| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
11. батамабад̇иб̣б̣ад̇аавимаанаван̣н̣анаа
11. Paṭhamapatibbatāvimānavaṇṇanā
гон̃жаа маяуураа д̣̇ивияаа жа хам̣саад̇и бад̇иб̣б̣ад̇аавимаанам̣. д̇асса гаа уббад̇д̇и? бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇ад̇т̇а ан̃н̃ад̇араа ид̇т̇ий бад̇иб̣б̣ад̇аа ахоси бхад̇д̇у анугуулавад̇д̇иний камаа бад̣̇агкин̣аг̇г̇аахиний, на гуд̣̇д̇хааби бадибпарад̇и, апарусаваажаа сажжаваад̣̇иний сад̣̇д̇хаа басаннаа яат̇аавибхавам̣ д̣̇аанаани жа ад̣̇ааси. саа гзнажид̣̇зва рог̇зна пудтаа гаалам̣ гад̇ваа д̇аавад̇им̣сабхаванз ниб̣б̣ад̇д̇и. ат̇ааяасмаа махаамог̇г̇аллаано буриманаязнзва д̣̇зважааригам̣ жаранд̇о д̇ам̣ д̣̇звад̇хийд̇арам̣ махад̇им̣ самбад̇д̇им̣ анубхаванд̇им̣ д̣̇исваа д̇ассаа самийбамубаг̇ад̇о. саа ажчараасахассабаривуд̇аа садтисагадабхаараалан̇гаарабадиман̣д̣ид̇ад̇д̇абхааваа т̇зрасса баад̣̇зсу сирасаа ванд̣̇ид̇ваа згаманд̇ам̣ адтааси. т̇зроби д̇ааяа гад̇абун̃н̃агаммам̣ бужчанд̇о –
Koñcā mayūrā diviyā ca haṃsāti patibbatāvimānaṃ. Tassa kā uppatti? Bhagavā sāvatthiyaṃ viharati jetavane anāthapiṇḍikassa ārāme. Tattha aññatarā itthī patibbatā ahosi bhattu anukūlavattinī khamā padakkhiṇaggāhinī, na kuddhāpi paṭippharati, apharusavācā saccavādinī saddhā pasannā yathāvibhavaṃ dānāni ca adāsi. Sā kenacideva rogena phuṭṭhā kālaṃ katvā tāvatiṃsabhavane nibbatti. Athāyasmā mahāmoggallāno purimanayeneva devacārikaṃ caranto taṃ devadhītaraṃ mahatiṃ sampattiṃ anubhavantiṃ disvā tassā samīpamupagato. Sā accharāsahassaparivutā saṭṭhisakaṭabhārālaṅkārapaṭimaṇḍitattabhāvā therassa pādesu sirasā vanditvā ekamantaṃ aṭṭhāsi. Theropi tāya katapuññakammaṃ pucchanto –
93.
93.
‘‘гон̃жаа маяуураа д̣̇ивияаа жа хам̣саа, ваг̇г̇уссараа гогилаа самбад̇анд̇и;
‘‘Koñcā mayūrā diviyā ca haṃsā, vaggussarā kokilā sampatanti;
бубпаабхигин̣н̣ам̣ раммамид̣̇ам̣ вимаанам̣, анзгажид̇д̇ам̣ наранаарисзвид̇ам̣.
Pupphābhikiṇṇaṃ rammamidaṃ vimānaṃ, anekacittaṃ naranārisevitaṃ.
94.
94.
‘‘д̇ад̇т̇ажчаси д̣̇зви махаанубхаавз, ид̣̇д̇хий вигуб̣б̣анд̇и анзгаруубаа;
‘‘Tatthacchasi devi mahānubhāve, iddhī vikubbanti anekarūpā;
имаа жа д̇з ажчарааяо саманд̇ад̇о, нажжанд̇и г̇ааяанд̇и бамод̣̇аяанд̇и жа.
Imā ca te accharāyo samantato, naccanti gāyanti pamodayanti ca.
95.
95.
‘‘д̣̇звид̣̇д̇хибад̇д̇ааси махаанубхаавз,
‘‘Deviddhipattāsi mahānubhāve,
мануссабхууд̇аа гимагааси бун̃н̃ам̣;
Manussabhūtā kimakāsi puññaṃ;
гзнааси звам̣ ж̇алид̇аанубхааваа,
Kenāsi evaṃ jalitānubhāvā,
ван̣н̣о жа д̇з саб̣б̣ад̣̇исаа бабхаасад̇ий’’д̇и. – ааха;
Vaṇṇo ca te sabbadisā pabhāsatī’’ti. – āha;
96.
96.
‘‘саа д̣̇звад̇аа ад̇д̇аманаа, мог̇г̇аллаанзна бужчид̇аа;
‘‘Sā devatā attamanā, moggallānena pucchitā;
бан̃хам̣ будтаа вияаагааси, яасса гаммассид̣̇ам̣ палам̣’’.
Pañhaṃ puṭṭhā viyākāsi, yassa kammassidaṃ phalaṃ’’.
97.
97.
‘‘ахам̣ мануссзсу мануссабхууд̇аа, бад̇иб̣б̣ад̇аанан̃н̃аманаа ахосим̣;
‘‘Ahaṃ manussesu manussabhūtā, patibbatānaññamanā ahosiṃ;
маад̇аава буд̇д̇ам̣ анурагкамаанаа, гуд̣̇д̇хаабихам̣ набпарусам̣ авожам̣.
Mātāva puttaṃ anurakkhamānā, kuddhāpihaṃ nappharusaṃ avocaṃ.
98.
98.
‘‘сажжз тид̇аа мосаваж̇ж̇ам̣ бахааяа, д̣̇аанз рад̇аа сан̇г̇ахид̇ад̇д̇абхааваа;
‘‘Sacce ṭhitā mosavajjaṃ pahāya, dāne ratā saṅgahitattabhāvā;
аннан̃жа баанан̃жа басаннажид̇д̇аа, саггажжа д̣̇аанам̣ вибулам̣ ад̣̇аасим̣.
Annañca pānañca pasannacittā, sakkacca dānaṃ vipulaṃ adāsiṃ.
99.
99.
‘‘д̇зна мзд̇аад̣̇исо ван̣н̣о, д̇зна мз ид̇ха миж̇жхад̇и;
‘‘Tena metādiso vaṇṇo, tena me idha mijjhati;
уббаж̇ж̇анд̇и жа мз бхог̇аа, яз гзжи манасо бияаа.
Uppajjanti ca me bhogā, ye keci manaso piyā.
100.
100.
‘‘агкаами д̇з бхигку махаанубхаава, мануссабхууд̇аа яамагааси бун̃н̃ам̣;
‘‘Akkhāmi te bhikkhu mahānubhāva, manussabhūtā yamakāsi puññaṃ;
д̇знамхи звам̣ ж̇алид̇аанубхааваа, ван̣н̣о жа мз саб̣б̣ад̣̇исаа бабхаасад̇ий’’д̇и. –
Tenamhi evaṃ jalitānubhāvā, vaṇṇo ca me sabbadisā pabhāsatī’’ti. –
саа д̣̇звад̇аа виссаж̇ж̇зси.
Sā devatā vissajjesi.
93. д̇ад̇т̇а гон̃жаад̇и гон̃жасагун̣аа, яз ‘‘саарасаа’’д̇иби вужжанд̇и. маяуураад̇и мораа. д̣̇ивияаад̇и д̣̇иб̣б̣аанубхааваа. ид̣̇ан̃хи бад̣̇ам̣ ‘‘д̣̇ивияаа гон̃жаа, д̣̇ивияаа маяуураа’’д̇иаад̣̇инаа жад̇уухиби бад̣̇зхи яож̇зд̇аб̣б̣ам̣. хам̣саад̇и суван̣н̣ахам̣саад̣̇ихам̣саа. ваг̇г̇уссараад̇и мад̇хурассараа. гогилаад̇и гаал̣агогилаа жзва суггагогилаа жа. самбад̇анд̇ийд̇и д̣̇звад̇ааяа абхираман̣ад̇т̇ам̣ гийл̣анд̇аа лал̣анд̇аа саманд̇ад̇о бад̇анд̇и вижаранд̇и. гон̃жаад̣̇ируубзна хи д̣̇звад̇ааяа рад̇иж̇ананад̇т̇ам̣ бариваарабхууд̇аа д̣̇звад̇аа гийл̣анд̇аа лал̣анд̇аа ‘‘гон̃жаа’’д̇иаад̣̇инаа вуд̇д̇аа. бубпаабхигин̣н̣анд̇и г̇ант̇ид̇ааг̇ант̇ид̇зхи наанаавид̇харад̇анагусумзхи огин̣н̣ам̣. рамманд̇и раман̣ийяам̣, манораманд̇и ад̇т̇о. анзгажид̇д̇анд̇и анзгзхи уяяаанагаббаругкабогкаран̣иаад̣̇ийхи вимаанзсу жа анзгзхи бхид̇д̇ивисзсаад̣̇ийхи жид̇д̇ам̣. наранаарисзвид̇анд̇и бариваарабхууд̇зхи д̣̇звабуд̇д̇зхи д̣̇звад̇хийд̇аахи жа убасзвид̇ам̣.
93. Tattha koñcāti koñcasakuṇā, ye ‘‘sārasā’’tipi vuccanti. Mayūrāti morā. Diviyāti dibbānubhāvā. Idañhi padaṃ ‘‘diviyā koñcā, diviyā mayūrā’’tiādinā catūhipi padehi yojetabbaṃ. Haṃsāti suvaṇṇahaṃsādihaṃsā. Vaggussarāti madhurassarā. Kokilāti kāḷakokilā ceva sukkakokilā ca. Sampatantīti devatāya abhiramaṇatthaṃ kīḷantā laḷantā samantato patanti vicaranti. Koñcādirūpena hi devatāya ratijananatthaṃ parivārabhūtā devatā kīḷantā laḷantā ‘‘koñcā’’tiādinā vuttā. Pupphābhikiṇṇanti ganthitāganthitehi nānāvidharatanakusumehi okiṇṇaṃ. Rammanti ramaṇīyaṃ, manoramanti attho. Anekacittanti anekehi uyyānakapparukkhapokkharaṇiādīhi vimānesu ca anekehi bhittivisesādīhi cittaṃ. Naranārisevitanti parivārabhūtehi devaputtehi devadhītāhi ca upasevitaṃ.
94. ид̣̇д̇хий вигуб̣б̣анд̇и анзгаруубаад̇и наанааруубаанам̣ вид̣̇ам̣санзна анзгаруубаа гаммаанубхаавасид̣̇д̇хаа ид̣̇д̇хий вигуб̣б̣анд̇ий вигуб̣б̣анид̣̇д̇хияо валан̃ж̇знд̇ий ажчасийд̇и яож̇анаа.
94.Iddhī vikubbanti anekarūpāti nānārūpānaṃ vidaṃsanena anekarūpā kammānubhāvasiddhā iddhī vikubbantī vikubbaniddhiyo valañjentī acchasīti yojanā.
97. анан̃н̃аманаад̇и бад̇иб̣б̣ад̇аа, бад̇ид̇о ан̃н̃асмим̣ мано зд̇иссаад̇и ан̃н̃аманаа, на ан̃н̃аманаад̇и анан̃н̃аманаа, маяхам̣ саамигад̇о ан̃н̃асмим̣ бурисз баабагам̣ жид̇д̇ам̣ на уббаад̣̇зсинд̇и ад̇т̇о. маад̇аава буд̇д̇ам̣ анурагкамаанаад̇и яат̇аа маад̇аа буд̇д̇ам̣, звам̣ маяхам̣ саамигам̣, саб̣б̣зби ваа сад̇д̇з хид̇зсид̇ааяа ахид̇аабанаяанагаамад̇ааяа жа ануд̣̇д̣̇аяамаанаа. гуд̣̇д̇хаабихам̣ набпарусам̣ авожанд̇и барзна гад̇ам̣ апаасугам̣ бадижжа гуд̣̇д̇хааби самаанаа ахам̣ парусаважанам̣ на гат̇зсим̣, ан̃н̃ад̣̇ад̇т̇у бияаважанамзва абхаасинд̇и ад̇хиббааяо.
97.Anaññamanāti patibbatā, patito aññasmiṃ mano etissāti aññamanā, na aññamanāti anaññamanā, mayhaṃ sāmikato aññasmiṃ purise pāpakaṃ cittaṃ na uppādesinti attho. Mātāva puttaṃ anurakkhamānāti yathā mātā puttaṃ, evaṃ mayhaṃ sāmikaṃ, sabbepi vā satte hitesitāya ahitāpanayanakāmatāya ca anuddayamānā. Kuddhāpihaṃ nappharusaṃ avocanti parena kataṃ aphāsukaṃ paṭicca kuddhāpi samānā ahaṃ pharusavacanaṃ na kathesiṃ, aññadatthu piyavacanameva abhāsinti adhippāyo.
98. сажжз тид̇аад̇и сажжз бад̇идтид̇аа. яасмаа мусааваад̣̇аа взраман̣ияаа сажжз бад̇идтид̇аа наама ход̇и, на гад̣̇аажи сажжаважанамад̇д̇знаад̇и ааха – мосаваж̇ж̇ам̣ бахааяаад̇и мусааваад̣̇ам̣ бахааяа. д̣̇аанз рад̇аад̇и д̣̇аанз абхирад̇аа, яуд̇д̇аббаяуд̇д̇аад̇и ад̇т̇о. сан̇г̇ахид̇ад̇д̇абхааваад̇и сан̇г̇ахавад̇т̇уухи ад̇д̇аанам̣ вияа сабхаавзнзва барзсам̣ сан̇г̇ан̣ханасийлаа аннан̃жа баанан̃жа гаммапаласад̣̇д̇хааяа басаннажид̇д̇аа саггажжам̣ жид̇д̇ийгаарзна ад̣̇аасим̣, ан̃н̃ан̃жа вад̇т̇аад̣̇ид̣̇аанам̣ вибулам̣ ул̣аарам̣ ад̣̇аасинд̇и яож̇анаа. сзсам̣ вуд̇д̇анаяамзва.
98.Sacce ṭhitāti sacce patiṭṭhitā. Yasmā musāvādā veramaṇiyā sacce patiṭṭhitā nāma hoti, na kadāci saccavacanamattenāti āha – mosavajjaṃ pahāyāti musāvādaṃ pahāya. Dāne ratāti dāne abhiratā, yuttappayuttāti attho. Saṅgahitattabhāvāti saṅgahavatthūhi attānaṃ viya sabhāveneva paresaṃ saṅgaṇhanasīlā annañca pānañca kammaphalasaddhāya pasannacittā sakkaccaṃ cittīkārena adāsiṃ, aññañca vatthādidānaṃ vipulaṃ uḷāraṃ adāsinti yojanā. Sesaṃ vuttanayameva.
бад̇иб̣б̣ад̇аавимаанаван̣н̣анаа нидтид̇аа.
Patibbatāvimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 11. батамабад̇иб̣б̣ад̇аавимаанавад̇т̇у • 11. Paṭhamapatibbatāvimānavatthu
