| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
6. பாடிதே³ஸனீயகண்ட³ங்
6. Pāṭidesanīyakaṇḍaṃ
1. பட²மபாடிதே³ஸனீயஸிக்கா²பத³-அத்த²யோஜனா
1. Paṭhamapāṭidesanīyasikkhāpada-atthayojanā
கு²த்³த³கானங் அனந்தரா பாடிதே³ஸனீயா யே த⁴ம்மா ஸங்கீ³திகாரேஹி ட²பிதா, இதா³னி தேஸங் த⁴ம்மானங் அயங் வண்ணனா ப⁴வதீதி யோஜனா.
Khuddakānaṃ anantarā pāṭidesanīyā ye dhammā saṅgītikārehi ṭhapitā, idāni tesaṃ dhammānaṃ ayaṃ vaṇṇanā bhavatīti yojanā.
552. பட²மபாடிதே³ஸனீயே தாவ அத்தோ² ஏவங் வேதி³தப்³போ³தி யோஜனா. படிஆக³மனகாலேதி பிண்டா³ய சரணட்டா²னதோ பக்கமித்வா, படினிவத்தித்வா வா ஆக³மனகாலே. ஸப்³பே³வாதி எத்த² நிக்³க³ஹீதலோபவஸேன ஸந்தி⁴ ஹோதீதி ஆஹ ‘‘ஸப்³ப³மேவா’’தி. ‘‘கம்பமானா’’தி இமினா பபுப்³ப³வித⁴தா⁴துயா கம்பனத்த²ங் த³ஸ்ஸேதி. அபேஹீதி எத்த² அபபுப்³ப³இதா⁴து க³த்யத்தோ²தி ஆஹ ‘‘அபக³ச்சா²’’தி.
552. Paṭhamapāṭidesanīye tāva attho evaṃ veditabboti yojanā. Paṭiāgamanakāleti piṇḍāya caraṇaṭṭhānato pakkamitvā, paṭinivattitvā vā āgamanakāle. Sabbevāti ettha niggahītalopavasena sandhi hotīti āha ‘‘sabbamevā’’ti. ‘‘Kampamānā’’ti iminā papubbavidhadhātuyā kampanatthaṃ dasseti. Apehīti ettha apapubbaidhātu gatyatthoti āha ‘‘apagacchā’’ti.
553. படிதே³ஸேதப்³பா³காரங் த³ஸ்ஸேதி அனேனாதி படிதே³ஸேதப்³பா³காரத³ஸ்ஸனங். த்³வின்னங் ஸத்³தா³னங் பரியாயபா⁴வங் த³ஸ்ஸேதுங் வுத்தங் ‘‘ரதி²காதி ரச்சா²’’தி. ரத²ஸ்ஸ ஹிதா ரதி²கா. ண்யபச்சயே கதே ‘‘ரச்சா²’’தி (மொக்³க³ல்லானே 4.72 ஸுத்தே) வுச்சதி. ரச்ச²ந்தரேன அனிப்³பி³த்³தா⁴ ரச்சா² ப்³யூஹோ நாமாதி ஆஹ ‘‘அனிப்³பி³ஜ்ஜி²த்வா’’திஆதி³. ப்³யூஹேதி ஸம்பிண்டே³தி ஜனே அஞ்ஞத்த² க³ந்துமபதா³னவஸேனாதி ப்³யூஹோ. ஸிங்கா⁴டகங் நாம மக்³க³ஸந்தீ⁴தி ஆஹ ‘‘மக்³க³ஸமோதா⁴னட்டா²ன’’ந்தி. ஸிங்க⁴தி மக்³க³ஸமோதா⁴னங் கரோதி எத்தா²தி ஸிங்கா⁴டகங். ஏதேஸூதி ரதி²காதீ³ஸு. ஏஸேவ நயோதி து³க்கடபாடிதே³ஸனீயே அதிதி³ஸதி. ஹீதி ஸச்சங். ‘‘வசனதோ’’தி பத³ங் ‘‘வேதி³தப்³போ³’’தி பதே³ ஞாபகஹேது. த³த³மானாய பி⁴க்கு²னியா வஸேனாதி யோஜனா. எத்தா²தி ஸிக்கா²பதே³. தஸ்மாதி யஸ்மா அபமாணங், தஸ்மா.
553. Paṭidesetabbākāraṃ dasseti anenāti paṭidesetabbākāradassanaṃ. Dvinnaṃ saddānaṃ pariyāyabhāvaṃ dassetuṃ vuttaṃ ‘‘rathikāti racchā’’ti. Rathassa hitā rathikā. Ṇyapaccaye kate ‘‘racchā’’ti (moggallāne 4.72 sutte) vuccati. Racchantarena anibbiddhā racchā byūho nāmāti āha ‘‘anibbijjhitvā’’tiādi. Byūheti sampiṇḍeti jane aññattha gantumapadānavasenāti byūho. Siṅghāṭakaṃ nāma maggasandhīti āha ‘‘maggasamodhānaṭṭhāna’’nti. Siṅghati maggasamodhānaṃ karoti etthāti siṅghāṭakaṃ. Etesūti rathikādīsu. Eseva nayoti dukkaṭapāṭidesanīye atidisati. Hīti saccaṃ. ‘‘Vacanato’’ti padaṃ ‘‘veditabbo’’ti pade ñāpakahetu. Dadamānāya bhikkhuniyā vasenāti yojanā. Etthāti sikkhāpade. Tasmāti yasmā apamāṇaṃ, tasmā.
இத³ந்தி வசனங் வுத்தந்தி ஸம்ப³ந்தோ⁴. ஸம்பி⁴ன்னே ஏகரஸே காலிகத்தயேதி யோஜனா.
Idanti vacanaṃ vuttanti sambandho. Sambhinne ekarase kālikattayeti yojanā.
556. ‘‘தா³பேதீ’’தி ஹேதுத்த²கிரியாய காரிதகத்துகாரிதகம்மானி த³ஸ்ஸேதுங் வுத்தங் ‘‘அஞ்ஞாதிகாய அஞ்ஞேன கேனசீ’’தி. அஞ்ஞேனாதி அத்தனா அஞ்ஞேன. ‘‘தாய ஏவ வா பி⁴க்கு²னியா அஞ்ஞேன வா கேனசீ’’தி பதா³னி ‘‘படிக்³க³ஹாபெத்வா’’திபதே³ காரிதகம்மானீதி. பட²மங்.
556. ‘‘Dāpetī’’ti hetutthakiriyāya kāritakattukāritakammāni dassetuṃ vuttaṃ ‘‘aññātikāya aññena kenacī’’ti. Aññenāti attanā aññena. ‘‘Tāya eva vā bhikkhuniyā aññena vā kenacī’’ti padāni ‘‘paṭiggahāpetvā’’tipade kāritakammānīti. Paṭhamaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 1. பட²மபாடிதே³ஸனீயஸிக்கா²பத³ங் • 1. Paṭhamapāṭidesanīyasikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 1. பட²மபாடிதே³ஸனீயஸிக்கா²பத³வண்ணனா • 1. Paṭhamapāṭidesanīyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / பாடிதே³ஸனீயஸிக்கா²பத³வண்ணனா • Pāṭidesanīyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 1. பட²மபாடிதே³ஸனீயஸிக்கா²பத³வண்ணனா • 1. Paṭhamapāṭidesanīyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 1. பட²மபாடிதே³ஸனீயஸிக்கா²பத³வண்ணனா • 1. Paṭhamapāṭidesanīyasikkhāpadavaṇṇanā
