣̇исан̃н̃ийнанд̇и? сийлабхзд̣̇авад̇т̇увийд̇иггамо винааби жид̇д̇зна арияаанам̣ д̇хаммад̇аавасзнзва на самбхавад̇ийд̇и жз, на, жагкубаалад̇т̇зравад̇т̇у (д̇ха. ба. адта. 1.1) аад̣̇ивирод̇хад̇од̇и. абижа бхигкуноби сааман̣зрасса вияа сураабаанам̣ сажид̇д̇агамзва гасмаа на ж̇аад̇анд̇и? аббад̇ируубад̇д̇аад̇и жз, сааман̣зраанамби аббад̇ируубамзва. сахад̇хаммигаа зва хи д̇з. махаасааваж̇ж̇ад̇д̇аад̇и жз? сааман̣зраанамби д̇аад̣̇исамзва. сааман̣зраанам̣ сажид̇д̇агамзва баарааж̇игам̣, ид̇арам̣ д̣̇ан̣д̣агаммавад̇т̇ууд̇и жз? бхигкуунамби маж̇ж̇абаанз над̇т̇и. зд̇т̇а д̇игабаажид̇д̇иязна на бхавид̇аб̣б̣ам̣. маж̇ж̇з амаж̇ж̇асан̃н̃исса д̣̇уггадаабад̇д̇и бан̃н̃аабзд̇аб̣б̣аа сияаа. бхигкусса баажид̇д̇ияавад̇т̇у сааман̣зраанам̣ баарааж̇игам̣ ход̇и д̇иражчаанаг̇ад̇асааман̣зраанам̣ вияаад̇и жз? ажид̇д̇агамби маж̇ж̇абаанаад̣̇ийнам̣ сааман̣зраанам̣ баарааж̇игам̣ бан̃н̃аабзд̇аб̣б̣ам̣ сияаа. наажид̇д̇агам̣ баарааж̇игам̣ самбхавад̇ийд̇и жз? на, бан̣н̣ад̇д̇иваж̇ж̇амби баарааж̇игам̣ самбхавад̇ийд̇и. нигааяанд̇арабагкз аяамзва д̣̇осо. амхааган̃хи логаваж̇ж̇амзва маж̇ж̇абаананд̇и. гасмаа банзд̇т̇а сураабаанамзва д̇хаммад̇аавасзна арияаа на гаронд̇ийд̇и? на гзвалам̣ сураабаанамзва д̇хаммад̇аавасзна арияаа на гаронд̇и, баан̣зсуби год̇хавасзна баан̣асан̃н̃ид̇ааяа сийсажчзд̣̇анаад̣̇ийни на гаронд̇и, сад̣̇аарасан̃н̃ааяа барад̣̇аарам̣ на вийд̇иггаманд̇и, анад̇т̇абхан̃ж̇агасан̃н̃ааяа ад̇т̇абхан̃ж̇агамусаа на вад̣̇анд̇и, саммаад̣̇идтисан̃н̃ааяа мижчаад̣̇идтим̣ на бадибаж̇ж̇анд̇ийд̇и взд̣̇ид̇аб̣б̣аа. аажарияааби сураабаанз агусаланияамаабхаавамзва вад̣̇анд̇и, д̇асмаа зва маад̇игаадтагат̇ааяа г̇ан̣тибад̣̇з логаваж̇ж̇абан̣н̣ад̇д̇иваж̇ж̇аад̇хигаарз ‘‘сажид̇д̇агабагкзагусаланд̇и сураабаанаад̣̇исан̇г̇ахад̇т̇ам̣, ид̇арат̇аа яасса агусаламзваад̇и вад̣̇зяяаа’’д̇и ликид̇ам̣. гирияасамудтаанад̇аа банасса д̇аб̣б̣ахуланаяамзва, на батамабаарааж̇игз. гат̇ам̣? гааяасам̣саг̇г̇асигкаабад̣̇ам̣ батамабаарааж̇игасамудтаанам̣. зд̇т̇а бхигкусса жа бхигкунияаа жа гааяасам̣саг̇г̇абхаавз сад̇и бхигкуний гааяан̇г̇амажобаяамаанааби жид̇д̇знзва ад̇хиваасзнд̇ий аабаж̇ж̇ад̇и, на звам̣ бхигку. бхигку бана жобаяамаанова аабаж̇ж̇ад̇и, звамзва батамабаарааж̇игзби жобанз сад̇и зва аабаж̇ж̇ад̇и, наасад̇и. бавзсанам̣ саад̣̇ияад̇ийд̇и зд̇т̇а бавзсанасаад̣̇ияанам̣ наама сзванажид̇д̇ассуббаад̣̇ананд̇и, звам̣ санд̇зби ‘‘виймам̣сид̇ваа г̇ахзд̇аб̣б̣а’’нд̇и вуд̇д̇ам̣.
Kiñcettha yuttivacanena arahantānaṃ appavisanato sacittakācittakapakkhesu akusalaniyamoti ce? Na, dhammatāvasena sekkhānampi appavisanato. Acittakapakkhe akusalaniyamābhāvadassanatthaṃ supantassa mukhe pakkhittajalabindumiva surābinduādayo udāharitabbāti. Tabbahulanayena hi atthe gahite pubbenāparaṃ aṭṭhakathāya sameti. ‘‘Saddhiṃ pāḷiyā avisesattho parato āvi bhavissatīti apare’’ti vuttaṃ. Idamettha vicāretabbaṃ . Yadi vatthujānanapakkhe vinā akusalena majjapānaṃ siyā, kasmā nāḷimajjhaṃ nātikkamati ariyānaṃ pānakādisaññīnanti? Sīlabhedavatthuvītikkamo vināpi cittena ariyānaṃ dhammatāvaseneva na sambhavatīti ce, na, cakkhupālattheravatthu (dha. pa. aṭṭha. 1.1) ādivirodhatoti. Apica bhikkhunopi sāmaṇerassa viya surāpānaṃ sacittakameva kasmā na jātanti? Appatirūpattāti ce, sāmaṇerānampi appatirūpameva. Sahadhammikā eva hi te. Mahāsāvajjattāti ce? Sāmaṇerānampi tādisameva. Sāmaṇerānaṃ sacittakameva pārājikaṃ, itaraṃ daṇḍakammavatthūti ce? Bhikkhūnampi majjapāne natthi. Ettha tikapācittiyena na bhavitabbaṃ. Majje amajjasaññissa dukkaṭāpatti paññāpetabbā siyā. Bhikkhussa pācittiyavatthu sāmaṇerānaṃ pārājikaṃ hoti tiracchānagatasāmaṇerānaṃ viyāti ce? Acittakampi majjapānādīnaṃ sāmaṇerānaṃ pārājikaṃ paññāpetabbaṃ siyā. Nācittakaṃ pārājikaṃ sambhavatīti ce? Na, paṇṇattivajjampi pārājikaṃ sambhavatīti. Nikāyantarapakkhe ayameva doso. Amhākañhi lokavajjameva majjapānanti. Kasmā panettha surāpānameva dhammatāvasena ariyā na karontīti? Na kevalaṃ surāpānameva dhammatāvasena ariyā na karonti, pāṇesupi kodhavasena pāṇasaññitāya sīsacchedanādīni na karonti, sadārasaññāya paradāraṃ na vītikkamanti, anatthabhañjakasaññāya atthabhañjakamusā na vadanti, sammādiṭṭhisaññāya micchādiṭṭhiṃ na paṭipajjantīti veditabbā. Ācariyāpi surāpāne akusalaniyamābhāvameva vadanti, tasmā eva mātikāṭṭhakathāya gaṇṭhipade lokavajjapaṇṇattivajjādhikāre ‘‘sacittakapakkheakusalanti surāpānādisaṅgahatthaṃ, itarathā yassa akusalamevāti vadeyyā’’ti likhitaṃ. Kiriyasamuṭṭhānatā panassa tabbahulanayameva, na paṭhamapārājike. Kathaṃ? Kāyasaṃsaggasikkhāpadaṃ paṭhamapārājikasamuṭṭhānaṃ. Ettha bhikkhussa ca bhikkhuniyā ca kāyasaṃsaggabhāve sati bhikkhunī kāyaṅgamacopayamānāpi citteneva adhivāsentī āpajjati, na evaṃ bhikkhu. Bhikkhu pana copayamānova āpajjati, evameva paṭhamapārājikepi copane sati eva āpajjati, nāsati. Pavesanaṃ sādiyatīti ettha pavesanasādiyanaṃ nāma sevanacittassuppādananti, evaṃ santepi ‘‘vīmaṃsitvā gahetabba’’nti vuttaṃ.
батамабаарааж̇игасигкаабад̣̇аван̣н̣анаа нидтид̇аа.
Paṭhamapārājikasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бхигкунийвибхан̇г̇а • Bhikkhunīvibhaṅga / 1. батамабаарааж̇игам̣ • 1. Paṭhamapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 1. батамабаарааж̇игасигкаабад̣̇аван̣н̣анаа • 1. Paṭhamapārājikasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. батамабаарааж̇игасигкаабад̣̇аван̣н̣анаа • 1. Paṭhamapārājikasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. уб̣бхаж̇аан̣уман̣д̣алигасигкаабад̣̇аван̣н̣анаа • 1. Ubbhajāṇumaṇḍalikasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. батамабаарааж̇игасигкаабад̣̇ам̣ • 1. Paṭhamapārājikasikkhāpadaṃ
