| Library / Tipiṭaka / ਤਿਪਿਟਕ • Tipiṭaka / ਭਿਕ੍ਖੁਨੀવਿਭਙ੍ਗ-ਅਟ੍ਠਕਥਾ • Bhikkhunīvibhaṅga-aṭṭhakathā |
॥ ਨਮੋ ਤਸ੍ਸ ਭਗવਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ॥
Namo tassa bhagavato arahato sammāsambuddhassa
ਭਿਕ੍ਖੁਨੀવਿਭਙ੍ਗવਣ੍ਣਨਾ
Bhikkhunīvibhaṅgavaṇṇanā
੧. ਪਾਰਾਜਿਕਕਣ੍ਡਂ (ਭਿਕ੍ਖੁਨੀવਿਭਙ੍ਗવਣ੍ਣਨਾ)
1. Pārājikakaṇḍaṃ (bhikkhunīvibhaṅgavaṇṇanā)
ਯੋ ਭਿਕ੍ਖੂਨਂ વਿਭਙ੍ਗਸ੍ਸ, ਸਙ੍ਗਹਿਤੋ ਅਨਨ੍ਤਰਂ।
Yo bhikkhūnaṃ vibhaṅgassa, saṅgahito anantaraṃ;
ਭਿਕ੍ਖੁਨੀਨਂ વਿਭਙ੍ਗਸ੍ਸ, ਤਸ੍ਸ ਸਂવਣ੍ਣਨਾਕ੍ਕਮੋ॥
Bhikkhunīnaṃ vibhaṅgassa, tassa saṃvaṇṇanākkamo.
ਪਤ੍ਤੋ ਯਤੋ ਤਤੋ ਤਸ੍ਸ, ਅਪੁਬ੍ਬਪਦવਣ੍ਣਨਂ।
Patto yato tato tassa, apubbapadavaṇṇanaṃ;
ਕਾਤੁਂ ਪਾਰਾਜਿਕੇ ਤਾવ, ਹੋਤਿ ਸਂવਣ੍ਣਨਾ ਅਯਂ॥
Kātuṃ pārājike tāva, hoti saṃvaṇṇanā ayaṃ.
੧. ਪਠਮਪਾਰਾਜਿਕਸਿਕ੍ਖਾਪਦવਣ੍ਣਨਾ
1. Paṭhamapārājikasikkhāpadavaṇṇanā
੬੫੬. ਤੇਨ ਸਮਯੇਨ ਬੁਦ੍ਧੋ ਭਗવਾ ਸਾવਤ੍ਥਿਯਂ વਿਹਰਤਿ…ਪੇ॰… ਸਾਲ਼੍ਹੋ ਮਿਗਾਰਨਤ੍ਤਾਤਿ ਏਤ੍ਥ ਸਾਲ਼੍ਹੋਤਿ ਤਸ੍ਸ ਨਾਮਂ; ਮਿਗਾਰਮਾਤੁਯਾ ਪਨ ਨਤ੍ਤਾ ਹੋਤਿ, ਤੇਨ વੁਤ੍ਤਂ – ‘‘ਮਿਗਾਰਨਤ੍ਤਾ’’ਤਿ। ਨવਕਮ੍ਮਿਕਨ੍ਤਿ ਨવਕਮ੍ਮਾਧਿਟ੍ਠਾਯਿਕਂ। ਪਣ੍ਡਿਤਾਤਿ ਪਣ੍ਡਿਚ੍ਚੇਨ ਸਮਨ੍ਨਾਗਤਾ। ਬ੍ਯਤ੍ਤਾਤਿ વੇਯ੍ਯਤ੍ਤਿਕੇਨ ਸਮਨ੍ਨਾਗਤਾ। ਮੇਧਾવਿਨੀਤਿ ਪਾਲ਼ਿਗ੍ਗਹਣੇ ਸਤਿਪੁਬ੍ਬਙ੍ਗਮਾਯ ਪਞ੍ਞਾਯ ਅਤ੍ਥਗ੍ਗਹਣੇ ਪਞ੍ਞਾਪੁਬ੍ਬਙ੍ਗਮਾਯ ਸਤਿਯਾ ਸਮਨ੍ਨਾਗਤਾ। ਦਕ੍ਖਾਤਿ ਛੇਕਾ; ਅવਿਰਜ੍ਝਿਤ੍વਾ ਸੀਘਂ ਕਤ੍ਤਬ੍ਬਕਾਰਿਨੀਤਿ ਅਤ੍ਥੋ। ਅਨਲਸਾਤਿ ਆਲਸਿਯવਿਰਹਿਤਾ। ਤਤ੍ਰੁਪਾਯਾਯਾਤਿ ਤੇਸੁ ਤੇਸੁ ਕਮ੍ਮੇਸੁ ਉਪਾਯਭੂਤਾਯ। વੀਮਂਸਾਯਾਤਿ ਕਤ੍ਤਬ੍ਬਕਮ੍ਮੁਪਪਰਿਕ੍ਖਾਯ । ਸਮਨ੍ਨਾਗਤਾਤਿ ਸਮ੍ਪਯੁਤ੍ਤਾ। ਅਲਂ ਕਾਤੁਨ੍ਤਿ ਸਮਤ੍ਥਾ ਤਂ ਤਂ ਕਮ੍ਮਂ ਕਾਤੁਂ। ਅਲਂ ਸਂવਿਧਾਤੁਨ੍ਤਿ ਏવਞ੍ਚ ਏવਞ੍ਚ ਇਦਂ ਹੋਤੂਤਿ ਏવਂ ਸਂવਿਦਹਿਤੁਮ੍ਪਿ ਸਮਤ੍ਥਾ। ਕਤਾਕਤਂ ਜਾਨਿਤੁਨ੍ਤਿ ਕਤਞ੍ਚ ਅਕਤਞ੍ਚ ਜਾਨਿਤੁਂ। ਤੇਤਿ ਤੇ ਉਭੋ; ਸਾ ਚ ਸੁਨ੍ਦਰੀਨਨ੍ਦਾ ਸੋ ਚ ਸਾਲ਼੍ਹੋਤਿ ਅਤ੍ਥੋ। ਭਤ੍ਤਗ੍ਗੇਤਿ ਪਰਿવੇਸਨਟ੍ਠਾਨੇ। ਨਿਕੂਟੇਤਿ ਕੋਣਸਦਿਸਂ ਕਤ੍વਾ ਦਸ੍ਸਿਤੇ ਗਮ੍ਭੀਰੇ। વਿਸ੍ਸਰੋ ਮੇ ਭવਿਸ੍ਸਤੀਤਿ વਿਰੂਪੋ ਮੇ ਸਰੋ ਭવਿਸ੍ਸਤਿ; વਿਪ੍ਪਕਾਰਸਦ੍ਦੋ ਭવਿਸ੍ਸਤੀਤਿ ਅਤ੍ਥੋ। ਪਤਿਮਾਨੇਨ੍ਤੀਤਿ ਅਪੇਕ੍ਖਮਾਨਾ। ਕ੍ਯਾਹਨ੍ਤਿ ਕਿਂ ਅਹਂ। ਜਰਾਦੁਬ੍ਬਲਾਤਿ ਜਰਾਯ ਦੁਬ੍ਬਲਾ। ਚਰਣਗਿਲਾਨਾਤਿ ਪਾਦਰੋਗੇਨ ਸਮਨ੍ਨਾਗਤਾ।
656.Tena samayena buddho bhagavā sāvatthiyaṃ viharati…pe… sāḷho migāranattāti ettha sāḷhoti tassa nāmaṃ; migāramātuyā pana nattā hoti, tena vuttaṃ – ‘‘migāranattā’’ti. Navakammikanti navakammādhiṭṭhāyikaṃ. Paṇḍitāti paṇḍiccena samannāgatā. Byattāti veyyattikena samannāgatā. Medhāvinīti pāḷiggahaṇe satipubbaṅgamāya paññāya atthaggahaṇe paññāpubbaṅgamāya satiyā samannāgatā. Dakkhāti chekā; avirajjhitvā sīghaṃ kattabbakārinīti attho. Analasāti ālasiyavirahitā. Tatrupāyāyāti tesu tesu kammesu upāyabhūtāya. Vīmaṃsāyāti kattabbakammupaparikkhāya . Samannāgatāti sampayuttā. Alaṃ kātunti samatthā taṃ taṃ kammaṃ kātuṃ. Alaṃ saṃvidhātunti evañca evañca idaṃ hotūti evaṃ saṃvidahitumpi samatthā. Katākataṃ jānitunti katañca akatañca jānituṃ. Teti te ubho; sā ca sundarīnandā so ca sāḷhoti attho. Bhattaggeti parivesanaṭṭhāne. Nikūṭeti koṇasadisaṃ katvā dassite gambhīre. Vissaro me bhavissatīti virūpo me saro bhavissati; vippakārasaddo bhavissatīti attho. Patimānentīti apekkhamānā. Kyāhanti kiṃ ahaṃ. Jarādubbalāti jarāya dubbalā. Caraṇagilānāti pādarogena samannāgatā.
੬੫੭-੮. ਅવਸ੍ਸੁਤਾਤਿ ਕਾਯਸਂਸਗ੍ਗਰਾਗੇਨ ਅવਸ੍ਸੁਤਾ; ਤਿਨ੍ਤਾ ਕਿਲਿਨ੍ਨਾਤਿ ਅਤ੍ਥੋ। ਪਦਭਾਜਨੇ ਪਨਸ੍ਸ ਤਮੇવ ਰਾਗਂ ਗਹੇਤ੍વਾ ‘‘ਸਾਰਤ੍ਤਾ’’ਤਿਆਦਿ વੁਤ੍ਤਂ। ਤਤ੍ਥ ਸਾਰਤ੍ਤਾਤਿ વਤ੍ਥਂ વਿਯ ਰਙ੍ਗਜਾਤੇਨ ਕਾਯਸਂਸਗ੍ਗਰਾਗੇਨ ਸੁਟ੍ਠੁ ਰਤ੍ਤਾ। ਅਪੇਕ੍ਖવਤੀਤਿ ਤਸ੍ਸੇવ ਰਾਗਸ੍ਸ વਸੇਨ ਤਸ੍ਮਿਂ ਪੁਰਿਸੇ ਪવਤ੍ਤਾਯ ਅਪੇਕ੍ਖਾਯ ਸਮਨ੍ਨਾਗਤਾ। ਪਟਿਬਦ੍ਧਚਿਤ੍ਤਾਤਿ ਤੇਨ ਰਾਗੇਨ ਤਸ੍ਮਿਂ ਪੁਰਿਸੇ ਬਨ੍ਧਿਤ੍વਾ ਠਪਿਤਚਿਤ੍ਤਾ વਿਯ। ਏਸ ਨਯੋ ਦੁਤਿਯਪਦવਿਭਙ੍ਗੇਪਿ। ਪੁਰਿਸਪੁਗ੍ਗਲਸ੍ਸਾਤਿ ਪੁਰਿਸਸਙ੍ਖਾਤਸ੍ਸ ਪੁਗ੍ਗਲਸ੍ਸ। ਅਧਕ੍ਖਕਨ੍ਤਿ ਅਕ੍ਖਕਾਨਂ ਅਧੋ। ਉਬ੍ਭਜਾਣੁਮਣ੍ਡਲਨ੍ਤਿ ਜਾਣੁਮਣ੍ਡਲਾਨਂ ਉਪਰਿ। ਪਦਭਾਜਨੇ ਪਨ ਪਦਪਟਿਪਾਟਿਯਾ ਏવ ‘‘ਹੇਟ੍ਠਕ੍ਖਕਂ ਉਪਰਿਜਾਣੁਮਣ੍ਡਲ’’ਨ੍ਤਿ વੁਤ੍ਤਂ। ਏਤ੍ਥ ਚ ਉਬ੍ਭਕਪ੍ਪਰਮ੍ਪਿ ਉਬ੍ਭਜਾਣੁਮਣ੍ਡਲੇਨੇવ ਸਙ੍ਗਹਿਤਂ। ਸੇਸਂ ਮਹਾવਿਭਙ੍ਗੇ વੁਤ੍ਤਨਯੇਨੇવ વੇਦਿਤਬ੍ਬਂ। ਪੁਰਿਮਾਯੋ ਉਪਾਦਾਯਾਤਿ ਸਾਧਾਰਣਪਾਰਾਜਿਕੇਹਿ ਪਾਰਾਜਿਕਾਯੋ ਚਤਸ੍ਸੋ ਉਪਾਦਾਯਾਤਿ ਅਤ੍ਥੋ। ਉਬ੍ਭਜਾਣੁਮਣ੍ਡਲਿਕਾਤਿ ਇਦਂ ਪਨ ਇਮਿਸ੍ਸਾ ਪਾਰਾਜਿਕਾਯ ਨਾਮਮਤ੍ਤਂ, ਤਸ੍ਮਾ ਪਦਭਾਜਨੇ ਨ વਿਚਾਰਿਤਂ।
657-8.Avassutāti kāyasaṃsaggarāgena avassutā; tintā kilinnāti attho. Padabhājane panassa tameva rāgaṃ gahetvā ‘‘sārattā’’tiādi vuttaṃ. Tattha sārattāti vatthaṃ viya raṅgajātena kāyasaṃsaggarāgena suṭṭhu rattā. Apekkhavatīti tasseva rāgassa vasena tasmiṃ purise pavattāya apekkhāya samannāgatā. Paṭibaddhacittāti tena rāgena tasmiṃ purise bandhitvā ṭhapitacittā viya. Esa nayo dutiyapadavibhaṅgepi. Purisapuggalassāti purisasaṅkhātassa puggalassa. Adhakkhakanti akkhakānaṃ adho. Ubbhajāṇumaṇḍalanti jāṇumaṇḍalānaṃ upari. Padabhājane pana padapaṭipāṭiyā eva ‘‘heṭṭhakkhakaṃ uparijāṇumaṇḍala’’nti vuttaṃ. Ettha ca ubbhakapparampi ubbhajāṇumaṇḍaleneva saṅgahitaṃ. Sesaṃ mahāvibhaṅge vuttanayeneva veditabbaṃ. Purimāyo upādāyāti sādhāraṇapārājikehi pārājikāyo catasso upādāyāti attho. Ubbhajāṇumaṇḍalikāti idaṃ pana imissā pārājikāya nāmamattaṃ, tasmā padabhājane na vicāritaṃ.
੬੫੯. ਏવਂ ਉਦ੍ਦਿਟ੍ਠਸਿਕ੍ਖਾਪਦਂ ਪਦਾਨੁਕ੍ਕਮੇਨ વਿਭਜਿਤ੍વਾ ਇਦਾਨਿ ਅવਸ੍ਸੁਤਾਦਿਭੇਦੇਨ ਆਪਤ੍ਤਿਭੇਦਂ ਦਸ੍ਸੇਤੁਂ ‘‘ਉਭਤੋਅવਸ੍ਸੁਤੇ’’ਤਿਆਦਿਮਾਹ। ਤਤ੍ਥ ਉਭਤੋਅવਸ੍ਸੁਤੇਤਿ ਉਭਤੋਅવਸ੍ਸવੇ; ਭਿਕ੍ਖੁਨਿਯਾ ਚੇવ ਪੁਰਿਸਸ੍ਸ ਚ ਕਾਯਸਂਸਗ੍ਗਰਾਗੇਨ ਅવਸ੍ਸੁਤਭਾવੇ ਸਤੀਤਿ ਅਤ੍ਥੋ। ਕਾਯੇਨ ਕਾਯਂ ਆਮਸਤੀਤਿ ਭਿਕ੍ਖੁਨੀ ਯਥਾਪਰਿਚ੍ਛਿਨ੍ਨੇਨ ਕਾਯੇਨ ਪੁਰਿਸਸ੍ਸ ਯਂਕਿਞ੍ਚਿ ਕਾਯਂ ਪੁਰਿਸੋ વਾ ਯੇਨ ਕੇਨਚਿ ਕਾਯੇਨ ਭਿਕ੍ਖੁਨਿਯਾ ਯਥਾਪਰਿਚ੍ਛਿਨ੍ਨਂ ਕਾਯਂ ਆਮਸਤਿ, ਉਭਯਥਾਪਿ ਭਿਕ੍ਖੁਨਿਯਾ ਪਾਰਾਜਿਕਂ। ਕਾਯੇਨ ਕਾਯਪਟਿਬਦ੍ਧਨ੍ਤਿ વੁਤ੍ਤਪ੍ਪਕਾਰੇਨੇવ ਅਤ੍ਤਨੋ ਕਾਯੇਨ ਪੁਰਿਸਸ੍ਸ ਕਾਯਪਟਿਬਦ੍ਧਂ। ਆਮਸਤੀਤਿ ਏਤ੍ਥ ਸਯਂ વਾ ਆਮਸਤੁ, ਤਸ੍ਸ વਾ ਆਮਸਨਂ ਸਾਦਿਯਤੁ, ਥੁਲ੍ਲਚ੍ਚਯਮੇવ। ਕਾਯਪਟਿਬਦ੍ਧੇਨ ਕਾਯਨ੍ਤਿ ਅਤ੍ਤਨੋ વੁਤ੍ਤਪ੍ਪਕਾਰਕਾਯਪਟਿਬਦ੍ਧੇਨ ਪੁਰਿਸਸ੍ਸ ਕਾਯਂ। ਆਮਸਤੀਤਿ ਇਧਾਪਿ ਸਯਂ વਾ ਆਮਸਤੁ, ਤਸ੍ਸ વਾ ਆਮਸਨਂ ਸਾਦਿਯਤੁ, ਥੁਲ੍ਲਚ੍ਚਯਮੇવ। ਅવਸੇਸਪਦੇਸੁਪਿ ਇਮਿਨਾવ ਨਯੇਨ વਿਨਿਚ੍ਛਯੋ વੇਦਿਤਬ੍ਬੋ।
659. Evaṃ uddiṭṭhasikkhāpadaṃ padānukkamena vibhajitvā idāni avassutādibhedena āpattibhedaṃ dassetuṃ ‘‘ubhatoavassute’’tiādimāha. Tattha ubhatoavassuteti ubhatoavassave; bhikkhuniyā ceva purisassa ca kāyasaṃsaggarāgena avassutabhāve satīti attho. Kāyena kāyaṃ āmasatīti bhikkhunī yathāparicchinnena kāyena purisassa yaṃkiñci kāyaṃ puriso vā yena kenaci kāyena bhikkhuniyā yathāparicchinnaṃ kāyaṃ āmasati, ubhayathāpi bhikkhuniyā pārājikaṃ. Kāyena kāyapaṭibaddhanti vuttappakāreneva attano kāyena purisassa kāyapaṭibaddhaṃ. Āmasatīti ettha sayaṃ vā āmasatu, tassa vā āmasanaṃ sādiyatu, thullaccayameva. Kāyapaṭibaddhena kāyanti attano vuttappakārakāyapaṭibaddhena purisassa kāyaṃ. Āmasatīti idhāpi sayaṃ vā āmasatu, tassa vā āmasanaṃ sādiyatu, thullaccayameva. Avasesapadesupi imināva nayena vinicchayo veditabbo.
ਸਚੇ ਪਨ ਭਿਕ੍ਖੁ ਚੇવ ਭਿਕ੍ਖੁਨੀ ਚ ਹੋਤਿ, ਤਤ੍ਰ ਚੇ ਭਿਕ੍ਖੁਨੀ ਆਮਸਤਿ, ਭਿਕ੍ਖੁ ਨਿਚ੍ਚਲੋ ਹੁਤ੍વਾ ਚਿਤ੍ਤੇਨ ਸਾਦਿਯਤਿ, ਭਿਕ੍ਖੁ ਆਪਤ੍ਤਿਯਾ ਨ ਕਾਰੇਤਬ੍ਬੋ। ਸਚੇ ਭਿਕ੍ਖੁ ਆਮਸਤਿ, ਭਿਕ੍ਖੁਨੀ ਨਿਚ੍ਚਲਾ ਹੁਤ੍વਾ ਚਿਤ੍ਤੇਨੇવ ਅਧਿવਾਸੇਤਿ, ਕਾਯਙ੍ਗਂ ਅਚੋਪਯਮਾਨਾਪਿ ਪਾਰਾਜਿਕਕ੍ਖੇਤ੍ਤੇ ਪਾਰਾਜਿਕੇਨ, ਥੁਲ੍ਲਚ੍ਚਯਕ੍ਖੇਤ੍ਤੇ ਥੁਲ੍ਲਚ੍ਚਯੇਨ, ਦੁਕ੍ਕਟਕ੍ਖੇਤ੍ਤੇ ਦੁਕ੍ਕਟੇਨ ਕਾਰੇਤਬ੍ਬਾ। ਕਸ੍ਮਾ? ‘‘ਕਾਯਸਂਸਗ੍ਗਂ ਸਾਦਿਯੇਯ੍ਯਾ’’ਤਿ વੁਤ੍ਤਤ੍ਤਾ। ਅਯਂ ਅਟ੍ਠਕਥਾਸੁ વਿਨਿਚ੍ਛਯੋ। ਏવਂ ਪਨ ਸਤਿ ਕਿਰਿਯਾਸਮੁਟ੍ਠਾਨਤਾ ਨ ਦਿਸ੍ਸਤਿ, ਤਸ੍ਮਾ ਤਬ੍ਬਹੁਲਨਯੇਨ ਸਾ વੁਤ੍ਤਾਤਿ વੇਦਿਤਬ੍ਬਾ।
Sace pana bhikkhu ceva bhikkhunī ca hoti, tatra ce bhikkhunī āmasati, bhikkhu niccalo hutvā cittena sādiyati, bhikkhu āpattiyā na kāretabbo. Sace bhikkhu āmasati, bhikkhunī niccalā hutvā citteneva adhivāseti, kāyaṅgaṃ acopayamānāpi pārājikakkhette pārājikena, thullaccayakkhette thullaccayena, dukkaṭakkhette dukkaṭena kāretabbā. Kasmā? ‘‘Kāyasaṃsaggaṃ sādiyeyyā’’ti vuttattā. Ayaṃ aṭṭhakathāsu vinicchayo. Evaṃ pana sati kiriyāsamuṭṭhānatā na dissati, tasmā tabbahulanayena sā vuttāti veditabbā.
੬੬੦. ਉਬ੍ਭਕ੍ਖਕਨ੍ਤਿ ਅਕ੍ਖਕਾਨਂ ਉਪਰਿ। ਅਧੋਜਾਣੁਮਣ੍ਡਲਨ੍ਤਿ ਜਾਣੁਮਣ੍ਡਲਾਨਂ ਹੇਟ੍ਠਾ। ਏਤ੍ਥ ਚ ਅਧੋਕਪ੍ਪਰਮ੍ਪਿ ਅਧੋਜਾਣੁਮਣ੍ਡਲੇਨੇવ ਸਙ੍ਗਹਿਤਂ।
660.Ubbhakkhakanti akkhakānaṃ upari. Adhojāṇumaṇḍalanti jāṇumaṇḍalānaṃ heṭṭhā. Ettha ca adhokapparampi adhojāṇumaṇḍaleneva saṅgahitaṃ.
੬੬੨. ਏਕਤੋਅવਸ੍ਸੁਤੇਤਿ ਏਤ੍ਥ ਕਿਞ੍ਚਾਪਿ ਏਕਤੋਤਿ ਅવਿਸੇਸੇਨ વੁਤ੍ਤਂ, ਤਥਾਪਿ ਭਿਕ੍ਖੁਨਿਯਾ ਏવ ਅવਸ੍ਸੁਤੇ ਸਤਿ ਅਯਂ ਆਪਤ੍ਤਿਭੇਦੋ વੁਤ੍ਤੋਤਿ વੇਦਿਤਬ੍ਬੋ।
662.Ekatoavassuteti ettha kiñcāpi ekatoti avisesena vuttaṃ, tathāpi bhikkhuniyā eva avassute sati ayaṃ āpattibhedo vuttoti veditabbo.
ਤਤ੍ਰਾਯਂ ਆਦਿਤੋ ਪਟ੍ਠਾਯ વਿਨਿਚ੍ਛਯੋ – ਭਿਕ੍ਖੁਨੀ ਕਾਯਸਂਸਗ੍ਗਰਾਗੇਨ ਅવਸ੍ਸੁਤਾ, ਪੁਰਿਸੋਪਿ ਤਥੇવ। ਅਧਕ੍ਖਕੇ ਉਬ੍ਭਜਾਣੁਮਣ੍ਡਲੇ ਕਾਯਪ੍ਪਦੇਸੇ ਕਾਯਸਂਸਗ੍ਗਸਾਦਿਯਨੇ ਸਤਿ ਭਿਕ੍ਖੁਨਿਯਾ ਪਾਰਾਜਿਕਂ। ਭਿਕ੍ਖੁਨਿਯਾ ਕਾਯਸਂਸਗ੍ਗਰਾਗੋ, ਪੁਰਿਸਸ੍ਸ ਮੇਥੁਨਰਾਗੋ વਾ ਗੇਹਸ੍ਸਿਤਪੇਮਂ વਾ ਸੁਦ੍ਧਚਿਤ੍ਤਂ વਾ ਹੋਤੁ, ਥੁਲ੍ਲਚ੍ਚਯਮੇવ। ਭਿਕ੍ਖੁਨਿਯਾ ਮੇਥੁਨਰਾਗੋ, ਪੁਰਿਸਸ੍ਸ ਕਾਯਸਂਸਗ੍ਗਰਾਗੋ વਾ ਮੇਥੁਨਰਾਗੋ વਾ ਗਹੇਸ੍ਸਿਤਪੇਮਂ વਾ ਸੁਦ੍ਧਚਿਤ੍ਤਂ વਾ ਹੋਤੁ, ਦੁਕ੍ਕਟਂ। ਭਿਕ੍ਖੁਨਿਯਾ ਗੇਹਸ੍ਸਿਤਪੇਮਂ, ਪੁਰਿਸਸ੍ਸ વੁਤ੍ਤੇਸੁ ਚਤੂਸੁ ਯਂ વਾ ਤਂ વਾ ਹੋਤੁ, ਦੁਕ੍ਕਟਮੇવ। ਭਿਕ੍ਖੁਨਿਯਾ ਸੁਦ੍ਧਚਿਤ੍ਤਂ, ਪੁਰਿਸਸ੍ਸ વੁਤ੍ਤੇਸੁ ਚਤੂਸੁ ਯਂ વਾ ਤਂ વਾ ਹੋਤੁ, ਅਨਾਪਤ੍ਤਿ।
Tatrāyaṃ ādito paṭṭhāya vinicchayo – bhikkhunī kāyasaṃsaggarāgena avassutā, purisopi tatheva. Adhakkhake ubbhajāṇumaṇḍale kāyappadese kāyasaṃsaggasādiyane sati bhikkhuniyā pārājikaṃ. Bhikkhuniyā kāyasaṃsaggarāgo, purisassa methunarāgo vā gehassitapemaṃ vā suddhacittaṃ vā hotu, thullaccayameva. Bhikkhuniyā methunarāgo, purisassa kāyasaṃsaggarāgo vā methunarāgo vā gahessitapemaṃ vā suddhacittaṃ vā hotu, dukkaṭaṃ. Bhikkhuniyā gehassitapemaṃ, purisassa vuttesu catūsu yaṃ vā taṃ vā hotu, dukkaṭameva. Bhikkhuniyā suddhacittaṃ, purisassa vuttesu catūsu yaṃ vā taṃ vā hotu, anāpatti.
ਸਚੇ ਪਨ ਭਿਕ੍ਖੁ ਚੇવ ਹੋਤਿ ਭਿਕ੍ਖੁਨੀ ਚ ਉਭਿਨ੍ਨਂ ਕਾਯਸਂਸਗ੍ਗਰਾਗੋ, ਭਿਕ੍ਖੁਸ੍ਸ ਸਙ੍ਘਾਦਿਸੇਸੋ, ਭਿਕ੍ਖੁਨਿਯਾ ਪਾਰਾਜਿਕਂ। ਭਿਕ੍ਖੁਨਿਯਾ ਕਾਯਸਂਸਗ੍ਗਰਾਗੋ, ਭਿਕ੍ਖੁਸ੍ਸ ਮੇਥੁਨਰਾਗੋ વਾ ਗੇਹਸ੍ਸਿਤਪੇਮਂ વਾ, ਭਿਕ੍ਖੁਨਿਯਾ ਥੁਲ੍ਲਚ੍ਚਯਂ, ਭਿਕ੍ਖੁਸ੍ਸ ਦੁਕ੍ਕਟਂ। ਉਭਿਨ੍ਨਂ ਮੇਥੁਨਰਾਗੋ વਾ ਗੇਹਸ੍ਸਿਤਪੇਮਂ વਾ, ਉਭਿਨ੍ਨਮ੍ਪਿ ਦੁਕ੍ਕਟਮੇવ। ਯਸ੍ਸ ਯਤ੍ਥ ਸੁਦ੍ਧਚਿਤ੍ਤਂ, ਤਸ੍ਸ ਤਤ੍ਥ ਅਨਾਪਤ੍ਤਿ। ਉਭਿਨ੍ਨਮ੍ਪਿ ਸੁਦ੍ਧਚਿਤ੍ਤਂ, ਉਭਿਨ੍ਨਮ੍ਪਿ ਅਨਾਪਤ੍ਤਿ।
Sace pana bhikkhu ceva hoti bhikkhunī ca ubhinnaṃ kāyasaṃsaggarāgo, bhikkhussa saṅghādiseso, bhikkhuniyā pārājikaṃ. Bhikkhuniyā kāyasaṃsaggarāgo, bhikkhussa methunarāgo vā gehassitapemaṃ vā, bhikkhuniyā thullaccayaṃ, bhikkhussa dukkaṭaṃ. Ubhinnaṃ methunarāgo vā gehassitapemaṃ vā, ubhinnampi dukkaṭameva. Yassa yattha suddhacittaṃ, tassa tattha anāpatti. Ubhinnampi suddhacittaṃ, ubhinnampi anāpatti.
੬੬੩. ਅਨਾਪਤ੍ਤਿ ਅਸਞ੍ਚਿਚ੍ਚਾਤਿਆਦੀਸੁ વਿਰਜ੍ਝਿਤ੍વਾ વਾ ਆਮਸਨ੍ਤਿਯਾ ਅਞ੍ਞવਿਹਿਤਾਯ વਾ ‘‘ਅਯਂ ਪੁਰਿਸੋ વਾ ਇਤ੍ਥੀ વਾ’’ਤਿ ਅਜਾਨਨ੍ਤਿਯਾ વਾ ਤੇਨ ਫੁਟ੍ਠਾਯਪਿ ਤਂ ਫਸ੍ਸਂ ਅਸਾਦਿਯਨ੍ਤਿਯਾ વਾ ਆਮਸਨੇਪਿ ਸਤਿ ਅਨਾਪਤ੍ਤਿ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવ ।
663.Anāpattiasañciccātiādīsu virajjhitvā vā āmasantiyā aññavihitāya vā ‘‘ayaṃ puriso vā itthī vā’’ti ajānantiyā vā tena phuṭṭhāyapi taṃ phassaṃ asādiyantiyā vā āmasanepi sati anāpatti. Sesaṃ sabbattha uttānameva .
ਪਠਮਪਾਰਾਜਿਕਸਮੁਟ੍ਠਾਨਂ – ਕਿਰਿਯਂ, ਸਞ੍ਞਾવਿਮੋਕ੍ਖਂ, ਸਚਿਤ੍ਤਕਂ, ਲੋਕવਜ੍ਜਂ, ਕਾਯਕਮ੍ਮਂ, ਅਕੁਸਲਚਿਤ੍ਤਂ, ਦ੍વਿવੇਦਨਨ੍ਤਿ।
Paṭhamapārājikasamuṭṭhānaṃ – kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, akusalacittaṃ, dvivedananti.
ਪਠਮਪਾਰਾਜਿਕਂ।
Paṭhamapārājikaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਭਿਕ੍ਖੁਨੀવਿਭਙ੍ਗ • Bhikkhunīvibhaṅga / ੧. ਪਠਮਪਾਰਾਜਿਕਂ • 1. Paṭhamapārājikaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੧. ਪਠਮਪਾਰਾਜਿਕਸਿਕ੍ਖਾਪਦવਣ੍ਣਨਾ • 1. Paṭhamapārājikasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੧. ਪਠਮਪਾਰਾਜਿਕਸਿਕ੍ਖਾਪਦવਣ੍ਣਨਾ • 1. Paṭhamapārājikasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੧. ਉਬ੍ਭਜਾਣੁਮਣ੍ਡਲਿਕਸਿਕ੍ਖਾਪਦવਣ੍ਣਨਾ • 1. Ubbhajāṇumaṇḍalikasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧. ਪਠਮਪਾਰਾਜਿਕਸਿਕ੍ਖਾਪਦਂ • 1. Paṭhamapārājikasikkhāpadaṃ
