Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya

8. батамабарихаанисуд̇д̇ам̣

8. Paṭhamaparihānisuttaṃ

28. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇ад̇ра ко бхаг̇аваа бхигкуу ааманд̇зси – ‘‘сад̇д̇имз, бхигкавз, д̇хаммаа сзкасса бхигкуно барихаанааяа сам̣вад̇д̇анд̇и. гад̇амз сад̇д̇а? гаммаараамад̇аа, бхассаараамад̇аа, нид̣̇д̣̇аараамад̇аа, сан̇г̇ан̣игаараамад̇аа, инд̣̇риязсу аг̇уд̇д̇ад̣̇ваарад̇аа, бхож̇анз амад̇д̇ан̃н̃уд̇аа, санд̇и ко бана сан̇гхз сан̇гхагаран̣ийяаани; д̇ад̇ра сзко бхигку ¹ ид̇и бадисан̃жигкад̇и – ‘санд̇и ко бана сан̇гхз т̇зраа ² рад̇д̇ан̃н̃уу жирабаб̣б̣аж̇ид̇аа бхаараваахино, д̇з ³ д̇зна бан̃н̃ааяиссанд̇ий’д̇и ад̇д̇анаа д̇зсу яог̇ам̣ ⁴ аабаж̇ж̇ад̇и. имз ко, бхигкавз, сад̇д̇а д̇хаммаа сзкасса бхигкуно барихаанааяа сам̣вад̇д̇анд̇и.

28. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘sattime, bhikkhave, dhammā sekhassa bhikkhuno parihānāya saṃvattanti. Katame satta? Kammārāmatā, bhassārāmatā, niddārāmatā, saṅgaṇikārāmatā, indriyesu aguttadvāratā, bhojane amattaññutā, santi kho pana saṅghe saṅghakaraṇīyāni; tatra sekho bhikkhu ⁵ iti paṭisañcikkhati – ‘santi kho pana saṅghe therā ⁶ rattaññū cirapabbajitā bhāravāhino, te ⁷ tena paññāyissantī’ti attanā tesu yogaṃ ⁸ āpajjati. Ime kho, bhikkhave, satta dhammā sekhassa bhikkhuno parihānāya saṃvattanti.

‘‘сад̇д̇имз, бхигкавз, д̇хаммаа сзкасса бхигкуно абарихаанааяа сам̣вад̇д̇анд̇и. гад̇амз сад̇д̇а? на гаммаараамад̇аа, на бхассаараамад̇аа, на нид̣̇д̣̇аараамад̇аа, на сан̇г̇ан̣игаараамад̇аа, инд̣̇риязсу г̇уд̇д̇ад̣̇ваарад̇аа, бхож̇анз мад̇д̇ан̃н̃уд̇аа, санд̇и ко бана сан̇гхз сан̇гхагаран̣ийяаани; д̇ад̇ра сзко бхигку ид̇и бадисан̃жигкад̇и – ‘санд̇и ко бана сан̇гхз т̇зраа рад̇д̇ан̃н̃уу жирабаб̣б̣аж̇ид̇аа бхаараваахино, д̇з д̇зна бан̃н̃ааяиссанд̇ий’д̇и ад̇д̇анаа на д̇зсу яог̇ам̣ аабаж̇ж̇ад̇и. имз ко, бхигкавз, сад̇д̇а д̇хаммаа сзкасса бхигкуно абарихаанааяа сам̣вад̇д̇анд̇ий’’д̇и. адтамам̣.

‘‘Sattime, bhikkhave, dhammā sekhassa bhikkhuno aparihānāya saṃvattanti. Katame satta? Na kammārāmatā, na bhassārāmatā, na niddārāmatā, na saṅgaṇikārāmatā, indriyesu guttadvāratā, bhojane mattaññutā, santi kho pana saṅghe saṅghakaraṇīyāni; tatra sekho bhikkhu iti paṭisañcikkhati – ‘santi kho pana saṅghe therā rattaññū cirapabbajitā bhāravāhino, te tena paññāyissantī’ti attanā na tesu yogaṃ āpajjati. Ime kho, bhikkhave, satta dhammā sekhassa bhikkhuno aparihānāya saṃvattantī’’ti. Aṭṭhamaṃ.

Next: 9. д̣̇уд̇ияабарихаанисуд̇д̇ам̣ • 9. Dutiyaparihānisuttaṃ

Footnotes:

1. д̇ад̇ра бхигку (сий. сяаа.)

2. ко сам̣гхад̇т̇зраа (га.)

3. на д̇з (га.)

4. ад̇д̇анаа вояог̇ам̣ (сий. сяаа.)

5. tatra bhikkhu (sī. syā.)

6. kho saṃghattherā (ka.)

7. na te (ka.)

8. attanā voyogaṃ (sī. syā.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 8. батамабарихаанисуд̇д̇аван̣н̣анаа • 8. Paṭhamaparihānisuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7-11. сан̃н̃аасуд̇д̇аад̣̇иван̣н̣анаа • 7-11. Saññāsuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact